تلكم و ذلكم ....

تلكم و ذلكم ....


11-08-2009, 08:57 PM


  » http://sudaneseonline.com/cgi-bin/sdb/2bb.cgi?seq=msg&board=415&msg=1255225668&rn=0


Post: #1
Title: تلكم و ذلكم ....
Author: Siham Elmugammar
Date: 11-08-2009, 08:57 PM

انشألله خير

Post: #2
Title: Re: تلكم و ذلكم ....
Author: Siham Elmugammar
Date: 11-08-2009, 09:06 PM
Parent: #1

دايرين الناس المهتمين باللغة العربيه
حضور فى البوست ده
يورونا الاتنين ديل مالن ؟؟
لعلهن ما عندهن عوجة بشوفن كترن الحوامة فى كتابات الناس
الايام دى

Post: #3
Title: Re: تلكم و ذلكم ....
Author: Siham Elmugammar
Date: 11-08-2009, 09:18 PM
Parent: #2

القصة ما سوط عنج ... وقوم ا قف
ولا من الناس البيتوقفو كتير فى الاخطاء الاملائية
ومرات ممكن تفوت على عديل كده
المهم عندى الكلام يقع لى!!!!!!
لكن.....
تلكم و ذلكم دى النصيحة واقفة لى فى حلقى الايام دى
ما يا اما هى كترت
والا اصلها قاعدة بس انا الما كنت مركزة

Post: #4
Title: Re: تلكم و ذلكم ....
Author: Siham Elmugammar
Date: 12-08-2009, 11:35 AM
Parent: #3

كتبت البوست ده ليلا وكنت فى حالة زهج شديد وصداع بعد معركة
النوم مع الاولاد و تجليد الكراسات وقصة كده
قلت افرق شوية بيكم :) اها عترت لى تلكم دى
قامت زهجتنى ليك زيادة
عدم استساغة ساااى
المهم
هسة لو رجع اليوم كان ممكن اخلى تلكم و ذلكم فى حالهم
بدل ما افكها فيهم
بس نسوى شنو ؟؟؟ اهو قسمتن


يلا نرفع يمكن يجى زول بحبهن يترافع عنهن

Post: #6
Title: Re: تلكم و ذلكم ....
Author: عبدالكريم الامين احمد
Date: 12-08-2009, 11:41 AM
Parent: #4

هلا يا سهام..
ومالك ياخي علي تلكم وذلكم ولو كمان مشيتي هبشتي (مدارات ودهشة وجمال)
تكوني عاوزة معاي كركبة وجوطة ههههههه
تلكم دي بالذات مريحة جنس راحة في حكاية السرد دي... ومرات تفتش وتنحت راسك يمين وشمال وماتلقي طريقة الا تتم القصة بتلك تلك...
انا بتفق معاك غاتيو في (ذلكم) دي لانها مافيها موسيقي ودهشة..
لكن تلكم دي بالله ارفعي كيبوردك عنها... فهي مراقة دونها القتاد

Post: #5
Title: Re: تلكم و ذلكم ....
Author: عزاز شامي
Date: 12-08-2009, 11:39 AM
Parent: #1

هلا اوردت لنا بعضا من تلكم البوستات التي وردت فيها الكلمة التي عملت ليك قرفة؟


التعديل لاضافة الوشوش اعلاه

Post: #7
Title: Re: تلكم و ذلكم ....
Author: أبو ساندرا
Date: 12-08-2009, 11:49 AM
Parent: #5

في شنو يا حليفتنا ؟

Post: #8
Title: Re: تلكم و ذلكم ....
Author: أميرة فاروق عبد العال
Date: 12-08-2009, 11:59 AM
Parent: #7

Quote: بس نسوى شنو ؟؟؟ اهو قسمتن


وقسمتنا نحن يا بت أمي!!

