البندول مفيد للصداع .. او في هجاء البطل

البندول مفيد للصداع .. او في هجاء البطل


11-03-2013, 10:30 PM


  » http://sudaneseonline.com/cgi-bin/sdb/2bb.cgi?seq=msg&board=420&msg=1363041040&rn=0


Post: #1
Title: البندول مفيد للصداع .. او في هجاء البطل
Author: قيقراوي
Date: 11-03-2013, 10:30 PM

رصيف رقم خمسة .. والشارع زحام
وكلامنا ساكت .. مش لاقي كلام


عبدالله رشدي .. محامي قدير
بيرفع قضية في باب الوزير
على عمي فكري .. بتاع البليلة
عشان مرة زعّعق بصوتو الجهير

وهكذا

غناء عمرو دياب

















---------

ما بنلقى لينا محامي قدير فاضي يرفع لينا قضية على زعيق البطل الفاضي دا ..
وجع راسنا بالكلام (الساكت) ياخي!!

شنو ياخي كل مرة لافح ليو كلام فاضي .. وعامل بيو مقال مليان كلام فاضي
نقطنا بسكاتك ياخي .. وكت مش لاقي كلام تطق بيو الحنك في (الخرطوم)

Post: #2
Title: Re: البندول مفيد للصداع .. او في هجاء البطل
Author: قيقراوي
Date: 11-03-2013, 11:33 PM
Parent: #1

وليك شبال بي صلعتي دي كان نقطتنا بي القلناهو ليك




















--------

دي فرصة ما تضيعا ..
المافي شنو!؟

ياخي راسنا دا نحنا خسرانين عليو .. ما تصدعنا ياخي!!

Post: #3
Title: Re: البندول مفيد للصداع .. او في هجاء البطل
Author: محمد المسلمي
Date: 11-03-2013, 11:42 PM
Parent: #2

ياخي راسنا دا نحنا خسرانين عليو .. ما تصدعنا ياخي!!
ـــــــــــــــــــــــــــــــــــــــــــــ
العزيز قيقراوي سلام


ـــــــــــــــــ
الخسارة كم
كيفية التعويض
المقابل عند السكوت

Post: #4
Title: Re: البندول مفيد للصداع .. او في هجاء البطل
Author: قيقراوي
Date: 11-03-2013, 11:53 PM
Parent: #3

Quote:
الخسارة كم
كيفية التعويض
المقابل عند السكوت

الاسئلة دي لي ول للبطل يا ابوحميد؟

إلحاد .. ووجع راس!














---------




اها بالارجواني كمان!

Post: #5
Title: Re: البندول مفيد للصداع .. او في هجاء البطل
Author: أحمد الطيب بدرالدين
Date: 12-03-2013, 04:11 AM
Parent: #4

و الله بوستات البندر عملت لينا زغلله من كترتها!!!!
إفتكرت بتقول ( البندر مفيد للصداع)!!!

ياهو دي,

Post: #6
Title: Re: البندول مفيد للصداع .. او في هجاء البطل
Author: قيقراوي
Date: 12-03-2013, 02:32 PM
Parent: #5

Quote:
و الله بوستات البندر عملت لينا زغلله من كترتها!!!!
إفتكرت بتقول ( البندر مفيد للصداع)!!!

ياهو دي,

البندر برضو ما برئي في موضوعنا دا



















--------

ممكن تحسبو ضمن الكوت البندرية البوست دا
ؤ كلو من البطل البلفح ساي دا، عشان يشبع شهوة الورجغة اليومية في صحف الخرطوم .. الحمتنا النوم

Post: #7
Title: Re: البندول مفيد للصداع .. او في هجاء البطل
Author: HAIDER ALZAIN
Date: 12-03-2013, 02:33 PM
Parent: #6


Post: #8
Title: Re: البندول مفيد للصداع .. او في هجاء البطل
Author: قيقراوي
Date: 12-03-2013, 09:43 PM
Parent: #7

حيدر الزين، تضحك واخوك مصدع!؟


عليك الذمة شوف ليك جنس محن ؤ هجايص؛

Quote: وذلك بالضبط ما يفعله الدكتور محمد محمود– هداه الله - وهو ينفخ المزامير في أعالي الأسافير، فرحةً وابتهاجاً بردة الفتاة ذات الاثنين وعشرين  ربيعاً، التي كتب عنها زملاؤها  السابقون في جامعة الخرطوم أنها فتاة بريئة تائهة، مرتبكة عقلياً ومشوشة فكرياً، حتي صدعنا تصديعاً وحرمنا نعمة النوم.
وجد الدكتورضالته، أو قل فرصته، فاهتبلها. ولا تثريب عليه، فالحكمة الشعبية تقول: "الزول بونسو غرضو"!

عشان انا صدعت من اول سطرين بالرغي والزعيق واللصيق في اي اسم يطفو للسطح .. حتى لو كان بكري حسن صالح همسلف!
واحد يتطوع ويوريني البطل حدد (عمر) التفكير الحر واتخاذ موقف فلسفي بي كم سنة .. شرعياً
وهل حدد زملاءها (السابقين) ديل .. ول ياهو اللفحي وختف المحافض المعتاد!؟
ثم ثانين؛ زملاء سابقين كيف يعني بالضبط كدا ..هل اعلنوا تبرؤهم من (زمالة) القراية الواحدة ديك؟
ممكن هو؟
لا بالجد .. عشان في زملان كتاااااار الواحد نفسو يخلص من زمالتم (السابقة) دي .. ما اضافو لي اي شي!!


يا بطل ارحمنا ياخي .. وارحم نفسك
















-----------

جاييك يا طريفي (سابقاً) ...
مع البطل مش ح تأدر تغمض عينيك ... من الصداع!
شنو الجابرك على كدي!؟

Post: #9
Title: Re: البندول مفيد للصداع .. او في هجاء البطل
Author: قيقراوي
Date: 12-03-2013, 11:21 PM
Parent: #8

اخونا كمال بشير من الفيسبوك

ممكن ارد ليك بنفس منطقك ..
ؤ هل جبت ليك البوست دا وخبطت ليك باب الفيسبوك بتاعك!؟





















-------

كدي صنقع اعلى البورد دا ..
وبالله لو عرفت الجاب المقال وعلثو علينا في استار المنبر دا كلمني .. اكلم (عبدالله رشدي) المحامي القدير .. يرفع قضية في ابا الوزير
سمح!؟

Post: #10
Title: Re: البندول مفيد للصداع .. او في هجاء البطل
Author: قيقراوي
Date: 13-03-2013, 09:08 AM
Parent: #9

المادة 18 من الاعلان العالمي لحقوق اللنسان السوداءنية، المعدلة بوردياً:

من حق أي انسان بل اخيه اللنسان، في اي وكت، وعبر اي (ميديا ورجغة) مكتوبة او مسموعة .. او حتى تحت ضل شجرة او في لستك تحت اي عمود نور .. بصوتو الجهير
متى ما تراءى له انه هذا اللنسان، تخطى حدود البشرية، واعتدى على حق انسان تاني (غير الاولاني) في اي حاجة ..

وبناءً عليه تأسس وتأثث هذا البوست في نقد (عبدالله رشدي) المحامي القدير، البرفع قضية على عمي (فكري) تطير عيشتو هو .. يبيع ليكم البليلة دي كتامي ول كيف؟
بنقو هي!؟

ياخي اهلنا بقولوا: بليلة مباشر .. ولا ضبيحة مكاشر من جنس ضبيحة البطل في استهلال مقاله الصاعق الزاعق دي:

Quote:
لم يسبق لي التعرف على الدكتور محمد أحمد محمود، الاستاذ السابق بجامعة الخرطوم ورئيس قسم الأديان المقارنة بجامعة تافتس الأمريكية سابقاً، والمتفرغ حاليا للبحث الأكاديمي بالمملكة المتحدة. ولكنني وقعت علي عدد من كراسات (اليقظة) التي كان يصدرها في زمان قديم، كما وقفت على كم آخر من إنتاجه الفكري. وهو – للحق – مثقف صلد، مثل حجر الصوّان، وقد جعل من نقد الأديان ميداناً لتخصصه. إنجازات محمد محمود الفكرية الصفوية، تحدث عن نفسها، ولو أنك أردت انت تعرف ظنه بالأديان والعقائد السماوية، فلن يُعييك الأمر!
أنا شخصياً اقدر إسهاماته الفكرية حق قدرها، كما أفهم خياراته العقدية وأحترمها تماماً. ولم لا؟ فأنا رجل تضم قائمة أصدقائه الشخصيين عدداً من الإسرائيليين، كما تضم– ولا فخر - الدكتور كامل النجار، شيخ الملاحدة العرب، الذي أهداني كل كتبه، مزينة بتقديم وتوقيع كريمين!

في ظني - الآثم- الورجغة الكتيرة في المقدمة الطويلة دي كووولها، مقصود بيها الخلوص للسطرين الاخيرين في الجخ والبوبار البطلي .. الاثير!
وما قادني لإثم الظن .. انو الفقرة البعدها طوالي طالت بالشمال .. كل ما قدمت اليمين!



يتبع












------------

الوصية بالمهلة ..

[كاتب هذه الكلمات] [البائسة]، لا تربطه اي آصرة نسب او مصاهرة بأي زول من المعنيين .. ولا وشيجة فكر
ورغم انو يقدس القانون .. ويؤمن بالله .. وبحقوق الانسان في بل اخيه الانسان ..
ولا مانع لديه ان يكون (غرض) ورجغة اي اخو في الانسانية ، يونسو براه، او يونس بيو جموع الناس في اي ميديا ورجغة ..
بس هو زول حساس شديد وما بتحمل النبز .. البل بعمل ليو بهق شديد .. ويتيم كمان!

لذا لزم التنويه

"اما اليتيم فلا تقهر"
الآية 9 سورة الضحى .. جزء عمّ

Post: #11
Title: Re: البندول مفيد للصداع .. او في هجاء البطل
Author: تيسير عووضة
Date: 13-03-2013, 11:11 AM
Parent: #10

بوست مريح للنفسيات يا قيقاداوي



مبسوطة منك


البطل دا رايي في كتابتو ما وقع واطة أصلو
زمان قلناها:
Quote: قالب لغوي فخيم، كتابة مضبوطة نحواً وإملاءً، لكنها غير منضبطة الفكرة ولا المحتوى




بندول شنو؟
داير ليك فولترين عديل بعد كل "مغال"

Post: #12
Title: Re: البندول مفيد للصداع .. او في هجاء البطل
Author: تيسير عووضة
Date: 13-03-2013, 11:19 AM
Parent: #11

Quote: واحد يتطوع ويوريني البطل حدد (عمر) التفكير الحر واتخاذ موقف فلسفي بي كم سنة .. شرعياً






لو إستمريت بي طريقتك دي يؤسفني أقول ليك إنك حتبقى كاتبي المفضل >> الربع الجاي بس

Post: #13
Title: Re: البندول مفيد للصداع .. او في هجاء البطل
Author: جعفر سومي
Date: 13-03-2013, 12:42 PM
Parent: #12

Quote: ثم ثانين؛ زملاء سابقين كيف يعني بالضبط كدا ..هل اعلنوا تبرؤهم من (زمالة) القراية الواحدة ديك؟
ممكن هو؟
لا بالجد .. عشان في زملان كتاااااار الواحد نفسو يخلص من زمالتم (السابقة) دي .. ما اضافو لي اي شي!!


الأخ قيقراوي
بالله ما ترمينا في سلة مهملاتكم
معترفين بالتقصير وما إضفنا ليكم أي رصيد





Post: #14
Title: Re: البندول مفيد للصداع .. او في هجاء البطل
Author: HAIDER ALZAIN
Date: 13-03-2013, 01:02 PM
Parent: #13

الحق لله يا قيقا قريين انا وقفت في وقفة البطل دي:

Quote: كما وقفت على كم آخر من إنتاجه الفكري. وهو – للحق – مثقف صلد، مثل حجر الصوّان، وقد جعل من نقد الأديان ميداناً لتخصصه.


اول من بديت اقرأ مقاله وقفت في وقفته .. وامشي قدام في كلامه بتاع الشبال والشيخ الستيني وما ادراك من النقد واجيها راجع تاني لدرجة من كترة الوقاف ما قدرت (اقيـف ) على آخر المقال..

عموماً اظن البطل وقف على العقبة ..
فطالما كسى محمد محمود بهذه المقدمة الوهيـطة والفخيـمة يبقي باقي كلامه حشو من يريد ان يلحق السوق ويرمي العيش طالما الفرن حار..


غايتو يا البطل اظن انه البائس حسين ملاسي اخيـر منكـ حيث عبر عن موقفه الفكري بوضوح شديد عندما تركـ الامر معلقاص برقبة الصحافة البائسة..

أما انت فغيـر ما جبت الصداع لحبيبنا قيقا ما عملت أيتها يا فائدة ..




ــــــــــــــــــــــــــ
هسع الصداع دا نعتبره حسنة من حسنات البطل الشوية والا كيف؟

Post: #15
Title: Re: البندول مفيد للصداع .. او في هجاء البطل
Author: محمد حيدر المشرف
Date: 13-03-2013, 02:09 PM
Parent: #14

تمام يا تيسير ..

Quote: قالب لغوي فخيم، كتابة مضبوطة نحواً وإملاءً، لكنها غير منضبطة الفكرة ولا المحتوى


الناس الزى ديل, المسألة بالنسبة ليهم مصانعة للأمور ولا أصلا أفكارم فقيره ؟!

Post: #16
Title: Re: البندول مفيد للصداع .. او في هجاء البطل
Author: Isa
Date: 13-03-2013, 02:57 PM
Parent: #15


Post: #17
Title: Re: البندول مفيد للصداع .. او في هجاء البطل
Author: قيقراوي
Date: 13-03-2013, 04:55 PM
Parent: #16


Post: #18
Title: Re: البندول مفيد للصداع .. او في هجاء البطل
Author: قيقراوي
Date: 13-03-2013, 05:43 PM
Parent: #17














------

الاهداء لكل الحلوين المروا من هنا
ؤخصوصاً خصوصاً عيسى ,,
بس انت اهدأ ,, ؤ روق ,, بس (بكسر الباء)

Post: #19
Title: Re: البندول مفيد للصداع .. او في هجاء البطل
Author: MAHJOOP ALI
Date: 13-03-2013, 08:11 PM
Parent: #18

الاخ قيقا بايت
ليه كل مقالات البطل هي رد علي انطباعته وصراعاته الاسفيرية ( التي يتهكم عليها بمصطلح مناضلي الكيبورد ) او دفاع اسري شخصي ( كما في حالة نهلة ، كما سرد في مقاله الاخير )
وما علاقة صحف الخرطوم وسكان الخرطوم بانطباعات وصراعات البطل الاسفيرية ، اليس لديهم مايكفيهم !!!!؟
فتحي الضوء والبطل مثال ممتاز للمقارنة .....
فتحي مسكون بحال سكان ماتبقي من المليون ميل مربع في كل حرف يكتبه !!!!
وصديقه البطل الذي يبعد عنه بضع اميال ، في دولة الشيطان الاكبر امريكا ، مستغرق في تحويل خلافاته ونزعاته وانطباعته الاسفيرية الي شان عام يلزم به اقوام السودان !!!!!!!!
ياقيقا انت ماعاوز بندول .... عاوز عملية فتح دماغ

Post: #35
Title: Re: البندول مفيد للصداع .. او في هجاء البطل
Author: قيقراوي
Date: 14-03-2013, 10:11 PM
Parent: #15

Quote:
الناس الزى ديل, المسألة بالنسبة ليهم مصانعة للأمور ولا أصلا أفكارم فقيره ؟!

بل هو فقر الفكر يا مشرف




























-----------

زمن استثنائي .. عجيب في كل تفاصيلو!!

ونحن شهود عصر .. شهدوا المذبحة التاريخية دي ..
وهنا نحاول نوثق اقوال شاهد اثبات .. شاف كل حاجة!

Post: #26
Title: Re: البندول مفيد للصداع .. او في هجاء البطل
Author: قيقراوي
Date: 14-03-2013, 01:05 PM
Parent: #14

[وامشي قدام في كلامه بتاع الشبال والشيخ الستيني وما ادراك من النقد واجيها راجع تاني لدرجة من كترة الوقاف ما قدرت (اقيـف ) على آخر المقال..]

في الحتة دي تحديداً البطل اغرق في الاسفاف حتى توهنا معاو في (غرضو) المونسو فيها:

[بدا لي محمد محمود في دوره الجديد الذى اختاره لنفسه أشبه بالـ (ريجيسير) الذي يجلس في المقاهي ويتمشي في الطرقات، يتصيد صاحبات المواهب من الفتيات الواعدات ليقدمهن الى منتجي الافلام السينمائية. كما أن منظر الشيخ الستيني وهو يهتز ويتقافز طرباً في منتصف الدائرة لـ (يبشّر) ويأخذ الشبَّال، من ضفائر فتاة في عمر أحفاده لم يبدُ لائقاً.]

لا تعليق

ولا حول ولا قوة الا بالله العلي العظيم!!

















-----

تعرف المرة الوحيدة الاحترمت عمر البشير فيها هي لحظة الفيديو الابدى فرحتو بزواج ربيبتو .. الكان مثار استهجان الكثيرين .. ولا عجب .. لو لا اختلاف الاراء لبارت (السلع الثقافية) كما روى الراوي التلفيقي السوبر.

so you think you can dance

البطل دا عايش وين؟
من اولاد مسلمين وين في الاهل يعني هو!؟
ؤ مأثور لياتو ثقافة قرن من القرون!؟
يازول نحنا اسلامنا ابو شريعة مدغمسة دا .. الشيخ كان ما اخد الشبال من حفيدتو ..
لا بارك الله فيها لا فيو
المافي شنو!؟

Post: #25
Title: Re: البندول مفيد للصداع .. او في هجاء البطل
Author: قيقراوي
Date: 14-03-2013, 11:41 AM
Parent: #13

كابتن جعفر سومي همسلف!؟

ياخي انت انت بتتنسي .. ما انت روحنا وحبنا

وهكذا





















-------

كيف ما اضفت لي ياخي؟
ممكن عادي اقيف وسط البورض دا واجخ واتبوبر اني لعبت معاك في منتخب بزنس في مباراتنا مع شمبات (والشمباتا رجال الجامعة .. كما كان يردد جكسهم)
اسي دي ما اضافة .. المافي شنو!؟

في الحقيقة قد لا تذكر الكلام دا، ما لأنو ادعاء اجوف .. بل لانها كل راسمال الجخة دي ربع ساعة، والله صحي. وبتشجيع شديد من علاء الدين شنكل عشان استمر كل ما اتجرس ليو (هو كان استوبر، وانا الباك اللفت)

مما يقودني لي الحتة دي في كلام البطل:

[ولم لا؟ فأنا رجل تضم قائمة أصدقائه الشخصيين عدداً من الإسرائيليين، كما تضم– ولا فخر - الدكتور كامل النجار، شيخ الملاحدة العرب، الذي أهداني كل كتبه، مزينة بتقديم وتوقيع كريمين!]

ؤ قريتا كلها .. ول اكتفيت بترديد الكلام دا ساي يا بطل!؟
آي دونط ثينك سوو!
هل لديك ما يثبت عكس ذلك؟
اها دايرين واحد قارئ يسمع ليو يا جماعة .. ويدينا النجيضة.

