العثور علي جثث اثنين من طلاب دارفور بجامعة الجزيرة !!

صباح الاغتيالات والدم ياشعب ياسوداني!!
......................................................
العثور على جثث اثنين من طلاب دارفور وهم محمد يونس وعادل احمد مرمية فى الترعة بالقرب من مجمع النشيشيبة
ولم يتم بعد العثور على الطالب
مبارك سعيد
للع
لم بالامس تم اعتقال 72 طالب
الم تاتى بعد الحلقة الاخيرة من المسلسل العنصرى الذى يسمى اغتيالات طلاب دارفور واستهدافهم فى كل الجامعات السودانية ..؟؟
..
اها يا ناس لسة برضو نستني ونصبر ؟؟؟!!!!!

ياخ الحكومة دي العاقل فيها يَتيرِب بالبليلة ،
لان الطلاب دوما في مقدمة الصفوف للدفاع عن قضايا الشعب الوطن ،
كل الطلاب من دارفور ، ومن دنقلا وبورسودان ،
التركيز على طلاب دارفور ينم عن عقلية امنية شديدة الغباء تساندها العنصرية
وعقلية ناس دارفور ديل ، كمان جامعة شنو البقروها ، كأن الجزيرة حكرا لهم ،
وكأن السودان ضيعة تابعة لهم ،
وناس دارفور وكت قروا في جامعاتنا يقروا بقيدهم ،
هنا مكمن الداء،
العقلية الكيزانية تقسم هذا البلد رويدا رويدا ،
يستهدفون طلاب وطالبات دارفور،
وكان دارفور تابعة لتشاد وليست جزءا من البلد الذي تسلموه مليون ميل مربع ،
بعدين البلد دي ماشة وين ما عارفين ؟
بالله كم عدد الطلاب الكتلوهم من دارفور ،
كل يوم اتنين تلاتة ليه ؟
لا افهم ابدا ولا قادر استوعب ان تقتل طالب اعزل ،
مقتل طالب مقتل امة ...
......................

يا بوشي
ما الذي يجعل الحكومة تستهدف طلاب دارفور دونا عن كل الطلاب المعارضين الاهرين
هل لانهم اشد خصوما واقوي مراسا ضد الانقاذ من الاخرين؟
هل هو نهج مخطط له من جانب الحكومة لتكريه الشعب الدارفوري في النظام الحاكم ؟ وان كان كذلك ما هي الاسنفادة التي قد تنالها الحكومة من هكذا إجراء؟
إن كان هذا نهجا وديدنا للحكومة ما هو موقف ابناء دارفور المشاركين في الحكومة والعسكريين من ابناء دارفور من هذا الموقف وهم اصحاب سلطة وجاة ومكانه في الانقاذ؟

ربنا يتقبلهم فيمن عنده ويتولى ذويهم بالصبر وحسن العزاء
وينتقم من القتلة .. عاجلاً ليس اجلاً
قادر يا كريم

Quote: ما الذي يجعل الحكومة تستهدف طلاب دارفور دونا عن كل الطلاب المعارضين الاهرين

لأنهم ما عندهم ضهر زي أولاد الشمال يا الزبير
يعني موتهم ما حيعمل مظاهرات وفي نفس الوقت موتهم يخوف أولاد الشمال
زائد إنو مسألة التعذيب والقتل تسلية للأمنجية وتلطيف لعلتهم النفسية

ربنا يتقل شهادتيها ويتولى ذويهما بالصبر وحسن العزاء
وينتقم من القتلة .. عاجلاً ليس اجلاً

نسأل الله العلي القدير ان يتغمدهم بواسع رحمة ويسكنهم فسيح جناته
نريد ان نعرف مزيد من التوضيح عن الشهداء كيف اختفوا واين كان يسكنون
ابناء دارفور في جامعة الجزيرة نرجو الافادة ومزيد من المعلومات
حتي نستطيع ان نتحرك لمعرفة الجناة المجرمون

