Post: #2
Title: Re: ابسمى يا اياامى......
Author: سيف الدولة كامل
Date: 03-26-2013, 01:30 AM
يا ليت تبتسم لنا الايام يا هندسة .
تايهين ,,, لا كفر لا وتر وسيبك
من الهم الاكبر يا حبيب , لعل و
عسي ترجع عقارب الساعة الي
الزمن الجميل ويبتسم الجميع .
تحياتنا يا جميل .
|
Post: #7
Title: Re: ابسمى يا اياامى......
Author: محمد عثمان
Date: 03-26-2013, 04:50 PM
Parent: #2
Quote: يا ليت تبتسم لنا الايام يا هندسة .
تايهين ,,, لا كفر لا وتر وسيبك
من الهم الاكبر يا حبيب , لعل و
عسي ترجع عقارب الساعة الي
الزمن الجميل ويبتسم الجميع .
تحياتنا يا جميل . |
استاذنا الجميل...
تحايا و تقدير و باكرنا نيل يا حبيب
و ابسمي يا ايامى..
يديك العاافيه...
|
Post: #3
Title: Re: ابسمى يا اياامى......
Author: Gaafar Ismail
Date: 03-26-2013, 03:16 AM
يا ســـلام ياحبيبنا محمد عثمان
دائما تأتينا بالدرر....تسلم يا حبيب -
---
كان يغيظني جدا احد البرنسات عندما يغنيها في حفلات الأعراس بالحلة ..كان ينطقها (أبصمي يا أيامي بصمة الزهر ..الخ)
|
Post: #4
Title: Re: ابسمى يا اياامى......
Author: محمد المرتضى حامد
Date: 03-26-2013, 08:47 AM
Parent: #3
| Quote: كان يغيظني جدا احد البرنسات عندما يغنيها في حفلات الأعراس بالحلة ..كان ينطقها (أبصمي يا أيامي بصمة الزهر ..الخ) |
 إن أسعفتني الذاكرة الخؤون ، في مسرحية (نبتة حبيبتي) في عرض بمسرح قصر الشباب قال عزالدين هلالي ضاحكا:
إبراهيم عوض بيقول ( أبصمي يا أيامي مع إنو الأيام بتمضي)..
-
سلامات أستاذنا جعفر اسماعيل..
سلام للمهندس محمد عثمان امين عام الفن بسودانيز
|
Post: #5
Title: Re: ابسمى يا اياامى......
Author: Zakaria Fadel
Date: 03-26-2013, 10:39 AM
Parent: #4
رحم الله الفنان ابراهيم عوض
لاحظوا رغم ان هذه الاغنية من اوائل ما تغنى بها الذري....الا ان تمكنه و ثقته تسبقان عمره الفني بكثير
هذه الاغنية اداها الفنان طه سليمان في رمضان المنصرم ببرنامج السر قدور اغاني و اغاني
وبالرغم من روعة الاوركسترا الا ان اداء طه لا يمكن مقارنته باداء الذري
مع الاخذ في الحسبان ان عمر ابراهيم عوض وقتها يقاس شالشهور ..وطه يقاس بالسنين
كم اتمنى ان يوجد فني مكساج ماهر ..لكي يزرع صوت ابراهيم عوض في اوركسترا طه
|
Post: #6
Title: Re: ابسمى يا اياامى......
Author: khaleel
Date: 03-26-2013, 04:15 PM
Parent: #5
ابسمي الدنيا جميلة
شكرا سيدي
|
Post: #11
Title: Re: ابسمى يا اياامى......
Author: محمد عثمان
Date: 03-26-2013, 08:25 PM
Parent: #6
Quote: ابسمي الدنيا جميلة
شكرا سيدي |
خليل ياا صااحب...
يسعد مساك بالف خير...
تحاايا..
|
Post: #10
Title: Re: ابسمى يا اياامى......
Author: محمد عثمان
Date: 03-26-2013, 05:07 PM
Parent: #5
Quote: رحم الله الفنان ابراهيم عوض
لاحظوا رغم ان هذه الاغنية من اوائل ما تغنى بها الذري....الا ان تمكنه و ثقته تسبقان عمره الفني بكثير
هذه الاغنية اداها الفنان طه سليمان في رمضان المنصرم ببرنامج السر قدور اغاني و اغاني
وبالرغم من روعة الاوركسترا الا ان اداء طه لا يمكن مقارنته باداء الذري
مع الاخذ في الحسبان ان عمر ابراهيم عوض وقتها يقاس شالشهور ..وطه يقاس بالسنين |
الاخ زكريا...
