يا كوستاوي ألعب غيرها وثيقتك مضروبة و بالدلايل و البراهين

في المربع الأوّل مكتوب (ذو العُقدة)
دة ياتو شهر يا أخوي؟
دي العسكري ممكن ياخد فيها حبس
في المربع التاني رئيس الأركان بينما في التالت مكتوب هيئة الأركان.
خطابات العسكر تكون مضبوطة في كلماتها و مُقيّدة و مُحدّدة هيئة يعني هيئة.
نمرة تلاتة المكتوب جوة الوثيقة من كلمات مغلوطة إملائياً واضح إنو دي ما كتابة كتبة عساكر محترفين و منضبطين زي مثلاً:

Quote: - سوف تصلكم كشوفة بأسماء مناديب القبائل للاستلام مع التصديق بنوعية السلاح وعدده. 3- يتم التسليح بالمجموعات (عشرة قبيلة في كل دفعة) حفاظاً على سرية المعلومات والتوزيع.

معقولة بس أخطاء عبيطة زي دي في مستند رسمي يتبع لوزارة الدفاع؟
و أخيراً أُحيلك إلى هذا البوست الذي نشر نفس الخبر لذات الوثيقة مفبركة في نفس الشهر من نفس العام بإسم الفريق الراضي و الذي كان متقاعداً وقتها و الذي أقتبس لك منه هذه الجملة التصحيحية التي تثبت أن ورقتك مفبركة و مزوّرة:

Quote: وزارة الدفاع الوطني: لعل الأكثر وضوحا أن المستندات المتداولة تحمل (ترويسة) باسم وزارة الدفاع الوطني علما بأنه ومنذ صدور المرسوم الجمهوري رقم 34 لسنة 2005 أصبح اسم الوزارة الرسمي في كل مكاتباته هو وزارة الدفاع.

و أقتبس لك منها أيضاً هذه الجملة:

Quote: منذ عهد المايكرويف: المستندات المتداولة تقول بوضوح إنها منذ عهد المايكرويف الذي كانت تستخدمه القوات المسلحة في زمن ما، ولكن حين نجد أن تاريخ هذه المستندات هو نوفمبر من العام 2008 ثم يفيدنا أكثر من مصدر أن شبكة المايكرويف في القوات المسلحة قد انتهت منذ مطلع القرن الحالي تظهر المفارقة البائنة بل وبؤس التزييف.

و دة لنك البوست المشابه لموضوع بوستك و الفيهو ورقة مزوّرة برضو زي ورقتك دي.

من هو الضابط المتقاعد الذي نصبته الوثائق رئيساً لهيئة ا...أركان المشتركة ؟!!!!

أرحمونا عليكم الله ياخ
عارضوا لكن بحقائق شان ما تفقدوا مصداقيّتكم أكتر من كدة

يا عــلاء

مرحبتين يا معاوية
خلينا نشوف دفوعاتم شِنو

و الوثائق المفبركة دي ما جديدة شان ما تعمل فيها إكتشفت الذرّة
دي من بداية العام 2009 لافّة المنتديات (راجع لنك البوست المرفق في المداخلة أعلاه) و كتبت عنها الصُحف شان المتنوضلين ما يجوا يشبكوك ضباطنا الأشاوس الأبطال سربوا الوثائق و دليل على قرفهم و مش عارف إيه و بتاع و يخُمُّوك ساي في العوّة دي.
دة كلللللللللللللللو كضب في كضب يا عمُّو كوستاوي

الكجام ..

كلو كملتو بقيت كمان تزور في مستندات عسكرية

دي عارف عقوبتها شنو يا الطيرة ام طبق ..

علاء واصل ونحن متابعون ...

ود الباوقة سلامات
و بالمناسبة الكتب البوست الفوق هو إبن الزول الإتّهموهو في الوثيقة المُزوّرة الفاتت نادر محمد الراضي بن الفريق الراضي وهو عضو معانا في البورد هِنا (نادر أعني) و للأسف البوست دة لمن نزل زووووووووول إشتغل بيهو ماف ، هسي جو يعيدو الفيهو تاني بنسبه لشخص آخر هو وزير الدفاع ، بعد ما كان المقصود الفريق المُتقاعد الراضي الذي عيّنته المُعارضة بعد تقاعده و جعلته يُوقِّع على أوراق رسمية تزوير في تزوير في تزوير.
يعني بالواضح كدة دة فِلِم هندي مُعاد و بايخ بوخ شديد.

