Post: #1
Title: ايوة يا حسين ملاسى دى الميدان الفرحانيين بيها
Author: Nadia Elsir
Date: 05-02-2007, 08:18 AM
سئل الاستاذ عبد الخالق محجوب ماذا قدمت لشعبك ؟
اجاب الوعى بقدر ما استطعت .
|
Post: #2
Title: Re: ايوة يا حسين ملاسى دى الميدان الفرحانيين بيها
Author: Nadia Elsir
Date: 05-02-2007, 08:23 AM
Parent: #1
خطرت بذهنى تلك العبارة البسيطة للاستاذ عبد الخالق محجوب و انا اتصفح عدد الميدان و التمعت فى ذهنى كلمة الوعى فى مقابل ما تفضل به الاستاذ ملاسى من ملاحظات تقدح فى الميدان و الفرحة بصدورها للعلن !
|
Post: #10
Title: Re: ايوة يا حسين ملاسى دى الميدان الفرحانيين بيها
Author: Nadia Elsir
Date: 05-02-2007, 01:22 PM
Parent: #2
كتب الاستاذ الصحفى حسين ملاسى فى بعض ملاحظاته على الميدان الفرحانيين بها:
Quote: و بعدين شنو حكاية أبو ريم .. أبو صلاح .. أبو المجد ... الخ
انتو لسه من زمن الكتابة بالأسماء الكودية و كدا!!
|
Quote: بعد أسماء ناس أبو المجد الكودية؛ الواحد خايف
بعد شوية يلقى أسماء ناس مراويد و جوطة و كولكوم!!
|
وانا اتسأل ماذا يضير القارئ وينتقص من قيمة صحيفة ان كتب فى نفس العدد منها الاستاذ ابو المجد باسمه الكودى و معه على سبيل المثال لا الحصر هؤلاء الصحفيين و الكتاب و من غير اسماء كودية :
صلاح حسن عبدالله
من الله عبد الوهاب
اسعد الزبير
كمال الجزولى
فيصل الباقر
د. عبد القادر الرفاعى
ماجد القونى
د. منى محمد الليثى
محمد حمزة
اسماعيل سليمان سعيد
نبيل اديب
حسن الجزولى
سعاد ابراهيم احمد
|
Post: #11
Title: Re: ايوة يا حسين ملاسى دى الميدان الفرحانيين بيها
Author: Nadia Elsir
Date: 05-02-2007, 01:32 PM
Parent: #10
و كتب استاذ حسين ملاسىايضا فى معرض حديثه عن الميدان ملاحظة جديرة بالوقوف عندها :
Quote: طلبت من متعهد الجيب انو يجيب مقال
الأستاذة سعاد إبراهيم أحمد عن كجبار.
____
و لو استطعتم معرفة إن كان المقال عن كجبار أو عن الآثارالسلبية
للسد العالي و تاريخ النادي النوبي؛ لنلتم نوط المبالغة!
|
اما فى شان مقال الاستاذة سعاد ابراهيم
وهنا تمام الوعى اذ من الواضح جدا ان الكتابة الصحفية بنصف قلب و نصف لسان و نصف عين
ليست بذات جدوى و نفع و لاتسهم فى رفع درجة الوعى لبعض القضايا بالتحديد و مآلاتها على الوطن و المواطن!
و اتشرف بان انال نوط المبالغة فى الوعى باطلاعى على المقال الخاص بشأن اقامة السدود دون دراسة واعية شاملة و ما للتهجير من آثار مستمرة حتى الان الامر الذى لم يكن بالمستطاع و لا الممكن لقارئ مثلى ليس لديه اى خلفية عن تلك القضية ان يقنع بفتات الكلم و يدعى حينها الوعى ان لم تتوخى الاستاذة سعاد الدقة و تاخذ باطراف الموضوع كلها بقلم ذكى و رشيق و كلمات من اؤتى الحكمة عبر تراكم الخبرات و الاطلاع الواسع!
|
Post: #3
Title: Re: ايوة يا حسين ملاسى دى الميدان الفرحانيين بيها
Author: وليد محمد المبارك
Date: 05-02-2007, 08:23 AM
Parent: #1
سلامات
الميدان دي جريدة الحزب الشيوعي ولا واحده تانية ؟
|
Post: #4
Title: Re: ايوة يا حسين ملاسى دى الميدان الفرحانيين بيها
Author: Nadia Elsir
Date: 05-02-2007, 08:25 AM
Parent: #3
وليد سلامات ,
| Quote: الميدان دي جريدة الحزب الشيوعي ولا واحده تانية ؟ |
| Quote: الميدان دي جريدة الحزب الشيوعي |
|
Post: #7
Title: Re: ايوة يا حسين ملاسى دى الميدان الفرحانيين بيها
Author: وليد محمد المبارك
Date: 05-02-2007, 08:33 AM
Parent: #4
سلامات تاني نادية
لانو امبارح في السوداني ولا اخر لحظة ما متاكد قريت تصريح لي عوض الجاز بقول فيه انهم دعموا جرائد الحزبين الشيوعي والامه
فهل الكلام ده صحيح
|
Post: #9
Title: Re: ايوة يا حسين ملاسى دى الميدان الفرحانيين بيها
Author: أبو عبيدة البصاص
Date: 05-02-2007, 09:14 AM
Parent: #7
| Quote: لانو امبارح في السوداني ولا اخر لحظة ما متاكد قريت تصريح لي عوض الجاز بقول فيه انهم دعموا جرائد الحزبين الشيوعي والامه |
وليد ممكن نقول ( وعي مدعوم )
نمش لي قدام
البصاص
|
Post: #14
Title: Re: ايوة يا حسين ملاسى دى الميدان الفرحانيين بيها
Author: Nadia Elsir
Date: 05-02-2007, 01:51 PM
Parent: #9
الاخ ابوعبيدة ,,,
Quote: وليد ممكن نقول ( وعي مدعوم )
نمش لي قدام
|
الصحافة حرفة تنتج الوعى !
|
Post: #13
Title: Re: ايوة يا حسين ملاسى دى الميدان الفرحانيين بيها
Author: Nadia Elsir
Date: 05-02-2007, 01:47 PM
Parent: #7
وليد سلامات تانى ,
Quote: لانو امبارح في السوداني ولا اخر لحظة ما متاكد قريت تصريح لي عوض الجاز بقول فيه انهم دعموا جرائد الحزبين الشيوعي والامه
فهل الكلام ده صحيح |
وليد دى مداخلة كتبتها فى بوست اخر يتحدث عن الصحافة الحزبية و دورها فى حرية الصحافة فاسهام مجلس الصحافة فى قيام تلك الصحف الحزبية له من الايجابيات الكثير :
وجود صحيفة ناطقة باسم حزب و متحدثة باسمه اراها فى المقام الاول تسهم فى ربط الحزب بجماهيره اذ لا يتأتى لكل قاعدة و عضوية الحزب امكانية حضور اجتماعات الحزب او فعالياته و هنا رفع الوعى السياسى لقاعدة كل حزب تسهم فى رفع الوعى بصورة عامة .