Post: #10
Title: Re: تلكم و ذلكم ....
Author: ممدوح أبارو
Date: 12-08-2009, 12:03 PM
Parent: #7

وهكذا شاكله



















بت المجمر سلام


Post: #9
Title: Re: تلكم و ذلكم ....
Author: عصام علي أحمد
Date: 12-08-2009, 11:59 AM
Parent: #5

Quote: التعديل لاضافة الوشوش اعلاه


حاولت يا عزاز ان اضيف من تلكم الوشوش الضاحكة في مداخلاتي ولكني فشلت
فياريت نصيحة فنية حتي تنالي حسنة مع كل ابتسامة وذلكم خير لكم



ازدياد منسوب الغيظ عند سهام ( وش ضاحك ماعندي والله )

Post: #12
Title: Re: تلكم و ذلكم ....
Author: عزاز شامي
Date: 12-08-2009, 12:17 PM
Parent: #9

عصام .. سلامات فرحني و سر بالي ان تلم الوشوش الباسمة
حازت على اعجابكم ...
اليك طريقة اضافتها لمداخلاتك لتضفي البهجة على القراء:

1- اعمل save as للصورة بتاعت الوش (النقر على الزر الايمن للفأرة)
2- بعد تحفظ الوش في سطح المكتب (المكان المفضل علشان راسك ما يجوط و تقوم ما تلم في الوشيش)
3- اذهب فوق هناك في اعلى الصفحة دي زااااتها بتلاقي ليك حاجتين (ارفع صورة) و قدامها واحدة
بالخواجاتي (تفحص)
4- قوم افعص تفحص دي ... Browse وما تفوتك النقط نقط نقط القدامها، المهم يللا موش فعصت الزر
حتقوم تطلع ليك نافذة تصفح توريك مصارين كمبيوترك تمشي تفتش الوش الليلك و تقوم تعمل open
5 - انت الآن يا عزيزي عصام بقيت على مرمى حجر من تلكم الوشوش ... قوم عاين على يمينك تلاقي
ارفع صورة ... في نفس الحتة القبيل فوق، اها فعصها علشان تشيل ليك صورتك وتديك ليها لينك

اها ...

المرحلة الأخيرة:

6- تقوم جيك صورة الوشيش وتحت منو سطرين لينك
تشيل الأول و تغابى العرفي في التاني لانو التاني
عبارة عن اعلان لسودانيس اون لاين و انحنا ناس ناكل
ونقش خشمنا و ما ندي الجنبنا ...

و بالهناء و الشفاء ...

Post: #13
Title: Re: تلكم و ذلكم ....
Author: tmbis
Date: 12-08-2009, 01:16 PM
Parent: #12

ديششششك
تلكم الخطوات يا عزاز بتعمل فلايت عديل كدا
استعملي الشورط كت .. اسرع من حركتك دي .. بطلي الكياشة بتاعتك دي ..


من صف الايقونات التحتانية دي .. حددي الايقونة العايزاها

أعملي Right click عليها .. شيلي البروبرتس بدل ما تمشي تكوسي ليهو هناك في صفحة التحميل .. جيبهو واضغطي في اضافة صورة ونزليهو .. وذلكم خيرون لكم واسرع ..

Post: #33
Title: Re: تلكم و ذلكم ....
Author: Ahmed Yousif Abu Harira
Date: 13-08-2009, 01:57 PM
Parent: #13



لينا زمن نفتش ليك وجيتنا الليلة كايسنا
شكرا تمبسكو وعزاز ع الدرس المفيد
اسمع ، بالله شوف لينا ود المحرب وطارق نقد وصلوا وللا لسع...

Post: #11
Title: Re: تلكم و ذلكم ....
Author: tmbis
Date: 12-08-2009, 12:08 PM
Parent: #5

Quote: اها عترت لى تلكم دى
قامت زهجتنى ليك زيادة
عدم استساغة ساااى
... غلت كبير والله يا سهام .. في هذا الموضع أنت من بادرتي بعدم الاستساغة ..
بي صورة اوضح:
الجماعة ديل عندهم ناس زباينم .. بستسيغوهم .. وبستساغو معاهم ..
عايني ..
إنت محتاجة ليهم في شنو ..؟
دائما انزري للنصف الممتلي من الكوب .. في هكذا ادوات

Post: #14
Title: Re: تلكم و ذلكم ....
Author: محمد عبد الماجد الصايم
Date: 12-08-2009, 01:36 PM
Parent: #11

إنا لله
عزاز .. إنتي كل مرة بتضحكي كـــدا!
طيب ما الضحكـ شرطكـ



وأنا أقول الباوندث دا كلو مرة ماشي كملان مالو؟

Post: #15
Title: Re: تلكم و ذلكم ....
Author: Siham Elmugammar
Date: 12-08-2009, 02:15 PM
Parent: #14

