يا شيوعيين ...

يا شيوعيين ...


01-05-2012, 02:17 PM


  » http://sudaneseonline.com/cgi-bin/sdb/2bb.cgi?seq=msg&board=415&msg=1356323548&rn=0


Post: #1
Title: يا شيوعيين ...
Author: Siham Elmugammar
Date: 01-05-2012, 02:17 PM

السلام عليكم .. وللضمان كده السلام على من اتبع الهدى [/IMG]

طبعا انا محسوبة عليكم فى صمة خشمى .. لاايدى لا كراعى
عليه:

انا اولى بلحمكم من غيرى

نحن اصلوا ما عندنا شغلة غيركم يعنى ؟؟!!!

انا بقول نبدأ من 69 ولى قدام
انتو السبب فى مايو من اولها لاخرها
انتو عملتوا انقلاب هاشم العطا...وقتلتوا الناس فى قصر الضيافة
وجيتو بعد داك عاملين فيها حرفه أعدمتم كوادركم بسكرتيركم جت عليهم عشان تعملوا حركات بتاعة شهداء وكده
وانتو كنت بتدفعوا لناس الامن عشان تدخلوا المعتقلات و تكتبوا عند الناس مناضلين وخطرين
لما جات الديمقراطية انتو كنتو السبب فى مظاهرات السكر.. وانتم من اطلقتم النيران على الجماهير من اعلى البنايات
وكل مماحكات الصادق انتو السبب فيها... ولما قال عاوز تفويض انتو الحرشتوه
وكنتم وراء رفض اتفاقية الميرغنى قرنق
ثم كنتم وراء الانقلاب بتاع الجبهة لتمدد تياركم عرضا فى ربوع البلاد
ثم انتم من كنتم وقود بيوت الاشباح عشان تعملوا فيها ضحايا و بعدين تهاجروا بغش الخواجات
فكنتم اكلى الويلفير و مجدعين حيرانين
ثم عملتم فيها مناضلين كيبورد وانتم ضاربين الكندشة

____________________________
ان شاءالله بجى بتم ليكم الباقى يا رعاديد
هسه انا جعانة


_____________________________________
هيثم طه اها كيف معاك

Post: #2
Title: Re: يا شيوعيين ...
Author: Hussein Mallasi
Date: 01-05-2012, 06:09 PM
Parent: #1

Quote: انا بقول نبدأ من 69 ولى قدام
انتو السبب فى مايو من اولها لاخرها
انتو عملتوا انقلاب هاشم العطا...وقتلتوا الناس فى قصر الضيافة
وجيتو بعد داك عاملين فيها حرفه أعدمتم كوادركم بسكرتيركم جت عليهم عشان تعملوا حركات بتاعة شهداء وكده
وانتو كنت بتدفعوا لناس الامن عشان تدخلوا المعتقلات و تكتبوا عند الناس مناضلين وخطرين
لما جات الديمقراطية انتو كنتو السبب فى مظاهرات السكر.. وانتم من اطلقتم النيران على الجماهير من اعلى البنايات
وكل مماحكات الصادق انتو السبب فيها... ولما قال عاوز تفويض انتو الحرشتوه
وكنتم وراء رفض اتفاقية الميرغنى قرنق
ثم كنتم وراء الانقلاب بتاع الجبهة لتمدد تياركم عرضا فى ربوع البلاد
ثم انتم من كنتم وقود بيوت الاشباح عشان تعملوا فيها ضحايا و بعدين تهاجروا بغش الخواجات
فكنتم اكلى الويلفير و مجدعين حيرانين
ثم عملتم فيها مناضلين كيبورد وانتم ضاربين الكندشة

لا لدس السم في الدسم

Post: #3
Title: Re: يا شيوعيين ...
Author: rummana
Date: 01-05-2012, 06:22 PM
Parent: #2

Quote: هيثم طه اها كيف معاك

والله أنا مما قريت السطرين الأوائل يا سهام قلت الموضوع أكيد ليه صلة بهيثم :)

Post: #4
Title: Re: يا شيوعيين ...
Author: معاوية عبيد الصائم
Date: 01-05-2012, 07:28 PM
Parent: #3

Quote: انتو كنتو السبب فى مظاهرات السكر.

Post: #5
Title: Re: يا شيوعيين ...
Author: هيثم طه
Date: 01-05-2012, 07:48 PM
Parent: #4

Quote: وانتم ضاربين الكندشة

اولا يا المجمر تخيّري فارق الزمن و درجة الحرارة !
ناس الكندشة ديل ناس السعودية و الخليج او نحو ذلك !
ناس امريكا و كندا ضاربهم الزمهرير طبيعي يعني زول ضارباهو كندشة عيب ! و معناهو ما قادر يدفع حق الهيتنق !!
وبعدين دي اسمها (اسقاط) لمشاكلنا في السودان الشقيق علي الاخرين !
و بالمرة كان تقولي و ماكلين الماكدونالد ! و اقول ليك انو دي الاكلة الشعبية و الرخيصة و اي زول بياكل ماكدونالد فقير الي الله !!

ثم اذا دلفنا الي الموضوع مباشرة متجاوزين فارق الزمن وفتة الفرنجة ومن ثم ما فاهم حاجة لكن ليه بتدسي الدسم في السم !!

Post: #6
Title: Re: يا شيوعيين ...
Author: عبدالله احيمر
Date: 02-05-2012, 06:14 AM
Parent: #5

Quote: لا لدس السم في الدسم


افـرز يا ديجانقــو

Post: #7
Title: Re: يا شيوعيين ...
Author: Siham Elmugammar
Date: 02-05-2012, 08:11 AM
Parent: #6

Quote: لا لدس السم في الدسم


يا ملاسى ياخ اقتباسك الفوق ده ما كان له ان يكتمل الا بهذه بالاحمر

Quote: كنتم اكلى الويلفير و مجدعين حيرانين


رجاء عدل مداخلتك

(ما لقيت وش غتيت و غامز)


وبعدين اولم يفعلوا اعلاه؟؟؟؟
نكضب يعنى؟؟؟

Post: #8
Title: Re: يا شيوعيين ...
Author: Siham Elmugammar
Date: 02-05-2012, 09:43 AM
Parent: #7

رمانة سلامات وازيك
Quote: والله أنا مما قريت السطرين الأوائل يا سهام قلت الموضوع أكيد ليه صلة بهيثم :)

هيثم ده شجعنى وحرضنى عديل على السخف .. هسه ندمانه سافة التراب


سلامات يا معاوية عبيد

اوع يكون عندك اعتراض لاسمح الله؟؟؟

Post: #9
Title: Re: يا شيوعيين ...
Author: معاوية عبيد الصائم
Date: 02-05-2012, 10:04 AM
Parent: #8

Quote: اوع يكون عندك اعتراض لاسمح الله؟؟؟


سلام بت المجمر اريتك عافية

اتذكرت مظاهرات السكر ياخ ..
غادة كدودة .خنساء الكارب .الهام عبد الخالق
مجتبى وابراهيم فتح الرحمن وود جبر الله عصام
هى مش كانت انتفاضة السكر ..


وانتى ذات نفسك ياخ ..دحين ما كنتى فى راس المظاهرات
حليل الزمن داك ..

تحياتى لمجتبى والعيال

Post: #10
Title: Re: يا شيوعيين ...
Author: Siham Elmugammar
Date: 02-05-2012, 12:23 PM
Parent: #9

طبعا ده بوست مهم جدا ومن هنا تاتى اهمية مداخلة الشيوعى عبيد الصائم
وهى محاولة واضحة للسلبطة وخلط الاوراق
كما انوه اننى ادين واشجب اقحام الاسر فى هذا النقاش الهام
يا معاوية اركز

ولكن هذا الشيوعى لا يدرى انه بتداخله المتسرع هذا قد اثبت فرضية موضوع البوست
وهو ان الحزب الشيوعى كان وراء مظاهرات السكر (ارجو الانتباه لانو سماها انتفاضة السكر عن قصد)
هكذا هو دأب الشيوعيين ان يخلقوا من الحبة قبة فقط لتهييج الشارع ونسف الاستقرار
الناس ديل لا اخلاق و ولا وازع ممكن يوقفهم
ياخ ديل ممكن يقتلوا زول برىء عن قصد عشان يصنعوا شهيد
ويهتفوا خلفة

الله يهديهم غايتو...

____________________________
أعتذر للمتداخلين قبل معاوية الذى يجب حسمه
واخراسه حتى لا يشتطط فى خيالاته واوهامه
واطالبه بالاعتذار على اقحام سيرة الاسر

Post: #11
Title: Re: يا شيوعيين ...
Author: معاوية عبيد الصائم
Date: 02-05-2012, 01:40 PM
Parent: #10

Quote: وهى محاولة واضحة للسلبطة وخلط الاوراق
كما انوه اننى ادين واشجب اقحام الاسر فى هذا النقاش الهام


اطالب بشهادة المواطن مجتبى محسى ...لتوضيح دور صاحبة
البوست فى موامرة ماتعرف بانتفاضة السكر ..

وما علاقة مجتبى ذات نفسو بتلك الموامرة والتظاهرة .الشيوعية
التى قطعت القصر الجمهورى راجلة ..فى سابقة خطيرة يوم
29 ديسمبر ..من ذاك العام


(تنبيه) طبعا المظاهرة ..مشت بشارع النيل ..لانو السفير الروسى
كان متكل فى يخت مع غسان جعفر والطاش ضاربين الفول ,,,,
المظاهرة سلمت (التمام ) للسفير الروسى ...بواسطة ..طه جعفر
اللهو زوج الهام الفوق ديك..التسيلم كان اسرى ..شان كدى جبت
سيرة الاسر ..

Post: #12
Title: Re: يا شيوعيين ...
Author: Siham Elmugammar
Date: 02-05-2012, 08:52 PM
Parent: #11

Quote: ولا يا المجمر تخيّري فارق الزمن و درجة الحرارة !
ناس الكندشة ديل ناس السعودية و الخليج او نحو ذلك !
ناس امريكا و كندا ضاربهم الزمهرير طبيعي يعني زول ضارباهو كندشة عيب ! و معناهو ما قادر يدفع حق الهيتنق !!
وبعدين دي اسمها (اسقاط) لمشاكلنا في السودان الشقيق علي الاخرين !
و بالمرة كان تقولي و ماكلين الماكدونالد ! و اقول ليك انو دي الاكلة الشعبية و الرخيصة و اي زول بياكل ماكدونالد فقير الي الله !!

ثم اذا دلفنا الي الموضوع مباشرة متجاوزين فارق الزمن وفتة الفرنجة ومن ثم ما فاهم حاجة لكن ليه بتدسي الدسم في السم !!


المحترم هيثم ساى (عشان تعرف متابعين)
نأسف للاسقاط بس خلى بالك ناس اكلى الويلفير لما تذكروا حر السودان الصقط ببقى ليهم ربيع و بديع
وبعدين الناس ديل مش عندهم ما يناسب طقسهم يعنى دفايات فى كل بيت؟؟؟
وده رفاهية غير متوفرة لكل اهل السودان يعنى مافى مكيفات فى كل بيت و لا فى المواصلات

ثم ثانيا (يا عملات امجد فريد الله يطراهو بالخير)
انت بتدلف للموضوع كيف وانت ما فاهم؟؟؟
اسمح لى اقول ليك السوشل انتلجنسى بتاعك ضارب


________________________________
الاخ عبدالله الاحيمر سلامات و تحايا
يعنى جات فينى انا المسكينة دى
تقول لى افرز و كمان معاها ديجانقو؟؟؟
ما عندك المنبر ده كل يوم مليان بوستات سخيفة ممجوجة زى حقى
مما حدا بهيثم ساى ذات نفسه انو يفتح ليها بوست

اها رأيك شنو فى موضوع البوست

Post: #13
Title: Re: يا شيوعيين ...
Author: Safia Mohamed
Date: 02-05-2012, 10:50 PM
Parent: #12

يا يألم يا سهام
عودا حميدا


و و و و


وبعدها ما تشيل باقي عمري








تحياتي وأشواقي سعدت جداً بمبدأ عودتك للكتابة مرة اخرى





صفية

Post: #14
Title: Re: يا شيوعيين ...
Author: هيثم طه
Date: 03-05-2012, 00:03 AM
Parent: #12

مافي اي تكرار ! لكن برضو حذفتو !
مش علي كيفي !

Post: #15
Title: Re: يا شيوعيين ...
Author: عارف الركابي
Date: 03-05-2012, 02:04 AM
Parent: #14

يوجد نوع جديد من النضال الشيوعي :
نضال في المقابر .. عند ساعات التشييع
(يجتمع في الرجال والنساء صفا واحداً )
إبراز عضلات وإثبات وجود في مراقد الموتى وبيوتهم ..
ولا بأس أن تحضر قناة الجزيرة ذاتها ..
ولا بأس ان يبدل .. (نحن من زمن الطيور الما بتعرف ليها هجعة)
بي :
نظهر النضال على رؤوس أهل القبور وما بنعرف ليها حرمة ..

Post: #16
Title: Re: يا شيوعيين ...
Author: عاطف مكاوى
Date: 03-05-2012, 03:40 AM
Parent: #15

يا د. الركابي
لقد هزمتكم المرأة السودانية بتواجدها معكم كتفاً بكتف في المقابر ....



-------
يابت المجمر سلام
واحد من آكلي الويلفير.

Post: #17
Title: Re: يا شيوعيين ...
Author: معاوية عبيد الصائم
Date: 03-05-2012, 03:50 AM
Parent: #16

Quote: واحد من آكلي الويلفير.



عزيزى القارى تلك الوجبة تعادل 88 وجبة ما يعادل قوت 5 شهور و 18 يوم
بالسعر القديم ...للعلم ...والله اعلم

صاحب المداخلة تجب عليه الزكاة


اطالب بشهادة لبنى موسى ياسهام

Post: #18
Title: Re: يا شيوعيين ...
Author: محمد عبدالرحمن محمد
Date: 03-05-2012, 05:43 AM
Parent: #17

Quote: واحد من آكلي الويلفير.

لا تلخبت، أسمو:
الويلي فير..

أو كما قالت تلك الماب تسأل عن مصدر..

-
سهام،
نوع معاوية ده ما تدي أكبر من حجمو.. بربار سايي!

أمّن المسحوبه دكتاتوراتو، فندكتي لامن يقول (.....)!

Post: #19
Title: Re: يا شيوعيين ...
Author: عاطف مكاوى
Date: 03-05-2012, 05:55 AM
Parent: #17

يا معاوية أوقع ليك الويلفير بيعني شنو في الدول الغربية وتحديداً الدولة التي أتواجد فيها :

* أولاً يُقدم لمحدودى الدخل وفقاً لرؤية الدولة ....
من هُم محدودى الدخل؟
هذا سؤال آخر لا يستوعبه موضوع هذا البوست !
المهم :
- المساعدة وفقاً للدخل في الصحة ... العلاج
- المساعدة وفقاً للدخل في السكن إذا حُظيت بفرصة في بعض البرامج السكنية
- المساعدة وفقاً للدخل في أن يتناول الطلاب وجبة مجانية في المدارس أو وجبة مخفضة.
- المساعدة وفقاً للدخل في تغطية فواتير غاز التدفئة في فصل الشتاء
- المساعدة وفقاً للدخل في تغطية نفقات تواجد الأطفال في الرياض أثناء عمل الوالدين

* ثانياً كل المواطنون يتمتعون بهذه الإمتيازات والمقيمون بشكل رسمي يستمتعون بغالبيتها .. ووفقاً لدخل الأسرة

= يستوى في هذا .. الكوز .. وأنصار السنة (الوهابي) .. والفلوترز ... وحزب الأمة .. والإتحادى .. و(الخواجة) ... وبالطبع (شيوعي الجن) ... إلخ !

Post: #20
Title: Re: يا شيوعيين ...
Author: الفاتح علي التوم
Date: 03-05-2012, 07:17 AM
Parent: #19

عمال باريس اول مايو في تظاهره
كان في مقدمتها الشيوعيين و الماركسيين
وقوي اليسار احتفالا بعيد العمال
صور بالموبايل اعتذر لعدم جودتها
















Post: #21
Title: Re: يا شيوعيين ...
Author: عارف الركابي
Date: 03-05-2012, 08:07 AM
Parent: #16

Quote: يا د. الركابي
لقد هزمتكم المرأة السودانية بتواجدها معكم كتفاً بكتف في المقابر ....


أستاذ عاطف ..
مزيداً من التوضيح لو سمحت :
ما المقصود بالهزيمة ؟!
وما المقصود بالمرأة السودانية هنا ؟!

Post: #22
Title: Re: يا شيوعيين ...
Author: esam gabralla
Date: 03-05-2012, 08:21 AM
Parent: #21

هيثم أنا متنازل ليك عن كوتتى في زعمطة المدعوه سهام فكريآ , سأحتفظ بحصتى في المستويات الباقيه ...

حتى في المقابر و إبان الأحزان العظمى يستثيرهم فقط وجود النساء أبشر هذا؟

Post: #23
Title: Re: يا شيوعيين ...
Author: Siham Elmugammar
Date: 03-05-2012, 11:45 AM
Parent: #22

مرحب مرحب بالحضور البهى فى هذا البوست العميق شديد والمحفز للتفاكر و المفاهمات

نبدأ ببتنا صفية
Quote: وبعدها ما تشيل باقي عمري


سلامات اولا
نهدى الشيوعيين المقطع الفوق ده
لانهم ناس عجيبين بريدو الموت شديد صدقى
مش محجوب شريف قال ...واحلاالى وحلالى اريتو حالك يابا حالى
وطبعا زى ما عارفة انو الشاعر فى هذا المقطع يتمنى ميتة تشبه ميتة الشفيع

و هم بذلك يريدوا يشيعوا ثقافة استسهال الموت وسط الجماهير
و زى ما انتى عارفة تاريخيا كان وراء تحرض الاف الشباب السودانى
فى حرب جهادية فى الجنوب ..طبعا شذاذ الافاق بيفتكروا ديل الكيزان
وحاشاهم الكيزان من هكذا عمل
ديل الشيوعيين وعملوا الكيزان غطاء وشيلوهم الشينه وانتى عارفاها منكورة

بس الكلام ده ما بيفوت علينا نحنا بنكسر رقبة الفهم زاتو

Post: #25
Title: Re: يا شيوعيين ...
Author: Siham Elmugammar
Date: 03-05-2012, 12:05 PM
Parent: #23

ولدنا هيثم ساى ازيك
Quote: مافي اي تكرار ! لكن برضو حذفتو !
مش علي كيفي !


لا ما حزرت موششش على كيفك
اركز بس
عشان ما تحرج ود جبرالله العشمان فيك ده

Quote: هيثم أنا متنازل ليك عن كوتتى في زعمطة المدعوه سهام فكريآ , سأحتفظ بحصتى في المستويات الباقيه ...


الزميل الظاهر عليهو مكرب فكريا...
بس انا خايفة يا عصومى انو يكون زى جماعتك ديلااااك
انا ما بفسر وانت ما بتقصر

Post: #24
Title: Re: يا شيوعيين ...
Author: عارف الركابي
Date: 03-05-2012, 12:04 PM
Parent: #22

كتب عصام جبر الله :
Quote: حتى في المقابر و إبان الأحزان العظمى يستثيرهم فقط وجود النساء أبشر هذا؟


قرصتها مالك يا مستنير ؟!
أنا قلت وجود النساء فقط ؟!
مالك مختصر الموضوع في الوجود وبس ؟!
أنا ذكرت (النضال) ... والبوست عن نضال الشيوعيين .. مادة ( ن ض ل)
النضال في المقابر والهتافات .. من الشيوعيين في أكثر من جنازة ..
والمقابر دي (بيوت) يعني الميتين ديل (مسلمين) وأهلهم مسلمين .. وهناك تشريعات محددة بشان هذه الدور
حتى من يدخل يقول : السلام عليكم أهل الديار ...
ونهينا أن نمشي بين رؤوسهم وأجسادهم بأحذيتنا ...
أرأيت كيف أنه مكان مسكون لأشخاص لم يستطيعوا أن يدافعوا عن أنفسهم وينبهوا من تعدى على حقوقهم لموتهم !!
وأما سؤالك : أبشر هذا ؟!
فالجواب : نعم ، بشر ..ابن بشر ويلتقي معك في آدم عليه السلام إن لم يلتق معك قبل ذلك
لكنه بشر لا يتاجر بلحظات تشييع الموتى وحرمة المقابر
هل سمعت بحديث يصف فيه الصحابي لما كانوا يدفنون أحد الصحابة ومعهم النبي بقوله (كأن على رؤوسنا الطير)؟!
خلي طيرة تقعد في رأسك ولا تريدها أن تطير فكيف ستكون ؟!
انعدمت أماكن النضال ولم يبق للشيوعيين إلا المقابر
انتهت الأشرطة (المجلودة والمغتصبة) والطالب الجنازة ... وهلم جرا !!
وقبلتو على المقابر ؟!
أما شهود النساء للتشييع فما حا أسكب فيها مداد لأن طفلاً أو أمياً سيخبرك بحكمها في الشريعة التي يتدافن بها أهل المقابر
تلك الشريعة التي دفن بها نقد ووضع في لحده ، وبها أوصى بمن يصلي عليه الصلاة التي سنها محمد عليه الصلاة والسلام ويقرأ فيها الفاتحة والصلاة الإبراهيمية والدعاء بطلب الرحمة والمغفرة من الله جل جلاله
ركز يا صاحب الاستنارة في (النضال في المقابر) الذي ذكرته أنا ودعك عن اختزال في (استثارة ... وبشر وما بشر)
ولن أقول لمن يناضل على حساب حرمة المقابر : أبشر هذا ؟!
لأنه بشر وأبي وأباه واحدا .. ولن يضره أن أقول إنه ليس ببشر ..
لكني سأطرح له ما يجعله ينتقد نفسه بنفسه .. ولن يحوجني أن أنبهه أنا لذلك
ثم تقول (إبان الأحزان) .. وهل من الحزن الهتافات الشيوعية الخالصة ... (انظر يوتيوب بالجملة) .. وهل من الأحزاب ترداد هتافات (حرية) في رؤوس اهل القبور ؟! دي أحزان يمكن لكنها بفهمك أحزان أخرى
لكنها ليست أحزان أهل الميت .. وفي ما فعله أقارب الشاعر حميد درس إن كان ثمة إفادة !!!

وعاش أهل القبور في حياتهم البرزخية وقد اعطوا حقوقهم
والشرف والمجد للمعظمين لحقوق الآخرين...

Post: #26
Title: Re: يا شيوعيين ...
Author: Siham Elmugammar
Date: 03-05-2012, 12:26 PM
Parent: #24

الاخ الركابى الواحد ممكن يحييك بارتياح بقول
السلام عليكم ورحمة الله تعالى و بركاته

اعذرنى ح ارد على مداخلتك على حسب سياق البوست ده
Quote: يوجد نوع جديد من النضال الشيوعي :
نضال في المقابر .. عند ساعات التشييع
(يجتمع في الرجال والنساء صفا واحداً )
إبراز عضلات وإثبات وجود في مراقد الموتى وبيوتهم ..
ولا بأس أن تحضر قناة الجزيرة ذاتها ..
ولا بأس ان يبدل .. (نحن من زمن الطيور الما بتعرف ليها هجعة)
بي :
نظهر النضال على رؤوس أهل القبور وما بنعرف ليها حرمة ..


أصلوا الشيوعيين ديل لا دين لهم و بعدين انت عارف الكلام بتاع ان
منهم المسلمين ومنهم من لا دين له ... ده كلام ما فى محلو وذر للرماد ساى
عداءهم للدين مكشوف مش كبيرهم الذى علمهم السحر
قال الدين أفيون الشعوب (هيثم ساى اوعك تجى تعمل لى مفكر هنا)
عاطف مكاوى ده بتاع شعارات ساى المرأه السودانية و حسن طعمية
انسانا منه بلاهى

__________________________________
الاخ الركابى مع كل احتراماتى و تقديرى انا ايضا مشيت مع الشيوعيين الدافنة
فى فاروق و فى نقد..
عشان كده مداخلتك دى الا تفتح بيها بوست براهو ونناقشها
فى غير هذا البوست الممجوج بالسخف ونشوف بالمره من هى المرأة السودانية
لانو واضح انك عندك ليها تعريف
وسنكون فى الانتظار

Post: #30
Title: Re: يا شيوعيين ...
Author: عارف الركابي
Date: 03-05-2012, 02:21 PM
Parent: #26

الأخت سهام المجمر
وعليكم السلام ورحمة الله وبركاته ،،

Quote: أصلوا الشيوعيين ديل لا دين لهم و بعدين انت عارف الكلام بتاع ان
منهم المسلمين ومنهم من لا دين له ... ده كلام ما فى محلو وذر للرماد ساى
عداءهم للدين مكشوف مش كبيرهم الذى علمهم السحر
قال الدين أفيون الشعوب (هيثم ساى اوعك تجى تعمل لى مفكر هنا)
عاطف مكاوى ده بتاع شعارات ساى المرأه السودانية و حسن طعمية
انسانا منه بلاهى

هذه النقطة أساسية ومهمة ويهمني جداً طرحها .. لأني أبحث منذ فترة لأعرف موقف (الحزب الشيوعي السوداني) من الإلحاد ..
ولكني لم أظفر بشيء موثق أبني عليه كلامي في نقد الشيوعية السودانية على بينة ويقين .. وبفضل الله فنحن نلتزم الدقة والتوثيق في ما ينتقد على أي جهة أو أشخاص ..فالعدل والعلم أساس في تقييم العقائد والأفكار والجماعات والطوائف والأشخاص (ولا يجرمنكم شنئان قوم على أن لا تعدلوا اعدلوا هو أقرب للتقوى)
هناك تضارب واضح حسب ما اطلعت عليه وهو اطلاع قليل .. وليس بالمتوسع
فبعض زعماء الحزب ينقل عنهم أنهم يصلون ..ويصومون .. بل كما يقول إبراهيم السنوسي في تبريرات تحالف الشعبي مع الشيوعي : إن الشيوعيين كانوا في كوبر يؤموننا في الصلاة.. ونصلي خلفهم !!
وهذا نقد زعيم الحزب ينقل عنه أنه يصلي لله رب العالمين وبسنة النبي الكريم .. بل ويوصي ويحدد من يصلي عليه وهذه الوصية شعيرة قد لا يفعلها بعض علماء المسلمين حرص هو عليها !!! ..
وزملاؤنا كثيرون بهذا المنبر عباراتهم وذكرهم لله وكلامهم عن رسوله على الكتاب والسنة (تب) مافي أي (شخشخة) عندهم ...
وفي المقابل هناك شيوعيون سودانيون (ماركسيون لينينيون) ملاحدة .. ولي أقارب اقتربوا من الستين ولم يركعوا ركعة ولم يسجدوا سجدة منذ أن دانوا بالشيوعية .. مع إن بعضهم يتنعم ويقضي جل عمره في الغرب بلاد الرأسمالية حيث شعوب العالم وعماله المقهورة (ماكلة نيم منيل) تعيش في جحيم تحت أنظمة الربا والاحتكار..الذي هو من أبرز مظاهر الاقتصاد الرأسمالي ..
وبعض الشيوعيين رأيتهم يدينون بكتب الماركسية الحمراء .. وفلسفة المادة .. ومحاربة الأديان ..
وهناك مقولات شفهية تنقل عن الخاتم عدلان في بيان الموقف ومع إن بعضها وثقته من صحفي اجرى معه حواراً لكنها نقول شفهية لا تصمد أمام المنهجية الصحيحة في توثيق الأقوال والمعتقدات ..
فلماذا لا يكون هناك وضوح في طرح هذه القضية ؟!وإن كان هناك طرح واضح خفي علينا فليُنِر به المستنيرون علينا ..
ولماذا ذر الرماد ومشابهة (الشيعة) في (التقية) وإخفاء العقائد؟!
ليبقى الشيوعية على (بر) ويكونوا واضحين ..
وهل من يقولون بافعالهم وأحوالهم إنهم شيوعيون على (الكتاب والسنة) ومنهم زملاء لنا هنا ..هل هم منبهرون فقط بالاشتراكية والنظام الاقتصادي والملكية العامة ؟! فهل هذه حدود اتباعهم للحزب الشيوعي الروسي؟!
فهذه قد بان وانكشفت مساوئها وبنظرة لكثير من الجمهوريات الروسية كمالدوفا وغيرها وما تعانيه من الفقر والبطالة تفوق بها دول في أحراش وأدغال إفريقيا يدرك المنصف دمار هذه النظرية وقسوتها على اتباعها ..
وعن فترة قصيرة عشتها في جامعة الخرطوم رأيت اهتمام الشيوعيين والقواسم المشتركة التي تربط بينهم .. ولا داعي للتفصيل .. ورحم الله مصطفى سيد أحمد..!!
وخلاصة ما يقال هنا:
دايرين من الشيوعيين النجيضة .. هم ملاحدة ؟! وله على الكتاب والسنة؟! وما الذي يربطهم بالأصل الذي تكسر رأسه وكان من علامات تكسير الرأس انهيار جدار برلين ...
Quote: الاخ الركابى مع كل احتراماتى و تقديرى انا ايضا مشيت مع الشيوعيين الدافنة
فى فاروق و فى نقد..
عشان كده مداخلتك دى الا تفتح بيها بوست براهو ونناقشها
فى غير هذا البوست الممجوج بالسخف ونشوف بالمره من هى المرأة السودانية
لانو واضح انك عندك ليها تعريف
وسنكون فى الانتظار

لا مانع لدي إن تيسر لي وقت من المناقشة هنا أو هناك ..
لكن الموضوع الذي طرحتيه يعدد أنواع وفترات نضال شيوعي رغبت في طرح ما توصل إليه الشيوعيون حديثاً من نضال على رؤوس المقبورين ..
وطالما توجد هنا مجموعة بل بعضهم من (فطاحلة) الشيوعيين وهم موجودين في بوستك ده ففرصة نتفاكر معاهم عن النضال الجديد ده ..
وأما المرأة السودانية فأطمئنك أنه ليس لي تعريف خاص لها ، وإنما سؤالي على مداخلة الأخ عاطف لأنه قال المرأة السودانية هزمتكم بحضورها الجنائز
والمعروف أن من مشين للمقابر وبما رأيناه في كميات اليوتيوب مجموعة معينة .. فحبيت أن يضبط بمن يقصد وأي نوع من الهزيمة يعني ..
أنا ما قلت شيء .. مجرد سؤال استيضاحي بدأته بـــ (لو سمحت)
أتمنى أن أسمع تعليق عن هذه النضال الشيوعي الجديد وهو الهتاف في المقابر على مراقد الموتى ..وإحضار قناة الجزيرة ..
وشكري أن ذكرتي قضية الإلحاد .. فأرجو معرفة موقف الحزب الشيوعي منها وما هو القاسم المشترك الذي يجمع شيوعيي السودان ؟!


