من هو خليفة هيثم مصطفي في المدرجات الهلاليه

اجيال تعاقبت ...ذخيرة من النجوم مرت علي تاريخ نادي الهلال عبر الزمان ..منها من اختفي وتواري دون ان يترك له اثر في المدرجات الهلاليه ..ومنهم من ترك بصمة خالدة وكان نغمة شجيه تغنت بها جماهير الهلال الوفيه في المدرجات الهلاليه ..والتاريخ يذكر انه علي مر المواسم والاجيال سطر عشرات من النجوم اساميهم من ذهب علي القلوب والمدرجات الهلاليه ..كانت الرايه تتبدل من نجم الي اخر كما اتفق ولم يخلو موسم من المواسم دون ان يكون هناك نجم (شباك) تتغني الجماهير الهلاليه باسمه .نجوم رغم ابتعادها عن الملاعب لكنها ما زالت موجوده في قلوب جماهير الهلال تكن لها الحب والتقدير وتحفظ لها الابداع ..محمد حسين كسلا ..علي قاقرين ..مصطفي النقر ..احمد عافيه ..طارق احمد ادم ..منصور بشير تنقا ..الريح كاريكا وغيرهم من النجوم الساطعه والتي غابت ولم تغب . ..

هيثم مصطفي كرار كان اخر هذه اللؤلؤة من النجوم امتلك قلوب جماهير الهلال لعقدين من الزمان بفنه الكروي الرفيع وبقدوته وغيرته علي الشعار ..كان نغمة شجيه في المدرجات الهلاليه لم يغب اسمه ولم تغب صورته عن المدرجات الهلاليه طوال عهده بالهلال ..هيثم كان هو الهلال والهلال كان هو هيثم .لهيثم كان هو ملك المدرجات الهلاليه دون منازع الي ان اسقطت عنه الرايه ..الرايه التي تنتظر من يرفعها بعد هيثم ..وتنقا وكاريكا ..وطارق والنقر وعافيه وكسلا وقاقرين وغيرهم من النجوم

تري من من نجوم الهلال الحالييين القادر علي رفع تلك الرايه ؟

الجماهير والاعلام في اختلاف ما بين مدثر الطيب كاريا ومهند الطاهر ..فمن منهم مؤهل لحمل تلك الرايه ؟

بشة

هيثم مصطفى نهاية عصر الكاريزما على الاقل فى الجيل الحالى ...
هيثم افضل لاعب مر على تاريخ الهلال وافضل قائد انجبته
الملاعب السودانية ....لو انهى تاريخه بالهلال لاستحق ان يكون
فى قيادة نادى الهلال بكل سهولة ...لكن....

سلام معاوية ...

بشة

سلام يامعاوية
في الكشف الحالي لا يوجد
ممكن صفات موزعة بنسب معينة في لاعبين مختلفين
لكن القيادة والحكمة والمهارة وصناعة اللعب وقوة الشخصية صعب تكرارها

عبد اللطيف بويا ..

الاخ معاوية
لك التحية


نقول باذن الله بشه

نجوم رغم ابتعادها عن الملاعب لكنها ما زالت موجوده في قلوب جماهير الهلال تكن لها الحب والتقدير وتحفظ لها الابداع ..محمد حسين كسلا ..علي قاقرين ..مصطفي النقر ..احمد عافيه ..طارق احمد ادم ..منصور بشير تنقا ..الريح كاريكا

مالك يا زول ما قلت جكسا مع اللاعبين ديل
و كمان قبله كان فى سبت ومن قبلهم منزول
فالهلال فى كل دورة لازم يكون عنده واحد ليس فى قلوب الهلالاب فقط و لكن حتى فى قلوب الطرف الآخر

كاريكا

ان وظفه الكهل غارزيتو توظيفا صحيحا

الغزال ......... مهند الطاهر

Quote: بشه

سلامات ود البشري ,الصادق وحيدر ..نعم بشه لاعب موهوب وحريف ومثقف ..ولكن (راي شخصي ) انو بشه ما من نوعيه اللاعبين البتعمر كتير في الملاعب ..وما من نوعية اللاعبين البيقدروا يحافظوا علي لياقتوم ويادوا الموسم كامل بي نفس واحد

يا معاوية من وجهة نظري لن يستطيع لاعب في كشف الهلال الحالي ان يخلف هيثم مصطفى في حب و تقدير جماهير الهلال ، فهيثم اجتمعت له صفات و شخصية لا يتمتع بها لاعب في كشف الهلال الحالي و ستتوزع خلافة هيثم بين عدد من اللاعبين و سينال مهند الطاهر و كاريكا نصيب الأسد.