Quote: هلا يا سهام..
ومالك ياخي علي تلكم وذلكم ولو كمان مشيتي هبشتي (مدارات ودهشة وجمال)
تكوني عاوزة معاي كركبة وجوطة ههههههه
تلكم دي بالذات مريحة جنس راحة في حكاية السرد دي... ومرات تفتش وتنحت راسك يمين وشمال وماتلقي طريقة الا تتم القصة بتلك تلك...
انا بتفق معاك غاتيو في (ذلكم) دي لانها مافيها موسيقي ودهشة..
لكن تلكم دي بالله ارفعي كيبوردك عنها... فهي مراقة دونها القتاد


سلام يا كيكى ذلكم الكلام ما يجيب اى جوطة معاك تقوم هسه تفككنى
و يجى زول صاحبى يعمل بوست تلكم الفتاة التى تفكككت
يا خ عيب لي تلك و ذلك مالن ؟؟ لابسات بنطلون؟؟؟!!!
والله بنات ناس ولابسات تيابن
و يسرن البال
لووووووووووووووووول

سلام زاز بت ا لناس الذاذ (لزوم قافية و كدا)

ياخ انتى نفسك تم القيض عليك متلبسة بعدد واحد تلكم
بس ما بقدر اجيب ليك رابط
وهشام هبانى بعدد كم كده تلكم و ذلكم
والعجب حافظ ابراهيم اعتقد انو فط درس اسماء الاشارة
وقعد على تلكم و ذلكم

وشوشك ضاحكة ودرسك تمبس طلعو ليك فشنك او هكذا قال

Post: #16
Title: Re: تلكم و ذلكم ....
Author: Siham Elmugammar
Date: 12-08-2009, 02:18 PM
Parent: #15

Quote: وقسمتنا نحن يا بت أمي!!

يا اميرة سلامات
صفر من عشرة
تكتب
وتلكم هى قسمتنا يا ابنت امى

أعدى

Post: #17
Title: Re: تلكم و ذلكم ....
Author: Siham Elmugammar
Date: 12-08-2009, 02:25 PM
Parent: #16

Quote: إنت محتاجة ليهم في شنو ..؟
دائما انزري للنصف الممتلي من الكوب .. في هكذا ادوات


تلكم الادوات قدر ما نزرت ليها ما خارجت معاى
وبتدخل فينى ذلكم الاحساس الذى يدفعنى للرجوع للمنبر العام
والخروج من شاكلة هكذا كتابة


كيفك يا تمبس؟؟!!!!

Post: #18
Title: Re: تلكم و ذلكم ....
Author: Siham Elmugammar
Date: 12-08-2009, 02:34 PM
Parent: #17

Quote: ازدياد منسوب الغيظ عند سهام ( وش ضاحك ماعندي والله )


سلام يا عصام
ذلكم الغيظ سيرد اليكم فى تلكم البوستات القادمات
وبعدين وكت ما عندك وش ضاحكة ف
(هيييييييع هيييييييع) كل الخير
وبعدين عيبها لى؟؟؟
هييييع هيييع

سلام يا ود ابارو
مابالك يارجل فى هكذا مداخلة
ادول بدلوك فى مثل هكذا مواضيع هامة

سلام يا ود الصايم سلام ياخ شنو يعنى بس عزاز البتضحكك
فما بالنا نحن؟؟؟؟ ليت لى فى هكذا مداخلات

اهاااا شفت يا عصام انا ختيييرة كيف
فى تكلم المداخلات

Post: #19
Title: Re: تلكم و ذلكم ....
Author: عصام علي أحمد
Date: 12-08-2009, 03:03 PM
Parent: #18











عصام علي يهديكم وشوش ضاحكة علي طريقة عزاز شامي
وفي الطريق تطبيق نظرية علاء تمبس المختصره
زمان بنعمل كلك علي smilies library وماكان في مشكلة
علي العموم يا سهام ابتسمنا
والله يبعد ودالصايم والعوارض

Post: #20
Title: Re: تلكم و ذلكم ....
Author: محمد عبد الماجد الصايم
Date: 12-08-2009, 03:06 PM
Parent: #19