شنو يعني زول اهدى ليك كتب .. ما في ناس عندهم مكتبات ملياااانة .. وراسم فاضي
وفي عينة من المسغفين السودانيين القشريين الواحد يرفع الكتاب قصاد راسو الفاضي، وينوم .. الكتاب يجي واقع ليو في وشو .. ويصحى الصباح يلقى العنوان انطبع في جبينو .. ويسمى في قواميس الناس الساي (مسغف) طوااالي ومباشرتن كدا .. لمجرد مظهر لا جوهر!

المافي شنو في بلد السجم والرماد ديك!؟

Post: #20
Title: Re: البندول مفيد للصداع .. او في هجاء البطل
Author: قيقراوي
Date: 13-03-2013, 10:32 PM
Parent: #12

تايسا يا قلب

Quote:
لو إستمريت بي طريقتك دي يؤسفني أقول ليك إنك حتبقى كاتبي المفضل >> الربع الجاي بس

والله دي مغرية اكتر من شبال بي صلعتي للبطل .. في حال نقطنا بسكاتو!























---------

البطل لا يعرف اي شي عن جيل ثورة المعلومات وتقنية الاتصالات دا ..
لسة مسجون وجدانياً ومفاهيمياً في السبعينات ..
وما عارف انهم جيل نشأ على الحرية من تب قام سغير .. ما خوفوه بي (أُخ)!!
جيل السيستم، وفصل الدين عن الدولة (دي لبسة يا بطل) انجز ما اشيب الشياب .. العياب .. الكانوا منبطحين لطواغيتهم
وما بقولوا لا الا في الصلاة!!

يازول نحنا كجيل فاشل حقوا نلحق نقدم استقالاتنا من الحياة العامة ونفسح الفرصة للشباب ديل ... وننقطم بسكاتنا
بالكتيييييير كدا -ؤ كان محظوظين- بنلحق نمسح شعرنا الابيض دا -او ما تبقى منه- ونرددالقول الاثير:

لقد هرمنا .... اللخ اللخ

المافي شنو!؟

Post: #21
Title: Re: البندول مفيد للصداع .. او في هجاء البطل
Author: قيقراوي
Date: 14-03-2013, 09:28 AM
Parent: #11

[قالب لغوي فخيم، كتابة مضبوطة نحواً وإملاءً، لكنها غير منضبطة الفكرة ولا المحتوى]

كم من هراء اتكتب بلغة فخيمة .. واتعلب في عبوات فاااخرة جداً ..

آخر اناقة!!!

(وعلى مواطنينا في الاقاليم والضهاري مراعاة فروق اللغة.. ؤممكن يقروا "سماحة جمل الطين")


















-------

[مبسوطة منك]

تايسا مبسوطة مني عشان انا بريد (فكري)

عمي فكري بتاع البليلة

في ذمتك دي يا تايسا كان لقيتي بتاع البليلة خاتنو في وضع الصامت (اقري "هزاز") بتشتري منو بليلة؟
ياخ لذتا في جوطتا .. والزعيق والغبار .. المافي شنو؟

ليتر: ذكريني احكي ليك قصة ست المريسة وطلبة واساتذة مدرسة ثانوية مشهووورة في كوستي .. سمح؟ :)


بمناسبة [قيقاداوي] دي ..

ؤ كفكي ديغيتال، الناس الراسم كعب شديد ديل في العزيمة بعملوا لي فقدان سوائل ساي ..
افضل اكتب ليهم محاية الكترونية (eMhayah) .. ونرسلا ليهم في الايميل .. يعملوا ليو برنت اوت ..
ويبلوهو .. ويشربوا مويتو .. وبالهناء والشفاء .. بإذن الله.

ولجمهور القراء المغلوبين على امرهم .. توجد حجبات ضد الورجغة في فلاشات فاخرة جداً
بذاكرة مريحة جداً جدن .. حتى آدم همسلف، حجم 1 قيقا

قيقاداوي
فكي ديغيتال
يجيب الرايحة .. ويروّح الفي
المافي شنو!؟
:)

Post: #22
Title: Re: البندول مفيد للصداع .. او في هجاء البطل
Author: دينا خالد
Date: 14-03-2013, 10:17 AM
Parent: #21















ـــــــــــــــــــــــــــــــ
غايتو الزول البنبزوه قيقا وتيسير دا
حقو يهبش راسو مرتين اتنين والتالثه بالتراب ...

Post: #23
Title: Re: البندول مفيد للصداع .. او في هجاء البطل
Author: دينا خالد
Date: 14-03-2013, 10:22 AM
Parent: #21

كيفتنى ليك شديد قصة جيل السبعينات دى
تصدق يا قيقا دى المشكلة كلها ؟!!
بالجد الناس المصدعننا بالكتابة ديل ما قادرين يحسوا
ولا بس حتى يعرفوا الفرق ...








ـــــــــــــــــ
لا اخفى شفقتى على البطل ... بصراحة اول مرة بشوف قيقا
يهجو ... معناها دا الشديد القوى .. وتيسير واقفة مكفكفة القميص
ودايرين يقلعوا منو الكورة .. الليلة والليلة ...

Post: #24
Title: Re: البندول مفيد للصداع .. او في هجاء البطل
Author: حمد عبد الغفار عمر
Date: 14-03-2013, 10:57 AM
Parent: #23

Quote: فضل اكتب ليهم محاية الكترونية (eMhayah) .. ونرسلا ليهم في الايميل .. يعملوا ليو برنت اوت ..
ويبلوهو .. ويشربوا مويتو .. وبالهناء والشفاء .. بإذن الله.

ولجمهور القراء المغلوبين على امرهم .. توجد حجبات ضد الورجغة في فلاشات فاخرة جداً
بذاكرة مريحة جداً جدن .. حتى آدم همسلف،


يا قيقراوي ياخ أنت بنادول وكافينول عديل كدا

سير وعين الله ترعاك ياخ

اما بخصوص موضوع البوست
آسف ياخ ما بقدر أساهم بأي شيء
اعتبرني من جمهور القراء المغلوبين على أمرهم

Post: #27
Title: Re: البندول مفيد للصداع .. او في هجاء البطل
Author: محمد حيدر المشرف
Date: 14-03-2013, 05:41 PM
Parent: #24

البطل يا قيقا:

Quote: أجد نفسي علي ذات الضفة مع الواثق في أنه لا محيص عن التعامل الناضج مع ثوابت المشهد الراهن ومرارت الأمر الواقع. وفي طليعة هذه الثوابت – أو المرارات - أن الدولة والنظام أصبحا بعد ربع قرن من (التمكين) توأمان سياميان. سقوط النظام يعني ضمنياً سقوط الدولة، بما يستتبعه من تشظٍ وتفسخ وصوملة. ولا نظن أن في بلادنا اليوم – بخلاف أهل المراء والجدل - من يزعم أنه يستطيع ان يرى في سودان الإنقاذ دولةً منفصلة عن النظام، أو نظاماً منبتاً عن الدولة.
كما نجد أنفسنا مصدقين لما بين يدي التجربة التاريخية السودانية، التي تقول صفحاتها – وهي لمّا تزل بيضاء من غير سوء، لم تصفر وريقاتها بعد – أن السودان لم يشهد قط إنتفاضة ثورية شعبية إجتثت نظاماً مرفوضاً إلا بعد اصطفاف قوى اليسار الوطني وفصائل اليمين الاسلامي، واحتشادها حذاءً بحذاء، في مواجهة ذلك النظام. وأن أى حراك سياسي يستهين بالقوى الإسلامية ويستتفهها ويدفع بها الى خارج جدلية الوعي والارادة التغييرية، محكومٌ عليه بأن يراوح مكانه ويدور حول نفسه – مثل ثور الساقية – الى أبد الآبدين!


النوع ده من التفكير الذى يتجاوز بديهية سقوط الدولة حينما تكون الدولة والنظام توأمان سياميان .. التفكير ده عندو حلين لا ثالث لهما .. يا اما السطحية او تمرير الاجندات البائسه ..

سقط الاتحاد السوفيتى (العظيم والعظيم الله) لذلك, سقط العراق "العظيم بدوره" .. سقطت الجمهورية المصرية الاولى لذلك ..الجماهيرية العربية الليبية الاشتراكية الخ .. والشواهد كثيرة يا قيقراوى, فما بالك بجمهورية السودان !!


ولحسن الظن بالبطل سنهجو البطل بالسطحية, ربما للغته الفخيمة ليس الا !!

عن اى سقوط أكثر يتحدث البطل, ربما يكون الرجل مستغرقا تماما ومطمئنا لشوية مظاهر الدولةالخجولة وهى تترائي للناس فى شوارع الخرطوم وبعض المدن.. وأعنى بوليس الحركه للجباية واشارات المرور وتلك الابنية والأسوار للمدارس والمستشفيات الفارغة تماما من معانيها ..

وحتى -بالامس القريب ده- تظاهر مرضى الكلى عند أسوار مستشفى الخرطوم!! تصور !!
ونعم .. تسقط الدول عند خروج مرضى الكلى فى مظاهرات !!
ناهيك أن تقصف طفلة .. تقصف طفلة .. بآنتينوف !!

عن أى سقوط يتحدث البطل ؟!
لمصلحة من يكرس هذا الفهم المغلوط و .. الفطير, أن سقوط النظام سقوط الدولة
سقطت سقطت يا عزيز ..
سقطت من زمااان يا بطل ...

هذه شهوتى الهتاف كمناضل اسفيري بالتأكيد!!
وأعود: لمصلحة من ..

Quote: سقوط النظام يعني ضمنياً سقوط الدولة،


لمصلحة هذه المظاهر الفارغة من أى محتوى حقيقي فى نواحى الخرطوم ؟!
لمصلحة تلك الفيران الليئمة التى اكلت القدم السليمة لمريض المناقل فى مستشفاها الفارغة الا من الفيران ؟!!

عن اى سقوط يتكلم البطل ده بالتحديد ؟!
وكيف يتجاوز أهل السودان هذه المعادلة الصفرية بالنضال الذى ينتظم فيه اليسار واليمين وكأجمل ما فى بال بطلنا ؟!!
وكيف يستنطق هذا البطل ما يصدقه "هو ذاتو " واقفا بين يدى التجربة التاريخية فى السودان ..
أو عن أى يمين يتحدث ؟!

تعرفوا !!

البطل ده داير يقول للناس المؤتمر الوطنى ده قاعد قاعد .. هو النظام الذى لا دولة بدونه .. وهو اليمين الذى لا ثورة على النظام "اللهو هو ذاتو" بدونو ؟!

لا اعتراض بالتاكيد ان يقول ما يريد أن يقول .. فقط ليقوله بالوضوح دونما مراوغات لغوية لا نكهة فيها ولا مذاق .. وذاتها لا فخيمة ولا حاجة ..

يقول المثل السودانى الدارج أوساط المكينيكية فى المناطق الصناعية وشارع الخور:
المابنزل قلووظ .. بنزل كبس !!

شكلو البطل مؤمن جدا بهذا الكلام ..
تنزيل الافكار كبس ..

ما بطل ؟!!

Post: #28
Title: Re: البندول مفيد للصداع .. او في هجاء البطل
Author: محمد حيدر المشرف
Date: 14-03-2013, 05:43 PM
Parent: #27

حبتين بندول معاك بالله !

Post: #29
Title: Re: البندول مفيد للصداع .. او في هجاء البطل
Author: Siham Elmugammar
Date: 14-03-2013, 08:22 PM
Parent: #28

اقتباس :"لكان هو الدكتور محمد محمود نفسه، الذي يريد ان يجعل من فتاة صغيرة في عمر أحفاده سلماً ومطية لطرح نفسه في أوساط الدياسبورا السودانية مدافعاً ومنافحاً عن الحريات والحقوق. وكأن الساحة ليست مكتظة أصلاً بناشطي الحقوق والحريات، حتي صارت في زماننا الحاضر شغل من لا شغل له، ومهنة أرتال من التائهين، ممن أعياهم الحصول علي عمل في متاهات المدن الغربية!"

ود عمنا قيق وتايشا

مرقتكم النقطة الفوق الغين

كع

Post: #30
Title: Re: البندول مفيد للصداع .. او في هجاء البطل
Author: أمين محمد سليمان
Date: 14-03-2013, 08:43 PM
Parent: #29

سلام يا قيقا ...
ياخي قريت كلامك كذا مرة عشان أعرف نقاط خلافك مع البطل في المقال غلبني ... ما عارف ليه جاني إحساس انك قررت تبل البطل بعد داك بقيت تفتش في الأسباب !!
كدي براحة الله ورينا اعتراضك شنو علي مقالة البطل بتاعت نهلة و محمد محمود دي !!

Post: #31
Title: Re: البندول مفيد للصداع .. او في هجاء البطل
Author: Yassir Tayfour
Date: 14-03-2013, 09:00 PM
Parent: #30

يا بروف أنت صاحب منفعة ؛)
__
أنجّ بنفسك ؛)

Post: #33
Title: Re: البندول مفيد للصداع .. او في هجاء البطل
Author: أمين محمد سليمان
Date: 14-03-2013, 09:07 PM
Parent: #31

مافي منفعة يا ياسر ... لكن ما بحب زول يبل أصحابي بلا سبب ... و عشان قيقا ذاتو صحبي سألتو يورينا المسوغات شنو لكلامو عن البطل ... لانو لحدي هسي - فيما أرى - ما شايف سبب لكلام قيقا ( الكتير و مسيخ ) عن البطل ده !!

Post: #51
Title: Re: البندول مفيد للصداع .. او في هجاء البطل
Author: قيقراوي
Date: 15-03-2013, 02:25 PM
Parent: #31

Quote:


يا بروف أنت صاحب منفعة ؛)
__
أنجّ بنفسك ؛)

من حق البروف يقول رايو طبعاً
دا حق متساوي للجميع
بريود



























----------

لكن ما من حقو الاحتجاج على الوشوش الخدراء
ولا من حق اي واحد غيرو ..
البوست دا ايقونتو خدراء ..
وصاحب البوست برضو
وسجارتو بنفس اللون ..
بالله البطنو بتطم من الحاجات الخدرا يوفر علينا وعلى نفسو الرهق
البوست دا بوست للهجاء ما للنقد .. والفرق كبيييير
الما عارف يلجأ للقواميس .. او يسأل العارفين
ما توجعوا راسنا الخسرانين بنقو وعرقي وتمباك دا!!
هاك الاخدر دا!

Post: #32
Title: Re: البندول مفيد للصداع .. او في هجاء البطل
Author: MAHJOOP ALI
Date: 14-03-2013, 09:04 PM
Parent: #30

Quote: ورينا اعتراضك شنو علي مقالة البطل بتاعت نهلة و محمد محمود دي !!

مقالة نهلة وبث ( بالثاء ) .. نرجع لمقالات سابقة
كمقال منان ومقال دينق ومقال ... كدي خليني اذكر وارجع ليك .....
المختصر المامفيد اغلب مقالات البطل المنشورة في صحف الخرطوم هي انعكاس لمشكاسات البطل وخصومات البطل وانطباعات البطل الاسفيرية ....

Post: #34
Title: Re: البندول مفيد للصداع .. او في هجاء البطل
Author: قيقراوي
Date: 14-03-2013, 09:50 PM
Parent: #32

يا شباب الاتى لحوار يفتش ليو بوست تاني

اآسفين والله لم نأت لحوار هنا ..

لكن تبين .. بل الجواب باين من عنوانو [في هجاء البطل]

يقولوا ليكم هجاء تقولوا احلبوهو!؟



















---------

لم أتت لحوار انا هنا

بل بس

Post: #36
Title: Re: البندول مفيد للصداع .. او في هجاء البطل
Author: قيقراوي
Date: 14-03-2013, 10:43 PM
Parent: #34

Quote:
(عدل بواسطة Isa on 14-03-2013, 07:23 AM)

بالغت يا عيسى والله

كرمشت مشاعري كلو كلو .. وانا زول حساس شديد!

ليه اتنازلت عن حقك الضمنو ليك اعلان حقوق اللنسان؟
اوع يكون عشان كلامي اعلاه .. او بتاع الروقة

ياخي انا كنت بمارس حقي .. المفروض ما يتعارض مع حقك دا ما اكتر


















----------

لم أأت لحوار انا .. والاجندة مطروحة تصريحاً في العنوان
دا بوست بل بس
عشان البطل تاني لمن يحس بوجع راس .. يبلع بندول، ما يجي يقرقر راسنا المتكلف دا
يبلع .. بنبلع
وكفى الله (المؤمنين) شر القتال .. في الفارغة

هذا والا: بينا الورجغة .. والفورة مليون!
المافي شنو هو!؟

كمان العاوز يبلني باك .. حبابو ألف والله
بس مخير بودوهو النار .. انا يتيم

Post: #38
Title: Re: البندول مفيد للصداع .. او في هجاء البطل
Author: محمد حيدر المشرف
Date: 14-03-2013, 11:22 PM
Parent: #36

لم يبد لائقا للبطل, من أمر المثقف الصلد كحجر الصوان, أن يترائى هذا الصلد كحجر الصوان لخيالاته - وأعنى خيالات البطل ذاتو - كشيخ ستيني يهتز ويتقافز طرباً في منتصف الدائرة لـ (يبشّر) ويأخذ الشبَّال، من ضفائر فتاة في عمر أحفاده ..

قرب يقول الموضوع ده فيهو "إن" ..

غايتو "باللغة الفخيمة" قال عن ذات المثقف الصلد:

(أشبه بالـ (ريجيسير) الذي يجلس في المقاهي ويتمشي في الطرقات، يتصيد صاحبات المواهب من الفتيات الواعدات ليقدمهن الى منتجي الافلام السينمائية.)
ما قلت ليكم قرب يقول الموضوع ده فيهو "إن" ..

كل ذلك بدا للبطل .. وترائي له .. وقد يكون قد أوحى به اليه .. ربما بهاتف .. أو بغيره .. لا أعلم .. ولكنو قال يكتب هذه الرؤيا فى مقال موجه لشعبو السودانى الشقيق ..

أن المثقف الصلد, عاد ريجيسيرا, يجلس فى المقاهى ويتمشى فى الطرقات, ليتصيد صاحبات المواهب من الفتيات الواعدات ليقدمهم لمنتجى الافلام السينمائية .. أو

فتاة بريئة تائهة، مرتبكة عقلياً ومشوشة فكرياً، حتي صدعنا تصديعاً وحرمنا نعمة النوم.
وجد الدكتورضالته، أو قل فرصته، فاهتبلها. ولا تثريب عليه، فالحكمة الشعبية تقول: "الزول بونسو غرضو"!


سامع الكلام ده يا "وديع" .. الريجيسير الوحيد الذى اعرفه!!!
بتاع "افلام عربى, أمُ الاجنبي"....

غايتو !!
الزول وكما قال "بونسو غرضو" ..
منتهى الصحافة والله !!

Post: #37
Title: Re: البندول مفيد للصداع .. او في هجاء البطل
Author: دينا خالد
Date: 14-03-2013, 10:49 PM
Parent: #34

Quote:
يا بروف أنت صاحب منفعة ؛)
__
أنجّ بنفسك ؛)


وررررررردلوب .... جاب الديب من ديلو ...









ــــــــــــــــــــــــــــ
اب تفه لما يقوم على الحقيقة ....
بكتل لى زول ... يوم يفر البروف من البطل والاسد وبنيه ..

