Post: #1
Title: أتزوج بنت عمك الـ ........ عميكـــــــة
Author: عبدالله ود البوش
Date: 11-17-2012, 02:58 PM
عالم جميل ولطيف
نتابع مرة أخرى إذن
|
Post: #2
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-17-2012, 03:00 PM
Parent: #1
الارشفة ما خلتني تميت الناقصة ولكن تمثيلية حضرتها أمس اعادتني لذلك العالم الجميل مرة أخرى
|
Post: #3
Title: Re: أتزوج بنت عمك الـ ........ عميكـــــــة
Author: وضاحة
Date: 11-17-2012, 03:01 PM
Parent: #2
واماعندوا بنات عم
|
Post: #4
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-17-2012, 03:05 PM
Parent: #3
جارة امو ولو عميكة
.
.
مرورك الكريم يسعدني يا دكتورة
|
Post: #5
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-17-2012, 03:10 PM
Parent: #4
الحمارة حمارة ابوحميرة والدفيس دفيس عطامنو
حمارة ابوحميرة اكلت دفيس عطامنو
وعطامنو ضربت حمارة ابوحميرة
وابوحميرة ضرب عطامنو بنفس الضقلة الضربت بيها حمارتو
.
.
يوميات عميكة في انداية عطامنو
|
Post: #6
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-17-2012, 03:13 PM
Parent: #5
الشمش دي كل يوم تطلع وتغيب
المحيرني الناس ديل كلهم بعرفو دا السبت من اللحد كيفن
.
.
كلتوم بت الجار عودو
|
Post: #8
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-17-2012, 03:17 PM
Parent: #6
هذه بعض العناوين العريضة
وتفاصيل عماكتها لاحقا
خلاص اليومية تمت حرف وكرف
نلتقي يا عمايك وعميكات
يا معلمين ويا معلمات
.
.
جحفر ود التاية قال لخالتو التومة امي برضو الله رايد ليها الشقاوة
|
Post: #7
Title: Re: أتزوج بنت عمك الـ ........ عميكـــــــة
Author: وضاحة
Date: 11-17-2012, 03:14 PM
Parent: #4
وين يا ود البوش
يعنى الماعندوا بت عم يقع الجيران ههههههههههه
بعدين ياخى راعى ناس الشهادة الانجليزية فى كتاباتك
استخدم لينا مصطلحات تتفهم
ولا جيب لى شيقا المسنوح يترجم
|
Post: #9
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-17-2012, 03:22 PM
Parent: #7
Quote: استخدم لينا مصطلحات تتفهم
|
نحن ندرشو درااااااااش واتو دققو دقااااااااااااق
وضاحة العزيزة انا هين كان جوك ناس وحاتي شمها بتقي في حاو وهش
دا سرجا ما عندك ليهو دحيشة
.
.
مع الشكر والتقدير وايضا كذلك الاحترام
والله يا وضاحة انا الليام دي عيان رسلي لي شربة .......
|
Post: #10
Title: Re: أتزوج بنت عمك الـ ........ عميكـــــــة
Author: وضاحة
Date: 11-17-2012, 03:34 PM
Parent: #9
| Quote: والله يا وضاحة انا الليام دي عيان رسلي لي شربة ....... |
تسلم من المرض
عارف بكون عيان من عدم الاي فون 5 الشحتوا يا شحاد ههههههههههه
انا بتاعت قلقسي 3 ارسل ليك قلسي
صوتك كيف فى قلقسي يا ربي هههههههههههههه
|
Post: #12
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-18-2012, 06:43 AM
Parent: #10
| Quote: صوتك كيف فى قلقسي يا ربي |
صوت عنج داير ليهو ضهرا منمل
| Quote: انا بتاعت قلقسي 3 ارسل ليك قلسي |
كشاف بتي ولا قلقسي ستي صاحبة السمو
لكن كان رسلتيهو حديدة اخير ههههههههههههههههههه
لا لقينا ايفون خمسة ولاقلقسي تلاتة بس لقينا كشف حال وناس الدنيا والعالمين عرفوا تلفوني كشاف
وحالي انكشف بالشحدة الاسفيرية على الهواء مباشرة ههههههههههههههه
.
.
العاجبني فيك يا صاحبة السمو طيبتك وصفاء نيتك والله اديك قدر نيتك واكتر والنية السليمة زاملة سيدها
لكن بوستينا دا ملغوس ومعولق يصعب متابعتك ليهو
مع تحياتي واحترامي
|
Post: #11
Title: Re: أتزوج بنت عمك الـ ........ عميكـــــــة
Author: aydaroos
Date: 11-17-2012, 03:37 PM
Parent: #9
Quote: الشمش دي كل يوم تطلع وتغيب
المحيرني الناس ديل كلهم بعرفو دا السبت من اللحد كيفن
.
.
كلتوم بت الجار عودو |
عليك الله (كلتوم بت الجار عودو) ما فاتت آينشتين بي هناك !!!
علا صحي الناس دي بي تفرق الأيام من بعض كيف ؟!!
|
Post: #13
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-18-2012, 06:46 AM
Parent: #11
عيدروس ألخم مني صاحبة السمو الملكي لاننا بصدد الاقلاع بهذا البوست
|
Post: #14
Title: Re: أتزوج بنت عمك الـ ........ عميكـــــــة
Author: الزبير بشير
Date: 11-18-2012, 06:57 AM
Parent: #13
عيد الروس طربش و حنكل لي ود البوش قام ود البوش اتشنقل علي حومير قفاه و صاحبه السمو طفشت عييك .
