الليله لاقانى..ببسمه حياانى...

الليله لاقانى..ببسمه حياانى...


01-14-2009, 09:40 PM


  » http://sudaneseonline.com/cgi-bin/sdb/2bb.cgi?seq=msg&board=394&msg=1252472441&rn=53


Post: #1
Title: الليله لاقانى..ببسمه حياانى...
Author: محمد عثمان
Date: 01-14-2009, 09:40 PM
Parent: #0

و تاانى...

جذب الفكر حسنو وجهر العيون نورو
بعد اشتياقى الطال فاجأنى بظهورو...!!

ابو السيد...




ــــــــــــــــــ

Post: #2
Title: Re: الليله لاقانى..ببسمه حياانى...
Author: ابراهيم محمد موسي
Date: 01-14-2009, 11:25 PM
Parent: #1

يديك العافية يارب

Post: #9
Title: Re: الليله لاقانى..ببسمه حياانى...
Author: najma
Date: 01-15-2009, 05:09 PM
Parent: #2

محمد عثمان


عودا جميلا رائعا

تسلم على الروائع

_______________

محبوبي لاقاني وبي بسمه حياني

جذب الفكر حسنه جهر العيون نوره
وبعد اشتياقي طال فاجئني بي ظهوره
شخصت في حسنه واصبحت مسحوره
سبحت كبرت هللت بي حياتو
بي كل احساسي رديت تحياتو
شكيتلو آلامي آلامي و احزاني

زي الصباح مشرق زي الزهور باسم
زي اللهيب محرق وبي عواطفي بادرتو
بي دموعي جاوبتو شكيتلو من هجري
ظلم الهوى وجورو

بادلتو بي شعوري ملء الحياة شعورو
شفت السحر كامن بين وجنتيه ونورو
من العيون خوفي وآمالي في ظهورو

يا زوول انا قلبي حباك اموت انا مالي بنساك
اشعلت لي ناري جددتو تذكاري
انا ليك دوام صاين ساكن قريب جاري
ياساحر النظرات يا مدهش اللفتات
بالله وين ايامك الخالدات

ست الدهر يحلو السمر
بالحب امر دمعي انهمر
ليك يا قمر

قمر قمر قلبى حباك اموت انا ....

Post: #13
Title: Re: الليله لاقانى..ببسمه حياانى...
Author: محمد عثمان
Date: 01-17-2009, 09:15 PM
Parent: #9

Quote: محمد عثمان


عودا جميلا رائعا

تسلم على الروائع



صااحبه الرواائع...نجمه

مرحبا بك فى واحة الطرب الاصيل و الاغنيات المعتقة بفعل الزمن
التى تستدعى الذكرياات لتعتصر حواس النبض فينا
و تثير مواجع اشواق الحنين..

الرحمة و المغفره للراحل سيد خليفة هذا الفنان
الذى رسم فى خارطة الابداع لوحة تظل ساكنة فى القلوب...

شكرا على كلمات الاغنية
و على خط التواصل نلتقى...

Post: #56
Title: Re: الليله لاقانى..ببسمه حياانى...
Author: محمد عثمان
Date: 02-14-2009, 11:00 AM
Parent: #13

*

Post: #10
Title: Re: الليله لاقانى..ببسمه حياانى...
Author: محمد عثمان
Date: 01-15-2009, 08:02 PM
Parent: #2

Quote: يديك العافية يارب


تسلم اخ ابرااهيم

شكرا للطلة,,,

Post: #3
Title: Re: الليله لاقانى..ببسمه حياانى...
Author: saadeldin abdelrahman
Date: 01-15-2009, 00:25 AM
Parent: #1

شكيتلو من هجري..و ظلم الهوى و جوره و الليلة لاقاني و بي بسمة حياني.. يا زول أنا قلبي حباك اموت أنا مالي بنساك.. رحم الله حسن عطية و ابوالسيد. لسة ما سمعت يا هندسة، بجيك تاني!

Post: #14
Title: Re: الليله لاقانى..ببسمه حياانى...
Author: محمد عثمان
Date: 01-17-2009, 09:18 PM
Parent: #3

Quote: شكيتلو من هجري..و ظلم الهوى و جوره و الليلة لاقاني و بي بسمة حياني.. يا زول أنا قلبي حباك اموت أنا مالي بنساك.. رحم الله حسن عطية و ابوالسيد. لسة ما سمعت يا هندسة، بجيك تاني!


الحبيب سعد..

تسلم يا جميل وشوق نيلين..

منتظرنك...

يديك العاافية...

Post: #4
Title: Re: الليله لاقانى..ببسمه حياانى...
Author: ماجدة عوض خوجلى
Date: 01-15-2009, 01:00 AM
Parent: #1

يامحمد عثمان ازيك ومشتاقين ،اخبارك شنو والجماعة كلهم كيف كويسين ..
وين اللينك انت مش عارف فى ناس شحاته هنا ..
تســـلم يارب انت ....

Post: #15
Title: Re: الليله لاقانى..ببسمه حياانى...
Author: محمد عثمان
Date: 01-17-2009, 09:23 PM
Parent: #4

Quote: يامحمد عثمان ازيك ومشتاقين ،اخبارك شنو والجماعة كلهم كيف كويسين ..
وين اللينك انت مش عارف فى ناس شحاته هنا ..
تســـلم يارب انت ....


مااجده...

سلاااام

متابعين مع اجمااعة على طول سوى ان كان بالحضور
او بالتلفون...الجميع بخير

لينك الحفظ هنا... وانت ما شحاده انتى سيده حق:

لينك للحفظ

يديك العاافية...

