إنتو كدة ولا أنا برااااي ...(أفتوني) ؟!

Post: #1
Title: إنتو كدة ولا أنا برااااي ...(أفتوني) ؟!
Author: داليا حافظ
Date: 03-16-2009, 08:12 AM
Parent: #0

قلب مقبوض ..ونوم مجهج ..وشغل تعبان !

Post: #2
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-16-2009, 08:16 AM
Parent: #1

غالبني أكتب في أي حاجة ..

Post: #5
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-16-2009, 08:20 AM
Parent: #2

أي موضوع أحاول فتحو في الوكت ده بعيدا عن ما يحدث في السودان ...بشوف ما وقتو .

Post: #11
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-16-2009, 08:27 AM
Parent: #5

ماااحزينة لكن في نفس الوقت ماااقادرة أفرح!!

Post: #9
Title: Re: إنتو كدة ولا أنا برااااي ...(أفتوني) ؟!
Author: saif addawla
Date: 03-16-2009, 08:26 AM
Parent: #2

العزيزة داليا

الحال من بعضه يا عزيزتي ، كتاباتك وتعليقاتك تدل على وقار ورجاحة عقل لا يستوي معهما ( الشبع ) في النوم في مثل هذه الظروف

مع خالص تحياتي

سيف الدوله

Post: #19
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-16-2009, 08:51 AM
Parent: #9

Quote: الحال من بعضه

يعنى انا براي يا سيف ربنا يطمنا كلنا ..

ألف شكر

Post: #3
Title: Re: إنتو كدة ولا أنا برااااي ...(أفتوني) ؟!
Author: Hussein Mallasi
Date: 03-16-2009, 08:17 AM
Parent: #1

انت بسببك .. نحن مالنا!

Post: #6
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-16-2009, 08:23 AM
Parent: #3

Quote: انت بسببك .. نحن مالنا!

نسيت انك هولندي .

Post: #10
Title: Re: إنتو كدة ولا أنا برااااي ...(أفتوني) ؟!
Author: Hussein Mallasi
Date: 03-16-2009, 08:27 AM
Parent: #6

التزمي بتسلسل المداخلات الزمني .. و تاني ما تنسي.

Post: #15
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-16-2009, 08:36 AM
Parent: #10

ما بوعدك .

Post: #4
Title: Re: إنتو كدة ولا أنا برااااي ...(أفتوني) ؟!
Author: حمور زيادة
Date: 03-16-2009, 08:17 AM
Parent: #1

تبري يمه من الزي ده

ما تشيلي هم قدر ده ..
البلد دي من الله خلقا عندها حراق روح
لا بتنصح لا بتموت

Post: #7
Title: Re: إنتو كدة ولا أنا برااااي ...(أفتوني) ؟!
Author: Abdlaziz Eisa
Date: 03-16-2009, 08:26 AM
Parent: #4

يا داليا

سلام

لا أفتي.. لكن الواحد علشان الحالات الزي دي تلقيه فاتح ليه بوستات متنوعة..
لما نتعكنن من بوستات السياسة نستريح ببوستات الجمال والطبيعة ولو بعيدة عن الوطن..
واحيانا ندخل بوستات الرياضة..
نلقى المزاج انعدل والأفكار انتظمت للمشاوير الجديدة..

تحياتي
عبدالعزيز

Post: #23
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-16-2009, 08:58 AM
Parent: #7

Quote: لا أفتي.. لكن الواحد علشان الحالات الزي دي تلقيه فاتح ليه بوستات متنوعة..

يا ريت أقدر أعمل ده ..شكرا عبد العزيز

Post: #8
Title: Re: إنتو كدة ولا أنا برااااي ...(أفتوني) ؟!
Author: معتصم دفع الله
Date: 03-16-2009, 08:26 AM
Parent: #4

أولاً .. عليك تلاتة يوم ما تشوفي سودانيز أون لاين ..
ثانياً .. أبعدي من تلفزيون السودان ..

ثالثاً .. سلامتك يا داليا ما تشوفي شر ..

Post: #13
Title: Re: إنتو كدة ولا أنا برااااي ...(أفتوني) ؟!
Author: omer osman
Date: 03-16-2009, 08:33 AM
Parent: #8

أضربي الهم بالفرح ..... أو هكذا قالوا

Post: #24
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-16-2009, 09:03 AM
Parent: #13

Quote: أضربي الهم بالفرح ..... أو هكذا قالوا

والله حاولت ياعمر الفرح ده ابا لي .

Post: #18
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-16-2009, 08:47 AM
Parent: #8

Quote: ثانياً .. أبعدي من تلفزيون السودان ..

والله يا معتسم تلفزيونا (اللاقومي )..كل ما أحضرو (المصران العصبي ) بقرب أكتلني .

