Post: #1
Title: يا حبيبة الليل طويل..والصبر قاسى
Author: Siham Elmugammar
Date: 01-21-2011, 10:25 PM
احبيتى انا غلبنى الصبر الليله وكل يوم انتى وين يا امى انا؟؟؟ وين مشيتى
كنا بنتناقش حول بوست خدر قامت ايه قالت لى يا خالتو ده ما كلام ديدى زاتووو مش قالت الناس بتخاف من التغيير
جيت راجعه البيت قلت اشوف مداخلتك اليتيمه غلبنى يا امى انا غلبنى حبيبتى انا
ياخ مخك كان كبير خلاس
فى كل موضوع انا بتذكرك واقول يا ربى كنتى ح تقولى شنو؟؟؟ موضوع عام والاخاص
طوالى بفكر يا ربى ديدى كان ح تقول شنو؟؟ مرات بقدر اتخيل ومرات اقول ياخ دى دايما كانت بتفاجئنى
هسه الناس ياماما انا بتتكلم عن الوضع فى السودان و التغيير و غير
وانتى قلت الناس بتخاف من التغيير !!!
اها رايك شنو؟؟؟
مرقت قبل يومين لقيت بنات من الحله واقفات شايلات شموع قلت يا حليل غادة وسطن
قلت ليهن انتو بيت واحد رايكم شنو نجيب لينا صينية و نقعد ندقها نخلى الحلة دى كلها تمرق
ما استجابن لفكرتى
قلت لو انتى كنتى معانا كانا مشيتى جبتى صينيتك و جيتى
انا تعبانه من التكفير المدور طوالى والراس البتهز دلاله عدم التصديق
جاتنى دوشه
شنو؟؟مالك ؟؟ ما صحى هسه دى عملها تعلميها
الناس لما تقول لى يا سهام غاده هسه ليها كده شهر
انا بتخلعك .... اهون عليك قدر ده
تخلينى وتمشى
مافى زول بقول لى ماااااماااااا لما اجى داخله
وافتح لى حضنه الحنين
محمد وحسام على حسب بسووفى شنو!!!! يعنى لو الكوره مسخنه مممكن عادى ما يشتغلو بى
الليله اجرى اسكهم سك... بطلع البيت بلقى فاااضى انتى مافى
زول بحكى لى قصه ولا يكون منتظرنى بى موضوع مااافى
يا حليل دربكينك يا امى...ما كنت قايله ح افتقدو كده
خضر حسين كل مره فاتح لينا بوست بخصوص العيش والازم منو للعيش الناس
انتى رايك شنو؟؟؟؟
دحين صحباتك نزلو الجامعات ما ناسينى بيضربو لى طوالى
سلمى قالت عاوزه تنتهى من الامنحانات و ح تجينى اوديها ليك
عاوزه تزورك...تصدقى هديه نجاحها من المدرسه ضربت قالت عاوزه تدينا ليها
نعملها بيها حاجه على روحك... قلنا ليها انتى ح تكونى سعيده اكتر لو هى استفادة بيها لنفسها
دى انا متأكده منها...موش صاح كلامى؟؟؟
انتى ما ح تردى على انا عارفه؟؟
طيب انا قاعده ادعى ليك كتير ...دعاى قاعد يصلك يا امى يا حبيبتى؟؟؟؟؟
اسأل الله انو يكون واصلك
لااعتراض فى حكمو ياماما
لكن القصه صعبه شديد
اهااااا انا اسوى شنو؟؟؟
ترا الناس فى المنبر ده عزونى وشدو على يدى لمن فترو
تانى انا جيت ليهم بى احزانى وعدم صبرى
انا الودانى افتح المكتبه شنو؟؟؟
الله يخليك يا خدر كلو منك انت وايه
فى البوست لقيت فى اخونا الشيخ محمد ابو ادريس كتب "كل واحد جالس تحت الشجرة ويالف لينا في قصص
اين المصدر"
شوفى الزول ده فجع فيك كيف؟؟؟ الناس بيعزو وهو بس جاء كتب كده وما رجع تانى
ده حالتو ما عرفك