Post: #5
Title: Re: الليله لاقانى..ببسمه حياانى...
Author: أحمد طراوه
Date: 01-15-2009, 04:38 AM
Parent: #1

.. السيد علي محمد الامين الخليفة .. الشهير بسيد خليفة

فيهو شى لله ، و بعض من اسرار غنائية السودان
، كما لاحظ ذلك مبكرا اسمعيل عبد المعين نهاية اربعينات القرن السابق
يوم ان رصده مُغنيا في إحدى قهاوى القاهرة






دمت يا ود عثمان إنت و زوار هذا الاستماع الجميل المُزيل للكدر و سوء الحظ
شكرا ، يا هدهد شواطي الغناء الجميل

الكسرة الخرطومية ( مالي بنساك ؟ ) .. حقت حسن سليمان الهاوى

.. لحن الاغنية كان تتويجا لحسن عطية ، ملكا للميلودي الجميل

و قيل ان الاغنية كلمات حسين عثمان منصور ، و في رواية اخري تنسب لعبد المنعم
عبد الحي .. أفتينا يا ود عثمان .. إستعين باهل مكة بالداخل



Post: #6
Title: Re: الليله لاقانى..ببسمه حياانى...
Author: dardiri satti
Date: 01-15-2009, 09:42 AM
Parent: #5

Quote: و قيل ان الاغنية كلمات حسين عثمان منصور ، و في رواية اخري تنسب لعبد المنعم
عبد الحي .. أفتينا يا ود عثمان .. إستعين باهل مكة بالداخل



عزيزنا،
"القمر البضوي
طولت شن بتسوي"،
ليك شوقة .

هذه الأغنية الرائعة
للرائع اللشاعر
حميدة أحمد عثمان،
المشهور ب"حمّيدة أبو عشر."

تحياتي

Post: #25
Title: Re: الليله لاقانى..ببسمه حياانى...
Author: محمد عثمان
Date: 01-18-2009, 09:08 PM
Parent: #6

Quote: عزيزنا،
"القمر البضوي
طولت شن بتسوي"،
ليك شوقة .

هذه الأغنية الرائعة
للرائع اللشاعر
حميدة أحمد عثمان،
المشهور ب"حمّيدة أبو عشر."


الاخ درديرى..

لك التحية و التقدير و انت حاضرا هنا فى ساحة
الغناء القديم المعتق...

الشاعر حميد ابو عشر رغم قله اعماله الا انها تميزت
بالجوده و التعبير اللمميو فى كلماتها فهو استطاع ان يفرض
مفردته الخاصة و التى لاقت قبولا منقطع النظير عند مستمعى
الغناء السودانى...

اغنية غضبك جميل زى بسمتك احدثت نقلة كبيرة فى الاغنية السودانية
من ناحية اللحن و الكلمة و لقد تحدث الكثيرون عن هذه الاغنية
و كيف ان الفنان الراحل عبد الحميد يوسف استطااع ان يطرز الكلمات
الجميلة للشاعر حميد ابو عشر بلالحن البديع الذى ظل خالدا الى هذا اليوم...

شكرا اخ درديرى و نرجع لاحقا ان شاء الله فى مساله شاعر الاغنية..

يديك العاافية...

Post: #16
Title: Re: الليله لاقانى..ببسمه حياانى...
Author: محمد عثمان
Date: 01-17-2009, 09:37 PM
Parent: #5

Quote: دمت يا ود عثمان إنت و زوار هذا الاستماع الجميل المُزيل للكدر و سوء الحظ
شكرا ، يا هدهد شواطي الغناء الجميل

الكسرة الخرطومية ( مالي بنساك ؟ ) .. حقت حسن سليمان الهاوى

.. لحن الاغنية كان تتويجا لحسن عطية ، ملكا للميلودي الجميل

و قيل ان الاغنية كلمات حسين عثمان منصور ، و في رواية اخري تنسب لعبد المنعم
عبد الحي .. أفتينا يا ود عثمان .. إستعين باهل مكة بالداخل


دكتور طرااوة..

كيفك يا زول يا زين..؟؟

طوالى فى سيرتك بس ما تقول ى مع منو..؟؟!

انا شخصيا غاية كلامك دا كنت مفتكر الاغنية من كلمات عبد الرحمن الريح
حتى جاءت مداخلة الاخ الدرديرى و التى ذكر فيهاان شااعر الاغنية هو حميد ابو عشر
و جاء ايضا الدكتور احمد الامين بمداخلة ثره عن تاريخ هذه الاغنية و الكسرات
التى لازمت الاغنياات فى ذلك الوقت و الجديد فيها انه ذكر ان شااعر الاغنية
هو الشاعر خضر سعد...

اكيد ليس الهدف من ذلك الاشارة لمساله صح و غلط بقدر ما يهمنا اولا و اخرا
هو معرفة الشاعر الحقيقى لهذه الاغنية حتى نرجع الحق لاهله و ايضا امانه
تفرضها علينا الكتابة هنا و ذلك سعيا لتوثيق المعلومة الصحيحة..

برضو حنشوف اهل مكه يقولوا شنو...و بنرجع ليكم


يديك العاافية و خلى يدك معاانا...

Post: #7
Title: Re: الليله لاقانى..ببسمه حياانى...
Author: أحمد طراوه
Date: 01-15-2009, 01:17 PM
Parent: #1

يا سلام يا درديري !

.. صدق من قال : يد الله مع الجماعة





بالله الزول الكان مجرد عامل سكة حديد ، ثم صاحب طبلية في مُشرع حنتوب
، المدعو حميدة ابو عشر ، بجيب الكلام دا من وين ؟ ؟ !