لكن برضو بحضرو

Post: #17
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-16-2009, 08:41 AM
Parent: #4

Quote: البلد دي من الله خلقا عندها حراق روح
لا بتنصح لا بتموت

ما قلت إلا الحق يا حمور لكن لمتين ؟

Post: #20
Title: Re: إنتو كدة ولا أنا برااااي ...(أفتوني) ؟!
Author: حمور زيادة
Date: 03-16-2009, 08:53 AM
Parent: #17

Quote: ما قلت إلا الحق يا حمور لكن لمتين ؟

"كل ماله بداية له نهاية "

او عليك بفلسفة طبائع الاشياء .. فيها راحة

Post: #12
Title: Re: إنتو كدة ولا أنا برااااي ...(أفتوني) ؟!
Author: محمد عبدالقادر سبيل
Date: 03-16-2009, 08:31 AM
Parent: #1

آي والله
بالجد

الناس يا داليا فاكرة الحكاية بشير وانقاذ وبس

والله القصة دي صومال وأسوأ من الصومال
بس خلي اليقبضوا البشير او يقتلو برصاصة وتعالي شوفي
مافي زول بتلفت لكلمة سمحة وللا صوت عقل
مافي الا الانتقام والشكوك والتهم
والجنوبين موقفهم يا داليا وااااضح
في احسن الاحوال حاسنسحبوا لحدود 56
والله يستر على النيل الازرق وجبال النوبة واب ياي
الانتقام حايكون حدو انجمينا والحدود حا تكون مهددة والدم للركب
والبديل منو
بكري صالح؟
عبد الرحيم محمد حسين؟
او عسكري آخر من جوة القيادة العامة
مافي غيرهم
الجيش حا يتدخل ويستلم بذريعة منع الفوضى
الى متى الله اعلم
كل كله ممكن جدا ووارد بقوة وفي اي لحظة
مامعقول مامعقول الناس المعرضة وشمتانة في البورد دا وانصار المتمردين ما هاميهم كلو كلو
شئ عجيب فعلا

Post: #14
Title: Re: إنتو كدة ولا أنا برااااي ...(أفتوني) ؟!
Author: حمور زيادة
Date: 03-16-2009, 08:36 AM
Parent: #12

Quote: والله القصة دي صومال وأسوأ من الصومال
بس خلي اليقبضوا البشير او يقتلو برصاصة وتعالي شوفي
مافي زول بتلفت لكلمة سمحة وللا صوت عقل
مافي الا الانتقام والشكوك والتهم
والجنوبين موقفهم يا داليا وااااضح
في احسن الاحوال حاسنسحبوا لحدود 56
والله يستر على النيل الازرق وجبال النوبة واب ياي
الانتقام حايكون حدو انجمينا والحدود حا تكون مهددة والدم للركب

شيخ سبيل ..
تحياتي
انت متأكد انك قاري الوضع صاح ؟
يعني لو انت متأكد من انو ده الحيحصل مفروض تكون مطالب الرئيس انو يفدي البلد بتسليم نفسو او على الاقل عقد صفقة سياسية عشان ده كلو ما يحصل.

الموضوع ما قدر ده يا شيخ سبيل.
هو مقلق ..
لكن قرايتك مخيفة.
و اساسا داليا ست البوست ما ناقصة

Post: #25
Title: Re: إنتو كدة ولا أنا برااااي ...(أفتوني) ؟!
Author: معتصم دفع الله
Date: 03-16-2009, 09:05 AM
Parent: #14

Quote: يعني لو انت متأكد من انو ده الحيحصل مفروض تكون مطالب الرئيس انو يفدي البلد بتسليم نفسو او على الاقل عقد صفقة سياسية عشان ده كلو ما يحصل.
مش عليك الله المفروض دا يحصل يا حمور ..
يديك العافية يا حبيب ..

يا داليا ..
تلفزيونا اللا قومي دا حدنا معاهو برنامج الرياضة يوم الجمعة بس ..
نحن ناقصين وجع ..

Post: #29
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-16-2009, 09:31 AM
Parent: #14

Quote: و اساسا داليا ست البوست ما ناقصة

يا حمور وحات الله أنت قاريني ..ما ناقصة جد ..

شكرا كتييير .

Post: #27
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-16-2009, 09:25 AM
Parent: #12

Quote: والله القصة دي صومال وأسوأ من الصومال
بس خلي اليقبضوا البشير او يقتلو برصاصة وتعالي شوفي
مافي زول بتلفت لكلمة سمحة وللا صوت عقل
مافي الا الانتقام والشكوك والتهم
والجنوبين موقفهم يا داليا وااااضح
في احسن الاحوال حاسنسحبوا لحدود 56
والله يستر على النيل الازرق وجبال النوبة واب ياي
الانتقام حايكون حدو انجمينا والحدود حا تكون مهددة والدم للركب
والبديل منو

أستاذ عبدالقادر الله يطمنك قدر ما أفزعتني ..إنتقام منو من منو وأي شكوك وأي تهم ؟!
Quote: والبديل منو
بكري صالح؟
عبد الرحيم محمد حسين؟
او عسكري آخر من جوة القيادة العامة
مافي غيرهم
الجيش حا يتدخل ويستلم بذريعة منع الفوضى
الى متى الله اعلم

إلى عشرين سنة اخرى عقدين تاني يضيعوا من عمرنا لوفضل فيهو تاني عشرين ..
Quote: كله ممكن جدا ووارد بقوة وفي اي لحظة

بتفق معاك في الاخيرة دي

Post: #16
Title: Re: إنتو كدة ولا أنا برااااي ...(أفتوني) ؟!
Author: هشام مدنى
Date: 03-16-2009, 08:38 AM
Parent: #1

علينا ان نتذكر دائما بقدر ما فى حزن فى فرح

Post: #21
Title: Re: إنتو كدة ولا أنا برااااي ...(أفتوني) ؟!
Author: Emad Abdulla
Date: 03-16-2009, 08:55 AM
Parent: #16

قَبلِك وحّدِك .. و براك

.....
أديها موية باردة .. و طنِشي .

