فناني المٌفضل حتي نهاية السنة : ودالبكــــــــــري..

فنان صوته جميل ؛بس مٌهمّش خالص خالص.

بقن عليك إتنين
هامش كردفان
وهامش الجلابة في القنوات الفضاوية.

تلفزيون السودان يا دوب بقي يعمل لقاءات مع ودالبكري

قولوا واحد:

ود البكري .. فنان دار الريح ..
تعجبني مع فنه الجميل بساطة لا متناهية يتصف بها ..
حوار تم اجراءه معه في احدي القنوات ..
تابعته فتكشف لي الكثير من روعة ود البكري .. يغني ويمدح ..
يأخ في ناس رايحين ساي ..
في اعلام قاعد يلمع بي حقه ..
في ناس ولا يتصفون بالفن .. وجميل الغناء ..
قال انه بيشيل الساوند وعدة الشغل بالكارو ..
قالها وهو يضحكـ بملء فيه .. فاضحكني ..
شفت بساطة أحلى من كده ..

الاخ/جمال ودالقوز

تحياتي؛؛
ودالبكري فنان متواضع جدا؛بتذكر بدايتو في التمانينات وكان فنان الجزيرة الاول في كل حفلاتنا
علي الاقل في القري الحولنا.

كلام في السِلكـ:

Quote: 04-24-2012 06:46 AM سفيان البشرى: ود البكري صاحب صوت ضعيف والدليل على ذلك أن لجنة إجازة الأصوات في الإذاعة قديماً رفضت إجازة صوتك لعدة أعوام؟ - نعم عانيت معاناة قاسية في سبيل إجازة صوتي، فقد ضمت اللجنة وقتها العمالقة برعي أحمد دفع الله- وعلي ميرغني- وأحمد داؤود وغيرهم، فدخلت عليهم لأول مرة للاستماع لي بأعمالي الخاصة، فقالوا لي تعال بعد عامين، وعندما عدت مجدداً قالوا لي تعال بعد عام، وبعد ذلك إجازوا صوتي. مقاطعاً.. ولكنهم شككوا في مقدراتك لرفضهم لصوتك لمدة ثلاثة أعوام حتى تمت إجازته؟ - ضحك وقال.. لا.. لم يشككوا في صوتي اطلاقاً.. فأنا سألتهم عن سبب تأخير إجازة صوتي بهذه الصورة فقالوا لي: عشان رأسك ما يكبر. عفواً ود البكري رغم أن بداياتك كانت في العام 1985م وحتى الآن.. إلا انك فنان مغمور وغير معروف؟ - انفعل وقال.. هذا الكلام لا اقبله على الإطلاق لأنني انتجت «59» البوماً شمل كل أنواع الغناء من عاطفي ووطني ودوبيت ومدائح، ولكن يمكن أن أكون غير معروف في العاصمة، أما في الأقاليم لولا ود البكري لما كان هناك فنان، والناس «البغني» ليهم في العاصمة بوقفوا مصالحهم كلها عشان يسمعوا أغنياتي، فأنا فنان «كوكو» ولست «حنكوش» واقدم أغنيات الحماسة والسيرة القوية حتى يدور الجلد بالسياط. هل تعني بهذا الحديث بأنك وضعت بصمة في خارطة الأغنية السودانية؟ - نعم وضعت بصمة واضحة جداً، فأنا فنان عالمي شاركت داخل وخارج السودان في عدد من المهرجانات ولا يوجد فنان قدم ما قدمته. مقاطعاً.. ولكن إذا كنت عالمياً- كما تقول يا ود البكري- لماذا لم تشارك في أماسي الخرطوم أو أم درمان الموسيقية التي أقامتها وزارة الثقافة الاتحادية؟ - هذه المهرجانات قائمة على المحسوبية، نعم تجاهلتني وهمشتني وزارة الثقافة الاتحادية وزارة بتاعة «ناسات»، ولم تقم بالدور المنوط بها.. بصراحة.. ود البكري فنان «عدادات» ساكت.. ويعاني من الكسل الفني؟ - نعم أنا فنان عدادات، والحمد لله حفلاتي في ارتفاع مستمر، ولكن لا أعاني من أي كسل فني اطلاقاً. ولكن ود البكري كثير الخلافات مع الأجهزة الإعلامية؟ - بصراحة الإعلام ليس صادقاً فالاستضافة في القنوات الفضائية تكون حسب قروشك أو شكلك، فهناك مطربون ومطربات «سيئين» للغاية يظهرون عبرها باستمرار، والدليل على ذلك أن إيمان لندن يأتون بها من أجل شكلها فقط، فهي لا تمتلك أدنى مقومات الغناء، فأنا لست بالفنان الذي يركض خلف القنوات الفضائية لاستضافته، وليس لدي زمن أضعيه في ذلك، فالحمد لله امتلك توثيقاً كبيراً في الإذاعة، والتلفزيون، والكاسيت، ولكن على إدارات الأجهزة الإعلامية البحث عن الفنانين الحقيقيين وتكف عن هذا العبث. هل تعني بأنك لن تسجل في القنوات الفضائية في القريب العاجل؟ - نعم.. الإذاعة والتلفزيون أوقفت تسجيل الأعمال الجديدة، وذلك حتى لا يمنحوا المبدعين أموالاً ويأخذون أموال البرنامج العام وتدخل جيوبهم، ويجترون الأعمال، مما أدى لظهور الأغنيات الهابطة. يقال إن مشاركتك الأخيرة في لبنان كانت دون المستوى وظهرت بمستوى مهزوز جداً؟ - نعم وذلك لأنني وجدت بعض العوائق في بيروت أثرت على أدائي، متمثلة في ضعف أجهزة الصوت في لبنان، بالإضافة إلى أن الإعلام اللبناني لزيارتنا كان ضعيفاً جداً، فالبرنامج كان خاصاً بالجالية السودانية هناك فقط. بمناسبة سيرة قناة النيل الأزرق.. سمعنا بأن لك رأياً واضحاً في برنامج «أغاني وأغاني»؟ - هذا البرنامج ممل وليس فيه أي جديد، حتى يقدم، فالسر قدور يكرر برنامجه، ويقدم وجوهاً معينة تردد الأغنيات خلفه مثل «الببغاوات». آخر لحظة