قال برضو : ظلموني الاحبة في شرع المحبة (عثمان حسين)
و برضك : وداعا روضتي الغنا (الكاشف)
و برضك : غضبك جميل زي بسمتك (الحاج عبد الحميد يوسف)

.. و برضو فيهو شي لله .. اشياء السودان و اسرارو العجيبة

يا ود عثمان ، بإسم جماهير الحركة الغنائية ، نطالب بان يتواصل هذا البوست
على خط حميدة ابو عشر ، خط مُشرع حنتوب الجميلة

.. شكرا تاني يا درديري ، داك حميدة ، و معاهو ود الكِتياب التجاني


Post: #8
Title: Re: الليله لاقانى..ببسمه حياانى...
Author: dardiri satti
Date: 01-15-2009, 04:33 PM
Parent: #7

تعرف يا طراوة،
لما رحت للخطوبة ،
سألت ناس البلد عن حميدة أبوعشر،
ليه سموه أبوعشر ،
هل هو من أبوعشر والا دا اسم أبوه.
قالوا لي دا إسمه "حميدة أحمد عثمان "
ووروني بيتهم، كان هو وقتها عايش في الأبيض ،
البيت مواجه النيل الأزرق مباشرة،
قدامه نيمة ظليلة ،
كل ما أروح أبوعشر بشرب تحتها جبنة الصباح،
يا أحمد ياخي نيمة زي ديك لازم تعملك شاعر!!

حميدة أبو عشر درس في المعهد العلمي بأم درمان
وهو بالمناسبة كان ليهو دور في الحركة الوطنية
الداعية للجلاء وحق تقرير المصير للشعب السوداني
وهو من مؤسسيها، ومن مؤسسي الحركة النقابية،
ويقال إنه في فترة من حياته عمل في النجارة،
لمن قام إضراب البوليس الشهير في الخمسينات .
أدين بالتحريض ؛ وحكم عليه بالسجن ستة أشهر في الأبيض ،
ومن ضمن الذين أدينوا معه كان
محمود إبراهيم فلاح _ الفنان المشهور ،
برضه فصل من العمل في صحة أم درمان وسجن.
خلال فترة السجن ، كان حميدة بيدرس المساجين ،
وبعد الخروج ، عين كمعلم في السجن نفسه،
فارتبط بالأبيضى وتزوج منها،
واستقر بها إلى أن توفي.

هذه المعلومات عبارة عن أشتات سماعية،
أرجو ممن هم أكثر إلماماً التعديل والحذف والإضافة.

تحياتي

Post: #11
Title: Re: الليله لاقانى..ببسمه حياانى...
Author: عابدون محمد عابدون
Date: 01-17-2009, 06:37 AM
Parent: #1

اضم صوتى واوافق ... هذا الجمال لابد وان يكون فى المقدمة ..

Post: #12
Title: Re: الليله لاقانى..ببسمه حياانى...
Author: احمد الامين احمد
Date: 01-17-2009, 09:46 AM
Parent: #11

تحيه ود عثمان :
عثمان حسين تغنى باغنيه حسن عطية هذه على العود فقط وذكر انه تأثر بها في الاربعينان إلى جانب " فراق الزين" وكسرتها " حمام البر أنت جافى" كما ذكر في ذات الحلقة الثانية من كتاب الفن مع أبى العزائم أن شاعر " محبوبى لاقاني" هو خدر حسن سعد احد ندماء حسن عطية وحسن سليمان هو كذلك شاعر أغنيه حسن عطية الوطنية كذلك " طال الليل على المسافر وأصبح طويل مالو أخر" وذكر عثمان حسين كذلك أن ملحن هذه الاغنيه وكسرتها " حبوب أنا قلبي حباك"هو حسن سليمان الهاوي أخ حسن عطية "بالرضاعة"... .وخدر حسن سعد شاعر هذه الاغنيه هو كذلك صاحب " ماشقيتك" التي لحنها حسن عطية لكن تم تبادل بين حسن عطية وحسن سليمان بين الأغنيتين " محبوبى لاقاني" و " ماشقيتك" لإعجاب كل منهما بلحن الأخر كما ذكر حسن عطية في حوار قديم جدا مع المذيع محمد سليمان " جراب الحاوي"...
سيد خليفة بصوته المخدوش الرائع أعجب بهذه الاغنيه أثناء زيارته الأولى لمصر " أواخر الأربعينات" واستقراره برهة بالاسماعيليه قبل قبوله بمعهد فؤاد الأول للموسيقى وقتها كان سيد خليفة كما أعترف نفسه لمحمود أبو العزائم فى " كتاب الفن" يعمل " حمال" لشنط الجنود الانجليز بالاسماعيليه وكان يسهر ليلا مع سوداني من ناس السجانة اسمه سعيد حمزة كان بعزف كمتجه " ابنه كذلك عازف كمنجة ماهر هو حمزة سعيد" تحديدا أغنيات حسن عطية وتحديدا " محبوبى لاقاني" ولقد غناها سيد معه كثيرا بالاسماعيليه الى جانب كسره حسن عطيه الشهيره " ليه ياسمير ما جيت حجبوك ولا نسيت" وعليها تعلم سيد خليفه دوزنه العود كما أعترف.
سيد خليفة صهر بصوته المجروح الجميل صهر أغنيات كرومه وحسن عطية واحمد المصطفى ولعل هذا سبب حضوره القوى عند ظهوره في الأوساط الفنية لأول وهلة لدرجه أن حسن عطية عندما سمعه بمصر بمعية الشاعر عبد المنعم عبد الحي شاعر يا"بانه" ........ رجع حسن عطية للسودان وقال للاذا عه أو لابىالعزائم تحديدا في فنان ظهر بمصر اسمه سيد خليفة لو وصل هنا سيكون كثعبان موسى الذي التهم ما عداه من الثعابين في اشاره إلى المقدرة العالية جدا لسيد خليفة ..
من الذين سبقوه تغنى سيد خليفة كذلك لعازف الأوتار التاج مصطفى أغنيه " امسيك بالسعادة يا اسمر يا ساده"

