Post: #1 Title: مسدار النصيحة - الشاعر/ محمد الحسن ابن عوف......... فيديو Author: Abdlaziz Eisa Date: 10-17-2012, 11:54 AM
سلام هذه القصيدة قبل سنوات.. وقد يكون سمعها العديد من الناس.. السماع الانفرادي يمكن يعطي الشخص قراءة دون مؤثرات خارجية.. لكن مشاركة السماع ربما تفتح نوافذا أكثر للاستماع..
فقد كنت أسمعها لوحدي من فترة وهي مسجلة عندي في الموبايل وكل مرة أقرر تحميلها في رابط تروح الفكرة وراء المشغوليات..
وعثرت على ضالتي أخيرا..
Post: #2 Title: Re: مسدار النصيحة - الشاعر/ محمد الحسن ابن عوف......... فيديو Author: Abdlaziz Eisa Date: 10-17-2012, 11:55 AM Parent: #1
Post: #3 Title: Re: مسدار النصيحة - الشاعر/ محمد الحسن ابن عوف......... فيديو Author: Abdlaziz Eisa Date: 10-17-2012, 12:00 PM Parent: #2
ما شاء الله حاج غوغل ما قصر معاي وضعت الاسم وطلع لي بمنتديات ابودليق.. ببوست / أحمد المبارك:
التقرير بجيك كل يوم (تمام ياريس)... وأته بتقرا ساكت لاك فطن لاك كييس...؟؟ وهسى بقولك الحق أن لحقته العيس... قبل ما يمرقوك أبان دقون متيس...
. الهروين زرد جامعاتنا عرض وطول... والفنان بغنى مع الوزير مسطول... لورى البنقو ياريس بخش على طول... قصر يد حكومتك والحكايه تطول...
شريف نجيريا مبسوط من ندى وصاحباتا... فى (مادوغورى) فرشولهن شرفنا سباته... بعد ما كنا فى(كرن)أم لبوس همباتا... يات من فينا ديوس وطى تحت الباتا...
فى جده ونواحى دبى بقينا حكايه... جرن بنوت مهيره على الرزيله حفايا... جوزانا (أبصقر)كسرن جناحو بغايا... والسودانى ########ن غفير إندايه...
وخابر نضمى ياريس بجيك فى محلك... راجين فى جمر بندور نشوف راى حلك... يافشيت غبينتا أم ضلاما حلك... ولا نوارك الوجعه ونصد ونخلك....
وزير الداخليه سلام الليله يوم منكورك... أولاد (الكبار)خربوهو جت مشكورك مادام الغلت والشين مرق مرق من كورك... تبقه العوجه فيهن ولا فى عسكورك...
... عسكور المرور أدو البسوقو أشاره... وقف ناضمن ضحكو وغمتلو صراره... أنا والقاعده جمبى الشينه مابتضاره... قالت فوق قصد غايتو المعيشه بصاره...
شرف الكاكى فى الغرزه وحكرتو عريشه... وتلقاهن جماعات فى قهاوى الشيشه... أضان الشرطه طرشت وعينها عميشه... اما الدوله فاهمه والمواطن كيشه...
الدوريه تمرق والعساكر شاده... والسارينا تنبح فى الظلت مى راده... أولاد الكبار بالثابته فى كم ماده... فد تلفون يدق ترجع تقبل صاده
Post: #4 Title: Re: مسدار النصيحة - الشاعر/ محمد الحسن ابن عوف......... فيديو Author: Abdlaziz Eisa Date: 10-17-2012, 12:03 PM Parent: #3
Quote:
فى جده ونواحى دبى بقينا حكايه... جرن بنوت مهيره على الرزيله حفايا... جوزانا (أبصقر)كسرن جناحو بغايا... والسودانى قــوادن غفير إندايه...
هربا من مقص الرقابة...
Post: #5 Title: Re: مسدار النصيحة - الشاعر/ محمد الحسن ابن عوف......... فيديو Author: Abdlaziz Eisa Date: 10-17-2012, 03:32 PM Parent: #4