Post: #1
Title: أميرة الشيخ و أماني الامين نقطة نظام !!
Author: osman righeem
Date: 08-12-2010, 11:15 AM
تجاهلكم للقراصة
غير مبرر و لا يمكن السكوت عليه .
|
Post: #2
Title: Re: أميرة الشيخ و أماني الامين نقطة نظام !!
Author: osman righeem
Date: 08-12-2010, 11:25 AM
Parent: #1
الموقف يمكن تداركه
يمكن الاستعاتة بصديقة
والا سوف اكلم ليكم الحكومة
|
Post: #3
Title: Re: أميرة الشيخ و أماني الامين نقطة نظام !!
Author: Nader Abu Kadouk
Date: 08-12-2010, 11:49 AM
Parent: #2
رغيم جيب معاك قراصتك دي يوم الفطور وبعد داك ح نعرف نضامن ولا نشجب
|
Post: #13
Title: Re: أميرة الشيخ و أماني الامين نقطة نظام !!
Author: osman righeem
Date: 08-13-2010, 02:30 PM
Parent: #3
| Quote: رغيم جيب معاك قراصتك دي يوم الفطور وبعد داك ح نعرف نضامن ولا نشجب |
ابو كدوك تصوم وتفطر علي خير
حاضرين
|
Post: #6
Title: Re: أميرة الشيخ و أماني الامين نقطة نظام !!
Author: أحمد ابن عوف
Date: 08-12-2010, 12:43 PM
Parent: #5
الاخ عثمان
ياخي الاخت هويدا شرحت القراصة
اساسا انا دخلت عشان من القراصة بس
انا ما عارف لو مافي قراصة كان الناس ضاقت الاكل كيف؟؟
بالجنبة كده، هويدا ما تسمعنا
طمنا، قراصة هويدا دي اصلية وللا مجوبكة ساكت؟؟؟
تحياتي
|
Post: #7
Title: Re: أميرة الشيخ و أماني الامين نقطة نظام !!
Author: osman righeem
Date: 08-12-2010, 12:56 PM
Parent: #6
Quote: طمنا، قراصة هويدا دي اصلية وللا مجوبكة ساكت؟؟؟
|
قراصة هويد ابعد منها
دي من كتاب ابلة نظيرة
ولقد حدثتني من اثق بخبرتها
ولها نفس معروف في الطبيخ
ان كل ملحات هويدا قاطعي (الهجي ) الطعم
ديل حدهن رز بي لبن
|
Post: #8
Title: Re: أميرة الشيخ و أماني الامين نقطة نظام !!
Author: Amany Elamin
Date: 08-12-2010, 01:01 PM
Parent: #6
أميره الشيخ عن اذنك:
الليله ووووووووب
ثقافتنا دي يعني ثقافة ناس بيتنا,, القراصه دي الا في الشاشه الغشاشه 
ولو أكلناها بتكون مع عسل يعني اطلاقا ما بناكل قراصه مع ملاح أو طبيخ,,
خصوصا اننا لا شوايقه لارطّانه
نحن ناس خرطوم ساي :)
وعندنا العصيده شئ أساسي في فطور رمضان,
أمّا القراصه فهي تبع ثقافة ناس الشماليه علي ما أعتقد, وللا شنو؟
مع ذلك ركّزت مع كلام هويدا خالص عشان نتعلمها للزمان,
ولو انها أكيد عايزه ناس متعلمين يعملوها وبيعرفو يظبطوها :)
هسي فتحيه شامي حتجي توصفها لينا وللا لأ
|
Post: #9
Title: Re: أميرة الشيخ و أماني الامين نقطة نظام !!
Author: WAD ELGAALI#4
Date: 08-12-2010, 02:51 PM
Parent: #8
امانى سلام ياخ ورمضان كريم
بعدين تعالى هنا بى فصاحتك دى كلها ما تعرفى تسوى القراصة وكمان ما بتاكلوها فى بيتكم
والله حقو يقلعو منكم الجنسية
والله البشوفك متجدعه فى البواستات حقت الكوره يقول تدقلى بى اى وجبه شعبيه لكن زى ما بتقول حبوبة احمد شطة المعرف مى بى النضم
|
Post: #10
Title: Re: أميرة الشيخ و أماني الامين نقطة نظام !!