لك التحيه ياا حبيب
زمان فعلا كان النضوج الفنى سابق لاعمار الفنانين و كانت كل الاغنيات تخرج بعد تمحيص
و تدقيق و شغل ورش للاغنياات قبل ان يتم تسجيلها للاذاعه...
ناس اغانى و اغانى شوهو الكتير من الاغنيات و ربنا يدينا خيرهم يااخ
| Quote: كم اتمنى ان يوجد فني مكساج ماهر ..لكي يزرع صوت ابراهيم عوض في اوركسترا طه |
اضم صوتي لصوتك فى كلامك الفوق و اكيد حيظهر فرق الليل و النهار
شكرا ليك كتير و كل التحاايا...
|
Post: #9
Title: Re: ابسمى يا اياامى......
Author: محمد عثمان
Date: 03-26-2013, 04:59 PM
Parent: #4
Quote: إن أسعفتني الذاكرة الخؤون ، في مسرحية (نبتة حبيبتي) في عرض بمسرح قصر الشباب قال عزالدين هلالي ضاحكا:
إبراهيم عوض بيقول ( أبصمي يا أيامي مع إنو الأيام بتمضي)..
-
سلامات أستاذنا جعفر اسماعيل..
سلام للمهندس محمد عثمان امين عام الفن بسودانيز |
تحايا لك استاذ ود المرتضي و التحايا للدكتور عز الدين هلالى
ما قلت لينا عملت شنو يااخ..؟ و ان شاء الله بقيت تسمعنا خلاص..
يديك العاافيه...
|
Post: #14
Title: Re: ابسمى يا اياامى......
Author: Gaafar Ismail
Date: 03-27-2013, 03:36 AM
Parent: #4
أخي الحبيب مولانا الأستاذ محمد المرتضى
Quote: إن أسعفتني الذاكرة الخؤون ، في مسرحية (نبتة حبيبتي) في عرض بمسرح قصر الشباب قال عزالدين هلالي ضاحكا:
إبراهيم عوض بيقول ( أبصمي يا أيامي مع إنو الأيام بتمضي)..
|
بعض الفنانين يخلطون بين الحروف خاصة القاف والغين كعادة بعض السودانيين
تحياتي ومحبتي
|
Post: #8
Title: Re: ابسمى يا اياامى......
Author: محمد عثمان
Date: 03-26-2013, 04:55 PM
Parent: #3
Quote: يا ســـلام ياحبيبنا محمد عثمان
دائما تأتينا بالدرر....تسلم يا حبيب -
--- |
حبيبنا جعفر...
سلام عليك يا صاحب الذوق الرفيع
و معكم و بكم دايما يكون الغناء اجمل...
يديك العاافيه..
| Quote: كان يغيظني جدا احد البرنسات عندما يغنيها في حفلات الأعراس بالحلة ..كان ينطقها (أبصمي يا أيامي بصمة الزهر ..الخ) |
مبالغه لكن...!!!
|
Post: #12
Title: Re: ابسمى يا اياامى......
Author: محمد المرتضى حامد
Date: 03-26-2013, 09:18 PM
Parent: #8
أبت يا محمد،
سأستمر في المحاولة..
يمكن الحظ يبسم ..
|
Post: #13
Title: Re: ابسمى يا اياامى......
Author: نادر الفضلى
Date: 03-26-2013, 11:12 PM
Parent: #12
Quote:
كم اتمنى ان يوجد فني مكساج ماهر ..لكي يزرع صوت ابراهيم عوض في اوركسترا طه
|
للأسف التسجيلات القديمة لم تكن تستخدم تكنولجيا التراكات التى تسجل صوت المغنى لوحده فى تراك، والموسيقى أو كل آله فى تراك لوحده
فأبسمى يا أيامى تسجيلها المرفق لا يمكن عزل الصوت الذرى عن الموسيقى وتركيب ه فى شغل أوركسترا حديثة.
الفارق ليس فقط فى النضوج الغنائى ولكن الموهبة الفطرية . الفنان الذرى gifted ، رحمة الله عليه
مشكور محمد عثمان على هذا الطرب الجميل ، عندما نستمع للفنان الذرى تبسم أيامنا
|
Post: #15
Title: Re: ابسمى يا اياامى......
Author: Zakaria Fadel
Date: 03-27-2013, 06:49 AM
Parent: #13
نعم يا نادر ..اظن ان الامر فيه شوية استحالة....
ولكن تخيل معي ..لو ان صوت ابراهيم عوض في قوته و عنفوانه ، وجد مهارات عازفي اليوم ..والآت اليوم....
في كثير من الاحيان اتخيل ان صوت ابراهيم ...شاخ قبل اوانه بكثير...
