مســــــــــــــ حرسم ــــــــــــــــــــرح

مســــــــــــــ حرسم ــــــــــــــــــــرح


14-03-2013, 05:29 PM


  » http://sudaneseonline.com/cgi-bin/sdb/2bb.cgi?seq=msg&board=420&msg=1363282189&rn=0


Post: #1
Title: مســــــــــــــ حرسم ــــــــــــــــــــرح
Author: أبوذر بابكر
Date: 14-03-2013, 05:29 PM

حرسم

يا أخانا الذى فى أعالى الحضور المنير

تعرف

فجأة كده قررت اقرا اسمك من الآخر
ما عارف اللزانى شنو عشان امش ابدا من النهاية

يمكن الايعاز باللز ده جا من شدة العشرقة الانتابت الاحساس

لقيت انه الاسم ممكن بكل بساطة وبدون اى معاناة فى فرزعة الحروف
ممكن يبقى

مسرح

ح ر س م
م س ر ح

وممكن كمان يخلق افق جيوميترى انيق
على الرغم من البساطة الفى قلة العدد

عدد الحروف

اربعة بس

اربعة وخامسهم لونهم
او طعمهم

طيب

المقولة ديك حقت زمان بتقول شنو ؟

اعطنى مسرحا اعطيك شنو كده

المهم المقايضة فيها ربح ثمين جدا ما هين

اعطيك أمة ؟

اعطيك حياة ؟

اعطيك عالم كويس ؟

كله وارد

أما بعد

بجيك تانى بشوية تفاصيل عن التفكر الجايط ده

عن الاسم وحروف الاسم

Post: #2
Title: Re: مســــــــــــــ حرسم ــــــــــــــــــــرح
Author: مجدي عبدالرحيم فضل
Date: 14-03-2013, 08:51 PM
Parent: #1

سبحان الله يا اباذر المطر

واصلـــ في مسرحك ونحن حضور وانت لا تعلم بان الاخ حرسم مسرحي قديم واديب وشاعر

مرور للتحيه يا اباذر تحياتي

،،،،أبوقصي،،،،

Post: #3
Title: Re: مســــــــــــــ حرسم ــــــــــــــــــــرح
Author: أبوذر بابكر
Date: 15-03-2013, 07:01 AM
Parent: #2

تحياتى يا أبا قصى

كيف الحال

فعلا والله
ما عندى خلفية سابقة عن الزول الشاسع ده
لكن لفت نظر الشوف الفينا
الحضور الأخضر الكثيف
والضل الوافر الضليل
وتنوع المواضيع البستانى المليان ثمار

والحرف النضار

فا شنو

طوالى بقى يتوارى للزول

زى كأنه مسرح محتشد ومليان بالحاجات السمحة

وعلى العليهو
جات حتة الإسم دى

وتحياتى تانى

Post: #4
Title: Re: مســــــــــــــ حرسم ــــــــــــــــــــرح
Author: درديري كباشي
Date: 15-03-2013, 08:22 AM
Parent: #3

اجمال ما في حرسم انه انسان يتدفق مثل النبع لايرجى جزاءا من احد ولا شكورا

لا يكتم مشاعره وما في قلبه سرعان ما يتسلل الى انامله

فينزل في الكيبورد سهلا سلسلا دون اي عقد او تحسس..

يفتح مواضيع عميقه يرد على نفسه ان لم يجد من يفهم مقصده

انسان صادق قادر ان يفكر بصوت عالي وسط الزحمة والجوطة

فأن لم يسمعه أحد يكفيه انه قادر ان يسمع ..

مثل كتابة حرسم هذه مثلل ظل شجرة اللبخ

لا تندم وتتحسر على النوم فيه الا عندما تجد نفسك تسطلي بلهيب شمس حارقة في عز الصحراء وتتلظلى بها ..

Post: #5
Title: Re: مســــــــــــــ حرسم ــــــــــــــــــــرح
Author: أبوذر بابكر
Date: 15-03-2013, 10:40 AM
Parent: #4

صحيح يا درديرى

بالضبط والله ده الكلام الأنا عايز اقوله

ودى كل الحاجات الزى ما بغنى الكاشف

الغصبن عنك
تلفت نظرك

هو فعلا كده

وزيادة كمان

مشكور ياخ
شكر شديد
و ود مديد

ليك يا كباشى

Post: #6
Title: Re: مســــــــــــــ حرسم ــــــــــــــــــــرح
Author: أبوذر بابكر
Date: 15-03-2013, 10:50 AM
Parent: #4

تعرف يا حرسم

مرام وغاية النضمى ده شنو ؟

ومن مدخل الاسم
والولوج برجل الحبر اليمين

انه هنا
فى المنبر المحيط ده

ناس سمحين كتار عبرو
ومداد غزير سال من وفى وديان الكتابة
الكتابة زى ما هى، وبكل الحاجات المضيئة الفيها
ومطر وفير هطل هنا من سحائب تريانه وبطرانة

ناس كتار يدخلوك ويسكنو جواك

وتانى ما تقدر تخليهم ولا تنساهم

بوريك اساميهم يوم تانى
واحتمال اضوقك طعمهم الشهى العجيب

قام شنو

فاتو ومشو ورحلو

وهسه فيك انت وبيك
الزول بدا يشم نوع من العبير يشيلك ويحلق بيك فى حتات قصية ملونة ومعطرة

وزى تقول الزول شم ريحة عافية الجمال

اشكال والوان
انسام وانغام
رؤية وكلام


المهم باختصار

فى كائن فنان

ان شاء الله تسعد ياخ وتطيب

وتلقى الدايرو فى نيتك

يا مسرح

Post: #7
Title: Re: مســــــــــــــ حرسم ــــــــــــــــــــرح
Author: أبوذر بابكر
Date: 17-03-2013, 10:00 AM
Parent: #1


Post: #8
Title: Re: مســــــــــــــ حرسم ــــــــــــــــــــرح
Author: علي عبدالوهاب عثمان
Date: 17-03-2013, 10:54 AM
Parent: #7

كمان شاعر رقيق ..
وصاحب رمزيات وعمق ..
اسلوبه نخبوي وعالي المستوى ..
يتهيب المرء ان يتناول شعره لأن عمقه لا يمكن ادراكه ..
التحية له ..