واذا كان هناك صحف حزبية لعدد من الاحزاب التزمت الموضوعية و الصدق فى الطرح و نأت عن الكيل لبعضها بنشر الفضائح و التقريع و السباب و اكتفت بان يوضح و يلتزم كل حزب فى صحيفته بالمصداقية و الحياد و يطرح برنامجه السياسي فى مقابل اطروحات باقى الاحزاب فتتنافس الاحزاب فيما بينها لخدمة البلد و اهلها هذا ان كانت الاحزاب فى الاصل قد كرست نفسهاواجندتها للشعب و مصالحه !
بارتفاع الوعى السياسى و تبصير الاحزاب و القواعد الحزبية بما لها و ما عليها من حقوق و واجبات يكفلها دستور البلد و قوانينه وعليه ان كان هناك قصور او مآخذ على بعص القوانين التى تكفل حرية الصحافة فستجد النقض و المطالبة بالتعديل من الجميع و على كل المستويات فالممارسة الديمقراطية داخل اطار الحزب الواحد فيا يخص ضبط صحافته و كل ما يليه من ادوات اعلامية تاتى بانعكاساتها الايجابية على البلد قطعا! و عليه وجود صحافة حزبية واعية و موضوعية تسهم بصورة او باخرى فى مناخ صحفى اكثر حرية !
|
Post: #5
Title: Re: ايوة يا حسين ملاسى دى الميدان الفرحانيين بيها
Author: خضر حسين خليل
Date: 05-02-2007, 08:32 AM
Parent: #1
.....................
سلمت نادية
( رسم وإسم ووش مبتسم ) حقوق الطبع للشابة الذكية نادية السر
....................
مابين الاقواس لمثقف السلطة حسين ملاسي ( أو لمجموع حارقي البخور وطبالي السلطة)
..............
جدعة يانادية
خضر
|
Post: #15
Title: Re: ايوة يا حسين ملاسى دى الميدان الفرحانيين بيها
Author: Nadia Elsir
Date: 05-02-2007, 01:57 PM
Parent: #5
خضر يا الخضر ,
ايوة استاذة سعاد ابراهيم احمد جدعة و ودى تقدمة ما كتبت فى الميدان و فى العدد المليان :
خزان كجبار : تجديد مآسى المناطق الشمالية
مشروع تشريد 70 الف مواطن و اغراق النوبة للمرة الخامسة
تشهد منطقة المحس بجنوب محافظة وادى حلفا حراكا شعبيا غاضبا بسبب قرار (ادراة السدود) بقيادة اسامة عبدالله و المكونة حديثا بامر جمهورى بالعودة الى اقام خزان كجبار سئ الذكر الذى قاومه اهل المنطقة منذ بداية عام 1995 . فالشعب فى منطقة الخزان رفض قبول كل ما جرى للنوبيين فى الماضى و الذى يجرى فى الوقت الحاض فوفقوا نساء و رجال فى وجه كل المحاولات التى تهدد تطورنا و بقاء ارضنا و تاريخنا و حضارتنا العريقة و لغتنا التى قاومت الاندثار لقرون عديدة حتى بعد زوال قدرتنا على كتابتها و فشل الباحثون حتى اليوم فى فك طلاسمها.
ان كتابات بعض الاعلاميين تثير الغضب اذ لا توجد فى غالبية كتاباتهم اى اشارة و لو عابرة للاصل التأريخى العريق او اللغة العريقة و الحضارة العريقة او الاثر النفسى البالغ السوء لضياع مرتع الطفولة و الصبا غرق اليس هناك ما هو جدير بالحماية و الرعاية او حتى التساؤل ؟
|
Post: #19
Title: Re: ايوة يا حسين ملاسى دى الميدان الفرحانيين بيها
Author: Nadia Elsir
Date: 05-02-2007, 02:36 PM
Parent: #15
مقال الاستاذة سعاد ابراهيم و الذى كان موضع ملاحظة الاستاذ ملاسى من العمق و الاتساع مايمكن وصفه و بلغة بسيطة دارجة (اذا فكفكناه اسبيرات ساى ) يحوى فى جنباته مادة صحفية تكفى من يكتبون بطريقة انصاف الجمل و التى هى انصاف حلول فى اصلها و انصاف حقائق فى نهاية مطافها تكفيهم لمدة عام او يزيد
و اليكم هذة الجزئية من المقال و التى ذكرت فيها السد العالى فنالت استنكار الاستاذ ملاسى :
آثار السد العالى الانسانية و الاقتصادية المأساوية ممتدة حتى اليوم :
المعروف ابتداءا ان اكبر هجرة جماعية تمت فى هذا القرن كانت للنوبيين فى مصر و السودان عند قيام خزان اسوان عام 1902 و تعليته مرتين حتى عام 1932 ثم السد العالى فى منتصف الستينات مع كل الاثار الانسانية و الاقتصادية المأساوية التى ترتبت على قيامه .
ان كل البلدان فى عالم اليوم (الذى اصبح قرية مترابطة ) مطالبون بمعاملة مواطنيهم بالتى هى احسن بانسانية و عدل و لم يعد مقبولا الحديث عن السيادة الوطنية فيما يختص بالانسان و البيئة فى وقت يهب فيه كل العالم لنجدة البلدان المنكوبة سواء بكوارث طبيعية او الحروب او غيرها .
|
Post: #6
Title: Re: ايوة يا حسين ملاسى دى الميدان الفرحانيين بيها
Author: Zeinab
Date: 05-02-2007, 08:32 AM
Parent: #1
نادية مشتاقين
زينب الشفيع
|
Post: #16
Title: Re: ايوة يا حسين ملاسى دى الميدان الفرحانيين بيها
Author: Nadia Elsir
Date: 05-02-2007, 02:00 PM
Parent: #6
زينب بت الشفيع ,
حبابك و حباب الشوق الجابك
و برضو حملة وليد دارفور مبادرة وعى !
ابقوا عشرة !
|
Post: #8
Title: Re: ايوة يا حسين ملاسى دى الميدان الفرحانيين بيها
Author: بكري الصايغ
Date: 05-02-2007, 08:59 AM
Parent: #1
بـما اننـا فـي مـايـو، شـهـر " ثورة 25 مـايو!!!"، نتـقـدم للرئيـس الـمخلوع الـمشـير "ابوكـم مـين!!"راعـي الـحـركة الكشفية والرياضيـة والنسائية وطـلائع الكشافـة والشباب ورئيـس الاتـحادالاشـتراكي وامانة التكامل وصـانع شـريعـة سـبتمـبر ومـحاكم "القطع مـن خـلاف"، ومبتـدع فكـرة
الرياضـة الجـماهيـرية، والأمـام التـقي والورع مـنفـذ الأعـدامات وسـاجـن العلماء وراعـي الجامعة بالبوليـس ورجال الأمـن، وجـلاد محاكـم الشـجـرة ، والأجـي قـديمآ فـي مـصـر وحـاليآ بـلا شـغل او مـشغلـه...