Post: #39
Title: Re: البندول مفيد للصداع .. او في هجاء البطل
Author: قيقراوي
Date: 15-03-2013, 00:04 AM
Parent: #32

Quote:
الاخ قيقا بايت
ليه كل مقالات البطل هي رد علي انطباعته وصراعاته الاسفيرية ( التي يتهكم عليها بمصطلح مناضلي الكيبورد ) او دفاع اسري شخصي ( كما في حالة نهلة ، كما سرد في مقاله الاخير )
وما علاقة صحف الخرطوم وسكان الخرطوم بانطباعات وصراعات البطل الاسفيرية ، اليس لديهم مايكفيهم !!!!؟
فتحي الضوء والبطل مثال ممتاز للمقارنة .....
فتحي مسكون بحال سكان ماتبقي من المليون ميل مربع في كل حرف يكتبه !!!!
وصديقه البطل الذي يبعد عنه بضع اميال ، في دولة الشيطان الاكبر امريكا ، مستغرق في تحويل خلافاته ونزعاته وانطباعته الاسفيرية الي شان عام يلزم به اقوام السودان !!!!!!!!

وبعد دا كلو يا محجوب يجي يقول ليك [وجع راس]

ؤ

Quote:
الذي يريد ان يجعل من فتاة صغيرة في عمر أحفاده سلماً ومطية لطرح نفسه في أوساط الدياسبورا السودانية مدافعاً ومنافحاً عن الحريات والحقوق. وكأن الساحة ليست مكتظة أصلاً بناشطي الحقوق والحريات، حتي صارت في زماننا الحاضر شغل من لا شغل له، ومهنة أرتال من التائهين، ممن أعياهم الحصول علي عمل في متاهات المدن الغربية!

المافي شنو يا بطل؟
وهل [الحريات والحقوق] فرض كفاية، حتى تسقط عن أي انسان حر .. بمجرد انو حضرتك نصبت نفسك الوكيل الحصري والوحيد ليها في الدياسبورا!؟

كلام غريب وعجيب .. وملئ بالثقوب .. وعمى الشوف والبصيرة

بعدين عيب ياخي معايرة الناس بعدم حصولهم على (شغل) دي
وبطل الخلط غير الحذق والكوجين البتعمل فيو دا ..
انت بتتكلم عن [الدفاع والمنافحة عن الحريات والحقوق] كعمل عام .. ام شغل اكل عيش؟
وما علاقة البروف بالاخيرة .. وانت مثبت في صدر مقالك انو تبوأ كرسي الاستاذية في ارقى الجامعات .. في العالم


اختشي يا زول .. صحيح الاختشوا ما أتوا!؟
تكتب وتنسى!؟













------------

Quote:
ياقيقا انت ماعاوز بندول .... عاوز عملية فتح دماغ

على قولك يا محجوب ..
دا وجع راس ما بقدر عليو فكي ديغيتال ساي ..
دا محتاج وصفة ستنا البصيرة ام حمد عديييييل كدا

بعد العزيمة في الراس الكعب دا .. لمن يبقى مقزز من كترة التفيل .. ويصاب الفكي بفقدان سوائل يجيب اجلو ..
نقطع الراس الكعب المورجغ دا ذاتو، ومن لغاليغو .. اللتنين معاً
المافي شنو!؟

Post: #40
Title: Re: البندول مفيد للصداع .. او في هجاء البطل
Author: طه جعفر
Date: 15-03-2013, 02:58 AM
Parent: #39

و الله يا قيقراوي فشيت
غبينتي
بس خلي لي باقي الحاجات مربطة
البطل اظنو عاوز يتونس بكلام اولاد البندر
البطل اصبح رجل متمدن
و واحد من اولاد البندر

انت يا قيقراوي و دكتور المشرف اولا ضهاري ساكت
خلو اولاد البندر يتونسو

انا طبعا من ضهاري الدنيا
لمن شفتا الايسكريم اول مرة كنت قايلو قندول عيش ريف متنكر



طه جعفر

Post: #41
Title: Re: البندول مفيد للصداع .. او في هجاء البطل
Author: Isa
Date: 15-03-2013, 07:23 AM
Parent: #40

Quote: ياخي قريت كلامك كذا مرة عشان أعرف نقاط خلافك مع البطل في المقال غلبني
الله يطمنك يا بروف دنيا وآخرة.. كنت قايل روحي براي الما فاهـم، لامـن قلت كدة صاحبك (قرقرابي) صرف لي ـ زي ما شايف ـ روق وبِس.. كلامك صاح يا قيقا.. أنا سحبت كلامي عشان اكتشفت ـ قبل ما تشرح إنت أخيراًـ إنك لم تأت لحوار ـ ولا ود لبون ـ مع إنو شايفك الناس الرايقين بتحاورهم في أماااان الله :).. قالت فنانة حلتنا: الله للناس الرايقين.. والعسل ناسو مخصوصين.. وكمان عشان أنا كمان حساس زيك واحد.. والحساس أكتر بقى يملا شبكتو العنكبوتية.. بعـدين ياخي وريني ـ الله يرضى عليك ـ بس (بفتح البا) الفرق بين الهجاء، والنقد ـ كما سميت بوستك دا في مداخلة حقوق الإنسان ـ والبل، والنبز ـ كما سمته دينا خالد ـ والقرقراب ساكت ـ زي ما عملت الوش الأخدر البدور في عنوان البوست.. على أية حال: ما عندك أييي مشكلة.. أنقدك سااكت مافي زول ساءلك، وبهذه المناسبة أهديك والناس العسل المروا من هنا أغنية: الخدّير.. ليه (نقدو الطير).. ورجاء تاني ومن باب (لولا بنا لا تمـر الناس) ما تهدي لي تاني غنية أجنبية وخصوصا مصرية:



ـــــــــ
أشان تيآمن بالبل زاتو :).. يا زول أنا زي المصريين العاجبك غناهم دا: المصري قالوا يمشي عشن يقدم لوظيفة مهندس، لو قالوا ليه والله وظايف المهندسين دي إتملت هسي بس في وظايف طباخين، بطلع ليهم بكلوريوس الطبيخ طوالي، وهكذا.. ويا بلال زوروني مرة..

Post: #42
Title: Re: البندول مفيد للصداع .. او في هجاء البطل
Author: قيقراوي
Date: 15-03-2013, 09:54 AM
Parent: #41

اخونا مجدي دفع الله .. من وسيط الورجغة التحتاني (اقرأ الفيسبوك)

Quote:
والله بصراحة كده كلامكم يريح الاعصاب وينسي لزول همومو،بس داير ليهو زول فاااااضي ما هندو شغلة.


كدا كيف؟

للضمان كدا ختيت ايقونة ثمب اب
المافي شنو؟

انتو طيبين .. ونحنا نستاهل كمان



















----------

نبهني عيس لمفارقة خطيرة
يا عيسى انا ما قاعد افطفط في الردود وانقى العاوزو
انا ماشي بالترتيب ..
الا حماري اعرج بعيد عنك

فمرحباً بكل المارين .. وتحية كبيرة للقادمين الجدد لساحة البل هذه
الكل مرحب بيو هنا .. دون فرز
اهو ورجغة في ورجغة
حد ماخد منها حاقة!؟

Post: #43
Title: Re: البندول مفيد للصداع .. او في هجاء البطل
Author: محمد حيدر المشرف
Date: 15-03-2013, 10:42 AM
Parent: #42

طه جعفر ..
ازيك يا أستاذ وكيف الحال ..
و ..

قل إنا تواعدنا- ليالي الظّلم أن نبقى هجائيين-حتى يستفيق الحرف من حمى التآكل
و قل إن الذين يعرقلون مسيرة الأشياء نحو ختامها-يتسابقون على رقاب الصابرين- ليقتلوا طفل الطبيعة


كلام تاج السر ده يا طه.. هو ما يترائي لى الآن وكأوضح ما يكون ..
مهزلة التواتر والتوقع .. توقع الآتى من الأكاذيب الموهطه فى قالب اللغة القخيمة او فى خطابات السلطة..
"تبا لهذا الانطهاق المستفز" !!

لأن العدل لا يعني اختفاء جريمة الوطن الكبيرة
كان السارقون يخاطبون الوعي من قلب الشريعة
وكنا نحسب الدين امتدادا للطهارة في سراديب الحكومة
لذلك نمحى في رحلة البحث, العنيد ونمحي في جولة التفتيش عن جدوى لانفصام ذواتنا, و ذوات من جاءوا بهذا الخبث في هودج الدين الحنيف
لكنه العدل ابتعاد صارم عن شهوة النفس الشغوفة
و تحديد لقانون التحرك في حدود الآخرين


وسنبقى هجائيين يا طه ..
ونفهم تماما أن القضية أن توازي ما علمت بما تمارس من سلوك
و أن تمشي إلى الأشياء و أنت تدرك أنها الأشياء
و أن تبقى مع صوت الحقيقة- أينما اتجهت - لكي تبقى دليلا للحياة

و ..
يا الله يا تاج السر ..
وهى دعارة بالفعل أن تشترى من عسكر شيئا لتحكم دولة الجوعى .. و .. أن تراهق باسم هذا الشعب المسكين ..

وهذا الخصي يشنق كل أحلام الطفولة
و هذا الوضع يتهمنا بالنضال و ينتهكنا واعيا بأزيزنا في الشارع المفقود, أين الشوارع كي نعلق معطيات المرحلة
بل أين المراحل كي نفتش عن طريق لا يضل طريقه نحو السياسة
إن المراحل تغتصبنا في الحروب لتشتري دخانها اليومي من سوق العساكر
إن العساكر باعة يتجولون على أزقتنا ,يبيعون الدعارة للذين يراهقون بشعبنا
كانوا كهولا ملتحين و راهقوا
ربحت تجارتهم
و مات البائعون دماءهم من اجل أن نمشي على أقدامنا, و نحسها تمشي – فنمشي نحو أفق لا يصله الباعة المتجولون
دعارة أن تشتري من عسكر شيئا لتحكم دولة الجوعى
و دعارة أن تستبيح الوعي كي تسري إلى ثرواتنا ليلا
فلا مسجدا أقصى وصلت
و لا وحيا أتاك من البعيد
ولا ارتفعت بمستواك إلى القضية
إن القضية أن توازي ما علمت بما تمارس من سلوك
و أن تمشي إلى الأشياء و أنت تدرك أنها الأشياء
و أن تبقى مع صوت الحقيقة- أينما اتجهت - لكي تبقى دليلا للحياة


أعلاه - فى كل المداخلة- مقتطفات من "المشنقه" لتاج السر جعفر .

Post: #44
Title: Re: البندول مفيد للصداع .. او في هجاء البطل
Author: قيقراوي
Date: 15-03-2013, 10:58 AM
Parent: #42

دندنة يا رفراف قلبي الشمال



Quote:

كيفتنى ليك شديد قصة جيل السبعينات دى
تصدق يا قيقا دى المشكلة كلها ؟!!
بالجد الناس المصدعننا بالكتابة ديل ما قادرين يحسوا
ولا بس حتى يعرفوا الفرق ...

دا الزيت
لكن من يفهم ..

ناس البطل عاشوا زمنم وعاوزين يعيشوا زمن غيرم ..
او بالاحرى -كجيل فاشل- ادمن الفشل ومطاطاة الراس للفاشلين لليس بوسعهم فهم جيل نهلة الاوصدت ازرقها كلو كلو دي، وكسر الكودز بتاعة تشفيرو ..
محتاجين كورسات لغة مكثفة في جارغون الجيل دا

شوفي ليك جنس بؤس ولي عنق الوقائع والتاريخ .. برغبوية عالية جداً:


Quote:

الذي يعرف الساحة السودانية يعرف لزوماً أن غالبية الاحزاب والقوى السياسية ظلت تطالب، بعزم وتصميم نادرين، ليس بإلغاء المادة 126 وحسب، بل بإلغاء القانون الجنائي برمته. وقد دفع عدد من أبرز السياسيين والمفكرين السودانيين، مثل الامام الصادق المهدي، أثماناً غالية وهم يجاهرون بهذا الرأى علي مدي الحقب الممتدة منذ سبتمير 1983م وحتي يومنا هذا، فعلي من يزايد صاحبنا؟

حولتن!!
ما لقيت ليك مفكر ومناضل غير الصادق المهدي .. الصادق المهدي!؟

لا خلاس خلينا نمش نلبس قنابيرنا ونجيك
قيقا المطلوب لا يرتدي قمبوره الآن .. فضلاً اعد المحاولة فيما بعد

دا ذهول شنو يا بطل دا الحاكى ذهول الترابي عن الزمان والمكان .. كما قال الخاتم عدلان ذهولئذٍ ترابي صاعق زاعقٍ!!
الصادق المهدي الاتآمر على الديموقراطية، وعلى طرد الحزب الشيوعي من البرلمان

[خذ من دمي ملء ما وسعت يداك، ولا تحدثني عن "بطولات“ لهذا*] الشخص












-------

* د. تاج السر جعفر - "الطين في احتماله الاخير“


يا ناس من الامس الممجدين للاشيء .. ارحمونا وحلوا عنا سمانا ..
اتركوا المايك .. والفرصة لجيل "كتمت“ .. و "الكتاحة“ ... دا جيل بجي منو على ما يبدو من حراكه


دي دعوة صريحة لمفاصلة مجايلة تأريخية ..
وانا هنا اعلن انحيازي لجيل نهلة وهي تفتح ازرقها على رؤية ما وراء الاكمة
و وراء الاكمة وميض نار ..و جيل ثوري سيقود تغيير شامل يكنس العفن المكرن في الزمن من عهد عاد
ارفعوا ايديكم عن المستقبل يا جيل ادمان الفشل .. كفاكم افسدتوا طفولتنا وشبابنا .. لن نسمح لكم بسلبنا آخر ما ادخرنا لهرمنا
مجرد صيحة مستكترنا علينا!؟
تباً لكم!!

Post: #45
Title: Re: البندول مفيد للصداع .. او في هجاء البطل
Author: قيقراوي
Date: 15-03-2013, 11:21 AM
Parent: #44

قل إنا تواعدنا- ليالي الظّلم أن نبقى هجائيين-حتى يستفيق الحرف من حمى التآكل



قل إنا تواعدنا- ليالي الظّلم أن نبقى هجائيين-حتى يستفيق الحرف من حمى التآكل




قل إنا تواعدنا- ليالي الظّلم أن نبقى هجائيين-حتى يستفيق الحرف من حمى التآكل




























---------


د. تاج السر جعفر الخليفة طه الريفي

يااااااه يا مشرف ياخي!!


نصوص طازجة .. من التسعينات
الا ليت الشباب يعود يوماً .. فنخبره اننا هرمنا اوانطة سااااي!



وكلوا من البطل!!

Post: #60
Title: Re: البندول مفيد للصداع .. او في هجاء البطل
Author: قيقراوي
Date: 15-03-2013, 06:34 PM
Parent: #40

Quote:

انت يا قيقراوي و دكتور المشرف اولا ضهاري ساكت
خلو اولاد البندر يتونسو

المشرف طلع من عندينا (حلف اللبن "نيدو"*) بالله
من زماااان وانا اقول اللسم دا ما غريب علي؟


طيب ليه هو حاتم اليائس فاكينا فينا انهم من اولاد قلبا؟























-------

قوات حلف شمال الضهرة .. المجوقلة

هي صراحة محمولة على الحمير .. لكن دائماً مرصودة ومقصودة من طيارات حلف شمال الاطلسي (نيتو) المعتدية .. الغاشمة
علاقتنا بالطيران وقفت على الطيارة الجات تضرب الخرطوم .. كتلت حمار كلتوم .. ست اللبن
ايقونة الحلف الابيض

رثاها شاعر الحلف وعلقت مرثيته كأيقونة لصمود الضهاري في صدر "الكتاب الابيض" ..
مفكرينا وكتابنا قرروا انو يكتبو بحبر ابيض يعبر عن ضمير امة الضهاري .. فخشيوا تلويث عذرية الورق ..
فخلوا الكتاب ابيض .. كأنقى ما يكون
طوبى للضمائر البكرة

Post: #48
Title: Re: البندول مفيد للصداع .. او في هجاء البطل
Author: قيقراوي
Date: 15-03-2013, 01:16 PM
Parent: #30

Quote:

سلام يا قيقا ...
ياخي قريت كلامك كذا مرة عشان أعرف نقاط خلافك مع البطل في المقال غلبني ... ما عارف ليه جاني إحساس انك قررت تبل البطل بعد داك بقيت تفتش في الأسباب !!
كدي براحة الله ورينا اعتراضك شنو علي مقالة البطل بتاعت نهلة و محمد محمود دي !!

وعليكم السلام ورحمة الله تعالى وبركاتوهو

لو قريت كلامي مرة واااحدة وبتركيز كافي انا قلت وفي العنوان:

[في هجاء البطل]

هجاء يعني بل فيما تورجغون بالمحلي

لم ادعى ان هناك ثمة [نقاط خلافك مع البطل] محددة!!
ولم اعد احداً بمبرر موضوعي للهجاء دا .. ولا اظن سبقني عليها احد الزملاء (السابقين) في المجال بتاعنا دا

المتنبي جا معط كافور الاخشيدي .. بل سيف الدولة همسلف .. بعد ما مدحهم زيييين
مافي زول سألو من [نقاط خلافك ] دي ..
عشان لقيتوني يتيم ول شنو!؟



























--------

انا توعدنا ليالي الظلم ان نبقى هجائين حتى يستفيق الحرف من حمى التآكل

دا قسم سري اقسمنا عليو في التسعينات .. ولن نحنث به عشان خاطر البطل صاحبك
انت ذاتك لو راينا فيك بوادر ظلم لهجيناك .. بل قومناك بحد السيف
المافي شنو!؟



وبخصوص معاني الكلمات احيلك لرد د.منصور خالد للطيب مصطفى:

"من لا يعرف معاني المفردات، عليه باللجوء للقواميس، او سؤال العارفين ..
هذا والا، لا يلومن الا نفسه“

دي مسائل لازم تؤخذ بالصرامة اللازمة .. ما فيها اخوي واخوك
وانت عرف اخوك في المسائل الاكاديمية دي ما بجامل .. كلو كلو.

Post: #47
Title: Re: البندول مفيد للصداع .. او في هجاء البطل
Author: قيقراوي
Date: 15-03-2013, 12:15 PM
Parent: #29

حاجة سهام

Quote:


اقتباس :"لكان هو الدكتور محمد محمود نفسه، الذي يريد ان يجعل من فتاة صغيرة في عمر أحفاده سلماً ومطية لطرح نفسه في أوساط الدياسبورا السودانية مدافعاً ومنافحاً عن الحريات والحقوق. وكأن الساحة ليست مكتظة أصلاً بناشطي الحقوق والحريات، حتي صارت في زماننا الحاضر شغل من لا شغل له، ومهنة أرتال من التائهين، ممن أعياهم الحصول علي عمل في متاهات المدن الغربية!"

ود عمنا قيق وتايشا

مرقتكم النقطة الفوق الغين

كع

متأكدة اننا مرقنا بكرامة البليلة يا حاجة؟

ياخي البطل قرررررب يقول اي زول غيري ما زول ذاتو!!
ابدى تبرمو من الجميع!!!!




