ج
|
Post: #16
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-18-2012, 07:19 AM
Parent: #14
| Quote: عيد الروس طربش و حنكل لي ود البوش قام ود البوش اتشنقل |
السروالو مقدود أصلو ما بتشنقل كلو كلو اموت واقف زي العُشر هههههههههههههه
استاذنا الزبير بشير
ياخي سعيد جدا بمرورك
مع تحياتي واحترامي
|
Post: #15
Title: Re: أتزوج بنت عمك الـ ........ عميكـــــــة
Author: aydaroos
Date: 11-18-2012, 07:01 AM
Parent: #13
| Quote: ألخم مني صاحبة السمو الملكي |
وضاحة دي يا ود البوش .. بت البندر جات مع أهلها لي مناسبة في الفريق
والزيارة كلها يمسكوها النساوين والرجال والبنيات والصبيَن من إيدا ويقولو ليها
(ها آبنية .. إنتي بنية منو في الأهل.. عرفتيني .. بتعرفي حبوبتك بت أعم جدك .. ود خال حبوبتك فلانة
أها اخوها...............)
لمن طشت شبكة :)
سلام ليكم الإتنين
|
Post: #17
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-18-2012, 07:37 AM
Parent: #15
البخيتة بت التاية يا عيدالروس قامت من الصباح تمشي ام سَكَكي زي البت المطهرة
مالك يا عوقة ؟
اووووو اوووووو ومابتخلي زول اقرب ليها
شيل ودق شيل ودق اصلو اهلها ما عرفو حاجة
واخيرا ودوها الحكيم امكن عندها دبس ولا شقردي
دخلها الحكيم الستارة
طلعت تنقز
.
.
وطلع الحكيم يضحك
قال كانت مدخلا كرعيها اللتنين في فردة لابس واحدة
ههههههههههههههههههههههههههههههههههههههههههههه
|
Post: #18
Title: Re: أتزوج بنت عمك الـ ........ عميكـــــــة
Author: الزبير بشير
Date: 11-18-2012, 07:37 AM
Parent: #15
الاخ العزيز عبدالله
السلام
يبدو انك رحلت مننا و ما عرفنا تاني خبرك
العرس الحصل فيه شنو
الزبير
0567766420
|
Post: #19
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-18-2012, 07:42 AM
Parent: #18
Quote: لعرس الحصل فيه شنو
|
والبوست دا لشنو يا استاذ ؟
مشروع عرس عولاق
والله انه عالم جميل اريد ان اخوض هذه التجربة
وعرفت ان الضان يسد عين الشمش عند العمايك وانا زول سعية
اها حج وبيع سبح
.
.
شكرا جزيلا أخي الزبير ونلتقي عن قريبا
|
Post: #20
Title: Re: أتزوج بنت عمك الـ ........ عميكـــــــة
Author: الزبير بشير
Date: 11-18-2012, 07:49 AM
Parent: #19
يا اخوي الكسره ما بعوسها بالقشقش عواست الكسره النجيضه دايره الفزع . با قيليك حوش بكري ده بتلقي ليك فيه حطب سمح .
|
Post: #21
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-18-2012, 09:43 AM
Parent: #20
| Quote: با قيليك حوش بكري ده بتلقي ليك فيه حطب سمح . |
يا الزبير اخوي حوش بكري دا لافيهو عميكات ولا فيهو عوقات كلهن ماشاء الله علم ونضم
كان داير العمايك اقع الخلا والصي
سماحة وعماكة ومحنة
كان داير تجغم تجغم وكان داير تقرم تقرم
|
Post: #22
Title: Re: أتزوج بنت عمك الـ ........ عميكـــــــة
Author: عزالدين عباس الفحل
Date: 11-18-2012, 10:25 AM
Parent: #21
.
عزالدين عباس الفحل
ابوظبي
|
Post: #23
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-18-2012, 10:35 AM
Parent: #22
يا عزنا
سلام وتحايا
بس صورة كدي بدون صوت
قول حاجة ياخي
حتى سلام عليكم ساهي مافي
الحكاية شنو ؟
|
Post: #24
Title: Re: أتزوج بنت عمك الـ ........ عميكـــــــة
Author: عزالدين عباس الفحل
Date: 11-18-2012, 10:50 AM
Parent: #23
الاخ الفاضـــل عبدالله ود البوش
حياك الله
معليش كنت مستعجل شوية ،
الصورة دي معبرة لدرجة ،
تـنـفـع الواحد يبروزها ،
ح أتصل عليك بعد شوية ،
بس جهز الكاشف بتاعك ،
تسلم يا ملك ،،
مع خالص الود ،،،،
عزالدين عباس الفحل
ابوظبي
|
Post: #25
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-18-2012, 10:51 AM
Parent: #23
هذا البوست امتدادا لذاك البوست
حكايات عمايك وعولق
الذي تأرشف نسبة للعماكة التكنولوجية الحربية
|
Post: #26
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-18-2012, 11:01 AM
Parent: #25
Quote: ح أتصل عليك بعد شوية ،
بس جهز الكاشف بتاعك ، |
يا عزالدين الفحل
تحياتي
كان ما خايف على اضانك التي تعودت على دغدغة مسامعك المرهفة على نغمات الايفون الخامس
فان الكاشف عالي الشخشة سوف يسوي ليك سافوتة
ولبعدين البنسلين يا ترمجي نادوا الحكيم يطعني
ولاعذر لمن انذر
عشان تعرفوا نحن في الدنيا دي شقيانين كيف
وبرضو الحمد لله اخير من عووووووووووووووك الزمان ديك وحمارنا يهنق ونحن نهنق
وجونا العسكر وشالو السكر
والعسكر ضرب التلفون
والجبة وقعت في البير
صاحبا واحد خنزير
.
