الجماعة نسوا وردي ولا شنو الحصل

تحياتي للجميع امس احتفل اتحاد الفنانين باليوبيل الذهبي لعيده وللاسف لم يتنظروحتى عودة البلبل الغريد فنان السودان الاول وردي وعملوا حفلتهم التي بكل امانة وانا اشهد جزء منها بانها تفتقد لاهم شخص واهم عنصر محرك ومؤثر في نجاحها وردي ولكن من الذي مارس ضغوطاته على ود الامين والبقية من قيادة الاتحاد بالاحتفال بدون وردي وكذلك لم نحظى من المتابعة لان القناة الفاضية بقيادة عمر الجزلي قطعت الحفل بدون اي سابق انذار ولا حتى عفوا سوف ننتقل للاستديو فمباشرة اخبار عشرة وهي من الثوابت لا تنازل عنها حتى ولو كانت الاخبار عرس فلان وسافر علان واستشهد زيد وتمرد عبيد فكفاية مرمطة ياتلفزيون السودان اما كلمة وزير السياحة فلي معاها حديث اخر كفاية نفاق واتركوا الفنانين في حالهم فهم اجدر واقوي على رد اعتبارهم والعودة لمجدهم الذي سلب ولكن حتما سوف نعود لك يا وطن ونغني بين ربوعك مع وردي والموصلي وود اللمين وبقية المبدعين حفظك الله لنا يا وردي وردك لوطنك سالما

سباق بالخير
كنت ناوي طرح الموضوع بس يا جماعة اللي سجل الحفل يمطرنا بكلمة الاستاذ ودالامين للاهمية
وشكرا

يا ود الجيلي ديل هم ما خلو الواحد يحضر فيها شيء الا يكون واحد موجود في ام درمان كان حاضرها وياريت يتحفنا بيها واحتمال يعيدوها تاني لانو برضو التلفزيون متخصص في الاعادة والتكرار ولكن اشك في اعادة هذه الحفلة ولوكانت حاجة تانية لكان عادوها في صباح اليوم التالي
نعمل شنو ما قدرنا نكون تحت رحمة ........

ياناس الموصلي وقرشو والبقية هل صحيح انو وردي كان قاصد انو ما يحضر هذا الاحتفال وانه حاضر للسودان فقط من اجل دعوة ناس دال لانو هذه المقولة انا سمعتها من احد الاصدقاء بالهاتف قبل شوية وهو موجود في الخرطوم وبالمناسبة هو سجل الحفلة من المذياع وقلت له حاول بقدر المستطاع ارسالها لنا وحسب اقواله بان الاضاءة كانت تعبانة جدا والسخانة مولعة من عدم التكيف والمسرح ضيق جدا وزحمة في مواجهة المسرح وغيرها وربك يكون في العون ما دام امر فننا اصبح في ايدي هؤلاء يحركون الشعب السوداني كيفما هم ارادو
ابدا ما هنت يا سوداننا يوما علينا

وردى قيمة لاتنسى وتاريخ لا يتم محوه بمجرد عدم حضوره لحفل تتنازعة ضغوط الجبهة التى لاتعرف قيمة للإبداع ..يخاف الكيزان من حضور وردى فهو موكب ثورة وتظاهرة حرية وديمقراطية..كانت الدهشة ستغمرنا لو انتظر الاتحاد عودة وردى التى تأجلت لأسبوع واحد..
تحياتى
ود عزة

تسلم يا ودعزة دي المحريا فيك وفعلا لو وردي جاء ما كان حتلقى ليك طريقة توصلك لامدرمان وسوف يتم اغلاق شارع الاذاعة مش بالشرطة ولكن بالجماهير التي سوف تزحف كيوم الحشر صوب الاتحاد ولكن هؤلاء لم يريدوا ذلك بل ارادو ان تختصر هذه الاحتفالية بخطب رنانة وكلمات جهادية منهم ولكن سوف يظل ذلك الهرم الشامخ وردي كشموخ وعزة واباء السودان وسوف نحتفل بك يا وردي في كل لحظة فرح ونشدو معك بصوتك الذي يخافه هؤلاء الجبهجية

.وردي..إحتفالية بكبر الوطن ذاته

المهم أن طاقم التلفزيون المكون من الأستاذ عمر الجزلي وطارق جويلي والحاجة مدينة (نسيت إسمها) حرد الحفل عديل كدي..والسبب أن هناك قيتارة شدت إليها كل أذن وجذبت نحوها كل إنتباه بصوت عالي النبرة وبكلام جميل منمق ومنسق ومستق لم يستطع أفراد طاقم التلفزيون أن يطغوا عليها خاصة أنهم بدل التركيز على ممارسة مهنيتهم بدرجة عالية أنصرفوا إلى التأفف وصر الوش فقرروا بما لا يدع مجال الشك أن ينسحبوا من أمام تلك القيثارة..تخيلوا قيتارة تهزم مؤسسة كاملة

ولكن بأمانة من منكم من لم يشده تقديم تلك القيتارة للحفل وفقراته التي شاهدناها؟ وبالمناسبة من هي تلك القيتارة؟

والله فعلا يابناديها كانت قيثارة صوت شجي وكلمات مموسقة وهي لا ما اعتقد احدى المذيعات المعتقات وذات حس مرهف وذوق عالي فعمر الجزلي بعماماته الصفراء وابتسامته الصفراء التي اعتدنا عليها وطارق جويلي الذي ترك عقد الجلاد واصبح تايه بين احضان حوش التلفزيون والمذيعة دي اسمها برضو طار مني لكن باين عليها كانت مسخنة لمن غلط لانها شغالة تهبيب بورقة ودي حالة يا جماعة وين نحن وذي ما قلت يا بناديها فعلا سحبت تلك المذيعة البساط من تحت اقدام الجزلي وهنالك العديد من المبدعات امثال احسان عبد المتعال وليلي عوض ويسرية محمد الحسن وغيرهن من مبدعات بلادي
لك الله يا وردي وطنن وقت اشتاقه برحل ليهو من غير ذاد