و خطأ آخر بيِّن يكشِف أن الورقة مُزوّرة:

Quote: واللقب الرسمي لوزير الدفاع هو (فريق أول مهندس ركن) وليس (فريق أول ركن مهندس),

ودة لنك صحيفة الأخبار السودانية الأوردت خبر الورقة المُزوّرة الأولى بتاريخ الأحد 8 فبراير 2009 و التي تدحض نفس الأخطاء بالورقة الحالية من ناحية علوم عسكرية بحتة فيما يخص التكاتب و المُكاتبات العسكرِيّة الصارِمة

http://alakhbar.sd/sd/index.php?option=com_content&task...w&id=3910&Itemid=206

واحدة من أهمّ أُسس و قواعد المُكاتبات العسكرِيّة في حالة خطاب موجه من و إلى هي كتابة كلمة الموضوع ثم من بعدها موضوع الخطاب يعني تكون كدة:


الموضوع: تسليح القبائل

لاحظ أن الخطاب زي المقال عنوان في النُص و توووووشك للنَص مُباشرة ، معقول بس
بعدين ياخ من تاني كلمة في غلط إملائي وهو تنقيط الهاء في كلمة توجيه لتُصبِح تاء مربوطة ، ياخ لو أحد كتبة الوزارة العسكرِيّة دي عمل كدة كان ربطوهو طيّارة قامت بسبب مثل هذه الغلطة.
بعدين عبارة (الإجتماع المبرم مؤخراً) دي عبارة عن عك لغوي عبيط جداً و الصحيح إنو أقول (الإجتماع الذي أُبرِم) لأنو ماضي و ياريت ناس اللغة العربية المُتخصِّصين يمُرُّوا و يدونا شهادتهم فيما نقول.
ياخي تزوير عوير عديك كدة

أخي علاء الدين ... صباحك خير ..

Quote: منذ عهد المايكرويف: المستندات المتداولة تقول بوضوح إنها منذ عهد المايكرويف الذي كانت تستخدمه القوات المسلحة في زمن ما، ولكن حين نجد أن تاريخ هذه المستندات هو نوفمبر من العام 2008 ثم يفيدنا أكثر من مصدر أن شبكة المايكرويف في القوات المسلحة قد انتهت منذ مطلع القرن الحالي تظهر المفارقة البائنة بل وبؤس التزييف.

ماذا لو قلت لك أن المايكرويف ما زال مستخدم حتى يومنا هذا صباح الأربعاء 13 يناير 2010م ...؟؟؟؟

وباستطاعتي أن أثبت ذلك .. وهذا لعلمك من ذكاء أهل الإنقاذ الذي تستهين به المعارضة ....!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

والأخطاء المطبعية ليست دليلا ً على تذوير (الوثيقة) .... إسأل أهل العلم في ذلك ...!!!!!!!!!!!!!!!!!!!!!

أنا شخصياً كنت من أؤائل الذين أشرت لهذه الوثيقة ولكن داخل بوست آخر ، وقلت تتداول فضاءات الإنترنت وثيقة خطيرة !!

لا أنا ولا أنت نستطيع أن نؤكد أو ننفي مصداقية هذه الوثيقة ...

فعلى وزارة الدفاع ... وحزب المؤتمر الوطني ورئيسه المشير (م) عمر البشير ... ووزير الدفاع ... أن يثبتوا للمفوضية القومية للإنتخابات تذوير هذه الوثيقة .... وإلا .. فحدث ولا حرج ... ولكم في كينيا وأفغانستان وموريتانيا مثل يا أولي الألباب ............!!!!

دمتم بخير

"أبوفواز"

تشكر يا علاء
تخصص كشف تزوير وثائق

Quote: ماذا لو قلت لك أن المايكرويف ما زال مستخدم حتى يومنا هذا صباح الأربعاء 13 يناير 2010م ...؟؟؟؟ وباستطاعتي أن أثبت ذلك

هنا أرد عليك أخ/صديق
منذ فبراير 2001 تم تكهين المايكرويف كشبكة مراسلات (بعيدة المدى) للقوات المسلحة السودانية
ولو عندك إثبات بقول غير كده نزلوا

مرحب يا الشفيع و شكراً لإيراد تأريخ إيقاف العمل بالمايكرويف

Quote: فعلى وزارة الدفاع ... وحزب المؤتمر الوطني ورئيسه المشير (م) عمر البشير ... ووزير الدفاع ... أن يثبتوا للمفوضية القومية للإنتخابات تذوير هذه الوثيقة

Quote: فعلى وزارة الدفاع ... وحزب المؤتمر الوطني ورئيسه المشير (م) عمر البشير ... ووزير الدفاع ... أن يثبتوا للمفوضية القومية للإنتخابات تذوير هذه الوثيقة

والله ده كلام
يعني أي زول يكتب أي كلام يجي الرئيس (يثبت) إنو غلط ؟؟؟؟
يازول لو المسائل دي بتمشي كدة هسع أنا ممكن (أفبرك) ليك إجتماع لإنقلاب
وأقول ليك تعال أثبت براءتك
بدون ما أثبت إدانتك
يعني المتهم الهو إنت حتبقى (مدان) إلا أن تثبت براءتك !!!!