.
مرحبا يا عزو
|
Post: #27
Title: Re: أتزوج بنت عمك الـ ........ عميكـــــــة
Author: وضاحة
Date: 11-18-2012, 12:34 PM
Parent: #15
Quote: وضاحة دي يا ود البوش .. بت البندر جات مع أهلها لي مناسبة في الفريق
والزيارة كلها يمسكوها النساوين والرجال والبنيات والصبيَن من إيدا ويقولو ليها
(ها آبنية .. إنتي بنية منو في الأهل.. عرفتيني .. بتعرفي حبوبتك بت أعم جدك .. ود خال حبوبتك فلانة
أها اخوها...............) |
aydaroos
زكرتنى جدو الله يرحموا
زمان لما كنت صغيرة شوى زى سبع سنوات كان عمرى
كان الله يرحموا يقول لى امى بتك العجمية دى لزم تجيبيها السودان كل سنة تقعد 3 شهور علشان تتعلم لغة بلدها
وكان يقعد يشغالنى يقول لى يا الخواجية الحلبية
ود عمتك اخت ابوك خال ولدها ببقى ليك شنو هههههههههههه
الحكاية دى كانت غياظة بالنسبة لى لانى ما كنت بعرف احلها
الغز دا كان محيرنى اسبوع كده حتى فهمتوا وكان اجازتنا خلصت ومسافريين
بعد سافرنا رسلت ليه الحل فى جواب لكن الرد كان بالانجليزى هههههههههههه
|
Post: #28
Title: Re: أتزوج بنت عمك الـ ........ عميكـــــــة
Author: عبدالرحيم أبراهيم العبيد
Date: 11-18-2012, 12:49 PM
Parent: #27
الاخ العزيز/ عبدالله والاسره الكريمه
سلامات وكل عام وأنتم والجميع بالف خير وعافيه
كتابتكم جميله تفوح منها رائحة الدعاش
وطعم العنكوليب
وموليته كاربه بالدكوه والليمون وقرنين شطة قبانيت
كنت في أجازه زررت الاهل بالجزيره
وجبت ليك شوية تراب من هببنا( المحريبا بلال )
لكن ما أحزنني ما الت اليه
حال الجزيره وأهلها
ربي يكون في عونهم
ودمتم والجميع بالف خير
|
Post: #29
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-18-2012, 01:07 PM
Parent: #28
اولا بالتبادي يا عبدالرحيم انَشِكل ليك المَحَريبا بلال دي اول شي
ثم تانيا
اقالدك واسلم عليك واطايبك
وعليكم السلام يا عمنا الزين
وعيدا اعود عليكم بالخير واليمن والبركات
واشكرك علي تشكير كتاباتي المعولقة دي والتي لايستسيقها الا ناس حلولنا وكنابينا
يازوووووول يعني معناة المعنى حضرت خريف السنة القالوا مرق الفقوس
العزازي سلااااااااااااااااااااام
الفقوسة سلام
الخيربجيك سلاااااااااااااااااااام وعوافي
ام بجيك سلام وعوافي
السانية سلام
راس الفيل سلام
ود المنسي سلام
روحي دي تتنفس بانفاس هذه القرى وتعشقها العشق العديل دا
ان شاء انا اموت بين ام بجيك والخير بجيك
.
.
