صداقة بدون كحول

صداقة بدون كحول


31-03-2011, 05:42 PM


  » http://sudaneseonline.com/cgi-bin/sdb/2bb.cgi?seq=msg&board=412&msg=1356581967&rn=0


Post: #1
Title: صداقة بدون كحول
Author: osman righeem
Date: 31-03-2011, 05:42 PM

الموضوع يمكن يكون فهمي تقيل أو انا خارج الشيكة
لكن عملت كم اختبار لقيت انو انا يعني ممكن تقول تمام

يكون المشكلة في القيم و المعايير الاخلاقية بالنسبة لجيلنا حفظناها صم
وتطورنا وحصل لينا تقدم واكتسبنا افكار وخبرات جديدة في كل
مناحي الحياة لكن ظل العيب و الغلظ و الخطأ يقاس عندنا بتلك الثوايت
(اصول ثابتة)

Post: #2
Title: Re: صداقة بدون كحول
Author: osman righeem
Date: 31-03-2011, 05:47 PM
Parent: #1



الموضوع وما فيهو اتصل بي ابن صديق عزيز وهو في مقام ابني وقال انه حضر من القاهرة وجابي كتب من والده وعايز يعرف انا وين عشان يجيبهم
وطلبت منه يخليهم في البيت بمر أي وقت اخدهم ...
اها يوم اتصلت ورتبت معاهو مواعيد واصر اجي اشرب معاهو شاي المغرب
المهم عند الموعد دلفت وقابلني هاشا باشا وحكي لي عن القاهرة وسلته عن
والده وكل الاشياء هنالك وكيف البيزنس بتاع ابوه في مصر الثورة المستمرة
جاء الشاي وقدمته سالي التي عرفني بها انها بنت خالتو ت.......
اهلييين يا عمو
اهليين يا بنتي
ودخلت الي داخل المنزل وجاءت ومعها كيس وقالت انا استأذنكم عشان عندي
حاجات في البيت لازم اعملها اها مع السلامة مع السلامة وخرجت سالي وصلها
الشاب حتي الباركينغ وانا مبركن فوق

Post: #3
Title: Re: صداقة بدون كحول
Author: osman righeem
Date: 31-03-2011, 05:54 PM
Parent: #2


كان وحده بالمنزل اخوانه مازالو بالقاهرة
سالته مباشرة
- من متين البت دي هنا
- من الطهر جات عشان ترتب لي الحاجات وتعمل لينا الشاي
- وينا بتكم الشغالة
- عند ناس خالتو ت.... عشان عاملين عيد ميلاد اخت سالي الصغيره بكره
(الشاب هذا في قمة التدين والتهذيب و الاخلاق الحميدة وان اعرفه منذ حوالي
عشرة سنوات وعمره الان حوالي 26 سنة)
- يعني انت ما سمعت بالخلوة المشروعة و الشيطان شاطر والا كان ثالثهم
- يا عمو مين الشيطان ده ؟؟ الناس الواحد يعمل عملتو ويرميها في الشيطان لو اصلا الشيطان هو السبب ربنا بيحاسبنا ليه ...
- سالي دي صديقة خطيبتي الانتيم وهي لمن جات تعمل الحاجات ما فكرنا في الموضوع بتاع خلوة وشرعية لانه نحن اصلنا متربين مع بعض وكنا بنذاكر مع بعض انا وهي وخطيبتي ونسهر الليالي لوحدينا ومران كتيرة بننام في الصالون بس ماما منعتنا من ان نسهر لحدي ما ننام وقالت حاجة كده للبنات بعدها بقو حريصات ما يناموش في الصالون
- طيب لمن قلتها عمو جاية
- اتبسطت عشان حتعمل الشاي
- وبس
- و بس

Post: #4
Title: Re: صداقة بدون كحول
Author: د.محمد حسن
Date: 31-03-2011, 06:11 PM
Parent: #3

Quote: و بس]


نفسي الاقيك وجها لوجه
عشان احكي ليك نكتة

Post: #5
Title: Re: صداقة بدون كحول
Author: osman righeem
Date: 01-04-2011, 04:15 AM
Parent: #4


المهم تجادلة معه عن ما نعتقد ونؤمن وعرف المجتمع وانه لابد ان نكون
حريصين علي التقيد بالفيم الفاضلة والعادات الحسنة وان نراعي ضوايط
المجتمع بغض النظر عن اعتقدنا بصحتها او جودتهاولكنه رد علي ان جلينا
الان اقلية في المجتمع وانه مع جيله لهم عرفهم وتقاليدهم التي يمكن ان
تبتعد عن مالنا .
وطال النقاش وطلب مني ان اذكر القصة في سودانيز واشوف الراي المهم كتبت الواقعة
وعرضتها عليه لانها موضوعه و وافق علي تنكير الاسماء


ثم بعد شاورت اخوي الكاشف (معروف حمدين ) حكي لي قصة اكدي تماما انه نحن في طريقنا
للانقراض و بعد شوية حتلقي الواحد فينا ماشي و مكتوب علي ظهره نوع اييل للانقراض

Post: #6
Title: Re: صداقة بدون كحول
Author: osman righeem
Date: 01-04-2011, 05:41 AM
Parent: #4

Quote: نفسي الاقيك وجها لوجه
عشان احكي ليك نكتة



ما انا لو شفت حاجة كنت حاقول علي طول







النكتة ماتكون بتاعة قميص النوم البمبي

Post: #7
Title: Re: صداقة بدون كحول
Author: د.محمد حسن
Date: 01-04-2011, 05:57 AM
Parent: #6

