فرصة حلوة للناس الفي السودان فقط - لقطوا ريالات و إنتوا قاعدين في النت

يا شباب الموضوع جادي شديد و مافيهو هظار للناس القاعدة في السودان بس ، عشان تحسين الأوضاع و كدة المغتربين ما محتاجين
و الموضوع تابع لشركتنا هنا ، إدخال بيانات فقط كل المسألة إدخال بيانات ، البيان الواحد بريال و نص ، يعني تخيل لو قعدتة ليك في نت و دخلتة 100 بيان في اليوم يعني 150 ريال ، أو المهم أي عدد تقدر عليهو ، شريطة ألا يقل إدخالك عما يعادل 1000 ريال شهرياً لأنو ما ممكن نقوم من هنا ترب ترب ترب نمشي البنك عشان نحول ليك مبلغ أقل من كدة صح

طيب المسألة عايزة ليها زول بس إنجليزيتو كويسة للحد اللي يمكنو من التعامل مع الإنترنت ، و معلومات كويسة في الهاردوير و السوفت وير ، لأنو البيانات اللي حتدخل هي منتجات حاسب آلأي في صفحة واحدة مقسومة نصين زي الجدول ، تختار السلعة العايز تبحث عن بياناتها "و دي بنوفرة ليك نحن" و ممكن تختار لحدي مثلاً 100 سلعة و تكرب بطنك و تقعد ليها ، مثلاً إخترت معالج إنتل بنتيوم 4 سرعة 2 غيغا ، تقوم تعمل بحث عن المعالج دة و تنزل صورتو في المكان المخصص و باقي المواصفات كل واحدة حسب مكانة ، مسألأة في غاية البساطة لو زول شاطر ممكن يعملة في خمسة دقايق ، يعني كل خمسة دقايق ريال ونص ، بس بعد نخلص منتجات الكمبيوتر ، بنمشي لحاجة تانية و حنمر بكل السلع الموجودة في العالم يعني لازم تبقى زول حربي و مثقف مرة مهندس كمبيوتر و مرة طبيب صيدلي و مرة بتاع عدة و مرة ميكانيكي و مرة طيار ، و الشغلانة ماااااااااااااااشة و علينا جاي.
العايز يا شباب يراسلني على إيميلي الكان مؤقت لروحان موبايلي و شكلو حيبقى بتاع الشدايد [email protected] و الموضوع جادي ، و ما عايزي إلا من السودان فالعايز يراسلني على إيميلي دة و بنقوم معاهو بالباقي.

دي عشان ناس أم درمان

ودي عشان ناس الكلاكلة.

?you know what




.never mind