أخونا صديق سلامات
يا عزيزي كلامك خطأ بالكامل
لأنو المايكرويف إنتهى من بدري و دونك أي عسكري أو ضابط في الجيش
و لمن قال إنو عادي الأخطاء لأنو الكاتب الوثيقة عبد الرحيم
فبقول ليهو لوزارة الدفاع مكتب كبير جداً إسمو مكتب الكتبة
و ديل مجموعة منتقاة بعناية من العساكر الفنيين المتخصصين في مسألة الطباعة و مجوِّدين اللغة كويس خالص و دي أنا على إلمام بها تماماً
وديل هُم المسئولين عن طباعة و كتابة كل المكاتبات

علاء الدين سلامات


الانا مستغرب لية هو تثبيت هذة البوستات فى اعلى الصفحة الاولى


دون التاكد من صحتها ومعرفة مصدرها وفى راى دة ممكن يفتح باب المسائلة القانونية من المتضررين منها

Quote: الانا مستغرب لية هو تثبيت هذة البوستات فى اعلى الصفحة الاولى دون التاكد من صحتها ومعرفة مصدرها وفى راى دة ممكن يفتح باب المسائلة القانونية من المتضررين منها

هاشم والله كلنا مستغربين ، بس نقول شنو
المساءلة القانونية بكري بتخارج بي

Quote: الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها

المصيبة إنهم حتى التزوير فشلوا فيهو ، لاحظ لا يوجد تداخل بين الختم/التوقيع ومتن الخطاب

طالما الخطاب من عبد الرحيم فمن الطبيعى ان يكون مليئا بالاخطاء الاملائيه

رغيم مع إنو رديت عليك مع أخونا صديق فوق للكن لا بأس من إعادة
من يكتب للوزير و للوزارة كُلّها مكتب كبير إسمو مكتب الكتبة عبارة عن مجموعة من العسكر الفنيين المتمرِّسين المُحترفين الدقيقين و يمر الخطاب بعدة مراحل مراجعة
دة جيش نظامي يا حبيب إنتو قايلنو مليشيات ولاّ شنو

Quote: دة جيش نظامي يا حبيب إنتو قايلنو مليشيات ولاّ شنو

علاء الدين قول بسم الله

الجيش النظامي ده عميان من حلايب مالو

هلا يا كونت
حمد لله على السلامة
حلايب رينا الشخصي معروف فيها
كدي إنت هسي قول لينا رايك في الورقة دي شنو بكل ما فيها من عيوب تم إظهارها

Quote: هلا يا كونت حمد لله على السلامة حلايب رينا الشخصي معروف فيها كدي إنت هسي قول لينا رايك في الورقة دي شنو بكل ما فيها من عيوب تم إظهارها

انت عارف يا علاء الدين انا عندي رأي انو اي وثيقة زي دي بيعملة المؤتمر الوطني نفسه وينزلة في الانترنت وبعداك الناس تتناقلة لي سببيب :
الاول بغض النظر عن صحة الوثيقة او تلفيقها فهي بالتأكيد قد تؤثر في خلخلة النسيج الاجتماعي السوداني الاصبح منهك جد وده ما مهم بالنسبة للمؤتمر الوطني
الثاني اظهار المعارضة في صورة المزور واضعافها من اجل الكسب السياسي للمؤتمر الوطني وفي تقديري فساد المؤتمر الوطني لا يحتاج لبحث كتير

بعدين انت قايلني من النوع البغتغت الكلام والله انا الاعور اقولو اعور( نصت) نهار

يعني يا كونت كوستاوي دة بيلفح من طرف ساااااااااااي

طيب دة مش بيضر المُعارضة و عامل فيها معارضة؟
أوعى يكون كمان مؤتمر وطني








________________
تعجبني صراحتك

.علاء ازبك..
ما عندي شغلة ولا مصلحة بصحة الوثيقة من عدمها بقدر ما تهمني إيراد حاجة لاحظتها ولابد أشير ليها من باب الأمانة.. ..
في حاجة لفتت نظري في الوثيقة وإنت ما أشرت ليها في دفوعاتك أفتكر هي برضها من الأهمية بمكان ويمكن تطعن في صحة الوثيقة، وهي تطابق نمرة الوثيقة مع تاريخ صدور الوثيقة...
عادة في المكاتبات الرسمية نمرة الوثيقة بتشمل الأحرف لأولى لإسم الجهة الصادرة للوثيثة + علامة القاصلة (/) + الرقم المتسلل للوثيقة وفقا للمكاتبات الصادرة للجهة + (/) + شهر صدور الوثيقة + سنة الوثيقة (ويرمز إليها بالخانتين الأوليتين)...
فتقرأ نمرة وثيقة صادرة بتاريخ اليوم من جامعة السودان للعلوم والتكنولوحيا مثلا كما يلي:
ج س ع ت/10/01/0023
ويجب أن تكون النمرة مقروءة مع تاريخ صدور الوثيقة بحيث تتطابق سنة صدور الوثيقة الوارة في نمرتها مع سنة تاريخ الوثيقة..
وهذا ما لا يتوفر في الوثيقة مكان الحديث...


