أدخل وشوف:ظهور مثير لجواهر في إحدى الحفلات بالقاهرة !!!

فأجات المطربة جواهر الأوساط الفنية بالقاهرة بظهورها في إحدى المناسبات وقد غيرت لون بشرتها السمراء إلى اللون الأبيض، لدرجة أن كثيرين لم يتعرفوا عليها من اللحظة الأولى ما فعلته جواهر ليس بجديد، فقد سبقها عليه المغني العالمي مايكل جاكسون والذي نتمنى الا تجعل منه المغنية السودانية بلسان مصري قدوه لها وتتجه بعد تغيير اللون إلى عمليات التجميل..


هذا ما ورد في صحيفة آخر لحظة السودانية بتاريخ اليوم 15/5/2007م

ربنا يشفيهم، كارهي ذواتهم.
والمجتمع الذي أوحى لها بذلك!

مرحبا ياعدلان بك هنا

ألهم آمين اشفيها وأعيدها لصوابها ولوطنيتها التي تنكرت لها ايضاً في إحدى المقابلات

كلام عجيب..
والجلد هين الكلام في الشلاليف ام كيلة وملوة

الاخ ابراهيم ...
تحياتي ..
مشكلتنا في الحياة نحن السودانيين الواحد لما خلاص يبقى ما عنده موضوع بفتش ليهو موضوع من مافي
دي سفاسف امور ..
نحن مشكلتنا اكبر من كدة بكتيير

الاخ ابراهيم عثمان آدم

صدقني هذه اصل مشاكلنا كلها؟؟؟

موضوع الهويه الناكرنها...

Quote: الاخ ابراهيم ... تحياتي .. مشكلتنا في الحياة نحن السودانيين الواحد لما خلاص يبقى ما عنده موضوع بفتش ليهو موضوع من مافي دي سفاسف امور .. نحن مشكلتنا اكبر من كدة بكتيير

الأخت تراجي ...
تحياتي
جواهر ليست النموذج المنطقي لنكران الهوية
إنها فقط تغني بلغة أهل البلد

+

Quote: جواهر ليست النموذج المنطقي لنكران الهوية إنها فقط تغني بلغة أهل البلد

الأخ أستاذ أبراهيم تحية واحترام
ومرحب بيك وقلمك العاقل.
كما ذكرت الأخت تراجي هذا هو جوهر
مشكلنا، وأتفق معك أن قضية جواهر
شخصية لا تهمنا في شيئ. أن فضلت تبقي
بيضاء أو حمراء فهذا أختيارها الذي
يسعدها ويرضي طموحاتها. المشكل في الذين
يمثلون دولة السودان، ها هم يتضرعون جيئة
وذهابا وهوية أهل الربع الخالي مرة بالشعر الجاهلي
ومرات بتعاويز قرآنية يريدون بها اثبات أصل "السودان"
العربي. لماذا نلوم جواهر وهي ضحية للمسخ والتشويه العمدي
لماهيتها وأصولها. تركيزنا يجب أن يكون في ما يقرأ وما يشاهد
ببلادنا حتما ستتواري عقلية جواهر وأمثالها الذين تصدوا
لعنصرية العرب بتغيير ألوانهم وهيئة شعرهم.
في أعتقادي أن جواهر أخرجت شعور ما بداخلها ونحمد لها أنها
لم تتطاول علي الآخرين كما يفعل بقية المستعربون الذين يريدون
لنا أن نتزيل الأعراب.
لا أدري لم يذدري البعض علي جواهر في شخصها فهي تتجمل للمثقفين
المستعربين الذين يمجدون العرب للونهم والدليل أن الزواج في السودان
تمركز في الشكل الذي تسوقه جواهر وهيئتها الجديدة.
المشكل أكبر من جواهر.
ومرحبا بك مجددا.








دنقس.