الجزيرة لا تموت ولكنها تمرض وتتعافى باذن واحد احد بعد زوال هذه الطغمة البائدة
|
Post: #30
Title: Re: أتزوج بنت عمك الـ ........ عميكـــــــة
Author: عبدالرحيم أبراهيم العبيد
Date: 11-18-2012, 01:48 PM
Parent: #29
الجزيرة لا تموت ولكنها تمرض وتتعافى باذن واحد احد
الله يجازي الكان السبب
أخوي عبدالله الموليته أصبحت تباع في السوق الاسود
زمان كانت بتقوم بروس
لكن الان الجماعه مفكرين ازرعوها
قالوا أيه أنها علاج للسكري وامراض أخري
لكن المحيرني يا شيخ عبدالله
عندي عم لي مربي لو ###### خطر الناس كلها بتخاف منه
وأخوك ما جايب للدنيا مشيت أسلم علي عمي
ال###### من ما شافني بد ينطط حولي
شفت الطيبه ده كيف
حتي كلابنا في الجزيره طيب
وبتعرف الضيف والواجب
|
Post: #31
Title: Re: أتزوج بنت عمك الـ ........ عميكـــــــة
Author: aydaroos
Date: 11-18-2012, 01:54 PM
Parent: #30
| Quote: بعد سافرنا رسلت ليه الحل فى جواب لكن الرد كان بالانجليزى هههههههههههه |
هاهاها ... التنقليزي دا إن شاء الله لقا ليه زول يترجموا ليه
ما قلتا ليك ياودالبوش.. بتنا دي اخد الأجر فيها .. يمكن تعرف ليها كلمة كلمتين
من حقات اهلها
|
Post: #34
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-18-2012, 02:20 PM
Parent: #31
Quote: ما قلتا ليك ياودالبوش.. بتنا دي اخد الأجر فيها .. يمكن تعرف ليها كلمة كلمتين
من حقات اهلها |
يا عيدالروس ات عارف كلامنا دا موغل ايغال شديد خلاس في المحلية والفرنغيتة
وصاحبة السمو الاميرة وضاحة نتشرف بوجودها بيننا هنا وانا وانت بالنسبة ليها جدود ومن حقها تتعلم مننا ما يسهل تعلمه
لكن ياخي انا اولادي معاي في البيت مرات ما بفهوا بقول في شنو
الحالة ديل شهادة عربية
فما بالك بالشهادة التنقليزية سقنل تو ..... تيرن لفت
طبعا وضاحة اشتهدت اشتهاد شديد وتعلمت كثير جدا من لغة اهلها وقدرت تتواصل
ولكن مثل هذا البوست الموغل في الفرنغيتة دا .... يصعب عليها متابعته
وانا وانت ناس عروب وحساسين محمدين حساسين تقوم صاحبة السمو الاميرة وضاحة يحصل ليها لبس وتفهمنا غلط وتزعل مننا
ونبقى في حاو وهش
|
Post: #33
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-18-2012, 02:07 PM
Parent: #30
Quote: حتي كلابنا في الجزيره طيب
وبتعرف الضيف والواجب |
عبدالرحيم انا ما كلمتك بقصة جابنو كـلبــــة عمي علي ود بلة وحبوبتي حرمدينة
جابنو ياخ لمن كلتا البوليص بالبندق خلانا كلنا نبكي عليها
جابنو دي يا عبدالرحيم شدة ما بتعرف الناس ما فضل ليها الا تقول اهلا يا بخيت لمن بخيت اجي جنبها
.
.
لكن الكـــــــلاب ديل كلهم سعارنين !!!!!!!!!!!!!!!
|
Post: #32
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-18-2012, 01:57 PM
Parent: #29
السفر كان باللواري والدقاق
سافرت قدم السيد العميكة مع راجلها ود الباع جملو
وفي سنار انكسر مسمار وصلحو العمال عمال البلد داك واحرق الجزلين
وقبل ان يصلحو العمال الناس بيتوا في الخلا
ود الباع جملو حريص كل الحرص على قدم السيد ما تقوم تهج في الخلا والصي وتخرج عن طورها وكنترولها وتجيب ليهو طامة
غلب النعاس الباع جملو ونام ولا يدري ما دار بين قدم السيد والاقدار
.
.
ضربت الديك اللولاني ود عبكون السواق ضرب بوريهو ابو تلاتة داك
بت الشهيد انا جيت اخدت لوري جديد تلحينا ونغما شجيا
بت الشهيد عبدالله اخدت لوري اب قَلَّّّّّّة
معلنا بداية استمرار الرحلة
وتوافد الركاب واحد واحد
الركوب للرجال بالسيخ وللنسوان بباب الشبك ولكن لابد من كل رجل مساعدة زوجته برفع كراعها على باب الشبك
ودار الحوار ادناه بين الباع جملو ومرتو العميكة قدم السيد اثناء مساعدتها لركوب اللوري
الباع جملو : قدم السيد لباسك وين ؟
قدم السيد : نسيتو فوق مشلعيب السواق أمش جيبو لي
|
Post: #35
Title: Re: أتزوج بنت عمك الـ ........ عميكـــــــة
Author: aydaroos
Date: 11-18-2012, 02:39 PM
Parent: #32
الله يجازيك ويجازي محنك يا ودالبوش :)
|
Post: #36
Title: Re: أتزوج بنت عمك الـ ........ عميكـــــــة
Author: الطيب شيقوق
Date: 11-18-2012, 03:24 PM
Parent: #35
ود البوش
حرام عليكم تفوتوني المولد دا
وضاحة دي متلهماكم ساى - انا خايف ترمي ليها درابة تكون فاكراها عنكوليبة وتودي ليكم البوست الكوشة
خليكم زى شيقا كدا - انا هسه عامل ليها شريحة خاصة مركبها في موبايل ماسورة بس
|
Post: #37
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-18-2012, 03:35 PM
Parent: #36
جانا ود شيقوق ولابديل للسكة الحديد الا السكة الحديد
حبابك يا كلس
عاين جاي
حبوبتي حرمدينة مرة تمسك في عجل دايرة تربطو قام العجل رفسا
قالت ليهو انعل دينك ..... والله صحي هههههههههههههه
خالي امحمد ولدا قاليها دا شنو دا يما البتقولي فيهو دا
قالت ليهو انا خابراهو ما الجنيات لمن ازهجو بقولوا كدي
هههههههههههههههههههههههههههههههههههه
.