--------

سم سانين؛ هووو كيرز!؟

البطل يحسب زي ما يحسب. .. ويتوهم زي ما عاوز
ويعمل معاركو الصغيرة من دخان سجايرو ان شاء الله (لو كان بدخن؟) .. المافي شنو!؟

ورد في كتاب "مختار الاغاني في الاخبار والتهاني“ لمحمد بن منظور - المجلد الخامس - باب ال(واو)
ؤ دا كلو واووووووو بالمناسبة! .. والبة بن الحباب .. الوليد بن يزيد و و و .. واااااو .. مش ح تأدري تغمضي عينيك!

المهم
نرجع لصاحب( لُعاب المنيّة) نسيت اسمو والله .. ولُعاب المنيّة سيف قصير جداً .. بذاكرة سكين بصل مما تعدون

المهم يا سيد الامانتي ليك، مرة داخل على كوخو كدا، سمع ليك كركبة جوة .. طوالي اشهر لُعاب المنيّة وهو يردد:
اخرج بالعفو عنك، او ندخل بالعقوبة عليك ..
فت كدا جا نابل ليك ك لب من جوة .. اظنو افزعو (زعيق) صاحب لُعاب المنيّة (لاحظي الزعم الصاعق الزاعق في التسمية :) )
طلع ك لب فعلاً وحقيقة .. لكن صاحبنا - في ذمتكم ما صاحبتو معاي ومع لعاب المنية- كان لازم يرضي غروره فصاح بصوتو الجهير:

الحمد لله الذي مسخك ك-لباً ... وكفاني حرباً!!

رواه قيقاراوي

Post: #46
Title: Re: البندول مفيد للصداع .. او في هجاء البطل
Author: قيقراوي
Date: 15-03-2013, 11:53 AM
Parent: #24

Quote:

اما بخصوص موضوع البوست
آسف ياخ ما بقدر أساهم بأي شيء
اعتبرني من جمهور القراء المغلوبين على أمرهم


قال درويش ذات مرة .. والمرارير والمرارات كثيرة:

وانت تحرر نفسك بالاستعارات .. تذكر غيرك .. من حرموا حق الكلام!

























--------

اهو بنحاول نتدورش ... ونتذكر


اللهم جنبنا حظ النفس .. واحشرنا في زمرة عبادك الذاكرين .. المتذكرين
المذكرين

آمين دعوة مظلوم .. كشف شعرو ودعى ربو

Post: #49
Title: Re: البندول مفيد للصداع .. او في هجاء البطل
Author: أمين محمد سليمان
Date: 15-03-2013, 01:51 PM
Parent: #46

Quote: لو قريت كلامي مرة واااحدة وبتركيز كافي انا قلت وفي العنوان: [في هجاء البطل] هجاء يعني بل فيما تورجغون بالمحلي لم ادعى ان هناك ثمة [نقاط خلافك مع البطل] محددة!! ولم اعد احداً بمبرر موضوعي للهجاء دا .. ولا اظن سبقني عليها احد الزملاء (السابقين) في المجال بتاعنا دا
لا كان كده خلاس ... وقع لي !!
---------------------
حبيبنا أبا أيهم ... لعلك و الاولاد و أمهم بخير و صحة و عافية ....
Quote: مقالة نهلة وبث ( بالثاء ) .. نرجع لمقالات سابقة كمقال منان ومقال دينق ومقال ... كدي خليني اذكر وارجع ليك ..... المختصر المامفيد اغلب مقالات البطل المنشورة في صحف الخرطوم هي انعكاس لمشكاسات البطل وخصومات البطل وانطباعات البطل الاسفيرية ....
مقالة نهلة و بث يا محجوب لانو ده الأتكلم عنو قيقا ... و جاب ليه رابط قبل ما يبدأ فاصل الكلام الفارغ حقو ده !! الباقيين هم الاتكلمو عن مقالات تانية !!
-------------------
سلامات يا عيسي ياخي
Quote: الله يطمنك يا بروف دنيا وآخرة.. كنت قايل روحي براي الما فاهـم
قيقا بيؤسس لمبدأ بل جديد كاننا نحن ناقصين ... ياخي البطل و لا غيرو ما كبيرين علي النقد ولا علي البل ... لكن بحقها ... مش بالكلام الفارغ البين الوشوش الضاحكة !!

Post: #50
Title: Re: البندول مفيد للصداع .. او في هجاء البطل
Author: قيقراوي
Date: 15-03-2013, 02:06 PM
Parent: #49


Post: #52
Title: Re: البندول مفيد للصداع .. او في هجاء البطل
Author: محمد البشرى الخضر
Date: 15-03-2013, 03:42 PM
Parent: #50

ألحق.. الشبكة بلّت البروف :)

Post: #53
Title: Re: البندول مفيد للصداع .. او في هجاء البطل
Author: قيقراوي
Date: 15-03-2013, 05:25 PM
Parent: #52

Quote:

مقالة نهلة وبث ( بالثاء ) .. نرجع لمقالات سابقة
كمقال منان ومقال دينق ومقال ... كدي خليني اذكر وارجع ليك .....
المختصر المامفيد اغلب مقالات البطل المنشورة في صحف الخرطوم هي انعكاس لمشكاسات البطل وخصومات البطل وانطباعات البطل الاسفيرية ....

اخونا شبكة من الفيسبوك بتفق معاك يا محجوب ...

وبتساءل عن جدوى وفائدة ما يكتبه البطل للناس في (الخرطوم)!؟

كلنا عاوزين نعرف
























------------


يا ود البشرى والله ما درناها للبروف
لكن نعمل ليو شنو ... براو حشر نفسو في الركن الاضيق دا

()

Post: #54
Title: Re: البندول مفيد للصداع .. او في هجاء البطل
Author: محمد حيدر المشرف
Date: 15-03-2013, 05:28 PM
Parent: #52

الخبر اللكيد, قالو البروف اترشي...

Post: #55
Title: Re: البندول مفيد للصداع .. او في هجاء البطل
Author: Balla Musa
Date: 15-03-2013, 05:57 PM
Parent: #54

غايتو ياقيقا
قنطرت نفسك ولاتخاف عقباها

دا الفرق بين ناس الخرطوم اتنين وناس كوستى!!

Post: #58
Title: Re: البندول مفيد للصداع .. او في هجاء البطل
Author: MAHJOOP ALI
Date: 15-03-2013, 06:18 PM
Parent: #55

Quote: غايتو ياقيقا
قنطرت نفسك ولاتخاف عقباها

دا الفرق بين ناس الخرطوم اتنين وناس كوستى!!

يابله ارجا البل
انت والبروف ....
الا اذا كنتوا من اتباع نظرية ( بتل مايموت !!)
وكان شوفتوا الفيلم دا في القضارف كلمونا !!!!!
عله البل محمدكم

Post: #56
Title: Re: البندول مفيد للصداع .. او في هجاء البطل
Author: Yassir Tayfour
Date: 15-03-2013, 06:06 PM
Parent: #54

Quote: الأعضاء الجدد و الأخوان و الأخوات من خارج الأستديو ديل اخر أمل إنو حال المنبر ينصلح ... .دعو الناس تكتب ..... دعو الأشجار تنمو !!
هذا ما كتبه البروف هيمسيلف عن الفيسبوكاب ؛)
___
يا قيقيا وود المشرف وود البشرى دعو الأشجار تنمو ؛)

Post: #57
Title: Re: البندول مفيد للصداع .. او في هجاء البطل
Author: قيقراوي
Date: 15-03-2013, 06:18 PM
Parent: #56

Quote:

يا قيقيا وود المشرف وود البشرى دعو الأشجار تنمو ؛)

(اليتيم) ما بوصوهو على البكاء يا ابتفة

قيقا بديلو اخدر ..

شجرة وشجرة بساوي شجرتين ..
شجرة وشجرة وشجرة .. بتعمل غااااابة

وهكذا


























-----------

يا بلة الممطورة ما بتبالي من الرش ..

هوو كيرز!؟

Post: #59
Title: Re: البندول مفيد للصداع .. او في هجاء البطل
Author: أمين محمد سليمان
Date: 15-03-2013, 06:33 PM
Parent: #57

Quote: هذا ما كتبه البروف هيمسيلف عن الفيسبوكاب ؛)
و المشكلة شنو يا ياسر ؟!
Net Work كتب رأيو ... يعني عشان بلاني معناتها ح أغير رأيي في الكلام ده ؟!! ياخي مش يمكن كلامو صاح ؟!!

Post: #62
Title: Re: البندول مفيد للصداع .. او في هجاء البطل
Author: قيقراوي
Date: 15-03-2013, 07:00 PM
Parent: #59

Quote:
بس (بفتح البا) الفرق بين الهجاء، والنقد ـ كما سميت بوستك دا في مداخلة حقوق الإنسان ـ والبل، والنبز ـ كما سمته دينا خالد ـ والقرقراب ساكت ـ زي ما عملت الوش الأخدر البدور في عنوان البوست.. على أية حال: ما عندك أييي مشكلة.. أنقدك سااكت مافي زول ساءلك، وبهذه المناسبة أهديك والناس العسل المروا من هنا أغنية: الخدّير.. ليه (نقدو الطير).. ورجاء تاني ومن باب (لولا بنا لا تمـر الناس) ما تهدي لي تاني غنية أجنبية وخصوصا مصرية:

والله حيرتني كلو كلو يا عيس بحكاية الاهداء دي (مني ليك)
انت يا اخوي قريت البوست دا كويس!؟
اول مداخلة شفتها؟
كدي -معليش اتحمل المصري دا شوية عشاني وعشان البوست- وسف وقارن الفي الفيديو بالكلام الاستهليت بيو البوست دا!




























--------

اما سؤال الفرق بين النقد والهجاء .. مع ان الاجابة عليو مسئولية مؤسسات دولة وصحافة حرة

لكن جداً اجاوب ليك حسب فهمي للنقد والهجاء

Quote:
الهِجَاءُ - هِجَاءُ :
الهِجَاءُ : السَّبُّ وتعديدُ المعايب ، ويكون بالشِّعر غالبًا .

http://www.almaany.com/home.php?language=arab...87%D8%AC%D8%A7%D8%A1

ومن وكيبيديا

Quote:

الهِجاء هو نوع من الشعر نقيض المديح يُكتب عندما يريد الشاعر ان يعبر عن سخطه واشمئزازه من شخص آخر وهو عكس المديح فالمديح يقوم على عاطفة الإعجاب والتقدير وذكر المناقب أما الهجاء يقوم على ذكر السُخط والإشمئزاز وذكر المثالب. والهدف المشترك المتمثل في هجاء هو أن الأفراد العار ، والمجتمع نفسه، في تحسن. عادة ما يعني أن يكون مضحكا ، ولكن الغرض منه هو أكبر كثيرا لانتقادات بناءة الاجتماعية، وذلك باستخدام الطرافة كسلاح.



الشغلة (عاطفة) سلبية هنا ..
والنقد (علم)

دا شغل ناس البطل يا اخوي الماخدين عليو قروش .. المرة الجاية وجه سؤالك ليهو .. للوزارات المختصة
انا بكتب بلوشي .. لمتعتي الشخصية
اهجو وامدح على كيفي
المافي شنو؟

Post: #61
Title: Re: البندول مفيد للصداع .. او في هجاء البطل
Author: محمد حيدر المشرف
Date: 15-03-2013, 06:38 PM
Parent: #57

غايتو يا بله النقول ليك كلام ..
قيقراوى ده عصىٌ على "البل" ..
والحاضر يكلم الغايب ..





..
انتو قايلين قيقراوى ده حدو الوشوش الخدرا دى ولا شنو ؟!
كما وأن حديثو عن الممطوره ما بتبالى من الرش ..
حديث ذو اتجاهين .. ذو حدين فى الواقع و ..
هناك حد مسنون و .. صديىء كمان ..
ذلك لو تطلب الحال ..

المافى شنو ..

Post: #63
Title: Re: البندول مفيد للصداع .. او في هجاء البطل
Author: حمد عبد الغفار عمر
Date: 15-03-2013, 07:18 PM
Parent: #61

أنا غايتو بهديكم أغنية خليل اسماعيل

ما كنت مصور عيون تجرح قلوب بالشكل دا

ورقة الطرف الكحيل الشوق غلب والبل بدأ


بس يا قيقراوي

ايهما أمتع أنك تقرأ (كقارئ) مقال مكتوب بلغة جميلة رغم ضحالة وخبث فكرتو

ول

فكرة جميلة ونبيلة مكتوبة بلغة ركيكة


أنا عن نفسي الأثنين مؤلمات بالنسبة لي

Post: #64
Title: Re: البندول مفيد للصداع .. او في هجاء البطل
Author: قيقراوي
Date: 15-03-2013, 08:58 PM
Parent: #63

Quote:
قيقا بيؤسس لمبدأ بل جديد كاننا نحن ناقصين

يؤسس بالسين؟

كضباً كاضب .. بل يؤثث

و[هل غادر الشعراء من متردمٍ]؟

جرير، والفرذدق .. اولبحتري الل اللخ ديل كانو بنموا في عنافي في البطانة؟

























------------

حتى في الاسافير .. في العصر الجاهلي الحديث:

راجع (في هجاء الحسن البكري) او نحو ذلك للمجالد الاسفيري الفذ محسن خالد
وراجع كل البعمل فيو حسن موسى في منبرو الديموقراطي بهناك!!
ما اسست اي حاجة انا من عندي.

نبز ما بنبز .. اسفاف وابتذال ما بنجر ليو
بدون حق لا


دا ممكن تعتبرو وعد
ابوك انا يا (وعد)
المافي شنو!؟

Post: #65
Title: Re: البندول مفيد للصداع .. او في هجاء البطل
Author: حافظ انقابو
Date: 15-03-2013, 09:17 PM
Parent: #64

قيقا راوي مشتاقون ي صديقي
دا بل نضيف ومؤسس
احييييببك وم بتحييييينا ياخ






















.....................
عارف يا قيقا البندول دا مهم جدا
اصلو اand#65275;كسترا ما بفاق جيبي
والبطل اله قال بي قولو
غايتو هسة النعاس ضغط
بكرة بجيك "للبل الجد"
والمداخلة دي بمثابة حجز موطئ قدم في البوست

Post: #66
Title: Re: البندول مفيد للصداع .. او في هجاء البطل
Author: قيقراوي
Date: 15-03-2013, 10:10 PM
Parent: #65

بلة يا بلة وينو بلة
وهكذا ...

Quote:


غايتو ياقيقا
قنطرت نفسك ولاتخاف عقباها

دا الفرق بين ناس الخرطوم اتنين وناس كوستى!!

برضو (الرغم) دا جلى تصدق؟

لم نستخدم القوة بعد ..

الضهرة تحذر البنادر للمرة الاخيرة
حلف النيدو ليس مثل حلف النيتو ..

لو ركب فِرد ضهراوي الا يخربو عقابكم
اخير تساووا كلامكم قبال نقوم نساوي رقابكم!!

اوكما قال المك ذات زعم صاعق .. زاعق


















---------

البطل وامثاله ارباب* من كرتون ..
نحن الصنعناها للاسف

سبحانك يا الاتبليت من اول قطرة!!


رب ما صنم ...

[صمت الاصنام رحيم
ثرثرة الرب مربكة!]

Post: #68
Title: Re: البندول مفيد للصداع .. او في هجاء البطل
Author: قيقراوي
Date: 15-03-2013, 10:56 PM
Parent: #65

Quote:

بكرة بجيك "للبل الجد"
والمداخلة دي بمثابة حجز موطئ قدم في البوست

الليلة ووووب
(ربنا يطراك بكل خير يا اميرة)























----------

حياك الله يا فردة

خد راحتك خالص خالص
البيت بيتك ..
اقصد البوست بوستك
بس شوية شوية على البنزين
وما تقوم بي نمرة خمسة


رصيف نمرة خمسة .. والشارع زحام ... اللخ اللخ
عوداً على بدء

Post: #67
Title: Re: البندول مفيد للصداع .. او في هجاء البطل
Author: قيقراوي
Date: 15-03-2013, 10:45 PM
Parent: #63

Quote:

ايهما أمتع أنك تقرأ (كقارئ) مقال مكتوب بلغة جميلة رغم ضحالة وخبث فكرتو

ول

فكرة جميلة ونبيلة مكتوبة بلغة ركيكة


أنا عن نفسي الأثنين مؤلمات بالنسبة لي

كقارئ راي اللتنين ما يكتبوا
لانهم لا يمتلكون كل العدة المطلوبة

























--------

اكبر ابتذال للكتابة فكرة العمود الراتب .. في الصحف اليومية
ما عندو علاقة بالكتابة .. دا اشباع لشهوتي الورجغة ..و العائد المادي
حينما تتحول الكتابة لمجرد اكل عيش .. ويصير الكاتب مجرد موظف في وسيط اعلامي (وممكن تقرا اعلاني بالتصحيف، ولا تثريب عليك اليوم)
تضيع الجماليات .. وتنطمس الفكرة
بس (بكسر الباء)

Post: #69
Title: Re: البندول مفيد للصداع .. او في هجاء البطل
Author: حافظ انقابو
Date: 16-03-2013, 12:34 PM
Parent: #67

مصطفى البطل يعلم تماماً ان قراءه
من الممكن جدا ان يقومومن بشراء
مقاله من المكتبة إذا قام بطابعته على
ورقة A4 ووزعه على المكتبات لذا
فمن الآخر يا قيقا ممكن تقول عليه
مغرور أو مبتز أو أيا كان
حسب نوع البل
وقدر تقول إنو الزول دا بعد الحشو الشفناه في المقل دا
كورتو فكت .. أو لياقتو بقت تعبانة أو أيا كان






















_________
أما بالنسبة ليك فـ الحمد لله
بديت تستعيد قواك الكامنة
وخليت مطاردة الجكس في البورد
عارفك ح ترد على زيل المداخلة وتخلي الباقي

Post: #70
Title: Re: البندول مفيد للصداع .. او في هجاء البطل
Author: محمد حيدر المشرف
Date: 16-03-2013, 12:53 PM
Parent: #69

بالله يا شباب .. وشابات .. استصحبوا معاكم مداخلتى دى جزاكم الله الفا مما تشتهون ..
مداخلتى التى انفقت فيها أكثر من عشر دقائق إسفيرية "تقرأ نضالية" ثمينة جدا ..
لا سيما وانى مشغولا باحوال البندر ..
البندر يا قيقا .. واخد بالك ؟! .. هل تسمعنى ؟!
الا ان الموضوع واحد !!

المهم مداخلتى دى ان لم تجد صدى فى بوستكم هذا يا " أحباب ويا عملات البندر ..
فما عارف اعمل فيها شنو ؟!

حتكون عاملة زى حاتم الياس فى محاولته to fit in فى اسطورة اولاد قلبها .. (ربما يكون ذلك بايعاز من بهاء بكرى .. ربما !) ..
الله يطرى دينق بالخير ويهدى النفوس ..