الحبيب ابراهيم عثمان آدم تحياتي وسلامي وشكري على المرور
نعم هنالك الكثير من المشاكل السياسية والاجتماعية والاقتصادية والرياضية التي يعج بها وطننا الغالي
ولكن من باب الخروج عن المألوف قليلاً صوبنا هذه المرة السهام فنياً وكويس انو المتدخلون السابقون واللاحقون انتقدوا وايدوا كل على حسب ما يراه فلك ولهم جميعاً تحية الصحة والعافية والرضاء والقناعة بما انعم به الله علينا من نعمه الكثيرة وخيراته الوفيرة

كيكي صديق صديقي ودرملية تحياتي وسلامي وشكري على المرور

الجلد سلخو ما فيهو مشكلة بس المشكلة في الحاجات التانية ومنها ام كيلة وملوة دي برضو بلقوا ليها حل ولا انت ماشايف الموضة الطلعت قبل فترة بتكبير ام كيلة دي والنفخ بتاع الجضوم دااااك
تحياتي

الحبيب حيدر عثمان تشكر على هذه الصورة
لكن ما وريتنا الجماعة الاثنين ديييييل منو؟؟
التغيير يظهر مش كامل الوش من جدة واليدين لسه من امبدة

سلام أهلنا

يا جماعة ما تخلوا الكيل بمكيالين..!!
الحرية ... الحرية ... الحرية ... الحرية ... الحرية ... الحرية ... الحرية ... الحرية ...
نعم الحرية الشخصية
تغيروا جنسياتكم ما في زول قال شيء.
تغيروا مفاهيمكم ما في زول عبركم.
تغيروا معتقدكم كان سألوكم تقولوا إرهاب.

جواهر ما عاجبه لونه الأسود!!!
فيها شنو لو بقت بيضاء كالحليب؟؟
حتى لو كانت ...
الشلاليف؟
النخرة؟
جراحات التجميل تصلحها.
لكن فرعون وقلة عقله البصلحة شنو؟؟؟

أما المصريين المعاها في الصورة ديل:
على اليسار الطبال.
على اليمين البودي قارد!!.

الشايقي

فاوضني بلا زعل

طيب مايكل جاكسون موش مستخوج برضو ولا المجتمع الامريكي دا مجتمع بعدين شنو قصة عرب وما عرب دي والله عرب وعاجبانا خضرتنا وسمرتنا وصفرتنا دي ولسانا الفايتين بيو اهل المشرق والمغرب العربي يا زول ها هي زوله مريضه ما اكتر ولا اقل واذا كان الفهم كده شوفو بشار الاسد عيونو خضراااااء علي الطلاق عرب وافارقه والعاوز يفهم انا بفتح ليو بوست منفصل وافهمو بس من غير هرجله لاني ما بحب ادخل في مواضيع زي دي ويا جواهر يو ار نوت الوون تحياتي مخو

ابراهيم عثمان آدم
عبد القادر دنقس


كلامكم أصاب الحقيقة عينها


الى الجميع هذا اللنك لبوست كنت رفعته عام 2002 والآن أعيده لأننا لم نضف شيئا يذكر منذ ذلك التاريخ حتى اليوم فى ما يخص نظرتنا تجاه الآخرين ونظرة الآخرين الينا

علينا أن نحترم أنفسنا أولا ليحترمنا الآخرون ومسألة اللون هينة جدا


جواهر السودانية وذهنية التفاخر بالإنتماء

سلام

اتفق مع الاخوان ان ما فعلته جواهر هو ممارستها لحريتها الشخصيه فيا واحد مما تملكه جدا و هو جسدها لكن هذا لا ينفى انها صوره تترجم ما نحن عليه.. و لو القدره الماديه توفرت لبناتنا فى السودان كان الماشى/ه فى شوارع الخرطوم يكون ذى الماشى قى شوارع لندن... فير اند لفلى و شك منور ... مستقبلك منور

الموضوع ما ليهو أهمية كبيرة

أن ظلت جواهر سمراء أو بيضاء

إن أخذت الجواز المصري أو السويدي

يا جماعة الخير معظمنا سمر في السودان

من حلفا إلي نمولي ومن طوكر حتى الجنينة

معظم بناتنا وبعض نساءنا يستخدمن كريمات التجميل والتبييض

هل هذا يعني تنكر للهوية ؟

***