Post: #17
Title: Re: الليله لاقانى..ببسمه حياانى...
Author: newbie
Date: 01-17-2009, 09:38 PM
Parent: #12

ده بوست السنة
لاصقين هنا

Post: #28
Title: Re: الليله لاقانى..ببسمه حياانى...
Author: محمد عثمان
Date: 01-18-2009, 10:24 PM
Parent: #17

Quote: ده بوست السنة
لاصقين هنا


newbie

تسلم يا جميل

المكان مكانك و راحتك بالكاامل...

يديدك العاافية...

Post: #27
Title: Re: الليله لاقانى..ببسمه حياانى...
Author: محمد عثمان
Date: 01-18-2009, 10:19 PM
Parent: #12

دكتور احمد..

شكرا للمداخلة الثرة و القيمة جدا و التى حكت عن تاريخ جميل
و حوت على كمية من المعلومات المفيدة و التى كنا نجهلها تماما...

مسيرة الفن السودانى تاريخ طويل فى اعتقادى لم يوثق كله و ظل الكثير
غايبا عن الجميع و معلومات كثيرة كانت توخذ سماعية الامر الذى احدث جدلا
كبيرا فى بعض من الاغنيات و من كتبها و ما بقصة ابو صلاح و مسعد حنفى ببعيده
عن الاذهان...

اذكر ان استمعت فى لقاء مع الشاعر عوض احمد خليفة انه ذكر انه لم يكتب الاغنيه
المشهورة للفنان الراحا عثمان حسين ذكر انه لم يكتبها كلها بل وضع مقدمه القصيده
و تم غيره بقية القصيده..و هنلك الكثير من الامثلة الاخرى القديمة و الحديثه و اغنية
الجيلى الشيخ اه من غلبى مع انها تنسب للعباس و لكن بداياتها كانت للشاعر ابو قطاطى..

ما ذكر الشاعر خضر حسن سعد الا و ذكرت اغنية ما شقيتك و اتى سجلت لللاذاعة بصوت الفنان
حسن سليمان الشهير بالهاوى و ظهرت الاغنية بعد ذلك بصوت الفنان عوص الكريم عبد الله
و يحكى عن الشاعر خدر حسن سعد انه بعد ان كتب هذه الاغنية كان طريح المستشفى و كان وقتها
الدكتور عبد الحليم مشرف على علاجه و جاء الى زيارته الفنان حسن عطية و معه بعض اصدقاء
الشاعر فرفض الدكتور عبد الحليم السماح لهم بزيارته و عندما الحوا عليه قال لهم الم
تسمعوا ما شقيتك فهذا الشاعر قد نعى نفسه فى هذا الاغنية و فعلا فما هى الا اياام قلايل
حتى ارتحل الشاعر مودعا هذه الفانية...له الرحمة و المغفرة..

و ايضا على ذكر الشاعر المرهف صاحب الاحساس العالى حميد ابو عش فهذا الشاعر استطاع ان يفرض
نفسه و ذلك باختياره لمفردات و كلمات احدثت نقلة فى كتابة القصيدة الغنائية..
فهو و رغما من انه من المقلين فى الشعر الغنائى فلم تشتهر له الا اغنيات تعد على
اصابع اليد اواحده الا انها كانت كافية لتجعله فى مقدمه شعراء الاغنية السودانية
و كانت اعماله على قلتها برهانا قاطعا على ان التقدير بالكيف و ليس بالكم العددى..
من اشهر اغنياته تغنى بها الفنان عبد الحميد يوسف و هى الاغنيته الرائعة
غضبك جميل زى بسمتك فلقد كانت جديده فى موضوعها و اسلوبها و قالبها اللحنى
و نالت من الشهر ما لم تنله اى اغنية اخرى فى ذلك الوقت...

شكرا دكتور احمد مره اخرى و حقيقة طولنا من مداخلاتك القيمة و ان شاء الله نعود
للدكتور طراوة بالاغنيات التى طلبها من الاغنيات التى كتبها حميد ابو عشر..

يديك العاافية...

Post: #26
Title: Re: الليله لاقانى..ببسمه حياانى...
Author: محمد عثمان
Date: 01-18-2009, 09:45 PM
Parent: #11

Quote: اضم صوتى واوافق ... هذا الجمال لابد وان يكون فى المقدمة ..


تسلم اخ عابدون

يديك العاافية,,

Post: #18
Title: Re: الليله لاقانى..ببسمه حياانى...
Author: ماجدة عوض خوجلى
Date: 01-18-2009, 01:36 AM
Parent: #1

سلام محمد عثمان ولكل الموجودين فى البوست ..
Quote: لينك الحفظ هنا... وانت ما شحاده انتى سيده حق:

اها الكلام ده واضح انا سيده حق ، ما حق حقت السياسة ،حقت الاغنية دى مافى زول يحفظ الا بالقروش
وبنقبل الكرديت كارد والسويتش لاكن شيكات مامعانا فمافى داعى للاحراج ...
تسلمو كلكم يارب ...