Post: #27
Title: Re: يا شيوعيين ...
Author: abubakr salih
Date: 03-05-2012, 12:39 PM
Parent: #24

يا أخانا فى الانســانية عارف الركابي.
ياخى خليك كدي شوية من أهل القبور الماتوا ديل. الناس الاحياء فى السودان دا الحاصل عليهم شنو؟ الاحياء تعذبهم الجبهة الاسلامية بالغلاء الفاحش و بالطرد من العمل بل التعذيب البدني و الجسدي فى بيوت الاشباح و الاغتصاب، ايوة اٍغتصاب النساء الشريفات بالمئات فى دارفور و غيرها. انتو متين وقفتوا ضد العسف بالاحياء بعد تنشغلوا بالاموات؟.

Post: #28
Title: Re: يا شيوعيين ...
Author: عارف الركابي
Date: 03-05-2012, 01:38 PM
Parent: #27

Quote: يا أخانا فى الانســانية عارف الركابي.
ياخى خليك كدي شوية من أهل القبور الماتوا ديل. الناس الاحياء فى السودان دا الحاصل عليهم شنو؟ الاحياء تعذبهم الجبهة الاسلامية بالغلاء الفاحش و بالطرد من العمل بل التعذيب البدني و الجسدي فى بيوت الاشباح و الاغتصاب، ايوة اٍغتصاب النساء الشريفات بالمئات فى دارفور و غيرها. انتو متين وقفتوا ضد العسف بالاحياء بعد تنشغلوا بالاموات؟.


يا أخانا في البني آدمية أبو بكر صالح
أنا ممكن أجيب ليك مقالات لي كثيرة منشورة في الصحف عن الفساد وعن المشردين وعن حقوق المحكومين وعن أكل المال العام وغيره ..
وممكن أردم ليك مجموعة من المواقف والموضوعات في هذا الصدد
وممكن أجادلك في مسمى (النضال) نفسه وأثبت ليك بمقارنة ماذا قدمنا للمواطن (محمد أحمد) مقارنة بماذا قدم الشيوعيون واليسار

لكن حسب القضية التي تداخلت بها انا هنا :
هل معنى كلامك أن حقوق الأموات يمكن ان تداس وهي هدر.. ويمكن أن ترتفع الهتافات في داخل منازلهم ؟! لأجل الغاية التي تتحدثون عنها ؟!
لأنها الوسيلة المتاحة ويمكن أن يشتعل منها الفتيل (المضروب)
ده ما حق وده حق .. ولّا ما كدي ؟!

يا أخانا في البني آدمية تعودنا أن الديمقراطية التي يتكلم عنها الشيوعيون واليساريون هي ديمقراطية تسقط شعاراتها أمام من يتبنون الإسلام
هذا شيء تعودناه ..
ولكن الجديد هذه المرة هو إسقاط حقوق الموتى !! وإسقاط حقوق أقارب وأولياء تلك الجنائز ..
فعن أي ديمقراطية تتحدثون ؟!

Post: #29
Title: Re: يا شيوعيين ...
Author: abubakr salih
Date: 03-05-2012, 02:20 PM
Parent: #28

Quote: لكن حسب القضية التي تداخلت بها انا هنا :
هل معنى كلامك أن حقوق الأموات يمكن ان تداس وهي هدر.. ويمكن أن ترتفع الهتافات في داخل منازلهم ؟! لأجل الغاية التي تتحدثون عنها ؟!
لأنها الوسيلة المتاحة ويمكن أن يشتعل منها الفتيل (المضروب)
ده ما حق وده حق .. ولّا ما كدي ؟!

ما عندك قضية يا أخانا عارف الركابي. البوست دا صاحبته سهام المجمر ما فتحتوا عشان وفاة نقد او شئ من هذا القبيل ولا عن المقابر و لا شئ. انت جيت حشرت قصة المقابر دا ساكت بضراعك. ما تقول لى انك كتبت مقالات، مقالات شنو يا زول و الحكومة بتقتل الناس و تغتصب النسـاء المؤمنات فى دارفور و فى الخرطوم زاتها، كيف يا زول تكتفى بكاتبة مقالات تنتقد حكومة بغتصب أخواتك فى الدين؟ اين الجهــاد؟. لكن لانكم حلفاء السطلة اللصة و متواطئين معها لذلك لن تقف ضدها، عجباً لك ياخي زعلان على اٍزعاج ناس المقابر و متحالفين مع البودي الناس المقابر؟!

الشيوعيين هم من تصدى لهذه العصابة الاجرامية منذ يومها الاول و خسروا أروح و تعرّضوا للتعذيب البدنى و النفسي و غيره و لازلوا على خط النضال من أجل حقوق الشعب السوداني فأين انتم؟.



-------------
يا سهام السلام و البركات ياخ. اشواق و الله

Post: #31
Title: Re: يا شيوعيين ...
Author: عارف الركابي
Date: 03-05-2012, 03:25 PM
Parent: #29

أخانا في البني آدمية أبو بكر صالح
كدي واحدة واحدة وبرّد نفسك .. ومن عندي ما بجيب ليك شيء ولا بطالبك بشيء لكن أعلق فقط على كلامك :
Quote: البوست دا صاحبته سهام المجمر ما فتحتوا عشان وفاة نقد او شئ من هذا القبيل ولا عن المقابر و لا شئ. انت جيت حشرت قصة المقابر دا ساكت بضراعك

خليك دقيق أخي من آدم .. أنا جبت قصة (مقابر) فقط أم أني ذكرت قضية (نضال في المقابر)
ارجع غير مأمور لأول مداخلات الأخت سهام .. وشوف كلامي عن (نضال المقابر) كيف هو منسجم مع موضوع البوست ..
Quote: و لا شئ. انت جيت حشرت قصة المقابر دا ساكت بضراعك

لو يسّر الله لي وقتاً لأقتبست لك مداخلات كثيرة أعلم مواضعها في كلامك عن أحكام الشريعة وجرأتك في رفضها والكلام عن سوئها الذي تدعيه .. وكنت قد حشرت نفسك في ما قلت حشراً هو أشد من (حشر قريشات الحبوبات وسط شوالات العيش في المخزن المضلم ..)
أما كلامي فأكرر : تطرقت لنضال حديث قام به شيوعيون يحكون به قلة حيلتهم .. وعدم جدوى القصص المضحكة السابقة .. وتحديد الأوقات بدءاً من 30 يناير وإنت ماشي ...
Quote: مقالات شنو يا زول و الحكومة بتقتل الناس و تغتصب النسـاء المؤمنات فى دارفور و فى الخرطوم زاتها،

وإنت قايلنا يا أخا البني آدمية عربية ماشة من غير دركسون ..؟!
المنهج السلفي له أصوله وضوابطه في التعامل مع الحاكم وغير الحاكم .. والشريعة ومنها أكثر من عشرين حديثاً جاءت في بيان الموقف الشرعي من الحاكم المسلم ..عندنا أصول شرعية واضحة لا مدسوسة ولا خجلانين منها .. ولا عندنا ذر الرماد في العيون .. وما بنعرف تغتغت وشيوعية على الكتاب والسنة دي ما بنعرف أساليبها ..
Quote: كيف يا زول تكتفى بكاتبة مقالات تنتقد حكومة بغتصب أخواتك فى الدين؟ اين الجهــاد؟

وأيضاً : اقول الجهاد له شروطه وضوابطه ومقاصده وغاياته ..
وأفيدك أن أعظم الجهاد أربعة أنواع (جهاد النفس والشيطان والمنافقين والأخير الكفار)
ومن الجهاد جهاد المحاربين للدين .. الذي هربوا من عبودية الله إلى عبودية أنفسهم وشياطينهم .. وذلك بالبيان وكشف الشبهات
بس الشيوعية ما عندها أهمية في جهاد الشبهات ده لدى المهتمين بالدعوة الإسلامية .. لأن الضرب على الميت حرام ..
والله ما بتشكل أي قلق .. بل في كتب الفرق والمذاهب التي تدرس في بعض الجامعات تم إخراج الشيوعية من المذاهب التي تدرس .. لان ذكر المعدوم أو شبه المنقرض ليس من الحكمة..
في أحسن حالاتها وآخر ديمقراطية في البلد كانت تلاتة ولّا أربعة مقاعد .. الآن كيف يكون الحال مع الإقبال والوعي الديني الكبير ..؟!
Quote: لكن لانكم حلفاء السطلة اللصة و متواطئين معها لذلك لن تقف ضدها

حلفاء دي كيف ؟! ما حلفاء ولا أي شيء .. هم حكام ونحن محكومين دي العلاقة .. وكمان متواطئين معها ؟! بالغت يا زول !! أتمنى تضبط كلامك وتجيب نماذج لما قلت ..
Quote: عجباً لك ياخي زعلان على اٍزعاج ناس المقابر و متحالفين مع البودي الناس المقابر؟!

اثبت العرش ثم انقش !! اين التحالف ؟!!
وناس المقابر إذا ثبت أن لهم حقوقاً انتهكها الشيوعيون تحت مسمى النضال المزعوم فهل يدان أم لا ؟!
والشيوعية كفكر ماركسي بتودي الناس وين ؟!
اسأل من طرف في السودان ... جد في شيخوخة .. حبوبة ...بتاع كارو ..طفل في الابتدائي .. وغيره ..
اسألهم عن الشيوعية بتودي الناس وين ... ؟!
Quote: الشيوعيين هم من تصدى لهذه العصابة الاجرامية منذ يومها الاول و خسروا أروح و تعرّضوا للتعذيب البدنى و النفسي و غيره و لازلوا على خط النضال من أجل حقوق الشعب السوداني فأين انتم؟.

والدليل على ذلك قبولهم بين الناس .. محلك سر .. والشعب السوداني الذي تتكلم باسمه لا يريد الشيوعيين .. وكثيرون منهم رغم ما لديهم من مؤاخذات على نظام الإنقاذ إلا أنهم يقولون هم أحسن السيئين .. وخير لنا من دعاة السودان الجديد .. وأتوقع الكلام ده مالي إضنيك

Post: #32
Title: Re: يا شيوعيين ...
Author: abubakr salih
Date: 03-05-2012, 04:05 PM
Parent: #31

مواصلة مع عارف الركابي سوف أحصرها فى المهم

حول التحالف مع الحكومة. أنصار السنة (السلفيين) -بالتحديد ناس المركز العام- حلفاء الحكومة و هم جزء منها و عندهم وزير فى الحكومة على ما أعتقد. زمان فى جناح تاني جناح ابو زيد محمد حمزة معارض للانقاذ و معارض لاى تقارب معاها و كان عندو نفوذ قوى وسط الطلاب عاصرت هذه الفترة فى جامعة الخرطوم. لكن فى الاخر ابو زيد فصل و جرّا وطي بعد ما تورّط ابنه فى العملية الاجرامية التى راح ضحيتها الدبلوماسي الامريكي قرانفيل. ابنه عبد الروؤف محكوم بالاعدام، و هرب من السجن و تم القبض عليه لم ينفذ فيه الحكم حتى اليوم عشان خاطر عيون ابو زيد و صمت ابو زيد عن الانقاذ بالمقابل.

Quote:
وإنت قايلنا يا أخا البني آدمية عربية ماشة من غير دركسون ..؟!
المنهج السلفي له أصوله وضوابطه في التعامل مع الحاكم وغير الحاكم .. والشريعة ومنها أكثر من عشرين حديثاً جاءت في بيان الموقف الشرعي من الحاكم المسلم ..عندنا أصول شرعية واضحة لا مدسوسة ولا خجلانين منها .. ولا عندنا ذر الرماد في العيون .. وما بنعرف تغتغت وشيوعية على الكتاب والسنة دي ما بنعرف أساليبها .


قلتا المنهج السلفي؟ كيف يا دكتور تقول المنهج السلفي؟ هسه انتا دكتور هل كان الصحابة عندهم مثل هذه البدع؟ بتاعت دكتوراة فى الدين؟. ما عندهم لكن انتا عزيزي الكريم تأكل من تمر و منجزات الثورة العلمية البشــرية التقدمية ساكت و ترميها بالنوى.

كيف تقول أنك سلفى و الدنيا تمضى للامام؟ كل يوم نحنا بنعرف اكثر عن العلم من حولنا، اذا كان العالم و المادي -الطبيعية- او العالم الاجتماعي (المجتمع و النفس البشرية) بنعرف افضل بما يتركم لدينا من رصيد المعرفة العلمية عبر الزمان من تجارب البشرية و خبراتها. الانسان المعاصر أكثر علماً و معرفة -بأي شئ من حوله- من السلف -أي كان هذا السلف-. على سبيل المثال، أنتا اليوم لا تستشفى على نهج السلف بل على أحدث ما تراكم لدي البشرية من معارف طبية عبر الزمان. لا تسافر مثل كان السلف يسـافر (بالنوق و الجمال) بل تمتطى أحدث ما انتجته المعرفة بالبشرية من وسائل المواصلات. تتواصل مع الاخرين ليس بالحمام الزاجل لكن بالاي فونات و ما شابهها. التجربة البشرية هل التى أكرمتك بكل هذه المكرمات و لازالت تنكر فضلها كل يوم. هل ترى أين ورطتك؟. لا اعتقد!.

عن موضوع البوست: البوست أصلا ما عندو علاقة بالنضال و انتا لو تأملت كويس كنت أكتشف انو البوست ما جادي زاتو

Quote:
لو يسّر الله لي وقتاً لأقتبست لك مداخلات كثيرة أعلم مواضعها في كلامك عن أحكام الشريعة وجرأتك في رفضها والكلام عن سوئها الذي تدعيه .. وكنت قد حشرت نفسك في ما قلت حشراً هو أشد من (حشر قريشات الحبوبات وسط شوالات العيش في المخزن المضلم ..)
أما كلامي فأكرر : تطرقت لنضال حديث قام به شيوعيون يحكون به قلة حيلتهم .. وعدم جدوى القصص المضحكة السابقة .. وتحديد الأوقات بدءاً من 30 يناير وإنت ماشي ...

نقاش عن الشريعة و الدولة الدينية مرحب بيك جداً فى أي وقت و يمكنك اٍقتباس كل ما تود اٍقتباسه. بل يمكني ان أدخل معك فى مناظرة أسفيرية عن هذه المواضيع لو يسمح وقتك و لديك الاستعداد. شريعة تقطيع الايدي و الارجل دي ياخي حتى الانقاذ ذاتها خلجت منها و تجنبتها! هسه سمعت ليك زول قطعوا يدوا فى العشرين سنة الفاتت دي؟ دا جزء معلوم من برغماتية الانقاذ انها تجاهلتها لكن لو -لا قدر الله- وصلوا السلفيين للسلطة، ح يضربوا الطيبات زي الكيزان و يقعطوا ايدي الفقراء.

Post: #48
Title: Re: يا شيوعيين ...
Author: عارف الركابي
Date: 04-05-2012, 07:59 AM
Parent: #32

كتب الأخ في البني آدمية ابو بكر صالح :
Quote: حول التحالف مع الحكومة. أنصار السنة (السلفيين) -بالتحديد ناس المركز العام

وهل ناس المركز العام هم (كل او أغلب) السلفيين في السودان ..؟!
وما موقف غير ناس المركز العام من السلفيين من هذا التحالف ؟! وإلى اين سار ؟ وما نتائجه ؟!
عن نفسي كتبت قبل أكثر من عشرة أعوام بحثاً في مناقشة من نظّر وشجع لهذا الأمر .. ونتائج البحث توصل لها يمكن الغالبية ممن اقتعوا بكلامه وقتها
وعليه فقولك (تحالفتم) كلام غير دقيق وعبارة عن رمي تهمة لا مستند لها في الواقع.
Quote: قلتا المنهج السلفي؟ كيف يا دكتور تقول المنهج السلفي؟ هسه انتا دكتور هل كان الصحابة عندهم مثل هذه البدع؟ بتاعت دكتوراة فى الدين؟. ما عندهم لكن انتا عزيزي الكريم تأكل من تمر و منجزات الثورة العلمية البشــرية التقدمية ساكت و ترميها بالنوى.

كيف تقول أنك سلفى و الدنيا تمضى للامام؟ كل يوم نحنا بنعرف اكثر عن العلم من حولنا، اذا كان العالم و المادي -الطبيعية- او العالم الاجتماعي (المجتمع و النفس البشرية) بنعرف افضل بما يتركم لدينا من رصيد المعرفة العلمية عبر الزمان من تجارب البشرية و خبراتها. الانسان المعاصر أكثر علماً و معرفة -بأي شئ من حوله- من السلف -أي كان هذا السلف-. على سبيل المثال، أنتا اليوم لا تستشفى على نهج السلف بل على أحدث ما تراكم لدي البشرية من معارف طبية عبر الزمان. لا تسافر مثل كان السلف يسـافر (بالنوق و الجمال) بل تمتطى أحدث ما انتجته المعرفة بالبشرية من وسائل المواصلات. تتواصل مع الاخرين ليس بالحمام الزاجل لكن بالاي فونات و ما شابهها. التجربة البشرية هل التى أكرمتك بكل هذه المكرمات و لازالت تنكر فضلها كل يوم. هل ترى أين ورطتك؟. لا اعتقد!.

أخا الإنسانية أبو بكر :
هل أنت جاد في ما كتبته أعلاه ؟! وتعني وتقصد ما كتبت ؟!
لو بقيت جاد يبقى ولا أقول (ليك حق) بل أقول (ولا يستغرب) من كلامك المكرر في الشريعة والسلف ...
ما علاقة الدكتوراه بالبدع في الدين ؟!
وما علاقة الآي فون والآي باد بفهم السلف ؟!
معليش اسمح لي .. كلامك يخجل عديل كده .. وزي ما بقولوا أهلنا (شرطت عينا) .. ما هذا يا مستنير ؟!
يبدو لديك إشكال متأصل في معرفة ماذا يعني اتباع السلف ؟! واتباع الصحابة ؟!
وإلا لما ظهر لك مثقال ذرة من التناقض الذي أشرت إليه ..
وبالتالي عاديت هذا الاتباع لأنك فهمت إنه بيمنعك من ركوب سيارة جديدة أو عمل غرفة نوم جميلة أو أكل البيتزا حتى ...
ديل وأشباههن يا أخانا في البني آدمية ..قاعدة واحدة من قواعد السلف بتريحك فيهن .. وتقول ليك امشي أكل زي ما تشتهي وتلبس كما تحب وتستعمل وتستخدم ما يتيسر لك وتتداوى بأحدث ما اكتشف لأن الأصل في الأشياء الإباحة .. ما لم يكن فيه ضرر بالنفس أو مايشبهه مما تمنع عنه الشريعة لأجل الحفاظ على نفسك..
وآية مثل قوله تعالى : (ويخلق ما لا تعلمون) تستشرف للاكتشافات الجديدة والحديثة في الطب وفي غيره
شفت كيف ؟! نواكب التطور وكمان بأدلة من الكتاب والسنة .. ودي ما ليها أي علاقة بالبدع .. لأن البدعة لها تعريف معلوم وهي اختراع في الدين يقصد بها التعبد وتضاهي الشرعية ..
أبو بكر صالح .. أرجو التأمل بعمق : (من جهل شيئاً عاداه)..

Quote: عن موضوع البوست: البوست أصلا ما عندو علاقة بالنضال و انتا لو تأملت كويس كنت أكتشف انو البوست ما جادي زاتو

وقد تطرح الفكرة وتمرر بأسلوب غير جاد .. أو بأسلوب جاد .. أو بقصة ..أو أو
هناك سرد في بداية البوست عمّا فعل الحزب الشيوعي (مناضلاً) فأردفت شيئاً من النضال الحديث الذي ظهر لديهم للتعليق عليه..
Quote: شريعة تقطيع الايدي و الارجل دي ياخي حتى الانقاذ ذاتها خلجت منها و تجنبتها!

أرجو ان تورد إن كان لديك دليل على أنها لم تطبقها خجلاً منها كما تقول ..
وهل الإنقاذ هي مثل أعلى في تطبيق شعائر الإسلام ؟!
نقاشي عن أحكام شرعية في الكتاب والسنة ..بغض النظر عن الإنقاذ وتجربتها
Quote: لكن لو -لا قدر الله- وصلوا السلفيين للسلطة، ح يضربوا الطيبات زي الكيزان و يقعطوا ايدي الفقراء.

ما بالخط الأحمر وهو إيمان بركن عظيم من أركان الإيمان وهو (الإيمان بالقضاء والقدر).. يثبت أن أخانا في البني آدمية أبو بكر صالح من شريحة الشيوعيين على الكتاب والسنة .. لكن الكتاب والسنة ديل ما نفسهم الورد فيها (فاقطعوا أيديهما) ..؟!
يا ترى ما منهجية التفريق بين بعض الوارد في الكتاب والسنة والبعض الآخر .. البعض المتبوع والبعض المرفوض .. ولماذا يا ترى أوصى نقد بالصلاة عليه ؟! والصلاة وردت ، وغيرها مما يرفض ورد أيضا في نفس الكتاب والسنة ؟!
السلفيين يا أبا بكر لو بتتابع لهم وجود الآن في كل السودان بنوا المساجد والمستشفيات والمراكز الصحية والمدارس ولهم معاهد وكليات وحفروا الآبار وكفلوا الأيتام بدون ما يأخذوا من المواطن قرش بل بيدفعوا الجمارك حتى على المصاحف .. وترقب بوستاً توثيقياً في القريب لترى بالصور كيف هم رحمة بالخلق .. يستثمرون وقتهم وجهدهم للشعب ولا يستثمرون بالشعب .. !!

Post: #33
Title: Re: يا شيوعيين ...
Author: Siham Elmugammar
Date: 03-05-2012, 05:24 PM
Parent: #28

كتب المدعو عاطف مكاوى
Quote: واحد من آكلي الويلفير.


فرد عليه المدعو معاوية

Quote: عزيزى القارى تلك الوجبة تعادل 88 وجبة ما يعادل قوت 5 شهور و 18 يوم
بالسعر القديم ...للعلم ...والله اعلم
صاحب المداخلة تجب عليه الزكاة


وفى ذلك استجابة لدعاء عموم اهل السودان بإن يرد الله كيدهم فى نحرهم

ثم رد عاطف
Quote: يا معاوية أوقع ليك الويلفير بيعني شنو في الدول الغربية وتحديداً الدولة التي أتواجد فيها :
* أولاً يُقدم لمحدودى الدخل وفقاً لرؤية الدولة ....
من هُم محدودى الدخل؟
هذا سؤال آخر لا يستوعبه موضوع هذا البوست !
المهم :
- المساعدة وفقاً للدخل في الصحة ... العلاج
- المساعدة وفقاً للدخل في السكن إذا حُظيت بفرصة في بعض البرامج السكنية
- المساعدة وفقاً للدخل في أن يتناول الطلاب وجبة مجانية في المدارس أو وجبة مخفضة.
- المساعدة وفقاً للدخل في تغطية فواتير غاز التدفئة في فصل الشتاء
- المساعدة وفقاً للدخل في تغطية نفقات تواجد الأطفال في الرياض أثناء عمل الوالدين
* ثانياً كل المواطنون يتمتعون بهذه الإمتيازات والمقيمون بشكل رسمي يستمتعون بغالبيتها .. ووفقاً لدخل الأسرة
= يستوى في هذا .. الكوز .. وأنصار السنة (الوهابي) .. والفلوترز ... وحزب الأمة .. والإتحادى .. و(الخواجة) ... وبالطبع (شيوعي الجن) ... إلخ !