.
والمعنى واضح
|
Post: #38
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-18-2012, 03:40 PM
Parent: #37
| Quote: وضاحة دي متلهماكم ساى - انا خايف ترمي ليها درابة تكون فاكراها عنكوليبة وتودي ليكم البوست الكوشة |
ياخي نحن لاقنها وين الملكة بت الملوك
دي نوارتنا يا شيقا ونوراة فريقنا .... العسل يا النشفتا ريقنا
هييييييييييييييييييييييع
خليها مرات تلشغو ومرات تجيبو ملان
|
Post: #39
Title: Re: أتزوج بنت عمك الـ ........ عميكـــــــة
Author: aydaroos
Date: 11-18-2012, 03:43 PM
Parent: #38
Quote: جانا ود شيقوق ولابديل للسكة الحديد الا السكة الحديد
حبابك يا كلس
عاين جاي
حبوبتي حرمدينة مرة تمسك في عجل دايرة تربطو قام العجل رفسا
قالت ليهو انعل دينك ..... والله صحي هههههههههههههه
خالي امحمد ولدا قاليها دا شنو دا يما البتقولي فيهو دا
قالت ليهو انا خابراهو ما الجنيات لمن ازهجو بقولوا كدي
هههههههههههههههههههههههههههههههههههه
.
.
والمعنى واضح |
واضح جداً .. هههههههههههههههههههههههههههه
|
Post: #40
Title: Re: أتزوج بنت عمك الـ ........ عميكـــــــة
Author: الطيب شيقوق
Date: 11-18-2012, 04:06 PM
Parent: #39
Quote: حبوبتي حرمدينة مرة تمسك في عجل دايرة تربطو قام العجل رفسا
قالت ليهو انعل دينك ..... والله صحي هههههههههههههه
خالي امحمد ولدا قاليها دا شنو دا يما البتقولي فيهو دا
قالت ليهو انا خابراهو ما الجنيات لمن ازهجو بقولوا كدي |
هههههههههههها دا يا هو اللشقي الخايف تسويهو ليكم المسنوحة هنا - لكن نوموا قفا هو بكريكم ذاتو ما بفرز اللشقي دا
|
Post: #60
Title: Re: أتزوج بنت عمك الـ ........ عميكـــــــة
Author: طارق جبريل
Date: 11-19-2012, 12:12 PM
Parent: #40
يا عمك
ازيك ياخ
|
Post: #41
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-18-2012, 04:09 PM
Parent: #39
| Quote: واضح جداً .. هههههههههههههههههههههههههههه |
عايدالروس اخوي ارحكاكا ندوبي
الضان ود الضان الرقبة جريدة والضنب دلقان
والبطن وسيعة لي تجدع التيمان
بت المدن شايلة السعن في ايد والبصلة في الليد التانية
كان دارت تقرم تقرم وكان دارت تجغم تجغم
.
.
يارب طاحونة ومرة عميكة ترقد الرزق رج والضان اغتي عين الشمش
|
Post: #42
Title: Re: أتزوج بنت عمك الـ ........ عميكـــــــة
Author: معاوية المدير
Date: 11-18-2012, 04:50 PM
Parent: #41
يا عيدروس ود البوش دا قرررررب يكون .......
والله صحي.
سلآم هووووي ...
|
Post: #43
Title: Re: أتزوج بنت عمك الـ ........ عميكـــــــة
Author: على احمد النعيم
Date: 11-18-2012, 08:41 PM
Parent: #42
| Quote: الذي تأرشف نسبة للعماكة التكنولوجية الحربية |
تانى الله يجازى محنك يا ود البوش
ثم سلامى وتحياتى لك بلا حدود
انا زمان ما قلتلك البوست ما تخلو يتأرشف مشيت وجيت لى كلامى. ياخى على الطلاق انا عندى قصص عمايك وعولق اظرط من ناسك ديل
وبعدين ياخى انا مسافر بكرة آشقى وقالو حوش بكرى فى السودان بابو مسوكر تب.!! اها كيف الدبارة يا سيد بغارة؟؟؟
انت ماك ماشى السودان قريب؟؟
|
Post: #44
Title: Re: أتزوج بنت عمك الـ ........ عميكـــــــة
Author: aydaroos
Date: 11-18-2012, 08:46 PM
Parent: #43
Quote: يا عيدروس ود البوش دا قرررررب يكون .......
والله صحي.
سلآم هووووي ... |
سلام آآ ود المدير قريبي
نان إنتا قايلني ميت من الضحك ليه :)
|
Post: #45
Title: Re: أتزوج بنت عمك الـ ........ عميكـــــــة
Author: عزالدين عباس الفحل
Date: 11-19-2012, 05:02 AM
Parent: #44
الاخ الفاضـــل عبدالله ود البوش
حياك الله
يا سلام يا ود البوش ،
يسعد صباحك بكل خير ،
بالامس وعند الظهيرة ،
كانت مكالمة هـاتفية معك ،
في قمة الروعة والجمال ،
صدق في محراب سودانيزاون لاين ،
في ناس ذهــب نـفـيــس ،
وانـت يـا ود الـبـوش قــــلادة ،
فـي حــوش سودانيزاون لاين
تسلم يا ملك ،،
مع خالص الود ،،،،
عزالدين عباس الفحل
ابوظبي
|
Post: #46
Title: Re: أتزوج بنت عمك الـ ........ عميكـــــــة
Author: الزبير بشير
Date: 11-19-2012, 07:08 AM
Parent: #45
يا ود البوش
اتصالك علي الاستاذ عزالدين ود المك يعني كروه ( اجره ) و لا شنو .