Post: #9
Title: Re: مســــــــــــــ حرسم ــــــــــــــــــــرح
Author: أبوذر بابكر
Date: 17-03-2013, 01:53 PM
Parent: #8

كيف الحال يا على

الزول ده تعرف

نوع الناس البعجبو

يعجب تب ويملاك اعجاب لامن تدفق

Post: #10
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 17-03-2013, 03:00 PM
Parent: #9

Quote: حرسم

يا أخانا الذى فى أعالى الحضور المنير

تعرف

فجأة كده قررت اقرا اسمك من الآخر
ما عارف اللزانى شنو عشان امش ابدا من النهاية

يمكن الايعاز باللز ده جا من شدة العشرقة الانتابت الاحساس

لقيت انه الاسم ممكن بكل بساطة وبدون اى معاناة فى فرزعة الحروف
ممكن يبقى

مسرح

ح ر س م
م س ر ح



اباذر بابكر


ياخ مفاجأة لم تمكنى من رد الشهيق ولا مد الزفير الا بعد محاولات عدة

اتدرى لماذا ؟

نحن فى زمن قل ما تكون انت انت كما انت ويراك آخر كما انت او يقرأك كما يجب او يتمعن فيك او فى اسمك او منتجك او انسانك

ابوذر بابكر

رغم كل محاولاتى استنهاض كل حروفى ولغتى لتكون معى وفى معيتى هنا
فى هذه اللحظة
لم اجد غير لغة النسيم والبحر والجبل
انا من مدينة تبيت كل ليلة بين البحر والجبل فتاخذ من كل منهما منحة ومهنة وتعطيك انسانيتك كيفما تشتهى

حتما لو عاونتنى لغتى ساكتب عن وجه من ملامحى قديم كنت اخاله يختفى لكنه يطل هذه المرة من انسان رقيق لا اعرفه الا عبر كلماته التى اقرأ هنا

لو جاءت هذه الكتابة من رجل اعرفه ويعرفنى على الطبيعة لكنت استطعت الرد

لكن ما يغلبنى فعلا كتابته هنا
هو عن نفسى

هاك نسيمى وبحرى وفناء الجبل

ساعود حين ياخذ الشهيق والزفير دورته المعتادة

Post: #11
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 17-03-2013, 05:52 PM
Parent: #10

Quote: وممكن كمان يخلق افق جيوميترى انيق
على الرغم من البساطة الفى قلة العدد

عدد الحروف

اربعة بس

اربعة وخامسهم لونهم
او طعمهم

طيب

المقولة ديك حقت زمان بتقول شنو ؟

اعطنى مسرحا اعطيك شنو كده

المهم المقايضة فيها ربح ثمين جدا ما هين

اعطيك أمة ؟

اعطيك حياة ؟

اعطيك عالم كويس ؟

كله وارد

أما بعد

بجيك تانى بشوية تفاصيل عن التفكر الجايط ده

عن الاسم وحروف الاسم


الجميل ابوذر بابكر

الف تحية بدون اى تحفظات

رب اخ لك لم تلده امك

المؤمن مرآة اخيه المؤمن

كلها تذكرتها وانا بين دفاتر عملى وكمبيوترى وحساباتى


قلت لنفسى

هناك من يحتفون بك ويبحثون عنك ويتابعون حرفك وفعلك


شكرا مرة اخرى

Post: #12
Title: Re: مســــــــــــــ حرسم ــــــــــــــــــــرح
Author: محمد سنى دفع الله
Date: 18-03-2013, 04:00 AM
Parent: #11

رغم كل محاولاتى استنهاض كل حروفى ولغتى لتكون معى وفى معيتى هنا
فى هذه اللحظة
لم اجد غير لغة النسيم والبحر والجبل
انا من مدينة تبيت كل ليلة بين البحر والجبل فتاخذ من كل منهما منحة ومهنة وتعطيك انسانيتك كيفما تشتهى

حتما لو عاونتنى لغتى ساكتب عن وجه من ملامحى قديم كنت اخاله يختفى لكنه يطل هذه المرة من انسان رقيق لا اعرفه الا عبر كلماته التى اقرأ هنا

لو جاءت هذه الكتابة من رجل اعرفه ويعرفنى على الطبيعة لكنت استطعت الرد

لكن ما يغلبنى فعلا كتابته هنا
هو عن نفسى

هاك نسيمى وبحرى وفناء الجبل

ساعود حين ياخذ الشهيق والزفير دورته المعتادة
الكتــابــة الطاعمة

Post: #13
Title: Re: مســــــــــــــ حرسم ــــــــــــــــــــرح
Author: محمد البحر
Date: 18-03-2013, 04:13 AM
Parent: #12

غايتو البوست دا انا الا اشتغل صفاق بس
البوست سمح وكلامو سمح وصاحب البوست والمكتوب فيهو البوست سمح السمح
غايتو نحن ناس صفقه ساى
حسى بعد كلام ابوى السنى فى كلام تانى

Post: #18
Title: Re: مســــــــــــــ حرسم ــــــــــــــــــــرح
Author: أبوذر بابكر
Date: 18-03-2013, 07:12 AM
Parent: #13

كلنا نشيل يا بحر

ونشارك فى الصفقة

نشيد واغنية ومدحة ودوبيت ونمة

Post: #17
Title: Re: مســــــــــــــ حرسم ــــــــــــــــــــرح
Author: أبوذر بابكر
Date: 18-03-2013, 07:10 AM
Parent: #12

السنى

الزول البطمئن الناس

حباب ومراحب بيك وليك

Post: #14
Title: Re: مســــــــــــــ حرسم ــــــــــــــــــــرح
Author: أبوذر بابكر
Date: 18-03-2013, 06:13 AM
Parent: #10

يا محمد الباهى

قالوا

فى البدء كان الكلمة

ونقول
ان الحرف طائر إسمه الضوء، والكلمة إكسير آخر للحياة ومعنى عالى للروح
والكتابة فى أقصى كينونتهما، هى سليلة غيم الإحساس،هى ضجيج الروح سراً جهورا، أو علانية واجفة، طلبا لراحة لا تنال، وهى فى أقصى تمردهما على أرض الجسد وسماء الروح، إعلان بصوت الدم عن مطلق الشغف
الشغف بمن نحب وما نحب
إعلان لا يعلن عن ذاته، لكنه وهو فى كامل وعيه المضنى، ولا تسمعه سوى أذن اللحظة، اللحظة الحاضرة فوق الورقة
والمنسكبة من نبع الدواة

لا تتفاجأ يا صاحبى

فنحن دوما نحتفى بالأشجار

وهل الناس إلا أشجار ؟

وأنت شجرة

دعك من "تا" تأنيثها المتشبثة بكينونتها الشهية، فهى محض انحياز للحياة نفسها
والحياة "بجلالة قدرها" أنثى

نحن نحب الأشجار ونحتفل بها حضورا باذخا يهب المعانى كلها
ظل همير وثمر كثير ومنظر اثير

وأنت شجرة

لا تتفاجأ ابدا

فحين ينعكس ضوء الشمس من لدن صباحها اليومى
نرى و نُرى، نراهم ونرانا
حينها تستوجب الرؤية والنظر، التسبيح بحمد الشمس وشكرها

كيف كنا سنرى الآخرين ونرى ذواتنا إن لم تأت الشمس ؟

لا تتفاجأ

وحين يعلن الظمأ حضوره فى رغبة الإستسقاء، نهرول صوب صديقنا النهر
وقبل أن نمد طلبنا مشفوعا برجاء مستكين، نجده وقد مد كفه السخية بشربة تربت على صدر العطش
نرتوى ونروى

ثم نغنى للنهر

وأنت نهر

فدعنا نغنيك و "ندوبيك" ونحدث عنك

أنت النهر

Post: #15
Title: Re: مســــــــــــــ حرسم ــــــــــــــــــــرح
Author: أبوذر بابكر
Date: 18-03-2013, 06:17 AM
Parent: #10