بأحـر ايات التـهاني بـمناسـبة مـرور الـذكري الـ 38 عـلي انقلابـه اعـاده اللـه عـليـه وعـلي اتـــــبـــــاعـه بالـوجـع والـحـسـرة وتأنيـبات الضـمـيـر.
|
Post: #17
Title: Re: ايوة يا حسين ملاسى دى الميدان الفرحانيين بيها
Author: Nadia Elsir
Date: 05-02-2007, 02:02 PM
Parent: #8
استاذ بكرى ,
سلام و تحية للشرفاء ضمير البلد الصاحى و واعى
|
Post: #12
Title: Re: ايوة يا حسين ملاسى دى الميدان الفرحانيين بيها
Author: أبو ساندرا
Date: 05-02-2007, 01:41 PM
Parent: #1
نادية السر
أثمن غاليآ
أرفع عاليآ
هذا البوست المتميز
عسى أن يرد بعض { الوعي } لولد أختي ملاسي
|
Post: #18
Title: Re: ايوة يا حسين ملاسى دى الميدان الفرحانيين بيها
Author: Nadia Elsir
Date: 05-02-2007, 02:05 PM
Parent: #12
العزيز ابوساندرا,
تحايا و سلام
Quote: أثمن غاليآ
أرفع عاليآ
هذا البوست المتميز
|
شكرا عميقا و تقدير كتير كتير
|
Post: #20
Title: Re: ايوة يا حسين ملاسى دى الميدان الفرحانيين بيها
Author: امل احمد عمر
Date: 05-02-2007, 04:07 PM
Parent: #1
تسلمي نادية
كانت فرحتى ناقصة لاني لم اطلع
على المواضيع التي حوتها النسخة العلنية الاولى
بسبب وجودي خارج الوطن
وشكرا لك لإبراز بعض ملامحها
ومعك آآآآآآآآآآآي فرحانين بيها
|
Post: #28
Title: Re: ايوة يا حسين ملاسى دى الميدان الفرحانيين بيها
Author: Nadia Elsir
Date: 05-03-2007, 08:56 AM
Parent: #20
الاخت امل تحياتى ,
كتب الاستاذ ملاسى فى بعض ملاحظاته عن الميدان :
| Quote: داوشننا ليهم شهرين .. الميدان .. الميدان .. الميدان!! |
و امتنانا منى لوجودك هنا اسمحى لى ليهو كلامك
| Quote: آآآآآآآآآآآي فرحانين بيها |
|
Post: #21
Title: Re: ايوة يا حسين ملاسى دى الميدان الفرحانيين بيها
Author: عاطف عمر
Date: 05-02-2007, 06:19 PM
Parent: #1
تحياتي يا نادية
هل تنزل صحيفة الميدان على الإنترنت ؟؟
و إذا كانت الإجابة نعم
فهلا تكرمتي بتعريفنا بالرابط ؟
وجزيل الشكر
|
Post: #22
Title: Re: ايوة يا حسين ملاسى دى الميدان الفرحانيين بيها
Author: نهال الطيب
Date: 05-02-2007, 07:14 PM
Parent: #21
حسيس طمبارة مع
نقارة صفقتا حارة
ودارة تهني
فيا بلدنا عليك شبابك
وإنتي شبابك زينة الجنة
العزيزة نادية السر
لو راجعت بوست معاوية عن الميدان
حتلقى ملاسي اترد عليه كيف
رفعنا البوست بجمال الميدان وفرحت الناس بيها
وفرحت نابعة من كل قلب يا بلادي
|
Post: #23
Title: Re: ايوة يا حسين ملاسى دى الميدان الفرحانيين بيها
Author: hanadi yousif
Date: 05-02-2007, 11:29 PM
Parent: #22
نادية السر
التحية ليك ولميدان المعركة باقلام شريفة ومصادمة
والميدان كان سرية وكان علنية هيبة مهما " نبح" المرجفون
انهم يرتجفون من أأأأأأأأأأأأأأأأضبط يا زميلة
|
Post: #24
Title: Re: ايوة يا حسين ملاسى دى الميدان الفرحانيين بيها
Author: Amjed
Date: 05-03-2007, 00:22 AM
Parent: #23
| Quote: هيبة مهما " نبح" المرجفون |
|
Post: #33
Title: Re: ايوة يا حسين ملاسى دى الميدان الفرحانيين بيها
Author: Nadia Elsir
Date: 05-03-2007, 09:47 AM
Parent: #23
العزيزة هنادى فضل سلامى ,
كتب استاذ ملاسى
| Quote: ما بطال .. العدد التاني أحسن شوية من العدد الأول! |
و تأكيد سعادتى باسهامك هنا خلينى اقتبس ردك
| Quote: والميدان كان سرية وكان علنية هيبة مهما " نبح" المرجفون |
|
Post: #30
Title: Re: ايوة يا حسين ملاسى دى الميدان الفرحانيين بيها
Author: Nadia Elsir
Date: 05-03-2007, 09:34 AM
Parent: #22
الاخت نهال الطيب سلامات ,
الاستاذ ملاسى حاول يطرح قضية قد يجمع عليها رأى عام لما سأل :
Quote: اسه يعرفوها ليكم الميدان كيف؛
بيت شعر لمحجوب شريف ما فيها |
هسه القضية التم طرحها بجرأة دى اطرافها منو الميدان و الاستاذ محجوب شريف و الا استاذ ملاسى و الاستاذ شريف ؟
ما نمشى بعيد .......خلينا نهدى الاستاذ ملاسى ابيات من قصيدة للاستاذ شريف :
يا شعبنا
يا والدا احبنا
يا من وهبت قلبنا ثباتك الاصيلا
............
اليك الحب و السلام و التحية
اليك يا حبيبنا وبعد
ادبتنا
احسنت يا ابى
فلم نتابع الهوى!
|
Post: #29
Title: Re: ايوة يا حسين ملاسى دى الميدان الفرحانيين بيها
Author: Nadia Elsir
Date: 05-03-2007, 09:19 AM
Parent: #21
الاخ عاطف ,
تحياتى و شكرى ,
Quote: هل تنزل صحيفة الميدان على الإنترنت ؟؟
|
و الى ان يكون ذلك بالامكان سنتعاون و الزملاء فى المنبر لفتح بوست راتب كل اربعاء يحوى مواد من الصحيفة
|
Post: #25
Title: Re: ايوة يا حسين ملاسى دى الميدان الفرحانيين بيها
Author: خالد العبيد
Date: 05-03-2007, 00:30 AM
Parent: #1
العزيز نادية السر
تحياتي
فرحانين بيها ساي ؟!!
تسلمي
|
Post: #26
Title: Re: ايوة يا حسين ملاسى دى الميدان الفرحانيين بيها
Author: نادر
Date: 05-03-2007, 05:48 AM
Parent: #1
الوعي نور وحقيقة .. بينما الخفافيش خُلقت لتحرض على الظلام والكذب .. وهكذا تكتمل المعادلة يا نادية ... شكراً على البوست.
|
Post: #38
Title: Re: ايوة يا حسين ملاسى دى الميدان الفرحانيين بيها
Author: Nadia Elsir
Date: 05-03-2007, 10:44 AM
Parent: #26
الاعزاء ,,,
امجد
خالد العبيد
نادر
كتب الاستاذ ملاسى فى تقدمة ملاحظاته عن الميدان:
فرحتى بجيتكم بتخلينى اقول ليهو ملاسى انت لسه ما شفت المبالغة !
| Quote: ماالوعي نور وحقيقة |
|
Post: #27
Title: Re: ايوة يا حسين ملاسى دى الميدان الفرحانيين بيها
Author: Atif Makkawi
Date: 05-03-2007, 06:17 AM
Parent: #1
هي داب الفرحة الساهلةدى
يا أخوانا مقتطفات من العدد الثاني لو سمحتم
شكرا نادية
والسؤال المكرر متي نقرأها في النت
نرجو ايصال هذا السؤال لأدارة الصحيفة.
|
Post: #41
Title: Re: ايوة يا حسين ملاسى دى الميدان الفرحانيين بيها
Author: Nadia Elsir
Date: 05-03-2007, 10:56 AM
Parent: #27
الاخ عاطف مكاوى تحياتى ,
Quote: والسؤال المكرر متي نقرأها في النت
نرجو ايصال هذا السؤال لأدارة الصحيفة.
|
حتى يضحى ذلك ممكنا سنسعى لايراد مواضيع من الميدان كل اربعاءوصحى زى ما قلت
Quote: هي داب الفرحة الساهلة دى
|
|
Post: #31
Title: ماشّيــن في السكــة نمدّ
Author: معاوية كرفس
Date: 05-03-2007, 09:41 AM
Parent: #1
.
