Post: #1 Title: الى عماد عبدالله ...رسالة من وردى قال ليك: Author: Siham Elmugammar Date: 02-18-2012, 09:54 PM
لو بإيدي .. لو بإيدي كنت طوعت الليالي لو بإيدي .. لو بإيدي كنت زللت المحال والأماني الدايرة في دنياي ماكانت محال دي الإرادة ونحن ما بنقدر نجابه المستحيل دي الإرادة والمقدر ما بنجيب ليه بديل
دي الإرادة أجبرتني في هواكم من قبيل
غصبا عني وغصبا عنك انت حبيتني وهويتك لو بإيدنا من زمان كنت خليتني ونسيتك والنهاية .. انت عارف وانا عارف لو بإيدي كان هديتك
أصلو حبي أقوى وأكبر من إرادتي وانا حاسس في جحيم نارك سعادتي والهيب البكوي في روحي في ذاتي هو إنت قلبي دايرك حبي عارفك في شبابك في صباك في جمالك في وفاك في شبابك في وفاك يا المسير وماك مخير انت ياصابر عند الله جزاك
Post: #2 Title: Re: الى عماد عبدالله ...رسالة من وردى قال ليك: Author: Emad Abdulla Date: 02-19-2012, 06:50 AM Parent: #1
يا سهام .. يا سهام
Post: #3 Title: Re: الى عماد عبدالله ...رسالة من وردى قال ليك: Author: Abdlaziz Eisa Date: 02-19-2012, 06:55 AM Parent: #2
لو بأيدي..................
Post: #4 Title: Re: الى عماد عبدالله ...رسالة من وردى قال ليك: Author: معاوية محمد الحسن Date: 02-19-2012, 06:56 AM Parent: #2
سهام العزاء لكم وللشعب السوداني فى هذا الفقد الجلل وداعا للكلمة الحلوة واللحن العذب المموسق وللفنان صاحب القضية فلتهنا الساحة الفنية بعد اليوم ياغاني راجل المراة وحرامي القلوب تلب
Post: #5 Title: Re: الى عماد عبدالله ...رسالة من وردى قال ليك: Author: محمد عبد الماجد الصايم Date: 02-19-2012, 07:26 AM Parent: #4
يا أمير الحُسن .. لو تسمح ظروفكـ كل ساعة .. كل لحظة كل يوم مشتاق أشوفكـ! وين يا أمير؟
Post: #7 Title: Re: الى عماد عبدالله ...رسالة من وردى قال ليك: Author: محمد عبدالرحمن محمد Date: 02-19-2012, 07:42 AM Parent: #5
Post: #6 Title: Re: الى عماد عبدالله ...رسالة من وردى قال ليك: Author: Siham Elmugammar Date: 02-19-2012, 07:31 AM Parent: #4
يا عماد يا عبدالعزيز يا معاوية البركة فى كل الشعب الفضل
انا المخاصمة الغنا لى زمن محمد ولدى سألنى يا ماما بتعملى كده لى انتى ردى ده منو غنيت ليهو يا شعبا لهبك ثوريتك وغنيت ليهو كررى تحدث عن رجالا كالاسود الضارية خاضو اللهيب و شتتو كتل الغزاة الباقية ما لان فرسان لنا بل فر جمع الطاغية
ثم وانا متكومه على سريرى بعد نام الجميع غنيت لى ولعماد المستحيل غنيت لو بأيدى ...وانا بصرى ممتدد الى غرفة غادة المغلقة امامى اتكومت الاحزان وقعدت جبال وردى يا وطن وردىى يا عشق
Post: #8 Title: Re: الى عماد عبدالله ...رسالة من وردى قال ليك: Author: Siham Elmugammar Date: 02-19-2012, 07:49 AM Parent: #6
يا ود الصايم
صدق حالت ظروفى دون حضور الدفن..ياخ انا هسه اعمل شنو ياخ والله حزينة حزينة انى ما كنت وسط الناس ما كنت معاهم ابكى و انتحب على فقدنا ما كنت هناك اودع وردى امير الحسن يا وردى يا امير القلوب يا ملك المسرح (ودى يا ود الصايم عندها قصة خاصة ح احكيها ليك)
Post: #9 Title: Re: الى عماد عبدالله ...رسالة من وردى قال ليك: Author: محمد عبد الماجد الصايم Date: 02-19-2012, 08:03 AM Parent: #8
والله يا سهام .. الأحزان ملت هاردسكاتنا فُل!!!