لا يهمنا فى هذه المداخلة التى تنضح بالسلبطة فى جماعات لم يعرف عنها اكل اى حاجة
ولا اخذ التعويضات على اى حاجة
ولكن هؤلاء هم الشيوعيين سلباطييين

انما يهمنا اعترافهم انو الشوعى = الجن

شكرا عاطف اخيرا مرقت النصيحة

وهنا اتى الاخ محمد عبدالرحمن محمد ليقول

Quote: لا تلخبت، أسمو:
الويلي فير..
أو كما قالت تلك الماب تسأل عن مصدر..
-
سهام،
نوع معاوية ده ما تدي أكبر من حجمو.. بربار سايي!

أمّن المسحوبه دكتاتوراتو، فندكتي لامن يقول (.....)!


لنقول ياخ حللت اهلا و نزلت سهلا
ايوه خليك فى عماقة البوست

اها فى حتة فى مداخلتك كيفتنى كيف شديد خلاس
انقر ياتها

ثم يأتينى الرفيق الفاتح على التوم بصور مظاهرات العمال فى باريس
فى اول مايو..نشكره على تحلية البوست بالصور الزاهية

بس بنقول ليهو فضحتو نفسكم يا ناس الحزب الشيوعى فى السودان
حتى فى باريس تحرضوا الناس على المظاهرات
ما بعيد تكونوا دفعتوا ليهم
عشان تجوا تنزلو صورهم فى النت فى تحريض واضح لاهل السودان
لاثارة الفوضى ولكن هيهات
ولا نامت اعين الج بناء

____________________
الاخ الركابى شكلو البوست بتاعى ده وقع
ليك فى جرح مرحب بيك و جاياك كان الله هون
انت و المدعو ابوبكر صالح

Post: #34
Title: Re: يا شيوعيين ...
Author: عاطف مكاوى
Date: 03-05-2012, 06:13 PM
Parent: #33

يا بت المجمر
الخلاني أشرح
لأني شعرت بأن صديقنا معاوية فاهم الحكاية (أكل) بس
وهذا من الدعاية المغرضة المفكوكة في المنبر ....
فمن من البشر لا يرغب في (علاج) مجاني أو مدعوم
يا زولة أوباما فاز لأنو قال حا يدعم (العلاج).

Post: #35
Title: Re: يا شيوعيين ...
Author: Siham Elmugammar
Date: 03-05-2012, 06:48 PM
Parent: #34

الاخ الركابى

رغم انو البوست ما عميق للدرجة دى لكن :
Quote: دايرين من الشيوعيين النجيضة .. هم ملاحدة ؟! وله على الكتاب والسنة؟! وما الذي يربطهم بالأصل الذي تكسر رأسه وكان من علامات تكسير الرأس انهيار جدار برلين ...


يا الركابى زنقتنى فى بوستينى ياخ
اها بكلام بسيط جدا جدا بعيد عن مفاكرات عصام و هيثم

على حسب فهمى انو الحزب الشيوعى مؤسسة حزبية عندها برنامج سياسى
(اختلفنا أو اتفقنا معه)
وينضم اليها الافراد على قناعة بالبرنامج ده
وما فى علاقة لدينهم بهذا
عشان كده بتلقى فى عضويتهم الملاحدة و المسلمين و المسيحيين
والحزب ما بيجبر زول على الحاد والا على دين
ومداخلتك تثبت ذلك

بعدين فى ناس كتار بينادوا شى بفصل الدين عن الدولة
شى ليبرالية شى ديمقراطية شى دولة المواطنة
ومافى زول قاعد يتهمهم بالالحاد

ببساطة لانو قصة الصراع ضد الحزب الشيوعى دى معروف تاريخها شنو وليه
و منو الوراها عشان كده انا بفتكر انو مافى داعى لاقحام الدين ده
اتعاملوا مع الحزب الشيوعى كحزب عندو برنامج سياسى
و خلونا من منو فيهم المسلم ومنو الملحد

اما الجزء الاخير الخاص بأنهيار المعسكر الاشتراكى هو زاتو محل نقاش
فىما بينهم و ما بين الاخرين
يعنى انا لى هسه ما لاقانى شيوعى من اصحابى بيرفض النقاش فى القصة دى

واذا جينا بنفس الفهم نقبقب الاحزاب السياسية "الاسلامية"
ممكن نسألهم عن موقفهم من الدولة الدينية المنهارة فى السودان

_______________________
سلامات يا ابوبكر و تحية رسلت ابارك
المولود فتحت لى

Post: #36
Title: Re: يا شيوعيين ...
Author: عماد موسى محمد
Date: 03-05-2012, 07:48 PM
Parent: #35

Quote: ياخ ديل ممكن يقتلوا زول برىء عن قصد عشان يصنعوا شهيد
ويهتفوا خلفة

الله يهديهم غايتو...

سهام المجمر..سلام الله عليكم
لافُضّ فوك..
صراحة..أتابع بهدوء وتركيز شديدين.. لأن الكلام عن ديناصور
كبير منقرض وعنيد في آن واحد ك"الشيوعي" يحتاج إلى أناس
متمرّسين في "الأنثربولوجيا" و"التاريخ" والسلوك
السياسي و"الاستراتيجي للحزب .المحترمة سهام يبدو أنها من شاكلة هؤلاء المتمرسين
فلندعها تغوص في أعماق هذا الديناصور الذي-كواقع- انقرض بحُكم السُّنن
الربانية،وبحكم مخالفته للفطرة والشرعة والمنطق والواقع..إلخ ولكنه يحاول في مواقف
مختلفة أن "يفرفر" ويقول: أنا أعارض إذن فأنا موجود!
Quote: ياخ ديل ممكن يقتلوا زول برىء عن قصد عشان يصنعوا شهيد
ويهتفوا خلفة

وهذه الشهادة تدل على خطورة الديناصور-منقرضا أو "مفرفرا"!!
ثم إن هذه القناعة-أحسب- لم تصل إليها المجمّر إلا بعد تأمّلها لمواقف وشواهد متنوعة وكثيرة
تعكس "الميكافيلية"،وتجسّد الانتهازية عند"الشيوعي"...إلخ
إذن فلنتابع بتؤدة وانتباه..وقد قيل في المثل"سمح الكلام من خشم سيدو"
واصلي-سدّدك الله العظيم- ..فالضرب في "الميت" هاهنا حلال لكشفه للناس، لأنه يكابر وينكر أنه ميت أصلا !!

Post: #37
Title: Re: يا شيوعيين ...
Author: عاطف مكاوى
Date: 03-05-2012, 08:07 PM
Parent: #36

محن والله!

الذين يُنادون بأهمية التشريع لأحقية الزوج في مضاجعة زوجته المتوفاة ...
علي أن يتم ذلك(خلال ستة ساعات من لحظة الوفاة)
يتحدثون عن ديناصور الحزب الشيوعي الذى إنقرض ............................ عجبي !

Post: #38
Title: Re: يا شيوعيين ...
Author: Safia Mohamed
Date: 03-05-2012, 08:11 PM
Parent: #36

سلام سهام
بعيدا عن موضوع البوست
الذي تديرينه بحرفية عالية
ما لي الا ان اقول أوسكار



غايتو في زول هنا مفروض تديه باقيه سريع
او ما تخصمي منه وتنزليه المحطة الجاية


دي حسب فهمي المتواضع

وقد اكون مخطئة وانا من احتاج للباقي حقي

تحياتي

صفية








أوسكار
على إدارة الحوار وقبلاً الموضوع

Post: #39
Title: Re: يا شيوعيين ...
Author: عماد موسى محمد
Date: 03-05-2012, 08:25 PM
Parent: #38

Quote: محن والله!

الذين يُنادون بأهمية التشريع لأحقية الزوج في مضاجعة زوجته المتوفاة ...
علي أن يتم ذلك(خلال ستة ساعات من لحظة الوفاة)
يتحدثون عن ديناصور الحزب الشيوعي الذى إنقرض ............................ عجبي !

شفتي يا سهام "في صمّة خشمي" القلتيها ديك..؟ زي تهمة الزول دا!

والله..الموضوع أعلاه: "الذين ينادون"!!! -الذي نُتهم به-!! لم أره إلا في "سودانيزكم" دي!!! ومررت على العنوان-حتى- مرور الكرام ولا أعرف تفاصيله، بل وأشعر بالقرف لمجرد رؤيته!!
عموما..سأضع أعصابي في ثلاجة هاهنا لنستمع إلى صاحبة الخيط دونما تشويش عليها
و"سلاما.. سلاما"

Post: #40
Title: Re: يا شيوعيين ...
Author: هيثم طه
Date: 03-05-2012, 08:56 PM
Parent: #39

Quote: وهذه الشهادة تدل على خطورة الديناصور-منقرضا أو "مفرفرا"!!
ثم إن هذه القناعة-أحسب- لم تصل إليها المجمّر إلا بعد تأمّلها لمواقف وشواهد متنوعة وكثيرة
تعكس "الميكافيلية"،وتجسّد الانتهازية عند"الشيوعي"...إلخ
إذن فلنتابع بتؤدة وانتباه..وقد قيل في المثل"سمح الكلام من خشم سيدو"
واصلي-سدّدك الله العظيم- ..فالضرب في "الميت" هاهنا حلال لكشفه للناس، لأنه يكابر وينكر أنه ميت أصلا
Quote: أوسكار
على إدارة الحوار وقبلاً الموضوع

اوسكار وين يا صفية !! لسع هي في مرحلة النومنيشن !
خليها تجي تعد المطب الفوق بعد داك نفكر في الموضوع !
---


جبرالله يا أخانا في المفاكرات
المفكرين اتقاسموا الكوتات - تعال ياخ !

وبعديت فاروق كدودة رباني و احسن تربيتي و قال لي : يا ولدي انت صغير و ما بقيت شيوعي
معناهو ما عندك قلب -ولو كبير و شبوعي معناهو ما عندك راس

اها دي كوتي !!

Post: #41
Title: Re: يا شيوعيين ...
Author: معاوية عبيد الصائم
Date: 03-05-2012, 09:05 PM
Parent: #40

اين الشيخة سهام المجمر

Post: #43
Title: Re: يا شيوعيين ...
Author: الفاتح سليمان
Date: 03-05-2012, 09:50 PM
Parent: #41

سلامات سهام

شنو يا اخوانا الفرتقة الحاصلة دي -غايتو شوف عيني البجي داخل هنا وما عامل حسابوا مش يدوهوا باقيه وينزل

في خرم كبير في نص البص بدون ما يشعر يلقي روحه في نص الاسفلت

غايتو لحد هس في اتنين او اكتر تلب جوة الحفرة وبرة علي الاسفلت ومظلتين والله يستر ما يكون في الشتا لانو جروح البرد دي

حارة جدا ....

يقولوا ليهم الحزب حزب يقول ليك مؤمن ولا كافر

ومسلمين يدعون النهار والليل ان ينزل الله العذاب علي العباد والمسلمين اخوانهم او اخوانهم في الانسانية ..

Post: #42
Title: Re: يا شيوعيين ...
Author: Siham Elmugammar
Date: 03-05-2012, 09:41 PM
Parent: #40

الاخ عماد موسى
السلام عليكم ورحمة الله تعالى و بركاته

Quote: سهام المجمر..سلام الله عليكم
لافُضّ فوك..
صراحة..أتابع بهدوء وتركيز شديدين.. لأن الكلام عن ديناصور
كبير منقرض وعنيد في آن واحد ك"الشيوعي" يحتاج إلى أناس
متمرّسين في "الأنثربولوجيا" و"التاريخ" والسلوك
السياسي و"الاستراتيجي للحزب .المحترمة سهام يبدو أنها من شاكلة هؤلاء المتمرسين
فلندعها تغوص في أعماق هذا الديناصور الذي-كواقع- انقرض بحُكم السُّنن
الربانية،وبحكم مخالفته للفطرة والشرعة والمنطق والواقع..إلخ ولكنه يحاول في مواقف
مختلفة أن "يفرفر" ويقول: أنا أعارض إذن فأنا موجود!
مختلفة أن "يفرفر" ويقول: أنا أعارض إذن فأنا موجود!

Quote: ياخ ديل ممكن يقتلوا زول برىء عن قصد عشان يصنعوا شهيد
ويهتفوا خلفة

وهذه الشهادة تدل على خطورة الديناصور-منقرضا أو "مفرفرا"!!
ثم إن هذه القناعة-أحسب- لم تصل إليها المجمّر إلا بعد تأمّلها لمواقف وشواهد متنوعة وكثيرة
تعكس "الميكافيلية"،وتجسّد الانتهازية عند"الشيوعي"...إلخ
إذن فلنتابع بتؤدة وانتباه..وقد قيل في المثل"سمح الكلام من خشم سيدو"
واصلي-سدّدك الله العظيم- ..فالضرب في "الميت" هاهنا حلال لكشفه للناس، لأنه يكابر وينكر أنه ميت أصلا !!



والله زنقتك لى دى اخير منها بتاعة اخونا الركابى

يا عماد يا اخوى انت قلت انك متابع باهتمام و تركيز
لكن الكوت بتاعك نقلا عنى ده خارج سياق البوست تماما
عشان كده ما عارفة ارد كيف؟؟؟؟
يعنى هل انت فعلا فهمت كلامى على النحو ده ؟؟
اذا ده حصل بيكون فى مشكلة فى الطريقة البكتب بيها

او تكون عميق وفاهم فكرة البوست
وفى الحالة دى انت بتكون طلعت اعمق منى

Post: #44
Title: Re: يا شيوعيين ...
Author: Siham Elmugammar
Date: 03-05-2012, 10:17 PM
Parent: #42

الرفيق سلامات يا عاطف

Quote: محن والله!

الذين يُنادون بأهمية التشريع لأحقية الزوج في مضاجعة زوجته المتوفاة ...
علي أن يتم ذلك(خلال ستة ساعات من لحظة الوفاة)
يتحدثون عن ديناصور الحزب الشيوعي الذى إنقرض ............................ عجبي !


صدق مداخلتك مع رد الاخ عماد

Quote: والله..الموضوع أعلاه: "الذين ينادون"!!! -الذي نُتهم به-!! لم أره إلا في "سودانيزكم" دي!!! ومررت على العنوان-حتى- مرور الكرام ولا أعرف تفاصيله، بل وأشعر بالقرف لمجرد رؤيته!!
عموما..سأضع أعصابي في ثلاجة هاهنا لنستمع إلى صاحبة الخيط دونما تشويش عليها
و"سلاما.. سلاما"


عندى فيها جنس نقة لكن هسه خلااااس عيونى حوصو
ماشة انوم
بجيكم كلكم بكره باللييييل
ان شاء الله
___________________________
هيثم ساى لسان حالك يقول
اللهم شماتة

Post: #45
Title: Re: يا شيوعيين ...
Author: Safia Mohamed
Date: 03-05-2012, 10:22 PM
Parent: #42

مساء الخير تاني او اول من يدري
ولكن بالرجوع الى ساعة زمننا الحالي يبدو انه. صباح الخير المهم ما علينا


شنو يا هيثم ساي او حاف
ما أوسكار كيف يعني او اكون أنا خارج التغطية ولا شنو


بعدين الشورت ليست دي ما اهم حاجة في الموضوع ولا شنو يا جماعة؟
وش متحير





صفية

Post: #46
Title: Re: يا شيوعيين ...
Author: محمد عبدالرحمن محمد
Date: 04-05-2012, 00:23 AM
Parent: #45

Quote: اها فى حتة فى مداخلتك كيفتنى كيف شديد خلاس
انقر ياتها

لا بنقر ولا شي..
النقر الله يكفينا شررو..

عمومن،
بعد تقضي من فنديكك ده، سلفيني هونك!

Post: #47
Title: Re: يا شيوعيين ...
Author: خالد العبيد
Date: 04-05-2012, 02:35 AM
Parent: #46

Quote: عماد يا اخوى انت قلت انك متابع باهتمام و تركيز
لكن الكوت بتاعك نقلا عنى ده خارج سياق البوست تماما
عشان كده ما عارفة ارد كيف؟؟؟؟

سلام يا سهام
عماد زاتو خارج سياق التاريخ
وخارج الشبكة
الحيطة ممكن تتابعك وتفهمك وتهز راسه
عماد وجماعتو لا ...


سلام للعزيز مجتبى

Post: #49
Title: Re: يا شيوعيين ...
Author: عارف الركابي
Date: 04-05-2012, 08:11 AM
Parent: #47

Quote: عماد زاتو خارج سياق التاريخ
وخارج الشبكة
الحيطة ممكن تتابعك وتفهمك وتهز راسه
عماد وجماعتو لا ...



استنارة لكن ... !!!
كل إناء بما فيه ينضح !!
المستنير ده يا ربي من أي الطبقات ؟!
وقد ذكرت الأخت سهام أن في الشيوعيين (الملحد) و(المسلم) و(النصراني)

Post: #50
Title: Re: يا شيوعيين ...
Author: esam gabralla
Date: 04-05-2012, 09:51 AM
Parent: #49

Quote: ترداد هتافات (حرية) في رؤوس اهل القبور


من تقض أحلامهم و أوهامهم هتافات (حرية) قطعآ ليسوا أهل القبور التحت التراب , بل أهل القبور في أمخاخهم و ضمائرهم و هم يمشون بين الأحياء ...
عارف الركابي ... ما تتغش بي حبة شوفك الفي طشاش بلد أنصار السنه ده ...

سهام: ما أفتكر القصه فروقات ذكاء أو طريقة كتابه أو حتى حس الفكاهة العادى ده ... القصه لما الروح ذاتا تكون مفتوله و معسمه و عرجا ... بيحصل الشايفاهو ده

هيثم ... فاروق كدوده؟ و أنا أقول شبهك ده شايفو وين أتاريك من أندينا (و أندينا دى لا تعود لسياسه أو أيديولوجيا أو قبائل أو مناطق)

على ذكر المفاكرات , يوم عيد العمال بديت أكتب في أفكار مشتته شويه عن شعار يا "عمال العالم ...الخ" في ظل تحولات الدنيا العميقه دى , الكلام في جوهره عن الأصوليه الفكريه و عن "السلفيه الماركسيه" (المافي شنو على قول غايبنا قيقا) .... تجى تشارك؟

Post: #51
Title: Re: يا شيوعيين ...
Author: abubakr salih
Date: 04-05-2012, 10:04 AM
Parent: #50

Quote: سلامات يا ابوبكر و تحية رسلت ابارك
المولود فتحت لى


يا سهام انا أسف و الله، دا فى الفيس بووك ولا وين؟
أنا لطمت الفيس بووك حقى و قلتا ليهو ما تغلّبنى بكترة الشمارات.

ياخى المولودة قربّت تمشى الله يخليها و يحفظها.


---
اخأنا الركابي برجع ليك أفكك ليك السلفية كيف انها تتعارض مع العلم و العقل.
المعرفة function of time .. المعرفة دالة فى الزمن يا شيخ الركابي

Post: #52
Title: Re: يا شيوعيين ...
Author: Kamal Karrar
Date: 04-05-2012, 10:16 AM
Parent: #51

تعرفي يا بنت المجمر,, في موضوع شاغلني

من زمان كنت داير أفتح بوست فيه لكن أهو لقيت فرصة..

أنا ملاحظ إنو السواد الأعظم من الشيوعييين أختاروا

لمنافيهم القسرية أو الإختيارية.. مدن هي تعتبر من قلاع

وعواصم الرأسمالية .. وكانوا دائما بيبشرونا بأن السعادة

في "مقالع" أو معاقل الدول الشيوعية.. ما قادر أفسر

الظاهرة دي أبدا... ما عايز أنمط وأقول رأي لكن بالجد

مسألة تدعو للتأمل وليس للحيرة..

بالمناسبة من بين أولئك أصدقاء أعزاء وأهل دم ولحم

تحياتي لآل المجمر

Post: #54
Title: Re: يا شيوعيين ...
Author: معاوية عبيد الصائم
Date: 04-05-2012, 10:37 AM
Parent: #52

د الركابى سلامات
بمناسبة المقابر

رائك شنو فى الاستثمار فى المقابر ؟

ماتم فى مقابر فاروق قبل سنوات مثالا
اكشاك الفواكه .حول سور المقابر

Post: #53
Title: Re: يا شيوعيين ...
Author: عمار عبدالله عبدالرحمن
Date: 04-05-2012, 10:25 AM
Parent: #50



ليبيا وبس



وجمعتكم مباركة ,

Post: #56
Title: Re: يا شيوعيين ...
Author: rummana
Date: 04-05-2012, 11:39 AM
Parent: #53

الأخت سهام والاخوة المتداخلين سلامات
معليش سهام أخوك أبوبكر أصر يغير اتجاه البوست والقصة ماااشة في الدرب الجديد ولذلك ح أخوض مع الخائضين في الجدية ف رضاك عني بالله
اولا: بالنسبة للهتافات في جنازة المرحوم نقد أنا أتفق مع من انزعج من الموضوع.. للموت حرمة وللمقابر حرمة وفي الحتة ديك لا يصح إلا الصلاة والدعاء وأنا بزيد عليهم البكاء فالعين تدمع والقلب يحزن. وبعدين الشارع قريب من المقابر..!!!
ثانيا: بالنسبة لتشييع النساء للجنازة ووجودهم في المقابر بصراحة كان موضوع مثير للدهشة بس أنا ما أزعجني زي الهتاف.. يعني كان غريب وليس مستهجن. ويا شيخ عارف الصلاة على الميت للنساء تجوز والتشييع حسب ما عرفت إنه مكروه لكن لم يعرف له تحريم. وللضمان كده عشان ما تهاجمي جبت معاي الرابط ده
http://www.islamweb.net/fatwa/index.php?page=...tion=FatwaId&Id=8104
ثالثا: كونه أبوبكر صالح يجر عارف الركابي للاستطراد والاسهاب بجدية وفي بوست ممجوج بالسخف (التعبير من عند سهام) وبعدين في نص جديته يقول ليه (البوست أصلا ما عندو علاقة بالنضال و انتا لو تأملت كويس كنت أكتشف انو البوست ما جادي زاتو) يستدعي أني أقول قر قر قر قر... ووجه ضاحك بسنون كبار

الأخ عاطف مكاوي سلامات
إتهام أي شخص سلفي بـ (الذين يُنادون بأهمية التشريع لأحقية الزوج في مضاجعة زوجته المتوفاة...) غير مناسب بل غير عادل ولا يصح.. ده رأيي غايتو

أقول قولي هذا وأعتذر للأخت سهام مرة أخرى وشكرا للجميع.

Post: #60
Title: Re: يا شيوعيين ...
Author: عارف الركابي
Date: 04-05-2012, 04:34 PM
Parent: #56

Quote: اولا: بالنسبة للهتافات في جنازة المرحوم نقد أنا أتفق مع من انزعج من الموضوع.. للموت حرمة وللمقابر حرمة وفي الحتة ديك لا يصح إلا الصلاة والدعاء وأنا بزيد عليهم البكاء فالعين تدمع والقلب يحزن. وبعدين الشارع قريب من المقابر..!!!


بارك الله فيك الأخت رمانة ، وهي لم تكن في جنازة واحدة بل حدث في غيرها أيضاً..
Quote: ثانيا: بالنسبة لتشييع النساء للجنازة ووجودهم في المقابر بصراحة كان موضوع مثير للدهشة بس أنا ما أزعجني زي الهتاف.. يعني كان غريب وليس مستهجن. ويا شيخ عارف الصلاة على الميت للنساء تجوز والتشييع حسب ما عرفت إنه مكروه لكن لم يعرف له تحريم. وللضمان كده عشان ما تهاجمي جبت معاي الرابط ده

الأخت رمانة لم أرد أن أناقش مسألة حضور النساء للتشييع هنا ، فالمسألة التي أوردتها هنا بمناسبة شريط بعنوان (يا شيوعيين) .. وذكر نضالهم ، ذكرت النضال الجديد في المقابر وهتاف الرجال والنساء ..
ودي مع إنها مناسبة لموضوع البوست ، وجزء منه ، لم تعجب البعض !! فبالإمكان أن أذكر أحكامها وأدلتها لاحقاً إن رأيت أنه أنسب .. وحالياً لعلنا نصل إلى إنكار من بعض الإخوة والأخوات هنا لخطأ هذا النضال الجديد
ولا أدري قصدك بـــ (تهاجمني) .. فهل أنا هنا ممن يهاجمون أم ماذا ؟!
أنا يا أختي الكريمة أناقش وأحاور ، وبفضل الله عندي بال طويل إذا لقيت وقت للمناقشة والمحاورة ، وأدرك اختلاف المعتقدات والأفكار والمصادر ، فأسمع من غيري وأناقش بما لدي من علم
وأمر الخلق عند الخالق .. وكل في النهاية بإرادته .. فلا هجوم ولا سلاح ولا ضرب نار ولا قتل للشخصيات ..
وكل نفس بما كسبت رهينة ...
Quote: ثالثا: كونه أبوبكر صالح يجر عارف الركابي للاستطراد والاسهاب بجدية وفي بوست ممجوج بالسخف (التعبير من عند سهام) وبعدين في نص جديته يقول ليه (البوست أصلا ما عندو علاقة بالنضال و انتا لو تأملت كويس كنت أكتشف انو البوست ما جادي زاتو) يستدعي أني أقول قر قر قر قر... ووجه ضاحك بسنون كبار

بالنسبة لي لم ولن أتوقف في جزئيات كهذه ، فالمطروح هنا نضال شيوعيين ، كان البوست جادي أو كما وصفه البعض أنه سخيف .. لا يهم الوصف هنا طالما يوجد شيوعيون وصدر البوست بما فعل الشيوعيون في التاريخ السوداني الحديث
وليس هناك ضابط للبوست الجاد وغير الجاد ....
ولا زلنا نطمع بإجابات واضحة عن بعض القضايا المطروحة هنا : الإلحاد في الحزب الشيوعي / النضال الجديد / روقان حياة كثير منهم في بلاد الرأسمالية ...

Post: #57
Title: Re: يا شيوعيين ...
Author: عبدالله احيمر
Date: 04-05-2012, 11:56 AM
Parent: #53


سـهام
تعالي شـوفي الورجغـة الحاصلة دي , والحالة الباقين لســه ما صحــو
و احســبي بس اتنين لغاية الآن و انتظري الباقين

الفاتح ياخي صورك دي دليل تبعية الشيوعيين لفرنسـا والدليل انهم بحتفلوا باول مايو



عارف يا عارف كنت اظنك عارف و من احكمهم ولكن التوم ريحتو واحـدة ودا من نوع الظن الآثم


Quote: والمقابر دي (بيوت) يعني الميتين ديل (مسلمين) وأهلهم مسلمين .. وهناك تشريعات محددة بشان هذه الدور
حتى من يدخل يقول : السلام عليكم أهل الديار ...


اها يا عارف لو ما قال يعمل شـنو ؟ يعتق رقبة ام يصوم 3 ايام ام يطعم و لا يطلع من المقابر و يرجع تاني
عشـان يقول
والله يا عارف فتو التنطع لي غادي


Quote: أرأيت كيف أنه مكان مسكون لأشخاص لم يستطيعوا أن يدافعوا عن أنفسهم وينبهوا من تعدى على حقوقهم لموتهم !!