Author: nabielo
Date: 08-12-2010, 03:08 PM
Parent: #9
Quote: خصوصا اننا لا شوايقه لارطّانه
نحن ناس خرطوم ساي :)
وعندنا العصيده شئ أساسي في فطور رمضان,
|
عارفة ليه ما عندكم ثقافة القراصة ( يا ناس الخرطوم ساي ) ؟
لانو ما كان عندكم قمح و ثقافتكم متوقفة علي منتجات الذرة
مثل العصيدة الشئ الاساسي عندكم
اما نحن ( الرطانة ) الذرة دي اول مرة شفناها في الخرطوم
اتربينا بي قمح و بس
و عشان كدة ثقافتنا قراصة و بس ما عصيدة
يا ناس الخرطوم سااااااااااااي
|
Post: #11
Title: Re: أميرة الشيخ و أماني الامين نقطة نظام !!
Author: قاسم المهداوى
Date: 08-12-2010, 03:58 PM
Parent: #10
صاحب البوست سلام
ورمضان كريم
شخصيا ما عندى اى علاقة بالقراصة ..... ولا اشكال فى ذلك او انتقاص من قيمة القراصة
.... الماكولات الاساسية السودانية تتبع الجعرافيا والمنتوج الزراعى
لهذا ناس الغرب الكبير ليس لهم علاقة بالقراصة
وايضا ناس الجنوب
اما ناس خرطوم ساى .... بالليل
فعلا خرطوم ساااااااى اااااى ساااااى
والجابنى البوست ده
ناس خرطوم سااااى
وناس خرطوم ساااى ديل يبدو انهم جاءوا مع الانجليز او الاتراك ( الحكم الثنائى التركى المصرى )
وناس خرطوم ساى او الخرطوم بالليل ... يبدو ان جل معرفتهم برضو خرطوم سااااى ... لا قراصة ولا ام تكشو ؟؟
ويا ناس الخرطوم سااااى
خليكم ساااى برضو
قاسم المهداوى
هامش
الفكرة عامة لكل ناس الخرطوم سااى
وليس لشخص محدد
|
Post: #15
Title: Re: أميرة الشيخ و أماني الامين نقطة نظام !!
Author: ناصر احمد الامين
Date: 08-13-2010, 03:03 PM
Parent: #11
Quote: شخصيا ما عندى اى علاقة بالقراصة ..... ولا اشكال فى ذلك او انتقاص من قيمة القراصة
|
Quote: والجابنى البوست ده
ناس خرطوم سااااى
وناس خرطوم ساااى ديل يبدو انهم جاءوا مع الانجليز او الاتراك ( الحكم الثنائى التركى المصرى )
|
يا قاسم البوست دا بتكلم عن القراصه و الخرطوم، و بما انو انت ما عندك علاقة بالحاجتين ديل، نرد ليك في المفيد
الله اكرم
تحياتي لي حبيب نوره لو لاقيتو
|
Post: #14
Title: Re: أميرة الشيخ و أماني الامين نقطة نظام !!
Author: ناصر احمد الامين
Date: 08-13-2010, 02:57 PM
Parent: #8
اماني الامين ... يديك العافية ما قصرتي تب، ردك دا ريحني في حناني ..... قال قراصه قال
Quote: أمّا القراصه فهي تبع ثقافة ناس الشماليه علي ما أعتقد, وللا شنو؟
|
Quote: ولو أكلناها بتكون مع عسل يعني اطلاقا ما بناكل قراصه مع ملاح أو طبيخ,,
|
يعني الخلاصه كدا: يا ابورغيم القراصة دي ما مرجع
تخريمة: تتذكر قراصة عمك بهاء
|
Post: #16
Title: Re: أميرة الشيخ و أماني الامين نقطة نظام !!
Author: Amany Elamin
Date: 08-13-2010, 04:30 PM
Parent: #14
ود الجعلي رمضان كريم وربنا يعين علي الصيام والقيام,,
انت بتختفي وتظهر فجأه مالك؟
انشاء الله أمورك كلها تمام؟
كل سنه وانت طيب ,,
نبيل سلامات وكل سنه وانت طيب,,
يعني لازم أقول كامل الاحترام للقراصه وللناس البياكلو القراصه عشان أثبت حسن نواياي؟
القراصه وناسها ما عندي فيهم راي, بس ثقافتنا الغذائيه لاتشتمل علي القراصه, كده كيف؟
بعدين حكاية ناس خرطوم ساي دي,,
ما ديك أميره الشيخ استعملت نفس التعبير !!
مافي زول قال ليها تلت التلاته كم ليه؟:
Quote: رغيم ياعمك تصوم وتفطر على خير ...
طبعا نحن عرب نيل ابيض ساى القراصة دى اتعلمناها من جيرانا المحس
كل يوم نرفع ليهم صحن عصيدة وهم يرسلو لينا صحن قراصة وهكذا
غايتو يانحن عربناهم ياهم رطنونا ....