فعلا اين المصدر؟؟؟؟
انا زاتى عاوزه فى الليل ده اعرف المصدر بتاع الخبر ده شنو؟ من وين و كيف ومتين؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #2
Title: Re: يا حبيبة الليل طويل..والصبر قاسى
Author: Ishraga Mustafa
Date: 01-21-2011, 10:34 PM
Parent: #1
ياسهااااااااااااااااااااااااااااااااااااااااااااام
|
Post: #3
Title: Re: يا حبيبة الليل طويل..والصبر قاسى
Author: jini
Date: 01-21-2011, 10:35 PM
Parent: #1
داير اسكتك بكيتينى
الله يرحمهمه ويرحمنا معاها يا اخيتى الصغيرة
عشان محمد وحسام وجتبى والمجمراب كلهم
الله يرضى عليك
جنى
|
Post: #6
Title: Re: يا حبيبة الليل طويل..والصبر قاسى
Author: ساميه حامد
Date: 01-21-2011, 10:40 PM
Parent: #3
لا حول ولا قوة الا بالله العلي القدير
ربنا إرحمها ويتقبلها
ربنا إصبرك يا اخت سهام
|
Post: #7
Title: Re: يا حبيبة الليل طويل..والصبر قاسى
Author: GamarBoBa
Date: 01-21-2011, 10:41 PM
Parent: #3
كلامك يبكي..ببكي الكافر
شدي حيلك يا أخية
|
Post: #4
Title: Re: يا حبيبة الليل طويل..والصبر قاسى
Author: omer osman
Date: 01-21-2011, 10:37 PM
Parent: #1
مالك ياسهام بالليل ده صحيتي فيني مواجع عمييييييييييقة .....
نحن لا ننسي احبتنا ولا يجف دمعنا عليهم لكننا نتعايش نتناسي عسي ولعل ان ننسي وهيهات ..........
لها ولهم جميعاً الرحمة والمغفرة ............ ويارب تصبرنا على فراق احبة عز علينا فراقهم ..........
|
Post: #8
Title: Re: يا حبيبة الليل طويل..والصبر قاسى
Author: كمال سالم
Date: 01-21-2011, 10:43 PM
Parent: #4
ربنا يصبركم ياسهام ففقد غاده كبير ,, ولكنها إرادة الله ,,,
أدعى لها دوما وتماسكى ولا تضعفى وبذلك تكون هى مرتاحه
فى قبرها ,, لها الرحمه والمغفره ..
|
Post: #5
Title: Re: يا حبيبة الليل طويل..والصبر قاسى
Author: خضر حسين خليل
Date: 01-21-2011, 10:39 PM
Parent: #1
يا سهام
آمنت انو دنيانا دي عبارة عن تباريح وسياط ملتهبة
أفتش زاتي في زاتك ياسهام بلقي روحي من خلال ما تسكبيه من ألم ودموع
عادي بكرة تلقاني في حزن آخر
يازولة غادة فاتت للاحسن هي غادة دي كانت حتتحمل الحاصل ده ؟
يازولة جففي دميعاتك واتصبري يا صديقة
خجلان والله يا سهام انو نكون في حتة واحدة وما نتلاقي
لكن نسوي شنو نمرق باكر ونرجع ليل والله يهون
ياسهام رفقاً بغادة رفقاً بك رفقاً بمجتبي والوليدات
ماعارف هل المكان مكان شعر ولا لا لكن شايف انو المقطع ده مناسب يا سهام :
عارف الوجع في الجوف تقيل وعارفك كمان ما بتقدري
اتصبري اتصبري اتصبري
ـــــــــــ
كوني قوية وربنا يصبرك ويصبر من حولك وفي الخالدين غادة
|
Post: #9
Title: Re: يا حبيبة الليل طويل..والصبر قاسى
Author: سارة علي
Date: 01-21-2011, 10:43 PM
Parent: #5
ياااااااا سهام ...