حلوة حكاية ما قادرين يدافعوا عن انفسـهم دي
ولما واحد يكون بحفر في قبر و يلقي عظام لميت دفن في نفس الموقع دا يكون عمل شـنو للميت السـابق دا ؟
يكون قتله مرة اخرى ؟
ارجـو ان لاتفهم من كلامي دا اني ادعو لعدم احترام الموتى و الدعاء لهم و السـلام عليهم عند دخول المقابر
ولكن كلامك عجيب من ناحية تأثيم الآخـرو لو اخطأ

وأما سؤالك : أبشر هذا ؟!


Quote: لكنه بشر لا يتاجر بلحظات تشييع الموتى وحرمة المقابرانعدمت أماكن النضال ولم يبق للشيوعيين إلا المقابر
انتهت الأشرطة (المجلودة والمغتصبة) والطالب الجنازة ... وهلم جرا !!
وقبلتو على المقابر ؟!



يا عارف دا نـوع الكلام الفارغ الذي تهدف منه لمخاطبة عاطفة الناس و تجريم الشـيوعيي
انا ما شــيوعي و ذهبت لوداع نقـد و بدون دعوة من احـد, فاين المتاجرة التي قاموا بها
اعدل يا عارف
طيب ياخي الناس ديل لو بقى نضالهم بتاع مقابر ما بختكم فقـد خلى لكم الجو فبيضوا واصفروا
ولكن لعملك انو دا ما حاصل , بل الحملة الأخيرة دي ( منكم وناس بيت الضيافة ) لما اصابكم
من التشـيع المهيب وها انتم تتحسـسون اســلحتكم القديمة








معلش ســهام لكن الكلام الفارغ دا مســني كأحد حضـور التشــيع وفيه تجني

و ح ارجع لباقي كلامك يا عارف

Post: #61
Title: Re: يا شيوعيين ...
Author: عارف الركابي
Date: 04-05-2012, 05:06 PM
Parent: #57

كتب الأخ عبد الله إحيمر
Quote: عارف يا عارف كنت اظنك عارف و من احكمهم ولكن التوم ريحتو واحـدة ودا من نوع الظن الآثم


لا تعليق ...جابت ليها توم وشمار !!
البوست ده يظهر فيه كي في الجرح .. ردة فعل البعض ما اتعودنا عليها
لكن أعصابنا أصلاً مع برودتها .. فقد زودنا درجة التبريد ...

Quote: والمقابر دي (بيوت) يعني الميتين ديل (مسلمين) وأهلهم مسلمين .. وهناك تشريعات محددة بشان هذه الدور
حتى من يدخل يقول : السلام عليكم أهل الديار ...


اها يا عارف لو ما قال يعمل شـنو ؟ يعتق رقبة ام يصوم 3 ايام ام يطعم و لا يطلع من المقابر و يرجع تاني
عشـان يقول
والله يا عارف فتو التنطع لي غادي

التريقة بالأحكام الشرعية لزومها شنو يا جماعة ؟!
لكن نجاوب ..
دعاء دخول المقابر والسلام على ساكنيها (مستحب) ليس بفريضة .. ومن لم يقله فليس عليه شيء .. والدعاء لهم متيسر بعد دخوله
فما يحتاج يرجع
التنطع وين يا ناس ؟! التبلي ده شنو يا جماعة .. كمان الدنيا جمعة مفروض الأعصاب تكون أحسن من كده
غايتو بوست فيه رجفي شديد .. ناس دايرة يودوها الضل زي ما بقولوا ناس سودانيز

Quote: ولما واحد يكون بحفر في قبر و يلقي عظام لميت دفن في نفس الموقع دا يكون عمل شـنو للميت السـابق دا ؟
يكون قتله مرة اخرى ؟
ارجـو ان لاتفهم من كلامي دا اني ادعو لعدم احترام الموتى و الدعاء لهم و السـلام عليهم عند دخول المقابر
ولكن كلامك عجيب من ناحية تأثيم الآخـرو لو اخطأ

لو توقعت مثل كلامك هذا يوجه إلي كان سجلت ليك خطبة جمعة اتكلمت فيها عن هذا الموضوع
ولي مقال كتبته سينشر قريبا إن شاء الله بعنوان (حتى الشبر بقى في تلتلة)
كلام غلط كبير .. ونحن بفضل الله نقول الحق ولو على أنفسنا ..
ولم أفهم من كلامك أي شي مما احترزت منه .. لكنك يا أخي داخل بنمرة 5 وكده ما كويس للنقاش وما تقوم نفسك النقاش ملحوق بس اتثبت مما تريد قوله أولاً وطول بالك شوية

Quote: وأما سؤالك : أبشر هذا ؟!

هذا ليس سؤالي أنا ... هذه إحدى صرفيات المناضل عصام جبر الله التي صرفها لي في هذا البوست

Quote: يا عارف دا نـوع الكلام الفارغ الذي تهدف منه لمخاطبة عاطفة الناس و تجريم الشـيوعيي
انا ما شــيوعي و ذهبت لوداع نقـد و بدون دعوة من احـد, فاين المتاجرة التي قاموا بها
اعدل يا عارف

شفت انطلاق السير بنمرة 5 بسوي شنو ؟!
العجلة ما كويسة يا عبد الله احيمر
البوست ده كلو أنا اتكلمت فيه عن تشييع جنازة نقد ؟!
أبرأ إلى الله من أن أمنع من ذلك أو أتدخل في قضية كهذه
تمشي يا راجل وتسوق معاك أولاد حلتك كمان وتأجر بص سياحي .. المشكلة وين ؟!
ركز يا عبد الله احيمر
الكلام هنا عن هتاف في المقابر بشعارات محددة .. ده الكلام أولو وآخرو .. متاجرة بجثث وساعات تشييع .. وارجع شاهد فيديوهات دفن حميد .. كمثال آخر
ياخ انت فاهم غلط (تب)
Quote: طيب ياخي الناس ديل لو بقى نضالهم بتاع مقابر ما بختكم فقـد خلى لكم الجو فبيضوا واصفروا
ولكن لعملك انو دا ما حاصل , بل الحملة الأخيرة دي ( منكم وناس بيت الضيافة ) لما اصابكم
من التشـيع المهيب وها انتم تتحسـسون اســلحتكم القديمة

خلا لمنو ؟ ووين ؟! والضمائر دي مقصود بيها منو ؟ تتحسسون .. أسلحتكم .. وياتو جو الذي خلا لنا ؟!
أرجو شاكراً فك الرموز عشان نعرف نجاوب عليها ..
Quote: معلش ســهام لكن الكلام الفارغ دا مســني كأحد حضـور التشــيع وفيه تجني

الكلام الفارغ ؟!
شكلي كده بعين لي سكرتير يجي يحسب لي كمية النبذ والإساءة الشخصية المسكوب ة علي هنا !!!
أتمنى أن تبين أنه فارغ بموضوعية وحجج وأدلة
والتجني هو الذي أتيت به أنت ..
فأنت تجنيت علي ونسبت لي أني أنكرت تشييع نقد
ونديك شهر تفتش البوست ده حرف حرف حتى تخرج لي ما تجنيت به علي
وعندها لن أقول لك إن كلامك فارغ ..
لأن حق الزمالة أستحي منه من إطلاق كلمة كهذه مع تجنيك علي


وسأعود لبقية المداخلات إن شاء الله .. وأرجو أن لا أجد فيها مثل ما وجدت في هذه المداخلة

Post: #55
Title: Re: يا شيوعيين ...
Author: عارف الركابي
Date: 04-05-2012, 11:37 AM
Parent: #50

Quote: من تقض أحلامهم و أوهامهم هتافات (حرية) قطعآ ليسوا أهل القبور التحت التراب , بل أهل القبور في أمخاخهم و ضمائرهم و هم يمشون بين الأحياء ...
عارف الركابي ... ما تتغش بي حبة شوفك الفي طشاش بلد أنصار السنه ده ...


تعليقات موجزة من بعض (فطاحلة الشيوعية ) وأبرز ما فيها صرف روشتة فيها (نبذة) أو (شتيمة) ..
فما هذا التوافق ؟! أم هو عدم الحيلة ؟!
عدم الحيلة الذي جعل (الحزب الشيوعي السوداني) يتحالف مع (حزب المؤتمر الشعبي)
الترابي والسنوسي وكمال عمر .. والجماعة الطول عمرهم كان ترداد:
قد عشقت البندقية وهاتفاً عندي قضية ** سحق حزب الماركسية إنه حزب ضلالي
وكان من ه########م :
مسلم قالت جموعي لست بعثي لا شيوعي ...
تحالف مع هذه المجموعة ... وهو من غرائب السياسة السودانية ..
وعدم الحيلة نراه في نضال وهتافات ومتاجرة بالجثث ....... وأهلها غير راضين (راجع فيديو تشييع الراحل الشاعر حميد)

تمنيت ولا زلت أتمنى والشريط باسم (الشيوعيين) .. ومبتدؤه عن النضال عندهم أن تتم إجابات محددة عن نوع النضال الجديد الذي ذكرته
وحبذا لو وجدنا إجابات عن العقيدة والفكر في هذا الحزب ... وهل هو كما تفضلت الأخت سهام بأنه لا ينظر للفكر ولا للعقيدة ... مهما كان معتقد المنضوي تحته ؟!

الطشاش والشوف والعمى وقبلها هل ديل بشر ... وكمية الإساءة المكتفي بيها شخص في قامة عصام جبر الله في الحزب الشيوعي أظنها حاجة ما جميلة ... وإخراجها ما كويس
لأنها لا بتودي ولا بتجيب ..
وفي مثل هذه الوقفات أتذكر كمال عباس فقد تناقشنا كثيراً لكنه شخص موضوعي ..
وجدت فائدة من مناقشته وأتمنى أن تتجدد معه .. مرات أخرى

Post: #58
Title: Re: يا شيوعيين ...
Author: عبدالله احيمر
Date: 04-05-2012, 01:52 PM
Parent: #55

Quote: أما شهود النساء للتشييع فما حا أسكب فيها مداد لأن طفلاً أو أمياً سيخبرك بحكمها في الشريعة التي يتدافن بها أهل المقابر
تلك الشريعة التي دفن بها نقد ووضع في لحده ، وبها أوصى بمن يصلي عليه الصلاة التي سنها محمد عليه الصلاة والسلام ويقرأ فيها الفاتحة والصلاة الإبراهيمية والدعاء بطلب الرحمة والمغفرة من الله جل جلاله


دا برضـو من نـوع الكلام الذي يذهب لاســقاط الاختلاف , كدي خليك من طفل و ما طفل ( الذي يخرجك من الموضوعية كما تدعي )
قولك شــنو في من اباح صلاة المرأة على الجنازة و تشــيعها ( و اجه نفســك و انتقدها في الاول بدل ما تطرح ما يجعل شـخص ينتقد نفسـه )




Quote: لكني سأطرح له ما يجعله ينتقد نفسه بنفسه .. ولن يحوجني أن أنبهه أنا لذلك



ســهام معليش مرة تانية و تالتة ورابعة و كتير من المرات لكن بوستك دا محفز للاقامة و الورجغـة و القرقرة

كنت عاوز الفتح بوسـت باسـم ( الحزب الفلاني ....... ما عذبتنا )
لأنو محل ما تقبل في المنبر تلقى الـ........ فعلوا و البوست البعدو الـ.......وتركوا
الـ ....... قاموا , الـ......... قعدوا . علوب ما علوب , خيانة ما خيانة........الخ
ياخي الناس ديل عذبونا عذاب قبورة فعليهم ان يتركوا اي نضال حتى بتاع المقابر,
و خلي بالك في الهجوم دا يلتقي بعض اليسـار مع السـلفين ( يعني العمى شـايل المكسـر)

اقول ليك نمدهم بكم جوز كوتشينة و كم شـطرنج كدا يناضلوا فيهم
اما في المدخلات فعليك ان تدي ربك العجــب , شـوفي كمال كرار عاوزهم يموتوا قتلا و تعذيبا و يتشـردوا
بالصالح العام و الخاص و يقعدوا عطالى و يعجزوا عن تكوين اسـر تربية اولادهم وما يمشـوا الغرب الراسـمالي
,

احلفك يا ســهام أن تتبني دعوة لارجاعهم قسـرا لبيوت الاشـباح وان يقوم بذلك
التنظيم العالمي للسـلفين و التنظيم العالمي للكيزان بدعم من قطـر و الكويت
بس كمال دا ما يتحير B]

Post: #59
Title: Re: يا شيوعيين ...
Author: عبدالله احيمر
Date: 04-05-2012, 02:11 PM
Parent: #58

Quote: والمعروف أن من مشين للمقابر وبما رأيناه في كميات اليوتيوب مجموعة معينة .. فحبيت أن يضبط بمن يقصد وأي نوع من الهزيمة يعني .


عارف الركابي
الســلام عليكم


ارجو ان توضح ما قصــدته بــ ( محموعة معينة ) و انت تتكلم عمن شــارك من النســاء في تشــييع نقـد
و الصـلاة على جثمانه , لانك اكدتها بقولك و المعروف ان من مشين
العرفة جات من وين ياااااااا دكتووووووووور عارف

وكما ذكرت لك انا ما شـيوعي و ذهب معي كتار ( رجال و نسـاء ) و برضو ما شـيوعيين بل و بعضهم له رأي
سـالب في الشـيوعيين , ولكن بقولك مجموعة معروفة جعلت هنالك شـيء مشـترك بين هؤلاء النســوة , اها تعال
ورينا المشـترك دا شـنو ؟ و ارجو اسـتحلفك بالله ان تصدق و تجاوب بما كنت تعنيه ( او يجول بخاطرك )عند كتابة مداخلتك

Post: #62
Title: Re: يا شيوعيين ...
Author: Siham Elmugammar
Date: 04-05-2012, 07:35 PM
Parent: #59

العزيزة صفية سلامات
Quote: ما أوسكار كيف يعني او اكون أنا خارج التغطية ولا شنو


هيثم ده خليك منو ما اتى لحوار... دى حسادة منو
ناس ما بتحب لى ناس الخير
انا مستنية ال

يا هيييييييييييااااااثم عصام ما بنفعك كوت كوتاتك ساى

_______________________________________
الاخ محمد عبدالرحمن سلامات
Quote: عمومن،
بعد تقضي من فنديكك ده، سلفيني هونك!

عينك لى دخلونى جوة الفندك نان بقلع ليك الهون كيف
وبعدين هى فضل فيها نقر .. يا زول اصلوووو ما تنقر
_____________________________________________

يا خالد العبيد سلامات ليك و لاسرتك و قول ولدنا لازم السنه دى يقدم فى جائزة غادة
اخر يوم يوم 30 اغسطس
سلامك يصل لى مجتبى
ان شاءالله بعدين صاحبك ده اكتشفت انو متابع لكن ما بكتب حيرنى ليك زاتو
____________________________________________
يا عصام عصرت على شديد يا صاحب بس انا متكفية من ردت بوستى ده
الى نحرى داك
صدق البوست ده ناقصو ملاسى يجى راجع
لوووووووول عاد
___________________________________________
يا ابوبكر صالح التهنئة كانت فى الفيس بوك والبنية كان مشت تكون بالغت معاى
اما بخصوص باقى المداخلة
Quote: اخأنا الركابي برجع ليك أفكك ليك السلفية كيف انها تتعارض مع العلم و العقل.
المعرفة function of time .. المعرفة دالة فى الزمن يا شيخ الركابي

جيد انك وجهتها للركابى لانى ما عندى ثقافتن قدر ده
ولو بعرف اقول كلامك الفوق دا ما كت بقعد معاكم هنى نوهائى
كان دربى عديل على الفوراول
__________________________________________________

سلامات و تحايا كثيرة يا كمال احوالك واخبارك و اسرتك اتمنى ان تكون بخير

الشيوعيين ديل اصلهم كده مستهبلين يقول ليك بتاعين طبقة عاملة و يقعدوا
يفتشوا محل الراحات .. يقول ليك مرحلة الثورة الوطنية الديمقراطية واشتراكية
واستشراف الشيوعية ويمشوا يجدعوا فى دول الراسمالية والديمقراطية
يعنى جنبا لجنب مع الكيزان فى دول الاستكبار
___________________________________________

يا معاوية عبيد

Quote: رائك شنو فى الاستثمار فى المقابر ؟

ماتم فى مقابر فاروق قبل سنوات مثالا
اكشاك الفواكه .حول سور المقابر

بطل حركاتك دى يا عدو الاستثمار
اركز بس

صاحبك رد عليك لكن شفاهة اها اوصل القواله والا اسكت ؟؟؟
ما عارفة خلينى استخير اول
_____________________________

عمار سلامات ياخ جد الصور مبالغة بالنسبة لى فيها رش
لبعض المواقف السياسية ...
وبس
________________________________

ناس المفاكرات سلامات انتو فى الجاية

Post: #63
Title: Re: يا شيوعيين ...
Author: Siham Elmugammar
Date: 04-05-2012, 08:39 PM
Parent: #62

سلامات يا رمانة ياخ البوست بوستك و بوست الجميع
اى زول يجى كتب و يناقش وانا ما عندى صك ملكية
الا بعد ان يذهب الى المكتبة
Quote: بالنسبة للهتافات في جنازة المرحوم نقد أنا أتفق مع من انزعج من الموضوع.. للموت حرمة وللمقابر
حرمة وفي الحتة ديك لا يصح إلا الصلاة والدعاء وأنا بزيد عليهم البكاء فالعين تدمع والقلب يحزن. وبعدين الشارع قريب من المقابر..!!!


انا سهام دى بمعتقداتى اتفق معاك ومع الركابى ان للموتى حرمة
وانو فى اداب اسلامية يجب مراعاتها فى التعامل مع المقابر
ممكن افهم غضبة الركابى...
ويا عصام بحسن ظن فى الركابى انو حتى لو كان الوضع معكوس وكانت الدافنة
حقت معارض سلفى لحكومة شيوعية ظالمة و باطشة وعندها بيوت اشباح
قتل فيها كثير من السلفيين ... قام مات قائدهم ما ممكن الاخ عارف يوافق على اى نوع من الهتاف
حتى و لو كان... اسلامية مية المية .... او حكم الشريعة واجب وطنى

لكن استعير بعض من دوائر هيثم ساي و اقول:
انا فى رائيى انو التشييع ما كان له ان يكون الا كما كان
سياسيا بنسبة 99%

اما كلام حضور النساء للدافنه ده عندى فيهو كلام لكن
خايفة من الحلاقة وانا ماشة على كبر شعيراتى فى التلتة
ينضفرن

Post: #64
Title: Re: يا شيوعيين ...
Author: saif basheer
Date: 04-05-2012, 08:50 PM
Parent: #62

أنا غايتو شاهد إنهم كتلو التاية قدامي، وسمعت انهم كتلو سليم وبشير.

Post: #65
Title: Re: يا شيوعيين ...
Author: Siham Elmugammar
Date: 04-05-2012, 09:29 PM
Parent: #64

بعتذر منكم يا جماعة
خلونى اطايب اخوى سيف بشير ده
يا سيف ازيك ياخ
والله مشتاقين كتير اخبارك واحوالك

Quote: أنا غايتو شاهد إنهم كتلو التاية قدامي، وسمعت انهم كتلو سليم وبشير.


انت كما عهدتك دوما تقول الحقيقة و لو على رقبتك
شكرا لك و انت تدلى بشهادتك على العصر

انا غايتو برضو شاهده انهم شالوا يد حاج ماجد وكفتوها بيها العميد
وانهم شرطوا امتحانات زراعة
وليتراون سمعت انهم جروا الشهيد عبدالسلام فى سلالم الداخلية
حتى لفظ انفاسة الاخيرة افتكر دى بيكون شاهد عليها ابوبكر صالح
اتمنى ان يتجرد من ولائه الاعمى للحزب و ان يصدح بالحقيقة
________________________
صدقنى مشتاقين سلم على بنياتك

Post: #66
Title: Re: يا شيوعيين ...
Author: Siham Elmugammar
Date: 04-05-2012, 09:41 PM
Parent: #65

يا جماعة كلكم البوست بوستيكم مرحب بيكم
ومافى داعى لاى اعتذارات حول سير البوست
لانو هذا هو الحال مع جماعة فتحت اى كلام كان ونسه كان حوار فكرى
كان جاد كان هزار ...
لو فى لمة لو وجه لوجه او فى الفضاء الوسيع ده
عشان تلقى بعد الكلام مشى ليهو كم كيلو كده
واحد فجأة يقوم يقول ليك هسه الكلام ده الجابو شنو...
اخدو راحتكم
وكان حيينا ما متنا بنتلاقى ان شاء الله

Post: #67
Title: Re: يا شيوعيين ...
Author: محمد عبدالرحمن محمد
Date: 05-05-2012, 04:14 AM
Parent: #62

Quote: نان بقلع ليك الهون كيف

آبخبرو..

لاكين إن لقيتيلك دباره، لا تنسيني..
هونك ده مغرود فيو بلحيل..
ليك علي، أوّل من ينتف فيهو، المكعوجات إيدي داك


-

سهام،
جبادتك لا هسّع مابي تقبض!
اليومين عندنا صارقيل عينتو برا..

أبعتلك؟

Post: #68
Title: Re: يا شيوعيين ...
Author: عاطف مكاوى
Date: 05-05-2012, 05:02 AM
Parent: #67






هؤلاء هم الوهابيون يا بت المجمر !


-------------------
وقال أن ذلك بنص القرآن والسنة ..... !

Post: #69
Title: Re: يا شيوعيين ...
Author: Siham Elmugammar
Date: 05-05-2012, 10:23 AM
Parent: #68

سلامات الاخ الفاتح
Quote: شنو يا اخوانا الفرتقة الحاصلة دي -غايتو شوف عيني البجي داخل هنا وما عامل حسابوا مش يدوهوا باقيه وينزل
في خرم كبير في نص البص بدون ما يشعر يلقي روحه في نص الاسفلت


يا حوله بلاى شوفتنى وانا ضاربة الظلط لمن اتدشدشت
ياخ ده جنس احراج انا قايلة المشهد ده شفتو براى
_____________________________________
Quote: الرفيق سلامات يا عاطف

Quote: محن والله!

الذين يُنادون بأهمية التشريع لأحقية الزوج في مضاجعة زوجته المتوفاة ...
علي أن يتم ذلك(خلال ستة ساعات من لحظة الوفاة)
يتحدثون عن ديناصور الحزب الشيوعي الذى إنقرض ............................ عجبي !



صدق مداخلتك مع رد الاخ عماد

Quote: والله..الموضوع أعلاه: "الذين ينادون"!!! -الذي نُتهم به-!! لم أره إلا في "سودانيزكم" دي!!!
ومررت على العنوان-حتى- مرور الكرام ولا أعرف تفاصيله، بل وأشعر بالقرف لمجرد رؤيته!!
عموما..سأضع أعصابي في ثلاجة هاهنا لنستمع إلى صاحبة الخيط دونما تشويش عليها
و"سلاما.. سلاما"


يا عاطف
على حسب معرفتى السلفية توجه دينى
يعنى ما جسم تقدر تمسكوا
ف عشان كده الفتوى دى ما كل سلفى ممكن يوافق عليها
و عماد عديل كده قال ليك العنوان ساى اداهو احساس بالقرف

انا بالنسبة لى ما عندك اى حاجة تحلق بيها لى عماد هنا
واذا كان لابد من الحلاقة حقو تشوف ليك فتوى تانية
تكون مختلف فيها مع عماد
لانكم فى الفتوى دى متفقين
شفت كيف؟!!!!!!

بعدين الرفيق معاوية ده ما تفسر ليهو اى شىء
ولاتتعب نفسك معاهو بس تصرف ليهو واحد
اركز
و تمشى
_______________________
باقى النقة لقيت انها بتدخلنى فى مناقشة الفتوى
وانا يصراحة موقفى من الفتوى دى زى عماد ده
قرف و بس حتى البوست ما دخلتو
االبعرفو انا يا اخونا انو الاسلام دين فطرة يعنى معقول ما يعافة الانسان
يقبله الله سبحان الله
كلام عجيب

Post: #70
Title: Re: يا شيوعيين ...
Author: عبدالله احيمر
Date: 05-05-2012, 11:27 AM
Parent: #69

بت المجمــر

الباقي بتاعي عفيتـو ليك
لأني وقعت بقـد القفة بتاعت كمال كـرار ( معليش كمال )
و كلنا محتارين في حاجات كتيرة

Post: #71
Title: Re: يا شيوعيين ...
Author: Siham Elmugammar
Date: 05-05-2012, 11:35 AM
Parent: #68

الاخ عبدالله الاحيمر سلامات
Quote: حلفك يا ســهام أن تتبني دعوة لارجاعهم قسـرا لبيوت الاشـباح وان يقوم بذلك
التنظيم العالمي للسـلفين و التنظيم العالمي للكيزان بدعم من قطـر و الكويت
بس كمال دا ما يتحير


اول عندى ليك قصة ... مرة عندنا مناسبة فى البيت جا واحد خالنا عذب ليك الشباب/ات القاعدين يخدموا عذاب شديد
يا فلانه خت ده هنا ..وين داك... لا لا ياخ ما كده .. المهم
ما سكت نهائى ..قام محمد اخوى لبت عمى قال ليها ياخ اديك 60 جنية تقتلى لى خالى ده
قالت ليها على القسم لا قرش لا تعريفة اسحلوا ليك سحل

اها دعوتك اتبنيناها بلا حليفة

ما عشان اى شى بس عشان مخنا ده يروق
انا ما عارفه الحزب الشيوعى ده قالوا كرتونى وما عندو جماهير
والشعب السودانى يرفضه بالفطرة
وهو بالونه فارغة
بل قالوا انه ميت
اها الغاغة لزومها شنو و ضياع الزمن
ده الانا ما فاهماه

يعنى فى ناس كده لو قرصتهم نملة يجوا يقول ليك من ادخل النملة السودان؟؟
وطبعا بيكونوا الشيوعين الحمام الميت ده !!!!!!