العزيزة نادية
شكراً ليك كتير
و ماشين في السكة نمدّ.
ورد في العدد الأخير ( 2022 )
الفقرة التالية:
Quote: بيننا و بين القراء
سعدنا كثيراً بتدافع الزملاء و الأصدقاء نحو مكاتب الصحيفة سؤالاً و استفساراً مهنئين بعضهم البعض بعودة الميدان إليهم بعد سنين عديدة قضتها في السرية تواصل دورها نحو الجماهير بعيداً عن ملاحقة المحققين .
وها نحن الآن نبدأ المشوار و ندعو كل الجماهير للتماسك و التكاتف لمواصلة المسيرة لمزيد من المكاسب بالغاء القوانين المقيدة للحريات و كشف الفساد و تحقيق التحول الديمقراطي من أجل وطن يسع الجميع يعمه السلام و الأمن و الطمأنينة .
سنسعي إليكم اينما كنتم و نطالبكم بالملاحقة و التواصل مع الميدان بالكتابة عن كل ما يشغل بالكم ـــ نحن في إنتظار رسائلكم .
المحرر
|
ودي
م.كرفس
|
Post: #32
Title: Re: ايوة يا حسين ملاسى دى الميدان الفرحانيين بيها
Author: خالد ماسا
Date: 05-03-2007, 09:47 AM
Parent: #1
طــــق خااااص
الوريفه نادية السر ...
تطلع "الميدان" ولسان حالها يقول ..
"هامرة اخري سنخرج للشوارع شاهرين هتافنا ..
ولسوف تلقانا الشوراع بالبسالات المضادة .." للعساكر " و " المساخر " والخنوع"
ـــــــ
ذخرا للشعب السوداني والطبقه العاملة الثورية..
|
Post: #34
Title: Re: ايوة يا حسين ملاسى دى الميدان الفرحانيين بيها
Author: صلاح محمد صالح عثمان
Date: 05-03-2007, 10:03 AM
Parent: #1
كانت فرحتى ناقصة لاني لم اطلع
على المواضيع التي حوتها النسخة العلنية الاولى
بسبب وجودي خارج الوطن
وشكرا لك لإبراز بعض ملامحها[/B]
نفس الموقف 000
شكرا نادية على البوست
|
Post: #43
Title: Re: ايوة يا حسين ملاسى دى الميدان الفرحانيين بيها
Author: Nadia Elsir
Date: 05-03-2007, 01:57 PM
Parent: #34
الاعزاء ,,,,
كرفس
ماسا
صلاح محمد
طلتكم و اسهامكم دفقة وعى و ماشين فى السكة نمد
|
Post: #35
Title: Re: ايوة يا حسين ملاسى دى الميدان الفرحانيين بيها
Author: esam gabralla
Date: 05-03-2007, 10:10 AM
Parent: #1
نادية السر والاصحاب والصاحبات
سلام
هى جنس فرحة ... كبيرة و عريضة و واسعة تقدل في كل مكان و فوق كل بيت و شارع ..
باختصار: انا عضو في الحزب الشيوعى لكن ما شيوعى ... والفرقة بينى وبين الحزب قاعد تتسع كل يوم ... ده ما امر مدسوس ... و قريب جدا بناقشو بالواضح علنا و جهرا ... جوة و بره ...
لكن: برضو الفرز واضح ....
لما تطلع الميدان تطبز عين السفلة والقتلة والسفاحين ... يا مراحب
حتى لو طلعت صفحة واحدة فيها كتابة ما بتتقرى ... و فوق مكتوب الميدان .... يا فرحة
لما الميدان تتجاوز كل العقبات والفاولات المعروفة لينا وغير المعروفة ......... يا مسرات
لما خرم الحريات الصغير "المكوجن" ده يزيد وساع .... مرحبا
لما جوه عين السلفي والمايوى والاصولى والانتهازى والمتسلق والامنجى والوضيع والصفيق والمتوسوس والمنفصم والثورى الزائف (داخل و خارج الحزب الشيوعى ) وغيرهم تطلع الميدان ... يا مراحب ...
عقبال باقى ومزيد من الجرائد "الحرة"
جرايد للامة والاتحادى والحركة و حق و حق و جبال النوبة والشرق
و جرايد لى SOAT و لحقوق الانسان والبيئة والمراة (53 جريدة)
جرايد للغنا والمسرح والرسم والباليه والطبيخ
و جرايد للشفع واليفع والكبار و خاتفين لونين و للحب و السباحة ... و ركوب الخيل ...
جرايد للدين و للادين و للصوفي و الكنسي و الشيعى والسنى و للكجور و للسرور و الطيور و البخور ...
جرايد عربي وافرنجى و بين بين , بالنوبي والعبري و الشلكاوى والدينكاوى و عربي جوبا ...
ده السياق والطريق/الهدف الطويل/البعيد المفروض بيهو و عشانو نفرح للميدان و بالميدان
والناس يكون عندها حبة قروش فايضة "للرفاهية" دى ...و حق اختيار ما يودو قرايتو... و شوية زمن ليها و كمان بال ما مسحوق باولويات البقاء على قيد الحياة
سلام و بجى لبعض الاشياء العملية
|
Post: #36
Title: Re: ايوة يا حسين ملاسى دى الميدان الفرحانيين بيها
Author: هشام المجمر
Date: 05-03-2007, 10:22 AM
Parent: #1
نادية السر
سلام
الميدان ليست بصحيفة عادية
وليست فقط صحيفة حزبية
إنها تاريخ شعب
أنها نبضه وصوته الباسل فى مقاومة الديكتاتورية و فضح الفساد
و من يريد تقييم الميدان تقييم موضوعى عليه بالشروع فورا فى التسجيل لرسالة ماجستير أو دكتوراة
هكذا تقيم الأشياء الثمينة والنادرة
وليس بنقدها على طريقة : هى دى ميدانكم وما إلى ذلك من الحديث الملاسى عديم القيمة مبتذل المعنى و وضيع الهدف
|
Post: #45
Title: Re: ايوة يا حسين ملاسى دى الميدان الفرحانيين بيها
Author: Nadia Elsir
Date: 05-03-2007, 02:11 PM
Parent: #36
الاخ هشام المجمر تحياتى ,
كلماتك اسوقها للاستاذ ملاسى علها تعينه فى توضح له بعض من اسباب فرحة الناس الضميرها صاحى و واعى بعودة الميدان :
Quote: الميدان ليست بصحيفة عادية
وليست فقط صحيفة حزبية
إنها تاريخ شعب
أنها نبضه وصوته الباسل فى مقاومة الديكتاتورية و فضح الفساد |
|
Post: #37
Title: Re: ايوة يا حسين ملاسى دى الميدان الفرحانيين بيها
Author: معاوية كرفس
Date: 05-03-2007, 10:29 AM
Parent: #1
.