أرجو أن أوكون قد أوضحت الفكرة التي أفصدها..
كما أرجو ألا تكون مداخلتي هذه مدخلا لتصنيف مع أو ضد التي تسيطر على المنبر..

ود الباوقه

Quote: دي عارف عقوبتها شنو يا الطيرة ام طبق ..

اقتلوه !!

ما انتم قتلتم عشره الف فى دارفور و مليونيين فى الجنوب

وهم ناس قريعتى راحت ساكت لا بعرفو وثيقه و لا شافوها و لا كيف اتسربت

يعنى حيغلبكم قتل زول واحد بس!!!

الصادق

أخي محمد نور
تحياتي

Quote: في حاجة لفتت نظري في الوثيقة وإنت ما أشرت ليها في دفوعاتك أفتكر هي برضها من الأهمية بمكان ويمكن تطعن في صحة الوثيقة، وهي تطابق نمرة الوثيقة مع تاريخ صدور الوثيقة... عادة في المكاتبات الرسمية نمرة الوثيقة بتشمل الأحرف لأولى لإسم الجهة الصادرة للوثيثة + علامة القاصلة (/) + الرقم المتسلل للوثيقة وفقا للمكاتبات الصادرة للجهة + (/) + شهر صدور الوثيقة + سنة الوثيقة (ويرمز إليها بالخانتين الأوليتين)... فتقرأ نمرة وثيقة صادرة بتاريخ اليوم من جامعة السودان للعلوم والتكنولوحيا مثلا كما يلي: ج س ع ت/10/01/0023 ويجب أن تكون النمرة مقروءة مع تاريخ صدور الوثيقة بحيث تتطابق سنة صدور الوثيقة الوارة في نمرتها مع سنة تاريخ الوثيقة.. وهذا ما لا يتوفر في الوثيقة مكان الحديث...

و أتّفِق معك بالكامِل

علاء..

كده ممكن تخت كوستاوي + هباني + تراجي في قفه واحده وتسميها قفة الكضابين الاحرار

Quote: من يكتب للوزير و للوزارة كُلّها مكتب كبير إسمو مكتب الكتبة عبارة عن مجموعة من العسكر الفنيين المتمرِّسين المُحترفين الدقيقين و يمر الخطاب بعدة مراحل مراجعة

يا علاء

هل كل الخطابات يكتبها الكتبة حتى الخطابات " سري وشخصي "

تحياتي

نعم
و لك أن تتحرّى صِدق ما أقول
و الكاتِب (من كتبة) بالعادة يكون من العسكر المُختارين بعناية فائقة لمثل هذه الأغراض.

يا فيصل الحاجة البتحيِّر كيف الواحد يكون مُقتنِع إنّها كضبة و يرميها على كدة و لمن يجوهوا إتنين يقولوا ليهو أيوا صح تشيلو العزة بالإثم و يصدِّق الكضبة و يسرح بيها

كتب الاخ علاء
(دة جيش نظامي يا حبيب إنتو قايلنو مليشيات ولاّ شنو)
فقط اتسال
كيف يكون جيشا نظاميا (وقائده العام حتي صباح الامس ) رئيسا لحزب سياسي مدني ؟؟؟؟؟؟

حاتِم
كدي أفتينا في موضوع البوست الأساسي
صحّة الورقة من عدمو
لا عليك مما هو دون ذلك

ابوعلوة

تحياتي؛؛؛



اليومين ديل تجيب ليك اي وثيقة مضروبة وتركب موجة النضال.

لذلك نقول



سير سير يابشير.

دكتور بشير
سلامات يا غالي
لكن ما قدُر دة ياخ
بعملوها ظااااااااهرة و عويرة و بايخة
و الغريبة بفرحوا بيها بعدما يصدِّقوها طبعاً و فاكرين إنو فينا قنابير بيجوا بكل براءة يرزعوها لينا هِنا و يعملوا زي المافي حاجة
دة يسموهو شنو دة هسي

**

عشان كوستاوي.

إضافة للأخ محمد الشيخ أرباب على سؤاله لنا:

Quote: يا علاء هل كل الخطابات يكتبها الكتبة حتى الخطابات " سري وشخصي " تحياتي

كل عضوية هيئة الأركان ووزير الدفاع لديهم أختام خاصة و دفاتر مكتوب عليها ترويسة المكتب (مكتب هيئة الأركان المعني و هي كثيرة) و بعد ذلك مكتوب مُذكِّرة داخلية ، و في ورق آخر مروس كبير بدون كلمة مذكرة داخلية.
لو الخطاب كان مكتوب بأحد هذه الأوراق و بخط اليد و بختم المكتب المعني سواء وزير الدفاع أو أحد أعضاء هيئة الأركان كان ممكن أقول ليك ما كاتبو واحد من مكتب الكتبة ، لكن طالما الخطاب بترويسة وزارة الدفاع نفسها و طالما مسريل (يعني عندو قيد سيريال نمبر) يبقى من الكتبة و أي زول يقول ليك غير كدة كذّاب.