ولم لا نحتفى بك يا حرسم؟

فقد طلعت على سماء المنبر
بدرا أتم اسبوعيه وخرج الى افقه وسيما قسيما

حتى غازلته الأنجم فى الطرقات
بمثل الطريقة التى غازل الناس بها
فتى استاذنا الدكتور بشرى الفاضل

لذا فقد وجب الشكر علينا

رفقة الإعجاب والإمتنان كذلك

يبذل الخلق والناس امتنانهم لكل شئ جميل

فدونك ما لدينا

وخذه بقوة

Post: #16
Title: Re: مســــــــــــــ حرسم ــــــــــــــــــــرح
Author: Shaker Hamid
Date: 18-03-2013, 06:36 AM
Parent: #15

استاذنا ابوذر بابكر

تحية ندية تسكن فى التفاصيل

شاعرنا الجميل والمسرحى وصديقى فى سوء الطالع محمد عبد الله حرسم .
هو من الاقلام الجادة فى كثير من المنديات
وهو شاعر والشعراء امراء الكلام يصرفونه انى شاءوا وجائز لهم مالا يجوز لغيرهم

له الرائ الثاقب والتدبير الناقد لايضع رايه الا فى مواضع الاصاله
ولا يصرف تدبيره الا على مواقع السداد والاصابة يرى فى الواقب فى مراة عقله واراؤه سكاكين فى مفاصل الخطوب

شكرا لك اخى واستاذى ابوذر
لقد سلطت الضوء على شخصية يجب ان نوفيها حقها

لى عودة

Post: #19
Title: Re: مســــــــــــــ حرسم ــــــــــــــــــــرح
Author: أبوذر بابكر
Date: 18-03-2013, 07:15 AM
Parent: #16

تحياتى يا شاكر

وكل التقدير ليك
على مشاركتنا الاحتفال بالزول المسرح

تعرف

أنا المزعلنى شى واحد

الناس ديل كلهم بعرفو هذا الحرسم الجميل
وعندهم خبر عنه

ونحن ما نشوفه الا هنا ؟

لكن برضو كويس

وزى ما بقول الانجليز

تجى متاخر اخير من ما تجى كلو كلو

ولا شنو

وتانى ليك الشكر الهميم

Post: #20
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 18-03-2013, 07:30 AM
Parent: #19

Quote: سبحان الله يا اباذر المطر

واصلـــ في مسرحك ونحن حضور وانت لا تعلم بان الاخ حرسم مسرحي قديم واديب وشاعر

مرور للتحيه يا اباذر تحياتي

،،،،أبوقصي،،،،


صديقى الانيق مجدى ابوقصى

هل تصدقنى لو قلت لك بان اعرفك قبل ان اراك وكما تخيلتك يوما (انسانا )انيقا فخما -وجدتك

لا تدرى ما فعل بى هذا الاباذر الفخم

اخوض بحرى والملم اطرافى وادخل كبسولتى وكهفى الانيق الذى طرزته من خيوط حروفى وايامى فاذ به يفجر المفخخ من خباياى


يا ابو قصى ياخ شكرا احتفاءك هنا بى زول زيى

Post: #21
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 18-03-2013, 07:35 AM
Parent: #20

درديرى كباشى


Quote: اجمال ما في حرسم انه انسان يتدفق مثل النبع لايرجى جزاءا من احد ولا شكورا

لا يكتم مشاعره وما في قلبه سرعان ما يتسلل الى انامله

فينزل في الكيبورد سهلا سلسلا دون اي عقد او تحسس..

يفتح مواضيع عميقه يرد على نفسه ان لم يجد من يفهم مقصده



فأن لم يسمعه أحد يكفيه انه قادر ان يسمع ..

مثل كتابة حرسم هذه مثلل ظل شجرة اللبخ

لا تندم وتتحسر على النوم فيه الا عندما تجد نفسك تسطلي بلهيب شمس حارقة في عز الصحراء وتتلظلى بها ..



الزول الجميل درديرى

افخر بالضؤ حين يكون على البؤرة تماما

ويزدنى نظرا فى مرآتى انى وجدتك تقرأنى بكثير جدا من الحقيقة كما اعرفنى


(انسان صادق قادر ان يفكر بصوت عالي وسط الزحمة والجوطة)ا

انت الآن على سفينتى تبحر بينى ومعى توأما يعرف العشق والوضوح بيتا من النسيم وملامح الامس مفروشا بوثير اليوم مدثرا بآمال الغد الآتى

لو كان فى العمر بقية

ياخ تعبتنى

كتر خيرك

Post: #22
Title: Re: مســــــــــــــ حرسم ــــــــــــــــــــرح
Author: garjah
Date: 18-03-2013, 07:50 AM
Parent: #21

كيفك يا مطر

مشتاقين

كلامك سليم في الراجل السليم حرسم

حفظكم اللهة جميعا

Post: #23
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 18-03-2013, 09:01 AM
Parent: #22

ابوذر بابكر

Quote: تعرف يا حرسم

مرام وغاية النضمى ده شنو ؟

ومن مدخل الاسم
والولوج برجل الحبر اليمين

انه هنا
فى المنبر المحيط ده

ناس سمحين كتار عبرو
ومداد غزير سال من وفى وديان الكتابة
الكتابة زى ما هى، وبكل الحاجات المضيئة الفيها
ومطر وفير هطل هنا من سحائب تريانه وبطرانة

ناس كتار يدخلوك ويسكنو جواك

وتانى ما تقدر تخليهم ولا تنساهم

بوريك اساميهم يوم تانى
واحتمال اضوقك طعمهم الشهى العجيب

قام شنو

فاتو ومشو ورحلو

وهسه فيك انت وبيك
الزول بدا يشم نوع من العبير يشيلك ويحلق بيك فى حتات قصية ملونة ومعطرة

وزى تقول الزول شم ريحة عافية الجمال

اشكال والوان
انسام وانغام
رؤية وكلام


المهم باختصار

فى كائن فنان

ان شاء الله تسعد ياخ وتطيب

وتلقى الدايرو فى نيتك

يا مسرح
+++


تعرف الكلام دا مع سماحتو بيخوف فيهو جقيقة انو ممكن الزول ما يقدر يتم حاجتو ويمش
ومؤكد دى الحيقية طبعا

لكن وكتين تجيك من زول بيعرف معنى البحر والنسيم والشجر مؤكد عندو معنى اصيل وتوافقى

واكتر حاجة انا بترهقنى

المرايا وكتين تكون قصادى

بس برضو نقرأ سوا الانا شايفو والانت شايفو

قراية محايدة لو انا بقدر اكون الحيدة دى


ياخ مشتاق قيقراوى دا يمر بى هنا ما عارف ليه ؟

Post: #24
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 18-03-2013, 10:32 AM
Parent: #23

على عبد الوهاب

Quote: كمان شاعر رقيق ..
وصاحب رمزيات وعمق ..
اسلوبه نخبوي وعالي المستوى ..
يتهيب المرء ان يتناول شعره لأن عمقه لا يمكن ادراكه ..
التحية له ..