هل السبب الحان ود الحاوي ياترى؟
|
Post: #16
Title: Re: ابسمى يا اياامى......
Author: احمد الامين احمد
Date: 03-27-2013, 12:37 PM
Parent: #15
Quote: في كثير من الاحيان اتخيل ان صوت ابراهيم ...شاخ قبل اوانه بكثير...
هل السبب الحان ود الحاوي ياترى؟ |
ملاحظة جميلة جدا والسؤال المطروح قديما على صفحات الصحف السودانية قبل عقود
بعد إنتهاء مرحلة ود الريح والطاهر إبراهيم (يكتبان ويلحنان ) مع إبراهيم
ودخول الأخير مرحلة ود الحاوى عبر أشعار إبراهيم الرشيد وحلنقى و عوض أحمد خليفة
والإتهام الموجه لو ود الحاوى ان الحانه جعلت إبراهيم عوض يغنى فى طبقات عالية جدا ويصرخ
( أنا لست صاحب الإتهام ولاعلاقة لى بمصطلحات الموسيقى و لم أدرسها لكن قرأت الكلام فى أكثر من صحيفة قديما وسمعته فى الإذاعة )...
بلطف شديد ومرح وأدب سأل المذيع فى برنامج تأريخ جميل الملحن الأسطورى ود الحاوى بعد أن سمعا أغنية من لحن ود الحاوى
من صوت إبراهيم عوض وكان نزيلا بمقابر البكرى سأله :
أنت ليه تعبت إبراهيم عوض بالطلعات الصعبة دى فى الأداء ؟
فرد ود الحاوى :
لو ماعارفو بقدر عليها ماكان عملتها ..
وصدق ود الحاوى
المقارنة بين أغنيات ود الريح (لحن وشعر ) ومنها بسمة الأيام وكذلك درر الطاهر ( شعر ولحن)
لاتجوز مع مرحلة إبراهيم عوض مع ود الحاوى (ملحن وعازف ) خاصة أن التحوير الذى تم فى الصوت
مرده تقدم إبراهيم عوض فى السن عند مرحلة ود الحاوى خلافا لصدحه عبر مرحلتى ود الريح و الطاهر حين كان دون الثلاثين من العمر
وتقريبا توقف عطائه مع الاثنين (بتاعين خى العرب ) من بداية ستين القرن الماضى لكنها تعيش حتى يقبض الله الأرض ومن وما عليها
لانها مرحلة مزدانة بالجمال و الالق و الوهج عبر الكلمة واللحن والأداء الراقي...
أميل لإبراهيم عوض وجيله مع الأوركسترا القديمة حين كان التسجيل حيا والأرتجال عبر الوتريات تحديدا يتم احيانا حتى اثناء التسجيل لبراعة وموهبة العازفين مثل خميس مقدم(بنقز و رق ) ...حمزة سعيد ...محمدية ...اكرت( أكورديون ) وغيرهم ...
سامع فى التسجيل حاجة تشبه قانون كامل فهل أنا محق ولا أضانى كعبة ؟
تحية ود عثمان والرحمة لإبراهيم و ود الريح والشفاء للطاهر
|
Post: #17
Title: Re: ابسمى يا اياامى......
Author: Zakaria Fadel
Date: 03-27-2013, 01:46 PM
Parent: #16
والله يا استاذ أحمد ...انا اعتبر ما تغني به الذري من الحان ود الحاوي هي درر في جبين الفن السوداني
ولكن كنت اتمنى الا يرددهم ابراهيم عوض في الحفلات لانها فعلا اتعبت حنجرته كثيرا....
ليته اكتفى بتسجيل :- غاية الآمال، يا زمن ، المصير، ابقى ظالم ، ما بقدر ابوح....فقط للاذاعة ...
هل شاهدت تسجيل ناس اغاني و اغاني لاغنية يازمن قبل عدة سنوات؟...حتى هؤلاء الشباب لم يستطيعوا الاداء بارتياح عند علو اللحن
|
Post: #18
Title: Re: ابسمى يا اياامى......
Author: محمد المرتضى حامد
Date: 03-27-2013, 03:38 PM
Parent: #17
| Quote: بعض الفنانين يخلطون بين الحروف خاصة القاف والغين كعادة بعض السودانيين |
سلامات استاذنا جعفر،
المسألة لاتنحصر في الغين والقاف ، فهناك من (مطربي) الغفلة الذين ملأوا الساحة من رفع عقيرته ودون أن يطرف له جفن:
مرضان باقي فاقد فيك علاج طبيعي..
أخونا ناذر متخصص في تلك الشريحة وبدرجة عالية من السخرية..