Post: #34
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-16-2009, 10:03 AM
Parent: #21

Quote: أديها موية باردة .. و طنِشي

مويتم ذاتا هنا مسيييخة والايام ده ما بتتبلع ...يا عني ما حليتا يا عمدة .

Post: #22
Title: Re: إنتو كدة ولا أنا برااااي ...(أفتوني) ؟!
Author: Zomrawi Alweli
Date: 03-16-2009, 08:57 AM
Parent: #16

Quote: إنتو كدة ولا أنا برااااي ...(أفتوني) ؟!

والله ما قادر افتيك بهمومي ولا افديك بي عيوني

المهم اشربي كباية عصير اناناس بارد
وافتحي الشباك وارمي قشر الموز على راس الماشين في الشارع
لغاية ما واحد يهرشك ويقول ليكي دا شنو يا بت انتي مجنونة؟؟
حتضحكي شديد.. وتنسي الهموم لانك حتعرفي انو في واحد عرف انك مجنونة

لا اله الا الله ما تكلش سمك ولا بيض

ولا اقولك اطلعي فوق في البيت الابيض دا وارمي نفسك منه

Post: #26
Title: Re: إنتو كدة ولا أنا برااااي ...(أفتوني) ؟!
Author: Deng
Date: 03-16-2009, 09:17 AM
Parent: #22

داليا.

انتي براك.

Post: #28
Title: Re: إنتو كدة ولا أنا برااااي ...(أفتوني) ؟!
Author: محمد الواثق
Date: 03-16-2009, 09:26 AM
Parent: #26

قراءة الأخ سبيل لا يستطيع أي عاقل الا ان يأخذها مأخذ الجد، وعلى الذين في ايديهم القلم ان يعوا قبل ان ( يعوعوا) و(يتباعوا) .

بت الحافظ

الهم العام يشغل الجميع .

لكن اول مره اتكيف من همز ولمز ملاسي :

واكرر انت بسببك ((((((((((((((( الخاص ))))))))))))))))) .

والقصه قصة هنود (( الهندي بتاعك داك ))

Post: #31
Title: Re: إنتو كدة ولا أنا برااااي ...(أفتوني) ؟!
Author: أميرة فاروق عبد العال
Date: 03-16-2009, 09:41 AM
Parent: #28

الأخت داليا..
والله كلنا كده،
لكن بس مرة مرة..
وعلى رأي الأخ حمور،
دي بلد الهموم- كل يوم هم جديد..
وعدم وضوح الرؤيا دائـــــــما..

Post: #38
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-16-2009, 10:32 AM
Parent: #31

Quote: دي بلد الهموم- كل يوم هم جديد..

الله يسلما ويسلمنا من الهموم جد تعبنا يا أميرة .

Post: #33
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-16-2009, 09:58 AM
Parent: #28

Quote: وعلى الذين في ايديهم القلم ان يعوا قبل ان ( يعوعوا) و(يتباعوا) .

بت الحافظ

ليه كدة يا استاذ الواثق نحن بينا الإحترام وأنا بنتقي كلماتي جدا ولا أنا (بعوعي ) ولا عندي (أتباع)

لوسمحت تقول رأيك بمنتهى الإحترام .
Quote: لكن اول مره اتكيف من همز ولمز ملاسي

إذا كنت من البتكيفو من الهمز واللمز فده شأنك .

Quote: واكرر انت بسببك ((((((((((((((( الخاص ))))))))))))))))) .

والقصه قصة هنود (( الهندي بتاعك داك ))

ده برضو همز ولمز مع سبق الإصرار والترصد ..وتشكيك في فكرة البوست ومحاولة لتسخيف تفكيري وده كلو مرفوض تماما .

Post: #45
Title: Re: إنتو كدة ولا أنا برااااي ...(أفتوني) ؟!
Author: محمد الواثق
Date: 03-16-2009, 12:06 PM
Parent: #33

اختنا المحترمة جدا

داليا بت الحافظ

الإحترام محفوظ جدا

مالك خاشه فيني شمال .

ال في ايدهم القلم : انا قاصد بيها ناس الحكومة والحركات الدارفورية بدل ما ما يقعدو يتكلموا في الفضائيات بملاسنات لا فائدة منها غير ازكاء الخلاف ، عليهم ان يجلسوا ويفكروا في مخرج يجنب السودان المواجهات مع المجتمع الدولي والصراعات الداخلية . قبل ما البيع يحصل ويجدون انفسهم ( حكومة وحركات مسلحة ) خارج الدائرة .

هذا ما عنتيه بالجمل الأولى .

بعدين انا علقت على كلام ملاسي على اعتبار انك مهمومه بشأن ( سعيد ) خاص بك .

ولمحاولة مني لتقريب الفكرة كتبت قصة الهندي ( البوست بتاع الحلم الهندي ) . قاصدا من ذلك تقريب فكرة الحدث ( السعيد ) .

وانا قلت بالحرف الواحد ( انا اول مره اتكيف من ) وفي هذا دلالة واضحة لعدم حبي للهمز واللمز .

عموماً :

اذا ما فهمتي ما اعني فلك العتبى حتى ترضين . والبينا عامره .

Post: #47
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-16-2009, 01:01 PM
Parent: #45

Quote: داليا بت الحافظ

الإحترام محفوظ جدا

مالك خاشه فيني شمال .