شكرا الاستاذ الجميل جدا ارتاوى

منكم تعلمت كيف يكون الانتماء

وبكم تكون الاماكن اجمل

والنسيم بين حروفكم ابهى

شكرا نسيما

Post: #25
Title: Re: مســــــــــــــ حرسم ــــــــــــــــــــرح
Author: السمانى عمارة
Date: 18-03-2013, 10:43 AM
Parent: #23

الاخ ابوذر بابكر

سلام كبير بمقدارك

تكتب عن حرسم بحروف مرسومة ومعلومة كانك تعرفه

من زمان بعيد

ورسمته كما تريد وكان هو وهو حرسم

ذلكم الشاعر الانيق العنيد فكيف تجمع بين هذا وذاك

وهذا لايغلب الرسام وخصوصا اذا كان المرسوم حرسم

فهو رئيس منتدى اربعائية النوبة

شعرا وثقافة ورياضة ومسرحا وجمالا واناقة

واشيد بك واشد على يدك بما جئت به فخرا لنا فانه منى وانا منه

تربى نهرا ونيلا وعاش بحرا وخرج حرسم

Post: #26
Title: Re: مســــــــــــــ حرسم ــــــــــــــــــــرح
Author: عبيد الطيب
Date: 18-03-2013, 11:37 AM
Parent: #25

Quote: يا أخانا الذى فى أعالى الحضور المنير

تعرف

فجأة كده قررت اقرا اسمك من الآخر
ما عارف اللزانى شنو عشان امش ابدا من النهاية

يمكن الايعاز باللز ده جا من شدة العشرقة الانتابت الاحساس

لقيت انه الاسم ممكن بكل بساطة وبدون اى معاناة فى فرزعة الحروف
ممكن يبقى

مسرح

ح ر س م
م س ر ح

وممكن كمان يخلق افق جيوميترى انيق
على الرغم من البساطة الفى قلة العدد

عدد الحروف

اربعة بس

اربعة وخامسهم لونهم
او طعمهم


ألم اقل لك في بوست سابق يا أبا ذر
فيك دعاشا من العبقرية
التحية والمحبة لك ولمحمد عبدالله حرسم ولكل "سمحين النّافلة" وجرارق الكلم
ومبدعي بلادي واصحاب الحرف الأخضر
محبتي

Post: #33
Title: Re: مســــــــــــــ حرسم ــــــــــــــــــــرح
Author: أبوذر بابكر
Date: 19-03-2013, 04:13 AM
Parent: #26

العزيز عبيد الطيب

يا عبيد الله

عبقرية راسها عديل ؟

لا لا يا زول يا سمح

يكفينا بس "عين" العبقرية
تدينا نظرة

أنا خمنت ساى يا عبيد
قلت خلى بالك الكائن المحتشد فيه الجمال ده
لازم ولابد يكون كائن ما عادى

وسبحان الله كلامى ما مشى بعيد تب

بس من وحى الإسم و "قلبنته"
لما قلت اقراه من الآخر وقام بقى لى مسرح

وشوف الصدفة كيف

يجى حرسم يطلع مش زول مسرح وخلاص

يطلع هو المسرح كله

فعلا وواقعا

يكون يا ربى أنا ولى وشيخ وما عارف روحى ؟

ههههههههههه

Post: #29
Title: Re: مســــــــــــــ حرسم ــــــــــــــــــــرح
Author: أبوذر بابكر
Date: 18-03-2013, 02:00 PM
Parent: #25

تحياتى يا السمانى
وجزيل التقدير

قالو فى الأثر المعلوم
وفى شأن معرفة الإنسان

تحدث لأعرفك

وقد تحدث هذا الإنسان فعرفناه

يكفى والله وبكل يسر يا عمارة
أن ينطق المرء جملة واحدة لتعرفه بها

بعض كلمات وعدة أحرف تكفى لحمل مكنوناته وسبر اغوار دواخله
لمعرفة الكثير

وقد عمنا حرسم ليس بالقليل الشحيح
بل بوابل من غيثه فأغنى واسمن
وروى وسقى

فكيف لا نعرفه بعدها؟

والله لم نعرف عنه من قبل
وهاهو تقديرنا يصادف من توسمنا فيه

ولكم الشكر اجمعين

الذين عرفتموه وسعدتم به قبلا

وهنا نحن ننضم الى زمرة المعجبين

Post: #28
Title: Re: مســــــــــــــ حرسم ــــــــــــــــــــرح
Author: أبوذر بابكر
Date: 18-03-2013, 01:52 PM
Parent: #23

يا زول عاين فى مرايتك زى ما عايز

سمح تحمد سيدك

والميم الفى نص "سمح" دى عليها شدة شديدة

امعانا فى التوكيد

Post: #27
Title: Re: مســــــــــــــ حرسم ــــــــــــــــــــرح
Author: أبوذر بابكر
Date: 18-03-2013, 01:50 PM
Parent: #22

بركة الشفناك يا قرجة

سنين والله ياخى ما نعمنا بى طلتك

دى برضو من البركات والفيوض الحرسمية

المرقتك الليلة وضويت بى جيتك هنا

Post: #30
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 18-03-2013, 04:33 PM
Parent: #27

lمحمد السنى دفع الله


Quote: الكتــابــة الطاعمة



عليك الله يا اباذر شوف الزول فى كلمتين عمل شنو ومشى

هو السنى الانسان الذى اعرف

وكان ذاك فى العام 1979م

كنا قبلها مزيج من حماس وفطرة لممارسة مسرح كيفما اتفق ربما تكون الكلمة الصحيحة فكانت ضمن كوكبة كبيرة من المسرحيات التى انتجها افراد وفرق محلية فى بورتسودان الى 1980-1973-م وهى فترة خصبة جدا فى تاريخ الدراما والمسرح على وجه الخصوص

من ضمن تلك المسرحيات مسرحية (تيراب اهلنا) كاول نص من بورتسودان يعرض على خشبة المسرح القومى بعد نضال طويل وقاس ومناورات وكاول ناس قمنا بانتصار للهامش وغزونا عقر دار المركز بتلك المسرحية التى قدمتها فرقة النورس للآداب والفنون بقيادة دكتور سيد احمد الحسن عمر راعى الفرقة
واثناء تلك المعارك وضح تماما لصانعى القرار فى المركز ان مدينة بورتسودان تستحق الاهتمام اكثر ولمسرح الثغر المبنى الجاهز ضرورة دعم فكان ان ارسلوا لنا تيم من ثلاث فنانين ورابعم فكرتنا

وصل الفريق بقيادة الاجمل على الاطلاق استاذنا السنى مديرا لمسرح الثغر ويعقوب صباح الخير (الله يرحمه) مشرفا فنيا وجعفر نصر مشرفا ثقافيا بالولاية

ما فعله هذا السنى فى فتر سنة واحدة قضاها بيننا 1979م- 1980م هو فعل السحر فقد انتجت الفرق والجماعات فقط فى ذاك العام اكثر من عشرين نصا نسرحيا متنوع من صغير ال كبير
بالاضافة للجزء الاهم