Post: #30
Title: Re: الليله لاقانى..ببسمه حياانى...
Author: محمد عثمان
Date: 01-18-2009, 10:32 PM
Parent: #18

Quote: اها الكلام ده واضح انا سيده حق ، ما حق حقت السياسة ،حقت الاغنية دى مافى زول يحفظ الا بالقروش
وبنقبل الكرديت كارد والسويتش لاكن شيكات مامعانا فمافى داعى للاحراج ...
تسلمو كلكم يارب ...


مااجده...

كيفك..؟؟؟

كل الحقوق عندك و تنازل كامل...
اها قصرت معااك..؟؟

يديك العاافية...

Post: #19
Title: Re: الليله لاقانى..ببسمه حياانى...
Author: saadeldin abdelrahman
Date: 01-18-2009, 04:26 AM
Parent: #1

لاقاني لاقاااني و بي بسمة حياني..
كمية من البهجة و التطريب (غير اعتيادية)
سرت من هذا الراحل الى و في وجدان مستمعيه و معجبيه
فهزته بعنف مستحب و نشوة بريئة..
الا رحم الله أبوالسيد

Post: #20
Title: Re: الليله لاقانى..ببسمه حياانى...
Author: عبدالكريم الامين احمد
Date: 01-18-2009, 07:58 AM
Parent: #19

يا سسلام يا ود عثمان
دوما كما عهدناك عزال ياخي
وسيد خليفة له الرحمة صوت من دهب ياخي..
واقامة دائمة واستماع تعليماتو ثابتة اربعة وعشرين ساعة

Post: #32
Title: Re: الليله لاقانى..ببسمه حياانى...
Author: محمد عثمان
Date: 01-18-2009, 10:44 PM
Parent: #20

Quote: يا سسلام يا ود عثمان
دوما كما عهدناك عزال ياخي
وسيد خليفة له الرحمة صوت من دهب ياخي..
واقامة دائمة واستماع تعليماتو ثابتة اربعة وعشرين ساعة



ناس الحى اللاتينى...
الجميل عبد الكريم...

لك التحية و التقدير و انت دايم الرفقه مع الغناء الجميل

الراحل ابو السيد صوت لن يتكرر سيظل خالدا فى وجدان الجميع
فلقد ترك لنا الكثير من الدرر الغنائية فى مكتبة الغناء السودانى..

تسلم يا حبيب و شكرا على الطلة الراقية الانيقة...

Post: #31
Title: Re: الليله لاقانى..ببسمه حياانى...
Author: محمد عثمان
Date: 01-18-2009, 10:38 PM
Parent: #19

Quote: كمية من البهجة و التطريب (غير اعتيادية)
سرت من هذا الراحل الى و في وجدان مستمعيه و معجبيه
فهزته بعنف مستحب و نشوة بريئة..
الا رحم الله أبوالسيد


الحبيب سعد الدين..

كيفك يا زين..؟؟ زمن طويل..

تسلم... و شكرا للحضور الجميل

يديك العاافية..

Post: #21
Title: Re: الليله لاقانى..ببسمه حياانى...
Author: Rihab Khalifa
Date: 01-18-2009, 12:29 PM
Parent: #1

Quote: و تاانى...


و تالت?

Post: #22
Title: Re: الليله لاقانى..ببسمه حياانى...
Author: عبدالكريم الامين احمد
Date: 01-18-2009, 01:43 PM
Parent: #21


الي طارق جبريل

الي تيتاوي

والي الغائب الحاضر راكوبة

Post: #34
Title: Re: الليله لاقانى..ببسمه حياانى...
Author: محمد عثمان
Date: 01-18-2009, 10:50 PM
Parent: #22

Quote: الي طارق جبريل

الي تيتاوي

والي الغائب الحاضر راكوبة


بالجد فاقدنهم يا اخ عبد الكريم

نتمنى عودتهم و ظهورهم هنا..

Post: #33
Title: Re: الليله لاقانى..ببسمه حياانى...
Author: محمد عثمان
Date: 01-18-2009, 10:47 PM
Parent: #21

Quote: و تالت?


الى ما لا نهاايه...

شكرا رحاب على الطله..

Post: #23
Title: Re: الليله لاقانى..ببسمه حياانى...
Author: أحمد طراوه
Date: 01-18-2009, 05:33 PM
Parent: #1

حليل ايامك الخالدات .. خالدات هنا مالي بنساك ، يا زول انا قلبي حباك

" وكان ايوب فارس ، يضع ريشة العود مكان القلب / شمال الصدر ، عندما يصل
الي عبارة : خالدات هنا ! "





.. و كانت تلك المجموعة الخرطومية المكونة من

( خدر حسن سعد ، عبد القادر سليمان
و اخيه الاصغر حسن سليمان الهاوي ، ثم كِشة ، و زول حي المراسلات / حسن
محمد عطية ، و معهم زعيم الجزارين مفتون الطرب / عمر شيخ ريا و صديقه
ابراهيم العبادي )

.. كانوا كلهم علي خط ذاك الشعار الذى رفعه مبكرا الفراش المحترق / خدر
حسن سعد :

" عاش الحب ، ودام صفانا .. و عاش النيل الروانا " وهذه مدرجة ضمن
طلبات المستمعين في هذا البوست الارجواني

و نتاكد بحق ان خدر حسن سعد قد عاش و مات فراشا محترقا ، وذلك عندما
نسمع الهاوى في اغنية ما شقيتك : و نغرق في تلك المترادفة اللحنية التى
مثلت
عجائب الميلودي ، و مثلت توصيف لحظاته الاخيرة لما قبل الموت
في حديث الوادع مع المحبوب