اهلي الجعليين في الصلاه بينين ،،،، ابشروا بالخير .
الزبير بشير
المولد : الجديد الثوره
الموطن : سقادي غرب ( اولاد الخليفه محمد ود نور الشويحاتي )
|
Post: #52
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-19-2012, 10:18 AM
Parent: #46
| Quote: تصالك علي الاستاذ عزالدين ود المك يعني كروه ( اجره ) و لا شنو . |
أستاذنا الزبير بشير
شرح كروه دي حرقني حرقة شديدة
بس الخفف علي امكن تكون قاصد غير الناطقين بها
ولبعدين شفت ليك زول عندو كشاف بتصل علي زول عندو ايفون الخامس
وهو في كشاف فيهو رصيد ؟
الاخ عزالدين رجل فاضل وسباق
.
.
اها البرتيتة الصحي صحي اياها حقت التحت دي
Quote: الزبير بشير
المولد : الجديد الثوره
الموطن : سقادي غرب ( اولاد الخليفه محمد ود نور الشويحاتي ) |
عاين جاي
بتعرف عمر بشير عمر علي اخو شرحبيل
دا دفعتي في حنتوب لو عندك ليهو وسيلة اتصال قول عوك واكون شاكرا جدا
|
Post: #51
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-19-2012, 10:10 AM
Parent: #45
الاخ الكريم عزالدين الفحل
يسعد صباحك يا بلد
حقيقة سعدت جدا باتصالك علي أمس
واتمنى ان تكون بيننا صداقة لله في الله
واتمنى ان نلتقي في الرياض قريبا
|
Post: #50
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-19-2012, 10:03 AM
Parent: #44
هوي يا اولاد البحر عايدالروس و ود المدير ما ترطنو فوقنا
اقروا واسكتو ساهي ما تجيبو لي الكَدَة
القر
|
Post: #48
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-19-2012, 09:50 AM
Parent: #43
اوووووووووو العميكة زنبار قداد الهبوب
والله العظيم وماك طالبني حليفة طريتك براي كدي الصباح دا وقبل ادخل علي المنبر
قلت العميكة ود النعيم ود حمد دا اكورك عووووووك خايف من الارشفة في البوست الفات
شفت ليك عميكة بعرف ارشفة وفلفسة
اقوليك حاجة وما تضحك علي نقلت البوست للربع في نص شهر عشرة ههههههههههههههههههههههه
واشيل وافجخ فيهو وحبة ما قال بغم ههههههههههه
| Quote: ياخى على الطلاق انا عندى قصص عمايك وعولق اظرط من ناسك ديل |
دي ذكرتني قصة حمار الحلبي
قاليك يا علي الحلبي عندو حمارين موديهم السوق شبعهم فتريتة طب
الحمير قامت من الصباح تظرط وتعنفض والحلبي احوش فيها حوشان
اها بربط في الحمير في السوق واحد منهم قام عار وسكاهو وما لحقو كلو كلو
جا راجع للتاني واعاين ليهو بالضقلة واركبو ليك لبع
الجماعة قالوا ليهو دا مالو ذنبو شنو مالو ما واقف في محلو
قاليهم دا كان عار اظرط من داك
هههههههههههههههههههههههههه
عاين جاين قصص عمايكك ديل رسلهم بالايميل وكان غلبك الايميل بكلم ليك واحد من حلتنا قولن ليهو وخلاس ههههههه
.
.
اوعك تطول في السودان
كان طولت السودان بحني كدرك ههههههههههههه
علي ود النعيم صاحبي
ياخي والله مشتاقين شوق جد
ونلتقي
|
Post: #47
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-19-2012, 09:36 AM
Parent: #42
ود المدير يا صاحب
تحايا واشواق
ساعدنا بالسكات
.
.
السكات دي برضها خالتي والله صحي
|
Post: #49
Title: Re: أتزوج بنت عمك الـ ........ عميكـــــــة
Author: فيصل محمد خليل
Date: 11-19-2012, 09:52 AM
Parent: #47
بوستك دا بحراً ما عندي ليهو مركب
ازيك
|
Post: #53
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-19-2012, 10:24 AM
Parent: #49
بحر أنت ونحن نعوم سداري وقفا قفا
شكرا عزيزي فيصل مرورك الكريم يكفيني
تحياتي ومودتي التي تعلم
|
Post: #54
Title: Re: أتزوج بنت عمك الـ ........ عميكـــــــة
Author: أيمن الطيب
Date: 11-19-2012, 10:55 AM
Parent: #53
سلام مربع يا عبدالله ود البوش,,,
حكى مقعد ما يطلع إلا من زول مسخوت ..