Quote: هيثم مصطفى نهاية عصر الكاريزما على الاقل فى الجيل الحالى ... هيثم افضل لاعب مر على تاريخ الهلال وافضل قائد انجبته الملاعب السودانية ....لو انهى تاريخه بالهلال لاستحق ان يكون فى قيادة نادى الهلال بكل سهولة ...لكن....

Quote: في الكشف الحالي لا يوجد ممكن صفات موزعة بنسب معينة في لاعبين مختلفين لكن القيادة والحكمة والمهارة وصناعة اللعب وقوة الشخصية صعب تكرارها

Quote: يا معاوية من وجهة نظري لن يستطيع لاعب في كشف الهلال الحالي ان يخلف هيثم مصطفى في حب و تقدير جماهير الهلال ، فهيثم اجتمعت له صفات و شخصية لا يتمتع بها لاعب في كشف الهلال الحالي و ستتوزع خلافة هيثم بين عدد من اللاعبين و سينال مهند الطاهر و كاريكا نصيب الأسد.

سلامت محمد عبد الرحمن ..زول ساكت والحاج

نعم هيثم مصطفي موهبه فذه ولاعب لن يتكرر ..ولكن التاريخ القريب يقول ان نهايات النقر وتنقا وطارق والريح صاحبها نفس الشعور المحبط من جماهير الهلال ان حواء الهلال لن تجود بمثلهم ...

Quote: عبد اللطيف بويا ..

المانع شنو؟ إذا كان البرير رئيس النادي !!
+
بالغتا لكن في بويا .. عيب لي خليفة ..

صاحب البوست و عمر سلامات

وانا ايضاً اقول لكن ؟؟؟؟
لن تنسى له جمااااااااهير الهلال التي رابطت في النادي وتحملت كل الاساءات والتجريح دفاعاً عن القائد ... انه خانها وباع عشقهم له بأتفه الاثماااااان وسيرد الصاع له
في نفس المدرجاااااااااات التي احبته وتغنت فيها الجمااااااااااااهير واطلقت عليه اجمل الالقاب البرنس سيدا ... وسيكون هناااااالك لقب آخر بعد انتقاله للوصيف
وسيندم مليووووووووون مرة على ما اقترف في حق تلك الجمااااااهير وحينها لن ينفع الندم لأنه احب نفسه فقط واراد ان يرد على البرير ولكنه اختار المكان الخطأ

خليفه

Quote: عبد اللطيف بويا ..

Quote: خليفه

Quote:

عمر ونوبي وعباس العبوا معانا جادين وبطلوا هظار

بالعكس هي فرصة ثمينة للتخلص من عبادة الفرد وعقبال السودان كله

البقاء للاقوى وللاجدر والاكثر اخلاصا

وفي ذلك فاليتنافس المتنافسون

مشكلة مجتمعنا الرياضي مثل الشعوب الوثنية لازم تبحث عن فرد تطوف حوله ويجلسوا يتونسوا بانجازاته في ونساتهم العامة ..

لكن هنالك فرق في الدوري الاسباني مثلا كانت تهزم ريال مدريد وبرشلونة بدون ما يكون عندهم نجم واحد تحفظ الجماهير صورته

Quote: لن تنسى له جمااااااااهير الهلال التي رابطت في النادي وتحملت كل الاساءات والتجريح دفاعاً عن القائد ... انه خانها وباع عشقهم له بأتفه الاثماااااان وسيرد الصاع له في نفس المدرجاااااااااات التي احبته وتغنت فيها الجمااااااااااااهير واطلقت عليه اجمل الالقاب البرنس سيدا ... وسيكون هناااااالك لقب آخر بعد انتقاله للوصيف وسيندم مليووووووووون مرة على ما اقترف في حق تلك الجمااااااهير وحينها لن ينفع الندم لأنه احب نفسه فقط واراد ان يرد على البرير ولكنه اختار المكان الخطأ