البطل يا قيقا:

Quote: أجد نفسي علي ذات الضفة مع الواثق في أنه لا محيص عن التعامل الناضج مع ثوابت المشهد الراهن ومرارت الأمر الواقع. وفي طليعة هذه الثوابت – أو المرارات - أن الدولة والنظام أصبحا بعد ربع قرن من (التمكين) توأمان سياميان. سقوط النظام يعني ضمنياً سقوط الدولة، بما يستتبعه من تشظٍ وتفسخ وصوملة. ولا نظن أن في بلادنا اليوم – بخلاف أهل المراء والجدل - من يزعم أنه يستطيع ان يرى في سودان الإنقاذ دولةً منفصلة عن النظام، أو نظاماً منبتاً عن الدولة.
كما نجد أنفسنا مصدقين لما بين يدي التجربة التاريخية السودانية، التي تقول صفحاتها – وهي لمّا تزل بيضاء من غير سوء، لم تصفر وريقاتها بعد – أن السودان لم يشهد قط إنتفاضة ثورية شعبية إجتثت نظاماً مرفوضاً إلا بعد اصطفاف قوى اليسار الوطني وفصائل اليمين الاسلامي، واحتشادها حذاءً بحذاء، في مواجهة ذلك النظام. وأن أى حراك سياسي يستهين بالقوى الإسلامية ويستتفهها ويدفع بها الى خارج جدلية الوعي والارادة التغييرية، محكومٌ عليه بأن يراوح مكانه ويدور حول نفسه – مثل ثور الساقية – الى أبد الآبدين!


النوع ده من التفكير الذى يتجاوز بديهية سقوط الدولة حينما تكون الدولة والنظام توأمان سياميان .. التفكير ده عندو حلين لا ثالث لهما .. يا اما السطحية او تمرير الاجندات البائسه ..

سقط الاتحاد السوفيتى (العظيم والعظيم الله) لذلك, سقط العراق "العظيم بدوره" .. سقطت الجمهورية المصرية الاولى لذلك ..الجماهيرية العربية الليبية الاشتراكية الخ .. والشواهد كثيرة يا قيقراوى, فما بالك بجمهورية السودان !!


ولحسن الظن بالبطل سنهجو البطل بالسطحية, ربما للغته الفخيمة ليس الا !!

عن اى سقوط أكثر يتحدث البطل, ربما يكون الرجل مستغرقا تماما ومطمئنا لشوية مظاهر الدولةالخجولة وهى تترائي للناس فى شوارع الخرطوم وبعض المدن.. وأعنى بوليس الحركه للجباية واشارات المرور وتلك الابنية والأسوار للمدارس والمستشفيات الفارغة تماما من معانيها ..

وحتى -بالامس القريب ده- تظاهر مرضى الكلى عند أسوار مستشفى الخرطوم!! تصور !!
ونعم .. تسقط الدول عند خروج مرضى الكلى فى مظاهرات !!
وعندما تأكل الفئران الناس فى ال recovery room فى المستشفيات ..
ناهيك أن تقصف طفلة .. تقصف طفلة .. بآنتينوف !!

تصوروا أت تأكل الفئران رجلك السليمة بعد عملية استئصال ساقك المريضة فى مستشفى !! ..
ثم تأتى لتكتب مقالا للناس تحذرهم من سقوط الدولة !!

عن أى سقوط أكثر يتحدث البطل ؟!
لمصلحة من يكرس هذا الفهم المغلوط و .. الفطير, أن سقوط النظام سقوط الدولة ..
لمصلحة على عثمان أن يستقل طائرته الرئاسية للعلاح بالمانيا وهو على بعد كيلوميتر واحد من مستشفى الذرة ؟!
مستشفى الذرة بالخرطوم وليس االمناطق المدعاة بالهامش ..
حيث أطفال اللوكيميا والموت المجانى فى دولة عبدالعزيز البطل المشادة على أعمدة النظام؟!
هل كتب النحرير مقالا حول هذا ؟!
او هلا كتب ..
تبت يد الذين لا يكتبون وتب ..

سقطت سقطت يا عزيز ..
سقطت من زمااان يا بطل ...

هذه شهوتى الهتاف كمناضل اسفيري بالتأكيد!!
وأعود: لمصلحة من ..

Quote: سقوط النظام يعني ضمنياً سقوط الدولة،


لمصلحة هذه المظاهر الفارغة من أى محتوى حقيقي فى نواحى الخرطوم ؟!
لمصلحة تلك الفئران الليئمة التى اكلت الساق السليمة لمريض المناقل فى مستشفاها الفارغة الا من الفئران ؟!!
ونعم .. أكلتنا الفئران عندما اانصرفنا بالكتابة نحو تمجيد النظام .. وقوة النظام .. وهيلمانة النظام ..

عن اى سقوط أكثر يتكلم البطل ده بالتحديد ؟!
وكيف يتجاوز أهل السودان هذه المعادلة الصفرية بالنضال الذى ينتظم فيه اليسار واليمين وكأجمل ما فى بال بطلنا ؟!!
وكيف يستنطق هذا البطل ما يصدقه "هو ذاتو " واقفا بين يدى التجربة التاريخية فى السودان ..
أو عن أى يمين يتحدث ؟!

تعرفوا !!

البطل ده داير يقول للناس المؤتمر الوطنى ده قاعد قاعد .. هو النظام الذى لا دولة بدونه .. وهو اليمين الذى لا ثورة على النظام "اللهو هو ذاتو" بدونو ؟!

لا اعتراض بالتاكيد ان يقول ما يريد أن يقول .. فقط ليقوله بالوضوح دونما مراوغات لغوية لا نكهة فيها ولا مذاق .. وذاتها لا فخيمة ولا حاجة ..

يقول المثل السودانى الدارج أوساط المكينيكية فى المناطق الصناعية وشارع الخور:
المابنزل قلووظ .. بنزل كبس !!

شكلو البطل تمثل هذه القكرة ..
وأعنى تنزيل الافكار كبس ..

ما بطل عاد ؟!!

Post: #71
Title: Re: البندول مفيد للصداع .. او في هجاء البطل
Author: أمير محي الدين محمد
Date: 16-03-2013, 01:37 PM
Parent: #69

Quote: وخليت مطاردة الجكس في البورد


يا اأنقابو ذيل المداخلة ماعندك لكن ..
جهجهتنا الآتو مابحتوا كدا .. أها دا هجاء ولا نقد ولا بل؟؟
ودا حالتو حالتك موصنّك وفرشوا ليك البوست ورود وقالوا ليك ماتقوم بي نمرة خمسة
وشرحوا لينا الهجاء وقالوا لينا المقام هنا مقام هجاء...
البل ملحوق ياعمك
وهاااااا دا وش أخضر تاااني

Post: #72
Title: Re: البندول مفيد للصداع .. او في هجاء البطل
Author: محمد حيدر المشرف
Date: 16-03-2013, 02:30 PM
Parent: #71

Quote: وخليت مطاردة الجكس في البورد


قيقراوى ..
عليك الله أعفى لى انقابو .. أعفيهو يا زول .. بحق الذى رفع هذا البوست بلا بسم الله, أعفيهو !!

Post: #73
Title: Re: البندول مفيد للصداع .. او في هجاء البطل
Author: قيقراوي
Date: 16-03-2013, 02:54 PM
Parent: #71

كلمو بالله يا امير


يا مشرف جاييك .. والله العظيم جاييك


المك منقول .. من ساحة القول .. لساحة الفعل السيد
يحرق طلح التاريخ .. ويودي المحلب كم م م م م مشوار

كدا كيف يا انقابو ؤ (امير)؟

















--------

غابت شمس الحق اذ طلع البدر فوق شجرة المك

Quote:
ونحن على مذهب صاحبنا الواثق، نسلّم قولاً واحداً، بل ونضيف من عندنا، أن السودان العربي الاسلامي النيلي – الرقم الأصعب في معادلة الجغرافيا السياسية والتاريخ المرصود - لن يقبل بأى حال من الأحوال، وتحت أى مسوغ او ذريعة، إعادة انتاج السيناريو الموسيفينوي في السودان (تمكن رئيس أوغندا الحالي يوري موسيفيني من قيادة أهل الاطراف وزحف بهم في مسيرة مسلحة نحو العاصمة كمبالا، حيث استولي عليها في العام 1986. وقد ضم جيشه آلاف المرتزقة الأجانب الذين لا صلة لهم بيوغندا وشعبها. بل أن بول كاغامي الرئيس الحالي لجمهورية رواندا كان من قادة الكتائب الزاحفة). النموذج الموسيفينوي الذي تُستنفر في لوحته الخلفية قبائل مسلحة من غربي السودان وأخلاط من دول افريقية اخري، مدعومة من حكومة جوبا، مستهدفةً العاصمة القومية وأواسط السودان بدعوى الخيار المسلح لاستعادة الديمقراطية، دونه خرط القتاد. ولا عجب أنه لا يجد تربته الا في عقولٍ عليلة ومخيلات كليلة، لم تعرف السودان ولم تخبر شعبه.

انتو البطل دا عارف [خرط القتاد] يعني شنو!؟
جربو؟




الدلكة دميرة هذا العام - خالد مونيكا

قراءة جديدة من تحت خيول الترك
من ظهر خيول المك
للدم السايل من قدح الدفتردار

نص :
غابت شمس الحق
اذ طلع البدر علي نخل الاجساد
وبلال العبد الحبشي
إتوازى في صدرو العام بالخاص
غضبة مملوك ومقاتل
أحد أحد أحد
ينثر ريحان الاخلاص
شايل جسدو من عباد الشمس معالم واضحة
والحر دافق في وشوا بحيرات افريقيا





يا حافظ الله يرضى عليك قلنا بدون ابتذال او اسفاف

Post: #74
Title: Re: البندول مفيد للصداع .. او في هجاء البطل
Author: قيقراوي
Date: 16-03-2013, 10:22 PM
Parent: #73

Quote:

حيث أطفال اللوكيميا والموت المجانى فى دولة عبدالعزيز البطل المشادة على أعمدة النظام؟!
هل كتب النحرير مقالا حول هذا ؟!
او هلا كتب ..
تبت يد الذين لا يكتبون وتب ..

سقطت سقطت يا عزيز ..
سقطت من زمااان يا بطل ...

هذه شهوتى الهتاف كمناضل اسفيري بالتأكيد!!
وأعود: لمصلحة من ..

Quote: سقوط النظام يعني ضمنياً سقوط الدولة،


لمصلحة هذه المظاهر الفارغة من أى محتوى حقيقي فى نواحى الخرطوم ؟!
لمصلحة تلك الفئران الليئمة التى اكلت الساق السليمة لمريض المناقل فى مستشفاها الفارغة الا من الفئران ؟!!
ونعم .. أكلتنا الفئران عندما اانصرفنا بالكتابة نحو تمجيد النظام .. وقوة النظام .. وهيلمانة النظام ..

دا زمن استثنائي يا مشرف .. ما تستغرب اي حاجة .. في اتجاه الشرق!!

البطل البطل شغلتو .. وقعد للورجغة المبلغ علمها كلامات الاسافير، هو القاعدة .. ما شذ منها
ياخي ياتو بصيرة وياتو راس ذاتو دا البوجعو زول يكتب عما سخر له وقته وجهده الفكري .. ونفس الزول للرغبوية الشديدة ما يوجع راسو محاكمة الناشطين والناشطات وفي الخرطوم احتجاجاً على الموت الاضافي لاطفال جنوب كردفان، والمطالبة بمحاكمة قتلة شهداء بورتسودان ..
تخيل كان التهمة شنو؟
(الازعاج العام) .. اي والله الازعاج العام
آسفين يا بطل اذا صدعوك الشابات والشباب ديل .. وعذراً يا سادتنا الشمال النيلي اذا جرحت يديكم دماء الشرق والغرب!
ولا حول ولا قوة الا بالله ..
بردة من الوصف الملكي لحبيبي وسيدي اسماعين
متوفر ولاذع في ألسنة الشعب .. زي ريق الحمضيات

يوم وااااحد [غرباً في اتجاه الشرق] ما هماها ما هم الشرق ولا الغرب
عن ياتو جغرافيا وعن ياتو سياسة قاعد يورجغ البطل دا
هاك جيوبلوتيك البطل العربوسلامي دا
[شرق الله وغرب عدن]

ان السودان العربي الاسلامي النيلي .. بلا بلا بلا
(الرغم) دا وين في الخريطة .. في ياتو لفة في خيالك بالضبط!؟
يا زول شاورت منو!؟
طلع لينا حقنا .. ما دايرين معاك (انا والمشرف وطه جعفر وتيسير ...)
واقصر ورجغتك على نفسك .. مافي زول اداك تفويض بتحليلاتك القاصرة دي ..
وعميانة .. كأعمى ما يكون!!!














------

قلت لي خرط القتاد يا (بطل)؟
خرط القتاد دا (لعبة) العيال في الضهاري .. هنااااك محل الناس اكلت قرفة نخرتا!

الراسو نحاس ..دوّاس .. وبكاتكل

اعقققققل يا مك .. عشان ترضي إله وملك
آسف .. مش قادر اقفل باب الشريان

المك يعقل في صمت ..
دقالو نحاس في طبلة اذنو الخاص
يهزم كائن من كان

(الدلكة دميرة هذا العام - خالد عباس الطاهر)

Post: #75
Title: Re: البندول مفيد للصداع .. او في هجاء البطل
Author: قيقراوي
Date: 16-03-2013, 10:38 PM
Parent: #74













--------

المصدر:

الصورة التيىابكتني سوف تبكي الملايين من تصوير عدستي ـ توجد صورة


الصورة في الخرطوم بالمناسبة
والله صحي!!

Post: #76
Title: Re: البندول مفيد للصداع .. او في هجاء البطل
Author: قيقراوي
Date: 17-03-2013, 07:37 AM
Parent: #75

واحد يجيب الخرطوم اليوم يا شباب























--------

مع الشكر للعصفورة

Post: #77
Title: Re: البندول مفيد للصداع .. او في هجاء البطل
Author: قيقراوي
Date: 17-03-2013, 07:46 AM
Parent: #76



شو بيك يابلال عمال تطلع وتشاور
داير علي حجي وهواش
تنجي ولا ينجي البطال
أذن عصفور الجنة
وقام الناس للحن
صلي الصخر قيامة
وصلي النهر صلاة البدء
غابت شمس الحق
طلع البدر علي نخل الاجساد
وإتوازى العام بالخاص
في سدر الرمح الحبشي
وعبأ الفعل
بحيرة تانا حبر اسود
وسال النيل الأزرق
بركة وبكري تني
يتقهوج منو المك
إذ طلع البدر علي نخل شجرة المك
والمك منقول من ساحة القول
لي ساحة الفعل السيد
يحرق طلح التاريخ
ويودي المحلب كم مشوار
بين درع الجعلي
وبين نهدين لي صبية الريح
يحرق طلح التاريخ
اشرب يا سيدي اسماعين




















--------



غابت شمس الحق
طلع البدر علي نخل الاجساد
عربان الضهرة
إتيمموا قبلة جلد التور
إذ دق نحاس الموت
وإتلفوا صلاة الميت
اعقل يامك
اسف مش قادر اقفل باب الشريان
قربوا ابعد حتة متمة
وابروا الموج من سدر النيل
لي ضراعوا الراقد ريح
وجالب البن لي مك يتقهوج
فضلة خير النيل الازرق
وقال بالحالة نجاشي
يخت السيف في العقدة أم زمة
قربوا ابعد حتة متمة

Post: #78
Title: Re: البندول مفيد للصداع .. او في هجاء البطل
Author: HAIDER ALZAIN
Date: 17-03-2013, 09:03 AM
Parent: #77

يا اااااااا لخيبة امـك وابيـك يا فتح الرحمن خلف الله - وانت تتخذ من جدار الكعبة متكأ ..




ـــــــــــــــــــــــ
أخيــر حافظـ انقابو والله

Post: #79
Title: Re: البندول مفيد للصداع .. او في هجاء البطل
Author: HAIDER ALZAIN
Date: 17-03-2013, 09:05 AM
Parent: #78




الإهداء لاميــن نوتــة - او في دفاعــه عن البــطل ..

أغلظ عليهم – البطل - إغلاظاً!

Post: #80
Title: Re: البندول مفيد للصداع .. او في هجاء البطل
Author: الصادق سلفاب
Date: 17-03-2013, 09:54 AM
Parent: #79

يا قيقراوي يا صديقي القاطن قرب الكعبة
فقد أتاك البطل بجيش أوله في باب شريف وآخره في بلداً طيرو عجمي

يبدو انك قد ضربت الرجل في مكان موجع ( وبالحته الفيها الحديدة)
وفجعته ببشاعة الصورة .. فتحسس الرجل رأسه... فأسقط بغير حساب
وغاص في مستنقع الاسفاف .....

Post: #81
Title: Re: البندول مفيد للصداع .. او في هجاء البطل
Author: قيقراوي
Date: 17-03-2013, 10:14 AM
Parent: #80

اعقل يامك
اسف مش قادر اقفل باب الشريان
القوة بنية السيف
تاتت في سدور الجعليات
نخلات العباس
لبنة وفكة ريق ونحاس
وكبرت جوة القفص الصدري
وحقت راجل ساعة ضيق
ساعة يقنزح باشا
اعقل يا مك شان ترضي ملك وإله
ده الدين الطاعة الأمر
ده النخل الحت سبيطو المطر امبارح
ده التمر الجابوا السيل
شن فايدة تمرا جابو السيل
ناولوني القربة المريوقة
حلابن وأنا ح آكل الويل
مسيتكم في صدور الريل
صابحوني فوق ضهر الخيل
اعقل يا مك
آسف مش قادر اقفل باب الشريان
قربوا ابعد حتة متمة
وابروا مدافن السيل
دايرين اللي شان ألمي الزرقا
يلوا ضراعي ويلوا ضراع النيل
اعقل يا مك
اسف مش قادر اقفل باب الشريان
اذن عصفور الجنة وقام الناس للحن
إستوت القصيدة
فطالت اعناق المغنين
إهتزت شوارب البدوي
حين سال الودي في جبه الغناي
وكان مزيكتوا قرنة تور
وطبل ونحاس ومركوبين نمر
نمر البارودة حماد الهجة
شكار العودة قراع النازلة
سواق القودة سراي الفنقة
بي خيرا وجودا يا الساق الناصح
ما انطال لي قودة ،
واشرب ياسيدي اسماعين

Post: #82
Title: Re: البندول مفيد للصداع .. او في هجاء البطل
Author: قيقراوي
Date: 17-03-2013, 11:46 AM
Parent: #81



اعقل يا مك
اسف مش قادر اقفل باب الشريان
قربوا ابعد حتة متمة
وابروا مدافن السيل
دايرين اللي شان ألمي الزرقا
يلوا ضراعي ويلوا ضراع النيل
اعقل يا مك ..
اسف مش قادر اقفل باب الشريان

المك الماسك حبل الحيل
يرفع في الارض افعالو الصعبة ..
يمكن تستاء القلابات
يمكن تشرع في تكيف الحال
بالدم .. والرقص الشعبي
امكن تحتمل الثورية الفذة

الجرح المقروء عليه تحاصين الدعوات
لي حبيبي وسيدي فاروق
الملك السايل زي ريق الحمضيات
متوفر ولاذع في ألسنة الشعب الكادح
الراكع لله حتي تنتهي الخطبة الرسمية
وحتى يؤذن أن لا يركع للجوع

Post: #83
Title: Re: البندول مفيد للصداع .. او في هجاء البطل
Author: قيقراوي
Date: 17-03-2013, 12:32 PM
Parent: #82

سارقو الدم في الروح والجتة
يطلع فارس درويش
يسارق الدم في الروح والجتة
يلبس علي شكل الارض مرقع
غابة وصحراء ونيل
يسارق الدم في الروح و الجتة
يملص درعوا في كرري
يلبسوا فارس بي كسكتة
ويخطط اوردة الجسد النّور
للنيل الوهج الازرق
شارعين ومحطة وغيم رحال


بطلع مك من يات من حتة
وتشرق شمس العرس الغابت
يمشي الحق ويخت الختّة
ما لاقيت من غير الصارم
ما لاقيت من غيرو البتة
يمرق حاضن الفعل السيد
شال نوار الثورة وحتّ
وحددوا ابعد حتة متمة
حددوا ابعد حتة ............ متمة


الدلكة دميرة هذا العام - خالد عباس الطاهر (خالد مونيكا)















-----------

I rest my case

وفائق اعتذاري لكل من ساءهم او اسيئ اليهم ..