العزيز / esam gabralla
ياخي دا أجمل كلام أقراهو مما طلعت الميدان للعلن
ياريت كل الناس يكونو صريحين و واضحين وحقانيين
و ملانين أمل زيّك كدا .
شكراً شديد .
ودي
م.كرفس
|
Post: #39
Title: Re: ايوة يا حسين ملاسى دى الميدان الفرحانيين بيها
Author: esam gabralla
Date: 05-03-2007, 10:50 AM
Parent: #1
سلام يا هشام
انا ملاسي ده مكيفنى عدييييييل كده
لانو زول شايف شغلو كويس ... مركز و محدد اولوياتو واهدافو
ما شغال بالامور الثانوية والاهداف الجانبية و الفارغات
ملاسي بنشن في التنك ... حسب ما هو شايف
لو في "ثغرة" بخش فيها
لو مافي بخلقا خلق او خنق
ثغرات زى اللقاها في بولا و حسن موسي ... وغض النظر عن كل ما حدث و اختلاف الاتنين ديل اهداف كبيرة لملاسي (هو عارف .. لكن هم داقسين) و بعد داك كمال الجزولى و الحاج وراق و هسة الميدان ده غير الحاجات البجنبة كدة ...
ملاسي زول مجود حرفتو ...
المصيبة في الناس الجايطنها ساااااكت ديل ....
ناس الكوراك والجضة والتشنج ...
المغسة ....
|
Post: #50
Title: Re: ايوة يا حسين ملاسى دى الميدان الفرحانيين بيها
Author: Atif Makkawi
Date: 05-04-2007, 04:56 AM
Parent: #39
Quote: انا ملاسي ده مكيفنى عدييييييل كده
لانو زول شايف شغلو كويس ... مركز و محدد اولوياتو واهدافو
ما شغال بالامور الثانوية والاهداف الجانبية و الفارغات
ملاسي بنشن في التنك ... حسب ما هو شايف |
الأخ عصام
ملاسي لو مكيفك للدرجة دى ما تعمل زيه.
|
Post: #40
Title: Re: ايوة يا حسين ملاسى دى الميدان الفرحانيين بيها
Author: esam gabralla
Date: 05-03-2007, 10:50 AM
Parent: #1
معاوية
سلام
يا زول ده شوية من دين في الرقبة للميدان والحزب الشيوعى ...
ده حقهم علينا ...
بس لما نجي نكتب الكلام الما "بعجبكم" ما تطلعونا تصفويين واصلاحييين و حقت الابتدائي زاتا كمااان ... باقي اخوك تاريخو في الابتدائي كعب ...
سلام يا زول
|
Post: #57
Title: Re: ايوة يا حسين ملاسى دى الميدان الفرحانيين بيها
Author: hanadi yousif
Date: 05-04-2007, 10:51 PM
Parent: #40
عصام جبرالله الشيوعي
كيفك؟ وكيف العيال
| Quote: بس لما نجي نكتب الكلام الما "بعجبكم" ما تطلعونا تصفويين واصلاحييين و حقت الابتدائي زاتا كمااان ... باقي اخوك تاريخو في الابتدائي كعب |
...
تكتب كلام ما يعجبنا نطلع تصفوي ويميني وحلايب مصرية "أها"
|
Post: #42
Title: Re: ايوة يا حسين ملاسى دى الميدان الفرحانيين بيها
Author: Samau'al Abusin
Date: 05-03-2007, 01:48 PM
Parent: #1
Quote: لما تطلع الميدان تطبز عين السفلة والقتلة والسفاحين ... يا مراحب
حتى لو طلعت صفحة واحدة فيها كتابة ما بتتقرى ... و فوق مكتوب الميدان .... يا فرحة
لما الميدان تتجاوز كل العقبات والفاولات المعروفة لينا وغير المعروفة ......... يا مسرات
لما خرم الحريات الصغير "المكوجن" ده يزيد وساع .... مرحبا
لما جوه عين السلفي والمايوى والاصولى والانتهازى والمتسلق والامنجى والوضيع والصفيق والمتوسوس والمنفصم والثورى الزائف (داخل و خارج الحزب الشيوعى ) وغيرهم تطلع الميدان ... يا مراحب ...
عقبال باقى ومزيد من الجرائد "الحرة"
جرايد للامة والاتحادى والحركة و حق و حق و جبال النوبة والشرق
و جرايد لى SOAT و لحقوق الانسان والبيئة والمراة (53 جريدة)
جرايد للغنا والمسرح والرسم والباليه والطبيخ
و جرايد للشفع واليفع والكبار و خاتفين لونين و للحب و السباحة ... و ركوب الخيل ...
جرايد للدين و للادين و للصوفي و الكنسي و الشيعى والسنى و للكجور و للسرور و الطيور و البخور ...
جرايد عربي وافرنجى و بين بين , بالنوبي والعبري و الشلكاوى والدينكاوى و عربي جوبا ...
ده السياق والطريق/الهدف الطويل/البعيد المفروض بيهو و عشانو نفرح للميدان و بالميدان |
عصام
جميل و الوعي جميل
دا السياق .. ودا الطريق.
|
Post: #44
Title: Re: ايوة يا حسين ملاسى دى الميدان الفرحانيين بيها
Author: Nadia Elsir
Date: 05-03-2007, 02:06 PM
Parent: #42
عصام تحياتى و شكرى ,
Quote: لما تطلع الميدان تطبز عين السفلة والقتلة والسفاحين ... يا مراحب
حتى لو طلعت صفحة واحدة فيها كتابة ما بتتقرى ... و فوق مكتوب الميدان .... يا فرحة
لما الميدان تتجاوز كل العقبات والفاولات المعروفة لينا وغير المعروفة ......... يا مسرات
لما خرم الحريات الصغير "المكوجن" ده يزيد وساع .... مرحبا
لما جوه عين السلفي والمايوى والاصولى والانتهازى والمتسلق والامنجى والوضيع والصفيق والمتوسوس والمنفصم والثورى الزائف (داخل و خارج الحزب الشيوعى ) وغيرهم تطلع الميدان ... يا مراحب ...
|
عاصم كفيت و اوفيت و ده كان غرضى من البوست و قد كتبته ودافعى استهجانى لفكرة ان الاستاذ حسين ملاسى صحفى و يعى تماما ما للصحافة من دور فى رفع الوعى فى هذا المرحلة الحرجة تمنيت ان يكون هو ملاسى و كل قبيلة الصحفيين فى المنبر ان يكونوا فى طليعة المرحبين بالميدان و المطالبين بتعجيل صدور بقية الصحف بمختلف تخصصاتها و ليس الحزبية منها فقط .