لكن بعد قلت لينا حبوبتك بتصرف عاداااى
وتعملا فى الجنيات السغار فهمنا السر,,,
الله يديها العافية وطولة العمر كان حية ويرحما ويوسع مرقدها لو إرتحلت,,
تحياتى,,
|
Post: #56
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-19-2012, 11:16 AM
Parent: #54
Quote: الشخصيات في قصص (العمايك والعولق) الصبرقاسي، الناير ،العجب امو ود مرسي وهي اسماء سائدة في المجتمع ،
للوهلة الاولى يتهيأ القارئ ويتعرف على بيئة هذه الشخوص واجواءها وتخدم فكرة بعينها سرعان مايدركها القارئ |
أيمن الطيب يا حبيب
سلام وتقدير
-----------------------------------------------
ولا انكر السختة الجات من شراب موية اللبريق
|
Post: #55
Title: Re: أتزوج بنت عمك الـ ........ عميكـــــــة
Author: عبد الباقي الجيلي
Date: 11-19-2012, 11:08 AM
Parent: #53
علا آ ود البوش أخوي ...
عمايكك مو هن عمايك نصاح ..
استاذنا فيصل ده بدور لو تلاتة مترجمين ..
واحد من لغوة العمايك لكلام ناس عطا منو
واحد من كلام ناس عطا منو لكلام ناس البندر
وواحد من كلام ناس البندر لكلام ناس بعانخي .. والله صحي ..
أها .. عمنا يوسف ود الفضل الله يرحمو ... كان زولاً صالح ...
وبعدين أبوهو اتوفى .. وبدورو يوزعوا الورثة ...
أظنهن حواشتين وحمارتين كدي ...
قاموا أخوانو مشو المحكمة في مدني وما ساقوه معاهم
أها القاضي قال إلا يوسف ده يجي بنفسو ...
بعدين لما جا قام القاضي يسأل فوقو للتأكد من عقليته ...
قال ليهو إنت آ يوسف الشمس بتطلع من وين؟
قال ليهو : من علي السوار وقع .... (كمبو فلاتة قدام الحلة)
سمح وبتنزل على وين؟
قال ليهو : بتدلى على ود الحلام ... (حلة ورانا)
سمح آ يوسف .. كان شالوه ما بنشال وكان خلوه سكن الدار .. ده شنو؟
قال ليهو : ده الشيخ عبد الباقي ... والله صحي ..
رحم الله عمنا يوسف فقد كان حقاً رجلاً صالحاً ...
|
Post: #57
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-19-2012, 11:53 AM
Parent: #55
Quote: استاذنا فيصل ده بدور لو تلاتة مترجمين ..
واحد من لغوة العمايك لكلام ناس عطا منو
واحد من كلام ناس عطا منو لكلام ناس البندر
وواحد من كلام ناس البندر لكلام ناس بعانخي .. والله صحي .. |
دي زي حكاية الفكي الجابو ليهو واحد مرضان مرض شديد خلاس
فتح الكتاب وقاليهم زولكم دا علاجو مستحيل خليهو انتظر اجلو ساهي
اها الزول العيان سمع الكلام وبقى إدَوْدِ بالخلا ساهي تائها وهائما على وجهه
وفي اثناء توهانه جاع جوعة شديدة شاف ليهو راعي إبل مشا عليهو قاليهو اديني لبن
الراعي حلب ليهو لبن كتير شرب منه حتى شبع واراد ان يحتفظ بالباقي وفي تلك اللحظات كان بالقرب من مقابر قديمة
فشاف ليهو فاخورة زول ميت ولكنها نظيفة كب اللبن فيها وقال للزول شكرا ونام
وفي اثناء نومه اتى ثعبان بالقرب من اللبن وفي هذه اللحظة جاتو صحية فشاف الثعبان وهو يبصق في اللبن
ونسبة لانه لاغذاء له غير هذا اللبن استمر في شرابه رغم بصاق الثعبان عليه
وفي اليوم التالي حس بان صحته بدأت تتحسن كثيرا
وفي اليوم البعدو شعر بجسمه قويا فتيا ولايشعر بأئ اثر للمرض
فقام جاري فرحان لاهلو وقال ليهم بقيت كويس جدا جدا يلا نمشي للفكي الكضاب دا نوريهو العضلات التبش دي
وعندما حضروا امام الفكي وبدأوا يتهجمون عليه قال لهم اصبروا قليلا وقبل ان يتكلم صاحبكم اوريكم باني لماذا
قلت لكم بان علاجه مستحيل
انا فتحت الكتاب وعرفت ان علاجه لايتم الا بالاتي :
ان يشرب لبن بكرة بكر بنت بكر بنت بكر ( يعني ناقة بكر وامها بكر وحبوبتها بكر )
ان يوضع هذا اللبن في فاخورة ( جمجمعة ) إمرأة بكر بنت بكر بنت بكر
ان يبصق في هذا اللبن ثعبان أنثى بكر بنت بكر بنت بكر
ورأيت ان ذلك مستحيل جدا
والان دعوه يحكي لنا ماذا صار عليه حتى شفي
وحكي العيان قصته وعرف السبب وبطل العجب
.
.
المصدر : حبوبتي حليمة بت العيسة لها الرحمة والمغفرة
عشان كدي استاذ فيصل قال ماعندو فاخورة بكر لكلامكم دا
وختمها بازيكم واتخارج
.
.