(حاتِم
كدي أفتينا في موضوع البوست الأساسي
صحّة الورقة من عدمو
لا عليك مما هو دون ذلك)
اخوي علاء
ياخي انتو متين كنتو محتاجين انو واحد يفتي ليكم
ياخي انتو ماماشين في الفيها وقشة مامعترة ليكم
يعني بقت علي فتوتي انا
مادون ذلك ماعلينا منو
حتي ورقتك دي

Quote: حتي ورقتك دي

بس دي ورقتكم يا أخوي ما حقتنا
و زيفكم مردود إليكم يا حبيبنا

(بس دي ورقتكم يا أخوي ما حقتنا
و زيفكم مردود إليكم يا حبيبنا)
علاء ياحبيب
ليس لي ان اري الا ماترون
غير ذلك ادمغ انا بالتزييف
ركوبكم علي رقاب الناس كان بالتزييف
وصحي
(الجمل مابشوف عوجة رقبتو)

أخونا حاتم

Quote: (الجمل مابشوف عوجة رقبتو)

لكأنما تصِف حالكم مع ورقتكم المزوّرة هذه

(لكأنما تصِف حالكم مع ورقتكم المزوّرة هذه)
حبيبنا
خلينا نحن في الفيها
حاول اقنع نفسك
تقديري

حاتم أنا مُقتنِع بأنّها مُزوّرة و لم تُلعب بحرفنة
أها إنت حاول أقنِع نفسك إنّها حقيقيّة
إحترامي

وين كوستاوي ؟

Quote: وين كوستاوي ؟

ما بجي يا وليد
عارِف ليه؟
لأنو كوستاوي يَسأل ولا يُسأل
يُحاسِب ولا يُحاسَب
عادي ممكن تجي تلقاهو عامِل إسمك في عنوان مفاده إنو قوقل ليك نص من كتبابتك ما حقك و إنت مفبرِك النص و يلِم حولك خلق الله لفضحك و تعريتك و شيل حالك
لكن هو مُنزّه و معصوم من الخطأ

الاهم من ده كله يا ابو علوه

مين العلق الموضوع ده فوق ؟

Quote: الاهم من ده كله يا ابو علوه مين العلق الموضوع ده فوق ؟

غايتو النزّلو بكون بكري

(الاهم من ده كله يا ابو علوه

مين العلق الموضوع ده فوق ؟)

مامعروف والله
امكن عندو واسطة مع بكري




________________________________________
ياخ انت مرشح الثورة الحارة 12؟؟؟
عشان نوصي ليك الجماعة يقيفو معاك

أخي علاء الدين يوسف ..

تحية طيبة

والله أنا شخصياً لا أنفي إحتمال أن تكون مزورة ، وأيضاً لا أنفي إحتمال صحتها ، فأنا كما يقول المعتذلة في منزلة بين المنزلتين ...!!!

ولكن المهم في الأمر ليس هذه الورقة .. المهم أن ما ارتكبوه أهل الإنقاذ في حق هذا الشعب لا يحتاج لورقة مثل هذه لإثباته ، وأنا معك أن السودان صار بلد الشائعات التي لا حصر لها والأكاذيب إن كان من الحكومة أو من المعارضة ، والسبب يل صديقي بكل بساطة إن دولة السودان الإنقاذية لديها فقر حاد وأنيميا قاتلة في ما يسمى بـ (الشفافية) .. والفساد ينخر في كل مفاصلها من أعلى عليين إلى أسفل السافلين ....
وإذا كان رب الدار للدف ضارباً ... فشيمة أهل الدار الرقص ...... !!!

تسلم يا صديقي مع تحياتي ومعزتي

"أبوفواز"

هلا بيك يا أبو فوّاز
و شكراً لتوضيح موقفك من الورقة بأنّها قد تكون حمّالة أوجه من ناحية تزويرها أو عدمه و لم تُصِر كبعضهم على صحّتها
أنا أستنِد على حقائق و براهين و أدِلّة تُثبِت إنو الورقة دي ما طالعة من وزارة الدفاع السودانِيّة بأي حال
شاكر لمرورك الكريم

أضف الي ذلكـ :
(رقم الوثيقة + التواريخ) مكتوبة بخط اليد
و هذا لا يحدث في وثيقة تحمل توجيهات بهذه الأهمية.

مرحبتين نوبي
تخيّل دي ما لاحظت ليها
و الرقم المكتوب باليد يشير في آخره إلى السنة 2010 بينما الوثيقة صادرة 2008
مهزلة واللهِ مهزلة

سلامات تاني يا علاء
الرقم الأخير في (رقم الوثيقة) يشير الي (سنة الإصدار) وهو ما أشرت إليه أنت بالعام 2010
في حين أن التأريخ الموجود بالميلادي يكون 2008
و أيضاً من حاول التزوير لا يعرف أن تاريخ الاول من نوفمبر لعام 2008 يعادل الثاني من ذو القعدة 1429 و ليس الثالث
و يبدو أنه نقله من أقرب ( Diary ) أو أجندة أمامه .