الأخ أسامه
تحياتي
لا تنسى أن هيثم شطب و أي تصرف نحوه من الجماهير يعتبر نوع من التعصب و في ظل الاحتراف من حق هيثم ان يختار أين يلعب و من حقه أن ياخذ المقابل المادي ، رغم انني مريخابي و لو كان لي قرار لن يلعب هيثم في المريخ فهو لاعب معروف بكثرة المشاكل و كان عليه أن يعتزل اللعب بعد ان أثر عامل السن في أدائه.

شنو يعني يا معاويه ياخ


خليفه دي نجمي المحبوب


المنجم ده لاعب مهول بس يلاقي فرصه في صناعة اللعب


وتشوفو براكم كيف

Quote: عمر ونوبي وعباس العبوا معانا جادين وبطلوا هظار

إنت بديت بي مقدمة صحيحة وكلام سليم ..الهلال تحديييداً من بين كل الأندية السودانية حباه الله بي حاجة غريبة جداً ..إنو كل جيل بيكون فيهو نجم بيكون هو النجم الأول في كرة القدم السودانية وبعد داك يجو بعدو كوورجة يتم إضافتها بي نظرية حاكو حاكو ..
الخاصية دي في المريخ ما طوالي بتحصل وده الهارد فشفاش المريخاب..مع إنو النجومية في الهلال تحصل بي عفوية ودون صناعة مفتعلة وده الكان بيميز الهلال مننن 1930 لحدددي هيثم مصطفى كلهم نجوم صنعتهم الجماهير والموهبة لم يصنعهم الاعلام ولا الادارات ولااا دائرة الكورة ..
لكن تعال شوف أسة الإجابة على سؤالك مستحيلة لييه!! لأنو وبكل بسااااطة الهلال حالياً ح يحاول إعلاماً وإدارة ودائرة كورة إنو يصنع ليهو لاعب بي الرجااالة كده ويحشرو في عقول الجماهير الهلالية غصباً عنو ..وده الحصل الموسم الفات بعد أن إنقسمت الإدارة بين إنها تلمع مهند الطاهر ولا مدثر كاريكا ..وطبعاً فشلت فشل زرييع في إنها تقحم الإتنين ديل في عقول المشجعين عنووة ..نعم هم لاعبين موهبين لكنهم ما من طينة اللاعبين الممكن يعملوا كاريزما النجم..
مهند يوم في السما ويمين في الواااطــة ..كاريكا نفس الهو زاتو مع عدم الحضور والقبول العفوي اللي بحسو من الجمهور ..أي نعم بيتفاعل الجمور مع طريقة احتفلاتهم بي الاهداف سواء هوبة مهند وإنسانية كاريكا لكن ده ما كافي اصنع نجم..
وبالمناسبة جمهور الهلال النجم عندو أبداً ما كان اللاعب الحريف والدليل نجومية طارق احمد ادم من قبل..

أبو عمير
طارق أحمد آدم كان أحرف من سكسك .. إتا قايل الحرفنة دي محاورة بالكعب والرأس وجيب أقوان بالزاوية الضيقة بس ؟
أبدا ...
حرفنة طارق كانت تكمن في مقدرتو الفائقة على قراءة أفكار المهاجم القدامو(أيا كان مهارتو) بما يجعلو يتعامل
معاه التعامل الأنسب في الوقت الأنسب، يا قفلو وخلي الكورة تروح لحال سبيلا.. يا قلعا منو وحاورو
هو ذاتو لما يقعدو في الواطة ، يا قدما منو للآوت أو زميل تاني .
ذكاء طارق وحرفنتو كاستوبر صنع نجومية أكثر من حارس ومدافع في الهلال لأنو ببساطة منحهم الثقة
والثبات بفضل تمركزو الجيد وتوجيهه الحصيف لزملائه والحارس .
حرفنة طارق جعلتو يتعامل مع أسرع المهاجمين (رغم أنو ما سريع) ويحجم خطورتهم، كما جعلت أمر
محاورته دونه خرط القتاد إلا نادرا جدا .
حرفنة طارق جعلت إستايل لعبو مختلف وصعب التقليد والدليل أنو ما جاء بعدو استوبر .
طارق حريف والمفروض يكون نجم العهد السابق واللاحق لكن ميل الناس للبجيب القون ظلمو .