من جيت الدوحة كفيلى عمر بوب والسيد حرمه رطانة والقراصة ثابتة
عندهم وعصيدة شان خاطر عيونا بس .. |
وللا كلمة خرطوم دي بتعمل للناس حساسيه
تاني مره كامل الاحترام لكل ثقافات ناسنا الغذائيه,,
وبدل ما تهزأونا كده أشرحو لينا طريقة عمل القراصه,
وللا خلّوا فتحيه شامي تعزمنا بالنيابه عنكم علي قراصه خطيره يوم !!
---
بالمناسبه: قاسم المهداوي ده مالو؟
|
Post: #18
Title: Re: أميرة الشيخ و أماني الامين نقطة نظام !!
Author: Amira Elsheikh
Date: 08-13-2010, 05:13 PM
Parent: #16
رغيم ياعمك ....
رمضان كريم وكل سنة وانت طيب وتصوم وتفطر على خير
البلد دى(سودانيزاون لاين)لا فيهارطانة ولا شوايقة
شان يجو يرفعو بوست بتاع قراصة ياكافى البلا ..
حناكيش الخرطوم وممثلتهم امانى الامين جابو لينا كتاب
ابلة نظيرة فى الطبخ ومحتاج معاهو مترجم الله يسالنى ..المهم تحت
كل الظروف ختو مساهمتهم..
انا ممثلة الهامش(النيل الابيض) جبتها صينينتى وياها
محتوياتها العصيدة والابرى والبليلة والبلح
نغشكم يعنى ونقول ليكم بنعمل قراصة ؟
يادكتور انت زعلت ؟
|
Post: #23
Title: Re: أميرة الشيخ و أماني الامين نقطة نظام !!
Author: قاسم المهداوى
Date: 08-13-2010, 06:40 PM
Parent: #16
الفاضلة
امانى الامين
رمضان كريم وسعيد
والقابلة تتحقق الامانى
| Quote: بالمناسبه: قاسم المهداوي ده مالو؟ |
والله ولا اى شىء
وعزرا مكرر يا استاذة لو هنالك ما يعكر صفو مزاجك
فقط انا علقت على مفردة
ناس خرطوم ساااى ... وعجبتنى المفردة وفتحت بها بوست
لسبب بسيط جدا الا وهو ان العواصم فى كل بلاد الله ياتى اليها الناس
من كل مكان وهى ملك للكل وليس لناس الخرطوم سااااى ...
عموما دى وجهة نظر تقبل كل الاحتمالات ( صاح او خطأ )
وبس
اكرر عزرى لو ان هنالك ما ......
كونى بخير
قاسم المهداوى
|
Post: #29
Title: Re: أميرة الشيخ و أماني الامين نقطة نظام !!
Author: osman righeem
Date: 08-15-2010, 11:04 AM
Parent: #14
Quote:
تخريمة: تتذكر قراصة عمك بهاء |
يا باشمهندس حرام عليك قراصة عمك بهاء يقولوا عليها تخريمة
اهو يا بت اخوي اماني عمك بهاء ده زول خرطوم يعني جدوا التاسع
مدفون في الخرطوم مدمن قراصة انتاج و استهلاك
اول يوم اتعرفت بيهو مع ناصر اصر يعمل لينا قراصة و قال بتطلع سريع
وهو رجل حلو الحديث و المعشر و دخلت معه المطبخ لنكمل حكاية و كان المطبخ
اشبه بغرفة عمليات في المستشفي الامريكي في دبي .....
طبعا ما كان في صاج واتعملت القراصة بالطوة وكانت في منتهي الروعة
حاجة كده زي البان كيك
و سيبك من عمك بهاء هو ناصر مش ناس خرطوم ساااااي يمكن يكون معها شوية حنكشة
مدمن قراصة حتي النخاع
|
Post: #17
Title: Re: أميرة الشيخ و أماني الامين نقطة نظام !!
Author: osman righeem
Date: 08-13-2010, 05:11 PM
Parent: #8
| Quote: هسي فتحيه شامي حتجي توصفها لينا وللا لأ |
اقترح دورة تدريبية
بيان بالعمل مش احسن
|
Post: #19
Title: Re: أميرة الشيخ و أماني الامين نقطة نظام !!
Author: Amira Elsheikh
Date: 08-13-2010, 05:35 PM
Parent: #17
Quote: ما ديك أميره الشيخ استعملت نفس التعبير !!
مافي زول قال ليها تلت التلاته كم ليه؟:
|
الليلة وووووووووووب ياامانى الامين
دا تحريش راسو عديل ....
_______________________--
ياخ ان مش صحبتك فى التشرد
|
Post: #20
Title: Re: أميرة الشيخ و أماني الامين نقطة نظام !!