غايتو..
ربنا يصلح الحال.
|
Post: #22
Title: Re: ابسمى يا اياامى......
Author: محمد عثمان
Date: 03-28-2013, 05:04 PM
Parent: #18
Quote: سلامات استاذنا جعفر،
المسألة لاتنحصر في الغين والقاف ، فهناك من (مطربي) الغفلة الذين ملأوا الساحة من رفع عقيرته ودون أن يطرف له جفن:
مرضان باقي فاقد فيك علاج طبيعي..
أخونا ناذر متخصص في تلك الشريحة وبدرجة عالية من السخرية..
غايتو..
ربنا يصلح الحال. |
ربنا يصلح الحال يا ابو احميد...
|
Post: #21
Title: Re: ابسمى يا اياامى......
Author: محمد عثمان
Date: 03-28-2013, 08:02 AM
Parent: #16
Quote: ملاحظة جميلة جدا والسؤال المطروح قديما على صفحات الصحف السودانية قبل عقود
بعد إنتهاء مرحلة ود الريح والطاهر إبراهيم (يكتبان ويلحنان ) مع إبراهيم
ودخول الأخير مرحلة ود الحاوى عبر أشعار إبراهيم الرشيد وحلنقى و عوض أحمد خليفة
والإتهام الموجه لو ود الحاوى ان الحانه جعلت إبراهيم عوض يغنى فى طبقات عالية جدا ويصرخ
( أنا لست صاحب الإتهام ولاعلاقة لى بمصطلحات الموسيقى و لم أدرسها لكن قرأت الكلام فى أكثر من صحيفة قديما وسمعته فى الإذاعة )...
بلطف شديد ومرح وأدب سأل المذيع فى برنامج تأريخ جميل الملحن الأسطورى ود الحاوى بعد أن سمعا أغنية من لحن ود الحاوى
من صوت إبراهيم عوض وكان نزيلا بمقابر البكرى سأله :
أنت ليه تعبت إبراهيم عوض بالطلعات الصعبة دى فى الأداء ؟
فرد ود الحاوى :
لو ماعارفو بقدر عليها ماكان عملتها ..
وصدق ود الحاوى
المقارنة بين أغنيات ود الريح (لحن وشعر ) ومنها بسمة الأيام وكذلك درر الطاهر ( شعر ولحن)
لاتجوز مع مرحلة إبراهيم عوض مع ود الحاوى (ملحن وعازف ) خاصة أن التحوير الذى تم فى الصوت
مرده تقدم إبراهيم عوض فى السن عند مرحلة ود الحاوى خلافا لصدحه عبر مرحلتى ود الريح و الطاهر حين كان دون الثلاثين من العمر
وتقريبا توقف عطائه مع الاثنين (بتاعين خى العرب ) من بداية ستين القرن الماضى لكنها تعيش حتى يقبض الله الأرض ومن وما عليها
لانها مرحلة مزدانة بالجمال و الالق و الوهج عبر الكلمة واللحن والأداء الراقي...
أميل لإبراهيم عوض وجيله مع الأوركسترا القديمة حين كان التسجيل حيا والأرتجال عبر الوتريات تحديدا يتم احيانا حتى اثناء التسجيل لبراعة وموهبة العازفين مثل خميس مقدم(بنقز و رق ) ...حمزة سعيد ...محمدية ...اكرت( أكورديون ) وغيرهم ...
سامع فى التسجيل حاجة تشبه قانون كامل فهل أنا محق ولا أضانى كعبة ؟
تحية ود عثمان والرحمة لإبراهيم و ود الريح والشفاء للطاهر |
استاذ احمد...
صبااحك خير..
توقعت حضورك فى هذا البوست و شكرا ليك و انت تضيف لهذا البوست هذه الاضاءه المفيده جدا
فى مسيره الفنان الذرى...
اضانك ما كعبه ابدا و انت صاحب الذوق الرفيع كما عهدناك و فعلا اله القانون كانت حاضره
فى هذا التسجيل و واضح ان دورها انحصر فى الصوله التى يسهل استماعها فى هذا التسجيل
و واضح ان التسجيل يكون تم فى اياام وجود عازف القانون الشهير الاستاذ المصرى الذى كان حاضرا خلال تلك الفتره..
ساعود اليك باغنيه هوى الروح و تسجيل قديم و فيه يظهر بوضوح مشاركه اله القانون فى هذا العمل..
شكرا ليك كتير يا استاذ احمد و كل التحايا و التقدير...
|
Post: #20
Title: Re: ابسمى يا اياامى......