غايتو يا عصام بضحكة عزاز
دي بتكون لحدي هسي نفسكـ قايم

Post: #21
Title: Re: تلكم و ذلكم ....
Author: محمد البشرى الخضر
Date: 12-08-2009, 04:12 PM
Parent: #20


Post: #22
Title: Re: تلكم و ذلكم ....
Author: عزاز شامي
Date: 12-08-2009, 04:24 PM
Parent: #1

اووووووووف ليه انا كدي دايما مافي زول فاهمني؟
يا اخوانا انا ما بشيل الصورة كل مرة
دي طريقة مرة واحدة فـغــط و بعد ده قص و لصق ساي!

بعدين يا تامبا وكت عارف الطريقة الساهلة دي ما تورني ليه؟
يعني انا اجي شايلة السبورة و الطباشير و قاشرة بالاسكيرت
الجينز و القميص المخطط و الطرحة الابيض في لبني ونقط احمر سغار
تجو تمرقوني منقوشة زعتر ؟؟


احرد البورد ده حسي و تجيني نفسيات في الويك اند؟

شاكلة هكذا انتقاد بتأثر في نفسياتي و ممكن ابقى نفيسة عديل كده!

Post: #23
Title: Re: تلكم و ذلكم ....
Author: Rawia
Date: 12-08-2009, 04:37 PM
Parent: #22

Quote:

احرد البورد ده حسي و تجيني نفسيات في الويك اند؟

شاكلة هكذا انتقاد بتأثر في نفسياتي و ممكن ابقى نفيسة عديل كده!

عوزاز كووور علي
عشان كدا انا سكت ساكت وحشيتو من التحتي
مع إنه قراية طريقتك حوصت بي عدييييل برغم العدسة اللابسنها الليلة من الورقة


تعيش الطرحة اللبني المنقطة بالاحمر

Post: #24
Title: Re: تلكم و ذلكم ....
Author: صديق الموج
Date: 12-08-2009, 04:59 PM
Parent: #23

4- قوم افعص تفحص دي ... Browse

عزاز اعفص وليست افعص
وهو معفوص وليست مفعوص
اتكلموا عربى والا بلاش!!
معقول انت وحمزاوى وحسين حسن ومحمود عابدين
بالغتوا!!!!!!!!!!!!!!
قاعدين نجيكم فى منتدياتكم ديك،،،

Post: #25
Title: Re: تلكم و ذلكم ....
Author: Siham Elmugammar
Date: 12-08-2009, 06:45 PM
Parent: #24

محمد البشرى وعليكم الضحكات
ود الصايم وراوية خلو الحقارة
وانت كمان يا صديق الموج والله هسة اقوم اتداعى ليكم
يا عصام مبروك ياخ اضحك الله سنك

Post: #26
Title: Re: تلكم و ذلكم ....
Author: Siham Elmugammar
Date: 13-08-2009, 09:33 AM
Parent: #25

يا ابو ساندرا سلام
والله مافى اى حليفة :)

قلت نشوف زول يلم تلكم و ذلكم بدل حايمات كدى
وانا فى انتظار الاخ محمد الشفيع الزين (اعتقد) الاسم صاح
او الاخ هشام أدم او كل من هو مهتم و خبير العربى
اى زول كده يجى يورينا البيهن و العليهن
عشان ناس كيكى ديل ما يكتبو لينا استساغات ساكت كده


(وش جادى شديد)

Post: #27
Title: Re: تلكم و ذلكم ....
Author: Kamal Karrar
Date: 13-08-2009, 09:44 AM
Parent: #26

سهام أختي سلامات...

تلكم دي مش ياها بودرة التلك Talcum powder

؟؟؟؟

غايتو

Post: #28
Title: Re: تلكم و ذلكم ....
Author: أميرة فاروق عبد العال
Date: 13-08-2009, 10:08 AM
Parent: #27

Quote: إنا لله
عزاز .. إنتي كل مرة بتضحكي كـــدا!
طيب ما الضحكـ شرطكـ



هي براها؟؟؟؟

أناذاتي شرطني!!

(زول يخت لي وش مشروط)




بالطريقة التمبسيةلكن!!