بشير سلامات
انت عازف الاورغن دة ولدو

يا سلام يا بشير

نحن ناس الدويم نعرف ود البكري جيداً منذ أن كان يغني بالربابة (سايق البنطون معاك اجمل لون .. أخر السرعة البحر ما مضمون) ومعلوم أن بداياته الفنية كانت بمدينة الدويم وقراها منذ ان كان عامل بسيط في صيدلية النيل الابيض، والحق يقال انه رجل طيب القلب وبسيط وموهوب دون تكلف ومجامل لأبعد لحد.
في نهاية الثمانينات اشتهر ود البكري في كل قرى الجزيرة والنيل الابيض وام درمان ، وما تمر بمحل في سوق ليبيا أو ام درمان وإلا تجد شريط ود البكري يصدح بأجمل الاغنيات..

سبق وان كتبت عنه بمنتديات النيل الابيض
الرابط:

http://www.whitenileonline.com/vb/showthread.php?t=6683

التحية لعبد الباقي محمد البكري الرجل المبدع..

الاخ/اسماعيل وراق

تحياتي؛؛؛

ودالبكري كان فنان الجزيرة الاول ..وانسان بسيط جدا

الاخ/عبدالله فقير

تحياتي؛؛؛

Quote: انت عازف الاورغن دة ولدو

غايتو بيشبه ودالبكري..لكن ما عارف صِلة القرابة شنو.

الحق يقال انه رجل طيب القلب وبسيط وموهوب دون تكلف ومجامل لأبعد حد - انه ود البكري فنان ناسنا الاول

Quote: الحق يقال انه رجل طيب القلب وبسيط وموهوب دون تكلف ومجامل لأبعد حد - انه ود البكري فنان ناسنا الاول

شكرا اخي الطيب.

up
_____

**
كل ارشفة وإنتو طيبين.

حبابك والله جابك ...
وكمل جميلك شوف لينا
الأغنيات الجياد
لا سيما
احمد عشا البايتات
وتنساني كدة ياالبلوم
وغنية بقول فيها الحلة جيت باريها .. بشوف غزالا نافر

اما بخصوص اعتراف اجهزة الإعلام فهو لا يحتاجه
وشهادة الكردافة في سماعه في كل فريق تكفيه وزيادة
وال-يخلي ناس الخرطوم للهشك والبشك ... والقنبلة
تحية لهذا الفنان المبدع والأصيل !

Quote: بقن عليك إتنين هامش كردفان وهامش الجلابة في القنوات الفضاوية.

وانت تبع شنو الهامش ولا الجلابة