فترنا منهم ياخ المقاطيع ديل
شئ تكسير بلوفات و شى خرم مواسير الموية
بعدين انا متأكده هم بيكونوا ورا مشاكل السدود
وقطع شك هم التماسيح العايمة فى بحر
مصنع النيل الابيض للسكر

ياخ شغل بتاع ميتين زى ده
يطرشنا و يعمينا

Post: #72
Title: Re: يا شيوعيين ...
Author: rummana
Date: 05-05-2012, 12:48 PM
Parent: #71

سلام للكل
Quote: الأخت رمانة لم أرد أن أناقش مسألة حضور النساء للتشييع هنا ، فالمسألة التي أوردتها هنا بمناسبة شريط بعنوان (يا شيوعيين) .. وذكر نضالهم ، ذكرت النضال الجديد في المقابر وهتاف الرجال والنساء ..
ودي مع إنها مناسبة لموضوع البوست ، وجزء منه ، لم تعجب البعض !! فبالإمكان أن أذكر أحكامها وأدلتها لاحقاً إن رأيت أنه أنسب .. وحالياً لعلنا نصل إلى إنكار من بعض الإخوة والأخوات هنا لخطأ هذا النضال الجديد
الأخ عارف الركابي
شكرا لك ويا ريت في البوست الجديد تكلمنا كمان عن تشييع الشهداء كما يفعل جيراننا في دول الربيع وفي غزة وهل فعلا الاسلام يسمح بتشييع الميت مكشوف الوجه كما نرى في وسائل الاعلام؟

Post: #73
Title: Re: يا شيوعيين ...
Author: عارف الركابي
Date: 05-05-2012, 12:49 PM
Parent: #71

Quote: د الركابى سلامات
بمناسبة المقابر

رائك شنو فى الاستثمار فى المقابر ؟

ماتم فى مقابر فاروق قبل سنوات مثالا
اكشاك الفواكه .حول سور المقابر


الأخ معاوية الصائم .. وعليكم السلام
وأعتذر لتأخر التعليق على مداخلتك هذه
من فضل الله علينا أن من أسهل الأشياء أن نقول للخطأ خطا وللباطل باطل وفق الأسلوب الشرعي الذي تحكمنا فيه نصوص شرعية
ضبطت مفهوم النصيحة وعلقته بتحقيق المصالح والمفاسد ومراعاتها .. ولذلك حثّ القرآن على النصح بالحكمة أو الموعظة الحسنة
أو المجادلة بالتي هي أحسن .. وفي فقه الدعوة إلى الله تعالى هناك فصول كاملة عن أنواع المدعويين ومن ينكر عليهم وأصنافهم وتنوع أساليبهم
وما ذكرته من تعد على مقابر في قضية محددة لا أعلمها فتأكد أنه إن كان خطأ فستجدني أصرح بخطئه وأنكره وفق قناعتي الشرعية بأسلوب الإنكار
ما في زول ولا جهة كبيرة على الحق (تب) يا ود الصائم
ومن توجيهات القرىن الكريم لنا (يَا أَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ وَلَوْ عَلَى أَنْفُسِكُمْ أَوِ الْوَالِدَيْنِ وَالْأَقْرَبِينَ..)
الحق حق والباطل باطل

_____________________________________
***خاطرة :
كثيرون إذا وجدوا اسم معاوية الصائم بالبورد تصوروا أشياء معينة من طبيعة مداخلاته واهتماماته هنا
وأنا لما اقرأ اسم معاوية الصائم أتذكر أعمامه الذين متعنا الله بجيرتهم .. أبشر علي الصائم وإخوانه حمزة وبشير
وأبناءهم وعشيرتهم .. فنعم الأهل والجيران .. رحم الله من مات منهم وحفظ الأحياء وجمعنا بهم على خير..

Post: #74
Title: Re: يا شيوعيين ...
Author: عارف الركابي
Date: 05-05-2012, 01:34 PM
Parent: #73

Quote: انا سهام دى بمعتقداتى اتفق معاك ومع الركابى ان للموتى حرمة
وانو فى اداب اسلامية يجب مراعاتها فى التعامل مع المقابر

ممكن افهم غضبة الركابى...
ويا عصام بحسن ظن فى الركابى انو حتى لو كان الوضع معكوس وكانت الدافنة
حقت معارض سلفى لحكومة شيوعية ظالمة و باطشة وعندها بيوت اشباح
قتل فيها كثير من السلفيين ... قام مات قائدهم ما ممكن الاخ عارف يوافق على اى نوع من الهتاف
حتى و لو كان... اسلامية مية المية .... او حكم الشريعة واجب وطنى

شكراً لك الأخت سهام إدانة هذا النوع من النضال الجديد..
وتمنيت أن يكون بعض من اكتفى بالسباب والشتائم كان في جرأتك في إحقاق الحق في هذه الجزئية
وبعضهم لجأ لأسلوب وماذا فعلتم للأحياء حتى تدافعوا عن الأموات .. وأتوقع لو أنهم قرأوا ما كتبوه في هذا الجزئية مرتين قبل نشره لما نشروه
وأعود للتعليق على هذه العبارات من مداخلاتك السابقة مما لم يسعفني الوقت بالتعليق عليه
Quote: الاخ الركابى شكلو البوست بتاعى ده وقع
ليك فى جرح مرحب بيك

لقد انقطعت عن المنبر فترة وتوقعت أن تنقضي عمالي لأرجع كما كنت ولكني وجدتها في ازدياد
فرغبت أن أترك بعض أعمالي لأتواصل بالمنبر وأتحاور ومع أن هذا الأسبوع هو الأخير في التدريس وكتابة الاختبارات مع ذلك
لقيت في نفسي رغبة في مناقشة بعض القضايا المهمة التي تدور بخاطري في الأسابيع الماضية فعنوان البوست ووجود مجموعة من الفطاحلة بالمنبر
فرغبت في نقاش مثمر عن هذا النضال وعن قضية تبني الإلحاد لدى الحزب الشيوعي وما القول الفصل فيها
إلا أن بعض الفطاحلة (خاب ظني فيهم) .. فقد اكتفوا بعبارات (أبشر هذا؟) و(طشاش) (وعمى) و(يستثيرهم) وما أشبهها
وشايف عاطف مكاوي مشى يجيب ليه في فيديوهات مصريين وداير يلبسنا الجلابية دي غصباً عننا .. صراحة يا عاطف تصرفك ما جميل
يعني إنتم فيكم اللينيني .. فيكم من لا يؤمن بوجود الله ... وفيكم البصلي بالناس في كوبر .. وفيكم البيوصي بمن يصلي عليه ويدعو له بعد موته ..
اسم مشكل ذاتو صعب كوصف للتشكيلة دي ..
وبضاعتك الشايلا وحايم بيها وفاتح بيها بوستات .. فلان يقول كدا .. وهذا فعل الوهابيين ... شغل ما كويس .. على قول بعضهم
Quote: على حسب فهمى انو الحزب الشيوعى مؤسسة حزبية عندها برنامج سياسى
(اختلفنا أو اتفقنا معه)
وينضم اليها الافراد على قناعة بالبرنامج ده
وما فى علاقة لدينهم بهذا
عشان كده بتلقى فى عضويتهم الملاحدة و المسلمين و المسيحيين
والحزب ما بيجبر زول على الحاد والا على دين
ومداخلتك تثبت ذلك

الأخت سهام قالت : (على حسب فهمي)
ونحن طالبين النجيضة ..
ولا يجوز كتمان العلم والناس بحاجة إليه .. (طبعاً لدى كل العقلاء).
لا زلنا في انتظار إجابة من (فطاحلة) الشيوعيين المشاركين في البوست للإفادة عن هذه الجزئية المهمة..
Quote: بعدين فى ناس كتار بينادوا شى بفصل الدين عن الدولة
شى ليبرالية شى ديمقراطية شى دولة المواطنة
ومافى زول قاعد يتهمهم بالالحاد

مافي زول بيتهمهم بالإلحاد .. والشيوعيون يتهمون لأن الحزب الشيوعي السوداني أصله الشيوعية الاشتراكية الروسية
وقامت النظرية الشيوعية على أن الدين أفيون الشعوب
وفي قواعد شرعية وهي واقعية أيضا مثل (التابع تابع) و(التابع لا يستقل بحكم) ..
فالحزب الشيوعي السوداني تابع للحزب الشيوعي الروسي ولذلك فيلزم الحزب الشيوعي السوداني أن يبرز القضايا التي يخالف فيها أصله وولي نعمته
وعادي الحوار ممكن يتفوق على شيخه والتلميذ يتفوق على أستاذه
بس دايرين النجيضة ... والوضوح ...
Quote: اما الجزء الاخير الخاص بأنهيار المعسكر الاشتراكى هو زاتو محل نقاش
فىما بينهم و ما بين الاخرين
يعنى انا لى هسه ما لاقانى شيوعى من اصحابى بيرفض النقاش فى القصة دى

والنظرية الاشتراكية من أصول الحزب الشيوعي .. وانهيارها أمر واقع وواضخ وضوح الشمس في كبد السماء
فإذا كان الشيوعيون يقرون بأنها غير ملائمة فليجهروا بذلك إذا ..

Post: #75
Title: Re: يا شيوعيين ...
Author: عارف الركابي
Date: 05-05-2012, 01:45 PM
Parent: #74

Quote: اخأنا الركابي برجع ليك أفكك ليك السلفية كيف انها تتعارض مع العلم و العقل.
المعرفة function of time .. المعرفة دالة فى الزمن يا شيخ الركابي

أخانا أبوبكر صالح
إنت جادي يا زول ؟!
انا قلت ليك مسائل العلم والمكتشفات والآي فون والسيارة والبيتزا وغيرها من المكتشفات بجيب ليك عليها أدلة كمان
أنا ما قايلك جادي ..
وطالما ده فهمك فإن شاء الله يتضح ليك الحق .. وغن شاء الله تزول الشبهة ونرحب بيك في المنهج اللفي عديل كده
بس جيب أدلتك في النقطة دي وأنا قاعد بي مهلة (تب)

Post: #78
Title: Re: يا شيوعيين ...
Author: عارف الركابي
Date: 06-05-2012, 05:10 PM
Parent: #75

Quote: الأخ عارف الركابي
شكرا لك ويا ريت في البوست الجديد تكلمنا كمان عن تشييع الشهداء كما يفعل جيراننا في دول الربيع وفي غزة وهل فعلا الاسلام يسمح بتشييع الميت مكشوف الوجه كما نرى في وسائل الاعلام؟


الأخت رمانة .. بإذن الله يتيسّر في الأيام القادمة وقت يناسب لتناول الموضوعات التي تفضلتي بذكرها .. وغيرها من موضوعات أرغب في طرحها والمناقشة فيها .. لم يتيسر في فترة الانقطاع السابقة ..
وموضوع تشييع قتلى المظاهرات بل قتلى الحروب فيه كثير من التجاوزات الشرعية التي يقع فيها أصحابها بسبب العاطفة أحياناً ، وقد تكون المتاجرة أيضاً لتحقيق الأهداف التي يرسمها كثيرون .. فيتم التعامل مع الموتى باعتبارهم سلعاً يتم بها الدعاية أو الكسب لتحقيق أهداف معينة .. وربما بعضهم ذهب بعيداً فتمنى أن يموت عدد أكثر وبطرق أفظع !! حتى تكون المتاجرة مجدية وعلى المستوى المطلوب !!
وكإشارة موجزة حتى ذلك الحين إن شاء الله .. أشير إلى أن تسمية الشخص بــ (شهيد) ورد بشانها توجيه شرعي ، أعني إطلاق لقب شهيد على الشخص المعين والجزم له بأنه شهيد ، وهذا لا ينافي ان (يرجى) له الشهادة في سبيل الله ، وهو مصطلح ضبطت الشريعة وصفه بأنه (من قاتل لتكون كلمة الله هي العليا)..
هذا في الإطلاق فقط .. فما بالك بما اصطلح عليه البعض من البدعة الترابية (عرس الشهيد) ؟!!! وهي بدعة ما أنزل الله بها من سلطان ،وفيها من الاستهتار بقضايا شرعية كثيرة للأسف ، وكما أن الإفراط لا يجوز فكذلك التفريط ، والحق وسط ، ولذلك هذا الذي تولى بدعة عرس الشهيد لم تمر سنوات قليلة حتى وصفهم بــ (الفطائس)!! وكان الواجب من البداية أن يرجو لهم الشهادة دون جزم ..
فلا يُجزم لشخص بالشهادة إلا من شهد له الله ورسوله فقط ، أي إن مصدر الجزم بالشهادة هو الوحي فقط لأن ذلك خبر ، ولأن البشر لا يعلمون عن الحالة التي مات عليها الشخص والأعمال بالخواتيم..

ومن تلك النصوص التي تجعلنا نرجو ولا نجزم هذا الحديث الوارد في صحيح البخاري
عَنْ أَبِي هُرَيْرَةَ قَالَ خَرَجْنَا مَعَ رَسُولِ اللهِ صلى الله عليه وسلم يَوْمَ خَيْبَرَ فَلَمْ نَغْنَمْ ذَهَبًا ، وَلاَ فِضَّةً إِلاَّ الأَمْوَالَ وَالثِّيَابَ وَالْمَتَاعَ فَأَهْدَى رَجُلٌ مِنْ بَنِي الضُّبَيْبِ يُقَالُ لَهُ رِفَاعَةُ بْنُ زَيْدٍ لِرَسُولِ اللهِ صلى الله عليه وسلم غُلاَمًا يُقَالُ لَهُ مِدْعَمٌ فَوَجَّهَ رَسُولُ اللهِ صلى الله عليه وسلم إِلَى وَادِي الْقُرَى حَتَّى إِذَا كَانَ بِوَادِي الْقُرَى بَيْنَمَا مِدْعَمٌ يَحُطُّ رَحْلاً لِرَسُولِ اللهِ صلى الله عليه وسلم إِذَا سَهْمٌ عَائِرٌ فَقَتَلَهُ فَقَالَ النَّاسُ هَنِيئًا لَهُ الْجَنَّةُ ، فَقَالَ رَسُولُ اللهِ صلى الله عليه وسلم كَلاَّ وَالَّذِي نَفْسِي بِيَدِهِ إِنَّ الشَّمْلَةَ الَّتِي أَخَذَهَا يَوْمَ خَيْبَرَ مِنَ الْمَغَانِمِ لَمْ تُصِبْهَا الْمَقَاسِمُ لَتَشْتَعِلُ عَلَيْهِ نَارًا فَلَمَّا سَمِعَ ذَلِكَ النَّاسُ جَاءَ رَجُلٌ بِشِرَاكٍ ، أَوْ شِرَاكَيْنِ إِلَى النَّبِيِّ صلى الله عليه وسلم فَقَالَ شِرَاكٌ مِنْ نَارٍ ، أَوْ - شِرَاكَانِ مِنْ نَارٍ.

Post: #79
Title: Re: يا شيوعيين ...
Author: عارف الركابي
Date: 06-05-2012, 06:19 PM
Parent: #78

Quote: إتهام أي شخص سلفي بـ (الذين يُنادون بأهمية التشريع لأحقية الزوج في مضاجعة زوجته المتوفاة...) غير مناسب بل غير عادل ولا يصح.. ده رأيي غايتو


شكراً لك .. الأخت رمانة .. شكراً للإنصاف والشهادة بالحق والواقع في وقت عزّ فيه الإنصاف

Post: #80
Title: Re: يا شيوعيين ...
Author: Siham Elmugammar
Date: 07-05-2012, 07:43 AM
Parent: #78

سلام للجميع
من امبارح ما قادرة اكتب فى البوست
دى محاولة ان شاءالله تنجح

Post: #81
Title: Re: يا شيوعيين ...
Author: abubakr salih
Date: 07-05-2012, 08:10 AM
Parent: #80

Quote:
أخانا أبوبكر صالح
إنت جادي يا زول ؟!
انا قلت ليك مسائل العلم والمكتشفات والآي فون والسيارة والبيتزا وغيرها من المكتشفات بجيب ليك عليها أدلة كمان
أنا ما قايلك جادي ..
وطالما ده فهمك فإن شاء الله يتضح ليك الحق .. وغن شاء الله تزول الشبهة ونرحب بيك في المنهج اللفي عديل كده
بس جيب أدلتك في النقطة دي وأنا قاعد بي مهلة (تب)

يا مولانا عارف الركابي
رايك شنو فى فكرة بوست منفصل للنقاش حول الدعوة السلفية؟ لو موافق بفتح بوست و نحدد الخطوط العريضة للنقاش حول السلفية و اثرها على الدين و على السياسية و المجتمع عموماً. انا بقدّم اٍنتقادات للدعوة السلفية و انتا قدّم دفوعاتك و الحكم الجمهور. اٍذا قبلت هذه الفكرة ممكن نتفق على الخطوط العريضة و ضوابط الحوار. الحوار المرتب مفيد لي و ليك و للقارئ المتابع. عشان أشرح ليك بتوسّع و مهلة كيف ان السلفية فكرة ضد العقل و ضد العلم.

Post: #82
Title: Re: يا شيوعيين ...
Author: أميرة فاروق عبد العال
Date: 07-05-2012, 09:17 AM
Parent: #81

والله الزول كايس ليهو فرقة في الشيوعين ديل ليهو زمن..
وقد تراءى لي منذ بداية البوست أنها فرصة للنيل منهم والأخذ بتأرنا منهم...

لم نرى منهم غير النجاض، بدءا بأخوة أشقاء في المنزل (أمير فاروق مثالا) وأصحاب جمعتنا بهم الظروف (معاوية عبيد) المنجض البورض مثال لا يقل شأنا..
لكن وبعد مرور أسبوع كامل لم يستقر حال البوست على رأي، فرأيت أن أدلي بدلوي وأقول الجادت بيها القريحة وألملم أذيال خيبتي وأمشي..

لكن لا يفوتني أن أحييك أخت سهام وحمدا لله على السلامة..

Post: #83
Title: Re: يا شيوعيين ...
Author: عبدالله احيمر
Date: 07-05-2012, 12:15 PM
Parent: #82

Quote: والنظرية الاشتراكية من أصول الحزب الشيوعي .. وانهيارها أمر واقع وواضخ وضوح الشمس في كبد السماء
فإذا كان الشيوعيون يقرون بأنها غير ملائمة فليجهروا بذلك إذا ..


Quote: يلا اجهــروا ياشــباب

................
السعادة الليلة جات بالحلا المابنقدرا

مع الاعتذار للأغنية و لسـهام المجمر


Post: #84
Title: Re: يا شيوعيين ...
Author: Siham Elmugammar
Date: 07-05-2012, 01:20 PM
Parent: #83

اوووووووه كانت قصة
البوست قفل معاى بس الحمدلله
الشيوعى جبرالله طلع مفيد
قال بس غيرى البراوز بفتح معاك و قد حدث فعلا
مش انا قلت ليكم الشيوعيين ديل مصايب بعرفوا حاجات كتيرة
و بيستفدوا من ده فى اشاعة عدم الاستقرار القلاقل على كل المستويات
حتى على مستوى بوست سخيف وممجوج فى سودانيزاولاين!!!!
كلو عشان هم دايرين الناس تتلهى و تسكت على حالها
وتقعد فى دمارها
هو نان تغييب الجماهير كيف اكتر من كده

___________________________________________
الاخ الرفاعى
كتبت

Quote: وشايف عاطف مكاوي مشى يجيب ليه في فيديوهات مصريين وداير يلبسنا الجلابية دي غصباً عننا .. صراحة يا عاطف تصرفك ما جميل
يعني إنتم فيكم اللينيني .. فيكم من لا يؤمن بوجود الله ... وفيكم البصلي بالناس في كوبر .. وفيكم البيوصي بمن يصلي عليه ويدعو له بعد موته ..
اسم مشكل ذاتو صعب كوصف للتشكيلة دي ..
وبضاعتك الشايلا وحايم بيها وفاتح بيها بوستات .. فلان يقول كدا .. وهذا فعل الوهابيين ... شغل ما كويس .. على قول بعضهم


ثم

Quote: مافي زول بيتهمهم بالإلحاد .. والشيوعيون يتهمون لأن الحزب الشيوعي السوداني أصله الشيوعية الاشتراكية الروسية
وقامت النظرية الشيوعية على أن الدين أفيون الشعوب
وفي قواعد شرعية وهي واقعية أيضا مثل (التابع تابع) و(التابع لا يستقل بحكم) ..
فالحزب الشيوعي السوداني تابع للحزب الشيوعي الروسي ولذلك فيلزم الحزب الشيوعي السوداني أن يبرز القضايا التي يخالف فيها أصله وولي نعمته
وعادي الحوار ممكن يتفوق على شيخه والتلميذ يتفوق على أستاذه
بس دايرين النجيضة ... والوضوح ...


والله ذكرتنى ببوست قديم قبل كم سنة لميادة ترجو فيه المساعدة على
كتابة رسالة الدكتوراة بتاعتها .. انا البوست داك متحيرة فيهو لى هسه
ونفسى أسألها اقول ليها خلصتى الرسالة والا لا عشان نقراه
لكن خفت اكون اسخف و امج من كده

يا شيوعيين ياخ لو سمحتوا تعالوا بهدوء ومن غير لنقاش اخونا عارف الركابى ده
فانا مثل الحركة الشعبية لن اقود معارك اى زول و كده


و بعدين انا زولة سخف و مجاجة سااااى
ما عندى اى علاقة بالمفاهمات و المفاكرات
وقصص بتاعة بلاشفة و مناشفة
وبروسترويكا و حسن طعمية
ونقاش زى ده الا اعيد ليهو الجامعة

Post: #85
Title: Re: يا شيوعيين ...
Author: esam gabralla
Date: 07-05-2012, 03:32 PM
Parent: #84

لى كم يوم مدوره في راسي أبيات محمود درويش:
في كل مئذنةٍ
حاوٍ و مغتصب
يدعو لأندلسٍ
إن حوصرت حلب
-------------------------------

أخونا عارف ... جاى أقول ليك كم حاجه مهمه بالنسبه لى

Post: #86
Title: Re: يا شيوعيين ...
Author: sari_alail
Date: 07-05-2012, 03:56 PM
Parent: #85

براكم جبتو الهوا لي روحكم ... لوووول ...... *زول مادي لسانو *

Post: #87
Title: Re: يا شيوعيين ...
Author: Siham Elmugammar
Date: 07-05-2012, 04:37 PM
Parent: #86

اوووو عصام جبرالله

اخيرا ايها الشيوعيين قررتو تقودوا معاركم بانفسكم

جميل جميل لز الباب وادخل و خلينى من محمود درويش
كع

______________________
الابن سارى الليل
لا حوله
Quote: براكم جبتو الهوا لي روحكم ... لوووول ...... *زول مادي لسانو *


صدق انا زاتى قلت كده (زول عامل زيك)

يا دوب الواحد يقدر يرجع لموضوعو الرئيسى و يفضح الشيوعيين ديل

Post: #88
Title: Re: يا شيوعيين ...
Author: عماد حسين
Date: 08-05-2012, 10:58 AM
Parent: #87

تساؤلات كثيرة جرى طرحها من قبل د. عارف الركابي في هذا البوست

إجتماع هذا العدد الكبير من مستنيري الشيوعيين كان يبشر بطرح مثمر يشفي غليل المارين من هنا

ولكن!!!!

،،،،،،،،،،،،،،،،،، عموماً.. لم ينقطع الرجاء بعد

Post: #89
Title: Re: يا شيوعيين ...
Author: abubakr salih
Date: 08-05-2012, 11:11 AM
Parent: #88

Quote:
أخانا أبوبكر صالح
إنت جادي يا زول ؟!
انا قلت ليك مسائل العلم والمكتشفات والآي فون والسيارة والبيتزا وغيرها من المكتشفات بجيب ليك عليها أدلة كمان
أنا ما قايلك جادي ..
وطالما ده فهمك فإن شاء الله يتضح ليك الحق .. وغن شاء الله تزول الشبهة ونرحب بيك في المنهج اللفي عديل كده
بس جيب أدلتك في النقطة دي وأنا قاعد بي مهلة (تب)

يا مولانا عارف الركابي
رايك شنو فى فكرة بوست منفصل للنقاش حول الدعوة السلفية؟ لو موافق بفتح بوست و نحدد الخطوط العريضة للنقاش حول السلفية و اثرها على الدين و على السياسية و المجتمع عموماً. انا بقدّم اٍنتقادات للدعوة السلفية و انتا قدّم دفوعاتك و الحكم الجمهور. اٍذا قبلت هذه الفكرة ممكن نتفق على الخطوط العريضة و ضوابط الحوار. الحوار المرتب مفيد لي و ليك و للقارئ المتابع. عشان أشرح ليك بتوسّع و مهلة كيف ان السلفية دعوة ضد العقل و ضد العلم.

Post: #90
Title: Re: يا شيوعيين ...
Author: عماد حسين
Date: 08-05-2012, 11:28 AM
Parent: #89

Quote: يا مولانا عارف الركابي
رايك شنو فى فكرة بوست منفصل للنقاش حول الدعوة السلفية؟ لو موافق بفتح بوست و نحدد الخطوط العريضة للنقاش حول السلفية و اثرها على الدين و على السياسية و المجتمع عموماً. انا بقدّم اٍنتقادات للدعوة السلفية و انتا قدّم دفوعاتك و الحكم الجمهور. اٍذا قبلت هذه الفكرة ممكن نتفق على الخطوط العريضة و ضوابط الحوار. الحوار المرتب مفيد لي و ليك و للقارئ المتابع. عشان أشرح ليك بتوسّع و مهلة كيف ان السلفية دعوة ضد العقل و ضد العلم.


يا أبكر

هسع في عدة تساؤلات مثارة هنا... هل في طريقة تواصلوا فيها

يعني مثلاً

موقفكم شنو من وصية نقد يصلي عليهو فلان شيخ الطريقة الفلانية؟!!!

يعني حتى شيخكم لما ترك وصية اختار أن يصلي عليه شيخ بمواصفات محددة

الحتة دي نفسها عميقة الدلالة، وتعني أن عمنا نقد كان عارف شنو معنى الموت، وشنو بينتظر العبد بعد الموت

ودي نقطة إيمانية مهمة جداً: الإيمان باليوم الآخر والبعث والنشور

ترى هل تابت الشيوعية السودانية؟!

أم أن نقد انفلت وحده من ربقة رسومها العقدية؟!

أم أن الشيوعية السوداني هي في الأساس مؤمنة بما نؤمن به نحن عامة المسلمين؟!

الحتة دي الشيوعيين حتى الآن ما قادرين يحرروا ويصوغوا فيها كلام مقنع

نتمنى أن تنجلي هذه الغمامة عن رد واضح حول حقيقة الشيوعية السودانية

Post: #91
Title: Re: يا شيوعيين ...
Author: Siham Elmugammar
Date: 08-05-2012, 12:01 PM
Parent: #90

Quote: أم أن الشيوعية السوداني هي في الأساس مؤمنة بما نؤمن به نحن عامة المسلمين؟!

الحتة دي الشيوعيين حتى الآن ما قادرين يحرروا ويصوغوا فيها كلام مقنع


يا عماد ازيك رغم انى دايرة امرق رقبتى دى من النقاش ده
عشان ممكن اتفهم و كأنى واقفة مع الشيوعيين
لكن لقيت روحى دايرة اقوول حاجة صغيرة

الشيوعيين اساسا ما مفروض يدخلو فى حتة زى دى
ودخولهم فى الجدل ده هو جزء من ازمة خطهم السياسى

Post: #92
Title: Re: يا شيوعيين ...
Author: عماد حسين
Date: 08-05-2012, 12:32 PM
Parent: #91

Quote: يا عماد ازيك رغم انى دايرة امرق رقبتى دى من النقاش ده
عشان ممكن اتفهم و كأنى واقفة مع الشيوعيين
لكن لقيت روحى دايرة اقوول حاجة صغيرة

الشيوعيين اساسا ما مفروض يدخلو فى حتة زى دى
ودخولهم فى الجدل ده هو جزء من ازمة خطهم السياسى


الأخت سهام

ربنا يديك العافية.. وأشكرك كتير على ردك

في الحقيقة نحن نرى أن مشكلة الشيوعيين في السودان أنهم غير متصالحين مع أنفسهم كمجموعة

وليسوا متصالحين مع واقعهم ومقتضيات عصرهم

يعني حتى حقبة "البيروستريكا" وانهيار الدولة الشيوعية الروسيةن كأنها معزولة عن سياق رصدهم التاريخي

الناس مكبرين اللفة في الحتة دي ليه؟!!!