|
Post: #10
Title: Re: يا حبيبة الليل طويل..والصبر قاسى
Author: محمد الجيلى
Date: 01-21-2011, 10:57 PM
Parent: #9
ربنا يرحمها ويغفر ليها ويجمّلكـ بالصُبر إن شاءالله
ويجعل قبرها روضة من رياض الجنة
خلي ذكرياتها قوة ليكـ في ساعة الوجع
|
Post: #11
Title: Re: يا حبيبة الليل طويل..والصبر قاسى
Author: Siham Elmugammar
Date: 01-21-2011, 11:22 PM
Parent: #10
هوووووووى يا اشراقة
يا جنى يا اخوى الله يدى العافية دوست الرد وخرج الامر
والله ترددت لاسباب كتيرة
اولها انتو
قلت الناس دى فترت من عصر الحزن معاى كان بنعصر
وتانيها قلت هسه الناس تقول سهام دى اصلها اول زول فى الدنيا تموت بتو؟؟؟والا قصة النواح الفوقنا دى شنو؟؟
وتالتها قلت ده شنو ده البسوى فيهو انا ده ؟؟؟ نفاق ولا شنو؟؟؟ ما ترانى قاعده ماكله وشاربه وكمان بضحك
يعنى مالى يعنى ؟؟؟ يا قول حجه حميده مرة عمى فى فقد بتها الشابه مها بتقول لى بعد فتره من البكا
معقوله يا سهام يا بنتى ؟؟؟ معقوله الانتو عملتوه فيى ده؟؟؟ يعنى مويه اختك تموت لا حد يقولى ليه؟؟
قلت ليها يا خالتى حميده انتى كنتى عيانه وراقده فى العنايه المركزه لما جا الخبر
قالت لى؟؟؟ ما انا اهوووو مالى جرااالى ايه يعنى
مفيش حد بيموت ورا حد يا بنتى
كنتو تكلمونى سعتها على الاقل كنت بكيت معاكو بدل الانا فيه ده
المهم تعددت الاسباب وغلب فعل الكليك على اضف
الله غالب
|
Post: #12
Title: Re: يا حبيبة الليل طويل..والصبر قاسى
Author: Yassir Tayfour
Date: 01-21-2011, 11:34 PM
Parent: #11
سهامنا
الله يصبرك يا أختاه
نعم الحزن عميق وساكن، لكن لابد أن نفتح له طاقة يخرج منها..
|
Post: #13
Title: Re: يا حبيبة الليل طويل..والصبر قاسى
Author: Tumadir
Date: 01-22-2011, 05:27 AM
Parent: #12
تاني قمتي علي النبيح
الجرح داك تاني انفتح؟
ونزيفو ما داير يقيف ؟؟
شوفي يا سهام خليني احكي ليك قصة
انا كنت بترجم لى واحدة بتمشي لى طبيبة نفسانية
أمها ماتت موتة غريبة وظرف غامض وهى من كبرت ما لاقاتها وبتتذكر ليها حاجات حلوة وبسيطة كده ...
برضو عندها جرح كده نزفو ما بقيف وممسخ عليها الدنيا ...
الطبيبة دي نصحتها نصيحة يمكن تنفعك انتي برضو جربيها يا سهام ...يمكن تلوليك شوية وتسكت نويحك ده...
قالت ليك جيبي ليك "رمز" في البيت ..شجرة زرعة نبتة زهرة أي شي حي..وبكبر ...
وختيه وسميه عليها ...ربي النبتة دي واتكلمي معاها وكبريها وواليها باعتناء كأنك هي ...
بتبقى ليك بديل للفراغ المخيف ده ...وتسد ليك رمق الولع الما بتعرفي تمشي بيه وين ده ...