Quote: كاريكاان وظفه الكهل غارزيتو توظيفا صحيحا

Quote: الغزال ......... مهند الطاهر

سلامات يا خلي ومحمد عبدالله ..كلام عمر الفاروق الفوق دا فيهو جزء كبير من الحقائق فيما يخص كاريكا لكن مهند ما معاهو ..فاعلام البرير حاول يخلق من كاريكا نجم بديل لهيثم مصطفي في المدرجات الهلاليه ...حاول يبدل النغمة من سيدا لي كاريكا ولكن بي غباء وظلم لكاريكا نفسه ..نعم كاريكا نجم ونجم كبير ولاعب حريف ومهذب وخلوق لكن من الظلم مقارنته بهيثم مصطفي ..
مهند الطاهر من امهر اللاعبين السودانيين في الوقت الحالي وتكاد موهبته (لو وظفا صاح) تفوق موهبة هيثم مصطفي نفسه ..لكن مهند لاعب مزاجي وكسول واحتمال في عوامل خارجيه مؤثره علي تذبذب مستوي مهند ومزاجيته ..فمهند لو احترم الكورة وادارة الهلال لو احترمت مهند ممكن في رايي انو يكون اللاعب الاقرب لخلافة هيثم

Quote: مهند الطاهر من امهر اللاعبين السودانيين في الوقت الحالي وتكاد موهبته (لو وظفا صاح) تفوق موهبة هيثم مصطفي نفسه .. لكن مهند لاعب مزاجي وكسول واحتمال في عوامل خارجيه مؤثره علي تذبذب مستوي مهند ومزاجيته ..فمهند لو احترم الكورة وادارة الهلال لو احترمت مهند ممكن في رايي انو يكون اللاعب الاقرب لخلافة هيثم

لا حول ...........
دا كله في مهند السارح في الماتشات
الغريبه الطاووووس غارزيتو هبشه قبل شوية في مزاجه
على كل أشك يا معاوية في حتة مهند
ربما كاريكا وفعلا وكما قيل سابقً- إذا تم توظيفه صاح
لقد كان هداف للدوري فاصبح بفكر غارزيتو لا هداف ولا صانع العاب
عليه إذا رجع لوظيفته الاصلية كراس حربة
والخواجة اتنازل عن فرسنة هجوم الهلال (ناس مالي وجاراتها)
ممكن كاريكا بقدراته على تحقيق الأهداف
بس الأكيد مش ممكن يكون من دفاع الهلال
كما لا اتمنى ان يكون من الاجانب والهلال يلعب ب7أجانب (هو الباقي شنو بالمناسبة )

طلحة يا راقي..
مع إنك جلطتها في السطر الولى لكن لحقتها في البعدها لمممن كتلت لي الدش في يدي..
طارق ما حريف لكن ذكي والذكاء ما حرفنة ..
عارفك وناس كتااار ح تتخلعو في كلامي لكن انا طارق احمد ادم مااا واقع لي كأسطورة هلالية ..
طارق كان ذكي جداً وبدردق المدافعين ومن قبلهم لاعبين الوسط وبعد داك زي ما قلت بتجيهو جااهزة وبيعرف كيف هو يظهر ويقطع الكورة في الوقت المناسب..وده ذكاء مااا حرفنة ..
طارق عمممرو ما ضرب هيد ولااا عرف يشوت ضربة الجزاء ودي ابجديات مش؟؟ خصوصا لي مدافع..
يا طلحة ياخ الكشفة الكشفا دحدوح لي طارق انا عمري مااا شوفت زييها وبهتااناً رميناها في حفرة الأستاد لكن هذا الدحدوح انا كنت بخاف منو خوووف ومااا خييب ظني :)