يعني حتى الآن هناك عدة أسئلة

من أنتم (معليش.. دي مش حقت القذافي) :)
دايرين شنو (البرنامج)
مرتكزاتكم شنو (النظرية)
العقيدة الجامعة لكم، ماهي؟!
هل تأخذون الشيوعية التقليدية ككل لا يتجزأ
أم لديكم مفهوم آخر يتجاوز المفهوم العقدي القديم للشيوعية
هل تتعاملون مع الشيوعية بانتقاء ما تعتقدون أنه صالح وطرح الطالح
ولّ الحاصل شنو

يا أخت سهام.. أسوأ حاجة في في أي "فكرة" أن تجد أن معتنقيها يقتلونها بأيديهم

لكونهم يهربون من معالجة واقعهم ومستجدات العصر، ولا يستطيعون الجواب عما يطرح عليهم

يا أخت سهام.... أظنك تعرفين: حتى الدين الذي نزل من فوق 7 سبع سموات يحتاج للنظر في المستجدات
والحوادث وقولبتها وإيجاد أحكام لها من روح التشريع، على نحو لا يخل بمنهجه ولا ينقض أسسه

وفي السنة النبوية "ان الله يبعث للأمة على رأس كل 100 سنة من يجدد لها أمر دينها".. الحديث بمعناه

فالتجديد ومسايرة الواقع والإجابة عن أسئلة الحاضر هذه كلها أمور ضرورية

بخلاف ذلك تموت الفكرة، ويكون معتنقوها مجموعة جامدة ومتحجرة

ما عاوز أتجاوز وأقول ليك: ممكن يكونوا مجموعة من الهاربين

أسوأ مافي هذه الأسئلة أنها مطروحة حول كيان قديم، مع عدم وجود اجابات حتى الآن

الحاصل شنو يا جماعة.. السؤال موجه لمستنيري الشيوعية

شكري واحترامي للأخت/ سهام

Post: #93
Title: Re: يا شيوعيين ...
Author: عارف الركابي
Date: 08-05-2012, 11:51 PM
Parent: #92

الأخ عماد حسين
أشكرك للتذكير بل وزيادة التوضيح للأسئلة التي طرحت في هذا البوست .. وكما تفضلت فإنه لا يزال هناك رجاء ..

الأخت سهام ..
حرصك على دخول البوست والتعليق على المشاركات رغم توقف بعض من لم يتورعوا في صرف إساءات دون الإجابة عن القضايا المتعلقة بالفكرة والحزب الشيوعي رغم توقفهم عن المشاركة فحرصك على التعليق شيء تشكري عليه

وعموماً سنرابط هنا حتى حين .. عسى ولعل .. الأسئلة المتعلقة بمبادئ وأصول وقواعد هذا الحزب وموقفه من الأديان والإلحاد تجد إجابات وتوضيحات من الفطاحلة الذي زان البوست بوجودهم ..
أؤكد أن الشيوعية تم حذف تدريسها من بعض مقررات كليات الشرعية .. لأن ما بقي منها لا يستحق أن يفرد بالدراسة والتشخيص ، لكن مع ذلك ففرصة لنأخذ من السند العالي بوجود بعض الفطاحلة هنا ليخبرونا ويجيبونا على أسئلتنا بشأن هذا الحزب وفكرته ..

الأخ عبد الله إحيمر
لم أعلق على بقية مداخلاتك السابقة لأني منتظر تعليقك على ما نسبته لي وأنا بريء منه براءة الذئب من دم يوسف عليه السلام
يا أثبتو .. يا اعتذر منه (استحساناً) ..
وأما اقتباس شيء من مداخلاتي وتلوينها دون التعليق .. فما أظنه المناسب في وجهة نظري
لأن المقام هنا مقام تفصيل .. خش بالواضح ..
وزول زيك يسكب كمية كلام كتير في هذا الشريط تجاهي ويسيء بأنا كلامي (فارغ) ويجود بعبارات : (توم) و(الأعمى شايل المكسر) وغيرها
ما أظن يجي بعد التفصيل في الإساءات يقتبس ويلون ويجدع ..
ادحض كلامي وناقش .. وجيب ما عندك .. أنا شايف كده أحسن (والله صحي) !!

Quote: يا مولانا عارف الركابي
رايك شنو فى فكرة بوست منفصل للنقاش حول الدعوة السلفية؟ لو موافق بفتح بوست و نحدد الخطوط العريضة للنقاش حول السلفية و اثرها على الدين و على السياسية و المجتمع عموماً. انا بقدّم اٍنتقادات للدعوة السلفية و انتا قدّم دفوعاتك و الحكم الجمهور. اٍذا قبلت هذه الفكرة ممكن نتفق على الخطوط العريضة و ضوابط الحوار. الحوار المرتب مفيد لي و ليك و للقارئ المتابع. عشان أشرح ليك بتوسّع و مهلة كيف ان السلفية فكرة ضد العقل و ضد العلم.

الأخ أبو بكر صالح :
ما عندي أيتها مانع (تب) من نقاشك في السلفية وما تذكره بشأنها ..ووالله إني لفي شوق لذلك
لكن أظن الموضوعية تقتضي ننجض شغلتنا الفتحتها لينا الأخت سهام هنا .. وتبعها تساؤلات وموضوعات عن الشيوعية والحزب الشيوعي
نناقشها ونمشي بهناك إن شاء الله

Post: #94
Title: Re: يا شيوعيين ...
Author: Siham Elmugammar
Date: 09-05-2012, 05:47 AM
Parent: #93

سلامات يا عماد
الشيوعيين ديل ما بعرفوا غيرالهروب
انا غايتو بكلمهم و بقول ليهم
كده ما كويس

____________________
ابوبكر صالح سلامات
أركز بس
و تعال استلم البوست ده
انا من بكرة ح اكون على سفر
ان شاءالله
_______________________
الاخ الركابى سلامات
Quote: حرصك على دخول البوست والتعليق على المشاركات رغم توقف بعض من لم يتورعوا في صرف إساءات دون الإجابة عن القضايا المتعلقة بالفكرة والحزب الشيوعي رغم توقفهم عن المشاركة فحرصك على التعليق شيء تشكري عليه


شكرا على شنو؟
انا زنقات الشيوعيين دى بتعجبنى شديد

و من هنا بقول ليهم
حفر ايدكم وغرق ليكم
قدر ما حدثناكم ما سمعتوا الكلام
اللهم شماتة

Post: #95
Title: Re: يا شيوعيين ...
Author: عماد حسين
Date: 09-05-2012, 06:07 AM
Parent: #94

حتى الان لا تزال الأسئلة ماثلة لزملاء المنبر من الشيوعيين

إفلات هذا الشريط وانتقاله لغياهب الأرشفة على هذا النحو سيؤسس لفكرة:

1/ إما أن هؤلاء الزملاء يعتنقون فكراً ليسوا مؤهلين للدفاع عنه

2/ أو أنه في الأصل ليس فكراً، بل هو شلو ممزع من أحاسيس وعواطف وأفكار لا تصلح أن تنهض على قدم الفكر

خلاصة القول، مع انتفاء موانع النقاش فإن:
الفكر الذي لا يستطيع صاحبه الدفاع عنه، إمّا أنه فكر ميت لا يصلح ليبقى ويقاوم، أو أن صاحبه ميت لا يصلح ليبقى ويدافع عنه

وكلاهما علتان مهلكتان

Post: #96
Title: Re: يا شيوعيين ...
Author: طارق أحمد خالد
Date: 09-05-2012, 07:13 AM
Parent: #95

لا حولاااااااا؟
دا شنو دا؟

جنس ألغام؟
متاوقة...... ثم مروق سريع

Post: #97
Title: Re: يا شيوعيين ...
Author: عبدالله احيمر
Date: 09-05-2012, 11:05 AM
Parent: #96

Quote: الأخ عبد الله إحيمر
لم أعلق على بقية مداخلاتك السابقة لأني منتظر تعليقك على ما نسبته لي وأنا بريء منه براءة الذئب من دم يوسف عليه السلام
يا أثبتو .. يا اعتذر منه (استحساناً) ..
وأما اقتباس شيء من مداخلاتي وتلوينها دون التعليق .. فما أظنه المناسب في وجهة نظري
لأن المقام هنا مقام تفصيل .. خش بالواضح ..
وزول زيك يسكب كمية كلام كتير في هذا الشريط تجاهي ويسيء بأنا كلامي (فارغ) ويجود بعبارات : (توم) و(الأعمى شايل المكسر) وغيرها
ما أظن يجي بعد التفصيل في الإساءات يقتبس ويلون ويجدع ..
ادحض كلامي وناقش .. وجيب ما عندك .. أنا شايف كده أحسن (والله صحي) !!


الاخ عارف
سـلام
1 / ماذا نســبت لك ؟ حتى اعتذر عنه , لو نسـبت لك شـيء اعتذر و ( كراعي فوق رقبتي - مثل ســوداني )
2 / كنت اقرأ لك في بعض البوسـتات و احترم وجهة نظرك من منطلقك السـلفي برغم اختلافي معه , اكرر كنت احترم ما تقول و اتدبره ولكن لما جيت هنا
و دخلت في ان المشـيعيين لم يحترموا الموتى و المقابر و حضور النسـاء للتشـييع ( برغم الخلاف في ذلك ) طرحت عليك بعض الأسئـلة التي لم تجاوب عليها ( فقد كنت انا احد من وصفتهم بما وصفت )
3 / مارايك حول كلامك ان المشــيعيين من النسـاء ( مجموعة معينة ) , و قد كنت واحد من الذين اصبتهم و اهلي وجيراني و معارفي و خاصة النسـاء منهم , ولم تجاوب
4 / التوم ريحتو واحدة دا مثل سـوداني يعني التشـابه و لم اقصد به الاســاءة و لم يسـعفني مثل آخر لاعبر به و لك العتبى ( و ارجو ان ترضى ) إن رأيت في هذا المثل ادنى اسـاءة لك


إن تجاوزت عن كل ما كتبته اخي عارف فلن اتجاوز قولك ( محموعة معينة ) , من هي هذه المجموعة ؟ و ما الذي يجمع بينها ؟ و اسـتحلتك ان تجاوب صدقا بما ككان في بالك في لحظة ما كتبت

Post: #98
Title: Re: يا شيوعيين ...
Author: Siham Elmugammar
Date: 09-05-2012, 03:31 PM
Parent: #97

سلامات الباش هندسة طارق
Quote: لا حولاااااااا؟
دا شنو دا؟

جنس ألغام؟
متاوقة...... ثم مروق سريع


وانت ده شنو ده الهروب السريع اوع تكون بقيت شيوعى

الشيوعيين علموك الهروب اصلهم كده خير بجى منهم مافى

Post: #99
Title: Re: يا شيوعيين ...
Author: د.نجاة محمود
Date: 10-05-2012, 03:26 AM
Parent: #98

مدرسة يا شيخ عارف مدرسة
تسلم تسلم تسلم تسلم


عملت من الفسيخ شربات ودفعت بالتي هي احسن
يخضر ضراعك يا مولانا

كدا المفروض يكون الحوار المثمر المفيد جدا

Post: #100
Title: Re: يا شيوعيين ...
Author: د.نجاة محمود
Date: 10-05-2012, 03:35 AM
Parent: #99

Quote: 3 / مارايك حول كلامك ان المشــيعيين من النسـاء ( مجموعة معينة ) , و قد كنت واحد من الذين اصبتهم و اهلي وجيراني و معارفي و خاصة النسـاء منهم , ولم تجاوب

دي بس حركة ما تكتح ذاتها يا عبدالله
الزول دا اتكلم عن حالة عامة حصلت وجاب فيها راي الشرع

طوالي انت عملتها حالة تخصك


عندك غبينة تاني ختها ليه عديل لانه لا جاب اهلك ولا جاب جيرانك ولا معارفك ولا نسائك خاصة
اي زول عنده كلام ما يتلولو يجي ختو دززززززززززززز
ونكرر قد كتب مولانا وجهة نظره الدينية وما الخاصة
انا اتفق معه في وجهة نظره ما حدث في كل الجنائز دي غلط وتحولت بالجد الى سيرك
ولم يحدث في تأريخ السودان ان وطئت القبور او تحدث سياسي في لحظة تنزيل الجثمان الى القبر كما فعل عرمان في جنازة محمد موسي حيث تحدث الى الجزيرة
في لحظة تنزيل الجثمان. التي يجب فيهاالصمت الا من الدعاء لمهابة هذه اللحظة والحزن والم الفراق الابدي في نفوس الاهل والمعارف والاحباب

الجثامين لا تقاتل..

مع المودة

Post: #101
Title: Re: يا شيوعيين ...
Author: عارف الركابي
Date: 10-05-2012, 07:52 AM
Parent: #100

Quote: الاخ عارف
سـلام
1 / ماذا نســبت لك ؟ حتى اعتذر عنه , لو نسـبت لك شـيء اعتذر و ( كراعي فوق رقبتي - مثل ســوداني ) -

الأخ عبد الله إحيمر .. وعليكم السلام ورحمة الله

توضيحاً لما نسبته لي وأنا منه بريء وقد بينته لك في مداخلتي الأولى عندم بدأت أعلق على مداخلاتك ..
فقد قلت أنت في أول مداخلة لك تعلق بها على مشاركاتي بهذا البوست قلت :
Quote: يا عارف دا نـوع الكلام الفارغ الذي تهدف منه لمخاطبة عاطفة الناس و تجريم الشـيوعيي
انا ما شــيوعي و ذهبت لوداع نقـد و بدون دعوة من احـد, فاين المتاجرة التي قاموا بها
اعدل يا عارف


هذا هو أول كلام لك توجهه لي في هذا الشريط ، وبيّنت فيه أن كلامي فارغ ، وأسست كلامك في ذلك على أني تطرقت لحضور التشييع أو الدعوة للمشاركة فيه وعلقت على هذا الكلام منك وقلت لك :
Quote: شفت انطلاق السير بنمرة 5 بسوي شنو ؟!
العجلة ما كويسة يا عبد الله احيمر
البوست ده كلو أنا اتكلمت فيه عن تشييع جنازة نقد ؟!
أبرأ إلى الله من أن أمنع من ذلك أو أتدخل في قضية كهذه
تمشي يا راجل وتسوق معاك أولاد حلتك كمان وتأجر بص سياحي .. المشكلة وين ؟!

ركز يا عبد الله احيمر
الكلام هنا عن هتاف في المقابر بشعارات محددة .. ده الكلام أولو وآخرو .. متاجرة بجثث وساعات تشييع .. وارجع شاهد فيديوهات دفن حميد .. كمثال آخر
ياخ انت فاهم غلط (تب)


فأنت وجهت لي اتهاماً وحاولت أن تثبت أن كلامي (فارغ) ويه (استغلال) ويراد منه (تجريم) وأنا بريء من منطلق اتهامك
أنا موضوعي في الشريط ده كله في قضية المقابر مركز على قضية الهتافات في المقابر
ولمزيد من بيان موقفي الواضح هنا أعيد هذه المداخلات :
دي أول مشاركة لي في الشريط :
Quote: يوجد نوع جديد من النضال الشيوعي :
نضال في المقابر .. عند ساعات التشييع
(يجتمع في الرجال والنساء صفا واحداً )
إبراز عضلات وإثبات وجود في مراقد الموتى وبيوتهم ..
ولا بأس أن تحضر قناة الجزيرة ذاتها ..
ولا بأس ان يبدل .. (نحن من زمن الطيور الما بتعرف ليها هجعة)
بي :
نظهر النضال على رؤوس أهل القبور وما بنعرف ليها حرمة ..

مجرد التشييع المعروف وأداء الواجب لا يسمى نضالا .. ولم أتطرق له البتة !!

وده تعليق مني على مداخلة لعصام جبر الله :
Quote: قرصتها مالك يا مستنير ؟!
أنا قلت وجود النساء فقط ؟!
مالك مختصر الموضوع في الوجود وبس ؟!
أنا ذكرت (النضال) ... والبوست عن نضال الشيوعيين .. مادة ( ن ض ل)
النضال في المقابر والهتافات .. من الشيوعيين في أكثر من جنازة ..

وبنفس المداخلة قلت له :
Quote: انعدمت أماكن النضال ولم يبق للشيوعيين إلا المقابر
انتهت الأشرطة (المجلودة والمغتصبة) والطالب الجنازة ... وهلم جرا !!
وقبلتو على المقابر ؟!

ثم تقول (إبان الأحزان) .. وهل من الحزن الهتافات الشيوعية الخالصة ... (انظر يوتيوب بالجملة) .. وهل من الأحزاب ترداد هتافات (حرية) في رؤوس اهل القبور ؟! دي أحزان يمكن لكنها بفهمك أحزان أخرى


وفي تعليق على مداخلة لأبو بكر صالح
Quote: خليك دقيق أخي من آدم .. أنا جبت قصة (مقابر) فقط أم أني ذكرت قضية (نضال في المقابر)ارجع غير مأمور لأول مداخلات الأخت سهام .. وشوف كلامي عن (نضال المقابر) كيف هو منسجم مع موضوع البوست ..


يبدو أني تعبت جداً لتوضيح رأيي المطروح في هذا البوست
لعل الأمر اتضح لك يا أخ عبد الله ..
أنا ما تطرقت لقضية تشييع نقد أو غيره ، وحتى لو في جهات دعت لذلك فما من حقي أقول كلمة أعترض بل من مشى يشيع من ظاهره الإسلام فلا أستطيع أن أعترض عليه أبداً وأبرأ إلى الله من ذلك ..
البوست ده مداخلاتي فيه في قضية الهتافات والتصفيق في المقابر واستغلال تلك اللحظات لإثبات أن الحزب الشيوعي موجود ..
حاجة تزعل شديد يا عبد الله ..

ولم أعلق على بقية المداخلات ليس زهداً في التعليق ، ومن حقك علي أن أعلق على كل كلمة قلتها مهما كررت أن كلامي فارغ في عدة مرات ، ومهما وصفتنا بالأعمى شايل المكسر وغيره ..
لكني كنت أنتظر تعليقك على مداخلتي تلك .. وهو ما أنتظره ، حتى يتبين لي اتضح لك الأمر أم لا .. علما بأني لا أحتاج لاعتذار فقط أريد الآن أن يتبين لي أن الأمر اتضح لك أم لا
أنتظر تعليقك على هذه النقطة حتى أعلق على مداخلاتك السابقة ومداخلتك الأخيرة
ويا أخي أنا بالي أطول مما تتوقع .. ويا دوب اليوم بدأنا شبه الإجازة .. يعني اتمهلت الآن .. وأحرص على نقاش فيه موضوعية وثمرة ، وأبحث عن الفائدة التي أفيدها من الإخوة والأخوات هنا .. قبل كل شيء

Post: #102
Title: Re: يا شيوعيين ...
Author: عارف الركابي
Date: 10-05-2012, 08:02 AM
Parent: #101

Quote: مدرسة يا شيخ عارف مدرسة
تسلم تسلم تسلم تسلم


عملت من الفسيخ شربات ودفعت بالتي هي احسن
يخضر ضراعك يا مولانا

كدا المفروض يكون الحوار المثمر المفيد جدا


الأخت د.نجاة محمود .. بارك الله فيك ..
هذا الموضوع أشغلني من فترة ولم أجد وقتاً لطرحه ، ووجدت الفرصة جيدة لنقاشه هنا خاصة والبوست به مجموعة كبيرة من شيوعيي المنبر
وقد نشرت مقالاً صحفياً يوم الثلاثاء الماضي في هذه القضية سأضعه هنا إن شاء الله ..
وإن شاء الله يستمر الحوار والنقاش ووجودك مهم .. سددك الله ..

Post: #103
Title: Re: يا شيوعيين ...
Author: Siham Elmugammar
Date: 10-05-2012, 09:08 AM
Parent: #102

سلامات لكل من مر من هنا واحترام وتحية

يا جماعة فردا فردا
البوست بوستيكم اقعدو بالمهله
وما اوصيكم على الشيوعيين ده كان كرو
تعدموهم نفاخ النار

________________
ان شاءالله لمدة 10 يوم ممكن اكون ما بقدر
اتداخل معاكم لظروف
ده عشان ما تفتكروا انى فريت زى الجماعة ديل
ابرأ واستبرا منهم/ن
ادعو لينا معاكم بالسلامة والعافية

Post: #104
Title: Re: يا شيوعيين ...
Author: Siham Elmugammar
Date: 10-05-2012, 09:09 AM
Parent: #102

سلامات لكل من مر من هنا واحترام وتحية

يا جماعة فردا فردا
البوست بوستيكم اقعدو بالمهله
وما اوصيكم على الشيوعيين ده كان كرو
تعدموهم نفاخ النار

________________
ان شاءالله لمدة 10 يوم ممكن اكون ما بقدر
اتداخل معاكم لظروف
ده عشان ما تفتكروا انى فريت زى الجماعة ديل
ابرأ واستبرا منهم/ن
ادعو لينا معاكم بالسلامة والعافية

Post: #105
Title: Re: يا شيوعيين ...
Author: عارف الركابي
Date: 11-05-2012, 01:54 AM
Parent: #104

Quote: سلامات لكل من مر من هنا واحترام وتحية

يا جماعة فردا فردا
البوست بوستيكم اقعدو بالمهله
وما اوصيكم على الشيوعيين ده كان كرو
تعدموهم نفاخ النار

________________
ان شاءالله لمدة 10 يوم ممكن اكون ما بقدر
اتداخل معاكم لظروف
ده عشان ما تفتكروا انى فريت زى الجماعة ديل
ابرأ واستبرا منهم/ن
ادعو لينا معاكم بالسلامة والعافية


الأخت سهام .. سلمك الله وعافاك
أنا واحد ما بقصر (تب) قاعد بي مهلة في بوستيك ده (سابقاً) .. بوستينا جميعاً (لاحقاً)
وما قاطعين العشم في في جيّتهم/هن ..
وشكراً ليك مرة أخرى على الإذن المفتوح ..
وترجعي بالسلامة وتلقي بوستك إن شاء الله في الصفحة الأولى

Post: #106
Title: Re: يا شيوعيين ...
Author: عارف الركابي
Date: 11-05-2012, 11:06 AM
Parent: #105

هذا هو المقال الذي أردت نشره من فترة ، وكان هذا البوست سبباً في نشره وقد نشر يوم الثلاثاء الماضي

(نضالٌ) على رؤوس أهل القبور ومراقدهم ..!!
د. عارف عوض الركابي
لئن عاش الشيوعيون واليساريون في حالة عزلة في المجتمع ، ولئن فشلوا في إيجاد وسائل تُزَيّنُهُم وتُزَيِّنُ توجهاتهم وأفكارهم في مجتمعنا فإن ذلك غير مستغرب ، بل هو واقع نعيشه ومنذ زمان طويل ، ولئن تمسكوا بخيوط رقيقة وأحداث عابرة بحثاً عن إثبات الوجود فهو الأمر المشاهد والواقع (الممجوج) ، فقد سعوا لأن يجعلوا من قصة (بنطلون الصحافية) قضية كبرى حتى أصبحت من الأحداث الدولية ، شارك فيها بعض أصحاب المناصب الرفيعة في دول غربية كفرنسا !! وبعد حين رأوا أن في فيديو الفتاة (المجلودة) ــ والإسلام بريء من طريقة جلدها ــ رأوا فيه مخرجاً لعزلتهم وتزييناً لتشوهاتهم الفكرية (الخًلْقِيّة) .. وبنفس الأسلوب كانت تصرفاتهم ومقالاتهم وتعليقاتهم في فيديو الفتاة (المغتصبة) ، ولم يجدوا في ذلك وأشباهه ما يحقق لهم تلك الأماني ، ولا يزالون يبحثون عن وسائل ، ومن عجائب وسائلهم وأنواعها أنهم من أكثر المعتنين بالاحتفال بذكرى قتل المرتد محمود محمد طه ، ومن أكثر من يعتني بلفت الانتباه إليها ، وعند سؤال بعضهم عن سر عنايتهم بالذكرى السنوية لقتل مدعي الرسالة الثانية في يناير من كل عام ــ رغم ما يظهر من كثير من صور الاختلاف بين الفكرتين الشيوعية والجمهورية ــ أجاب أن سبب ذلك يرجع إلى أنه شخص كان جريئاً في إظهار التحرر من الدين الموروث ، وأعلن على الملأ أنه أقبل على حرية الفكر ، دون التقيد بالمفاهيم التي عليها علماء وعامة المسلمين.

ومن عجائب ما توصلوا إليه من وسائل : تحالفهم قبل عدة أشهر مع حزب المؤتمر الشعبي !! فمهما تكن الأهداف المشتركة التي جمعت وألّفت بين (الشعبي والشيوعي) ، ومهما تكن معارضة الشعبي الحالية للدولة وفجوره في الخصومة مع حزب الحكومة ، إلا أنه لم يكن في الحساب أن يتحالف الشيوعيون مع حزب رئيسه حسن الترابي وأمينه العام إبراهيم السنوسي !! وقد تناولت هذه المسألة في مقالين سابقين بعنوان : حزب المؤتمر الشعبي وتبريرات التحالف مع الشيوعيين .

إنها قلة الحيلة !! ومحاولة إثبات الوجود رغم حالة (التبخر) التي يعيشها حزب الشيوعيين واليسار عموماً.. ويزيد الحال سوءاً غياب الرؤية الواضحة لدى الشيوعيين وفي قضايا أساسية ، والتي منها : بيان الموقف الواضح للشيوعيين من الإلحاد ، والموقف من الأديان عموماً والدين الإسلامي على وجه الخصوص ، والتبرير الصحيح لتباين المواقف فيما بينهم !! فإن منهم من يتبنى الإلحاد !! ويحارب الأديان ويسير على هدي العبارة الشيوعية الشهيرة (الدين أفيون الشعوب) ومنهم ــ بل من زعمائهم ــ من يوصي بأن يصلي عليه ويدعو له فلانٌ بعد موته !!! ومنها أيضاً : بعض القضايا والمبادئ التي يتبع فيها هؤلاء (الأبناءُ) (الأبَ) وهو الحزب الشيوعي الروسي (الأصل) ؟! فالأصل في التابع أن يكون ويظل تابعاً كما هو معلوم ، وقد فشلت النظرية الاشتراكية في سياسة الاقتصاد والمال فشلاً عريضاً ، بعد فشلها في محاربة الأديان.