بطلع مك من يات من حتة
وتشرق شمس العرس الغابت
يمشي الحق ويخت الختّة


ح اقيف هنا .. مع احتفاظي بحق الرد .. وعلى الوعد القديم يانا

Post: #84
Title: Re: البندول مفيد للصداع .. او في هجاء البطل
Author: HAIDER ALZAIN
Date: 17-03-2013, 12:46 PM
Parent: #83

قلت اخيـر ترفع ظهرك من على جدار الكعبـة وتقيـف بسوق عكاظـ مستشعراً ؟!


أسمع يا رافض بطِل سفسطائية وطلع الملحد الجواك سررريع..



ـــــــــــ..
قال ابا صابر الحدرندلي : ( ما بين ممالي الالحاد والملحد جدار الكعبة .. فمتى ما رفع ظهره ميمماً شطر الطائف سقط النصيـف ودرع عباءة الملحد)

رواااه السلفي حيدر الزين في كتابه الموسوم بـ (تصريف الأشعار في العودة للمسار )

Post: #85
Title: Re: البندول مفيد للصداع .. او في هجاء البطل
Author: قيقراوي
Date: 17-03-2013, 01:59 PM
Parent: #84

Quote:
أسمع يا رافض بطِل سفسطائية وطلع الملحد الجواك سررريع..

يا (سابقاً) ياخي لو كنت ملحد ما كان كلمتكم والله ياخي .. انتو ناس اخوان
وما عليكم مدسة ؤ كدا
المافي شنو؟


لكن كمان ياخي التدخل في خيارات الناس الشخصية ما حبابو والله
بل فرض ما يراه البطل!؟

من أنت!؟
استغفر ربك .. لو كنت مؤمن


















-----------

كدي على سبيل الجدل نقول ممالي (الزول دا لخبت بين (مالي) بميم واحدة واللتنين .. كعادة في الورجغة واضافة ما لا يضيف الى النشيد سوى النشاز، من جنس (زملاء سابقين) ونحو ذلك .. ان كان ذلك كذلك .. فقد صدق .. انا (مالي) وبشهادة معاهد اجنبية كمان)

Quote:
( ما بين ممالي الالحاد والملحد جدار الكعبة .. فمتى ما رفع ظهره ميمماً شطر الطائف سقط النصيـف ودرع عباءة الملحد)

رواااه السلفي حيدر الزين في كتابه الموسوم بـ (تصريف الأشعار في العودة للمسار )

بمناسبة سفركم العظيم اعلاه ..

الزول دا كان قرأ في (مختار الاغاني .. لمحمد ابن منظور) او في الاصل (كتاب الاغاني - ابو فرج الاصفهاني) في باب الواو .. بطير ليو كلو كلو

خليك من الممالي المتكل في استار الكعبة ..
سمعت بأمير المؤمنين (الملحد)!؟

دا الهومويرك بتاعك لليلة يا بطل .. بطل شمارات اهل الاسافير .. واقع التاريخ والكتب والمكتبات

حتى بالمرة الفاسق دا، صلى بالمسلمين الصبح اربع ركعات .. سكرااان طينة .. والتفت عليهم وهو يردد:
ازيدكم!؟

(بعض المراجع طعنت في رواية كتاب الاغاني وتهمة الالحاد .. لكن تهمة السكر مافي زول كلف نفسو ينفيها ومات الخليفة الاموي مقتول .. بعد سنة واحدة بس
وبقيت الابيات في خصوص تمزيق المصحف بالرمح:

"اذا جاء يوم الوعيد فقل مزقني الوليد"

او نحوها!!)

Post: #86
Title: Re: البندول مفيد للصداع .. او في هجاء البطل
Author: Elawad Eltayeb
Date: 17-03-2013, 02:55 PM
Parent: #85

قبل سنتين كتبت رأيِّ الشخصي في كتابات البطل عموماً، وأعيدها لأنه ليس هناك كما يبدو اي جديد في كتاباته ومواقفه، فهو يتبع نفس الاسلوب الذي أصفه هنا في مداخلتي قبل سنتين:

Quote: كتابات البطل تقول أنه يكتب منتقداً الحكومة بشدة ... لكنه في نفس الوقت يسخر من المعارضة بصورة أشد

ويمكن القول أن كتابات البطل دسمة بالبلاغة اللغوية والأسرار التنظيمية

لكنها في النهاية خالية من المواقف النهائية الصريحة

لذلك يمكن أن يقتبس منها كل واحد كما يحب
فهي تحمل النقيضين وتحتملهما من أول وهلة
وكل واحد من خلالها يمكن أن يغنى على ليلاه

لكن أهلنا قالوا ركاب سرجين وقاع

فهي في خلاصتها كتابات تحمل السم في الدسم كما يقولون

لسبب بسيط.... يبدو خفياً لكنه واضح لمن يتأمل

وهو أن الإنتقاد يكون دائما من (الداخل) من بوابة الإحترام والتقدير ويحمل في طيه اعترافاً بالآخر

أما السخرية فتأتي من (الخارج) من بوابة نفي الآخر

وهي للأسف طابع عام للنظام ومناصريه

مصطفى عبد العزيز البطل

Post: #87
Title: Re: البندول مفيد للصداع .. او في هجاء البطل
Author: محمد حيدر المشرف
Date: 17-03-2013, 04:13 PM
Parent: #86


Quote: دا زمن استثنائي يا مشرف .. ما تستغرب اي حاجة .. في اتجاه الشرق!!


مؤسف جدا يا قيقراوى ..
مؤسف جدا ..

دهمنى الحزن العميق إزاء .. إزاء ماذا ؟!!!!!
تعرف يا صديقى !!..
أكتب كثيرا ,, فى الآونه الأخيرة يا قيقا .. لو انتبهت لذلك!.. أكتب كثيرا عن الانحطاط ..
الانحطاطُ الذى لا أًنفك أراهُ وأينما وليتُ وجهى صوبَ هذا الوَطن, وفى البال , دوماً , ذاك الوطن ال .."آخرُ" الذى كنا ومازلنا .. بنحلم بيهو يوماتى .. وبنغنيهو يوماتى .. وبنلوليهو بالغنوات .. ونسجد فى تراب أرضو .. للمولى الذى أنزلَ ذاك التراب, منزلة العشق فى القلوب .. وأنزل قبل فاتحةِ الكتاب أن نقرأ .. فسبحانهُ الذى أنزل .. وسبحانهُ وما أنزل .. وسبحانهُ الحىٌ الذى لايموتُ ولا يرضى, للانسانِ أن يرضى بمنزلة الخُشَاش ...



Post: #88
Title: Re: البندول مفيد للصداع .. او في هجاء البطل
Author: احمد الامين احمد
Date: 17-03-2013, 04:25 PM
Parent: #87

تحية الاخ قيقراوى
دون الخوض من جانبى فى محتوى البوست أرجو أن تركز جيدا
فى قرأة مقال المنشور بصحيفة سودانية بالداخل من وحى بوستك هنا:
لاحظ :
1- تركيز صاحب المقال على جزء هام جدا من سيرتك عبر البروفايل مثل
عملك بجدة على مرمى حجر من الكعبة المشرفة ؟؟؟
هل أنتبهت لها التهديد الخبيث عبر حروف صاحب المقال.
2- ركز صاحب المقال بصورة مضحكة على إسم الصيدلى محمد المشرف
بدعوى تشابهه مع إسم سيدنا محمد صلى الله عليه وسلم فما يقول إن كان إسم المشرف عيسى او زكريا او موسى وهى اسماء مشتركة بين عدة ديانات
.3- ركز صاحب المقال على أعمار الناس حين اختلف معهم ...
4- مارس صاحب المقال الكثير من القبح وهو يتحدث عن عضوة تكتب فى المنبر وهنا يعيد لمخيلتنا تجاوزات (العربسلامى ) وغيره من اصحاب مدرسة القبح فى الكتابة السودانية الراهنة.
أتركوا صاحب المقال ومن كانوا فى نفخته العنترية يكتبون كثيرا
لنعلم مدى زيف وقبج وجهل من يكتبون فى الصحف ويملأون رؤوسنا بالقبح

Post: #91
Title: Re: البندول مفيد للصداع .. او في هجاء البطل
Author: محمد حيدر المشرف
Date: 17-03-2013, 04:41 PM
Parent: #88



أحمد الأمين أحمد ..
تحية طيبة ..

وشكرا يا عزيزي على التركيز والاستقراء الممتاز ..
وتأكد يا عزيزى أنى ما تركت ... من جانبى .. شاردة ولا واردة الا وأحصيتها عدا .. وأضيف
أن محاولة تسويقنا أعداءً ومفارقين لله والرسول .. وعبر الصحافة المقروءه لأهلنا وذوينا ومعارفنا .. لن تمر مطلقا ..
هذه رسالة تكفيرية منحطة جدا ... وفى مقالٍ منحط تماما .. ولن تمر ..
وأعلم تماما كيف أرد على هذه الضِعة الصحافية والأخلاقية .. وعلى ما أتى به هذا الصحفى ..


Post: #89
Title: Re: البندول مفيد للصداع .. او في هجاء البطل
Author: كمال عباس
Date: 17-03-2013, 04:33 PM
Parent: #87

من هو مصطفى البطل?
(1 )
كتب الأستاذ فتحي الضو
Quote: أذكر في ذلك الوقت أن نظام نميري أرسل بعثة الى الكويت على رأسها هاشم عثمان وزير الخارجية وآخرون... (بالمناسبة) البعثة دي كان فيها مصطفى البطل وعلي شمو... هذه البعثة كانت تريد أن تبشر بالقوانين الإسلامية وتحاول أن ترد على الهجمة الإعلامية على السودان... وقد حوربوا محاربة شديدة من الصحف الكويتية... هذه المجموعة كانت قد سلمت السلطات الكويتية قائمة من (16) اسماً في القائمة السوداء.. أنا كان لي عظيم الشرف أن أكون ضمن هذه القائمة التي كانت مكونة من (14) سياسياً وصحافيين وكان طبيعي أن يحصل لي انقطاع من السودان حتى الانتفاضة 1985م.. بعد الانتفاضة رفع الحظر عني وعدت للسودان

المرجع



http://www.sudaneseonline.com/news-action-show-id-26234.htm
أواصل

Post: #90
Title: Re: البندول مفيد للصداع .. او في هجاء البطل
Author: كمال عباس
Date: 17-03-2013, 04:37 PM
Parent: #89

من هو مصطفى البطل?
(2 )
e: جهاز الأمن والمخابرات يرد على مصطفى البطل
Quote: الأخ الكريم/ مصطفى عبد العزيز البطل
في البدء نعبر لك عن كثير تقديرنا لحرصك الدائم وجهدك المتصل على رفد الساحة الإعلامية والصحفية بمقالات مستمرة تتناول الكثير من الجوانب، تركز فيها على شئون وطنك وهمومه وشواغله وهو اتجاه في المبدأ العام حميد، فإن تحمل معك وطنك في مهجرك فذاك بعض ما يغري بإدامة الود بينك والآخرين، وإن كنا نسأل الله أن يردك الى ديارك سالماً غانماً لتنهض فيه بالمرجو منك ومن أمثالك وستجده، غض النظر عن اختلافك مع الحكومة أو اتفاقك هو وطنك نفسه، وشعبك ذاته، الذي منه خرجت واليه ستعود لأنه الأصل والمنتهى. وبعد.. إن الكتابة – وأنت أعلم بذلك – وفي سياق شهادتها على الناس والتاريخ والوقائع تستوجب إسنادها في مقام النقل تدقيقاً وانضباطاً يتجاوز الاستناد الى الروايات آحادية الجانب والمصدر ذلك أنها قد تؤدي إلى ضعف في كامل البناء الموضوعي للمسألة موضوع النقاش والعرض، وهنا دعنا نقف معك – إن تكرَّمت – بمقالك الأخيرة المنشور بصحيفة (الأحداث) السودانية (الأربعاء الأول من ديسمبر 2010م الموافق 25 ذو الحجة 1431 هجرية) في عددها بالرقم (1117) وهو المقال نفسه الذي تمدد إلى عدد من المدونات والمواقع الإلكترونية وحمل عنوان (مرحباً برئيسنا الجديد جمال مبارك) ودون الخوض في لب النص، ومضامينه ومن ثم أغراضه فما يهمنا جزئية وردت تتعلق بمقابلة جرت بين الفريق مهندس محمد عطا المولى عباس المدير العام لجهاز الأمن والمخابرات الوطني والسيد علي محمود حسنين تناهى فيها إليك – حسب ما أوردت – أن سعادة الفريق زار الأخير في محبسه إبان توقيفه العام الماضي بمباني الجهاز وهدده أنه سيمزقه إرباً إربا وسيصفيه جسدياً إن هو لم يرتدع عن أعمال معينة اتهمه بها! هذه الرواية وما ورد فيها لم يكن صادقاً ولم يكن دقيقاً يلقي بالحقيقة في غيابة جب الخلافات السياسية ثم يلتقطها سيارة المخالفين ليخرجوها ويزيدوا عليها ويزايدوا، فالفريق مهندس محمد عطا التقى علي محمود حسنين مرتين، ومن عجب أن المرتين كانتا لإكرام الرجل وإنزاله منزلته الصحيحة بما يليق باسمه وعمره، وسيرته، فنحن ولئن كلفنا بأعباء مؤسسة ذات تكاليف عميقة ومهام عالية تعنى بأمن البلاد وسلامة مقدراتها ومقدرات مواطنيها فإننا لا ننسى الفضل بين الناس، ومن رحم هذا الشعب خرجنا بكل ما فيه من قيم ومأثورات، هي الدليل والمرشد في التعامل مع ضيوف هذا الجهاز والذي حينما وصله حسنين عام 2007م مضبوطاً بالجرم المثبت وشهادة الشهود، ورفاق المؤامرة ذهب اليه الفريق محمد عطا في مكتب أحد الضباط الذي قام باستدعائه وقبل أن يتم ترحيله لأي معتقل وكان ذاك على أيام أحداث تحرك انقلابي فاشل لثلة من متقاعدي القوات النظامية شهد فيه المنفذون بأن حسنين من ركائز العملية بالكامل وأنه من قام بصياغة البيان وانه اقترح للانقلابيين شكل وهيكل الحكومة الجديد، وثمة مسألة يجب أن تورد هنا وهي أن الحكومة إزاء ذاك المخطط كانت ترى أن الانقلاب فطير بالكامل ومكشوف وتحت السيطرة ومن ثم فلا بأس من التلطف في الإجراءات حيناً ثم إغلاق الملف بعد إثبات التهم على القيادات الرئيسية ومحاكمتهم وهو ما حدث قبل أن يشملهم عفواً رئاسيا، لم يكن الأمر يستحق أكثر من هذا بسبب بؤس العملية تلك وطرافة بعض تفاصيلها ربما، يومها زار الفريق عطا حسنين والتقاه، فالرجل عضو بالبرلمان، وزعيم مقدم في رهطه السياسي ثم إنه شيخ كبير، طعن في السن وتأخر وكلها اعتبارات تراعى ولها مقام يحفظ كما كان للفريق عطا والقيادة السياسية للدولة رؤية كذلك بأن حسنين - وغضَّ النظر عن الخلاف السياسي معه - قد يكون سهماً وطنياً لصالح البلاد وإن كان قد أخطأ اليوم فقد يحسن غداً فأمر عطا بإيقاف الاستجواب وأخبره أنه مطلق السراح حرا، بل أمر فريق من جهاز الأمن والمخابرات باصطحاب حسنين حتى منزله معززاً مكرما، لم تطاله مساءلة أو لفظ قاس أو معاملة فظة. ولا بد أن نشير هنا الى أن حسنين لم يمكث أكثر من ساعة في مباني الجهاز. أما المقابلة الثانية تمت مع علي محمود حسنين عقب استدعاء له بسبب ما أعلنه من أنه يؤيد قرار الجنائية الدولية ضد الرئيس المشير عمر البشير ومضى أكثر من ذلك في برامج للتعبئة والتحريض، وهو موقف خالف به حسنين رغبة واتجاهات غالبية أهل السودان بمختلف ألوانهم السياسية، كان موقفاً غير مقبول، ومن ثم تمت المقابلة في جو ودي، غلبت عليه روح السودانيين حينما يلتقون كمواطنين، وأبناء بلد، يومها أخبر الفريق عطا ضيفه أن الجنائية تستهدف رمز السيادة الوطنية، ومن ثم الوطن بأكمله وهو استهداف يجب التسامي في ظروفه على تباينات الآراء والمواقف، ولم يبد حسنين إزاء هذا القول خلافاً أو رفضاً بل أبدى تحمساً مقدراً واستعداداً شكر عليه بالتراجع عن موقفه مع التزام بعدم الخوض في الأمر أو تكراره ثم غادر الى منزله، مكرماً كما أتى ولم تستمر المقابلة أكثر من نصف ساعة. الأستاذ مصطفى عبد العزيز البطل، هذا ما وددنا إيضاحه وتفسيره بشأن الرواية المختلقة التي سيقت اليك وقدمت، لأغراض لسنا معنيين كثيراً بتتبع مقاصدها، فما يهمنا أن نكون عوناً لك على الحقيقة ما استطعنا لذلك سبيلا. ودمتم ولنكن على تواصل. إدارة الإعلام بجهاز الأمن والمخابرات الوطني

وعلق البطل علي رسالة جهاز الأمن قائلا
Quote: وكان أن وافاني الإخوة بجهاز الأمن والمخابرات برسالةٍ مطوّلة في مقام المنافحة والتنوير، تعقيباً على الفقرة المتقدمة التي وردت في مقالي. تتضمن الرسالة نفياً حاسماً وقطعياً لرواية التهديد بالتصفية الجسدية، مع تأكيد - معزز بوقائع محددة أبرزتها الرسالة - للاحترام الشديد والتقدير الجم الذي يكنه السيد مدير جهاز الأمن والمخابرات للأستاذ علي محمود حسنين. أول ملاحظاتي على الرسالة المستفيضة، التي جاءت في ثمانمائة وواحدٍ وعشرون كلمة، كما أنبأني عدَّاد الكلمات في حاسوبي، أنها مكتوبة بلغة راقية وأسلوب رفيع. ثم إنها اتخذت لنفسها منهجاً متفرداً في الجودة والنباهة واتِّساع الأفق وعلو الهمة، والرغبة الزاهية المتناهية في استيعاب الآخر، لو صح أن تلحق مثل هذه الصفات بالمناهج. وقد حفَّزني الإعجاب الشديد بهذه الطاقة التحريرية التعبيرية المدهشة الى أن أقترح على صديقي عادل الباز، رئيس تحرير هذه الصحيفة، أن يبادر فيدعو البصاصين من ضباط جهاز الأمن والمخابرات، ممن أفاء الله عليهم بقوة العارضة على صعيد ملكات البيان، الى الكتابة الأسبوعية الراتبة بصحيفة "الأحداث"، فيجمعون بذلك الحُسنيين: توطيد أمن النظام ورفد ثقافة الشعب. وتلك قسمةٌ عادلة، البصاصةُ للحاكمين والثقافة للمحكومين!