يا أبو عمير
رغم انو ما لاقي لي تعريف واضح وصريح لحرفنة كرة القدم لكن قطع شك هي
ذكاء وتوافق عقلي مع بدني وطارق دي كانت عندو منها كميات .
طارق كان حريف جدا في حتة يقيف للكورة وين ويعرف مقصدا قبل ما تطلع
من اللاعب الخصم .. كان يقرأ باص صانع الألعاب ويجري يلحق الكورة قبل
المهاجم ذاتو ما يستوعب أن الباص دا ماشي ليهو .. دي حرفنة .
كان مدافعا مراوغا.. تجىء تحاورو يقلع منك الكورة ويحاورك بيها وبعدين
يوديها محل يوديها.. دي حرفنة .. كان يتخلص من أصعب الزنقات ولحظات الضغط
ويسل ليك الكورة من وسط زحمة المهاجمين زي سلة السبيبة من العجين.. دي حرفنة.
من جهة تانية يا أبو عمير إجادة الهيد وضربات الجزاء ما ضروري لقياس حرفنة
اللاعب .. هيثم مصطفي دا ذاتو ما بعرف يضرب هيد.. وهناك مهاجمين هدافين تلقاهم
كل نهاية دوري شايلين كأس الهداف لكنهم لا يجيدون التسجيل من ضربات الجزاء
رغم حرفنتهم ومهاراتهم في تسجيل الأقوان.
قلتا لي دحدوح حاور طارق ؟؟
صحيح دحدوح حاور طارق وعبد العظيم قلة برضو حاورو وقلبو عديل كدا لكن
أنا قلتا ليك فوق ( إلا نادرا) وإلا نادرا دي لا تقلل أبدا من يقين أنو طارق
حريف لأنو الغالب الأعم إنو ما بتحاور اللهم إلا تحت ضغط وظروف ومؤثرات
ممكن تواجه كل لاعب وكل فريق في كورة القدم .

بعدين يا ود الفاروق لو إتا شايف طارق دا ما أسطورة فما معني كدا إنو
دي حقيقة محفورة على جدار اليقين ويجب التسليم بيها بقدر ما هي وجهة نظر.

يا معاوية بشة مش لأنو موهوب أو لعّاب أو مميّز وكدا
هي المحبة الواحدة دي ما دايرة ليها سبب
زي محبّتنا لهيثم الفي محلّها حتى لو مشى الوصيف وحتى لو اتسبب في غلبنا لا قدّر الله

في ناس بتقول يا ود البشري انو محمد احمد(الجانا من الخرطوم ) طريقة لعبو فيها شبه كبير من هيثم مصطفي والبرير جابو عشان يسد الفرقه دي ..لكن للاسف لسه ما فتح

____

Quote: yas Sidahmed ·‎‏ للأسف لايوجد فى كشف الهلال الآن من يستحق لقب نجم الجماهير. هيثم رفع مقياس النجومية لدرجة ما أظن يجى لاعب قريب ويستلم الراية. الله لا كسبك يا البرير والجوقة الحوالينك.

___

الاخوان الكرام تحياتى والموضوع بصراحة أخشى التعليق فيه أن يصفنى البعض بالتحسر وفقد الكابتن الذى لن ولا يتكرر هيثم مصطفى !!!وهذا بلا شك ليس قصدى ولكن الكابتن هيثم مصطفى فى الهلال ولأنه كان متألقاً ونجماً جماهيراً بكل المقايس على الرغم من أن الهلال فى عهده لم يحرز أى كأس أفريقى رغم الوصول المتواصل الى الادوار النهاية والتواجد الثابت فى دور الثمانية منذ 2007م !!.
بصراحة نجومية وشخصية وكاريزمة هيثم مصطفى داخل المستطيل الاخضر وخارجة سوف تعقّد مهمه النجم القادم الى حد ما !!فأستطيع أن أقول ربما ظهر نجم أكثر عطاءاً وتهديفاً وحسماً للمباريات ولكن أن يصل شخصية هيثم مصطفى حتى فى مشاكلة وطريقة حلها وإسلوبة فى إستدرار عطف الجماهير وحملها على الوقوف معه فى كل الاحوال يجعل هيثم لاعب من طراز فريد لن يتكرر !!ما يطمئننى (من غير حسد ) أن هيثم مصطفى لن يحقق فى المريخ أى نجاح يذكر حتى ولو فاز المريخ ببطولة الدورى سوف يكون عطاء هيثم أقل من عادى والاسباب عديدة .
ختاماً أتمنى أن نرى لاعباً جديداً وأرشح الطوربيد مدثر الطيب (كاريكا ) إذا أستمر فى أهدافه الرهيبة ,