ومهما استحدث الشيوعيون من وسائل للفت الانتباه ، في محاولاتهم إثبات الوجود واستمرار (النضال) .. إلا أنه لم يكن من المتوقع أن يتاجر (بعضهم) بلحظات دفن الموتى ، وساعات مواراة الثرى على بعض المتوفين ، تلك المتاجرة وذلك (النضال) الذي لزم منه الاعتداء على حقوق سكان المقابر وأهلها !!
إن المقابر هي (دُور) ، ومنازل ، ومساكن ، وبيوت ، ومن دفنوا بهم هم (سكانها وأهلها) .. فهي ديارهم ، وهم في دار تسمى دار (برزخ) وحياتهم (برزخية) ، ولذلك فإن من يدخل المقابر يقول : (السَّلاَمُ عَلَيْكُمْ دَارَ قَوْمٍ مُؤْمِنِينَ وَإِنَّا إِنْ شَاءَ اللَّهُ بِكُمْ لاَحِقُونَ ) رواه مسلم وغيره. فكما يسلم القادم على أهل البيت الأحياء فإنه قد ورد في هدي النبي عليه الصلاة والسلام السلام على أهل هذه الديار لمن يدخل دارهم.. كما نهى النبي عليه الصلاة والسلام عن الجلوس والقعود على القبور فقال في أحاديث كثيرة : (... وَلاَ تَجْلِسُوا عَلَيْهَا) رواه مسلم ، وقال : (لا تقعدوا على القبور) رواه النسائي وصححه الألباني ، ولما رأى عليه الصلاة والسلام من يمشي بين القبور بنعليه أمره بنزعهما ، فقد ورد في الحديث الصحيح الذي رواه أبو داود وغيره : (وَحَانَتْ مِنْ رَسُولِ اللَّهِ - صلى الله عليه وسلم- نَظْرَةٌ فَإِذَا رَجُلٌ يَمْشِى فِى الْقُبُورِ عَلَيْهِ نَعْلاَنِ فَقَالَ : « يَا صَاحِبَ السِّبْتِيَّتَيْنِ وَيْحَكَ أَلْقِ سِبْتِيَّتَيْكَ ». فَنَظَرَ الرَّجُلُ فَلَمَّا عَرَفَ رَسُولَ اللَّهِ -صلى الله عليه وسلم- خَلَعَهُمَا فَرَمَى بِهِمَا) . وهو توجيه نبوي كريم نهى عن المشي بالنعلين بين مراقد أهل هذه المنازل .

هذا جزء من حق هؤلاء الموتى ، وبعض آداب وأحكام من يدخل هذه الديار ويمشي بين منازل أصحابها ، وأما لحظات التشييع فهي في مجتمعات المسلمين وفي مقابرهم لحظات اعتبار وعِظة ، وحزن وألم فراق ، ولذلك فقد أحسن البراء بن عازب رضي الله عنه الوصف بقوله : (خرجنا مع النبي صلى الله عليه و سلم في جنازة رجل من الأنصار فانتهينا إلى القبر ولمّا يلحد فجلس رسول الله صلى الله عليه و سلم وجلسنا حوله وكأن على رؤوسنا الطير..) رواه أحمد وغيره وصححه الألباني ، ومن كان الطير على رأسه فإنه لا يتحرك يميناً ولا يساراً فضلاً عن أن يرفع صوته ويردد الهتافات .

عشنا وعاش من قبلنا في هذا المجتمع وهذا الحق محفوظ ومحترم ، وهذه الآداب الكريمة مرعيّة ، حتى خرج علينا بعض الشيوعيين واليساريين ــ وهم يعانون من أمور كثيرة أبرزها الفشل الذريع في تحقيق الحد الأدنى من أهدافهم .. وإثبات وجودهم .. وادعاء أنهم الحريصون على مصلحة عامة الناس!! ــ خرج علينا هؤلاء بما لم يكن متوقعاً .. وهو اتخاذهم من أماكن الدفن ولحظاته في المقابر أماكن ولحظات للهتافات وإظهار النضال، وترديد الشعارات ، والمناداة بالحرية وغيرها ، صاحب ذلك تزاحم بين النساء والرجال ، وحتى أصوات النساء ارتفعت في تلك الهتافات في فناء ديار ومنازل أهل القبور!!ومن عجائب ما سمعنا به أن تجري قناة فضائية عالمية حواراً مع أحدهم في لحظات الدفن للإدلاء بتصريحات تخدم مصلحة الحزب!!

وقد رأيت بعض مقاطع الفيديو التي رفعت على شبكة (الانترنت) فرأيت العجب .. وسمعت ترديد الهتافات التي اشتهر بها الشيوعيون واليساريون ، ورأيت تدافع الفتيات ومشيهن بين القبور في تلك اللحظات ، ورأيت في المقابل تضايق وغضب بعض أهل أولئك الموتى الذين تم تشييعهم ، فقد ضاقوا ذرعاً باستغلال جثمان قريبهم في متاجرة واضحة ، وساءهم إظهار تلك الشعارات عبر ما رددوا من هتافات في تلك اللحظات !!

ورغم أن التعدي في هذا الأمر كبير ، والتجاوزات في هذه التصرفات (غريبة) على هذا المجتمع ، إلا أني لم أطلع حتى الآن على من تناولها تناولاً عاماً ووجّه النصح بشأنها ، وعند المقارنة بين هذه التصرفات ــ والتي تكررت في أكثر من جنازة وفي فترة متقاربة ــ وتصرف أحد أئمة المساجد (المجهولين) عندما أخطأ وطلب من أحد المصلين التأخر عن الصف الأول ، وقد اطلعت على مقالات كثيرة كتبت في الإنكار على ذلك الإمام ــ والذي لا يشك في خطئه ــ إلا أن خطأه ــ إن صحت الحادثة ــ لم يكن ظاهرة وأمراً يتكرر وقوعه في المجتمع..

إن إلقاء الضوء على هذه الظاهرة الجديدة والغريبة في المجتمع مع أنه يؤكد ضعف وقلة حيلة الشيوعيين واليساريين في إيجاد ما يلفتون به الانتباه إليهم وإلى أفكارهم المرفوضة في مجتمعنا ، خاصة مع الإقبال الكبير من مختلف طبقات المجتمع على الدين الإسلامي العظيم ــ الذي ختم الله به الأديان ــ والحرص على شعائره والرغبة الواضحة في تعلم أحكامه .. إن إلقاء الضوء على هذا النوع من (النضال الجديد) وإن كان يؤكد ما سبق .. فإنه يُذَكّر أيضاً جهات الاختصاص وكلَّ من أدرك خطأ هذه التصرفات والعلماء والدعاة في توعية المجتمع من هذه المخالفات التي فيها من التعدي على أحكام وشعائر دينية ثابتة وراسخة في المجتمع ، وفيها من التعدي على حقوق المقبورين ، وقد سبقونا إلى سكنى تلك الديار وإنا بهم لاحقون ، وكم من فتنة سهل علاجها عند أول ظهورها ، فإذا تساهل المجتمع في شأنها كبرت واستعصت على المصلحين .. وربما هذا جزء من ثقافة (الدَمْدَمَة) أو قل (الدغمسة) التي لها وجود كبير في مجتمعنا .. ومن أراد أنموذجاً أو برهاناً واحداً لتأصل هذه الثقافة من واقعنا في هذه الأيام فليتأمل الفتنة التي آل إليها من اشتهر بأن : مِحَايْتُو (بيبسي) ، وحُوارُو ......!!
اللهم اهدِ من ضل عن سبيلك إلى الحق ، ووفق كل من تحمّل أمانة لأدائها على الوجه الصحيح ، والموفق من وفقه الله ...

Post: #107
Title: Re: يا شيوعيين ...
Author: عارف الركابي
Date: 11-05-2012, 11:13 AM
Parent: #106

Quote: إن تجاوزت عن كل ما كتبته اخي عارف فلن اتجاوز قولك ( محموعة معينة ) , من هي هذه المجموعة ؟ و ما الذي يجمع بينها ؟ و اسـتحلتك ان تجاوب صدقا بما ككان في بالك في لحظة ما كتبت


يا أخ عبد الله إحيمر .. إذا تبين لك أن (كل) كلامي في هذا البوست هو عن الهتافات وإبراز النضال في المقابر .. وليس للتشييع وحده مدخل في كل ما قلت في هذا البوست .. فاتوقع أن يكون قد انحل لك اللغز .. فالحديث عن هتافات محددة وعبارات تم تكرارها .. ولك أن تستخرج القاسم المشترك بعد ذلك ..

Post: #108
Title: Re: يا شيوعيين ...
Author: عارف الركابي
Date: 11-05-2012, 01:27 PM
Parent: #107

Quote: كنت اقرأ لك في بعض البوسـتات و احترم وجهة نظرك من منطلقك السـلفي برغم اختلافي معه , اكرر كنت احترم ما تقول و اتدبره ولكن لما جيت هنا
و دخلت في ان المشـيعيين لم يحترموا الموتى و المقابر و حضور النسـاء للتشـييع ( برغم الخلاف في ذلك ) طرحت عليك بعض الأسئـلة التي لم تجاوب عليها ( فقد كنت انا احد من وصفتهم بما وصفت )


الأخ عبد الله إحيمر .. كما يقال ما بني على خطأ فهو خطأ .. وقد صححت لك ما فهمته أنت خطأً .. أو ما لم يتضح لك ..
وأما عن مشاركاتي هنا أو هناك .. فأنا بشر أصيب وأخطئ ورحم الله امرءاً أهدى إلي عيوبي ..
وإذا كان الأئمة كأبي حنيفة ومالك والشافعي وأحمد وغيرهم من أهل العلم ينقل عنهم ما يفيد بمعناه والعبارة للإمام مالك أن كلا يؤخذ من قوله ويرد إلا النبي محمد عليه الصلاة والسلام
ويبقى بيان الخطأ بدليله والموضوعية في طرحه .. وأنا على استعداد للتراجع عن أي خطأ وقعت فيه سواء في هذا البوست أو غيره
فقط أريد منك وقد كررت ذلك كثيرا تصحيح ما فهمته خطأ مما لم أقله لا تصريحاً ولا تلميحا بهذا البوست

Post: #109
Title: Re: يا شيوعيين ...
Author: عارف الركابي
Date: 12-05-2012, 09:15 PM
Parent: #108

مقالان نشرتهما قبل فترة ولهما صلة بموضوع (بوستنا) :


المؤتمر الشعبي وتبريرات التحالف مع الشيوعيين 1/2
د. عارف عوض الركابي

قرأت لقاءاً من ثلاث حلقات نشر بصحيفة آخر لحظة أيام السبت والأحد والاثنين الماضية مع مسؤول التنظيم بحزب المؤتمر الشعبي إبراهيم السنوسي ، وفي الحلقة الأولى من تلك الحلقات تحدث وأجاب عن أسئلة وجهت له بشأن تحالف المؤتمر الشعبي مع الحزب الشيوعي الذي نشر خبره في الأيام الماضية ، وقبل أن أعلق على ما قاله السنوسي أمين التنظيم بالمؤتمر الشعبي في هذا الأمر فإني أنقل هذه العبارات التي قالها في اللقاء :
قال السنوسي : (نظمنا هذا المؤتمر لنؤكد أننا لدينا مبادئ نريد التركيز عليها لقواعدنا حتى تلتزم بها آنياً ومستقبلاً) وقال : (هذه هي المبادئ التي أردنا ترسيخها في أذهان أعضائنا لتنداح بعدها إلى المجتمع.) وقال : (المخرج الثاني اعتمد على أننا كحركة فكرية لابد أن نثقف أعضاءنا بالأفكار، فنحن ليس حزباً يتبعه أفراده تبعية عمياء.. لأن به طلاب مثقفون وأصحاب شهادات عليا لا يغريهم في الحزب إلا الأفكار.) وقال : (الورقة الاجتماعية اعتمدت على تصورنا في كيفية هداية المجتمع لربط دنياهم بآخرتهم لتحسين معاشهم، وهذا هو الفرق بيننا والأحزاب الأخرى التي تريد أن تقف على الدنيا فقط، ونحن حركة إصلاحية لتغيير العادات الغير سليمة في المجتمع بالأمر بالمعروف) وقال : (نحن في المؤتمر الشعبي نعتبر المؤسسين للحركة الإسلامية وبرامجها منذ العام 54 ونطرح البرامج حسب تطور السودان وما يحتاجه أهل السودان، هذا ما نقدمه نحن كمعارضة للدولة، وبالتالي نعتقد أن ما نقدمه أكثر رشداً والتصاقاً بالشعب).

أردت بنقل هذه العبارات السابقة عن مسؤول التنظيم بالمؤتمر الشعبي بيان أنهم يرون أنهم يطرحون أفكاراً ، وينطلقون من مبادئ ، ويسعون إلى كسب مؤيدين يقتنعون بهذه المبادئ.
وبناء على ذلك فإن كل عاقل يعلم أن الشخص إذا كان يدعي أنه يسير على (مبادئ) (ثابتة) ، ويدعو لها ، لاقتناعه بها ، فإن على منظري المؤتمر الشعبي أن يضعوا النقاط على الحروف ويجيبوا عن التناقضات التي يقعون فيها ، والتي تبرز في مواقفهم في عدة قضايا وتجاه أشخاص كثيرين ، وليأخذوا على سبيل المثال القضية المطروحة في الحلقة الأولى لحلقات هذا اللقاء والتي لقيت أصداء كثيرة في الأيام الماضية وهي (تحالف المؤتمر الشعبي مع الحزب الشيوعي).

فالسنوسي يؤكد أنهم من أسسوا الحركة الإسلامية منذ عام 1954م ، وإننا نعلم أن موقفهم من الحزب الشيوعي فكرياً كان أم سياسياً هو من الأمور الواضحة المعلومة ، فالنقاش وحلقات الأركان والندوات كانت تبرز ذلك والصحف كانت تنشر ذلك ، بل إن الذي بينهم وبين الشيوعيين أدى إلى تشابك الأيدي والاقتتال بين بعض (الأفراد) المنتسبين مما شهدته بعض ساحات وداخليات الجامعات... فيا ترى ما هو الجديد ليتغير الموقف إلى ما نشاهده ؟!!.. إن كان السنوسي وحزبه لديهم أفكار وتوجهات ومنهج يرون نشره بين الناس فعليهم أن يجيبوا عن أسئلة تكثر بهذا الصدد ، منها :من يا ترى الذي تغير ؟! الترابي وحزبه ومن يتبعونه ؟! أم أن الشيوعيين هم الذين تغيروا ؟! وقد حاول السنوسي أن يجد (المبررات) لهذا التناقض الواضح في اختلاف المواقف بالاتفاق مع ألد الأعداء ، فإلى مبرراته التي ذكرها في اللقاء :

(س :ما هي شرعية التحالف مع الشيوعيين وهل أصبح همّ المؤتمر الشعبي الوحيد هو إسقاط النظام؟) : فأجاب بقوله : (نحن جزء من الشعب السوداني والشيوعيون أيضاً جزء من الشعب السوداني) قلت : والسلفيون جزء من الشعب السوداني ، والمؤتمر الوطني جزء من الشعب السوداني والنصارى جزء من الشعب السوداني!! مثلاً .. فتعليق الاتفاق على أنه بسبب ما جاء في وصفه أنهم (جزء من الشعب السوداني) لا يسعف مسؤول التنظيم في التبرير لهذا الاتفاق الذي يتعارض مع المبادئ التي كانوا عليها ، ثم قال : ( فالشيوعية نفسها قامت في روسيا لإصلاح الشعب الروسي، لكن دخلت عليهم من باب الإلحاد والهجوم على الدين وكان ذلك سبب فشلها)
قلت : وبهذه العبارة فإن السنوسي قد حكى عدم معرفته وإلمامه بالأسباب الحقيقية لفشل الشيوعية في بلادها ومسقط رأسها ، إذا كان قد قال إن الشيوعية فشلت في بلاد المسلمين بسبب إلحادها ربما كان يكون لكلامه وجهاً يقبل به ، لكن أن يدعي أن الشيوعية فشلت في روسيا البلد الذي قامت فيه بسبب الإلحاد فهذا كلام مردود ، وخطأ شنيع ، فالروس لم يكن عذابهم من الشيوعية بسبب الإلحاد فغالبيتهم لم يتضرروا بذلك لحالهم وعقيدتهم ، وإنما هم قد تعذبوا بسبب النظرية (التالفة المتهالكة) الشيوعية التي تقوم على مبدأ الملكية العامة وإلغاء الملكية الفردية ، ومصادرة الحرية الاقتصادية ، وفي أبسط مختصرات كتب الاقتصاد الإسلامي يدرس الطالب المبتدئ في هذا العلم المقارنة بين الاقتصاد الإسلامي والاقتصاد الشيوعي والرأسمالي ، ويقف على أذى النظرية الشيوعية في سياسة المال ، فهي نظرية تقتل الإبداع والاجتهاد مما يتضرر به جانب تنمية الاقتصاد ، ولا تلبي غريزة النفس وحاجتها وحرصها على التملك وهذا من أهم حوافز إنعاش الاقتصاد ، فهي نظرية (بالية) في ذلك (تالفة) كتلف فكرها الإلحادي وتحليلها التاريخي وفلسفتها في المادية وغير ذلك من الظلمات التي كان يخطب فيها ويبصر بشأنها السنوسي وإخوانه وشيخهم الترابي قبل سنوات ليست بالكثيرة !!!
ثم قال : (ما تركته الشيوعية لإصلاح الشعب الروسي هو إنساني لا يمنع المسلم أن ينشد الحكمة أينما وجدها)
قلت : سبحان الله !! تذكرت قول حذيفة رضي الله عنه : (إن الضلالة حق الضلالة : أن تعرف ما كنت تنكر وأن تنكر ما كنت تعرف وإياك والتلون فإن دين الله واحد) ، فأي حكمة تركتها الشيوعية ؟! (قل هل عندكم من علم فتخرجوه لنا)
ليفصح (الشيخ) السنوسي في إبراز ميزة أو ميزات للشيوعية قامت عليها أو تركتها ؟! وغن كان شيء من ذلك وجد أليس في ديننا الدلالة على كل الخيرات ؟! ثم أليست المبادئ الشيوعية معلومة لدينا وهي تتعارض مع الشريعة الإسلامية وأحكامها ؟!
أين هتافاتكم : (لا ولاء لغير الله)؟!
وأين هتافكم : (ولا تبديل لشرع الله) ؟!
وأين قولكم : (شريعة سريعة ولّا نموت الإسلام قبل القوت)؟!
وأين قولكم : (نحن للدين فداء ) و(في سبيل الله قمنا )
وأين تلك الشعارات التي من أبرز معانيها : الاحتكام إلى كتاب الله وسنة رسوله عليه الصلاة والسلام وإنشاد الحق فيهما وابتغاء الحكمة منهما ؟!
فقد تبدل الحال وأصبحت الحكمة ترجى مما خلفته وتركته الشيوعية الماركسية اللينينية التي ضاق بها ذرعاً أهل الديار التي نشأت فيها قبل غيرهم !!
ثم قال : (والرأسمالية أيضاً تركت تراثاً إنسانياً)
قلت : والرأسمالية يتأذى منها أهلها أيضاً وقد ظهرت ولاحت علامات سقوطها الذي سيكون بإذن الله مدوياً أكبر من سقوط جدار برلين ، فهي قائمة على الربا وإهلاك الفقراء بزيادة فقرهم ، وجشع الأغنياء وما نتج عن مناهجها المعلومة ، وهل في الرأسمالية إيجابية وهذه الإيجابية التي تدعى لم يدلنا شرعنا الكامل الخاتم عليها ؟! وقد قال الله تعالى : (ما فرطنا في الكتاب من شيء)
ومن العجائب أن هذا الكلام يقال وينشر في وقت تنشر فيه دراسات كثيرة تميز سياسة الإسلام في المال والاقتصاد وروعة تشريعاته في ذلك من ناحية ما أحل وما حرم من البيوع والعقود ومقارنة ذلك بالأنظمة العالمية الأخرى وطغيانها بجوانب على حساب جوانب أخرى ، والنتائج ما نشاهده وما نعيشه من ضحايا هذا الفساد ، وأما عقائد وأخلاق الأنظمة الرأسمالية والشيوعية فهي مما لا ينبغي أن تكتب فيه كلمة لوضوحه وجلائه ،
ثم قال السنوسي : (والعالم الشيوعي والرأسمالي قال لا سبيل للحرية إلا بمبدأ الرأي والرأي الآخر) وهل وجد السنوسي في سياسة الشيوعية الاعتراف بحق الآخر في سياسة المال ؟! وهذه نقطة واضحة جداً في بيان عدم الاعتراف بالآخر وإلغاء الحرية ، فليفصح لنا السنوسي عن الحرية التي يقصدها ، أو ليجرد الشيوعية من أبرز مبادئها التي قامت عليها بشأن الملكية ،
ثم قال : (والقرآن ذكر «من شاء فليؤمن ومن شاء فليكفر»)
قلت : والقرآن أمر بإحقاق الحق وإبطال الباطل ، وأمر بتحكيم توجيهاته ، وأمر بالبراءة مما يخالف نصوصه ، وأمر بطاعة رسوله عليه الصلاة والسلام ، والحرية في الإسلام والقرآن مقيدة بأن تكون على وفق ما يرضي الله تعالى ، وليس هناك إكراه في الدخول في الإسلام لكن الإسلام أكمل التشريعات (اليوم أكملت لكم دينكم وأتممت عليكم نعمتي ورضيت لكم الإسلام ديناً) والإسلام شرع تشريعات لمن يدخل فيه ومن ذلك أنه أمر بقتل المرتد عن الإسلام بعد أن دخل فيه ، وغير ذلك مما يجب الأخذ والعمل به ، والإسلام حذر أتباعه من أخذ بعض الكتاب وترك البعض (أفتؤمنون ببعض الكتاب وتكفرون ببعض فما جزاء من يفعل ذلك منكم إلا خزي في الحياة الدنيا ويوم القيامة يردون إلى أشد العذاب وما الله بغافل عما تعملون) .
ثم قال السنوسي : (هذا تحالف من أجل إصلاح أحوال السودان، فالحزب الشيوعي يريد حرية ما المانع من اتفاقنا؟)
قلت : ولماذا يا ترى لم تتحالفون معه في السابق إذا ؟!ثم من أين لك هذا الجزم وهو لم يسبق له أن يطبق هذه المبادئ ؟! ونحن نعلم أن مبادئ الشيوعية فشلت في بلادها ومنشئها ، وقد قامت في بعض جوانبها على إلغاء الحرية !! فكيف تدعو الشيوعية إلى حرية ؟! إلا إن كان الحزب الشيوعي السوداني لم يبق له من مبادئ أصله و(والده) الحزب الشيوعي الروسي شيء يتبعه فيه !! فقد قال السنوسي إنهم يصومون ويصلون كما سيأتي !! إذاً هم قد تنكروا لأبيهم الروسي في دعواه : الإلحاد وأن الدين أفيون الشعوب وغيرها ، كما تنكروا له أيضاً في إلغاء الحرية الاقتصادية كما افاد السنوسي في دعواه أنهم ينادون بالحرية ، فعلى ماذا هو حزب شيوعي إذاً ؟!
ثم قال : (ويريد ديمقراطية ما المانع؟ ويريد رفع الظلم ما المانع؟)
قلت : وما الذي تغير من كلام الشيوعيين في هذا الجانب حالياً حتى يكون هذا من مبررات هذا التحالف المضحك ؟! فهل اختلف قولهم الشيوعيين الذي ساقه السنوسي هنا عن قولهم في الستينات والسبعينات والثمانيات ؟! ثم ما هو ثقل الشيوعيين في بلادنا ؟! إنهم في العهود السابقة كانوا لا يظفرون إلا بثلاثة أو أربعة مقاعد وحالهم الآن بما نعلمه ونراه ليس كحالهم السابق ، خاصة فيما نعيشه من وعي إسلامي كبير وتصحيح لكثير من القضايا ، لدى أفراد المجتمع بمختلف توجهاتهم وأعمارهم ..مما يبين انهم أسوأ مما كانوا عليه ،
ثم قال السنوسي : ( فالشيوعيون لم يعودوا هم الذين كانوا في روسيا وليس هم من يقولون الدين خرافة وغيره من أفكارهم، فهم الآن يصلون معنا وينادون بمبادئنا، نحن نريد تحالفاً مع كل القوى السياسية للإصلاح)
قلت : وهل هذا الكلام يوافق عليه الشيوعيون ؟! وهل هو الواقع ؟! عن نفسي أتمنى أن كل من ينتمي لهذا الحزب يصلي ويصوم ويؤدى الفرائض ويتقرب إلى الله بالنوافل ، وقد فرحت بنبأ منشور في بعض المواقع عن ذهاب محمد إبراهيم نقد للحج هذا العام ، لكن هل يمكن أن نقول إن الحزب الشيوعي السوداني لا يتبنى الإلحاد بناء على تصرف بعض الأفراد المنتمين له أو أكثرهم ؟! وأنه لا يقر أباه الروسي في أصول فكره وماديته ؟! وهذا أمر يحتاج لتوضيح من الجهة التي لا يصح التوضيح إلا منها ، ولا أظن أن السنوسي يمثل تلك الجهة وإن كانوا في مرحلة تحالف !! وأنا أعرف شيوعيين لا يصلون ولا يصومون وقد بلغوا من العمر ما بلغوا أسأل الله لهم الهداية . وإذا كان الشيوعيون يصلون ويصومون كما يقول السنوسي فما هي نظرتهم لدين الإسلام وأحكامه وتشريعاته وتوجيهاته ؟! وهل موقفهم يوجب على المسلم براءة منه ؟! هذا مما كان على السنوسي أن يذكره بتفصيل ليبرر لأتباعه ما أقدموا عليه من تحالف مع الشيوعيين .
وأواصل في الحلقة القادمة إن شاء الله .

Post: #110
Title: Re: يا شيوعيين ...
Author: Amin Salim
Date: 12-05-2012, 10:32 PM
Parent: #109

Quote: ، وقد فشلت النظرية الاشتراكية في سياسة الاقتصاد والمال فشلاً عريضاً


سلام د عارف

هل تعلم ان امريكا ايضا و اقتصادها المبنى على الرأس ما ليه معرض للفشل و سوف ينهار فى السنين القادمه نسبة الى moor's law is about to reach is limit due to the number of transistors that can be placed at atomic level و قانون مور هو من

اكبر الدوافع للاقتصاد فى العالم خلال الاربعين سنه المضت. اذا لم يتم التسريع فى تطوير ال nanotechnology فسوف ينهار الاقتصاد العالمى ايضا

هل تعلم ي د عارف ان بعض الدول الغربيه ترى ان الحل هو فى نظام البنوك الاسلاميه......منظمة النقد الدوليه قالت"IMF studies have shown Islamic banks are more stable than their conventional counterparts and we need to see what we

can learn from this to mitigate systemic risk"............معظم اصدقائى المسيحين والملحدين الانجليز يتمنون وجود بنوك اسلاميه فى بلادهم.....التالى من احد دراسات ال IMF

Our results demonstrate that the quality of institutions, which traditionally"
matters for conventional banking, is not important for the diffusion of Islamic banking.
Because Islamic banking is guided by Shariah law, it is largely immune to poorly functioning
institutions—from the judiciary to the bureaucracy—because there is little resort to them;
disputes are instead settled within Islamic jurisprudence. Therefore, Islamic countries can
build up the banking system even if a country makes little progress at reforming institutions.
This is different from conventional banking systems, which are inherently intertwined with
"the domestic institutional environment.