Post: #29
Title: Re: تلكم و ذلكم ....
Author: عصام علي أحمد
Date: 13-08-2009, 01:10 PM
Parent: #28

Quote: اووووووووف ليه انا كدي دايما مافي زول فاهمني؟
يا اخوانا انا ما بشيل الصورة كل مرة
دي طريقة مرة واحدة فـغــط و بعد ده قص و لصق ساي!



جبنا ليك الهوا يا عزاز

Post: #30
Title: Re: تلكم و ذلكم ....
Author: عصام علي أحمد
Date: 13-08-2009, 01:13 PM
Parent: #29






طبعا انا بقيت اضحك بدون سبب

Post: #31
Title: Re: تلكم و ذلكم ....
Author: عزاز شامي
Date: 13-08-2009, 01:17 PM
Parent: #29

Quote: جبنا ليك الهوا يا عزاز
لا عادي ...

ما تشيل في بالك ... المهم الضحكة تنوّر كان بالدرب الطويل أو الدرب الساهل ... المهم نفرح

Post: #32
Title: Re: تلكم و ذلكم ....
Author: Ishraga Haimoura
Date: 13-08-2009, 01:28 PM
Parent: #29

تعرفي با بت المجمر... القصة دي انا معقداني عديييييييييييييل

زمااان لمن كنا بنات صغار وطالبات جامعيات ما شاء الله علينا

قررت أدخل في علاقة عاطفية لزوم القشرة وكدا

قمت فتشت وبحثت ونقبت واسترشدت وغربلت وقوقلت ... وأي أداة تخطر ببالك لإختيار الشاب المناسب

قمت عترت لي في واحد مطابق للمواصفات بعد طول عناء

قام المعني شبكني ليك رسائل... طبعا الزمن داك ما كان في موبايلات... رسائل عدييييل في ورق الله والرسول دا

رسائل على شاكلة: تجدينني حاضرا.... تلكم هي القضية... بينما كنت اتأبط أحلامي
يا زولة عذبني ليك عذاب شديد....

في النهاية ما لقيت لي مخارجة من اللغة العربية الصعبة دي إلا إني أجيبه وأقعده وفجأة أقول ليه:

يا أخا العرب... تجدني في غاية الأسف لعدم تمكني من مواصلة هذا الحوار... لأني بصراحة نفسي قام وزهجت ومليت عوارتك دي

Post: #34
Title: Re: تلكم و ذلكم ....
Author: Kamal Karrar
Date: 13-08-2009, 02:07 PM
Parent: #32

الأخت/ إشراقة....

تحياتي...

كان تقولي ليهو: أكون أو لا أكون تلكم القضية

وأنت يا أخا العرب.. لا تسوى عدة في فضية...

وأنا هادا طرفي منك أذيني يا "علقمة"" أذية...

Post: #35
Title: Re: تلكم و ذلكم ....
Author: عصام علي أحمد
Date: 13-08-2009, 02:13 PM
Parent: #32

Quote: يا أخا العرب... تجدني في غاية الأسف لعدم تمكني من مواصلة هذا الحوار... لأني بصراحة نفسي قام وزهجت ومليت عوارتك دي



اشراقة تحياتي

رسائل الحب زمان كانت تكتب باللغة العربية الفصحي انا ما عارف ليه ؟ الحب زمان كان كله جناس وطباق وسجع
احتمال يكون تاثير المعلقات ؟

Post: #36
Title: Re: تلكم و ذلكم ....
Author: Siham Elmugammar
Date: 13-08-2009, 10:42 PM
Parent: #35

ود ابو حريرة ضم نفسك فى لستة راوية بسرعة

يا كمال كرار سلام كبير والله ليك وحشة وين انت غايب كدا
يعنى بحرى بتتستاهل لكن كمان شوية كدا طلنا

اشراقة حيمورة ذلكم الكلام لكمال كرار اعيديها لنفسك

اهااااااا هسة الزول ده بتاع الشمس والقمر و النجم والهوى
لو قاعد يقرا سودانيز دى انتى بتمشى وين؟؟؟
رحلة فى طيات السحاب!!!!!

يا عصام
Quote: احتمال يكون تاثير المعلقات ؟


مكسب يعنى انت من زمن المعلقات
يبقى فعلا مكانك هنا
(وش عزازى)