......

جهاز الأمن والمخابرات يرد على مصطفى البطل

Post: #92
Title: Re: البندول مفيد للصداع .. او في هجاء البطل
Author: محمد البشرى الخضر
Date: 17-03-2013, 04:46 PM
Parent: #90

Quote: .3- ركز صاحب المقال على أعمار الناس حين اختلف معهم ...
كما تفضّل الأستاذ أحمد في لفت النظر للنقطة دي وغيرها
ثقافة "كسر العين" البتجسد أحد ازماتنا في الحوار و قبول النقد
البندر و البطل و معاوية الكذاب و غيرهم ممن لا خطوط حمراء او وازع أخلاق يردعهم في سبيل كسر عين من ينتقدهم
وفي سبيل ذلك قد يسخر أو بتنصّل من حتى مبادئه التي يؤمن بها في سبيل النيل من الآخرين
كم عمر البطل حتى يستخدم هذه الاشارة العمرية في سبيل تحقير خصمه؟

Post: #93
Title: Re: البندول مفيد للصداع .. او في هجاء البطل
Author: كمال عباس
Date: 17-03-2013, 05:27 PM
Parent: #90

من هو مصطفى البطل?
( 3)
مصطفى البطل و مؤتمر الإعلامين السودانين المقيمين بالخارج
اختطاف وتدجين اجسام المجتمع المدني بالخارح وكوزنتها....!!!

Post: #94
Title: Re: البندول مفيد للصداع .. او في هجاء البطل
Author: كمال عباس
Date: 17-03-2013, 06:00 PM
Parent: #93

من هو مصطفى البطل?
- 4- عودة لمقال مصطفي البطل المعنون تحت هذا المسمي
فجور وتهتك وقلة أدب
أولا مارس البطل تدليس واضحا وبسوء نية مفضوح حيث علق علي ماورد
في بوست قيقراوي هذا
البندول مفيد للصداع .. او في هجاء البطل

حيث قام بتشويه بائس للحقائق :- صنف منتقديه في هذا البوست بأنهم من أنصار د. محمد محمود وأنهم ماهاجموا البطل الا دفاعا عن د. محمد محمود ! وهذه كذبة كبيرة وتشويه سافر للحقائق فالبطل إنتقد في هذا البوست لجملة من مواقفه وكتاباته لا لموقفه من محمد محمود ! , أراد البطل أن يظهر نفسه بمظهر الحامي للقيم والاخلاق والدين والمتصدي للتحلل والالحاد والتهتك وأن خصومه زمرة تناصرالالحاد والتفسخ , وبطبيعة الحال فإن البطل يوظف الدين والقيم كسلاح للنيل ممن يخالفه ويعارضه ! ولعله يظن أنه محصن ضد النقد وأن كتاباته نصوص مقدسة لاتقبل الإختلاف ولاتحتمل المعارضة! لذا مارس أسلوبا موغل في السوقية والتجريح حاول عبره ممارسة إغتيال الشخصية وتجاوز الخطوط الحمراء ! ولا أدري كيف تسمح صحيفة تحترم نفسها بنشر هذا الاسفاف
?

Post: #95
Title: Re: البندول مفيد للصداع .. او في هجاء البطل
Author: عوض محمد احمد
Date: 17-03-2013, 06:24 PM
Parent: #93

Quote: كم عمر البطل حتى يستخدم هذه الاشارة العمرية في سبيل تحقير خصمه؟


لا يقل عمره عن الستين فقد كان موظفا ايام مايو

Post: #96
Title: Re: البندول مفيد للصداع .. او في هجاء البطل
Author: كمال عباس
Date: 17-03-2013, 06:32 PM
Parent: #95

البطل والأستاذة هالة عبد الحليم
تعرض البطل - غمزا وتلميحا للأستاذة هالة زاعما أنها تكتب بإسم مستعار وأنها تقضي سحابة يومها في التهريج في المواقع الألكترونية وأنها تعرضت تحت ستار- لشخصه.. ولا أدري لماذا لم يتحلي البطل بالشجاعة الكافية ويذكر إسم الأستاذ هالة صراحة بدلا من الغمز والمطاعنة والإتهامات المرسلة? ** ماهو دليله علي أن هالة تكتب بإسم حركي? وأن الاخت التي إنتقدته هنا شخص وهمي ?
** الأستاذة هالة تناضل من داخل وطنها وتدفع فاتورة مواقفها إعتقالات وترصد وأستهداف ... إنحازت لشعبها وطنها وللديموقراطية وحقوق الانسان والحريات العامة وإختارت درب الوقوف في وجه الفساد والإستبداد ولم تداهن ولم تتواطئ بالصمت ! ولم تمارس رزيلة التخذيل عن الطغمة الجاثمة علي صدر الوطن !
.....

Post: #97
Title: Re: البندول مفيد للصداع .. او في هجاء البطل
Author: محمد حيدر المشرف
Date: 17-03-2013, 06:57 PM
Parent: #96

Quote: الأستاذة هالة تناضل من داخل وطنها وتدفع فاتورة مواقفها إعتقالات وترصد وأستهداف ... إنحازت لشعبها وطنها وللديموقراطية وحقوق الانسان والحريات العامة وإختارت درب الوقوف في وجه الفساد والإستبداد ولم تداهن ولم تتواطئ بالصمت ! ولم تمارس رزيلة التخذيل عن الطغمة الجاثمة علي صدر الوطن !

Post: #98
Title: Re: البندول مفيد للصداع .. او في هجاء البطل
Author: كمال عباس
Date: 17-03-2013, 07:27 PM
Parent: #97

........
نموذج لكتابات البطل التي جعلته عرضة للنقد :-
Quote: أجد نفسي علي ذات الضفة مع الواثق في أنه لا محيص عن التعامل الناضج مع ثوابت المشهد الراهن ومرارت الأمر الواقع. وفي طليعة هذه الثوابت – أو المرارات - أن الدولة والنظام أصبحا بعد ربع قرن من (التمكين) توأمان سياميان. سقوط النظام يعني ضمنياً سقوط الدولة، بما يستتبعه من تشظٍ وتفسخ وصوملة. ولا نظن أن في بلادنا اليوم – بخلاف أهل المراء والجدل - من يزعم أنه يستطيع ان يرى في سودان الإنقاذ دولةً منفصلة عن النظام، أو نظاماً منبتاً عن الدولة.
كما نجد أنفسنا مصدقين لما بين يدي التجربة التاريخية السودانية، التي تقول صفحاتها – وهي لمّا تزل بيضاء من غير سوء، لم تصفر وريقاتها بعد – أن السودان لم يشهد قط إنتفاضة ثورية شعبية إجتثت نظاماً مرفوضاً إلا بعد اصطفاف قوى اليسار الوطني وفصائل اليمين الاسلامي، واحتشادها حذاءً بحذاء، في مواجهة ذلك النظام. وأن أى حراك سياسي يستهين بالقوى الإسلامية ويستتفهها ويدفع بها الى خارج جدلية الوعي والارادة التغييرية، محكومٌ عليه بأن يراوح مكانه ويدور حول نفسه – مثل ثور الساقية – الى أبد الآبدين
وهكذا ومن باب إدعاء الحرص علي وحدة الوطن وتماسك نسيجه - ولج البطل رافعا شعار ضرورة خلود وآزلية نظام الإنقاذ ! فأي مساس
أو إستهداف أو سعي لإسقاط النظام يعني عند البطل وبالضرورة تفسخ وتشظي للوطن
! ذلك أن الدولة والنظام أصبحا بعد ربع قرن من (التمكين) توأمان سياميان. سقوط النظام يعني ضمنياً سقوط الدولة ) إذا فضلا لاتسقطوا الإنقاذ! دعوها باقية ! إنه منطق بث اليأس والإحباط ومناصرة بقاء الانقاذ مدي الدهر ! , ثم يعرج صاحبنا للإنتفاضة متوهما بأن الثورات تستنسخ من بعضها وأن التاريخ يعيد نفسه بصورة كربونية-وأن مشاركة الإسلاميين في أي ثورة ضرورة ولازمة لإشعال فتيل أي إنتفاضة ! فبمثل ماشاركوا في أكتوبر وفي الانتفاضة بحسب توهم البطل فلابد أن يشاركوا في التغيير القادم ومادامت ما يسمي بالحركة الإسلامية متوهطة علي كرسي السلطة فلا مجال للثورة لأن أحد شروط نجاح الثورة- عند البطل- غير متوفر! وبطبيعة هذا الكلام التخذيلي- غير علمي - لأنه يستهين بإرادة الجماهير ولا يستوعب المتغيرات التي طرأت علي الساحة-كما أنه يغفل دور عوامل وعناصر تفجر الثورة - ودور التراكم التاريخي ! ثانيا دأب البطل علي النيل من معارضيه ووصفهم بالمعارضة الإسفيرية ومناضلي الكي بورد غافلا حقيقة كونه هو نفسه- يكتب بالكيبورد ويستحدم الاسفير لنقل مقالاته ! ولايكتب من نواصي ميدان أبوجنزير أو ميدان الشهداء أو سوق ستة -حيث يختلط عرقه الممزوج بالكتاحة بمداد الكتابة ! ثالثا- إذا هناك في الأسافير وغيرها من يبتذل النضال ويسئ للمعارضة فمن حقنا أن ننتقده من دون أن يسقط ذلك من مشروعية النضال ضد الانقاذ فالمعارضة قبل أن تكون مواعين وكيانات فهي موقف ضد الظلم والاستبداد والقتل والدمار والتهميش والتفريط في سيادة البلد وتمزيق نسيجها الإجتماعي ... علي من يرفض بعض النماذج الشائهة للمعارضة أن يرسي هو نموذجا ناصعا وجديا لمعارضة النظام بدلا من أن يندغم في خطاب السلطة وينجرف لخندقها !

.....

Post: #99
Title: Re: البندول مفيد للصداع .. او في هجاء البطل
Author: abdelrahim abayazid
Date: 17-03-2013, 10:09 PM
Parent: #98

شكرا كمال عباس


Post: #100
Title: Re: البندول مفيد للصداع .. او في هجاء البطل
Author: Elmuiz Haggaz
Date: 18-03-2013, 01:41 AM
Parent: #99

البطل في رده علي البوست he shot him self in the foot اتخيل لي كتبه زعلان وضغط ارسال قبل ما يراجعه. دا شنو يا صحفي؟ خليت شنو لي ودالباوقة؟

ركوب موجة التكفير والغيرة علي الدين والمعتقدات زكرتنى ركن نقاش للمحايدين أيام انتخابات وخلاف بين الجبهة الديمقراطية وحركة المحايدين، متحدث المحايدين إسماعيل وادى نسي مبادئ الحركة البيتكلم باسمها ورمي الجبهة الديمقراطية بانها بعيدة عن الدين ، دخل رد عليهو واحد من الجبهة الديمقراطية اسمه عمار،عمار كان الجن فقال ليهو "يعنى هسا يا إسماعيل وادي عليك الله انحن (كفال)"!!فدحين يا البطل عليك الله هسا ناس المشرف وقيقاراوى ديل كفال؟.

Post: #101
Title: Re: البندول مفيد للصداع .. او في هجاء البطل
Author: كمال علي الزين
Date: 18-03-2013, 07:54 AM
Parent: #100

(*)

تجدني اتفق مع ملاسي , فيبدو أنني سأكون القارئ رقم 201 للمدعو (قيقا) ..
(قيقا) أبعث بهدية للبطل فقد أجبرني على قراءةإحدى غاغات المدعو (قيقا)


















_____________________________________________
عقبالك يا أبوحتوت نحيا ونشوف قراءك وصلوا ال200 عشان تنافس لينا طلحة

Post: #102
Title: Re: البندول مفيد للصداع .. او في هجاء البطل
Author: الزبير بشير
Date: 18-03-2013, 12:11 PM
Parent: #101

بسم الله الرحمن الرحيم
الاخ قيقا
نستميحك عذرا بهذه المداخله فاقبلها عشان الزماله فنحن خريجين محاسبه بس جيل الثمانينيات و و بنحب الاجيال السابقه السبعينيات و الستينيات .
بالمناسبه انا مهموم جدا جدا بتأهيل و تدريب المحاسبين فنيا و لا احب الدخول في النقاشات الفكريه العقيمه و لا احب الولوج في دهاليز السياسه و لكن ما كتبه انت و دينا بخصوص السبعينيات احبطني و عشان كده حبيت ارد .

الاخ قيقا
جيل السيستم، وفصل الدين عن الدولة (دي لبسة يا بطل) انجز ما اشيب الشياب .. العياب .. الكانوا منبطحين لطواغيتهم وما بقولوا لا الا في الصلاة!!
بالله انجاز واحد يكفي ، هو شنو ؟

الابنه دينا
بالجد الناس المصدعننا بالكتابة ديل ما قادرين يحسوا ولا بس حتى يعرفوا الفرق ...
تصدقي حاسين وعارفين الفرق ، كيف اكون ما في فرق و نحن ما لبسنا نعال الا بعد ما دخلنا المدرسه

الاخ قيقا
ناس البطل عاشوا زمنم وعاوزين يعيشوا زمن غيرم .. او بالاحرى -كجيل فاشل- ادمن الفشل ومطاطاة الراس للفاشلين لليس بوسعهم فهم جيل نهلة الاوصدت ازرقها كلو كلو دي، وكسر الكودز بتاعة تشفيرو .. محتاجين كورسات لغة مكثفة في جارغون الجيل دا
احباط حد الثماله يعني ندفن روحنا احياء وله شنو ؟

الاخ حيدر المشرف
عليك الله أعفى لى انقابو .. أعفيهو يا زول .. بحق الذى رفع هذا البوست بلا بسم الله, أعفيهو !!
لا شئ يرفع بغير بسم الله و ان تجلي الله للصنم . كلامك احتمال اكون ما فهمتو .

اخوكم
الزبير الختمي
00966566953150

Post: #103
Title: Re: البندول مفيد للصداع .. او في هجاء البطل
Author: محمد حيدر المشرف
Date: 18-03-2013, 01:59 PM
Parent: #102



زبير بشير ..

يقول أهلنا فى السودان لمن يفعل حماقه ما أنه فعلها بلا بسم الله ..
بمعنى لو سمى الله قبل ارتكابه للحماقه لما ارتكبها ..

هل هذا الكلام واضح ؟!..

اذا لم يكن واضحا سأقوم بتوضيحه بصورة أكثر وضوحا وسنكون معك من الصابرين ..
واذا كان واضحا ارجو الاجابة على السؤال التالى:
هل فى نفسك أى رغبات أخرى للتجريم تجاهى ؟!!

Post: #104
Title: Re: البندول مفيد للصداع .. او في هجاء البطل
Author: تبارك شيخ الدين جبريل
Date: 19-03-2013, 03:13 AM
Parent: #103

نرفع البوست ...

عملاً لى الله ...













... المهم ....

Post: #105
Title: Re: البندول مفيد للصداع .. او في هجاء البطل
Author: الزبير بشير
Date: 19-03-2013, 05:25 AM
Parent: #104

الاخ حيدر المشرف
لك التحيه
الكلام واضح وضوح الشمس في رابعه السماء
الاجابه علي السؤال لا و حاشا و كلا ولم ولن تكون لنا الرغبه في تجريم شخصكم الكريم سابقا او حاضرا او لا حقا او اي شخص يا سيدي نحن ما شين جنب الحيطه و بنقول يا ساتر
و يا اخوي بيضاء لبن اتشتت و عافيه درت .

في امان الله

الزبير الختمي

مبروك تبارك اخيرا ظهر

Post: #117
Title: Re: البندول مفيد للصداع .. او في هجاء البطل
Author: طه جعفر
Date: 22-03-2013, 03:28 AM
Parent: #105

Quote: الاخ حيدر المشرف
لك التحيه
الكلام واضح وضوح الشمس في رابعه السماء
الاجابه علي السؤال لا و حاشا و كلا ولم ولن تكون لنا الرغبه في تجريم شخصكم الكريم سابقا او حاضرا او لا حقا او اي شخص يا سيدي نحن ما شين جنب الحيطه و بنقول يا ساتر
و يا اخوي بيضاء لبن اتشتت و عافيه درت .

في امان الله

الزبير الختمي

مبروك تبارك اخيرا ظهر



دكتور المشرف
المشرف
شكرا جزيلا
علي المجهود المضني
مع المدافع عن الرسول (ص)
الختمي
الزبير بشير

بالله انت ختمي و ابوي ختمي؟
انت يا الزبير ختمي مركب مكنة كوز
هذا اذا كان في مكنة من اساسه

طه جعفر

Post: #118
Title: Re: البندول مفيد للصداع .. او في هجاء البطل
Author: HAIDER ALZAIN
Date: 22-03-2013, 06:32 AM
Parent: #117

الخازوق .. طــه جعفر..
كتبت لي في هذا الرابـط :
Re: إعلان قبيح علي صفحات صحيفة الإنتباهة..

Quote: يا حيدر الزين زعلان ليه؟
هذا ما عند الاسلاميين
للنساء
و للخصوم السياسيين
فانت زعلان ليه؟

البعجبو كلا مصطفي عبد العزيز البطل
مفروض يعجبو الكلام دا
لأن العقل واحد
و لا كيف ؟
انعدام الاتساق مشكلة
inconsistency
is a big problem
من خانة عدم الاتساق هذه يدخل شيطان تشرذم المعارضة
طه جعفر


وإني سائلك الآن وماذا اعجبني في كلام مصطفى البطل حتى تعرض بي ؟
وأني كتبت انا ان كلام البطل قد اعجبني ؟
هل لك ان تمدني بنموذج من هذا الاعجاب؟

سانتظرك حتى تفيدني...

مع العلم ان لا صبر طويل لي فإني اشعر بالملل سريعاً خاصة مع أمثالك..

Post: #106
Title: Re: البندول مفيد للصداع .. او في هجاء البطل
Author: محمد حيدر المشرف
Date: 21-03-2013, 06:27 AM
Parent: #103

*

Post: #107
Title: Re: البندول مفيد للصداع .. او في هجاء البطل
Author: أنور أبو القاسم الهادى
Date: 21-03-2013, 07:07 AM
Parent: #106

Quote: * وهذه هي في الاساس الكفوة التي اتتنا بهذه الكارثة التي نمر بها .. التخفف والتحلل من كل قيمة والاستظراف وعدم احترام الناس وخلط الاشياء والاصطفاف الصبياني وراء بعضنا البعض... ثم كما قال الاستاذ ملاسي نأتي بعد ان تقع الكارثة لنمثل دور الضحية.