وهو كورس مسرحى للدراما وتاريخ الدراما والتمثيل والاخراج وقد قام باخراج مسرحية عرس الزين قام ببطولتها احمد البكرى المعروف حالليا
تخيل اكثر من خمسين ممثلا وممثلة يتحولون من هواة وفطريين الى اصحاب قواعد ومعرفة بتقنيات فنية للممارسة المهبة
فكان الانتاج الوفير لبورتسودان
والاسم الذى كلما ذمرت الدراما الى يومنا هذا ترى بورتسودان بحروف بارزة على خارطة المسرح فى السودان

السنى ياخ شكرا جزيلا على طعامتك انت وجهدك الذى سيذكره التاريخ

Post: #31
Title: Re: مســــــــــــــ حرسم ــــــــــــــــــــرح
Author: درديري كباشي
Date: 18-03-2013, 04:50 PM
Parent: #30

تعرف يا حرسم وطبعا بعد اذن ابو ذر ومن خلال تجربة المنتديات

اجمل واعمق معرفة وصداقة بين اثنين هي عندما تتم عبر الحروف وبين الكلمات ..

انا بديت اتبع حروفك وكلماتك والصورة التي كونتها في خيالي عن شكلك تتغير بتغير الجمل

مرات يأتيني شكل شاب مراهق طموح يبدأ في حياته عبر جمل مشرقة بالآمل

وتارات شبح رجل ناضج خاض التجارب واصبح منتجا للحكم .. يرص علامات الرجوع مثل ما يفعل قائد الكشافة حتى يمنع جنوده من التوهان ..

وكل ذلك كان ممتعا

Post: #32
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 18-03-2013, 05:12 PM
Parent: #30

عفوا يا صديقى السنى الانسان لم ارد ان اقصم ظهرك
فقط اردت ان يعرف الناس اسهامك فى خلق نهضة مسرحية ببورتسودان لاناس ذاكرتهم ضعيفة جدا اكثر مما نتخيل


الحبيب ابوذر

كانت هذه النقطة مهمة جدا للاقتراب من

حرسم


كنت قبلها قد الفت واخرجت فى 1973م عملين فى ليلة واحدة وانا طالب فى المتوسط ووقتها كان يسمى الوسطى
الكضاب وهى تاليف واخراج
وضحية الانسانية تاليف عبد الله عبد العال
واخراجى

ثم كانت الاعوام 1974م و1975م حيث بدأت اناهض ف ى الحضور على مستوى المدينة ثم السودان ثم الانسانية
اصدقائى كاوا يرون اشياء قد يكون من المفيد ان نذكر
كانوا يبتهجون بى ومعى وانا معهم فى الشارع وفى الحى وفى البيت نضحك ونتلاسن ونهيص ونبكى ونحزن ونفرح معا
لكنه يقولون لى اننى حين يصعدون على الخشبة يخافون منى ولا يعرفونى على الاطلاق لانى اتغير بشكل لافت فقط اركز على عملى ويمكن ان اطرد اى زول متفرج او ممثل يخرج على قوانين الحضور والبروفة

يقولون لى انت جاد جدا
حتى الذين الذين كانوا يأتون من الخرطوم فى تلك الفترة بمسرحيات فشلت ماديا فى غير بورتاسودان كانوا ياتون بها لبورتسودان لجمهورنا الجميل فيجمعون ويفرحون ويروننا
واحدة لا ادرى من عيوبى ام من حسناتى انى اقول ما اريد ان اقوله مهما كان من يقف امامى
لا يهمنى غير الحقيقة او على وجه الدقة ما اعتقده حقيقة وما اؤمن به .
الله يطراه بالخير الصحفى الجميل صالح حجير
هو اول من اطلق على القاب اخرى غير حرسم وتابع اخبارى على الجرائد ومجلة الاذاعة والتلفزيون حتى رسونا معا على لقب حرسم

فكانت ولادة حرسم

ساكتب لك فيما بعد ان مد الله فى الآجال لماذا حرسم


ووقتها كانت جميع مدراس التمرد على السائد مفتوحة وخرج من ذات المدرسة كل الذين حركوا الساكن فى الثقافة من حميد ومصطفى وقاسم ويحى فضل الله وكثيرون

هم ذات المدرسة التى لم تقبل السائد
بل تحركوا بجرأة نحو التجريب وفتح منافذ التجارب العالمية الاخرى

فكانت كل المنافذ مفتوحة
وهى تجربة ربما تتاح لنا فرصة اخرى ان نتحدث عنها لانها مشتركة بقواسم كثيرة ومرتبطة بين الهامش والمركز تحديدا بين بورتسودان كرائد وطليعى الخرطوم كمنبر اعلامى مدهش يحتاج كثيرا من الهز والجس والخلخلة



ساعود

Post: #34
Title: Re: مســــــــــــــ حرسم ــــــــــــــــــــرح
Author: أبوذر بابكر
Date: 19-03-2013, 04:19 AM
Parent: #32

قبل شويه يا حرسم

قلت لصديقنا عبيد الطيب

انه خلى بالك أنا اكون

ولى وشيخ وما عارف روحى

والله ما صدقت

من وحى كتاباتك المليانة حاجات سمحة لامن مدفقة
وبدافع الإعجاب الشديد والفرح الكتير لما الزول لقى ليه زول بستان
قلت افكك الإسم الغريب ده واشوف جواه فى شنو
وفى غمرة التفكيك جات القراية ال بالقلبه

وطلعت مسرح

وتجى انت كلك تطلع المسرح ذاته ؟

لا لا خلاص يا زول من الليله

اعتمدونى ولى وشيخ خطير

فزنا والله وربحنا

فزنا فوز كبير
وربحنا لينا فنان أكبر واجمل

تتبارك ايامك
ويطيب عمرك ان شاء الله

قول آمين

Post: #35
Title: Re: مســــــــــــــ حرسم ــــــــــــــــــــرح
Author: محمد البحر
Date: 19-03-2013, 05:15 AM
Parent: #34

عندما كنا نسرق النظر ونحن فى رعيان الشباب نرا عمالقه يقفون على الخشب المسرحيه فى مدينتى بورتسودان فتحس بالرهبه ...
لقد كبرنا فى مدينه فيها....
كلات الموانى
والكافاب
ومسرح الثغر
وعمر افندى
ومحمد المصطفى فايتاب
وجمال الدين شبيكة
وحرسم
كبرنا فى محيط هذا الزخم الجميل ننهل من معيه هولاء القوم
حبا وكرامه.
من منا لم يقدل الهوينه على نغمات النص المسرحي( تهشو)
وحسدنا جماعة الموانى المسرحية.