برضو عندي ليك فكرة تانية : اطبعي يا سهام المقالات الاتكتبت من قبل الاولاد والبنات الواعدين ديل ..اعملي الكتاب وأمشي المدارس وزعيه وأقري منه للأطفال وانشغلي بسيرة غادة فى عيون الناس التانيين ...بتبقى أكتر من مجرد جسد فاني ...بتبقى رمز أكبر وعلاقتك برحيلها حتتغير
مجرد أفكار يمكن تنفع
قلبي معاك
ودعواتي ليها بالرحمة ما اتقطعت
وكل الحب
|
Post: #14
Title: Re: يا حبيبة الليل طويل..والصبر قاسى
Author: سناء عبد السيد
Date: 01-22-2011, 05:49 AM
Parent: #13
اقول ليك شنو يا سهام يختي ..عارفة كل الكلمات ما حتخفف عليك المك و حزنك.. اصبري يا سهام الصبر طيب
الله يصبرك و يرحم غادة و يعوض شبابا الجنة
|
Post: #15
Title: Re: يا حبيبة الليل طويل..والصبر قاسى
Author: عفاف الصادق بابكر
Date: 01-22-2011, 07:31 AM
Parent: #14
Quote: طيب انا قاعده ادعى ليك كتير ...دعاى قاعد يصلك يا امى يا حبيبتى؟؟؟؟؟
اسأل الله انو يكون واصلك
لااعتراض فى حكمو ياماما
لكن القصه صعبه شديد
اهااااا انا اسوى شنو؟؟؟ |
اها يا سهام قمتى تانى تنكتى فى الحزن وتقلقى غاده ..
خليها قاعده قاعده مع الملائكة فى الدار الدائمه واصلها ما حا تزول ..
والقال ليك منو غاده ما بتسمع فى دعاك ..
والله يا سهام أنا ما أمها لكن عندي يقين لمن ادعو لى غاده بحس بيها بتقول لى شكرا يا خالتو ..
يا سهام غاده عند مليك مقتدر له جنه عرضها السموات والارض .. خليها مع البرره الكرام إن شاءالله ..
تعرفى يا سهام عندي إحساس عجيب خلاس ..
انه امي وتونه أختى و زهبر ود عمي والشفه حبوبة اولادي وكوثر صحبتى وعماتى وا وا وا ..
وكل الناس البحبهم وفارقونى قاعدين فى حته واااحده وبدعو ليهم دعاء واحد ..
وعندي إحساس انه قاعدين منتظرننا عشان يفرحو بي جيتنا ..
عشان كده ما نبكى وننوح عليهم .. عايزين مننا الدعاء والاجتهاد بطلب القبول ..
غاده ملاك تنعم فى ثوب ابيض حرائري وعروس تحتفل بها الملائكة .. فبالله ما تفسدي عليها بالنويح ..
ونسأل الله أن يبنى لها بيت فى الجنة ويجعلها ملتقانا ..
غايتو انا كان مشيت قدامك بقول ليها سهام باااالغة بعدك ...
يلا نفرح ونضحك يا سهام ..
|
Post: #16
Title: Re: يا حبيبة الليل طويل..والصبر قاسى
Author: Mahassin Ibrahim
Date: 01-22-2011, 08:02 AM
Parent: #15
سهام حبييبتي
ما اظن الكلمات وان تكاثرت اقدر اوفيك حقك في الرد ويمكن ازيد عليعهو
للكن نارك التي تصطليك احس بها لاني مكتويه بيها لابعد الحود...وما تقولي انا كترت اوقللت من نثر الوجع .
فهو ساكن فينا ومن منا لم يكتوى به
حبيبتي
:
ما تكتبينه يحز في كثيرا فهو قد كتبناه داخلنا وناجينا به انفسنا كتيرا وياما اتخيلت ورصصت الكلمات ...المراثي في وصف الاحبه الغائبين.
وكما ذكرتي تماما : احبتنا الغائبين كانو حضورا في كل لمحه وفي كل نفس نحن نعيشه من بعدهم.