مركزية مؤتمر الطلاب المستقلين
بيان
مقتل طالب مقتل امة
سقوط شهداء جدد على يد نظام البشير
مايزال نظام القمع والقتل والتعذيب يخط كل يوم فصولا جديدة من جرائمه في حق الشعب السوداني ليضيف اليها اليوم مشهدا جديدا باغتياله لاثنين من طلاب جامعة الجزيرة كلية العلوم الزراعية الدفعة 35 وهما الطالبان محمد يونس نيل والطالب عادل محمد احمد حماد واللذين تم العثور على جثتيهما مرمية في ترعة بالقرب من الجامعة ولايزال الطالب مبارك تبن مفقودا حتى الان ؛ ليؤكد هذا النظام العنصري انه لا يستطيع ان يصارع خصومه الا بالاعتقال والتعذيب والاغتيالات وهم هنا الان طلاب عزل لم يقترفوا ذنبا سوى مطالبتهم بحقهم في التسجيل ولانتمائهم لإقليم دارفور الذي دمرته عصابة الإنقاذ ودعوتهم الى الاعتصام الى حين تنفيذ مطالبهم المشروعة ‘ فبعد ان رفضت إدارة جامعة الجزيرة التسجيل لطلاب دارفور بالجامعة دعوا الطلاب الى الدخول في اعتصام عن الدراسة الى حين الموافقة لهم بالتسجيل وفي اليوم الأول للاعتصام هاجمتهم مليشيات ورباطة المؤتمر الوطني بالجامعة مدعومين بأفراد من جهاز الامن حيث أصيب العديد من الطلاب
جراء الاحداث وكانت إصابة البعض منهم خطيرة ؛ وبعدها اصر الطلاب على المواصلة في الاعتصام الى ان القوات الأمنية داهمت الجامعة وطاردت الطلاب واعتقلت اكثر من 70 طالبا
ان النظام الان في اسوأ حالاته اسخنته غضبات الشعب المتكررة وفشله الكامل في ادارة الدولة ومايفعله الان يدل وبوضوح الى انه يحتضر ومرعوب متحصننا بترسانته العسكرية والاياته القمعية والتي هي لامحالة ذائلة ولن تحميه من ثورة الشعب الوشيكة .
اننا في مؤتمر الطلاب المستقلين نعد ارواح الشهداء باننا لن نرتاح الا باخذ قصاصهم من هؤلاء القتلة وندعو كل ابناء الشعب السوداني في كل ارجاء الوطن وبكل قطاعاتهم والوان طيفهم الى هبة عاصفة الى اقتلاع واسقاط هذا النظام اللعين حتى ينعم هذا الوطن بالحرية والعدل والسلام . .
تعازينا لارواح شهداء جامعة الجزيرة وعاجل الشفاء للمصابين
الثورة هي الخيار
مركزية مؤتمر الطلاب المستقلين
7\12\2012



هل من يؤكد هذا البيان طلاب دارفور بجامعة الجزيرة ؟؟؟؟؟

لا حول ولا قوة إلا بالله العلي العظيم
اللهم أرحمهم واغفر له واجعل الجنة عوضاً لشبابهم ..
العزاء للوطن ..
---------------------------------
مقتل طالب مقتل أمة ..
إلى متى صمتنا المريب على جرائم الإنقاذ ؟!
عارنا جميعاً ما حدث ويحدث
فالدم السوداني واحد ..

الادانة لهذا السلوك الاجرامي
لا لإستهداف الطلبة الدارفوريين في الجامعات

العثور على جثمان الطالب الثالث بجامعة الجزيرة .!!!!

لا حولا ولا قوة الا بالله

اللهم ارحمهم

كلام عجيب وظلم كبير البيحصل

مزيد من الضحايا شباب جايين من اطراف دارفور او غيرها كانت نهايتهم في مياه ترعة او غيرها في مشروع جامعة كانت

مفروض تخرجهم عشان البلد واهلهم

انا ما عارف كيف نستحمل وجود مجرمين معانا كيف

دي جريمة منظمة زي الجرائم الحديثة في تاريخ جامعة الجزيرة وغيرها والجريمة الادت لاستشهاد ابو العاص ما بعيدة

لكم التحية والتقدير وشكرا علي المرور ...
..
اخر الاخبار تقول ان لازال هناك طالبين مفقودين حتي الان

سلام يا بوشي
الرحمة الواسعة للشهداء الأبرار والصبر لأسرهم في الفقد الجلل
وحسبي الله ونعم الوكيل
السنة الفاتت البورد ده قام و ما قعد بي سبب شهيد الأهلية
الشهيد الرسمت خطة وفاته الخبيثة ايدي الكيزان القذرة
عشان الناس تزعل وتهيج وتنفعل ويجوا بي خبثهم يطلعوا الناس كضابين ويطلع مافي شهيد من اساسو
ناس علاء الدين وشلته المبارياه زي الجداد الماشي الكوشة
قلبوها ضحك وبقوا يحتفلوا بالكذبة حقتهم دي كل سنة
مع إنه ما كتير عليهم الأمنجية يقتلوا طلبة البلد كلها , المهم يكمموا الأفواه

هسه بقوا يفجخوا فيهم زي الجراد في الخيران ويرموا فيهم زي الفطائس في الترع والسايفونات
ده حالتو في الشمال . ما معروف كم مقبرة دفنوها وحرقوها في دار فور وباقي الأقاليم البعيدة وما خفى اعظم
الكيزان الفي البورد وكانوا حايمين من بوست لي بوست يكضبوا ويتريقوا على شهيد الأهلية
وينهم هسه ؟؟ واحد فيهم ادان قتل الطلبة الأبرياء ديل مافي,و يلبدوا زي الحرامية لما تطلع ريحة عمائل حزبهم النتنة !!!
وفلاحتهم ينطوا لي الناس في حلاقيمها في ابسط شيء
والله ما خاتي دكتور مصطفى لما قال ليكم التجاهل التجاهل وزول يتداخل معاهم في بوستاتهم مافي
لأنه بعد شوية تلقاهم حايمين يضحكوا ويقرقروا مع الناس وكأنه ما حصل شيء
وبرضو الناس سااااكتة
شيء مقرف بالجد !!!!!!!!!!!!!!

Quote: اها يا ناس لسة برضو نستني ونصبر ؟؟؟!!!!!

للأسف حا نستنى ونصبر يابوشي .. ولا شك سيمر موتهم مرور الكرام

عاليا

فوق

.

انا لله وانا اليه راجعون
اللهم تقبل شهادتهم
والهم اهلهم الصبر الجميل

السكوت على هذه الجريمة البشعة جريمة
جريمة السكوت على قتل واحد تؤدي الى جريمة قتل العشرات
ومن ثم المئات والالاف