هذا صحيح يا نوبي يا فطِن
و دة يدل على إنو المزوراتي بتاعهم زول تعبان

اها كمان شوف دي








الزول الموقع تحت ده
موقع قبل تاريخ الجواب الفوق بي اربعة سنوات واربعة شهور الا يوم واحد

تاريخ الجواب يوم 3 /11/ 2008
وتاريخ التوقيع تحت يوم 4/7/2004


ده كلام شنو ده ؟؟؟

اها يا جماعة

ده موقع بحول ليك بين الهجري والميلادي

حولوا برااكم


http://www.mshtawy.com/misc-misc_03.html

Quote: الزول الموقع تحت ده موقع قبل تاريخ الجواب الفوق بي اربعة سنوات واربعة شهور الا يوم واحد تاريخ الجواب يوم 3 /11/ 2008 وتاريخ التوقيع تحت يوم 4/7/2004 ده كلام شنو ده ؟؟؟

مالي أراكم يا وليد و قد تكأكأتم على ورقة كوستاوي كل هذه الكأكأة

طبعاً يا وليد حتى لو كانت 2008 إيه الجاب يوليو شهر 7 لنوفمبر شهر 2؟
يعني خطاب من الوزير يقعد خمسة شهور في مكتب رئيس الأركان المُشتركة الحولو للإمداد؟

و الله يا علاء و الله زول حقار ... ماتخلي كوستاوي يقشر شوية ... عالم حقارة تجي تفرتك للناس حفلاتهم ...

و الله في زول اليوم كلوا صدع بي بالوثيقة دي .... ناس المعارضة فقدوا كل شئ .. فقدوا المنطق و المصداقية و الامانة بسبب حالة فقدان الامل و الياس باستقطاب الشعب و بزوال ناس المؤتمر الوطني .. لذلك بحاولوا بكل الطرق الغير مشروعة للوصول لغاياتهم و الغاية تبرر الوسيلة

هي لكن كمان يا الفاروق قالوا إذا بُليتُم فاستتروا
يعني ما يعملوها ظااااااااااااهرة قدُر دة
دة إسمو عدم إحترام لعقولنا
يعني لو تعاملوا معانا بشوية عقلانية و جابوها مكرّبة و ما فيها كل العبط دة كان كدة نقول تزوير مُحترم
لكن دة شين ياخ والله شييييييييييييييييييييين و بايخ

لكن يا علاء برضوا من ستر مسلم ستره الله يوم القيامة


يازول ما تصدق كلامي ده رش من طرف و الله ينصرك

تسلم يا فاروق
غايتو راشين و ماشين
وراهم و الزمن طويل

Quote: مالي أراكم يا وليد و قد تكأكأتم على ورقة كوستاوي كل هذه الكأكأة

مثل كوستاوي يا صديق ، من الذين ملأوا الدفاتر زوراً وبهتاناً لشيخهم طيب الذكر أوكامبو
مثلهم لا يخافون الفضيحة ،

مرحب با محمد فرح
عمّنا كوستاوي حار بيهو الدليل و العوينات طشّشن
ياخي الورقة محل جابة من المصدر زول علّق ماف غير صاحب البوست
يعني جاية من محلّها بايرة لأنها وااااااااااااااااضحة مغشوشة و مفبركة
و الأنكى و الأمر إنّها قديمة و قصتها تم تداولها من قبل و ما جابت حقها
يعني البعملو فيهو دة إسو إجترار

يا علاء زولك تاني ما بحلق بيجاي



كوستاوي ( طيرة حلوف من الجروف ) قول الروووووووووووووووووووب بخلوك الجماعة ديل

اين ذهب نافخ الكير ...

الانقاذ دي ابت عدييل كده.

بوست كلـــو امنجية
ميــزانيات كبيرة

Quote: بوست كلـــو امنجية ميــزانيات كبيرة

مرحب يا السيدح
كان جا كان ما جا دي بقت ليهو as a record

مثل هذه الورقة المسماة وثيقة لا تحتاج إلى أدلة أو براهين لإثبات عدم صحتها، لأن واقع الحال يكذبها فمن هو ذلك الشخص الذي مهما بلغت غباوته وسذاجته أن يخط مثل العبارات الواردة في تلك الورقةويثبت التهمة عليه؟؟

this is bad

Brother Alaa Eldeen and the others you guys destroyed
Them …..
My question is

Who is going to lie next???[/red]

شوهد الكاذب الكبير وهو يبل وثيقته في كورية كبيرة في اشارة لبدء مرحلة الشراب وتليها الغرغره