|
Post: #46
Title: Re: ايوة يا حسين ملاسى دى الميدان الفرحانيين بيها
Author: الشفيع عوض شوشتا
Date: 05-03-2007, 04:33 PM
Parent: #44
ماشين في السكة نمد من سيرتك للجايين
...
| Quote: لما تطلع الميدان تطبز عين السفلة والقتلة والسفاحين ... يا مراحب |
|
Post: #47
Title: Re: ايوة يا حسين ملاسى دى الميدان الفرحانيين بيها
Author: Atif Makkawi
Date: 05-03-2007, 10:47 PM
Parent: #44
Quote: ده كان غرضى من البوست و قد كتبته ودافعى
استهجانى لفكرة ان الاستاذ حسين ملاسى صحفى
و يعى تماما ما للصحافة من دور فى رفع الوعى
فى هذا المرحلة الحرجة تمنيت ان يكون هو ملاسى
و كل قبيلة الصحفيين فى المنبر ان يكونوا
فى طليعة المرحبين بالميدان و المطالبين بتعجيل
صدور بقية الصحف بمختلف تخصصاتها و ليس الحزبية منها فقط |
لمن تقرعين الأجراس؟؟؟
|
Post: #48
Title: Re: ايوة يا حسين ملاسى دى الميدان الفرحانيين بيها
Author: محى الدين ابكر سليمان
Date: 05-03-2007, 11:59 PM
Parent: #47
البعض عمل من حنابرك قنابر, فاهناْ يا اناضولى, يا استاذ ملاسى"والعهدة لصاحبة البوست"
منذ متى كان اهل الميدان ياْبهون لراْى هذا الملاسى فيها؟؟؟؟؟؟؟
غايتو الميدان دى ما بقت حقت اصحابها, بدليل انو نقد فاز فى دائرة الديم- العمارات, وبدليل ان "الملاسى" اصبح يمثل ذائقة العمال والفلاحين, الجند والطلبة, السد الكان منيع...
هيييييييييييييييية
دنيا حلاتو...
ختينا تحت راسك طوبة حمرا يا عجوز ام النصر, نسينا الطوب حقنا داك, الاخدر, واهو, طوبك الاحمر ما بيدوب تحت راسك, سامحينا...
قال ملاسى قال...
يا شيوعيين العمارات والطائف, كدة زوروا مرزوق دى مالها, ولا مايو, ولا انجولا, ولا مانديلا...
غشيتنا يا حسن كنترول, بلا مفكرة نقابى بلا ملاسى.
|
Post: #49
Title: Re: ايوة يا حسين ملاسى دى الميدان الفرحانيين بيها
Author: Mohamed Elnaem
Date: 05-04-2007, 04:26 AM
Parent: #48
Quote: باختصار: انا عضو في الحزب الشيوعى لكن ما شيوعى ... والفرقة بينى وبين الحزب قاعد تتسع كل يوم ... ده ما امر مدسوس ... و قريب جدا بناقشو بالواضح علنا و جهرا ... جوة و بره ...
|
عـصـام جـبر الله ...سلام
واضـح إنك مخـطط لطـرح ونقـاش الموضـوع ده فى مقـبل الايـام علـى حـسب كلامك لـكن سـمي كلامـى ده مقبلات نقـاش قبل مـا نسـمع بقيـة اقـوالك ونقاشـاتك ..إنت قاصـد شنو لمـا قلت انك عضو بالحزب الشيوعى ومـا شيوعى? مـا مشــاعـــى يعنى زى مـا فهمـت انا ?ولا مـا اى حـاجـه ممـا يطـرحـه الحزب الشيوعى ..ولا إشـتراكى مثلا ? اصـلو الواحــد بق رايح اليومين دى خـصـوصا مع كلمـة شيوعـى البقت مـطـاطيه اكثر من اللازم دى ..ياخـى انا سمعـت زملاء قـاعـدين يقولوا انهـم مش مـاديين !!ونـاس غيرهم قـاعـدين يقولو حـاجات اغـرب من ده و داك يعنى حــاجـات تحـير فى حـزبنا السـودانى ده .(تقـصـد شنو.. تقصـد شنو..ما فهمتهـا-على قول ابوعركـى)
مـزحـة== شفـت مسألـة القـرب والبعـد من الحـزب دى مـرتبطـه بالترف المعـاشى والذهنى و الحـاله المزاجـيه ولـيدة السببين الاولين فى اغـالب الاحـيان و عـشـان ده نتوقـع ان يكتب لنـا عـصـام جبرالله نقـاشـاته بعد شهـرين على الاقل من العيش تحـت هجير شمس السودان والمشـى فى الأسـواق وركـوب المواصلات العـامـه ...
ودى
|
Post: #53
Title: Re: ايوة يا حسين ملاسى دى الميدان الفرحانيين بيها
Author: esam gabralla
Date: 05-04-2007, 02:24 PM
Parent: #49
محمد النعيم
سلام
نعم، بكتب في حاجة لى مدة عنوانا الحالى "نقد الحزب الشيوعى" يمكن يتغير. ماشة ببطء لظروف كتيرة، انوى نشر اول حلقة منها قريبا في الميدان لو وافقت اولوياتهم طبعا، اذا لم يمكن ذلك ساحاول نشرها في النت. هى عبارة عن اسئلة و افكار واراء دائرة في راس الواحد ليها سنوات و قطعا دائرة ما يشبهها او اخرى مختلفة في اذهان كتيرة. هدفي ليس اصدار احكام او التوصل العاجل لنتائج ما بقدر المساهمة مع الاقلام والاصوات الموزعة هنا و هناك يتثير في اشياء شبيهة. ما عندى وهم انها حتكون حاجة خطيرة او كتابة زمانها بقدر ما انها محاولة للمساهمة في انعاش الحوار.
ك ..إنت قاصـد شنو لمـا قلت انك عضو بالحزب الشيوعى ومـا شيوعى? مـا مشــاعـــى يعنى زى مـا فهمـت انا ?ولا مـا اى حـاجـه ممـا يطـرحـه الحزب الشيوعى ..ولا إشـتراكى مثلا ? اصـلو الواحــد بق رايح اليومين دى خـصـوصا مع كلمـة شيوعـى البقت مـطـاطيه اكثر من اللازم دى ..ياخـى انا سمعـت زملاء قـاعـدين يقولوا انهـم مش مـاديين !!ونـاس غيرهم قـاعـدين يقولو حـاجات اغـرب من ده و داك يعنى حــاجـات تحـير فى حـزبنا السـودانى ده .(تقـصـد شنو.. تقصـد شنو..ما فهمتهـا-على قول ابوعركـى)
بالغت ... في داعى للزرزرة، بعدين انا لو فاهم انا وين وبقيت شنو كان ده حالى!!!! وش منطط عيونو و فاتح خشمو من الحيرة...