ال في ايدهم القلم : انا قاصد بيها ناس الحكومة والحركات الدارفورية بدل ما ما يقعدو يتكلموا في الفضائيات بملاسنات لا فائدة منها غير ازكاء الخلاف ، عليهم ان يجلسوا ويفكروا في مخرج يجنب السودان المواجهات مع المجتمع الدولي والصراعات الداخلية . قبل ما البيع يحصل ويجدون انفسهم ( حكومة وحركات مسلحة ) خارج الدائرة .

هذا ما عنتيه بالجمل الأولى .

بعدين انا علقت على كلام ملاسي على اعتبار انك مهمومه بشأن ( سعيد ) خاص بك .

ولمحاولة مني لتقريب الفكرة كتبت قصة الهندي ( البوست بتاع الحلم الهندي ) . قاصدا من ذلك تقريب فكرة الحدث ( السعيد ) .

وانا قلت بالحرف الواحد ( انا اول مره اتكيف من ) وفي هذا دلالة واضحة لعدم حبي للهمز واللمز .

عموماً :

اذا ما فهمتي ما اعني فلك العتبى حتى ترضين . والبينا عامره .

كلامك يا محمد الواثق بحتمل التاويل وعموما يا سيدي إعتذارك مقبول وانا برضو بعتذر عن الحدة الرديت بيها .

Post: #37
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-16-2009, 10:23 AM
Parent: #26

Quote: انتي براك.

طلعت ما براي يادينق .

Post: #36
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-16-2009, 10:08 AM
Parent: #22

Quote: حتضحكي شديد.. وتنسي الهموم لانك حتعرفي انو في واحد عرف انك مجنونة

جد ضحكتني يا زمراوي
Quote: ولا اقولك اطلعي فوق في البيت الابيض دا وارمي نفسك منه

لكن في دي إتلومت .

Post: #30
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-16-2009, 09:37 AM
Parent: #16

Quote: علينا ان نتذكر دائما بقدر ما فى حزن فى فرح

كلامك سليم لكن لا لامين في الفرح لا في الحزن يا هشام .

Post: #32
Title: Re: إنتو كدة ولا أنا برااااي ...(أفتوني) ؟!
Author: ALMURADABI
Date: 03-16-2009, 09:55 AM
Parent: #30

Quote: [والله يا معتسم تلفزيونا (اللاقومي )..كل ما أحضرو (المصران العصبي ) بقرب أكتلني ]
TE]

ألم تسمعي قول علي عثمان بأن من قدر الله إلى قدر الله..

إذن أتكلي على الله وكفى..

Post: #40
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-16-2009, 10:55 AM
Parent: #32

Quote: إذن أتكلي على الله

ونعم بالله يا موردابي .

Post: #35
Title: Re: إنتو كدة ولا أنا برااااي ...(أفتوني) ؟!
Author: العوض المسلمي
Date: 03-16-2009, 10:04 AM
Parent: #30

كلنا زيك في ذلك الامر

Post: #39
Title: Re: إنتو كدة ولا أنا برااااي ...(أفتوني) ؟!
Author: احمد سردوب
Date: 03-16-2009, 10:54 AM
Parent: #35

Quote: إنتو كدة ولا أنا برااااي ...(أفتوني) ؟!

قلب مقبوض ..ونوم مجهج ..وشغل تعبان !

داليا ازيك
غايتو ما طمنتيني لانك احسن مني كتير
قولي لي قبلك وحدك وما قابلك شر
وانتي زااااااااااااااااااااتك ما قابلك شر

Post: #43
Title: Re: إنتو كدة ولا أنا برااااي ...(أفتوني) ؟!
Author: محمد عبدالقادر سبيل
Date: 03-16-2009, 11:21 AM
Parent: #39

Quote: يعني لو انت متأكد من انو ده الحيحصل مفروض تكون مطالب الرئيس انو يفدي البلد بتسليم نفسو

شيخ حمور اخوي
دا واحد من اسوأ السيناريوهات تتصور؟
الناس ما عارفة
انو في عناصر راديكالية جدا داخل الجيش والدفاع الشعبي وخارجم
بيفتكروا انو كلبشة الرئيس واحتجازو جوة القفص اهانة بالغة جدا لانه هو قايد الجيش الاعلى
وهذه اهانة واحتقار للجيش السوداني كله
كونو القايد بتاعم يكلبشنو نساوين سمان ويختنوا قدامن ذليل لحد القفص
كتيرة والله لررجال السودانيين ساكت
خلي الجعليين
وخلي العساكر
لا لا كتيرة
مين قال ليك انو مافي عناصر متشددة منتظرة الرئيس يرخي ويرضخ ويحاول يفدي السودان بيروحو
اذا قدم البشير استقالتو ونوى تسليم نفسه في احتمال كبير يتم اعدامو فورا
اما من جانب الجيش دفاعا عن الشرف العسكري ( القايد يستسلم !!)
واما من جانب الأمن
او من جانب الذي يخشى على نفسه من ان يجره التحقيق مع البشير
يعني حياة الرئيس في خطر شديد اذا اقدم على تسليم نفسه حتى ولو بعد الاستقالة
لانو منو الحايقبل استقالتو من الجيش ؟
بكري وللا عبد الرحيم وللا نميري؟
الموقف عجيب جدا وفوق كل تصور
والعجب العجاب هو موقف فرنسا اليومين ديل
بالله بتتعامل بصورة عاطفية انتقامية لا مبالية بشكل ما معقول
حالفة يمين كان حتى تختطفوا من الجو ما تخليو
بغض النظر عن التداعيات
يافراج الكرب
ياولي المستضعفين
انت ولي كل ذلك والقادر عليه
اللهم الطف بنا وباهلنا ووطننا
اللهم هاهي مكائد شياطين الانس والجن فاجعل لنا من بينهن مخرجا
_______________
رب اشرح لي صدري

Post: #48
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-16-2009, 02:57 PM
Parent: #39

Quote: قولي لي قبلك وحدك وما قابلك شر
وانتي زااااااااااااااااااااتك ما قابلك شر

الشر برة وبعيد يا احمد وربنا يسلم الجميع

Post: #41
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-16-2009, 11:02 AM
Parent: #35

Quote: كلنا زيك في ذلك الامر

أكيد ياحاج العوض مافي شك .