Quote: النكتة ماتكون بتاعة قميص النوم البمبي


ياااااه انت لسة فاكر
بس هو كان احمر ابو ريش

ابدا

دي نكتة مويل مختلف
يتلاءم وعصر العولمة والصداقة بدون كحول

Post: #8
Title: Re: صداقة بدون كحول
Author: osman righeem
Date: 01-04-2011, 12:52 PM
Parent: #7

Quote: دي نكتة مويل مختلف
يتلاءم وعصر العولمة والصداقة بدون كحول



العولمة دي ياها المطلعانا القوز

Post: #9
Title: Re: صداقة بدون كحول
Author: osman righeem
Date: 03-04-2011, 07:15 AM
Parent: #8

في انتظار كم

Post: #10
Title: Re: صداقة بدون كحول
Author: قيقراوي
Date: 03-04-2011, 07:39 AM
Parent: #9

Quote:
حكي لي قصة اكدي تماما انه نحن في طريقنا
للانقراض و بعد شوية حتلقي الواحد فينا ماشي و مكتوب علي ظهره نوع اييل للانقراض

لوووووووووول يا ابو رغيم
احسن ليك تنسى جنس الكلام دا
آيل وين؟
انتو وصلتو تب





--------

Quote:
صداقة بدون كحول

ما دام نعنشة مافي .. المشكلة شنو؟
تجوز مع المحبة ذاتو كمان

يا رغيم يا عمك
الشاب لو ما موقفو صادر عن نبل ما كان وافق على النشر هنا .. دا زول جميل. و الاجمل انو بقاتل من اجل قيم هو مؤمن بيها .. الحرامي في راسو ريشة .. لو كان في شينة - من جهة شوفم - ما كان البنية انتظرتك .. سوت ليك الشاي بكل محبة.

يا حليلنا فيها .. بالضبط تقييمي لجيلنا - ( نا ) النصب و الاحتيال دي ممتدة لتشمل كل المخضرمين - اننا جيل انتقالي .. عشان كدا سمننا ح يطلع .. استلمنا مجموعة قيم - للأسف - بايرة لينا في ي ي يدنا لانو جيل الثورات دا ما داير يشتري مننا كلو كلو .. عندو حقتوا البعرفا برااااااااو!
و الله شكلنا هرمنا اوانطة ساي .. لا في لحظة تاريخية .. و لا اظن انو التاريخ يلقي لينا بال ذاتو
لخير كدا نردد وراي .. ورمنا .. ورمنا

تحياتي يا زول يا زين

Post: #11
Title: Re: صداقة بدون كحول
Author: ناصر احمد الامين
Date: 03-04-2011, 09:19 AM
Parent: #10

يا ابو رغيم زمنكم فات و غنايكم مات
عااادي يا مان ... طالما النية سليمة
DSC_1036-2.jpg Hosting at Sudaneseonline.com

و عندك واحد باربيكان (خالي من الكحول) للزعيم و معروف و من فقه فقههم.

Post: #14
Title: Re: صداقة بدون كحول
Author: osman righeem
Date: 04-04-2011, 12:21 PM
Parent: #11

Quote: عااادي يا مان ... طالما النية سليمة


يا ناصر انا فرحان انه الحياة الحاجات ماشية تبقا كويسة

الشباب عندهم يقين بالمسئولية وفهم منضبط مع القواعد بس بي قراية

كنا نتمناها ولمن ما لقيناها مسكن ورا

Post: #12
Title: Re: صداقة بدون كحول
Author: osman righeem
Date: 04-04-2011, 06:39 AM
Parent: #10

Quote: يا حليلنا فيها .. بالضبط تقييمي لجيلنا - ( نا ) النصب و الاحتيال دي ممتدة لتشمل كل المخضرمين - اننا جيل انتقالي .. عشان كدا سمننا ح يطلع .. استلمنا مجموعة قيم - للأسف - بايرة لينا في ي ي يدنا لانو جيل الثورات دا ما داير يشتري مننا كلو كلو .. عندو حقتوا البعرفا برااااااااو!
و الله شكلنا هرمنا اوانطة ساي .. لا في لحظة تاريخية .. و لا اظن انو التاريخ يلقي لينا بال ذاتو
لخير كدا نردد وراي .. ورمنا .. ورمنا

تحياتي يا زول يا زين



عزيزنا قيقراوي
سلام ومودة

عارف يا قيقاالموضوع ده شغلني جدا جدا

واخدني التفكير لي حاجات كتيرة وانه الاستعدال جاي

جاي نحن كنا عند حسن المظهر و فساد الطوية والجيل الجديد

صادق مع نفسه ومع المجتمع وعارف انه البيحاسب ربنا

Post: #13
Title: Re: صداقة بدون كحول
Author: Nasruddin Al Basheer
Date: 04-04-2011, 07:05 AM
Parent: #12

أنا النجارة خليتها لعثمان رغيم

Post: #15
Title: Re: صداقة بدون كحول
Author: osman righeem
Date: 05-04-2011, 07:11 AM
Parent: #13

Quote: أنا النجارة خليتها لعثمان رغيم



اخونا ابوحازم

بالله مش حاجة ما تتصدق

Post: #16
Title: Re: صداقة بدون كحول
Author: osman righeem
Date: 13-04-2011, 05:54 AM
Parent: #15



معروف نزل قزازك البيرسول ده