احاول في اختصار قد يكون مخل اقول ما هو واضح بالنسبة لى:
- عدت غير مكتفي باللافتات الكبيرة دون معرفة تفاصيل ما وراء وتحت وخلف و فوق اللافتة، زى ماركسية اشتراكية يسار رجعية يمين الخ. بعض الناس في النقاشات الدائرة الان يصر على ان يظل الحزب الشيوعى حزبا ماركسيا، يعنى يكتب في دستوره انه ماركسي دون حتى التساؤل عن ماهية هذه الماركسية؟ ايها في المليون ماركسية الحايمة؟ بل و دون التساؤل : هل فعلا توجد ماركسية هديك معرفة و معروفة؟ وكيف نفرز ما هو ماركسي (يابانى) مما ماركسي (تايلندى) مثلا!!! دى ما اسئلتى انا، لكن دى حجج يسوقها كل معارض للاسلام السياسي حول الاسلام،
بالنسبة لى لا توجد ماركسية بل توجد كتابات ماركس القامت هى زاتا على قراءات و تاويلات و اعمال لاعمال سابقة لها كما هو معروف في الفلسفة والاقتصاد والاجتماع و قراءات و تاويلات و اعمال عليها, القراءات و التاويلات و الاعمال (على اى منتج فكرى) اما انها كانت ساكنة/غير ناقدة و متسائلة فلا تنتج معرفة جديدة او انها منتجة ناقدة و متحركة تساءل ما تعمل عليه لتنتج معرفة جديدة. ده الprocess اللانهائي للنشاط الذهنى الانسانى لا يمكن وضع حدود له باسم الماركسية او الوجودية او الفلسفة الاسلامية او غيره. تحت ده انا بفهم حتى مقولة ماركس "انا لست ماركسي" (سيد الحق قال هو ما كده اللياقة لينا انحنا شنو!!! امزح ببعض جد).
- في قضايا تانية هى اختيار من البداية زى قضايا الديمقراطية والانحياز الطبقي/الاجتماعى والحريات و حقوق الانسان و المساواة و عدم التمييز الاجتماعى او الدينى او العرقي او النوعى الخ. دى بتم باختيار ايديولوجى واعى و واضح.
- الشيوعية؟ هو في زول عارفا هى شنو؟ بوضوح في اللحظة دى اعتقد انها يوتوبيا انسانية جميلة لا يمكن ان تتحقق. الاشتراكية (والتفاصيل مهمة موش اللافتة) لا زالت سؤال دائر في الراس .. او سعى االبشر الابدى نحو مجتمع اكثر عدل و جمال وانسانية , باتت بالنسبة لى لا تحتمل اى فصل عن الديمقراطية والحريات و حقوق الانسان و المساواة و عدم التمييز الاجتماعى او الدينى او العرقي او النوعى . حق البشر الاساسي في اختيار و عزل حكامهم و تحديد كيف يريدون ان يعيشو. لو الناس اختارت الراسمالية بالانتخاب الحر ما عندك حل غير تحاول تقنعهم بالعكس الى ان تنجح في النهاية او ما تنجح.... تصبر بس او تخلى الشغلة.
- بالمعنى ده انا ما شيوعى، انا شايف نفسي على يسار الحزب الشيوعى (امسك عندك الراس الكبير ) نعم توجد افكار و مدارس خرجت من داخل التيار الماركسي و ذهبت به للامام او لنقل ليساره في تجاوز جدلى وبقيت كثير من الاحزاب الشيوعية "واقفة" مكنكشة في ماركسيتا وهى ليست قطيعة مع "الماركسية" بل عمل مبدع و خلاق عليها، الوقوف في حقل الافكار والمعارف هو موت. شفت قوة العين دى.... يسار رغم تصنيفات زى: تصفوى، هجرة لليمين، اصلاحى  بل و قوميسار للحزب الشيوعى في الاسافير ( يا النبي نوح) و لا اعنى باليسار هنا ما يوصف بالمتطرف او الفوضوى رغم انهم عندهم حاجات ايجابية جدا.
- طيب ليه قاعد في الحزب الشيوعى؟ امرق قشة ما تعتر ليك!!! سؤال مهم و طرحتو على نفسي كتير ....
|
Post: #52
Title: Re: ايوة يا حسين ملاسى دى الميدان الفرحانيين بيها
Author: esam gabralla
Date: 05-04-2007, 12:46 PM
Parent: #48
محى الدين
متلوم معاك ... قول فينى العاوزو
الميدان وانحنا برضو مفروض تهتم بي "ملاسي" و لا اعنى الشخص فقط بل كل "الحالة" , السؤال بكون : كيف؟ الاساليب يمكن تتعدد وكل زول عندو طريقتو،لكن لازم تمشي في اتجاه فتح حوارات نقدية ايجابية حول القضايا الناس بفتكروها ذات اولوية و مع الناس الحوار معهم بسوق لى موقع جديد او بجيب فكرة جديدة او اسئلة جديدة، طبعا ده ما ساهل كلنا بنعانى من حراق الروح و غباش الرؤية و حركات القادة والسادة ...
يا اخوى انت قرفتك دى
Quote: يا شيوعيين العمارات والطائف, كدة زوروا مرزوق دى مالها, ولا مايو, ولا انجولا, ولا مانديلا...
غشيتنا يا حسن كنترول, بلا مفكرة نقابى بلا ملاسي |
انحنا فيها و لا لأ؟ انا كنت ساكن مايو اربعين
سلام يا صاحب
|
Post: #54
Title: Re: ايوة يا حسين ملاسى دى الميدان الفرحانيين بيها
Author: محى الدين ابكر سليمان
Date: 05-04-2007, 03:20 PM
Parent: #52
عصام جبرالله سلام يغشاك وناسك
يازول شيوعيى العمارات والطائف دى ليها قصة, وهى انه كنا وصديق "هسع بقى من دعاة جماعة انصار السنة وراسلنى بالايميل داعيا لى بالهداية وسلك الطريق", كنا من سكان مرزوق لبعض الوقت ونغشى نواحى الخرطوم ذات الفقر المعتق, وفى العودة نمر على بعض الاصدقاء, مرة وجدناهم يتحدثون عن اعمال مهدى عامل وبعض المفكرين الماركسيين, الشلاقة ما تخلينا دخلنا خشمنا مع الجماعة عشان نفتى "فى التناقض", فعلق احدهم ساخرا:هسع مهدى عامل دة لقيتو ليهو نور وين عشان تقروهو؟ الغشامة ما تخلينا زعلنا جدا ومشينا كدارى لداخل الخرطوم رغم توضيحات الصديق لنا باْنها محض دعابة.
توا ما عندى حق فى انو احدد ليك خياراتك فى الحوار ومع من, واعذرنى ان فهمت ذلك, لكن من حينها اصبحت لدى حساسية من هذا التفاوت البغيض الذى يمثله ويحاول "تاْبيده" على حد قول مهدى عامل السيد حسين ملاسى, باساليب عدة تفتقر للذكاء ووجاهة الراْى, وظل بهذا الاسلوب العقيم يناوش هنا وهناك, حتى هبش الميدان ذاتها, دة غير احتفاله الممعن فى السفه بمايو "الانقلاب" ووضع صورة نميرى باستفزاز هنا, غير المقابضة مع كمال الجزولى وغيرها, كل هذا جعلنى اشيل عكازى واجى هنا, لانو دة زول ما بستحق"وجهة نظرى وغير ملزمة لاحد" انو يتفتح ليهو بوست ومداخلات عشان نوريهو "فرحنا" بالميدان, الميدان دى لو صدرت فى ورق تواليت وكتبوها شفع حضانة برضو بنقراها وبتعجبنا, دة ما من اختصاصو لانو ما قال راْى نقدى فى محتوياتها ولا تحدث حديث العارف عن اخراجها وتفاصيلها الفنية, كلام كله سفه فى سفه, ودة الجنن عبدالقادر وقال كلامه دة.
