Post: #1
Title: بخصوص الرباطة (الشبيحة والبلطجية)
Author: Siham Elmugammar
Date: 06-17-2012, 04:03 PM
Parent: #0
سلام للجميع
الرباطة اعتقد انه المقابل السودانى لكلمتى الشبيحة والبلطجية
كيفية التعامل معهم؟؟؟
كيف ممكن ان نستفيد من تجارب الثورات السابقة فى التعامل معهم؟؟
فى نصائح او افكار؟؟؟؟؟؟؟؟
لا تبخلوا بها هنا
|
Post: #2
Title: Re: بخصوص الرباطة (الشبيحة والبلطجية)
Author: معاوية عبيد الصائم
Date: 06-17-2012, 04:06 PM
Parent: #1
سهام
مجتبى
غادة
الهام والمواطن طه
بت مادبو
بت خيرى
لبنى موسى
خنساء
عموما
|
Post: #3
Title: Re: بخصوص الرباطة (الشبيحة والبلطجية)
Author: معاوية عبيد الصائم
Date: 06-17-2012, 04:08 PM
ابراهيم فتح الرحمن
|
Post: #4
Title: Re: بخصوص الرباطة (الشبيحة والبلطجية)
Author: Siham Elmugammar
Date: 06-17-2012, 04:15 PM
Parent: #3
هذا بتاكيد وجودهم و ظهورهم من قولة تيت هنا
الشبيحة والبلاطجة في الخرطوم : رأي العين
عندما سمعنا بهم فى الظاهرات الاخيرة
________________________
التحية لهن و لهم يا معاوية
يا ريت نفكر كلنا عن سبل لتقليل كوارثهم
|
Post: #5
Title: Re: بخصوص الرباطة (الشبيحة والبلطجية)
Author: عمار عبدالله عبدالرحمن
Date: 06-17-2012, 04:19 PM
Parent: #4
محاولة التقاط صور لهم
ونشرها لتجيمع اكبر معلومات عنهم
ليتم محاصرتهم في الاحياء ,
|
Post: #6
Title: Re: بخصوص الرباطة (الشبيحة والبلطجية)
Author: Siham Elmugammar
Date: 06-17-2012, 06:17 PM
Parent: #5
فعلا يا عمار مفروض نستفيد من تميزنا كسودانيين
وانو نحن مجتمع مترابط شديد
يعنى ما زى باقى الدول مشتتين
نحن اصحابنا ممكن ييكونوا بعرفوا ده ودعم ودعم ابونا
والا ده ود خال صاحبنا
وده جيرانا
يعنى ممكن عدد مقدر منهم يتعرف
وتتم محاصرته
السؤال برضو كيف تتم مواجهتهم خلال المظاهرات؟؟؟؟
|
Post: #7
Title: Re: بخصوص الرباطة (الشبيحة والبلطجية)
Author: الشفيع وراق عبد الرحمن
Date: 06-17-2012, 08:52 PM
Parent: #6
| Quote: يا ريت نفكر كلنا عن سبل لتقليل كوارثهم |
| Quote: السؤال برضو كيف تتم مواجهتهم خلال المظاهرات؟؟؟؟ |
لو لاقوك يا سهام، نصيحة كده، لمي نعلاتك وقومي صوف
|
Post: #8
Title: Re: بخصوص الرباطة (الشبيحة والبلطجية)
Author: Siham Elmugammar
Date: 06-17-2012, 10:45 PM
Parent: #7
| Quote: لو لاقوك يا سهام، نصيحة كده، لمي نعلاتك وقومي صوف |
الاخ الشفيع هذا فى ما يخص نصيحتك لى
ومشكور
اها بالنسبة لى باقى الناس يسوا سواتى والا فى نصيحة تانية ليهم
بعدين يا الشفيع ياخ انت ما بتحضر الجزيرة والا شنو؟؟؟
والا السودانيين والسودانيات ما بقدروا على جنس ده
|
Post: #9
Title: Re: بخصوص الرباطة (الشبيحة والبلطجية)
Author: Elbagir Osman
Date: 06-18-2012, 03:44 AM
Parent: #8
بالعصيان المدني
بالبقاء في البيوت
بدءا من تاريخ محدد تعلنه قيادة الإجماع الوطني
فيبقى كل في بيته
ولا يفتح أحد متجره
أو يحرك عربته
كان سلاحا ماضيا استخدمه الشعب السوداني في اكتوبر
ويستخدمه الآن سكان دمشق
شهرنا سيوف عصياننا المدني
وكانت وحدة صف يا وطني
الباقر موسى
|
Post: #10
Title: Re: بخصوص الرباطة (الشبيحة والبلطجية)
Author: Siham Elmugammar
Date: 06-18-2012, 06:01 AM
Parent: #9
الاخ الباقر سلامات
العصيان المدنى ممكن يخلى الحل ناجع
بس يا اخوى ما فتحت جرح
العصيان المدنى داير شغل منظم
واصطفاف شعبى عالى خلف قيادة
ونكون صريحين هسه مافى قيادة جماهيرية
جماهير دمشق تجربتهم مختلفة
|
Post: #11
Title: Re: بخصوص الرباطة (الشبيحة والبلطجية)
Author: Elbagir Osman
Date: 06-18-2012, 06:06 AM
Parent: #10
نتمنى أن يرتفع تحالف الإجماع الوطني لأن يكون قيادة للشعب
- مع الجبهة الثورية في الريف -
هذا يتوقف على العمل اليومي لإعضاء أحزابه ومؤيديه
مع ودي
الباقر
|
Post: #12
Title: Re: بخصوص الرباطة (الشبيحة والبلطجية)
Author: Siham Elmugammar
Date: 06-18-2012, 07:18 AM
Parent: #11
Quote: نتمنى أن يرتفع تحالف الإجماع الوطني لأن يكون قيادة للشعب
- مع الجبهة الثورية في الريف -
هذا يتوقف على العمل اليومي لإعضاء أحزابه ومؤيديه |
والله يا الباقر نقول شنو؟؟؟ مافى كلام ...
