بالنسبة لموضوع التسعه مليار الموجودة في حساب الرئيس

مثل كتيرين في البورد كثير من افراد اسرتي أعضاء في المؤتمر والوطني ومتنفذين في أجهزة الدولة مثل غيرهم من مدراء الجامعات وعمداء الكليات والقوات النظامية وقطاع المال و الاعمال بتاع المؤتمر الوطني ... المهم مثل كل الناس زي عندنا حدود للمعاملات واهمها حفظ حق الرحم ( وهذا علي الاقل من جانبي )
أول امس الاول كان زواج ابن شقيقتي الاستاذ بالجامعة و التي كان والده ايضا عميدا لاحدي كلياتها المهم هما من الجانب الاخر ولكن العلاقة الاسرية لم تتاثر .... الشاهد في المناسبة قابلت معظمهم ولكن لمست وسمعت كثير من التوهان ... ومع اني كنت حريص ان لا أدخل معهم في حديث لا يودي لا يجب ألا ان اغلبهم كان مبادر بدعوة الي التشغي و الشماته فيهم و لكن ذلك يكون تنفيس وقتي ولن ينال الوطن شيئا لصالحه اذا نفست عن بعض دواخلي
المهم عرفت ان اخر احصاء لاسر الرغيماب ( ابناء رغيم بن كدنقا) بالسودان يشير الي انهم قد تجاوزوا العشرة الف اسرة

اريد ان انقل موضوع القروش ( النجيضة ) الموجودة في حساب الرئيس الي اجتماع مجلس العائلة و نمشي للزول ده يدينا نصيبنا ... بس عشان شكلنا يكون كويس و قضيتنا مضمونة لازم نتأكد من وجود القروش ومكانها

وحتي لا يفتكر الاشقاء المناطلين ان هذا البوست ربما يكون مطية لداعمي المؤتمر الوطني ومن لف لفهم نقول لهم نحن مع اوكامبو بس كمان ما عايزين نتشلبن (احمد الشلبي) عشان كده عايزين النجيضة يعني علي الاقل اسم البنك و رقم الحساب او علي الاقل كيفية ايداع المبلغ لانه قريب ده ما سمعنا البشير سافر الي تلك النواحي .... وحكاية كيفية الايداع مهمة جدا لاثبات حقنا لانها لو كانت قروش دهب أو بترول أو بيع خدمات بيكون طريقة حساب حقنا مختلفة حسب نظرية قسمة الثروة المعتمدة من الشريكين

حوالي 8 بوستات عن حديث اوكامبو والذي يقول فيه ربما يكون البشير قد حول الي حسابات مصرفية في بريطانيا وكان هدف اوكامبو من الحديث الي تنفيذيي البلوماسية الامريكية هو تغير صورة البشير في الذهنية السودانية عنه من مناطل الي سارق قوت الشعب وانه يكفي فقط ان يقال عنه انه لديه حسابات خارجية بها اموال منهوبة من البلاد كما جاء في ص الجارديان






يعني اوكامبو قال عايز يبوظ سمعة البشير عشان لو في دعم شعبي يروح مع الريح

يعني يا لويز مورانو البشير سمعتو ناقصة؟؟؟

Quote: ونقلت البرقيات المتبادلة عن أوكامبو قوله لمسؤولين أمريكيين إن بعض هذه الأموال قد تكون مودعة في مجموعة مصارف لويدز المملوكة جزئيا للحكومة البريطانية، وترديده مرارا بأن الوقت قد حان للكشف علنا عن حجم السرقة التي قام بها البشير. وجاء في البرقية أيضا "قال أوكامبو إن بنك لويدز في لندن قد يكون لديه الأموال أو على علم بمكان وجودها". ورد لويدز بالقول إنه "ليس لديه أي دليل على وجود أموال لديه باسم البشير". وقال البنك "ليس لدينا دليل البتة على وجود علاقة بين مجموعة مصارف لويدز والبشير. وسياسة المجموعة هي التقيد بالالتزامات القانونية والتنظيمية في جميع مناحي عملنا".

هل اوكامبو والمجتمع الدولي معني بتغير تظام البشير وانقاذ الشعب السوداني الفضل من الانقاذ

نكون واهمين لو اعتقدنا ان ذلك سوف يتم لوجه الانسانية ولمجرد ان ان شعب افريقي يعاني

ولا تنقص المعارضة قضايا تلوث سمعة الانقاذ

ولا تنقصها دوافع لتأجيج الاحتجاجات حتي قلع الانقاذ

ولا ينقصها عدد الضحايا

فلماذا نرفع عاليا مثل هذه القضايا المخستكة

أما فيما يخص الجنائية الدولية فطالما انه لا يوجد نظام قضائي

موثوق به بالسودان فلا سبيل غير العدالة الدولية

ياعمنا عثمان ...سلامات ...