Author: رغيم عثمان رغيم الحسن
Date: 08-13-2010, 06:18 PM
Parent: #19
غايتو فتحية شامى لو ادتكم دور فى القراصة والملاح الاحمر بتشرطوا كتاب ابلة نظيرة دا
*****************
مرة كنا ممتحنين والشباب كانو معسكرين معاى فى البيت
وامى كانت فى الامارات
اها جميلة الحبشية اتعلمت على يدها القراصة والملاح الاحمر
يوم عملتا لينا
الشباب حلفو الا يشلخوها
:)
وتانى المعسكر لحدى ما الامتحانات ما انتهت ما اكل الا قراصة
ملاح فتحية شامى دا ما بتحكى عنو الا يتجرب الله يديها العافية ويخليها لينا
|
Post: #21
Title: Re: أميرة الشيخ و أماني الامين نقطة نظام !!
Author: Amany Elamin
Date: 08-13-2010, 06:25 PM
Parent: #19
| Quote: ياخ ان مش صحبتك فى التشرد |
|
Post: #22
Title: Re: أميرة الشيخ و أماني الامين نقطة نظام !!
Author: Amira Elsheikh
Date: 08-13-2010, 06:37 PM
Parent: #21
رغيم ياعم شنو مطقع لينا كدا
دى ما كانت قراصة ...
اسى القراصة دى دايرها ليها عرفة
مش دقيقة تلخو بموية وشوية ملح
وتش وتش وحرقك حرقك تنزلو والقصة انتهت
شنو شابكننا قراصة قراصة
____________________________________
امانى الامين يا مشردة
|
Post: #24
Title: Re: أميرة الشيخ و أماني الامين نقطة نظام !!
Author: رغيم عثمان رغيم الحسن
Date: 08-13-2010, 08:24 PM
Parent: #22
اميرة
الملاح يا بت امى الملااااااااااااااااااااااااح
|
Post: #25
Title: Re: أميرة الشيخ و أماني الامين نقطة نظام !!
Author: محمد أبوالعزائم أبوالريش
Date: 08-14-2010, 05:46 PM
Parent: #24
أبو رغيم يا عمّكـ
((نظام)) دي يشهد الله بقى عندنا موقف منها ... حاول غيرها ياخ.
بعدين بناتنا ديل مالك عليهن؟
عصيدتن ما عجبتك .... عندك أم رغيم بجلالة قدرها .. جيبها تديهن كورس.
شخصياً ... لاخّيها من هنا ومن هنا ... شغال بعصيدة أهلنا .. وأم العيال رطانية .. ندوس معاها القراصة.
بس قراصة الشوايقة دي صراحة ما شغّالة معانا .. حاولوا تحسّنوا الصناعة شوية.
|
Post: #26
Title: Re: أميرة الشيخ و أماني الامين نقطة نظام !!
Author: osman righeem
Date: 08-14-2010, 10:04 PM
Parent: #22
Quote:
رغيم ياعم شنو مطقع لينا كدا
دى ما كانت قراصة ...
اسى القراصة دى دايرها ليها عرفة
مش دقيقة تلخو بموية وشوية ملح
وتش وتش وحرقك حرقك تنزلو والقصة انتهت
شنو شابكننا قراصة قراصة
|
بت الشيخ علك طيبة وينعاد عليك باليمن و البركات
يعني لخصتي الموضوع في عصيدة عجين مسلوق و قراصة
عجين باربكيو .....
عارفة القراصة تبفي منها ثمانية وعشرون صنف لم تندثر
واول ما عرفت في عهد الفراعنة
|
Post: #27
Title: Re: أميرة الشيخ و أماني الامين نقطة نظام !!
Author: هويدا شرف الدين
Date: 08-15-2010, 10:41 AM
Parent: #26
أحمد أبن عوف والله بالغت القراصه عوسها ذي ما قلت ليك وبعد العواسه شوفها بتطلع كيف عوسه انت مال المدام
|
Post: #28
Title: Re: أميرة الشيخ و أماني الامين نقطة نظام !!
Author: هويدا شرف الدين
Date: 08-15-2010, 10:46 AM
Parent: #27
عثمان
طريقة عمل القراصه
المكونات :-
دقيق قمح
ملح
ماء
طريقة التحضير :-
تخلط الدقيق بالملح مع الماء
تخلطه جيدا وتكون العجينة غليظة
ثم تقوم بوضع الصاج علي النار
حتي يسخن تماما
ثم تقوم بوضع العجين علي الصاج
تنتظر خمسة دقائق ثم ثقوم بقلب القراصة علي الوجه التالي
تنتظر اربعة دقائق وبذلك تكون انتهت القراصةبحمد الله.
|
|