لما ابريل هد قلاع الدكتاتورية
فى ضائقة اقل من دى
لم يكن الناس يتمنون
بل كان العمل الدؤوب هو الذى قاد اللانتفاضة
|
Post: #13
Title: Re: بخصوص الرباطة (الشبيحة والبلطجية)
Author: abdelrahim abayazid
Date: 06-18-2012, 07:37 AM
Parent: #12
الاخت سهام تحياتي لك
هذا النظام اسلوبه القمعي فاق كل الانظمة وبقدر قمعه وتجارب
التظاهر ضده من ايامه الاولي وهوغالبا ما يستخدم اسلوب
ادماج رجال الامن وسط المتظاهرين ومحاولة الدخول في المظاهرة
من اي مكان بل يهتف مع المتظاهرين وحين اطلاق البومبان واقتراب
الشرطة يبداء في تصيد المتظاهرين.
لكن وحدة المتظاهرين وتماسكهم يجعله شخصا معزولا
كما انه دوما شخص مسلح يكون السلاح ظاهرا مهما حاول اخفاءه
الاماكن والعمارات العالية والمباني الحكومية ومنازل اتباع النظام دوما محروسة بمسلحين
رصدهم ومعرفة مواقعهم بالذات في الشوارع الرئيسية التي يمر بها
المتظاهرين او يدخلون اليها في حالة الفر والكر
في انتفاضة ابريل لم يكن في بسط امن شامل في الاحياء الان
في كل منتزه داخل حي في بسط امن شامل الناس لازم تشوف طريقة
لهذه الكبسولات
|
Post: #14
Title: Re: بخصوص الرباطة (الشبيحة والبلطجية)
Author: عمار عبدالله عبدالرحمن
Date: 06-18-2012, 08:59 AM
Parent: #13
عزيزي عبدالرحيم ابايزيد
الشرطة السودانية لها مظلومياتها مع النظام
فهي من أكثر القوات التى تم اضطهادها
في ظل حكــومة الإنقاذ
طــوال مسيرة الانقاذ لم يتم تعين وزير داخلــية
من داخــل الشرطة ,, اتوقع ان تتهاون الشرطة
بصورة اكبر مما حدث في انتفاضة مارس ابريل,
,اتوقع اول بيانات ومنشورات ستخرج من ضباط الشرطة وبمشاركة رتب عليا ,,
|
Post: #16
Title: Re: بخصوص الرباطة (الشبيحة والبلطجية)
Author: Siham Elmugammar
Date: 06-21-2012, 10:44 AM
Parent: #14
Quote: لكن وحدة المتظاهرين وتماسكهم يجعله شخصا معزولا
كما انه دوما شخص مسلح يكون السلاح ظاهرا مهما حاول اخفاءه |
سلامات يا عبدالرحيم
ده تنبيه للمتظاهرين فا لسلاح زى الساطور والسيف كما وصفهم الصحفى
فيصل محمد صالح لا يمكن اخفائة
ووحدة المتظاهرين ده العضم
وفى البال تجربة مصر مع موقعة الجمل فى التحرير
اول ما تكالب المتظاهرون على البلطجية (الرباطة) كان لهم النصر
ولم يظهروا مرة اخرى
الذى يتظاهر من اجل قضية عادلة
ليس كمدفوع الاجر
المتظاهر يمرق وقلبه قوى
والرباطى يمرق وقلبه فى ساطور
اول ما ينقلع منه هو انتهى
|
Post: #17
Title: Re: بخصوص الرباطة (الشبيحة والبلطجية)
Author: Siham Elmugammar
Date: 06-22-2012, 08:11 PM
Parent: #16
Quote: الشرطة السودانية لها مظلومياتها مع النظام
فهي من أكثر القوات التى تم اضطهادها
في ظل حكــومة الإنقاذ
طــوال مسيرة الانقاذ لم يتم تعين وزير داخلــية
من داخــل الشرطة ,, اتوقع ان تتهاون الشرطة
بصورة اكبر مما حدث في انتفاضة مارس ابريل,
,اتوقع اول بيانات ومنشورات ستخرج من ضباط الشرطة وبمشاركة رتب عليا ,, |
سلامات يا عمار هذا متوقع و بسرعة شوية اكبر من ابريل
الشرطة مغبونة شديد
مثلها و بقية فئات هذا الشعب الصابر اهله
|
Post: #18
Title: Re: بخصوص الرباطة (الشبيحة والبلطجية)
Author: Siham Elmugammar
Date: 06-22-2012, 08:54 PM
Parent: #17
| Quote: اها يا بيييييييييير ايد علي ايد سنجدع المفردة بعييييييييد |
سلامااااات يا بيير المفردة انطلقت فى الفضاء بسرعة الصاروخ
والشكر لصاحبك فقد اهدانى اياها وانا ابحث عنها لكتابة البوست
كم انا فخورة به و بمساهمته التى تلقفها الشباب واتبنوها و اننشرت بينهم
|
Post: #19
Title: Re: بخصوص الرباطة (الشبيحة والبلطجية)
Author: Siham Elmugammar
Date: 06-23-2012, 01:52 PM
Parent: #18
نصيحة للشباب تحركوا فى جماعات ... ووسط الاحياء
ابتعدوا عن التظاهر فى الجامعات ..