هاك ياخي اقرأ كلام الرجل العاقل العادل صلاح عباس فقير الذي أدان العنف والتجاوز في مقال البطل ولكنه بنفس القدر كتب دون ان يخشي امثالك من الذين لا هم لهم الا اكتساب شعبية كاذبة:

Quote:
بس حاجة واحدة ما نزوغ منها،
وهي أنني وأنت ونحن في هذا المنبر:
لم نتخذ موقفاً حاسماً من (الورجغة)!
نحتاج إلى تأسيس مبادئ!
مصطفى البطل وكل صاحب قلم -وإن اختلفنا معه-
من حقه أن تلقى كتابته نقداً موضوعياً!
وأن لا يوجه إليه الهجاء المجاني!
لننتقد فكره ونصفه بكل وصف موضوعي،
ولكن لا ينبغي أن نتجاوز ذلك إلى شخصه!
دي ألِف باء تاء ثاء الحرية والديمقراطية
واحترام الكاتب لنفسه ووعيه!


شكرا الرجل العادل صلاح عباس فقير لأنك انصفت نفسك اولا ولانك قلت كلمة الحق في وجه الورجغة كما وصفوها هم انفسهم. وكنت قبلك قد ناديت هنا بأن تكون البداية ادانة هذا السلوك الصبياني غير المسئول الذي يبتذل الحوار بشجاعة ووضوح، ثم ننطلق كلنا صفا واحدا لنطلب من الاستاذ البطل ان يكتب اعتذارا علنيا لائقا يرد الحقوق للمتضريين ويرفع الغبن عن اسرهم التي ثقل عليها الامر. ولكن الناس هنا ، مثل اخينا كمال عباس - لم يكن همهم جبر الضرر وانصاف الناس بقدر ما كان همهم احراز انتصارات وهمية في معارك وهمية. ماذا يهم الاستاذة تيسير واهلها في هذا اليوم لو كان البطل يعمل في حكومة مايو او يوليو او سبتمبر.. سافر مع نميري الي الصين او مع موبوتو الي الكويت. بل ماذا يهمهم اذا انضم الاستاذ البطل الي المؤتمر الوطني وجلس وزيرا في القصر الجمهوري امس او اليوم او غدا؟؟؟ هل هذا هو الهم الاكبر؟ ام انك كما قيل وثبت لي لا هم لك الا استعراض بعض تعابيرك اللغوية واثبات شخصيتك كمحلل سياسي

Post: #108
Title: Re: البندول مفيد للصداع .. او في هجاء البطل
Author: أنور أبو القاسم الهادى
Date: 21-03-2013, 07:15 AM
Parent: #107

Quote: لو كنت علي قولك بأنك لا تمانع ان يمارس الفتيان الجنس مع ابنتك وان يمارس ابنك الجنس مع بنات الاخرين دون عقد شرعي فانصحك ان تقلع عن هذا فلا اظن انك بهذا الذي تفعل ستصل الي غاية .. ولكن يمكنك يا اخ طه ان شئت ان تنضم، كما تفعل الآن، الى جوقة الذين اخذوا يؤلفون المؤلفات عن تاريخ الاستاذ مصطفى البطل واعادوا صياغة سيرته الذاتية والدين وعادوا الي مقالاته قبل سبعة وثمانية اعوام وفتحوها ليثبتوا عليه لائحة طويلة من الاتهامات الجزافية مثل الاخ كمال عباس. العجيب ان رجلا فاضلا من العقلاء وهو الاستاذ عوض محمد احمد هو يفلفل تاريخ البطل وسيرته الذاتية تفضل فأفاد الناس بتاريخ ميلاد الاستاذ البطل وقال ان عمره ستين عاما (يا بروف - الاستاذ البطل من مواليد 1957 اكمل تعليمه الجامعي والتحق بخدمة الحكومة في 1980) .. هذا لو كانت المعلومة مهمة للدرجة التي يبدو ان الجدل وصلها.

Post: #109
Title: Re: البندول مفيد للصداع .. او في هجاء البطل
Author: داليا حافظ
Date: 21-03-2013, 07:35 AM
Parent: #108

شهوة أن يقوز الفؤاد بأحلى الوظائف
حرية الشكر ..حرية الصمت
حرية الرقص حبا اذا ما هوى
والتخلي الأنيق إذا ما نوى
والتنقل ما شاء بين الرضى والجفاء

و

شهوة لغموض العتب
شهوة لاعتذار العيون الذكي ..
شهوة للضمير الأنيق
شهوة ليد في يدي في الزحام
شهوة أن نغف الحياة كإبريق ماء
تبلل فخاره بالندى ..


البرغوثي..

Post: #110
Title: Re: البندول مفيد للصداع .. او في هجاء البطل
Author: Siham Elmugammar
Date: 21-03-2013, 10:07 AM
Parent: #109

التحية لكمال عباس من احسن وافضل من يكتب فى الاسافير

شكرا جد يا كمال الله ما حرمنا قراء من قلمك

Post: #111
Title: Re: البندول مفيد للصداع .. او في هجاء البطل
Author: كمال عباس
Date: 21-03-2013, 06:47 PM
Parent: #110

شكرا أختي العزيزة سهام المجمرعلي المتابعة والكلمات النبيلة والأشادة المقدرة :-
Quote: التحية لكمال عباس من احسن وافضل من يكتب فى الاسافير
شكرا جد يا كمال الله ما حرمنا قراء من قلمك

مصطفي عبد العزيز البطل! صحفي بلا مصداقية

Post: #112
Title: Re: البندول مفيد للصداع .. او في هجاء البطل
Author: حافظ انقابو
Date: 21-03-2013, 07:46 PM
Parent: #111

اصدقائي الملحدين قيقا ومشرف


اقand#65275;ام نظيفة .. عقول وريفة .. كاروع ما يكون
ما كتبه البطل ردة فعل حقيقية لوصول سياطكم الى مناطق
حساسة .. اصابت البطل بفوبيا التكفير .. نعم التكفير
ولو كانت كتابتكم كفر يا اصدقاء .. فديني من دينكم
أقول قولي هذا واستغر الله لكم ولي
واعلن دعمي الكامل لكما والااخت تيسير عووضة
حال اخترتم خيار مقاضاة البطل
أو "بله" اسفيريا .. اويا أيا كان خياركم















...............
وين اساسي يا قوم؟

Post: #113
Title: Re: البندول مفيد للصداع .. او في هجاء البطل
Author: حافظ انقابو
Date: 21-03-2013, 07:46 PM
Parent: #111

اصدقائي الملحدين قيقا ومشرف


اقand#65275;ام نظيفة .. عقول وريفة .. كاروع ما يكون
ما كتبه البطل ردة فعل حقيقية لوصول سياطكم الى مناطق
حساسة .. اصابت البطل بفوبيا التكفير .. نعم التكفير
ولو كانت كتابتكم كفر يا اصدقاء .. فديني من دينكم
أقول قولي هذا واستغر الله لكم ولي
واعلن دعمي الكامل لكما والااخت تيسير عووضة
حال اخترتم خيار مقاضاة البطل
أو "بله" اسفيريا .. اويا أيا كان خياركم















...............
وين اساسي يا قوم؟

Post: #114
Title: Re: البندول مفيد للصداع .. او في هجاء البطل
Author: محمد حيدر المشرف
Date: 21-03-2013, 07:53 PM
Parent: #113

Quote: ثم ننطلق كلنا صفا واحدا لنطلب من الاستاذ البطل ان يكتب اعتذارا علنيا لائقا يرد الحقوق للمتضريين ويرفع الغبن عن اسرهم التي ثقل عليها الامر


لا تنطلق ومطلقا يا رجل .. لا الآن .. ولا فى أى وقت
كما وأن الحقوق لا ترد هكذا ..
ثم .. ولا تتحدث مطلقا عن أسرتى .. لا عن غبنها .. ولا حول رفع الغبن عنها .. أنت وبصورة محددة جدا .. لا تتحدث ومطلقا عن ذلك مرة أخرى

Post: #115
Title: Re: البندول مفيد للصداع .. او في هجاء البطل
Author: عمر دفع الله
Date: 21-03-2013, 10:04 PM
Parent: #114

يا دكتور المشرف
السن بالسن والعين بالعين .

البطل زول واضح جدا في موقفه عندما اختار ميدانا غير محايد للمعركة معكم
وهو يعلم علم اليقين لا انت ولا غيرك من من اساء اليهم
لن يقبل الصحفى الكوز ( المعفن عادل الباز )
او اي صاحب جريدة (في خرطوم السجم والرماد ) ان يتكرم عليكم بفرصة حق الرد عليه بذات الاسلوب الفج الذى صبغ به مقاله .

البطل قرر ان يغتال شخوصكم امام الرأى العام مع سبق الاصرار والترصد
والبطل انزلق في واد لن يخرج منه بأى حال معافى لانه حطم قلمه الرشيق بيده ومزق صورته الجميلة عند البعض بحماقته .
وانطبق عليه المثل الشعبى
( البى بارى الجداد بوديهو الكوشة )

بالله سيبوهو يبارى امثال عادل الباز ومن هم على شاكلته .
وعادل الباز لو كان بالنسبة الى البطل صديق حقيقى
كان نصحو وما كان خلاهو يتورط قدر الورطة دى .

Post: #116
Title: Re: البندول مفيد للصداع .. او في هجاء البطل
Author: كمال عباس
Date: 22-03-2013, 00:09 AM
Parent: #115

كتب الأخ أنور الهادي

Quote: بعد ان نفى الاستاذ فتحى التصريحات وفندها وقال ان من صاغها علي لسانه صاغها بغرض الاثارة .. تأتي أنت وتضعها بين اقواس وتعلم عليها بالاحمر وتموضعها للناس في منتصف بوست مخصص لشتم البطل ؟؟ انا اقول لك لماذا. السبب هو انك خمنت ان هناك كثيرين ربما لم يكونوا قد استمعوا الى نفي الاستاذ فتحي من قبل ،، وبالتالي تصريحاته برغم نفيها قد لا تزال تصلح لايذاء البطل وكيل الطين والتراب على اسمه

أولا الأستاذ فتحي الضو لم ينفي الواقعة وإنما قام بإثباتها.... أثبت فعلا أن البطل كان ضمن الوفد المايوي الذي زار الكويت مبشرا بقوانين سبتمبر ومطاردا للشرفاء من المعارضين - رجح فتحي الضو في توضيحه أن البطل - قد كان ضمن في الوفد بصفته موظفا في مجلس الوزراء المايوي - - وأنه أي البطل كان علي المستوي الشخصي علمانيا - تفسير ر فتحي الضو هذا يخصه وحده ولسنا مطالبين بالاخذ به كمسلمة نهائية !فمن حقنا أن نسأل علي ضوء الواقعة المثبتة :- هل يعقل أن يرسل نظام شمولي وفدا رفيع المستوي- مصحوبا بملفات سياسية وأمنية خطيرة - ويكون سكرتيره وكاتب محاضره- شخص لاعلاقة له بذلك النظام? هل بلغت الغفلة بنظام مايو صاحب أحد أكبر الأجهزة الامنية أن يستعين في مهمة خطيرة كهذه بشخص لايدين له بالولاء ? ويضيف الأخ أنور الهادي
Quote: ...وكنت قبلك قد ناديت هنا بأن تكون البداية ادانة هذا السلوك بشجاعة ووضوح، ثم ننطلق كلنا صفا واحدا لنطلب من الاستاذ البطل ان يكتب اعتذارا علنيا يرد الحقوق للمتضريين ويرفع الغبن عن اسرهم التي ثقل عليها الامر. ولكن الناس هنا ، مثل اخينا كمال عباس - لم يكن همهم جبر الضرر وانصاف الناس بقدر ما كان همهم احراز انتصارات وهمية في معارك وهمية. ماذا يهم الاستاذة تيسير واهلها في هذا اليوم لو كان البطل يعمل في حكومة مايو او يوليو او سبتمبر.. سافر مع نميري الي الصين او مع موبوتو الي الكويت. بل ماذا يهمهم اذا انضم الاستاذ البطل الي المؤتمر الوطني وجلس وزيرا في القصر الجمهوري امس او اليوم او غدا؟؟؟ هل هذا هو الهم الاكبر؟ ام انك كما قيل وثبث لي لا هم لك الا استعراض بعض تعابيرك اللغوية واثبات شخصيتك كمحلل سياسي



** لست في حوجة أصلا لإثبات قدراتي التحليلة - عبر الكتابة عن البطل!- كما أني لست بصدد إستعراض معارفي الفكرية وثقافتي فلسنا في حلبة مصارعة فكرية ياأنور!, ما يهمني حقا وهو أن أن أقوم بتوظيف قسطا من معارفي وطاقتي لخدمة شعبي والأهم من ذلك أن إنحاز وبوعي لقضايا شعبي وهموم وطني فأنا صاحب مبدأ وقضية, ,فبئس الثقافة والمعرفة إذا كانت مجرد كلاما مرصعا وتنميقاللحروف ووهجا لغويالايخدم قضية نبيلة - ولايقدم معرفة ولايشكل إضافة , القدرات الكتابية الشكلية- المفتقرة للجوهر والمضمون- تظل مجرد بالون زاهي المظهر ولكنه مجوف وخاوي من الداخل..!!
** صديقك البطل - يا أنور هو من حاول إيهام القاري بأن سبب إختلاف البعض معه في بوست قيقراوي- وإعتراضهم علي كتاباته ومواقفه مرده الي أن خصومه يستهدفونه بسبب موقفه المعارض الالحاد و المنحاز للقيم والاخلاق متجاهلا عن عمد - أن الإختلاف معه ليس بسسب تمسكه بهذه القيم ولا بسبب تحلل والحاد خصومه وإنما بسبب مواقفه وكتاباته الخلافية - وهنا كان لابد أن نستعرض مواقفه- ومواقعه الخلافية تلك - إبتدأ من مايو ومؤتمر أعلامي الخارج الإنقاذي وتغزله بالدكتاتور حسني مبارك ومساندته لإ بنه جمال مبارك في قمة الثورة المصرية! وكتاباته التخذيلية المهادنة للإنقاذ مما يوضح أنه يسبح دوما ضد إرادة الجماهير ويستهين بالشعوب!, فهذه هي أسباب الإختلاف معه -وهي أسباب سياسية وفكرية-لاعلاقة لها بتدين البطل وتمسكه بأهداب الاخلاق, فإن كان البطل يسعي لأن يسوق نفسه كإسلامي غيور علي الدين والقيم فليفعل ذلك بعيدا عن المزائدة علي الاخرين ونصب محاكم التفتيش ونبش الضمائير ومس الاعراض والتلويح بكارت التكفير!!

Post: #119
Title: Re: البندول مفيد للصداع .. او في هجاء البطل
Author: قيقراوي
Date: 30-03-2013, 09:52 AM
Parent: #116

سلامات واحترام للجميع
وشاكر جداً لكل من كبد نفسه عناء ابداء الرأي ..
وطبتم جميعاً في الاختلاف قبل الاتفاق

في رأيي الشخصي العقائد مسألة شخصية جداً .. وغير صالحة للتداول العام
ولا تهمكم في شيء ..

لكن ماذا نفعل للبطل؟

ح اضطر انقل تصريح سابق لي هنا:

Quote:
اشكرك يا محسن على الرد (وكيد الشامتين :) )
واشكرك مرة اخرى على الدعوة ..

وخليني لاول مرة اقول ليك رأي الصريح

انا مؤمن بالله وعلاقتي بيو عامرة، واعتقد انو صلتي بيو مباشرة ولا تحتاج وسيط بعد محمد بن عبد الله عليه صلوات الله .. وانقطاع الوحي
واشهد انه ادى الرسالة، وبلغ الامانة بتمامها وتركنا على المحجة البيضاء .. ولن اشكك في شهادتي بانتظار ابن مريم الآخرى او غيره

ثم انو الصعب علي في دعوتك كلها تلبسها بالسلفية والنكوص بالزمن والانقلاب على منجزات البشرية، في عقيدتي انو البشرية -بفضل الله وحسن تدبيره- تخطت مرحلة الطفولة الحضارية ..
ولن تنكص لبداوة وبدائتها تاني مرة ..

لست مهتم بالاقصى، وتحريره بقدر ما شايف انو اهم لي تحرير الخرطوم من الطاغوت
يؤلمني الموت الاضافي في الجزيرة -جامعتك- اكتر من (اخبار) الموت في سوريا وفلسطين

غير مستعد او حتى مهيأ لحروب دينية عبثية، ولا جهاد مؤمنين بالله ذاته .. او حتى ما مؤمنين ذاتو!
ما دخلي انا ياخي!!

ولسة بحلم بمساجد, وكنائس ودير تدعوا لمحبة الله، لا لكراهية البشر

انا غير مستعد لاتباع اي رسالة خارجة عن مبادئ السلام والمحبة والاخاء

فليتمجد الله في الاعالي .. وعلى الارض السلام
وللناس المحبة



كلمتي قصاد كلمتك يا بطل يوم التغابن


ومكرر الشكر للجميع











----------

هل حصل زرت مكة يا بطل؟
اديت حجة الاسلام؟

انا هنا ادعوك ان لم تفعل، لتفعل ..
وانا متبرع بحق التذكرة .. والفيزا عليك
ومتبرع اكون مطوفك الخاص .. واعلمك ما لا تعلم في المناسك والمشاعر
والحج المبرور ليس له جزاءً الا الجنة
ولا اريد منك جزاءً ولا شكوراً
هو عمل اتقرب بيو لله زلفى

Post: #120
Title: Re: البندول مفيد للصداع .. او في هجاء البطل
Author: قيقراوي
Date: 31-03-2013, 08:07 AM
Parent: #119

Quote:
هل حصل زرت مكة يا بطل؟
اديت حجة الاسلام؟

انا هنا ادعوك ان لم تفعل، لتفعل ..
وانا متبرع بحق التذكرة .. والفيزا عليك
ومتبرع اكون مطوفك الخاص .. واعلمك ما لا تعلم في المناسك والمشاعر
والحج المبرور ليس له جزاءً الا الجنة
ولا اريد منك جزاءً ولا شكوراً
هو عمل اتقرب بيو لله زلفى

يشهد الله انا جادي في الكلام دا يا بطل .. وليس للاستهلاك المحلي الاسفيري .. والورجغة





























----------

يازول العمر دا ماااا مضمون .. والحج لمن استطاع اليه سبيلاً
واحسبك مستطيع .. كان ما مستطيع بنساعدك يازول
(حجة الاسلام) دي ركن عدييييل .. ما تخلي ايمانك مفندر
المافي شنو!؟

بالمرة -مادام اتدخلت في عقيدتي- خلينا نتناقش في الحاجة وجهاً لوجه ..
الحكمة ضالة المؤمن .. وانا ناشد حق
وكمان تسمع مني برضو
اها قلت شنو؟

Post: #121
Title: Re: البندول مفيد للصداع .. او في هجاء البطل
Author: قيقراوي
Date: 31-03-2013, 10:35 PM
Parent: #120

Quote:
:
هل حصل زرت مكة يا بطل؟
اديت حجة الاسلام؟

انا هنا ادعوك ان لم تفعل، لتفعل .. العمر ما مضمون
وانا متبرع بحق التذكرة .. والفيزا عليك
ومتبرع اكون مطوفك الخاص .. واعلمك ما لا تعلم في المناسك والمشاعر
والحج المبرور ليس له جزاءً الا الجنة
ولا اريد منك جزاءً ولا شكوراً
هو عمل اتقرب بيو لله زلفى

ابن حلال يوصل العرض دا للبطل .. وله اجر المناولة

Post: #122
Title: Re: البندول مفيد للصداع .. او في هجاء البطل
Author: جميلة ابراهيم السيد
Date: 31-03-2013, 10:57 PM
Parent: #121


عواليق دة لسة عايش؟