Quote: صاحب البوست و عمر سلامات

مرحبتين طاهر قرشي

__

Quote: لن تنسى له جمااااااااهير الهلال التي رابطت في النادي وتحملت كل الاساءات والتجريح دفاعاً عن القائد ... انه خانها وباع عشقهم له بأتفه الاثماااااان وسيرد الصاع له في نفس المدرجاااااااااات التي احبته وتغنت فيها الجمااااااااااااهير واطلقت عليه اجمل الالقاب البرنس سيدا ... وسيكون هناااااالك لقب آخر بعد انتقاله للوصيف وسيندم مليووووووووون مرة على ما اقترف في حق تلك الجمااااااهير وحينها لن ينفع الندم لأنه احب نفسه فقط واراد ان يرد على البرير ولكنه اختار المكان الخطأ

مرحب اسامة

كلامك دا كان بيكون منطقي لو هيثم مصطفي رفض يعيد تسجيلو في الهلال مثلا ..لكن هيثم اتشطب ومن حقو يختار الفريق البيلعب ليهو طالما الكورة دي اكل عيشو ..هيثم ما قصر مع الهلال وجماهير الهلال واداهم 17 سنة من عمرو ..

____

Quote: بالعكس هي فرصة ثمينة للتخلص من عبادة الفرد وعقبال السودان كله البقاء للاقوى وللاجدر والاكثر اخلاصا وفي ذلك فاليتنافس المتنافسون

سلامات يا الدرديري ..الاكثر اخلاصا دي في عصرنا دا بتحكما حاجات تانيه ..زي ما النادي والجماهير بتشوف مصلحتا وين فبرضو من حق اللاعب يشوف مصلحتو وين

مرحبتين طلحة عبدالله

__

سلامات يا السوندا ..مهند برضو كان هداف للهلال رغم انو خانتو لاعب وسط واغلب الموسم بيكون قاعد كنبه

احصائيه لاهداف مهند وكاريكا مواسم 2008 - 2012 (كاريكا رجع الهلال في 2008 )

موسم 2008 كاريكا 4 اهداف .. مهند 11
موسم 2009 كاريكا 20 .. مهند 10
موسم 2010 كاريكا 13 ..مهند 12
موسم 2011 كاريكا 5 ..مهند 5
موسم 2012 كاريكا 7 ..مهند 10

في خمسه مواسم كاريكا سجل 49 هدف ومهند 48 هدف ! ومهند متفوق افريقيا علي كاريكا في التسجيل ..

Quote: لقد كان هداف للدوري فاصبح بفكر غارزيتو لا هداف ولا صانع العاب

غارزيتو جا الهلال 2012 وكاريكا في موسم 2011 كان مسجل 5 اهداف ومع غارزيتو سجل 7 اهداف في 2012

Quote: فأستطيع أن أقول ربما ظهر نجم أكثر عطاءاً وتهديفاً وحسماً للمباريات ولكن أن يصل شخصية هيثم مصطفى حتى فى مشاكلة وطريقة حلها وإسلوبة فى إستدرار عطف الجماهير

سلامات يا بشري

اكيد في عوامل كتيرة ساعدت في انو هيثم يصل للدرجة دي من الشهرة والحب الجماهيري (غير الموهبه ) ..الاسرة والتكوين الرياضي ..الانضباط (خارج الميدان)واحترام الموهبة ..الشكل(المظهر) ..ضعف الادارات المتعاقبه علي الهلال وغيرها من العوامل ..عوامل زي دي نادر ما تتوفر لي لاعب تاني عشان يصل مرحلة هيثم