عزيزي ابراهيم
الحقيقة ليس لي اي اخبار عن ماحدث بسبب زنقة الدراسه والتي انتهت
البارحه لهذا السمستر ولكن حسب قراتي لما جئتموا به من اخبار
فانني ارجح الاتي قد يكون بعض الفنانين قد اعتذروا او قاموا بالغاء
ارتباطاتهم انتظارا للموعد الذي حدد فيه عودة وردي الذي لظرف ما
قد تاخر واصبح من الصعب علي الفنانين ان يفعلوا ذلك ثانية خصوصا
وان معاناتهم اصبحت اشبه بالماساه في ظل سيطرة الكهربائيون
او ربما تحليلكم الاخر هو الصحيح وهو وارد ايضا عموما ليس لاتحاد
الفنانين اي مصلحة في عدم مشاركة احد زعماء قبيلتهم الكبار
مع حبي

الاستاذ المبدع دوما موصلي لك التحية وانت تخوض معركة الدراسة فانا لتفق معك تماما فيما طرحته بان ليس هنالك اي مصلحة من عملاقة الفن في عدم حضور وردي ولكن الضغوط التي مورست على قيادة الاتحاد وبالذات ود اللمين لانو انا شاهدته قبل الاحتفال بكم يوم مع مدير البرامج في التلفزيون وهو غير مرتاح وتشعر بانه في حالة قلق بالرغم ويتصبب عرقا ويجفف بالمنديل وربما يكون مع الجماعة كان في ورطة او في كيفية تاجيل الحفل ولكن كنا نتمى ونامل ان يحضر هذا الزعيم ولكن حضر بفنه وصوره التي غطت صفحات الصحف الرياضية السودانية والتي ابتهجت بموعد قدومه وسوف يظل وردي وتظل يا موصلي وياسقيد وحمزة سليمان وكل مبدعي بلادي في المنافي انتم من يشتعلون ليضؤء للاخرين كان الله في عونكم ومزيدا من الابداع
وكلمة وزير السياحة اعتذر عن نشرها هنا لسبب ما

اخي ابراهيم
اتفق معك واشكرك علي مواقفك العظيمه معنا ونحن نساند ووردي كما نساند
زملائنابالسودان حيث يبدو ان ظروف ادت الي تاخيره واذا حدثت ضغوط
علي صديقنا محمدالامين فهو من الذكاء والحصافة بتفاديها وربنا يقيل
السودان من عثرته وياتي لنا بديموقراطية مستدامه ويكفينا
شر الدكتاتوريه

أكيد مذيعه بيقدم حفله دي ، إما (سودانويه) أو ( كوزانويه) ، لأنو جزلي دي ما بيحب يدخل منافسه مع ناسات همن (أحسن) منو و أكتر منو (سودانويه ) زي سودانيين (أولاد بلد ) من بلاد دناقله لحدي أولاد لاتوكا . و كمان جزلي دي بيخاف من أولاد (كوزن) لأنهم همن سيد بتاع مشروع بتاع ( قولمايير) ...


__________

وبكره سودان بيكون أحسن بدون (جزلي) و (ناتنياهو) بتاعو

انت فعلا صاح يامنوت وجزلي انا عمل معاي موقف وهو حسن فضل المولي لن انساه مدى الحياة كانت هنالك معاينات في التلفزيون في التسعينات لبعض الوظائف الفنية وكان من ضمن الموجودين جزلي باعتباره في تلك الفترة كبير المذيعين وحسن فضل المولي مدير البرامج وواحد اسمو عجيب لان زول محترم تقريبا اسمو الكارس وواحد من الاخوات ذوات الحجاب فتم اسئلتي اسئلة في مجال العمل وتمت الاجابة عليها بكل سهولة وتست في الكمبيوتر واللغة وبعد شوية جاء دور الاسئلة الدينية كانك من هو رئيس ماليزيا وايران واين مقر المؤتمر الشعبي العربي الاسلامي ياخي دا اسمو عائز شيال عشان اساعدك على كل حال خرجت منهم وانا في قمة الغضب وقلت لهم وانا اغادر الاستقبال في ستين الف داهية واخيرا تم تعين كيزان لا علم لا هم ولاخبرة فطغي الولاء على الكفاء وتم تعينهم في قناة الفضائية التي تم افتتحها في تلك الفترة وهي مشفرة لولاية الخرطوم فقط
هذا قليل من كثير يا منوت

كلام إنتكم بيقولو عن (جزلي) دي ، همن صاح ، و ناسات زي (جزلي ، متعافي ، حمدي ، غازي صلاح الدين ، و وزير عدل و نائب عام ( أنا ما بتشرف بذكر إسمهم ) ، كل ناسات دي عندهم أجنده (خفيه) ، و لو ما مصدقني ، إسأل ( سبدرات) ولد بتاع ( قطينه) ، همن بيقول ليك ، حاصل شنو ...
يا حبيبي يا إبراهيم ، يا ولد بتاع ( خالي) أو (خالتي) ناس أنا ذكرتو دي ما عندهم صله بي (سودانويه) و إمكن عندهم صله بي ( نا تنياهويه ) ، انا ما بيعرف ، لكن اسأل ناس الشيخ المعرف بالألف و اللام ...

_______________

ومنقو قل لا عاش من يحكمنا من هو غير بشرتنا