رسالة من أم لإبنتها (سهام المجمر لغادة...مايو 2007)

رسالة من أم لإبنتها (سهام المجمر لغادة...مايو 2007)


27-04-2010, 09:44 PM


  » http://sudaneseonline.com/cgi-bin/sdb/2bb.cgi?seq=msg&board=415&msg=1279778561&rn=0


Post: #1
Title: رسالة من أم لإبنتها (سهام المجمر لغادة...مايو 2007)
Author: Kostawi
Date: 27-04-2010, 09:44 PM

عموما نحن السودانيين لما اولادنا يعملوا حاجه نفخر بيها ما قاعدين نقول ليهم !!!!
ما عارفه القصه جزء من طبيعتنا بنتحاشا الكلام الحلو؟؟؟ والا مبدأ التربيه السائد عندنا هو الحزم و لايحتمل اى سحسحه (مع الاعتذار للصادق المهدى لللاستلاف)؟ الاسباب كتيره لكن انا برجح السبب يكون الخجل من رد فعل الناس .... ح يكون رد فعلهم كيف؟؟؟ يمكن يقولو العواره دى شنو؟؟؟ و الا يمكن يقولو و نحن مالنا قادننا؟؟ المهم انا قررت اكسر الخوف من رد فعلكم اقول ليكم

يا جماعه انا فخوره ببتى غاده شديد

هذا البوست اهداء ليك يا غاده
عشان تصدقى انى مقدره مجهودك فى امتحانات الاساس و فرحانه بنتيجيك و ما قاعده اجاملك
حتى و انتى زعلانه

كدى نشهد اصحابنا فى المنبر ده و نشوف منو الصاح!!
اصلى طولت شديد ما كتبت لى بوست ...و يمكن بوستيك ده يزيح عنى الكسل و هموم الشغله

اهاااا
يا جماعة الخير البنيه دى ما كان مفروض تمتحن الاساس
لانها بتدرس فى مدرسه غير حكوميه و منهجها مختلف
اهاااا قمت انا و تخوفا مما قد تأتى به الايام من قرارت حكوميه ما معرف ليها راس من قعر
و قبل امتحان الشهاده فقط فقط فقط بشهرين طلبت منها ان تجلس للامتحان
شيلك ختك و افقت بعد تلتله لانو مقرر مدرستها تقيل شديد و لانها حتى تضطر تمتحن امتحانين الاساس و امتحان النقول الداخلى
المهم امتحنت و جابت 242
قامت قعدت تبكى و قالت مافى زول يقول ليها مبروك لانو دى نتيجة ما كويسه!!!!!!
طبعا انا قلت ليها دى فلهمه منك انتى بديتى قرايه قبل الامتحان بشهر ين و كمان لما كان صابح امتحان الغذاء و الصحه و امتحان التاريخ كنا انا و انتى بنقرا فى دروس نشوفها لاول مره فى المادتين...

دى القصه يا جماعه
مش انا ما بجاملها لما اقول ليها دى نتيجه حلوه شديد بنسبة هى معموله للطوارىء
ومش هى مفلهمه و طماعه لانها فتحت المقرر قبل شهرين من الامتحان و دايره تجيب فى 260 و 270

اها غيظه ليها كده باركو لى

Post: #2
Title: Re: رسالة من أم لإبنتها (سهام المجمر لغادة...مايو 2007)
Author: Kostawi
Date: 27-04-2010, 09:50 PM
Parent: #1

http://soutelniel.com/cgi-bin/sdb/2bb.cgi?seq=msg&board...431262&func=flatview

Post: #3
Title: Re: رسالة من أم لإبنتها (سهام المجمر لغادة...مايو 2007)
Author: Kostawi
Date: 27-04-2010, 09:58 PM
Parent: #2

رسالة من غادة ردا على تعليق كتبه عضو البورد أساسي


ghadamahasi-sihamalmogamar.JPG Hosting at Sudaneseonline.com


في هذا البوست

جبرونا ..اصبحت اسم على مسمى

Post: #4
Title: Re: رسالة من أم لإبنتها (سهام المجمر لغادة...مايو 2007)
Author: Tragie Mustafa
Date: 28-04-2010, 02:19 PM
Parent: #3

الله يا كستاوي قطعت قلبي......
معقوله هذه غاده؟؟!!الم اقل لكم انها (عين) مبالغ فيها!!

ويا سهام يختي بتك بس ربنا يصبرك عليها
وفعلا نفرح بتفاصليهم لكن العين مبالغ فيها...وهي حقيقيه.
غاده آكلتها العين بس!

Post: #5
Title: Re: رسالة من أم لإبنتها (سهام المجمر لغادة...مايو 2007)
Author: لؤى
Date: 30-04-2010, 10:44 AM
Parent: #1

أخي نصر الدّين كوستاوي
البركة فيك

أسأل الله لسهام ومجتبى وهشام ولجميع آل وذوي الفقيدة ولك ولنا
الصّبر الجّميل والسُّلوان وحُسن العزاء

على روح الفقيدة رحمة الله وواسع مغفرته
إنّا لله وإنّا إليه راجعون
اللهم ارحمها واسكنها فسيح جنّاتك
اللهم باعد بينها وبين خطاياها كما باعدت بين المشرق والمغرب
اللهم نقِّها من الخطايا والذّنوب كما يُنَقّىَ الثّوب الأبيض من الدّنس
اللهم اغسلها بالثّلج والماء والبرد
اللهم ابدلها داراً خيراً من دارها وأهلاً خيراً من أهلها
اللهم اجمعنا وإيّاها في مستقرّ رحمتك
اللهم إنّا نسألك بإسمك الأعظم أن توسّع مدخلها
اللهم آنس في القبر وحشتها
اللهم ثبّتها عند السُّؤال
اللهم لقّنها حجّتها
اللهم باعد القبر عن جنباتها
اللهم اكفها فتنة القبر
اللهم اكفها ضمّة القبر
اللهم اجعل قبرها روضةً من رياض الجّنّة ولا تجعله حفرة من حفر النار
اللهم إن كانت محسنةً فزد في إحسانها ، وإن كانت مسيئةً فتجاوز عن سيّئاتها
اللهم الحِقها بالشُّهداء
اللهم افتح عليها نافذةً من الجّنّة واجعل قبرها روضةً من رياضها


عزائي الحار وصادق مواساتي لسهام ومجتبى وهشام ولجميع آل وذوي الفقيدة ولك ولنا







.

Post: #6
Title: Re: رسالة من أم لإبنتها (سهام المجمر لغادة...مايو 2007)
Author: Hayat Hussien
Date: 30-04-2010, 02:18 PM
Parent: #5

سلام اخوي كستاوي

عرفت ليه نحنا بنخبي مشاعرنا وفرحنا باولادنا؟

علشان العين وفعلا زي ماقالت تراجي دي عين ما صلت



علي النبي فسهام ربنا يصبرها وياجرهاويديها العافية

والبركة فيكم

Post: #7
Title: Re: رسالة من أم لإبنتها (سهام المجمر لغادة...مايو 2007)
Author: خدر
Date: 01-05-2010, 00:54 AM
Parent: #6

ربنا يرحمها و يتولاها و يصبر مجتبي و سهام علي فقدها و يصبرنا معاهم