: حظى اسود .. انا حظى اسود ! حظي اسود .. زي رمش عينِك

.. يا ود عثمان ، أملأ لنا الدِنان من غنائية حميدة ابو عشر ، ثم إتنا
بالصبوح علي يد الهاوي ( ما شقيتك ) ، ثم دور بينا تاني عند
غنائية ابوعشر :

ظلموني الاحبة ، و روضتي الغنا

* خرطة طريق يا هدهد الغناء ، فقد جاءتك جماهير الذواقة ، و الحركة الغنائية ،
فاين المفر

.. مودتي الوافرة للجميع ، و كل المنتمين لهذا البوست الارجواني

شكرا يا درديري ، الواجب ان تضع وزارة الثقافة ، و مصلحة الآثار يدها على
( شجرة النيم تلك - ماركة بحر ازرق ) .. فهي بعض من اشجار وادي
عبقر السوداني ، بعض من مصادر إلهام حميدة ابو عشر


Post: #24
Title: Re: الليله لاقانى..ببسمه حياانى...
Author: احمد الامين احمد
Date: 01-18-2009, 08:37 PM
Parent: #23

حتى يستجيب الباشمهندس ودعثمان ويملأ دن دكتور طراوه من معين خدر حسن سعد مره اخرى عبر اغنيه " ماشقيتك" حسب طلب طراوه شخصيا انزل قصه " ماشقيتك" مع الاعتذار لصاحب البوست !!
كلمات الاغنيه " ماشقيتك" تشف عن تجربه حزينه تعرض لها شاعرها الحساس وغالبا زواج من احب باخر هذه العاده القبيحه فى المجتمع السودنى الذى يكبح الحب بحكم الاعراف وخراب الذاكره وقسوه القلب ويبدوان شاعرها عانى جراء ذلك فيما تبقى من عمره بل لعله اصابه داء جماع بدرجه اقل رغم انه من خيره شباب جيله الذى واكب الحركه الوطنيه وقد كتب اغنيه وطنيه شهيره تغنى بهاحسن عطيه كثيراهى"طال الليل على المسافر" فى ذم الاستعمار ونشدان الاستقلال وسعدت بسماعى لها بحنجره اسماعيل عبدالمعين بمصاحبه مزهر فقط... فى برنامج كتاب الفن الذى كان يقدمه ابوالعزائم ما شقيتك سمعناها خلاف عند الصوت البرتون لحسن سليمان عند اكثر من حنجره اشهرها مصطفى سيداحمد وقبله حمدالريح لكن يسعد كثيرامن يسمعها عند ملحنهاحسن عطيه برفقه عوده القديم:

ما شقيتك وانت الشقيتني
راعي نص الهوى والغرام
ما جفيتك وانت الجفيتني
ما نسيتك وانت النسيتني
في بحور الحب كم رميتني
وكؤس الصد كم سقيتني
بخضم الهوى كم بديتني
بخيالك لو كان لفيتني
تحي صبا ترعى الزمام
خدو ماسة والثغيرو مبسم
حسن يوسف وعفاف مريم
نغمة المزمار لو تكلم
زينة الازمان لو تكتم
الدرر تنساب لو تبسم
حكم جار البي لو يقسم
اسلم العشاق للاحكام
حظى اسود من كحل عينه
دثرونى من سهم عينه
زملونى من در نغيمه
اذكريني ثم اذكريني
واصليني ثم اهجريني
ذكريني شوقي وحنيني
اوعديني ثم امطليني
اذكريني ثم ارشفيني
قبلة معسولة ارشفيني
الودااع ياا مصدر فنونى
الودااع ياا منبع انينى
الوداع .... الوداع ..
وويكفى شاعرها المرهف خدر حسن سعد من هذه الاغنيه الفريده العفه والسمو وتطويع روح مفردات وصور القرأن والتنشئه الصالحه التى تربى عليها معظم جيله لذا لاحظوا احتفاله السامى بمحبوبه رغم الاسى الذى لاقاه منه:
خدو ماسه
ريقو زمزم
ثغرو ميسم
حسن يوسف
وعفاف مريم..
فله الرحمه وللجميع وتحديدا wadosman وطراوه ومعاويه محمد الاحترام والتجله...

Post: #36
Title: Re: الليله لاقانى..ببسمه حياانى...
Author: محمد عثمان
Date: 01-18-2009, 11:04 PM
Parent: #24

Quote: كلمات الاغنيه " ماشقيتك" تشف عن تجربه حزينه تعرض لها شاعرها الحساس وغالبا زواج من احب باخر هذه العاده القبيحه فى المجتمع السودنى الذى يكبح الحب بحكم الاعراف وخراب الذاكره وقسوه القلب ويبدوان شاعرها عانى جراء ذلك فيما تبقى من عمره بل لعله اصابه داء جماع بدرجه اقل رغم انه من خيره شباب جيله الذى واكب الحركه الوطنيه وقد كتب اغنيه وطنيه شهيره تغنى بهاحسن عطيه كثيراهى"طال الليل على المسافر" فى ذم الاستعمار ونشدان الاستقلال وسعدت بسماعى لها بحنجره اسماعيل عبدالمعين بمصاحبه مزهر فقط... فى برنامج كتاب الفن الذى كان يقدمه ابوالعزائم ما شقيتك سمعناها خلاف عند الصوت البرتون لحسن سليمان عند اكثر من حنجره اشهرها مصطفى سيداحمد وقبله حمدالريح لكن يسعد كثيرامن يسمعها عند ملحنهاحسن عطيه برفقه عوده القديم:

ما شقيتك وانت الشقيتني
راعي نص الهوى والغرام
ما جفيتك وانت الجفيتني
ما نسيتك وانت النسيتني
في بحور الحب كم رميتني
وكؤس الصد كم سقيتني
بخضم الهوى كم بديتني
بخيالك لو كان لفيتني
تحي صبا ترعى الزمام
خدو ماسة والثغيرو مبسم
حسن يوسف وعفاف مريم
نغمة المزمار لو تكلم
زينة الازمان لو تكتم
الدرر تنساب لو تبسم
حكم جار البي لو يقسم
اسلم العشاق للاحكام
حظى اسود من كحل عينه
دثرونى من سهم عينه
زملونى من در نغيمه
اذكريني ثم اذكريني
واصليني ثم اهجريني
ذكريني شوقي وحنيني
اوعديني ثم امطليني
اذكريني ثم ارشفيني
قبلة معسولة ارشفيني
الودااع ياا مصدر فنونى
الودااع ياا منبع انينى
الوداع .... الوداع ..


وويكفى شاعرها المرهف خدر حسن سعد من هذه الاغنيه الفريده العفه والسمو وتطويع روح مفردات وصور القرأن والتنشئه الصالحه التى تربى عليها معظم جيله لذا لاحظوا احتفاله السامى بمحبوبه رغم الاسى الذى لاقاه منه:
خدو ماسه
ريقو زمزم
ثغرو ميسم
حسن يوسف
وعفاف مريم..
فله الرحمه وللجميع وتحديدا wadosman وطراوه ومعاويه محمد الاحترام والتجله...



شكرا دكتور احمد و الاغنية هنا..


ما شقيتك..بصوت الفنان حسن سليمان

Post: #35
Title: Re: الليله لاقانى..ببسمه حياانى...
Author: محمد عثمان
Date: 01-18-2009, 10:59 PM
Parent: #23

Quote: حليل ايامك الخالدات .. خالدات هنا مالي بنساك ، يا زول انا قلبي حباك

" وكان ايوب فارس ، يضع ريشة العود مكان القلب / شمال الصدر ، عندما يصل
الي عبارة : خالدات هنا ! "

.. و كانت تلك المجموعة الخرطومية المكونة من

( خدر حسن سعد ، عبد القادر سليمان
و اخيه الاصغر حسن سليمان الهاوي ، ثم كِشة ، و زول حي المراسلات / حسن
محمد عطية ، و معهم زعيم الجزارين مفتون الطرب / عمر شيخ ريا و صديقه
ابراهيم العبادي )

.. كانوا كلهم علي خط ذاك الشعار الذى رفعه مبكرا الفراش المحترق / خدر
حسن سعد :

" عاش الحب ، ودام صفانا .. و عاش النيل الروانا " وهذه مدرجة ضمن
طلبات المستمعين في هذا البوست الارجواني

و نتاكد بحق ان خدر حسن سعد قد عاش و مات فراشا محترقا ، وذلك عندما
نسمع الهاوى في اغنية ما شقيتك : و نغرق في تلك المترادفة اللحنية التى
مثلت
عجائب الميلودي ، و مثلت توصيف لحظاته الاخيرة لما قبل الموت
في حديث الوادع مع المحبوب

: حظى اسود .. انا حظى اسود ! حظي اسود .. زي رمش عينِك

.. يا ود عثمان ، أملأ لنا الدِنان من غنائية حميدة ابو عشر ، ثم إتنا
بالصبوح علي يد الهاوي ( ما شقيتك ) ، ثم دور بينا تاني عند
غنائية ابوعشر :

ظلموني الاحبة ، و روضتي الغنا

* خرطة طريق يا هدهد الغناء ، فقد جاءتك جماهير الذواقة ، و الحركة الغنائية ،
فاين المفر

.. مودتي الوافرة للجميع ، و كل المنتمين لهذا البوست الارجواني

شكرا يا درديري ، الواجب ان تضع وزارة الثقافة ، و مصلحة الآثار يدها على
( شجرة النيم تلك - ماركة بحر ازرق ) .. فهي بعض من اشجار وادي
عبقر السوداني ، بعض من مصادر إلهام حميدة ابو عشر


دكتور طراوة...

مداخلة دسمه و من العيار الثقيل
حتما ساعود اليك بكل الاغنيات التى ذكرتها فى المداخلة الفوق..

من الاشياء التى اذكرها و فى رمضان الفات و فى الحلقات التى كان يبثها
تلفزيون النيل الازرق مع الموسوعة السر قدور انه جا ذكر اغنية ظلمونى الاحبة
التى اداءها الفنان الجميل ولد ناس البنا..اذكر ان السر القدور ذكر ان اغتية
ظلمونى الاحبة من كلمات الشاعر....الطاش و لحظتها فوجئت بهذا الكلاام و دخل الشك فى نفسى
لانىى كنت اعرف ان هذه الاغنية من كلمات الشاعر حميده ابو عشر
الا ان جاءت مداخلتك الفوق لتعيد الامور الى نصابهاو تثبت لى ما كان عندى صحيحا..

برجع ليك ان شاء الله بالاغنيات كلها...

يديك العاافية...