سلامات
لو ممكن تنزلو لينا وثيقة اصليةمن مكتب وزير الدفاع عشان الواحد
يقدر يقارن

تحياتى

بسم الله الرحمن الرحيم


الاخ علاء

ذكر في الوثيقة اياها ان يبدو بتسليح القبائل

عشرة عشرة

يعني المجموع كم قبيلة ( يمكن يكونوا قاصدين كل قبائل افريقيا)

و لو المؤتمر الوطني عنده قاعدة و سط قبائل تعد بالعشرات ديل

ما محتاجين سلاح ديل ممكن ياقلوا الناس اكل عدييييييل


سلامي

لا لا البوست دا يكون فووووووووق
لحدي ما اجيك المسا يا كوستاوي
واوريك نجاض لمن تتكيف ... حصلت الدرجة دي ؟
خطوتين والقبر وداير تبقى مزوراتي
حركة زي دي تفل ما يعملها هاهاهاهاهاهاهاهاهاهاهاهاها
يعني ما اسافر لي يومين اجي القى علاء الدين نحل رابطك في مقشاشة وماسح بيك ارضية المنبر
ليه كدا ؟ تدقس كدا ؟ وبالشكل داااااااااا اهأ أهأ (تقرأ باللحن بتاع احمد الجابري)
عموما ... مرحب بك في عنبر عمو وهبة للحوادث والعظام



_______
تابعونا مساء اليوم والايام التالية في بوست منفصل بعنوان (227)
كاركاتيرات ... صور ... بين قوسين ...اشعار ... ومفاجآت أخرى ... فقط كونوا معنا

وثيقة بكل تلك الاخطا بالتاكيد لاتصدر من جهة رسمية دعك من الجيش ...
ثانيا الاخ كوستاوي ما هو باقي الفة ومراقب للمنبر فكيف فات عليه كل هذا ؟؟
ام ان الامر مرر بقصد لم يفصح عنه ؟؟ ام ان كوستاوي خلاص العيون عمشت والايادي رجفت والكبر دخل ؟؟؟
سلام علاء الدين وضيوفه الكرام ولكوستاوي صاحب الوثيقة المضروبه ...

يا جنابو علاء وكل الأمنجية

الوثيقة واضحة وصحيحة مائة بالمائة

والتاريخ واضح 4/11/2008م

أما عن الأخطاء فهذه لغة العساكر وأنت تعلم ذلك

أما عن الرقم فهو لا يشير الى تاريخ وإنما هو رقم

الخطاب والتاريخ مكتوب تحته

يعني الوثيقة صحيحة مائة المائة وهي لست بجديدة على الإنقاذ

والأحداث التي تشهدها مناطق الجنوب ليست ببعيدة كذلك عن هذا المخطط

وإغراق الجنوب بالأسلحة التي ترسل الى ما تسمى بالقوات الصديقة وهنالك

وثائق أخرى تكشف ذلك هي بطرف حكومة الجنوب وستكشف عنها في الوقت المناسب

وده من شنو ده ؟

من الكرفته الرابطة ولا الصلع الفوق دي


التاريخ وريني 11 دي مكتوبة وين و8 مكتوبة وين

والزول البكتب رقم اتنين اطول من الواحد ده جنسو شنو


بي ياتو منطق يكون ارتفاع رقم 2 ورقم 4 ورقم اطول من رقم 11


اللهم الا بمنطق التدليس الجايبه انت

الكلام ده ليك ولكل الماجورين الفي البوست ده بما اننا امنجية

علاء والمتداخلون ...

الانقاذ غير مبرأة من تسليح القبائل العربية ....لكن ليس هي بهذا الغباء الذي يجلعها توثق لهذه الجريمة ...هو الخشم البدى اوامر ده خلقوه لشنو ؟!! عادي جداً يتم التسليح مباشرة دون خطابات ...


الخطاب مزور وصحيح مافيه ...

يا ود القاضي

كلامك فيه كتير من الصاح
لكن الموضوع هنا لمناقشة الخطاب كخطاب تزويرة من عدمه


موضوع تسليح القبائل العربية
ده حسمتو الامم المتحده من بدري واتهمت بيه الانقاذ



لكن عليك الله الفرق شنو بين من سلح القبائل وزور الخطاب عالية وكمان من يريد ان يخمنا ويقنعنا بانه الخطاب ده سليم


لا فرق
كلهم منافقين مع اختلاف الاداور

Quote: لكن عليك الله الفرق شنو بين من سلح القبائل وزور الخطاب عالية وكمان من يريد ان يخمنا ويقنعنا بانه الخطاب ده سليم لا فرق كلهم منافقين مع اختلاف الاداور

التسليح يعني قتل ياوليد فهل يستوي القاتل والمزور ؟!!!

Quote: وإغراق الجنوب بالأسلحة التي ترسل الى ما تسمى بالقوات الصديقة وهنالك وثائق أخرى تكشف ذلك هي بطرف حكومة الجنوب وستكشف عنها في الوقت المناسب

اسلحة زي دي ياصلاح .......