وايضا كذلك
| Quote: رحم الله عمنا يوسف فقد كان حقاً رجلاً صالحاً ... |
عبدالباقي يا وناس شكرا جزيلا ياخي
مع تحياتي
ونلتقي في لمة الرياض عشان تحكي لي باقي قصة المطار
|
Post: #58
Title: Re: أتزوج بنت عمك الـ ........ عميكـــــــة
Author: عبد الباقي الجيلي
Date: 11-19-2012, 12:06 PM
Parent: #57
إنت يعني مصر على إنو في باقي لقصة المطار ...
وإنها ما بتنحكي إلا في لمة البورداب ...
سمح كدي النشوف ...
|
Post: #61
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-19-2012, 12:14 PM
Parent: #58
| Quote: إنت يعني مصر على إنو في باقي لقصة المطار ... |
والله انا عارف مافي باقي لكن داير اثبت البقى هههههههههه
هو البقى هين .....................
عاين جاي
جيب معاك ملاح لبن وانا بجيب لقمة حارة عشان كونو الدنيا صقط
|
Post: #59
Title: Re: أتزوج بنت عمك الـ ........ عميكـــــــة
Author: حمزه بابكر الكوبي
Date: 11-19-2012, 12:09 PM
Parent: #57
| Quote: انا زمان ما قلتلك البوست ما تخلو يتأرشف مشيت وجيت لى كلامى. ياخى على الطلاق انا عندى قصص عمايك وعولق اظرط من ناسك ديل |
اؤيد ودالنعيم في المطالبة ب (حكايات عمايك وعولاق 2)
ودالبوش والله البوست ده خلي الحناكيش اولاد البندر نحن زاتو في كلمات غلبتنا
ساعد بالترجمة وكلماتك دي عمك قوقل مالقى لها ترجمة
|
Post: #62
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-19-2012, 12:20 PM
Parent: #59
| Quote: ودالبوش والله البوست ده خلي الحناكيش اولاد البندر نحن زاتو في كلمات غلبتنا |
حمزة الكوبي يا حبيب مشتاقين جدا والله
مرة صاحب فريد ولدي قاليهو ابوك دا من قبيل بتكلم معاي وانا ما فاهم كلامو هو قال شنو ؟
فرد عليه فريد ولدي : ولا انا ما فاهم حاجة هههههههههههههههههههههه شهادة عربية تكنولوجية
.
.
خليك متابع يا الكوبي
تحياتي
|
Post: #63
Title: Re: أتزوج بنت عمك الـ ........ عميكـــــــة
Author: عبدالله ود البوش
Date: 11-19-2012, 12:31 PM
Parent: #62
طارق جبريل عديل كدي
زارتنا البركة ياخي
مالك زي القلت وَهْـ وجريت وجدعتنا جدعة بالمداخلة دي
لقيتنا هناااااااااك قبضتها زي الجِرْوِلَة قربت تطير مني
تحياتي ياخ وسلامي لك وللعيال
ابقى داخل والبيت بيتك
|
Post: #64
Title: Re: أتزوج بنت عمك الـ ........ عميكـــــــة
Author: محمد حيدر المشرف
Date: 11-19-2012, 02:54 PM
Parent: #63
يا سلاااام ياخى ..
بوست ممتع جدا يا عبدالله ..
يشرح النفس ويجلو القلوب بالونس المعافى والمفارقات الجميلة ..
كتر خيرك على هذه الساعة ..
كتر خيرك شديد ياخى ..
|
Post: #65
Title: Re: أتزوج بنت عمك الـ ........ عميكـــــــة
Author: فيصل محمد خليل
Date: 11-19-2012, 06:18 PM
Parent: #64
نقاش بين أب وولده
الأب : يا ولدي أمشي إشتري لي حاجه أشربها
الولد : كولا ولا ببسي
الأب : كولا
الولد : دايت ولا عادي
الأب : عادي
الولد : علبه ولا زجاجه
الأب : علبه
الولد : صغيره ولا كبيره
الأب : خلاص جيب لي مويه
الولد : صحه ولا عادي
الأب : صحه
الولد : بارد ولا عادي
الأب : بعد دا بضربك
الولد : بالعصايه ولا بالنعال
الأب : وأخرتها يا حيوان
الولد : حمار ولا ######
الأب : قوم روح من وجهي
الولد : مشي ولا جري
الأب : مشي جري المهم تتخارج
الولد : حتتخارج معاي ولا براي
الأب : أمشي أحسن قبل ما أضبحك
الولد : بالسكين ولا بالساطور
الأب : بالساطور
الولد : ضبح ولا تقطيع
الأب : الله يبليك بكارثه
الولد : زلزال ولا بركان
الأب : آخ آخ قلبي حيتوقف
الولد : أوديك المستشفى ولا أجيب ليك دكتور
المهم الأب في العناية المركزة
والولد محتار يجيب ليه ورد ولا زهور
ولد يعذب بلد !!!!!!!
نسأل الله أن يهدى أولادنا ...
اها ذي الولد دا نقول عليهو شنو !!!!
الكلام ملطوش من Mohamed Omer الفيسبوك
|
Post: #66
Title: Re: أتزوج بنت عمك الـ ........ عميكـــــــة
Author: عمر موسي منجي
Date: 11-19-2012, 07:35 PM
Parent: #65
و الله ابداااع يا ود البوش
الله يديك العافية ...
|
|