Post: #42
Title: Re: إنتو كدة ولا أنا برااااي ...(أفتوني) ؟!
Author: osman abdala
Date: 03-16-2009, 11:17 AM
Parent: #41

]داليا سلام

وربنا يهدي النفوس

ويرفع المعنويات

وان شاء الله القلم يطاوعك للكتابة

Post: #56
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-17-2009, 07:20 AM
Parent: #42

Quote: وربنا يهدي النفوس

ويرفع المعنويات

أمين يا أسامة ربنا يجيب العواقب سليمة .

Post: #44
Title: Re: إنتو كدة ولا أنا برااااي ...(أفتوني) ؟!
Author: أيمن الطيب
Date: 03-16-2009, 11:22 AM
Parent: #41

سلام يا داليا,,

إنت ما براك!!!

مودتى,,

Post: #46
Title: Re: إنتو كدة ولا أنا برااااي ...(أفتوني) ؟!
Author: محمد الواثق
Date: 03-16-2009, 12:55 PM
Parent: #44

اختنا المحترمة جدا

داليا بت الحافظ

الإحترام محفوظ جدا

مالك خاشه فيني شمال .

ال في ايدهم القلم : انا قاصد بيها ناس الحكومة والحركات الدارفورية بدل ما ما يقعدو يتكلموا في الفضائيات بملاسنات لا فائدة منها غير ازكاء الخلاف ، عليهم ان يجلسوا ويفكروا في مخرج يجنب السودان المواجهات مع المجتمع الدولي والصراعات الداخلية . قبل ما البيع يحصل ويجدون انفسهم ( حكومة وحركات مسلحة ) خارج الدائرة .

هذا ما عنتيه بالجمل الأولى .

بعدين انا علقت على كلام ملاسي على اعتبار انك مهمومه بشأن ( سعيد ) خاص بك .

ولمحاولة مني لتقريب الفكرة كتبت قصة الهندي ( البوست بتاع الحلم الهندي ) . قاصدا من ذلك تقريب فكرة الحدث ( السعيد ) .

وانا قلت بالحرف الواحد ( انا اول مره اتكيف من ) وفي هذا دلالة واضحة لعدم حبي للهمز واللمز .

عموماً :

اذا ما فهمتي ما اعني فلك العتبى حتى ترضين . والبينا عامره .

Post: #49
Title: Re: إنتو كدة ولا أنا برااااي ...(أفتوني) ؟!
Author: حمور زيادة
Date: 03-16-2009, 03:03 PM
Parent: #46

Quote: اذا قدم البشير استقالتو ونوى تسليم نفسه في احتمال كبير يتم اعدامو فورا
اما من جانب الجيش دفاعا عن الشرف العسكري ( القايد يستسلم !!)
واما من جانب الأمن
او من جانب الذي يخشى على نفسه من ان يجره التحقيق مع البشير

يا شيخ سبيل ..
و الله انا كنت قايل روحي متشائم ..
لكن لقيتك فايتني شديد
اذا نوى الرئيس تسليم نفسو فما بتكون خطوة شخصية حقتو براو.
ثم مفاصل الامور في يد المؤتمر الوطني.
سواء الجيش او الامن او الذين يخشون على انفسهم
(بالمناسبة يخشون على انفسهم دي ادانة منك ليهم لأنو البرئ لن يقتل خشية ان يجره التحقيق )
فلو في قرار بفداء البلد ما بيكون حق الرئيس بقدر ما بيكون حق الحزب او المجموعة النافذة في الحزب.
اها ديل لو اتفقو .. مافي زول بيعترض
من قيادات الدولة حتى اصغر منتسب لامانة الشباب بالحزب الحاكم.

عموما انا ذكرت لك فرضية التسليم كاستنكار للسناريو الذي عرضته انت
لكن توبتني منو لأنو لقيت عندك سناريو اسوأ من الاول داك

يا شيخ سبيل قول خير
و ربك بيفرجا

Post: #52
Title: Re: إنتو كدة ولا أنا برااااي ...(أفتوني) ؟!
Author: محمد عبد الماجد الصايم
Date: 03-16-2009, 03:25 PM
Parent: #49

الموضوع دا خلص ولا ممكن نتلب فيهو؟

Post: #58
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-17-2009, 07:29 AM
Parent: #52

Quote: الموضوع دا خلص ولا ممكن نتلب فيهو؟

لا شكرا تلب منو .

Post: #59
Title: Re: إنتو كدة ولا أنا برااااي ...(أفتوني) ؟!
Author: Zomrawi Alweli
Date: 03-17-2009, 07:34 AM
Parent: #52

يا محمد عبدالماجد الصايم

انت تلقاك قرفان شديد اكثر من داليا الحافظ
شايفك منتظر من زمان الزول المكتبو فاضي على يمينك
تلب ياخو تلب عسى تفكك من زهج الانتظار دا

انشاء الله زهجك فك يا داليا يا بت ام داليا

Post: #68
Title: Re: إنتو كدة ولا أنا برااااي ...(أفتوني) ؟!
Author: محمد عبد الماجد الصايم
Date: 03-17-2009, 08:26 AM
Parent: #59

Quote: شايفك منتظر من زمان الزول المكتبو فاضي على يمينك

زمراوي يا عمكـ
الصورة دي في البيت ياخ!