بعض المقالات حول هذا الموضوع من اسياد الشى زاتا (على قول الاخ ناذر) منظمة النقد الدولى

1-http://www.imf.org/external/pubs/ft/survey/so/2010/res100410a.htm

2-http://www.imf.org/external/pubs/ft/survey/so/2007/RES0919A.htm

3-الرئيسه الجديده لل IMF تريد بنوك فرنسا ان تصبح اسلاميه...........http://www.redstate.com/marcuscarey/2011/05/1...ter-and-theres-more/

4-http://www.journalonline.co.uk/News/1010941.aspx

5-http://arabnews.com/economy/islamicfinance/article142384.ece

6-http://www.afdb.org/fileadmin/uploads/afdb/Do...Sector%20Emer....pdf

Post: #111
Title: Re: يا شيوعيين ...
Author: Amin Salim
Date: 13-05-2012, 05:40 PM
Parent: #110

up

Post: #112
Title: Re: يا شيوعيين ...
Author: عارف الركابي
Date: 17-05-2012, 09:27 AM
Parent: #110

Quote: سلام د عارف

هل تعلم ان امريكا ايضا و اقتصادها المبنى على الرأس ما ليه معرض للفشل و سوف ينهار فى السنين القادمه نسبة الى moor's law is about to reach is limit due to the number of transistors that can be placed at atomic level و قانون مور هو من

اكبر الدوافع للاقتصاد فى العالم خلال الاربعين سنه المضت. اذا لم يتم التسريع فى تطوير ال nanotechnology فسوف ينهار الاقتصاد العالمى ايضا

هل تعلم ي د عارف ان بعض الدول الغربيه ترى ان الحل هو فى نظام البنوك الاسلاميه......


الأخ أمين سالم ... وعليكم السلام ورحمة الله وبركاته
وجزاك الله خيراً ... وأحسنت في تأكيد المعلومة .. ببعض النقول والتقارير
وفشل الرأسمالية موجود الآن والمنتظر هو السقوط أسوة بالاشتراكية ويجتمعان في إفقار الكل عند الشيوعيين والبعض عند الرأسماليين
والنظام الإسلامي في المال من جهة الموارد والمصارف والقروض والتموين والبيوع فيه من المعجزات التي لا تخطر ببال الكثيرين
وتفاصيل هذا الكلام فيه مجلدات ..
ومبحث المقاصد الشرعية فقط في النظام المالي والاقتصادي في الإسلام يرى فيه الناظر العجائب
من ناحية التملك والملكية والحرية الاقتصادية .. والضوابط في البيوع والعقود .. وحتى المشكلة الاقتصادية ترى في النظام الإسلامي ما يبهر العقول
ولكن .. من جهل شيئا عاداه

Post: #113
Title: Re: يا شيوعيين ...
Author: عارف الركابي
Date: 17-05-2012, 09:49 AM
Parent: #112

الحلقة الثانية من المقال المنشور سابقاً

المؤتمر الشعبي وتبريرات التحالف مع الشيوعيين 2/2
د. عارف عوض الركابي

ثم قال مسؤول التنظيم بحزب المؤتمر الشعبي في سياق تبريراته لتحالفهم مع الشيوعيين : إجابة على سؤال صحيفة آخر لحظة : (إذاً الشيوعيون في السودان الآن يؤمنون بالله واليوم الآخر؟) فأجاب : (الإيمان في القلب..أنا أتحدث عن «الظاهر» والظاهر أنهم يريدون حرية وديمقراطية، وهذا ما يجمعنا معهم) قلت : قوله : الإيمان في القلب هو (حيدة) عن الإجابة التي يجب أن تكون واضحة وضوح السؤال ، فالإيمان قول وعمل واعتقاد ، فنطق الشهادتين من الإيمان والصلاة من الإيمان وإماطة الأذى عن الطريق من الإيمان وتحكيم الشرع من الإيمان و(موالاة الله ورسوله) من الإيمان ، و(عدم تبديل شرع الله) من الإيمان ، والبراءة من المذاهب الهدامة من الإيمان ...خاصة التي قامت في أصلها باعتبار أن الدين أفيون الشعوب !! وغير ذلك !! ،
وقوله : (إنهم يريدون حرية وديمقراطية) ، فقد سبق بيان أن من أبرز مظاهر الاشتراكية الشيوعية هو التسلط على الحريات الفردية والمنع من التملك الفردي بدعوى (الملكية العامة) ، وهو شيء يتعلق بأخص خصوصيات الإنسان وهو (ما يملكه وما يقتنيه) وثمرة جهده وتعبه ، وقول السنوسي عن الشيوعيين (وهذا ما يجمعنا معهم ) يتناقض بجلاء مع قوله في نفس الحوار وبذات الصفحة : (لماذا الإصرار على أنه تحالف؟ إنه اتفاق وتآلف فكري، بالحوار يمكن فعل كل شيء ، الرسول صلى الله عليه وسلم تحالف مع بعض قبائل قريش الكافرة وأسلمت فيما بعد ، فهذا التقارب الفكري هو الذي سيقود إلى أسباب الهداية) ،
أقول : فليثبت السنوسي على جانب واحد من هذه الجوانب ولا يأتي بهذه المتناقضات !! هل الأمر هو (تحالف) كما كرر كثيراً في هذا اللقاء وأنه اجتماع و(تآلف فكري) على أمور مشتركة وهو الواضح المعلن منهم ؟! باعتبار أنهم والشيوعيين قد التقوا نتيجة لتقدمهم كما في تصريح شيخهم الترابي الذي سيأتي ، أم أنه طريق وسبيل للتقارب مع الشيوعيين لأجل (هدايتهم) كما يشير أيضاً السنوسي هنا ؟! فقد تناقضت التبريرات تناقضاً جلياً حتى إنه ليبعث بالشفقة على من صدرت منه تلك التناقضات الواضحة فضلاً عن من يراد إقناعه من الأتباع و(المتعاطفين) المستهدفين بهذه التبريرات ، ثم إنه إن كان كما يقول إنه (بالحوار) يمكن فعل كل شيء ، فيمكن الوصول لكل شيء ومع ألد أعداء الأمس (الذين كانوا خصوماً في المنابر بالألسن ، وخصوماً بالتشابك بالأيدي وبضرب العصي والسيخ!!) ، فلماذا لا يكون ذلك مع من هم أقرب إليكم في (أفكاركم) ؟! فما يجمعكم بمن تفجرون في خصومتهم الآن (خصماء اليوم أصدقاء وإخوة الأمس) أكبر ــ بل لا يقارن ــ بما يجمعكم بخصومكم السابقين (أعداء الأمس حلفاء اليوم) ..
ثم التناقض الآخر في قول السنوسي : (فهذا التقارب الفكري هو الذي سيقود إلى أسباب الهداية) وقوله أيضاً : (إذا افترضنا أن الشيوعيين كفاراً من الذي سيهديهم إلى الدخول إلى الإسلام؟ نحن كحركة وإسلاميين هذا هو دورنا ) إذاً هو يبرر لهذا (التحالف) والاتفاق بأنه سيقود إلى (هداية) الشيوعيين ، وقد علقت في الحلقة الماضية على قول السنوسي التالي : (فالشيوعيون لم يعودوا هم الذين كانوا في روسيا وليس هم من يقولون الدين خرافة وغيره من أفكارهم، فهم الآن يصلون معنا وينادون بمبادئنا..) وقال أيضاً : (زُج ببعض من إخواننا في سجن كوبر، وكان معهم صديق يوسف عضو اللجنة المركزية بالشيوعي فعندما رأوه نفروا منه وابتعدوا، إلا أنهم رأوه يصلي وحده فجعلوه إماماً لهم فيما بعد،) ، إذاً فأي هداية يريد السنوسي أن يصل الشيوعيين بها ؟! طالما أنه يقول إن الشيوعيين يصلون معهم و(ينادون) بمبادئهم ، بل ويؤمّون في الصلاة بعض (إخوانهم) ؟! بل إن السنوسي ذهب لأكثر من ذلك عندما قال : (ما تركته الشيوعية لإصلاح الشعب الروسي هو إنساني لا يمنع المسلم أن ينشد الحكمة أينما وجدها) فالسنوسي يلتمس (الهدى) من الشيوعية في بعض الجوانب ،وقد سبق في الحلقة الماضية التعليق على قوله هذا ، وهو يناقض ما قاله في العبارة السابقة ، فهو يشهد أنهم ينادون بنفس مبادئهم وفي ذات الوقت يبرر بأنهم يسعون لهدايتهم !!! مما يوضح تهافت هذه التبريرات وتناقضها ، وعدم واقعيتها .
ثم قال : (ومن تحدث عن تحالفنا مع الشيوعيين هو المؤتمر الوطني وقصد به التشويش وعزّ عليهم أن يروا هذا التحالف)
قلت : ليس هو المؤتمر الوطني فقط وإنما تناول هذا التحالف كثيرون من غير المؤتمر الوطني ، وإن كان لم يعد من المستغرب لدى الكثيرين أن يصدر من حزب المؤتمر الشعبي أو غيره من كثير من السياسيين في بلادنا مثل هذه المواقف ، لكن الاستغراب كان يعود لعدم جدوى هذا التحالف مع حزب ليس له من الوجود أو التأثير شيء يذكر ، أو شيء ينتفع به من يتحالف معه لتحقيق هدفه وهو الوصول للسلطة ، فإن المبادئ الشرعية والثوابت الدينية لا تراعى في مواقف زعيم هذا الحزب د.حسن الترابي ولا في تصريحاته المتتالية ، ولكن (الضياع) في تقدير الأمور لهذه الدرجة بأن وصل بهم الحال للتحالف مع الشيوعيين هو ما استغرب له الكثيرون كما استغربوا لتهافت التبريرات لهذا التحالف الذي لم يراعِ الأتباع فضلاً عن غيرهم !! وهذا الموقف يذكرني قول أحد العلماء المنشور قديماً في رده على الترابي عندما قال : (الترابي لم يفلح في محاربة ما سمّاه بالشرك الشعائري التقليدي ، كما أنه لم يفلح في ما أظهر أنه يجيده وأنه متفرغ له وهو ما يسميه الشرك السياسي) .
ثم قال السنوسي : (فالشيوعيون قوة نشطة وفاعلة)
قلت : أين هذه القوة وأين نشاطها وفاعليتها ؟!أين مظاهرها ؟! وأين مدلولاتها؟! وأين آثارها ؟! ومع عدم رؤيتنا لشيء من ذلك إلا أنه يقال : وهل هذه هي التي باتت مقومات التوفيق والنجاح في نظركم ؟!
أين (التقوى) و(القوي الأمين) (وإنني شعب رسالي)
وأين هتاف : (مسلمٌ قالت جموعي لست بعثي لا شيوعي) وأين ما كنتم ترددون وأنتم في نشوات إيمانية بقولكم : (قد عشقت البندقية وهاتفاً عندي قضية سحق حزب الماركسية إنه حزب ضلالي)!!!
وأين نشيدكم (إنا سلكنا طريقاً قد خبرناه)
وأين (في سبيل الله قمنا نبتغي رفع اللواء)؟! وغير ذلك
..
من كان يتوقع أن نعيش فترة ليست طويلة حتى نرى منظري وزعماء وقادة تلك الشعارات يلتمسون القوة والفاعلية في بقايا من كانوا في أحسن أحوالهم يفوزون بثلاثة أو أربعة مقاعد في الانتخابات من أتباع ماركس ولينين ومن (المخمومين) بتلك الأفكار التي نبذها المجتمع بفطرته ؟!
ثم قال السنوسي : (وإن عابوا علينا ذلك أليس هم من تعاونوا مع الحركة الشعبية التي جاءت انطلاقاً من الماركسية وجعلوا من د.قرنق نائباً أول «أتأمرون الناس بالبر وتنسون أنفسكم..») قلت : وهل أفعال وتصرفات الأفراد أصبحت هي المرجعية لديكم ؟! فهل أنتم تستدلون بما ترون أنه خطأ وأعياكم أن تجدوا تبريرات مقبولة له فتستدلون به لتبرير أخطائكم ؟! إذاً لماذا الخصام من قبلكم طالما أنتم تقعون في نفس الذي تخطئون به غيركم ؟! وهل هذا الاستدلال يقتنع به السنوسي في شخصه أو المؤتمر الشعبي قبل أن يكون سياقه لأجل تبرير هذا التحالف مع أتباع الماركسية اللينينية الذين ننتظر منهم تأكيداً وإثباتاً أو نفياً لما ذكره (الشيخ) السنوسي عنهم من أنهم يصلون وأنهم ليسوا كالشيوعيين الروس في نظرتهم وتقييمهم للدين ..
هذه تعليقات موجزة على التبريرات التي ذكرها السنوسي مسؤول التنظيم بالمؤتمر الشعبي بشأن تحالفهم مع الشيوعيين .

وأما شيخهم الترابي فقد نشر له بصحيفة الصحافة الصادرة في اليوم الأول من ديسمبر الجاري قوله : (والآن كلنا كفرنا بالعساكر، أي لا تأتي بعسكري إسلامي يستلم لك الحكم وإنما عن طريق الشعب، ثورة شعبية، استعمل القوة بالشعب وليس بالسلاح، لأنه لا إكراه في الدين، في كل علاقات الدين ووسائله وأساليبه وهكذا، فنحن الآن أصبحنا قريبين جدا من اليسار، الحزب الشيوعي الآن اقرب حزب لنا، وهذا طبيعي لأن فكرهم تطور، عموما، النزع الإسلامي فكره تطور والنزع الشيوعي فكره تطور، التقوا على مبادئ، فكرة اللامركزية وجدناها مطبقة في دولة المدينة، فكرة حكم الشعب فقط لا يحكم طاغية ولا ميراث ولا سلف موجودة في الدين أصلا ولكن قتلوها الخلفاء التلفاء من معاوية ولقدام جعلوها وراثية)أ.هـ
قلت : وفي كلام الترابي يتضح ما يلي : أن الغاية والهدف لديهم هو السلطة لا شيء غير ذلك وهو تأكيد منه لما هو معروف ،فالوسيلة أصبحت غاية دون حياء ولا خجل !! وأنه يبين أنهم قريبون بل (قريبون جداً) من الشيوعيين وأن الحزب الشيوعي هو (الأقرب لهم)!! وأن أفكارهم وأفكار الشيوعيين قد (تطورت) ، وأنه يريد حكم الشعب !!
ولا أدري هل هذا الرجل لا يزال حتى الآن لا يعرف رأي الشعب فيه وفي الشيوعيين الذين تحالف معهم ؟! والله إنه لشيء غريب لدرجة الحيرة !! ومع حكايته ودعواه أن الشيوعيين قد (تطوروا) إلا أنه يقول عن الخلفاء في عهود الإسلام الزاهرة ويصفهم بــ (التلفاء) وينال من معاوية وهو صحابي كريم صحب نبينا محمداً صلى الله عليه وسلم ، وهو أحد كتاب الوحي ، ألا فليعلم من بقي ممن يتبعون الترابي وأتباعه عن أي دين ومبادئ زعماؤهم يتحدثون !! ومن العجائب أني اطلعت على تعليقات بعض الشيوعيين في بعض المواقع على كلام السنوسي السابق فرأيت براءتهم منه ، وقرأت عبارات سب وشتم وعدم رضاء عن السنوسي ومبرراته ويؤكدون أنهم على مبادئهم ويصفون السنوسي وحزبه بالتلون ، فلا أدري هل هذا التحالف هو على مستوى القيادات فقط حتى الآن وليس هناك تنوير (مشترك) لأتباع الحليف (القريب جداً) منهم في الوقت الراهن .. ؟! فاللهم رحماك بنا وببلادنا والطف بنا يا لطيف.

Post: #114
Title: Re: يا شيوعيين ...
Author: عارف الركابي
Date: 20-05-2012, 09:03 PM
Parent: #113

من فيديوهات النضال الشيوعي الجديد :

http://www.youtube.com/watch?feature=endscreen&NR=1&v=OMS-cjcofew

حرية سلام .. حرية .. في دور أهل القبور

Post: #115
Title: Re: يا شيوعيين ...
Author: Siham Elmugammar
Date: 21-05-2012, 05:04 AM
Parent: #114

السلام عليكم

اها يا شيخ عارف الشيوعيين ديل سويت معاهم شنو؟؟؟
الزول جاى من سفر ولقى كلام كتير مكتوب والله نقراهو متين زاتو ما معروف...

ما مشكلة المهم النتيجة كانت شنو؟؟
ان شاءالله جهادك فيهم نفع

Post: #116
Title: Re: يا شيوعيين ...
Author: عاطف مكاوى
Date: 21-05-2012, 05:25 AM
Parent: #115

شيخ سلفي (وهابي)
يقول أن :

تزوير الإنتخابات (واجب شرعي) :


Post: #117
Title: Re: يا شيوعيين ...
Author: عبدالله احيمر
Date: 21-05-2012, 09:06 AM
Parent: #116

Quote: شفت انطلاق السير بنمرة 5 بسوي شنو ؟!
العجلة ما كويسة يا عبد الله احيمر
البوست ده كلو أنا اتكلمت فيه عن تشييع جنازة نقد ؟!
أبرأ إلى الله من أن أمنع من ذلك أو أتدخل في قضية كهذه
تمشي يا راجل وتسوق معاك أولاد حلتك كمان وتأجر بص سياحي .. المشكلة وين ؟!
ركز يا عبد الله احيمر
الكلام هنا عن هتاف في المقابر بشعارات محددة .. ده الكلام أولو وآخرو .. متاجرة بجثث وساعات تشييع .. وارجع شاهد فيديوهات دفن حميد .. كمثال آخر
ياخ انت فاهم غلط (تب)


الأخ عارف و عشـان ما نقعـد نتغالط و نكـرر في الكـلام اوضح لك الآتي :
1 / انا لم اتطـرق لنضال الجماعة ديل من عدمو وهم احـرار يناضلو كما يحلو لهم
وانت حـر ترفض نصالهم دا , لكن لما الكـلام يختى الدرب و يطرح كمسـلمات مفروغ منها
علينا أن نتوقف لإسـتتجلاء الأمـر .
2 / انت لم تسـتنكر و لا تسـتطيع أن تسـتنكر تشــيع أيا كان , ولكنك اسـتنكرت الطريقة
التي تم بها التشــيع ومن خلال ذلك هبشــتني كـ ( واحد من المشــيعيين ) في
أ / أننا تعدينا على حرمة الأموات
ب /
Quote: والمعروف أن من مشين للمقابر وبما رأيناه في كميات اليوتيوب مجموعة معينة .. فحبيت أن يضبط بمن يقصد وأي نوع من الهزيمة يعني

طبعا لم تجاوب حتى الآن عن هذه المجموعة التي قدمت لها بـ ( و المعروف ) , مرة تانية
تحاول أن تثبت شــيء غير حقيقي بقولك و المعروف ( يعني خلاص الأمر منتهي , ولكنه ليس
كذلك مالم تقـول من هي هذه المجموعة المعينة ,
أها اركــز و ركــز وجاوب عشـان نصفق لك مع المصفقين ( قاصد شــنو بـ ( و المعروف )
( مجموعة معينة )

3 / كتبت في المقتبس ( أدناه )
Quote: وذهب معي
, جيت انت و كتبت
Quote: تمشي يا راجل وتسوق معاك أولاد حلتك كمان وتأجر بص سياحي .. المشكلة وين

و أظنك يا دكتور تعلم الفرق بين ( ذهب معي ) , و ( تسـوق معاك ) و كمان مكمل عليها
اولاد حلتك و بص سـياحي و كلام ما في محلو ولا اتوقعه من دكتور مثلك , لزومو شــنو تغيير
ذهب معي الى تســوق ( هنا تظهـر رغبتك في تكرار ما ســميته كلام لك فارغ )


Quote: وكما ذكرت لك انا ما شـيوعي و ذهب معي كتار ( رجال و نسـاء ) و برضو ما شـيوعيين بل و بعضهم له رأي
سـالب في الشـيوعيين





Quote: والتجني هو الذي أتيت به أنت ..
فأنت تجنيت علي ونسبت لي أني أنكرت تشييع نقد
ونديك شهر تفتش البوست ده حرف حرف حتى تخرج لي ما تجنيت به علي
وعندها لن أقول لك إن كلامك فارغ ..
لأن حق الزمالة أستحي منه من إطلاق كلمة كهذه مع تجنيك علي

Post: #118
Title: Re: يا شيوعيين ...
Author: عارف الركابي
Date: 14-06-2012, 04:42 PM
Parent: #117

Quote:
السلام عليكم

اها يا شيخ عارف الشيوعيين ديل سويت معاهم شنو؟؟؟
الزول جاى من سفر ولقى كلام كتير مكتوب والله نقراهو متين زاتو ما معروف...

ما مشكلة المهم النتيجة كانت شنو؟؟
ان شاءالله جهادك فيهم نفع


وعليكم السلام ورحمة الله
الأخت سهام وأنا كذلك انقطعت عن الدخول للمنبر فترة ، بسبب العمل
النتيجة إنو كنت متوقع أن يدلي الشباب الشيوعي بالإجابة على الأسئلة التي طرحت هنا خاصة ما يتعلق بأيدولوجية الحزب ونظرته للأديان وموقفهم من ذلك
حيث قضايا كثيرة تتعلق بهذا الجانب المهم ، وإن كنت أنت قد أجبتي لكنك صدرتي إجابتك بأنه في فهمك أو اعتقادك
دايرين كلام نجيض عن موقف الحزب الشيوعي من الدين الإسلامي / الأديان
صلتهم بأصلهم (الحزب الروسي) والفكر الماركسي ... شنو ؟!
نظرتهم للاشتراكية كنظرية اقتصادية ..

وبس ..
ده جهادي الما تم مع شباب الاستنارة ديل .. لأنو منازلة في ميدان من غير وجود خصم ... حيث (فرتق) الخصم ... (وده ضاحك وإن شئت عدة وجوه)



ـــــــــــــــــــــــــــــــــــــــــــــ
الأخ عاطف .. اليوتيوبات بتاعت المصريين دي الأخوات نصحوك فيها هنا .. يا أخي أقبل النصيحة .. وقبل على النجيضة .. وورينا حزبكم ده شايت وين
والكلام سمح من خشم سيدو ...

Post: #119
Title: Re: يا شيوعيين ...
Author: عارف الركابي
Date: 14-06-2012, 05:14 PM
Parent: #117

الأخ عبد الله إحيمر
المدة طالت .. فالسلام عليكم ورحمة الله ، وأرجو أنك ومن حولك بخير

Quote: / انا لم اتطـرق لنضال الجماعة ديل من عدمو وهم احـرار يناضلو كما يحلو لهم
وانت حـر ترفض نصالهم دا , لكن لما الكـلام يختى الدرب و يطرح كمسـلمات مفروغ منها
علينا أن نتوقف لإسـتتجلاء الأمـر

وأنا كلامي في حديث التشييع والمقابر من أول مشاركاته فقط يتحدث عن الهتافات في المقابر (فقط)
لم أتطرق لتشييع ومشيعين وحتى لما ذكرت الأخ رمانة مسألة فقهية وتساءلت عن حكم التشييع للنساء ، ذكرت لها إنه بالإمكان مناقشتها في موضع آخر
إذا رجعت لكل مداخلات الشريط التي كتبتها في هذا الشأن ستجدها في جزئية واحدة : الهتافات ورفع الصوت بين القبور وبشعارات شيوعية معروفة ..

Quote: 2 / انت لم تسـتنكر و لا تسـتطيع أن تسـتنكر تشــيع أيا كان , ولكنك اسـتنكرت الطريقة
التي تم بها التشــيع ومن خلال ذلك هبشــتني كـ ( واحد من المشــيعيين ) في
أ / أننا تعدينا على حرمة الأموات

يا أخ عبد الله ، إذا كنت ممن هتفوا .. جايين جايين في السكة .. وعاش نضال الطبقة العاملة .. وخالد خالد يا فلان ... شهيد شهيد يا علي فــــ .......
إذا كنت ممن هتف مثل هذه الهتافات في المقابر ، فأكيد أنت ممن أقصد بكلامي ونصحي وأرجو أن تتقبله بصدر رحب أو تناقشني في تخطئتي لهذا العمل في هذا المكان
أما إذا كنت لست ممن فعل ذلك وإنما ذهبت مشيعاً فهذا حق أعطاك له الإسلام لكل مسلم ومن ثبت عندك إسلامه .. ولك بذلك أجر وثواب حسب نيتك وإخلاصك لله تعالى
ووقتها يكون كلامي ما مفروض يهبشك ولا يجيك منه أدنى إشكال ... لأنك في وادي وكلامي في وادي ثاني ...
وأظن أني اجتهدت في بيان هذا الأمر حتى أني شعرت بالملل وأنا أكرر ماذا أقصد ..

Quote: طبعا لم تجاوب حتى الآن عن هذه المجموعة التي قدمت لها بـ ( و المعروف ) , مرة تانية
تحاول أن تثبت شــيء غير حقيقي بقولك و المعروف ( يعني خلاص الأمر منتهي , ولكنه ليس
كذلك مالم تقـول من هي هذه المجموعة المعينة ,
أها اركــز و ركــز وجاوب عشـان نصفق لك مع المصفقين ( قاصد شــنو بـ ( و المعروف )
( مجموعة معينة )

طبعاً المجموعة المقصودة بكلامي هي مجموعة من النسوة ممن كن يهتفن تلك الهتافات ويصفقن بأيديهن .. والكلام كله مرتبط مع بعضه ..
وقد كان كلامي هذا تعقيبا على الأخ عاطف عندما عمم بأن المرأة السودانية هزمت ..... الخ
ولو كنت يا أخ عبد الله قرأت مداخلات هذا الشريط ستجد أن بعض المتداخلات ذكرن أنهن ذهبن في التشييع ولكنهن يستنكرن هذه الهتافات وتعتبر في رأيهن خطأ واضح وأمر جديد
فمن صفقن وهتفن ... سايريرن سايرين وجايين جايين وعاش .. وخالد ... ديل مجموعة معروفة من النساء ولعل الأمر واضحاً لك يا عزيزي

أما التصفيق ، فأنا ما بتاع تصفيق ، والتصفيق حكمه الجواز للنساء في الصلاة .. والتسبيح للرجال .. وأسأل الله أن يميتني على سنة محمد عليه الصلاة والسلام
ولا كايس لي تصفيق ولا دايرو ...
Quote: و أظنك يا دكتور تعلم الفرق بين ( ذهب معي ) , و ( تسـوق معاك ) و كمان مكمل عليها
اولاد حلتك و بص سـياحي و كلام ما في محلو ولا اتوقعه من دكتور مثلك , لزومو شــنو تغيير
ذهب معي الى تســوق ( هنا تظهـر رغبتك في تكرار ما ســميته كلام لك فارغ )

أعلم الفرق يا أستاذ عبد الله .. وليس هناك تغيير ، وإنما هذا أسلوب واضح لتأكيد أن نقدي ليس في مجرد التشييع ، ومن باب التأكيد والمبالغة في التوضيح ذكرت لك أنه إذا ذهبت وأخذت معك مجموعة ودعوت لذلك فليس لي نقد في هذه الجزئية
وأرجو ان يكون اتضحت لك أيضاً هذه الجزئية
وإذا كان كلامي هذا لم يعجبك يا أخ عبد الله
فأرجو منك شاكراً أن تراجع العبارات التي جاد بها فضيلتكم علي بها بهذا الشريط ، و التعجب (التريقة) التي أشرت بها على اقتباس كلامي عن الاشتراكية في أعلى هذه الصفحة
أخوي عبد الله : الإنصاف عزيز في زمنّا ده
دمت بخير