بعدين ياخوى لست ممن قال عنهم عبداللطيف اللعبى" يوزعون صكوك الاحمرار" او ما معناه, بس عاوز اتفشا!
يا زول انا المتلوم معاك,دخلت فى دوامة تودى فى داهية, لكن حتنقشع قريب ونتواصل.
وتسلم يا حبيب
|
Post: #51
Title: Re: ايوة يا حسين ملاسى دى الميدان الفرحانيين بيها
Author: esam gabralla
Date: 05-04-2007, 12:22 PM
Parent: #44
سلام للجميع
ردود قصيرة ضرورية
- الاخ عاطف سلام
Quote: الأخ عصام
ملاسي لو مكيفك للدرجة دى ما تعمل زيه |
انا اقصد ان ملاسي مركز في اهدافه و بشتغل عليها بتجويد، الكيف هنا راجع مش لوسائل او اهداف ملاسي التى اعيها جيدا، بل لانه قابض باولوياتو تمام عكس معظم تيار الديمقراطية الغرقان و مشتت في معارك وهمية و جانبية و شخصية. و الكيف هنا للمبالغة و تقريب الفكرة.
اتمنى اللبس يكون زال
سلام
- سموءل سلام وتشكر
افتكر ان الامر يشمل الجميع، الواجب/المهمة في فتح قنوات و نوافذ الحوار بين و داخل تيار اليسار والديمقراطية العريض ده , بكل مسمياته شيوعيين ،ماركسيين ،اشتراكيين يساريين ديمقراطيين الخ، الوعى لا تملكه جهة واحدة انما مشتت بين هذه العقول والافئدة، ليه عدم القدرة على الحوار النقدى الجاد والمسئول ده؟
اتابع كتاباتك رغم قلتها اعجبنى انصافك و دقتك في شوف كلام نقد في سودان فوراول
سلام
سلام نادية
| Quote: ده كان غرضى من البوست و قد كتبته ودافعى استهجانى لفكرة ان الاستاذ حسين ملاسى صحفى و يعى تماما ما للصحافة من دور فى رفع الوعى فى هذا المرحلة الحرجة تمنيت ان يكون هو ملاسى و كل قبيلة الصحفيين فى المنبر ان يكونوا فى طليعة المرحبين بالميدان و المطالبين بتعجيل صدور بقية الصحف بمختلف تخصصاتها و ليس الحزبية منها فقط . |
اتفق معك في نظرتك لما يجب ان يكون عليه الامر في الظرف الحالى. لكنى لم اتوقع من حسين ملاسي او من هم على طريقته غير هذا، غض النظر عن انه صحفي ام لأ. ملاسي له موقف واضح من اليسار و من الحزب الشيوعى، له موقف واضح من كل رموز و قادة المعارضة النشطة الان، ملاسي لا صدى في كتاباته لكل الازمات القائمة في البلاد ، ملاسي لا يشير للانقاذ و افعالها و مارساتها لا من قريب او بعيد، ملاسي يحاول بكل السبل هز و شرخ صورة من يراهم "رموز" لما يعاديه هو :وراق،كمال الجزولى،بولا ،حسن موسي ،الطاهر ساتى .... الخ. لماذا؟ لا احب التكهنات وضرب الرمل لكنى متيقن ان ملاسي ليس في صف الديمقراطية في السودان. طبعا ليس وحده ... هو نموذج لحالة باتت شائعة و موجودة حتى لو اختلفت الوسائل والدوافع.
سلام
|
Post: #55
Title: Re: ايوة يا حسين ملاسى دى الميدان الفرحانيين بيها
Author: عاصم ابوبكر حامد
Date: 05-04-2007, 06:23 PM
Parent: #1
سلامات يا نادية
انشاء الله كويسة
طبعا الميدان جريدتنا كلنا والميدان ام لنا
الميدان حبنا ...
اعزرونى لاننى الى الان لم اطلع عليها لاننئ خارج السودان
ولاكننى احببتها ...
الجريدة التى تنطق باسم الحزب الشيوعى
هى ناطقة
باسم الشعب
وباسم ثورة الغلابة
وباسم ثورة المهمشين
وباسم ثورة كل الضعفاء
انها الميدان وهى الميدان فعلا ...
اختى العزيزة وكل اصدقاء الميدان لاتعطوا حديث السيد ملاسئ الرجل العجيب والغريب اى نوع من الاهتمام ...
الميدان نفرخ بها لانها تقف فى وجه الظلمة ...
تسلمى
|
Post: #56
Title: Re: ايوة يا حسين ملاسى دى الميدان الفرحانيين بيها
Author: خالد العبيد
Date: 05-04-2007, 10:20 PM
Parent: #1
من أعمدة الميدان
نضال الحركة الجماهيرية
آراء وتعليقات
مع شعوب العالم
تعليقات في السياسة الداخلية
يوميات الميدان
قضايا إقتصادية
اخبار وتعليقات
سوق الله اكبر
الحركة النقابية
شرفة التاريخ
قضايا الساعة
الميدان الرياضي
الميدان الفني
الميدان الثقافي
بين الجد والهزل
صوت الغرب
مدارات
في الدولة البوليسية
اضبط
|
Post: #58
Title: Re: ايوة يا حسين ملاسى دى الميدان الفرحانيين بيها
Author: معاوية كرفس
Date: 05-04-2007, 11:03 PM
Parent: #1
.
.
|
Post: #59
Title: صــور من الميــدان العــدد الأخيــر
Author: معاوية كرفس
Date: 05-05-2007, 01:01 AM
Parent: #1
.
العزيزة / نادية
و كل المتداخلين
هذه مجرد ( صوّر ) من العدد الأخير للميدان العلنية
و إلي أن تصدر إلكترونيّاً و نتمكن من قرائتها علي الإنترنت .
الصفحة الأولي
و النصف الثاني من الصفحة الأولي
و أضبط الشهير
و رأي الحزب حول قانون الإنتخابات
السيد / الصادق المهدي يهنئ الميدان بالصدور العلني
و جانب من قضايا الجماهير
أول مايو عيد العمال .. و .. المرأة العاملة ..
الميدان الثقافي
و الميدان الرياضي
و المقال الشهير ( بين الجد و الهزل ) و أبو ريم
ودي
م.كرفس
|
Post: #60
Title: Re: صــور من الميــدان العــدد الأخيــر
Author: نهال الطيب
Date: 05-05-2007, 07:26 PM
Parent: #59
معاوية
شكرا عظيما
وفرحة نابعة من كل قلب يابلادي
|
Post: #61
Title: Re: ايوة يا حسين ملاسى دى الميدان الفرحانيين بيها
Author: خالد العبيد
Date: 05-05-2007, 08:52 PM
Parent: #1
العزيزة الغالية نادية
تحياتي
يا بختكم بالميدان
لكن نحن عشمنا في هذا الاسفير
الذي توهم البعض انه يبني لهم حزبا
شكرا لك يا نادية
فقد تصفحنا العدد الاخير صفحة صفحة
وسلام شديد
http://www.midan.net/nm/private/almidan/m2021/m2021.htm
|
|