كشات تقيلة فى السوق العربى

مطاردات عنيفة للباعة المتجولين .هل للامر علاقة بالاحداث فى غرب السودان؟أم هى نتاج لفشل جولة المفاوضات؟أم هى لتنظيم العمل فى قلب العاصمة؟

اخوي امبده سلام.. يا زول أنت من ابده شريعه ولا أم بده ام فكو .. علي قول حبيبنا سجيمان؟؟مزحه تقيله
اها يا زول ما وريتنا الحاصل شنو علاقه الأحداث في الغرب ومباحثات السلام مع الطماطم والأكياس شنو؟؟؟
غايتو ما عارف لكن الشي الطبيعي والمنطقي انو دي حركه تنظيم ليس الا .. ودا شئ طبيعي في كل دول العالم
اللهم الا اذا بالأمر سر خفي .. وبداخل الطماطم والأكياس اسلحه مستخبيه
والله فكره برضو .. في رأيك ممكن دا يحصل؟؟؟؟؟؟

as previously one said..........Hopless you are really hopeless

Thousands of people who are under poverty line and who live in the peripheral of khartoum wake up early in the morning and go to the centre of khartoum where try to find some work any work by to support their families.The role of any government is to make jobs available to its citizens first but not to fight simple people in its source of living.Those buyer are not dealing with drugs neither weapons they only sell clothes and other minor accessories commonly used by anybody.
As we know thousands of graduates were among of those buyers and am one of them.
I have a simple right :make job opportunities available to us ..

امبدة اخوى

الاخيرة ارجح

ولا يكونوا ناس الغرب جواندسو وسط الجماعة ديل وماعندنا خبر

والعلاقة بين كدا المفاوضات الا يكون دايرين ينفشو فيهم سااااكت

دا كلام دا

اسى المركب دى تتملى وهاك يانضم
وتخلونازى الدراويش ان جاز التعبير

ياجماعة ارحمونا يرحمكم من فى السماء

سلاماً
سلاماً
سلاماً

سلام أم بدة يا أخوي
البفرقو فوقهم ديل قطع شك طابور خامس وعملاء وبعدين الببيعوا الطماطم والموية وبصلحوا الأحذية ديل بشوهوا توجه الأمة الحضاري ومن الواجب تفريقهم وإقامة حد الشروع في الحرابة عليهم.. لكن ما قلت لينا المرة دي تجنيد ولا تجميل..

عزيزي أمبدة
العمل التنظيمي أو الحملات التنظيمية لأي مدينة لا غبار عليها ولكن لا بد أن يكون ذلك وفق ضوابط وأسس تنظيمية ، والبحث عم حلول عملية واجتماعية لمهالجة تلك الظاهرة الاجتماعية وهي متفشية في معظم المدن الرئيسية خاصة في البلاد العربية والفريقية ويمكن أن نقول في بلاد العالم الثالث .. وهي لا تقتصر على جنس معين أو فئة معينة..

امبده
فعلا فى حركة غير طبيعية فى السوق العربى وذى ما قلته كشات فى كل ناحية لكن الاغرب هو عند مدخل كبرى امدرمان الجديد او كبرى الصداقه ذى ما سموه وعلى ناحية امدرمان توجد قوة من وحدة الشرطة العسكرية تنتشر عند مدخل الكبرى اقوليك حاجة ظريفة وانا راكب الحافلة فى بنت قالت للبنت الجنبه فى المقعد الاخير تعرفى انو انا قبيل جايه من السوق الشعبى الخرطوم برضو لقيت فى عساكر كتار لكن تعرف فى واحد من الجماعه اياهم على طول رده قال تعرفى يا اخت ده شىء طبيعى اصلو ناس الشرطة العسكريةبقوموا بحملة لتفتيش العربان والجنود كل يوم ثلاثاء طبعااناعاينته ليك كويس وقلته ليه انته يا اخ عسكرى قام الراجل بحرقه قال ليه بتسال قلته ليه ما كلامك بؤكد ذالك و راح عامل نايم على طول لكن لمن وصلنا مشارف السوق العربى هاك يا عساكر عاينته ليه قلته ليه وده شنو كمان اظرف حاجة طوالى على طول قام نازل
@@@@@@@@@@
كم من ظلمةالليل من بهاء
وكلن كثيرون حولها الى ارتكاب المصائب

لماذا الهجوم على الباعة المتجوليين وهم يبحثون عن لقمة العيش انه التخبط السياسى فشلوا فى كل شى واعلنوا الحرب على الباعة المتجوليين على ارزاقهم

سبحان الله


الان تدافعون عن الباعه المتجولون ؟

وتتمنون الخرطوم عاصمة للثقافه ؟


باى مكيال تكيلون ايها القوم ؟

ربما ان الباعة المتجولون يبيعون الطماطم ذات اللون الاحمر


لذا قامت حكومة الجبهجيه بمطاردتهم نكاية فى الشيوعيون



لوووووول



ديكو

شهدت منطقة الكلاكلة جنوب الخرطوم مواجهة مسلحة امس بين مجموعتين من قوات القائد فاولينو ماتيب جرى فيها استخدام الكلاشنكوف والقرانوف واسفرت عن وفاة اثنين وجرح «9» من اطراف النزاع الى جانب اصابة اربعة من المواطنين اثنان منهم في حالة الخطر. وطوقت قوة من الامن الوطني والقوات المسلحة وشرطة ولاية الخرطوم وشرطة النجدة والعمليات منطقة الاحداث والقت القبض على «22» من طرفي الاشتباك وضبطت كمية من الاسلحة والذخائر.

وعقدت لجنة الامن بالولاية برئاسة د. الصادق المهدي والي الخرطوم بالانابة اجتماعا طارئا امس في موقع الحادث وقررت الابقاء على القوات النظامية بالمنطقة لفرض الامن والنظام. واكد د. الصادق المهدي لـ «الرأي العام» ان اللجنة اتخذت عددا من التدابير لمنع تكرار الحادث. واعلن الوالي بالانابة في بيان اصدره ان الاجهزة الامنية سيطرت على الموقف وافرجت عن رهينة اعتقلتها احدى المجموعتين. واثنى د. الصادق على الاجهزة الامنية والقوات النظامية لسرعتها في احتواء الاحداث. وقال البيان ان خلافات شخصية وسط فصيل فاولينو ماتيب ادت الى الاشتباكات. من جهته قال اللواء عادل سيد احمد الناطق باسم قوات الشرطة ان النزاع بين المجموعتين يرجع الى خلاف حول ملكية عمارة بالسكن الشعبي بالكلاكلة. وذكر الناطق باسم الشرطة في بيان اصدره امس ان الخلاف تطور بين المجموعتين الى مواجهة مسلحة استعمل فيها القرانوف والكلاشنكوف مما ادى لفزع المواطنين وهروبهم من المنطقة. واشار البيان الى انه تم فتح بلاغات جنائية في مواجهة الطرفين، وذكر ان الشرطة باشرت التحري في الحادثة. من جانبه اكد الفاتح الشريف معتمد جبل اولياء لـ «اس. ام. سي» ان عملية جمع السلاح ستتم ضمن حزمة من القرارات لاستئصال جذور الصراع. وذكرت «اس. ام. سي» ان احد المواطنين توفي لاحقاً متأثراً بجراحه
الاربعاء 24 جمادي الاولي 1424هـ الموافق23 يوليو 2003 م العدد 2133
صحيفة الراي العام