Post: #1
Title: خشاب مين ياعم القصة ماشه علي القناية .. والهمر جايه ...وامسكو القناية
Author: اسعد الريفى
Date: 11-21-2007, 09:56 AM
Parent: #0
الحديث عن المعايير التي استندت اليها لجنة المشاهدة في التلفزيون لاجازة مسلسل ( رياوسكينة ) رغم المشاهد الخليعة التي قيل ان الممثلة سمية الخشاب تجاوزت فيها حدود اللياقة هذه المعايير ستبدو موضوعية في تقديري لو ان احد اعضاء اللجنة المقالة تبرع واصطحب قادة التلفزيون للشارع العام في بلادنا ...(خشاب مين ياعم ) ...ثم ياجماعة امامكم بيوت الاعراس ...لو انكم ذهبتم الى هناك ...اقول ليكم ( اقيفوا في الباب بس خلوهوالباقي )..وان كنت اخشى عليكم من الغناء ..ربما...ربما تجدون فنانة (تلعلع باعلى صوتها...انا شرفي حافظاهو ...والهمر جايه ...وامسكو القناية )
خشاب مين ياعم
لأكمال القصة ... اعفص هنا:
http://www.alsahafa.info/news/index.php?type=3&id=2147512617
( منقول بالكامل من اخونا الصحفى الرائع أمير عبدالماجد بجريدة الصحافة)
|
Post: #3
Title: Re: خشاب مين ياعم القصة ماشه علي القناية .. والهمر جايه ...وامسكو القناية
Author: سلمى الشيخ سلامة
Date: 11-21-2007, 12:15 PM
Parent: #2
يا اسعد اخوى
مرة القدم ودانى لحديقة اسمها اوزون
يا زول قلت للناس المعاى
ـ الكلام دا وين ؟ وزى ماقال امير كاتب المقال فى الصحافة (عينك ما تشوف الا النور )
شى فصل الدين عن الدولة ودى لبسة جديدة فى الايام ديك
وشى الشريعة طرشقت وشى (اظهار رقم )
لمن تعاين لسمية الخشاب مافى علاقة حتى
ثم ان الهمر دى حكمة الله حايمة فى الخرطوم
فى امريكا البلد المنتج للهمر ما بتلقاها حايمة بالكمية الكبيرة مرة مرة وامكن مدينتنا دى عشان صغيرة لكن اهلها غنيانين وبرضو ما بركبو الهمر لانها غالية
لكن ناس السودان الشافتن عينى راكبين الهمر بسال بس بلاقوا المبالغ دى وين؟
لانه العربية دى تمنها هنا نص مليون دولار وهى امكن تكلفة مستشفى كامل للاطفال
حكمة والله وحكاية
|
Post: #5
Title: Re: خشاب مين ياعم القصة ماشه علي القناية .. والهمر جايه ...وامسكو القناية
Author: اسعد الريفى
Date: 11-21-2007, 09:50 PM
Parent: #3
|
Post: #4
Title: Re: خشاب مين ياعم القصة ماشه علي القناية .. والهمر جايه ...وامسكو القناية
Author: اسعد الريفى
Date: 11-21-2007, 01:45 PM
Parent: #1
سلمى الرائعة
ابدا ليكى بكلام شرحبيل .. قدم الخير عليك يا بلادنا
اوزون .. يا حليلك انتى .. هسع ما عارف المطعم اللبناى .. و المزرعة الكلها اتراك .. و التدليك الصينى و الحمام المغربى .. و الماعارف شنو السويسرى ..
ناس ..وناس .. و ناس ,, و كمان ناس
حالتو فيروز اللبنانية عندها مسرحية كدا اسمها ناس من ورق
أما الهمر و البى أم دبليو الفئة السابعة .. ( تختلف طبعا عن الحارة السابعة ام سلالم ديك)
نقول شنو و نعيد شنو
عيوننا تعبت من الشوف و خشمنا فتر من النضمى ..
اما ملاحظتك
| Quote: لانه العربية دى تمنها هنا نص مليون دولار وهى امكن تكلفة مستشفى كامل للاطفال |
فهسع فى مركز صحى فى قلب امدرمان كهربتو مقطوعة !!! خشاب مين ياعم القصة ماشه علي القناية .. والهمر جايه ...وامسكو القناية!!
و لكى ودى و احترامى
|
Post: #6
Title: Re: خشاب مين ياعم القصة ماشه علي القناية .. والهمر جايه ...وامسكو القناية
Author: مزاحم الضوي
Date: 11-21-2007, 11:36 PM
Parent: #4
الأيام دى كنت قايلك مركب مكنة لاند كروزر
لكن الآن اتاكدت انك مركب ماكينة همر
والخوف ياغالى ........
|
|