Quote: كشفت مصادر (الرائد) عن بوادر خلاف بين رئيس الحركة الشعبية الفريق أول سلفا كير ميارديت، ونائبه د. رياك مشار، على خلفية كشف استخبارات الشعبية لعمليات تسليح لقبيلة النوير بواسطة مشار، عندما أحبطت صفقة السلاح مع احد سماسرة السلاح وحولتها للجيش . وافصحت ذات المصادر عن رفض سلفاكير لمخطط هدف لتغيير عسكري للنظام بالخرطوم مقدم من قبل القوى السياسية الشمالية بدعم من دينق الور وباقان اموم وياسر عرمان، بحجة أن الأمر به مخاطرة يمكن أن تفقد حركته كل المكتسبات التى حصلت عليها وفقا لاتفاقية السلام، وأشارت المصادر إلى أن مكاتب الشعبية بالخارج تلقت توجيها من رئيسها بابداء المرونة فى المواقف والتصريحات والتعامل مع مكاتب الوطني بالخارج معززا ذلك بتحذيرات بعدم التورط مع الأحزاب الشمالية في مخططاتها الرامية لتدويل القضية السياسية السودانية. وفى لندن رشحت خلافات داخل مكتب الشعبية تتمثل فى تصرف رئيس المكتب هناك وآخرون فى 900 ألف دولار أرسلت لتأسيس مكتب الشعبية ودفع رواتب العاملين، وأشارت المصادر إلى أن الحكومة البريطانية أوقفت فى المقابل شحنة من التجهيزات العسكرية تتمثل فى قوارب نيلية عسكرية واجهزة اتصالات عسكرية ورادارت بحجة وجود مستجدات على الساحة السياسية السودانية تستوجب التروي في شحن هذه التجهيزات لحكومة الجنوب.

صحيفة الرائد 14/1/2010

Quote: التسليح يعني قتل ياوليد فهل يستوي القاتل والمزور ؟!!!

لا يستويان ابدا

فالقتل احيانا مبرر ، وفي مواضع كثيره هو كذلك


لكن لا يوجد تبرير للتزوير
ابدا

نرفع فوق لحدي ما نرجع

شيخ العوض سلامات
مع إنو عمّنا كوستاوي نصّب نفسو ألفة البورد
لكن دقس في دي دقسة تاريخو الإسفيري بالمنبر العام
و على قول أمين سلمان (خال حمُّور المُعتزِل)
هم أقرب لناس (و إن طارت فهي معزة بنت تيس)
أو كما قال

Quote: يعني ما اسافر لي يومين اجي القى علاء الدين نحل رابطك في مقشاشة وماسح بيك ارضية المنبر ليه كدا ؟ تدقس كدا ؟ وبالشكل داااااااااا اهأ أهأ (تقرأ باللحن بتاع احمد الجابري) عموما ... مرحب بك في عنبر عمو وهبة للحوادث والعظام

الصمرقع ياخ

one thing assured me this document is correct is:

It took one man to prove it (Kostawi)

and it take 1000 peson to disapprove it


If this document is incorrect why you guys so warried about it

Note

Alaa.....I am not with any one as far as I know. but I am against any one come to power unellected

Galal

Quote: one thing assured me this document is correct is: It took one man to prove it (Kostawi) and it take 1000 peson to disapprove it If this document is incorrect why you guys so warried about it Note Alaa.....I am not with any one as far as I know. but I am against any one come to power unellected Galal

والله ليك وحشة يا ابو الجُل ياخ

حبيبنا
إحنا ما warried about it الورقة
إحنا we are so warried about it المعارضة
لما آل إليه حالها و آلِيّاتها و من آلت إليهم الآلِيّات الآيلة للسقوط على يد هؤلاء الآليين

اين انت يا كجام ؟؟

قول ليهو كما تدين تُدان


مساء الخير يا ود الباوقة

علاء الدين والمتداخلين الكرام
لم أشك لحظة انو الوثيقة مفبركة و مزورة

بالإضــافة لما ذكرت اود ان اضيف .. من غير الممكن لرئيس هيئة الاركان التعليق علي خطاب الوزير علي نفس الخطاب الموجه من قبل الوزير .. لائحيا و بروتوكوليا .. كان علي رئيس هيئة الاركان كتابة خطاب يرفق مع خطاب الوزير لوحدة الامداد (COVER LETTER) .

شكرا

شكراً مكّاوي
و نأسف للتأخير في الرد

**

Quote: شوهد الكاذب الكبير وهو يبل وثيقته في كورية كبيرة في اشارة لبدء مرحلة الشراب وتليها الغرغره

ودي عندها علاقة بالبلع......؟

علاء

جمعة مباركة

Quote: دي عارف عقوبتها شنو يا الطيرة ام طبق ..

يا ود الباوقه المجنني انه علاء الدين
ياخي بقى مابخلي لينا حته ننتف فيها الزول ده

اريتو يعرف شنو يعني معلومات مضلله ؟؟؟

الساقطون لايسقطون

البصاص