الثورة مكانها الاحياء
وفى الاحياء ..بيوت الناس هى الملاجىء الامنة
|
Post: #20
Title: Re: بخصوص الرباطة (الشبيحة والبلطجية)
Author: Safia Mohamed
Date: 06-23-2012, 02:40 PM
Parent: #19
شكرا سهام
مفردتك حايمة في القنوات الفضائية
الشباب قالو عاوزين المقتبس ادناه يصل لاكبر عدد
فعذرا نلصقه ليك هنا
Quote: لسلام عليكم شباب الوطن .... .
كثيرين بيرسلوا وبيطلبوا مننا نحدد اماكن رئيسية للتجمع ،الخطوة جميلة بس لسة بدرى عليها شوية ،وجربناها قبل كدا والبيحصل انو بنلقى مئات من ناس الشرطة والامن بتعتقل اى زول يقرب من المكان وما بتدى اى فرصة للمظاهرة انها تبدا اساسا.
الاستراتيجية الافضل انو المظاهرات تكون متفرقة لحتى ما تكبر وتغطى كل الاحياء وتصل لكل مواطن بعدها بنقدر نحدد مكان بكل ثقة والشرطة بتكون ارهقت تماما.المطلوب كالاتى :-
**لو حيك طلع اطلعوا الليلة تانى وتكون مظاهرة اكبر واقوى وتستمر مدة اكبر نكسر حاجز الخوف تماما.
**لو امبارح حيك ما طلع لااازم يطلع الليلة اجمع اصحابك وابدا والله 5 بس يقدروا يبدوا مظاهرة والناس بتتلم عليهم عن تجربة الكلام دا .فى حيك بتلقى تضامن اسرع من كل اهل الحى وبيقيفوا معاك ،ابدوا باى عدد واهتفوا جوا الحلة طلعوا الناس او من الزاوية بعد الصلاة او خبطوا البيوت قولوا للناس منتظرين شنو ؟ انتم ادرى بحيكم ،اتجهوا لاقرب شارع رئيسى واقفلوه باطارات او غيرها ،وكل ما العدد زاد امشوا مسافة ابعد واقفلوا شارع تانى وحتلاقوا فى طريقكم مظاهرة طالعة من شارع تانى .
**المظاهرات الليلية افضل وافضل بكثير ولو عددكم بسيط خلوها كر وفر بينكم وبين الشرطة ،الشرطة ما بتعرف مخارج ومداخل الحي زيكم .
**اهم نقطة صور ووثق لاى شئ لازم فى كل مظاهرة يكون فى اثنين مسئولين من التصوير وارفع الصور فى حائط الصفحة ومعاها ملخص عن الخبر .محتاجين صوتنا يوصل لكل المواطنين فى بيوتهم ،عشان كل مرة عددنا يزيد ويزيد ،وبدل المئات نبقى الوف وملايين .
**يلا يا شباب كلنا مسئولين عن التغيير ،واحدة من المظاهرات الناجحة امبارح قوموها شباب اقل من 18 سنة .كلنا لازم نحس بالقضية وكلنا نشيل الهم عشان بكرة يبقى احلى وبلدنا تبقى اجمل .
مافى زول يقول تانى مشيت وما لقيت مظاهرة انت المفروض تقوم المظاهرة مش تنتظر غيرك .
المستقبل احنا البنصنعه والظروف احنا البنغيرها ،ايدى على ايدك نمشى لقدام .
يلا كلنا شير للبوست عشان نصل لاكبر عدد ممكن
|
|
Post: #21
Title: Re: بخصوص الرباطة (الشبيحة والبلطجية)
Author: Siham Elmugammar
Date: 06-23-2012, 03:13 PM
Parent: #20
العزيزة صفية محمد
سلامات والحى بيك
بالجد كلام واعى جاى من شباب و شابات فعلا استفادوا من التجربة
ربنا ينصر هذا الشعب الصابر اهله
خليك قريب وعلى اتصال
|
|