منتظرين الفطور .. الظاهر لي كان تركين

Post: #54
Title: Re: إنتو كدة ولا أنا برااااي ...(أفتوني) ؟!
Author: ابراهيم سائحون
Date: 03-16-2009, 03:32 PM
Parent: #44

فى الشارع و فى البيت و فى المكتب

و حين تكون بصحبه اولائك الناس الذين جعلهم الله لك رفقه

تجد ان الارض و الانسان معآ يضنان عليك بالفرح

و تجدك انت و حدك فى اعتكار نفسك و فى تجنى الذات عليك

الى متى و حتى متى يا موطنى ...

يا ارض المليون

يا ايها الشعب الذى لهبت ثوريته

و تساقطت هاماته رمادآ و تلال

ابت الا ان تفرقنا و تعفن ما تبقى من مياهنا العذبه

حتى متى يا موطنى

Post: #60
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-17-2009, 07:36 AM
Parent: #54

Quote: الى متى و حتى متى يا موطنى ...

يا ارض المليون

يا ايها الشعب الذى لهبت ثوريته

و تساقطت هاماته رمادآ و تلال

إلى متى فعلا يا سائحون ؟

Post: #57
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-17-2009, 07:26 AM
Parent: #44

Quote: إنت ما براك!!!

قصدك (ترللي ) عليك الله البخلي الزول ما يجن شنو .

شكرا يا ايمن

Post: #50
Title: Re: إنتو كدة ولا أنا برااااي ...(أفتوني) ؟!
Author: سيف الدين مصطفى كرار
Date: 03-16-2009, 03:15 PM
Parent: #1

انسى همومك وخليك مع حنان بلوبلو

Post: #51
Title: Re: إنتو كدة ولا أنا برااااي ...(أفتوني) ؟!
Author: حمور زيادة
Date: 03-16-2009, 03:25 PM
Parent: #50

يا داليا احكي ليك الحكاية دي و الله انا زاتي شفقتني و شكلي ما حانوم زيك ..
واحد في الاذاعة كان بيتكلم عن اوكامبو
كان ماشي سميييييح في رفض الادعاءات و ما شابه من الكلام المكرر ..
فجأه قال :
" و احب اقول معلومة مهمة انو الان اوكامبو و من خلفه اصبحو معزولين تماما و يبحثون عن حلول "
اها لما سمعت الكلام ده اتذكرتك و اتذكرت بوستك ده ..
و قلت اذا كان ده الكلام البيتقال في الراديو فمعناها مفروض بالجد نقلق.

Post: #64
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-17-2009, 08:08 AM
Parent: #51

Quote: كان ماشي سميييييح في رفض الادعاءات و ما شابه من الكلام المكرر ..
فجأه قال :
" و احب اقول معلومة مهمة انو الان اوكامبو و من خلفه اصبحو معزولين تماما و يبحثون عن حلول "

والله لا عرفت أضحك ولا أبكي يا حمور ...ياخ الخطاب المستخدم مع الشعب السوداني والله بحير ..انا بحضر تلفزيون السودان

وبعد كلو مرة أحضرو بحس بالحزن وبقلة الحيلة ..وبسأل نفسي ديل جادين ؟!!بقنعوا في نفسهم ولا في الناس ..وبشحنوا في

همة منو قصاد شنو ؟ والبكتل أنو الناس في السودان قاعدين راجين المصير البتجروا ليهم( الإنقاذ ) بين مصدقين ومستبعدين

،ديل أفقدو الناس الإحساس بالتفاعل ، أفقدوهم القدرة على التفكير المنطقي ...تعتيم ..تضليل.. وإلتواء في تقديم

الحقائق ...لمتين يا حمور البحصل ده لصالح منو ؟!

Quote: و قلت اذا كان ده الكلام البيتقال في الراديو فمعناها مفروض بالجد نقلق.

طبعا يا حمور لازم نقلق ..تتذكر (الصَحاف ) وحديث (العلوج ) ..أقلق يا حمور أقلق شديد .

Post: #53
Title: Re: إنتو كدة ولا أنا برااااي ...(أفتوني) ؟!
Author: محمد البشرى الخضر
Date: 03-16-2009, 03:26 PM
Parent: #50

Quote: ونوم مجهج
دي من قبيل انا بحاول افهمها

شفتي الإنصرافية كيف؟

Post: #55
Title: Re: إنتو كدة ولا أنا برااااي ...(أفتوني) ؟!
Author: JAD
Date: 03-16-2009, 03:55 PM
Parent: #53

قلب مقبوض ..ونوم مجهج ..وشغل تعبان !

موية كتير بقر شبعان ..

ذكرتيني أهزوجة الجنوبيين الحميلة ديل ..

هي في الغالب أعراض وجع الروح ..

عادي عادي ..

تحياتي لك وللمتداخلين ..