Post: #10 Title: Re: الى عماد عبدالله ...رسالة من وردى قال ليك: Author: Nazik Eltayeb Date: 02-19-2012, 08:33 AM Parent: #9
اليوم جرح الحزن ازداد اتساعا
Post: #11 Title: Re: الى عماد عبدالله ...رسالة من وردى قال ليك: Author: Siham Elmugammar Date: 02-19-2012, 08:51 AM Parent: #10
"والله يا سهام .. الأحزان ملت هاردسكاتنا فُل!!! "
والله ما قلت الا الحق
___________________________________ شكرا يا محمد عبدالرحمن على الرابط وقع لى فى جرح عشان اولادى عذبونى من الصباح بالاسئلة اصلو ما فكرت فى قصة اليوتيوب دى مخى قافل عديل كده ______________________________________
Post: #13 Title: Re: الى عماد عبدالله ...رسالة من وردى قال ليك: Author: maia Date: 02-19-2012, 09:54 AM Parent: #11
رحل سليم الذوق يا سهام رحل بدون ميعاد مخلفا جبل هائل من الحزن
وليسامح دمعتنا المعذورة
Post: #12 Title: Re: الى عماد عبدالله ...رسالة من وردى قال ليك: Author: عصام الدين نصر ابراهيم Date: 02-19-2012, 09:53 AM Parent: #9
العزاء لكم وللشعب السوداني والقارة السمراء في هذا الفقد الجلل ابن منطقة صواردا يالها من صدمة الله يصبرنا في مصيبتنا ولا نقول الله مايرضي الله إنا لله وانأ إليه راجعون
Post: #14 Title: Re: الى عماد عبدالله ...رسالة من وردى قال ليك: Author: قيقراوي Date: 02-19-2012, 10:16 AM Parent: #12
Post: #15 Title: Re: الى عماد عبدالله ...رسالة من وردى قال ليك: Author: Siham Elmugammar Date: 02-19-2012, 11:35 AM Parent: #14
مايا البركة فيكم ياخ انا غايتو نجضت حسام ولدى نجاض من الصباح قاعدة اديهو محاضرات وردى ده منو وما خليت لى يوتيوب ما حضرتو ليهو
البركة فينا وفيكم يا عصام نصرالدين نعم رحم الله وردى بقدر ما قدم لنا
ياقيقراوى انا والله قلبى برضو قال لى كلام قلبك ده زاتو لكن لعنتو وقلت ده قلب اصلو اتعود على توقع الاسوء وفرحت لما سمعت انو بدا فى التعافى وكاويت قلبى و حديثو و اتشفيت فيهو شفت كيف لكن....
Post: #16 Title: Re: الى عماد عبدالله ...رسالة من وردى قال ليك: Author: Siham Elmugammar Date: 02-19-2012, 12:11 PM Parent: #15
يا نو العين انتى وينك وين يا غادة
يوم قمت فيك قلت ليك ما معقولة دى بس اغانى اجنبية عرفة وغنى ورقيص قلت ليك اها وردى بغنى بقول كدى وكدى ولا اجعص زول او زوله من ناسك ديل بعرفو زيو وقررت احكى ليك عن وردى واحكى ليك عنى عرس خالتو ابتسام وكيف وردى وقف وقال انا ملك المسرح ده وح اغنى لطه المجمر للصباح واتفلهمنا ليك فلهمة عجيبة احساسنا كأن على رؤوسنا الطير ياخ وردى يقول كلام زى ده ياخ والله جيرانا واصحابنا زاتهم اتفلهمو معانا ورقصنا كما لن نرقص مرة احرى وفعلا اوفى وردى رجعنا بيوتنا مع السحر
يا غادة يا نور العين قبل ما اتم ليك القصص عن وردى وانفذ مخططاتى ومؤامرتى نحوك والتى حدثتك عنها انك ح تعرفى وردى ..مصطفى و شرحبيل وح ترقصى سودانى من غير ما تشترى رقيص الرقبة قبل ما اتم شكلاتى معاك انو كيف تكونى بتصصمى رقصات غربية وتعلميها صاحباتك و تجى لما ادق ليك الجردل واقول ليك انفنسى تضحكى و تقولى ما بعرف و لااااا كمان تشترى الرقيص
