Post: #1
Title: الأخ حسن التوم وحوار الطرش في BN
Author: مبارك عثمان
Date: 09-26-2012, 05:50 PM
الأستاذ حسن تحية
الشيوعيين والكيزان انقلابيين ولا يعرفوا الحوار ولا الديمقراطية
اول ما يهزم بالصندوق بيجري على الانقلاب العسكري
الشعب السوداني تجاوز العقائديين عن يمين ويسار ورجعنا لمرحلة
التعدد الذي لا مفر منه لانه انتشر اخيرا في المنطقة
حقوا تسوق ليك بضاعة تمشي مع الموضة ونحن اكيد ما بنقيف في
نفس المكان الميديا مفتوحة والتفكير اتغير حقوا
تجييب الناس البتحكم بالصندوق وتشوف منهم اسباب الفشل وكيفية المعالجة
ويبك من المشاريع المجربة وكفانا ظلام وخراب
البرنامج فكرته جيدة وعليك تحديد الهدف منه
|
Post: #2
Title: Re: الأخ حسن التوم وحوار الطرش في BN
Author: انور التكينة
Date: 09-26-2012, 06:05 PM
Parent: #1
لعلك تقصد الاستاذ الطاهر حسن التوم و برنامج حتى تكتمل الصورة !!!
|
Post: #3
Title: Re: الأخ حسن التوم وحوار الطرش في BN
Author: adil amin
Date: 09-27-2012, 06:45 PM
Parent: #2
المشكلة يا مبارك مش الشيوعيين والكيزان ميهمنين على الميديا السودانية
بل حتى فضائية الجزيرة والبي بي سي
ويحسبوهم علينا لبيب
والله يختو الصندوق ده الليلة
لا كوز لا شيوعي ما تقوم لهي قائمة في السودان
زمان قلنا ليهم بضاعة خان الخليلي الكانت بتجيبا المرحومة بت كلس من مصر دي ما بتنفع في 2012 وزمن الحركة الشعبية
لكن نسوي شنو
كل ديكا في بلدو عوعاي
مع العلم السودان ما بلد هذه الايدولجيات السقيمة
طبعا بتقصد الحلقة بتاعة غازي صلاح الدين × الشفيع خضر
قالو شنو الطائفية انتهت في السودان
طيب لمن اخلي الانصار والختمية وابقى كوز او شيوعي او بعثي او ناصري اوسلفي او حديدا او حجارة او شيء من ما يعظم في نفوسكم استفيد شنو؟
حاتحول لي نسخة سودانية مضروبة..وعملة مضروبة غير صالحة للتدوال في القرن 21 واكون اتحولت الى الاسوا
وده الاصر النحن بنحارب فيه هنا زمن
الافكار والبرنامج السودانية تتعايش مع بعضها البعض والمشاريع الوافدة تدمر السودان
طال ما القبة البتضوي النيل ديك قاعدة مافي مشكلة ابدا
بس يختو الصندوق ونشوف
|
|