Author: محمد عثمان
Date: 03-28-2013, 07:48 AM
Parent: #13
Quote: للأسف التسجيلات القديمة لم تكن تستخدم تكنولجيا التراكات التى تسجل صوت المغنى لوحده فى تراك، والموسيقى أو كل آله فى تراك لوحده
فأبسمى يا أيامى تسجيلها المرفق لا يمكن عزل الصوت الذرى عن الموسيقى وتركيب ه فى شغل أوركسترا حديثة.
الفارق ليس فقط فى النضوج الغنائى ولكن الموهبة الفطرية . الفنان الذرى gifted ، رحمة الله عليه
مشكور محمد عثمان على هذا الطرب الجميل ، عندما نستمع للفنان الذرى تبسم أيامنا |
الاخ نادر...
يسعد صبااحك بكل خير..
فعلا ما ذكرته صحيح و الامر ليس بهذه السهوله و ان كان يمكن ان تتم المساله
بطرق اخرى اكثر تعقيدا و تحتاج الي امكانيات فنيه عاليه جدا...
شكرا كتير على حضورك هنا يا جميل..
يديك العاافيه...
|
Post: #19
Title: Re: ابسمى يا اياامى......
Author: محمد عثمان
Date: 03-28-2013, 07:43 AM
Parent: #12
Quote: أبت يا محمد،
سأستمر في المحاولة..
يمكن الحظ يبسم .. |
ابو احميد..
يسعد صبااحك بالف خير
لو فضيت لينا شويه...المشكله بتتحل ياخ
و ابسمي ياا اياامى...
يديك العاافيه...
|
Post: #23
Title: Re: ابسمى يا اياامى......
Author: احمد الامين احمد
Date: 03-28-2013, 06:00 PM
Parent: #19
Quote: ساعود اليك باغنيه هوى الروح و تسجيل قديم و فيه يظهر بوضوح مشاركه اله القانون فى هذا العمل..
شكرا ليك كتير يا استاذ احمد و كل التحايا و التقدير... |
حتى تعود و (العود ود عثمان ) بهوى الروح فى تسجيل قديم به حضور قوى ل قانون مصطفى كامل الذى كان يدوزنه على (صوت عشة الفلاتية )
هذه الأغنية ( هوى الروح ) غطى بها ود الريح أغنيته (أنت حياتى ) التى أعطاها لحسن عطية بنصيحة من عتيق
ففى (انت حياتى ) كان الشعراء قد ulg,h على محاربة الشلوخ وسط النساء فقال ود الريح على صوت حسن عطية :
ما شوهوك بفصادا .....خدودك سادة
طبيعى خلقة ربك ......ما...فيهو زيادة
ومجد اللون الأسمر لون كل السودانيين الذى للأسف صار مسبة لدرجة تفشى الكريمات لتفتيح البشرة
وسط النساء بل وصلت الوقاحة لدرجة أن طالبت جهة ما عبر صحيفة محلية موظفات بلون غير اسمر
فقال ود الريح :
مع لونك الأسمر
ورد الخدود ازهر
لابودرة لا أحمر
طبيعى خلقة ربك
ما ....فيهو زيادة
المهم فى نسوان كان مشلخات فزعلن من ود الريح حين تغزل بغير المشلخات و أبدين ذلك الزعل فى حضوره
بإحدى الحفلات فحاول ود الربح عبر (هوى الروح ) على صوت إبراهيم عوض تطيب خاطر اولئك النسوة المشلخات فكتب
بعد ان ثبت تمجيد اللون الأسمر كما فعل فى اغنية حسن عطية لكنه تراجع عن تمجيده الخدود السادة (بدون شلوخ ) فكتب :
حبيبى يا اسمر
خدك عليه فصود
جرحنى فى قلبى
اسرتنى اعين سود
انت الهوى العذرى ...
سلاما على ود الريح وإبرهيم عوض والخدود السادة والمشلخة كمان ..
ولاحظ ياود عثمان عزف الة القانون وهى تتحاور مع حس إبراهيم عوض حين يردد
أنت الهوى العذرى
*سؤال :
من أدخل فى الحياة السودانية ان اللون الأسمر عيبا؟
وهل هنالك محاولات خفية لتغيير مفاهيم السودانيين للجمال عبر إعلانات الكريمات
والسماح للبنانين من التجار بتقديم محاضرات عبر برنامج بيتنا التلفزيونى عن سبل تغيير وتببيض لون البشرة
وهل نعلم ان الله الذى خلقنا نبهنا أن إختلاف الالوان والالسن والمذاقات دليل على قدرته دون تفضيل لون على لون ..
أنتظر سماع الأغنية (هوى الروح ) ومش مستعجل لذلك
|
|