شكرا اباذر لهذا المساحة
شكرا ليك ياخ

Post: #36
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 19-03-2013, 06:48 AM
Parent: #35

Quote: غايتو البوست دا انا الا اشتغل صفاق بس
البوست سمح وكلامو سمح وصاحب البوست والمكتوب فيهو البوست سمح السمح
غايتو نحن ناس صفقه ساى
حسى بعد كلام ابوى السنى فى كلام تانى


صديقى محمد البحر واحد فنانى بورتسودانى

بنكهة الجمال مفردة وحضورا مميز ونقى

كن بخير
انت لا تتفرج ابدا

انت احد صناع الحراك

كن هنا فجأة جالت بخاطرى ان اكتب مع اباذر نسائم كانت بين البحر والجبل

كيف كنا وكيف عشنا دراما تشبه تاريخ هذه المدينة

بورتسودان التى اعشق حد الثمالة

Post: #37
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 19-03-2013, 09:29 AM
Parent: #36

Quote: قالوا

فى البدء كان الكلمة

ونقول
ان الحرف طائر إسمه الضوء، والكلمة إكسير آخر للحياة ومعنى عالى للروح
والكتابة فى أقصى كينونتهما، هى سليلة غيم الإحساس،هى ضجيج الروح سراً جهورا، أو علانية واجفة، طلبا لراحة لا تنال، وهى فى أقصى تمردهما على أرض الجسد وسماء الروح، إعلان بصوت الدم عن مطلق الشغف
الشغف بمن نحب وما نحب
إعلان لا يعلن عن ذاته، لكنه وهو فى كامل وعيه المضنى، ولا تسمعه سوى أذن اللحظة، اللحظة الحاضرة فوق الورقة
والمنسكبة من نبع الدواة



فى البدء كان الكلمة

والكلمة مفتاح

لباب خلفه الف فضاء


.

Post: #38
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 19-03-2013, 10:11 AM
Parent: #37

Quote: ولم لا نحتفى بك يا حرسم؟

فقد طلعت على سماء المنبر
بدرا أتم اسبوعيه وخرج الى افقه وسيما قسيما

حتى غازلته الأنجم فى الطرقات
بمثل الطريقة التى غازل الناس بها
فتى استاذنا الدكتور بشرى الفاضل

لذا فقد وجب الشكر علينا

رفقة الإعجاب والإمتنان كذلك

يبذل الخلق والناس امتنانهم لكل شئ جميل

فدونك ما لدينا

وخذه بقوة


يا اباذر بابكر

كيف يطيق البحر ملامسة المراكب

وكيف تطيق المراكب المشى فوق همسات واموج البحر

يا من حملتنى بعد الدهشة اغنية الحياة والمجىء

نخل على قيف الكلام
وبعض احلام متدفقة

استميت فى قول انى انا انا واجىء انا انا فقط لانى انا بدون مواربة ولا خجل ولا تباهى


.

Post: #39
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 19-03-2013, 03:39 PM
Parent: #38

Quote: استاذنا ابوذر بابكر

تحية ندية تسكن فى التفاصيل

شاعرنا الجميل والمسرحى وصديقى فى سوء الطالع محمد عبد الله حرسم .
هو من الاقلام الجادة فى كثير من المنديات
وهو شاعر والشعراء امراء الكلام يصرفونه انى شاءوا وجائز لهم مالا يجوز لغيرهم

له الرائ الثاقب والتدبير الناقد لايضع رايه الا فى مواضع الاصاله
ولا يصرف تدبيره الا على مواقع السداد والاصابة يرى فى الواقب فى مراة عقله واراؤه سكاكين فى مفاصل الخطوب

شكرا لك اخى واستاذى ابوذر
لقد سلطت الضوء على شخصية يجب ان نوفيها حقها

لى عودة


الجميل العزيز الصديق شاكر حامد
شاكر جضورك هذه الاحتفائية التى فعلا فاجأتنى بقدر ما اسعدتنى وحملتنى مزيدا من البحث عن مسارات للعقل والفكر والانسان اينما كان


سيدى الجميل الدراميون هم اهل الوجعة والحارة

هم خلف كل نبض وعيى يهل ويطل

ام سعد يجىء ينبهل

او غيمة ماطرة

او حفل اغنية تذاع


سيدى الانيق حتما سعيد بك


دعنا نواصل الحفر معا

Post: #40
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 19-03-2013, 05:03 PM
Parent: #39

Quote: كيفك يا مطر

مشتاقين

كلامك سليم في الراجل السليم حرسم

حفظكم اللهة جميعا



قرجا يا صاحب يا ابن بيئتى ومد يدى وعيون لسانى

احس كلماتك الدافئة مساحة من جرف برائحة الدعاش

شكرا سليما نسيما توقيعك هنا صدقا وبصمة

Post: #41
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 19-03-2013, 06:17 PM
Parent: #40

Quote: الاخ ابوذر بابكر

سلام كبير بمقدارك

تكتب عن حرسم بحروف مرسومة ومعلومة كانك تعرفه

من زمان بعيد

ورسمته كما تريد وكان هو وهو حرسم

ذلكم الشاعر الانيق العنيد فكيف تجمع بين هذا وذاك

وهذا لايغلب الرسام وخصوصا اذا كان المرسوم حرسم

فهو رئيس منتدى اربعائية النوبة

شعرا وثقافة ورياضة ومسرحا وجمالا واناقة

واشيد بك واشد على يدك بما جئت به فخرا لنا فانه منى وانا منه

تربى نهرا ونيلا وعاش بحرا وخرج حرسم


الحبيب ابن بلدى وقريتى ودمى

لك التحية الاستاذ السمانى بكل كلمة انيقة مهرتها بتوقيعك الانيق

وانا اعتز انى من دمك واننا نبحث عن فضاء اجمل بذات الصدق مهما تنوعت الرؤى

ذات النيل يمر من عند باب بيتنا معا
وذات النخلة هى التى تلد كل عام مرحلة
وذات الارض التى نتهجى فيها النهر والنسيم يطربنا الجلوس على الضفة نغنى معا يا بلدى يا حبوب


شاكر كلماتك الانيقة وتوقيعك هنا

Post: #42
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 20-03-2013, 08:37 AM
Parent: #41

Quote: ألم اقل لك في بوست سابق يا أبا ذر
فيك دعاشا من العبقرية
التحية والمحبة لك ولمحمد عبدالله حرسم ولكل "سمحين الدنّافلة" وجرارق الكلم
ومبدعي بلادي واصحاب الحرف الأخضر
محبتي



الطيب الجميل عبيد الطيب


تقبل تحياتى وتقديرى لكماتك الانيقة وتوقيعك البهى هنا

ولك المحبة باعمق واجمل مما كيتب حرفا

ولا نزال كل يوم نكسب ارضا ونسمة وضفة وبهاء بحضوركم القوى على كل الاغنيات الحاضرة

Post: #43
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 20-03-2013, 09:45 AM
Parent: #42

Quote: يا زول عاين فى مرايتك زى ما عايز

سمح تحمد سيدك

والميم الفى نص "سمح" دى عليها شدة شديدة

امعانا فى التوكيد


ابوذر بابكر


لا زلت احاول ان ارى بذات الوضوح الذى وعدت نفسى به ووعدت مراياى


يوم يرهقنى النسيم والالضفة ولملمة المشتت منى سارسى على قاربى يعمنى الصمت


حتما الآن للصراخ والبحث الف معنى

Post: #44
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 20-03-2013, 03:39 PM
Parent: #43

درديرى كباشى

Quote: تعرف يا حرسم وطبعا بعد اذن ابو ذر ومن خلال تجربة المنتديات

اجمل واعمق معرفة وصداقة بين اثنين هي عندما تتم عبر الحروف وبين الكلمات ..