انا امي منكم وماعندي حاجة تثبت ذلك ..كل الاوراق شالها سيل طوكر قبل كاميرة نجلاء تصورها...اها حق امي دي يجيني كيف ؟.. ولا اقول ليك رسلوه لينا من حسابكم وبعد داك اخصموه من نصيبها والزايد شيلوه ...




تحياتي ...

Quote: ياعمنا عثمان ...سلامات ... انا امي منكم وماعندي حاجة تثبت ذلك ..كل الاوراق شالها سيل طوكر قبل كاميرة نجلاء تصورها...اها حق امي دي يجيني كيف ؟.. ولا اقول ليك رسلوه لينا من حسابكم وبعد داك اخصموه من نصيبها والزايد شيلوه ... تحياتي ...

فايز أزيك و عاين جاي

متين سمعت انه نحن قاعدين ناكل

حق الحريم ... خلينا نخلص الاول

وبعدين جيب لينا قسيمة حبوبتك

و الاشهاد الشرعي واعلام الورثة

واثبات عدم وجود تنازل من ام

الوالدة تفيد بعدم التنازل

عند قبول الزواج من اجنبي

ومثل ذلك كتير .... وسلم عليهم

كلهم وقولهم المحنة في محلها

والحساب ولد

وعشان مايكون هنالك ازدواج في المعايير لدي اطراف المعارضة تجاه النطام

فإذا كنا بندين النظام بعدم الشفافية و الفساد و الافصاء و الشمولية والتفريض

في مصالح الوطن العليا فالامر يتطلب ان لا نمارس اساليب النظام و التي ندينه بها

في محاكمته واثبات عدم صلاحيته للحكم ......

Quote: وعشان مايكون هنالك ازدواج في المعايير لدي اطراف المعارضة تجاه النطام فإذا كنا بندين النظام بعدم الشفافية و الفساد و الافصاء و الشمولية والتفريض في مصالح الوطن العليا فالامر يتطلب ان لا نمارس اساليب النظام و التي ندينه بها في محاكمته واثبات عدم صلاحيته للحكم ......

الله إديك العافية


.

ABUHUSSEIN

سلامات

لازم نشوف طريقة نتعايش بيها في المخروبة

كدي يا عمنا اول شئ استلم قروش الشافع الـ 350 مليون دولار النجيييضة وقاعدة تسمع حسك في البنك العندو فرع في الخرطوم.. وبعدين ديك هينة بعد نثبتها زي قروش الشافع بتجي ..


تحياتي

Quote: كدي يا عمنا اول شئ استلم قروش الشافع الـ 350 مليون دولار النجيييضة وقاعدة تسمع حسك في البنك العندو فرع في الخرطوم.. وبعدين ديك هينة بعد نثبتها زي قروش الشافع بتجي .. تحياتي

عارف العيد الفات اخدت ليك قعده فوق سحارة امي و من ضمن الاوراق كات في دفتر صغير مكتوب فيهو اسماء الناس الدفعو لي قروش في الطهورة اول الكشف كان البكباشي عبدالله إدريس ناظر عموم الشايقية وقتها 25 قرش غايتو جمعت الكشف وعملت ليك حسبت القيمة المكافئة حاليا طلعت قريب 500 مليون جنية بالقديم اها يا عريس انا حسبتها قلت شيخ علي مفتح ماب يدفس دفسه زي دي .... وبعدين نحن وشيخ علي حسابنا ساهل كدي النخلص من المليارات








شكرا يا عريس

يا زعيم لمن تقبض القروش ما تنسى اهلك ناس ابكدوك واناالممثل الوحيد لهم هنا...
دي تسعه مليار ....المشكله تقوم تنكرنا...

تحياتي يا زعيم.......

الاخ عثمان

اذا عندك شيء تطالبو من ناس الانقاذ احسن حاجة تعمل ليكم حركة مسلحة

ضق الحنك ما بجيب التكتح منهم.


تحياتي
عبدالرحمن

Quote: مثل كتيرين في البورد كثير من افراد اسرتي أعضاء في المؤتمر والوطني ومتنفذين في أجهزة الدولة مثل غيرهم من مدراء الجامعات وعمداء الكليات والقوات النظامية وقطاع المال و الاعمال بتاع المؤتمر الوطني ... المهم مثل كل الناس زي عندنا حدود للمعاملات واهمها حفظ حق الرحم ( وهذا علي الاقل من جانبي ) أول امس الاول كان زواج ابن شقيقتي الاستاذ بالجامعة و التي كان والده ايضا عميدا لاحدي كلياتها المهم هما من الجانب الاخر ولكن العلاقة الاسرية لم تتاثر .... الشاهد في المناسبة قابلت معظمهم ولكن لمست وسمعت كثير من التوهان ... ومع اني كنت حريص ان لا أدخل معهم في حديث لا يودي لا يجب ألا ان اغلبهم كان مبادر بدعوة الي التشغي و الشماته فيهم و لكن ذلك يكون تنفيس وقتي ولن ينال الوطن شيئا لصالحه اذا نفست عن بعض دواخلي المهم عرفت ان اخر احصاء لاسر الرغيماب ( ابناء رغيم بن كدنقا) بالسودان يشير الي انهم قد تجاوزوا العشرة الف اسرة

ترجمة قوقل؟؟؟؟


(من يعتقد أن عمر البشير في مايو 1989 هو نفسه عمر البشير في 2010 يكون واهماً)
الدليل وثيقة إبراء الذمة..