تماما حبيبتي وصديقتي سهام : ذكراهم تعانق احداثا نعيشها ونحن احياء كانهم حضورا معنا ....وهذا يدفعنا في بعض الاحيان للنحيب الذى يقطع نياط القلوب ويفتت ذرات تماسكنا ولن يجدى الانهيار
ليته يعغطينا او يفيدنا
ربي ترحم غاده وترحم محمد والفاتح والعزيز الوالد بواسع رحمتك وتدخلهم الجنه
يارب تلطف بهم فانك قادر واعطف عليعم فانك مقتدر
ياربي زد في احسانهم وتجاوز عن سياتهم وارفعهم في عالي المقام مع الصديقين والشهداء
_________________________
سهام العزيزه : عن تجربه خاصه اهديها للك اكثرى من قراءة القران واوهبيها لروحها فهو رحمه لها وتثبيت ليك لا يقاس بثمن
خاصة سورة ياسين وتبارك ...صباح ومساء وان استطعت في كل صلاه ....انشاء الله ربنا يقدرك وتعاطفي معك ليس له حدود .
|
Post: #17
Title: Re: يا حبيبة الليل طويل..والصبر قاسى
Author: الجندرية
Date: 01-22-2011, 08:25 AM
Parent: #16
عارفة يا سهام
اول امس جابو ام محمد البوعزيزي في التلفزيون
اتمنى انك تكوني حضرتيها
غايتو دي لمن قالت" اتشلوط وليدي بالنار .. الله يرحمو""
بتكون كل جبال الدنيا دي رجعت للوراء مندهشة من ثبات هذه السيدة
يا سهام دي مرة عجيبة
ياريتك تكوني شفتيها انا متأكدة كانت حتواسيك بموقفها العجيب دا وحتلهمك اكتر
ـــ
شكلك كدا لسه محتاجة وصية ماما رقية انا افتكرت خلاص والله ما عدت بحاجة ليها
|
Post: #18
Title: Re: يا حبيبة الليل طويل..والصبر قاسى
Author: Amira Elsheikh
Date: 01-22-2011, 08:40 AM
Parent: #16
سهام . ياختى.. الصبر اصعب من الموت .. استغفرى
|
Post: #19
Title: Re: يا حبيبة الليل طويل..والصبر قاسى
Author: محمد عبد الماجد الصايم
Date: 01-22-2011, 08:43 AM
Parent: #18
الله يصبركم
|
Post: #20
Title: Re: يا حبيبة الليل طويل..والصبر قاسى
Author: Siham Elmugammar
Date: 01-22-2011, 11:05 AM
Parent: #19
سلامات لكل من عبرو من هنا
كمال سالم
سامية حامد
قمر بوبا
عمر عثمان
سارة على
خضر حسين
محمد الجيلى
ياسر طيقور
تماضر شيخ الدين
سناء عبدالسيد
عفاف الصادق
محاسن ابراهيم
الجندريه (فى انتظار الوصيه)
اميرة الشيخ
ود الصايم
تحياتى ومعزتى بلاحدود
ربنا يديكم العافية
ارسلت لبكرى لسحب البوست وخابفه قبل ما اتم سلامى ده يكون البوست راح
معليش يا جماعه على الانهيار ده
قراية مداخلة غادة كانت سكين فى الحشا
اتذكرتها وهى قاعده مربعه رجلينها فى نص السرير جنبى انا امها وهى حبيبتى
بتكتب فيها ولشدة ما كنت فخوزرة وسعيده بيها
لكنها الدنيا والحمدلله
هى فى حال احسن بأذن الله تعالى
وهى مرتاحة انا شنو تانى؟؟؟؟؟
ولا شىء
الله يلزم الجميع الصبر والشكر الشديد لشد اليد
وعصر القلب
اللهم اغفر لنا جميعا يا رب
|
Post: #21
Title: Re: يا حبيبة الليل طويل..والصبر قاسى
Author: Ishraga Mustafa
Date: 01-22-2011, 11:45 AM
Parent: #20
عزيت اخ سودانى فى قرية مجاورة
فى يوم واحد فقدت ام بناتها التلاتة فى حادث حركة
اتزكرتك ياسهام
اتزكرتك عشان اليقين
يارب تثبتها ويثبتك ياسهام
وكلنا له, الموت!!
http://sudanyat.org/vb/showthread.php?t=18184
|
|