انا بديت اتبع حروفك وكلماتك والصورة التي كونتها في خيالي عن شكلك تتغير بتغير الجمل

مرات يأتيني شكل شاب مراهق طموح يبدأ في حياته عبر جمل مشرقة بالآمل

وتارات شبح رجل ناضج خاض التجارب واصبح منتجا للحكم .. يرص علامات الرجوع مثل ما يفعل قائد الكشافة حتى يمنع جنوده من التوهان ..

وكل ذلك كان ممتعا


تعرف يا درديرى فى عام 1980م اشتغلت مسرحية التلتوار على خشبة مسرح الثغر والمهم جينا انا ومعاى اربعة ممثلين نخش السينما الدور الثانى لقينا ليك زول شاف المسرحية اربع مرات ومنتظر ناسو قاطعم ليهم تذاكر وما جو المهم يا زول عليكم الله لغاية ما دخلنا مهاعو لوج
يلا قوم انا طبعا الوحيد ال ما شافنى فى المجموعة وقعد ينضم على المسرحية بطريقة حماسية وديل اولاد بورتسودان والمؤلف والمخرج والممثلين والذى منه هارنا هرية وما شفنا الفلم كلو كلو من كتر حماسه وحبه لما شاهده
الشاهد فى الموضوع قام واحد من الممثلين قال ليهو داير تعرف مؤلف الشغر ومخرجه قال ايوا ياريت
قال ليهو ياهو دا
اتلفت وعاين لى كدا وسريع جدا قبل وشو الناحية التانية وتانى رجع عاين لى كدا وتانى بى نفس السرعة ودا وشو الناحية التانية وهو يقول لالالالالا اصلو ما ممكن كلو كلو
المهم فى النهاية بى اخوى واخوك اقنعناهو انو انا المؤلف والمخرج وسالتو انت كنت متخيلو كيف الزول حسب الموضوع الشافو
قام جاب اوصاف بعيدة جدا عن اوصافى الجسمانية
مافى اى طريقة تكون قريبة ذاتو
بالضحك حتى الناس الجنبنا ذاتم ما خليناهم يتفرجو
وكل شوية يتلفت ويعاين لى

ويقول ليك دا!


ويضحك

اديتو كرت دعوة موقعة بى توقيعىى لىارسته ولما دخل تانى يوم مجان وقعد قدام فى البلكونة واتفرج بى راحتو فى آخر المسرحية جيت خاشى للتحية قعد يضحك ويضحك

ياخى الصغيرونى دا
ههههههههههههههه



بجيك لى كلام الفوق دا

Post: #45
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 21-03-2013, 07:15 AM
Parent: #44

Quote: قبل شويه يا حرسم

قلت لصديقنا عبيد الطيب

انه خلى بالك أنا اكون

ولى وشيخ وما عارف روحى

والله ما صدقت


هى الشياخة كمان حكر ههههههههه

ياخ دا من نور الهامك بس

ربما اكون قد عترت على بعض روحى هنا بهذه السرعة لان المنبر منبر تختلط فيه الانساب
هنا تجد كل شىء

ولكن ايضا بين الشقوق تجد من يناسبك واجمل الحضور هو تكتشف او يكتشفك احد

فقط استمتع حيث تكون حين تكتب وحين يكتب عنك

Post: #46
Title: Re: مســــــــــــــ حرسم ــــــــــــــــــــرح
Author: درديري كباشي
Date: 21-03-2013, 09:11 AM
Parent: #45

العبقرية يا حرسم هي ان تستصحب كل مراحل عمرك وانت تكتب

فيجد الطفل الشاب المراهق الرجل الناضج والكهل انفسهم بين حروفك .. وكل واحد يجد مرقد يلائمه ويلائم سنه وحجم تفكيره ..

تعرف اسوأ تشخيص للفن السوداني هو على اساس اغنية شبابية واغنية مش عارف شيخوخيه ..

في حين أغنية للوصية التي كتبها اسماعيل حسن في الخمسينات ولحنها برعي احمد دفع الله وغناها وردي في ذات الفترة ..

الآن ترقص وترددها طفلتي المولودوة في عام 2008

متى نتعلم ان الفن لايعترف بالزمن

فهو ليس موضة كاالملابس

Post: #47
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 21-03-2013, 05:16 PM
Parent: #46

Quote: تعرف يا حرسم وطبعا بعد اذن ابو ذر ومن خلال تجربة المنتديات

اجمل واعمق معرفة وصداقة بين اثنين هي عندما تتم عبر الحروف وبين الكلمات ..

انا بديت اتبع حروفك وكلماتك والصورة التي كونتها في خيالي عن شكلك تتغير بتغير الجمل

مرات يأتيني شكل شاب مراهق طموح يبدأ في حياته عبر جمل مشرقة بالآمل

وتارات شبح رجل ناضج خاض التجارب واصبح منتجا للحكم .. يرص علامات الرجوع مثل ما يفعل قائد الكشافة حتى يمنع جنوده من التوهان ..

وكل ذلك كان ممتعا



عجبتنى جدا


وبجيك

Post: #48
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 23-03-2013, 07:35 AM
Parent: #47

Quote: عندما كنا نسرق النظر ونحن فى رعيان الشباب نرا عمالقه يقفون على الخشب المسرحيه فى مدينتى بورتسودان فتحس بالرهبه ...
لقد كبرنا فى مدينه فيها....
كلات الموانى
والكافاب
ومسرح الثغر
وعمر افندى
ومحمد المصطفى فايتاب
وجمال الدين شبيكة
وحرسم
كبرنا فى محيط هذا الزخم الجميل ننهل من معيه هولاء القوم
حبا وكرامه.
من منا لم يقدل الهوينه على نغمات النص المسرحي( تهشو)
وحسدنا جماعة الموانى المسرحية.

