لا تتضامنوا مع حمور زيادة

ياخي هو فضل فيها حياء ؟

حياء بتاع شنو ؟ وحياء بتاع كم ؟ وحياء بتاع متين ؟

لو في حياء لسة باقي الناس دي بتظهر يوميا كدا امام عيون الشعب السوداني ؟

في الشوارع ؛ التلفزيون ؛ المؤتمرات ؟

لو في حياء فعلاً يمين بالله أتفه ( موظف ) فيهم ما يمرق من بيتو يتاوق بالشارع ساي ؟

حياء ؟؟؟

ياخي انتو مش غسلتوا وشكم بمرق - انتو وشكم دا مغسول ببول خنزير ..

تاكلوا في الحرام و في المال العام و تمصوا دم الغلابة و عرق التعابة و تقولوا : حياء عام ؟

حياء عام كمان .. مش حياء حافي كدا ..

عام .. يعني بشمل ( كل جماهير الشعب ) بما فيهم اولئك السادة ..

حوش الاقطاعيين الجدد ..

ياخي اللحية طويلة و السبحة طويلة و ( اليد طويلة ) على قول اخوانا المصريين .

و برضو حياء ..

وين الحياء دا و الناس على باب الله .. مكلفتة و حالا بالبلا اليبلاكم ..

.....

يا حمور يا زيادة

الجماعة كانوا ( لابدين ليك في العد )

لو بتعرف ليك واحد بقاري أسألوا عن الهلالين ديل ..