جاد

Post: #62
Title: Re: إنتو كدة ولا أنا برااااي ...(أفتوني) ؟!
Author: أيمن الطيب
Date: 03-17-2009, 07:49 AM
Parent: #55

سلاما يا داليا,,
Quote: قصدك (ترللي ) عليك الله البخلي الزول ما يجن شنو
.ترللى دا عندو أى علاقة ب( ترا ترا)!!!!!!
Quote: و قلت اذا كان ده الكلام البيتقال في الراديو فمعناها مفروض بالجد نقلق
نحن كلنا مفروض نحيى الحبيب حمّّور دا لأنه لسه ما قلّق,,,لكن نصيحتى لي ما تصل التلفزيون !!!! بكتلك,,,

تحياتى,,,

Post: #63
Title: Re: إنتو كدة ولا أنا برااااي ...(أفتوني) ؟!
Author: هيثم درار
Date: 03-17-2009, 07:53 AM
Parent: #55

Quote:
Quote: الموضوع دا خلص ولا ممكن نتلب فيهو؟

لا شكرا تلب منو .

كااااااااااك
ما تنسى الباقى

Post: #70
Title: Re: إنتو كدة ولا أنا برااااي ...(أفتوني) ؟!
Author: محمد عبد الماجد الصايم
Date: 03-17-2009, 08:39 AM
Parent: #63

Quote: كااااااااااك
ما تنسى الباقى

يا عمكـ
باقي شنو ياخ!

نحن بنتلب كريدت وكــدا!

Post: #66
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-17-2009, 08:17 AM
Parent: #55

Quote: هي في الغالب أعراض وجع الروح ..

عادي عادي ..

أها وجع الروح ده بعالجو كيف يا جاد ؟

Post: #83
Title: Re: إنتو كدة ولا أنا برااااي ...(أفتوني) ؟!
Author: Isamil Hussein
Date: 03-20-2009, 04:51 AM
Parent: #66

ياداليا إنتي في السودان واللا بره لأنه تشخيص أعراض حالتك ده يعتمد علي مكان وجودك والبيئة المحيطة بيكي

Post: #67
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-17-2009, 08:20 AM
Parent: #53

Quote: شفتي الإنصرافية كيف؟

عشان صورة الحلوين دي ما حأرد ليك

Post: #61
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-17-2009, 07:41 AM
Parent: #50

Quote: انسى همومك وخليك مع حنان بلوبلو

قلت كدة يا سيف ...ماااشي .

Post: #65
Title: Re: إنتو كدة ولا أنا برااااي ...(أفتوني) ؟!
Author: Amany Elamin
Date: 03-17-2009, 08:17 AM
Parent: #61

دلوش:

نصيحه لوجه الله,,
ماتركزي شديد مع بلدنا دي..
بتفوتي..

هسي أنا كل ماأفكر في حكاية الرئيس يسافر قطر وللا لأ دي بتجهجه زيك,
ماعارفين نصدق منو, جماعة الرئيس زاتهم اتحيروا..
بقينا نسمع كلام علي وزن خطف طائرات رئاسيه واسقاطها,,
طيب دي ما حرب عديل,
هسي عليييييك الله البسمع الحاجات دي تاني بنوم؟

عشان كده أحسن ماتركزي...
تحياتي,,

Post: #71
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-17-2009, 08:59 AM
Parent: #65

Quote: نصيحه لوجه الله,,
ماتركزي شديد مع بلدنا دي..
بتفوتي..

هي المركزة معاي ..أفتح الجرايد ألقاها ..التلفزيون ألقاها ..ياخ أفتح المأسورة برضو بلقاها قدامي

مافي مفر يا أماني ..وكلو ما نبعد جغرافيا عنها ..بنحس انو روحنا فيها ..
Quote: طيب دي ما حرب عديل,
هسي عليييييك الله البسمع الحاجات دي تاني بنوم؟

عشان كدة ما أركز كيف ؟

تسلمي انت والبلد .

Post: #69
Title: Re: إنتو كدة ولا أنا برااااي ...(أفتوني) ؟!
Author: humida
Date: 03-17-2009, 08:31 AM
Parent: #61

Quote: قلب مقبوض ..ونوم مجهج ..وشغل تعبان
ههههههه ..
ياخي و الله مشكلة دي ..
كان بقت عليك براك هينة ..
هسع الناس الما حتنوم بعد ما قرت كلامك دا نعمل ليهم شنو ..
انت ما بتحضري MBC2 .. مش في مرات كدا المسئول الكبير بتفأجا انه ما كان عارف الموضوع ..
بقوموا يقولوا ليهو .. دي من اجل مصلحة الامن القومي ..
هسع في داعي تجهجهي الامن القومي كدا ..
شتتي لينا صف الوحدة الوطنية .. ما بين رئيس مطلوب .. و داليا ما قادرة تنوم و قلبا مقبوض ..
وانتي تعلمين يقينا انه النفخة الكدابة بتاعتنا قايمة علي حاجتين ..
عنترية جعلية نساند بيها الريس ..
و قلب رهيف .. نقلق بيهو عليك ..

..
..

الله يهدي سرك يا بتي ..

Post: #72
Title: Re: إنتو كدة ولا أنا برااااي ...(أفتوني) ؟!
Author: داليا حافظ
Date: 03-17-2009, 09:29 AM
Parent: #69

Quote: كان بقت عليك براك هينة ..
هسع الناس الما حتنوم بعد ما قرت كلامك دا نعمل ليهم شنو ..