الرئيس شخصية عامة كان من الممكن أن يقدم إبراء لذمته في 98

وهسع دي الرئيس دا لو جا وحلف قسم مغلظ أنو ما اختلس ولا مليم وممتلكاتو هي نفسها التي كانت في 89 والله نصدقو نعم انو الجنا دا جعلي ونحن بنسامحو في طلاقاتو الفاتت ديك ما لينا دعوى بيها..

Quote: وهسع دي الرئيس دا لو جا وحلف قسم مغلظ أنو ما اختلس ولا مليم وممتلكاتو هي نفسها التي كانت في 89 والله نصدقو نعم انو الجنا دا جعلي ونحن بنسامحو في طلاقاتو الفاتت ديك ما لينا دعوى بيها..

نحن غايتو دايرين حقنا بس اثيتو لينا في الاول

Quote: الاخ عثمان اذا عندك شيء تطالبو من ناس الانقاذ احسن حاجة تعمل ليكم حركة مسلحة ضق الحنك ما بجيب التكتح منهم. تحياتي عبدالرحمن

سلام عبد الرحمن

عارف ضحايا العنف دائما الابرياء ودمار الوطن

ولكن للضرورات احكام .... ولكن برضو لو عايزين

سلاح بنكون محتاجين القروش دي

Quote: يا زعيم لمن تقبض القروش ما تنسى اهلك ناس ابكدوك واناالممثل الوحيد لهم هنا... دي تسعه مليار ....المشكله تقوم تنكرنا... تحياتي يا زعيم.......

عزيزنا

لم يعرف السودان استباحة للمال العامكما عرف هلي يد الانقاذ

ويمكن تكون جملة المبالغ المهدرة تحت مسميات و مبررات شمولية

ومكايدات سياسية تفوق هذه التسعة مليار ولا أظنني اضحك علي نفسي

وابرأ احد منهم من الولوغ في المال العام ولكن من ناحية أخري

يجب ان نتعامل كمعارضة مع نظام الانقاذ الغاشم بخياراتنا الوطنية

المستفلة بعيدا عن مصالح الدول الاخري ... وعشان كده خلي اوكامبو

ينصرف لي عمله عن جرائم الحرب و القروش الكاش العند البشير دي

بنمشي ليهو فيها لمن البنك يعترف

الأخ / عثمان

مع التحية والتقدير والاحترام

أود أن اقول بأنني لا أشتغل بالسياسة بتاتاً ناس الحكومة أحرار يغنوا للحكومة والمعارضين أحرار يعارضوا على كيفهم إلا أنه يظل بعض المعلومات تحتاج لكثير من الوقفات حتى يتأكد الشخص السوي من تصديقها .

فكيف أكتنز البشير هذه التسعة مليارات ، هل من قروش النفط ، طيب النفط بقينا ننتجوا قبل كم سنة .

قول 11 سنة × 365 = 4015 يوم

ولو قسمنا الـ 9,000,000,000 على 4015 يوم = 2,241,594 جنيه إسترليني وهو ما يعادل 3,547,203 دولار .

فهل من المعقول أن الرئيس داب يومياً أن يحول من مبلغ البترول ثلاثة مليون وخمسمائة وسبعة وأربعون ألفا ومئتان وثلاثة دولار؟

لحسابه الخاص ، وكمان في بنك أوربي .

أعتقد جازماً أن هذه المعلومات كاذبة .

هذا رأي الشخصي وللجميع حرية الاعتقاد.

Quote: قول 11 سنة × 365 = 4015 يوم

يعني نحن بنعرف نحسب احسن من أمريكا

Quote: عشان كده عايزين النجيضة يعني علي الاقل اسم البنك و رقم الحساب او علي الاقل كيفية ايداع المبلغ لانه قريب ده ما سمعنا البشير سافر الي تلك النواحي .... وحكاية كيفية الايداع مهمة جدا

اسم البنك lloyds tsb


تلفون البنك

00442076499437

او

08453000000

داخلى

الموقع اللالكترونى

http://www.lloydstsb.com/


صوره له






وعن كيفية اداع المبلغ مابالضرورة البشير يسافر لندن عشان يعمل deposit


ممكن تفتح حساب وتحول منو او ليهو وتقفل الحساب وتعمل كل (الترانساكشن)

من غير ماتشوف البنك بعينك


مع تحياتى

_____________________________________________________________________

من ناحية انو القروش منهوبة فمنهوبة بس السؤال هل باسم عمر البشير والا عبدالله البشير

والا واحد غيرهم