خططت و كلمت واحدة بعرفها تجيب لى شريط قسمة وكنت راجية الامتحانات تتنهى وادخلك مدرسة الفن السودانى
اههههههااااااااا انتى هربتى من كل المؤمرات دى هروب لم يكن على بالى كنت اتوقع بعض الشغب وبعض التهرب وقررت انا اكون بالمرصاد لك من محاولاتك لكن هذا الهروب الكبير والنهائى ده اصلوا ما خطر على بالى
اثرتى النوم هادئة بأذن الله وجليتى الدنيا كلها
وردددددى ياخ يا غادة ورددددى جاك اسأل الله تكونوا الاتنين فى الفردوس الاعلى من الجنة واحكى ليك هو عن جدوك طه المجمر وحسن المجمر وردى انسان ياخ ... مهما قالو عنو يا غادة كان سودانى اصيل بعرف معنى الناس و معدنهم
يا نور العين يا غادة
Post: #17 Title: Re: الى عماد عبدالله ...رسالة من وردى قال ليك: Author: احلام وهبي Date: 02-19-2012, 01:37 PM Parent: #16
وردددددى ياخ يا غادة ورددددى جاك اسأل الله تكونوا الاتنين فى الفردوس الاعلى من الجنة
ياالله يا سهام من الحزن والالم
الله يصبرك الفراق حااااار وجعوا نار لكن نعمل شنو يا اختي بس ندعي بالرحمة والمغفرة لكل عزيز لينا
الله يرحمهم ويغفر ليهم ويجعل مثواهم الجنة
Post: #18 Title: Re: الى عماد عبدالله ...رسالة من وردى قال ليك: Author: Siham Elmugammar Date: 02-19-2012, 04:18 PM Parent: #17
عارفة يا احلام لمن تكونى ماسكة نفسك شديد و متصبرة يقوم يجيك بكاء حااااار يضيعك ليك داك كلو بس ياهو ده الحال
Post: #19 Title: Re: الى عماد عبدالله ...رسالة من وردى قال ليك: Author: khaleel Date: 02-19-2012, 04:27 PM Parent: #18
سنين وايام قضيت عمري
قضيت عمري في لوعة
دموعي تسيل وليلي طويل
وواقف في مهب الريح براي شمعة
اناجي الليل واقول يا ليل
انا المظلوم عزاي دمعة
نعم يا سهام فان دموعنا هي العزاء
ولو لا الاسي لقلت تبكيك الليالي الطوال
رحم الله محمد عثمان وردي
Post: #20 Title: Re: الى عماد عبدالله ...رسالة من وردى قال ليك: Author: Siham Elmugammar Date: 02-20-2012, 10:32 AM Parent: #19
سلامات يا دفعة
بلاهى شوف قصة الدفعة دى بتسوقك كيف ؟؟؟ محل ما تمشى و تشتت فى الدنيا دفعتك تعانى معاك وتتألم معاك كدى يجينا زول من ناس الفلسفة يتكلم لينا عن جدلية الدفعة واندياح الوجع (ارشح كيكى ..عصام جبرالله.. ابوبكر صالح) او كل من يجد فى نفسة الكفاءة
يا خليل "ولو لا الاسي لقلت تبكيك الليالي الطوال"
Post: #21 Title: Re: الى عماد عبدالله ...رسالة من وردى قال ليك: Author: سيف بخيت موسي Date: 02-20-2012, 10:39 AM Parent: #20
اللهم أرحم عبدك محمد عثمان وردي
اللهم أجعل قبره روضة من رياض الجنة
اللهم أدخله أعلى الجنان مع الصديقيين والشهداء
إنا لله وإنا إليه راجعون
حار العزاء لجميع شعب السودان
----------- سهام ازيك
Post: #22 Title: Re: الى عماد عبدالله ...رسالة من وردى قال ليك: Author: Siham Elmugammar Date: 02-20-2012, 11:19 AM Parent: #21
البركة فينا و فيك يا اخى سيف وفى كل الوطن
ربنا يتقبل وردى القبول الحسن
لكن نحن زاتنا محتاجين للدعاء انو ربنا يصبرنا على دفقات الاحزان و يقدرنا و يثبتنا