شكرا اباذر لهذا المساحة
شكرا ليك ياخ


صديقى الجميل ابن مدينتى محمد البحر

تحية قلبية صادقة

وبعد

ان اسوأ مافى كتابة التاريخ (تاريخ السودان تحديدا) هو الاختيار
والاختيار يعطى الانطباع بان السرد راى شخصى وانطباعى ومزاجى جدا
لكل الذين كتبوا عن تاريخ الدراما فى السودان فقد ظلموا الحركة المسرحية فى بوزرتسودان

ان بورتسودان نهضت دراميا قبل فترة طويلة جدا

فقط كان هناك تاصيل لنهضة الفكرة والشكل وعصرنة التناول منذ العام 1973م

وبدأت ممارسات فردية
ابراهيم سينما
الياس حسن الياس
عبد الحليم محمد ابراهيم
ثم
شهاب الدين الشفيع
ثم حرسم
ثم هاشم احمد طاهر
ثم



حركة التبادل بين الهامش والمركز

استاذنا السنى دفع الله ويعقوب صباح الخير وجعفر نصر

ثم

حركة تبادل الخبرات بين المعهد والحركة النهضة

جلال بلال
قاسم ابوزيد
صوصل

ثم كانت حركة الذين انتموا منا للمعهد
محجوب محمد احمد
احمدطه عمفريب
نعمات هرون
سلوى درويش
احمد البكرى
ابوسوار
ثم
اسماء تفوتنى احجيانا وتعود
شاكر عمر قبسة

ثم


ان تناول حركة النهضة لا ينسينا ابدا
عمر افندى
نمر سعد
ابوسنينة
محجوب الحاج



وتونا (فاطمة رمضان )

وفرقة الموانىء



وساعود

Post: #49
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 23-03-2013, 10:24 AM
Parent: #48

Quote: تعرف يا حرسم وطبعا بعد اذن ابو ذر ومن خلال تجربة المنتديات

اجمل واعمق معرفة وصداقة بين اثنين هي عندما تتم عبر الحروف وبين الكلمات ..

انا بديت اتبع حروفك وكلماتك والصورة التي كونتها في خيالي عن شكلك تتغير بتغير الجمل

مرات يأتيني شكل شاب مراهق طموح يبدأ في حياته عبر جمل مشرقة بالآمل

وتارات شبح رجل ناضج خاض التجارب واصبح منتجا للحكم .. يرص علامات الرجوع مثل ما يفعل قائد الكشافة حتى يمنع جنوده من التوهان ..

وكل ذلك كان ممتعا


درديرى كباشى

فتحت موضوعا جميلا جدا

وهو المتخيل من الصورة المرسومة من خلال الكلمة والدلالة


وهو ما لا يطابق الواقع الاقليلا

وهى مساحة مفتوحة للتخيل من خلال السرديات التى تعطيك كل المنافذ للتخيل كما تشاء فترسم وترسم وتندهش وتدهش


وكما قلت كله ممتع

لى ولك يا صاحبى

Post: #50
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 24-03-2013, 08:17 AM
Parent: #49

Quote: العبقرية يا حرسم هي ان تستصحب كل مراحل عمرك وانت تكتب




ان فعل الكتابة ليست تسلية ولا استفراغ و لا شهوة عابرة

ان الفعل ممارسة صحية صحيحة متوازنة لخلق مناخ صحى ومنسم

Post: #51
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 27-03-2013, 05:57 PM
Parent: #50

Quote: فيجد الطفل الشاب المراهق الرجل الناضج والكهل انفسهم بين حروفك .. وكل واحد يجد مرقد يلائمه ويلائم سنه وحجم تفكيره ..



هل يمكن ان يرى الانسان القارىء من ةخلال الحروف شكل الكاتب

وهل لكتبة الحروف شكل العمر

اسئلة تزداد ضراوة كلما حاولت الاجابة عليها لذا اتحاشها يا صديقى درديرى


اباذر

شكرا لانك منتحنى ان اخربش قليلا

Post: #52
Title: Re: مســــــــــــــ حرسم ــــــــــــــــــــرح
Author: عبد العزيز محمد عمر
Date: 27-03-2013, 06:13 PM
Parent: #51

شهادة أبي ذر بابكر .... دوماً غير مجروحة ...

عندما يرى ... فإنه فعلاً يرى ... كزرقاء العرب ...

وعندما يغوص ... فإنه القبطان كيستو...

وعندما يصطاد ... فالدرر واللؤلؤ... والمرجان ..


هنيئا لنا بكما ...




عبد العزيز

Post: #53
Title: Re: مســــــــــــــ حرسم ــــــــــــــــــــرح
Author: أبوذر بابكر
Date: 28-03-2013, 06:19 AM
Parent: #52

السلام عليكم يا قوم

عوافى يا سمحين

حرسم والرهط الجميل

انشدهنا شوية
لكين برضو كويس
الحروف زرّعت ونبتت وبقت شدر كبار

ظلال وثمار وريحة خدار

فاكتبوها بسلام آمنين

Post: #54
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 28-03-2013, 03:27 PM
Parent: #53

عبد العزيز محمد عمر

لك التحية بافضا منها

ولك الكلام النسيم


حضورك هنا اسعدنى


ليتنا كما يظنون

ونظن

Post: #55
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 30-03-2013, 07:20 AM
Parent: #54

Quote: السلام عليكم يا قوم

عوافى يا سمحين

حرسم والرهط الجميل

انشدهنا شوية
لكين برضو كويس
الحروف زرّعت ونبتت وبقت شدر كبار

ظلال وثمار وريحة خدار

فاكتبوها بسلام آمنين



شكرا اباذر

كوة فاجئتنى

حتى انى لم استطع الا ان اكتب بعض بعض ما يجب اثراءا لحدسك وتوقعك الانيق

وصدق ان الارواح تتلاقى هنا وهناك فقط المتشابه منها


وبجيك لو فى كلام تانى عاوز اقولو او لقيتك داير ليك اجابة

Post: #56
Title: Re: مســــــــــــــ حرسم ــــــــــــــــــــرح
Author: درديري كباشي
Date: 30-03-2013, 10:11 AM
Parent: #55

مسرح حرسم

مشروع مستقبلي حسي ومعنوي وانشاء الله يكون مادي

نبنيه مع حرسم طوبة طوبة وحرف حرف

خلونا الآن نخليه دوحة نستظل بها كلما الهب ظهرونا لهيب السياسة والعنصرية والجهوية والاقصائية والتعالي .. وتلك الصفات القبيحة التي اصبحت طابع كل او معظم التجمعات السودانية

محتاجين لمسرح حرسم دوحة تظلنا من لهيب الغربة والشوق والحنين للنيل واهله ..

قولوا للنيل ضفة ضفة والعزابات لما تصفى

انه شوقي يفيض بحر

رحم الله مصطفى سيد احمد
مات وفي نفسة شربة ماء من نهر النيل

يتلقاها بكفيه دون اي وسيط

كوز او كباية .

يروي بها ظأه وشوقه للنيل واهله .

Post: #57
Title: Re: مســــــــــــــ حرسم ــــــــــــــــــــرح
Author: محمد عبد الله حرسم
Date: 31-03-2013, 08:04 AM
Parent: #56

Quote: مسرح حرسم

مشروع مستقبلي حسي ومعنوي وانشاء الله يكون مادي

نبنيه مع حرسم طوبة طوبة وحرف حرف



الجميل جدا حد يفوق الوصف درديرى
اخوى واقسم انك تقرأنى صاح وصاح الصاح كمان

وربما اعود لهذه الجمل البسيطة التى تكبتنى بها وفكرة مسرح اسميته يوما بمسرح التكسير وكان ذاك فى العام 1978م

Post: #58
Title: Re: مســــــــــــــ حرسم ــــــــــــــــــــرح
Author: الامين موسى البشاري
Date: 31-03-2013, 08:10 AM
Parent: #27

يكفي أنه صفوة ... والله صحي