طلعت ما براي ..الناس تراها ممكونة صابرة ..النوع الزي حلاتي

ده البفت الفي قلبو بريحهم شديد ..بخليهم يفضفضوا ..يعني الشعب ده يموت كمد ؟
Quote: وانتي تعلمين يقينا انه النفخة الكدابة بتاعتنا قايمة علي حاجتين ..
عنترية جعلية نساند بيها الريس ..
و قلب رهيف .. نقلق بيهو عليك ..

إن شاء لا تقلق على عزيز لا تساند رئيس .

Post: #73
Title: الخلاصة
Author: haider osman
Date: 03-17-2009, 09:47 AM
Parent: #1

غير الهولنديين... جميعهم الهمم حاميهم النوم...

بمعنى كلنا نفس حالتك....

ما عدا الذين يدفنون رؤسهم فى الرمل

خلاصة الخلاصة:

من مرت عليه حالتك ولو ثوانى اضمنى ان لديه وطنية مازالت حية..

Post: #74
Title: Re: الخلاصة
Author: داليا حافظ
Date: 03-17-2009, 10:30 AM
Parent: #73

Quote: كلنا نفس حالتك....

ما عدا الذين يدفنون رؤسهم فى الرمل

أو المغيبين يا حيدر أو الما مصدقين ..او المتشاغلين ..

Quote: من مرت عليه حالتك ولو ثوانى اضمنى ان لديه وطنية مازالت حية..

انا متأكدة انو الحالة دي مارة على الجميع بس في البتجاهلوها وفي البسخرو منها وفي المنازعين بين وبين ...النتيجة

كلنا بنحب بلدنا وفق الزاوية البنشوف بيها الامور ..وربنا يكدب الشينة .

شكرا كتير يا حيدر .

Post: #75
Title: Re: الخلاصة
Author: وليد محمد المبارك
Date: 03-17-2009, 10:50 AM
Parent: #74

دي بوادر مرض حامد

______________

الحال من بعضه يا داليا
من
.
.
بعضه

وربك يهون

Post: #76
Title: Re: الخلاصة
Author: داليا حافظ
Date: 03-17-2009, 12:08 PM
Parent: #75

Quote: الحال من بعضه يا داليا
من
.
.
بعضه

وربك يهون

إن شاءالله ياوليد .

Post: #77
Title: Re: الخلاصة
Author: صلاح أبودية
Date: 03-17-2009, 12:14 PM
Parent: #76

Quote: قلب مقبوض ..ونوم مجهج ..وشغل تعبان !

وشحتفة روح ..

وخمّت نفس ..

وضربة قلب ..

وراجوفه !!

Post: #78
Title: Re: الخلاصة
Author: khaleel
Date: 03-17-2009, 12:15 PM
Parent: #76

داليا

القصة عندها علاقة بي اوكامبو

وللا الازمة الاقتصادية

وسوق دبي اللحق غنم زهراء

يا ربي ناس الشغل يكونو قالو ليك

يا داليا (فحطي )

Post: #79
Title: Re: الخلاصة
Author: عمر الفاروق
Date: 03-17-2009, 12:55 PM
Parent: #78

دي اعراض مرض حامد ..

تخريمة :
في صدر صفحة مجلة سيدتي العدد 98734257 بتاريخ 12-ايار-2035 وفاة الفنانة صباح الشحرور متأثرة بحمى النفاس..

Post: #80
Title: Re: الخلاصة
Author: humida
Date: 03-17-2009, 01:12 PM
Parent: #79

يا عمر الفاروق ياخي انت ما مريحنا .. تقوم تجيب لينا ولدك ..
صغر الصورة دي ..
يعني اول تواجد منبري للزول دا .. يقوم يفتل لينا البوستات .. !!

Post: #81
Title: Re: الخلاصة
Author: عمر الفاروق
Date: 03-17-2009, 02:05 PM
Parent: #80

يعني يا حميدة ما اتفتل الا البوست ده ؟؟
طيب في بوست خراب ادريس الصورة دي ما كانت قااااعدة وما قلت لينا لا احم لا دستور ..
ولا عشان يعني الصور خشم بيوت بي جاي ..
تخريمة :
ما حاسي بي الام في الانكل او الرباط الصليبي بمناسبة احاسيس الناس الايام دي؟
انا غايتو حاسي بي ارتكاريا في الضمير..

Post: #82
Title: Re: إنتو كدة ولا أنا برااااي ...(أفتوني) ؟!
Author: طلال جبير جابر
Date: 03-17-2009, 03:52 PM
Parent: #1

كلنا في الهم سوا لكن الواحد يشوف ليهو شئ يصبرو
عالم عباس قال:-
ويـستلّ الكرى سيفا
يـضل طـريقه طـيفا
ويمضى بين قاع العين
والممتدِّ جسراً ما تداعى عند باب القلب
واذكـر كيف أحبابي استناموا عـن شكاياتي
وعـن ليلٍ
سهرت بهم أناجيهم ،
فما سمعوا ولا زاروا
ولا لربوعنا ساروا
فـما أحـد’’ يناديني
ولا طيف’’ يواتيني
ولا خبر’’ يواسيني
[IMG]http://www.sudaneseonline.com/uploadpic/Feb09upload

Post: #84
Title: Re: إنتو كدة ولا أنا برااااي ...(أفتوني) ؟!
Author: NEWSUDANI
Date: 03-20-2009, 07:09 AM
Parent: #82

sister
It could have been worst

Post: #85
Title: Re: إنتو كدة ولا أنا برااااي ...(أفتوني) ؟!
Author: عبدالغني كرم الله
Date: 03-20-2009, 07:19 AM
Parent: #84

....