Post: #40
Title: Re: الليله لاقانى..ببسمه حياانى...
Author: salma subhi
Date: 01-20-2009, 08:49 AM
Parent: #35

و....
من غير ميعاد
واللقيا أجمل في الحقيقة بلا انتظار
صحّيتي في نفسي الوجود
ورجّعتي لعيوني النهار

في لحظة مرت كالظلال تعبر رؤاي إحساس عميق
فتحتي جرح الليل عسى من صمتي ما قادر أطيق
.........
لقيتو واقف منتظر تشتاق عيوني لطلعتو
نفس الملامح والشبة .. والمشية زاتا ووقفتو
اللهفة والتوب والقوام وأوصاف حبيبي وروعتو
.........
الليلة لاقيتو
ملأ السرور قلبي
وبي اسمه ناديته

وهنا...
محبوبي لاقاني وبي بسمه حيّاني
الخ من الأبيات النديّة التي تختال روعة وتأتي كما تغنّى بها وردي في لحظة تمّر كالظلال و تعبر رؤى وإحساس عميق ....تتشكّل وترسم لنا لوحة بديعة عنوانها ( لقاء ) أو لنسمّها كيفما نريد...
ولكن !!!

شتّان بين لقاء ولقاء.......

فقد يكون في إحداهما الداء وفي الآخر الدواء

تحياتي
وامنياتي الطيّبة

Post: #44
Title: Re: الليله لاقانى..ببسمه حياانى...
Author: محمد عثمان
Date: 01-21-2009, 09:15 PM
Parent: #40

Quote: و....
من غير ميعاد
واللقيا أجمل في الحقيقة بلا انتظار
صحّيتي في نفسي الوجود
ورجّعتي لعيوني النهار

في لحظة مرت كالظلال تعبر رؤاي إحساس عميق
فتحتي جرح الليل عسى من صمتي ما قادر أطيق
.........
لقيتو واقف منتظر تشتاق عيوني لطلعتو
نفس الملامح والشبة .. والمشية زاتا ووقفتو
اللهفة والتوب والقوام وأوصاف حبيبي وروعتو
.........
الليلة لاقيتو
ملأ السرور قلبي
وبي اسمه ناديته

وهنا...
محبوبي لاقاني وبي بسمه حيّاني
الخ من الأبيات النديّة التي تختال روعة وتأتي كما تغنّى بها وردي في لحظة تمّر كالظلال و تعبر رؤى وإحساس عميق ....تتشكّل وترسم لنا لوحة بديعة عنوانها ( لقاء ) أو لنسمّها كيفما نريد...
ولكن !!!

شتّان بين لقاء ولقاء.......

فقد يكون في إحداهما الداء وفي الآخر الدواء

تحياتي
وامنياتي الطيّبة


الرائعة سلمى..

ليك وحشة

افتدقنا قلمك الجميل و حروفك الانيقة
و كويس الجابكم ابو السيد..

بين اللقياء و اللقاء تبقى الياء جسرا من التواصل
الذى يربط بين الحنين و الشوق...

و ازيد هنا:

و أسأل عهودا كيف كنّا
كم باللّقاء سمحت لنا..

و

ذكريها بي إويقات اللقاء والتصابي
يوم كنا كل صبحً ومساء في اقترابي
علَ بتذكار لي بعض الشفاء من عذابي...


شكرا ليك كتير و شكرا للمداخلة الشفيفة..

كل الود...

Post: #29
Title: Re: الليله لاقانى..ببسمه حياانى...
Author: saadeldin abdelrahman
Date: 01-18-2009, 10:25 PM
Parent: #1

يا سلااااام عليكم ياخ يا سلام! ما شقيتك بشاعرها وقصتها و كل ذياك الترف الروحي النبيل. احييكم ياخ!

Post: #37
Title: Re: الليله لاقانى..ببسمه حياانى...
Author: احمد الامين احمد
Date: 01-19-2009, 12:34 PM
Parent: #29

باشمهندس ودعثمان تشكر على التفضل بالرد والاغنيه بس للدقه انا مش دكتور بل " زول ساكت" وان شاء الله اصير دكتور يوما ما ان طال العمرمع الشكر والتحيه ....

Post: #47
Title: Re: الليله لاقانى..ببسمه حياانى...
Author: محمد عثمان
Date: 01-21-2009, 09:36 PM
Parent: #37

تسلم استاذ احمد الامين
و ان شاء الله نسمع بيك كذلك قريبا
و بالتوفيق يا رب...

Post: #46
Title: Re: الليله لاقانى..ببسمه حياانى...
Author: محمد عثمان
Date: 01-21-2009, 09:32 PM
Parent: #29

Quote: يا سلااااام عليكم ياخ يا سلام! ما شقيتك بشاعرها وقصتها و كل ذياك الترف الروحي النبيل. احييكم ياخ!


الاخ سعد الدين..

كيف احواالك..؟؟ و ما طالى علينا قريب..؟؟

الاستاذ احمد الامين مستودع لتاريخ جميل و هو يملك ذخيرة
رهيبة من حكاايات الفن السودانى الاصيل..و اهو دايما
كل مره ينكت لينا حاجة من بيت الكلاوى..

لك التحية...

Post: #38
Title: Re: الليله لاقانى..ببسمه حياانى...
Author: saadeldin abdelrahman
Date: 01-20-2009, 07:48 AM
Parent: #1

خالدات هنا.

Post: #39
Title: Re: الليله لاقانى..ببسمه حياانى...
Author: هاشم أحمد خلف الله
Date: 01-20-2009, 07:57 AM
Parent: #1

ينصر دينك يا هندسة ياخ
والله المنبر من غيرك بيت بكاء بس !!

Post: #48
Title: Re: الليله لاقانى..ببسمه حياانى...
Author: محمد عثمان
Date: 01-21-2009, 09:44 PM
Parent: #39

Quote: ينصر دينك يا هندسة ياخ
والله المنبر من غيرك بيت بكاء بس !!


الشفيف هااشم..

و انتم الذين بكم يكتمل الفرح
و ينتعش جو الطرب الجميل...

تسلم يا حبيب...

Post: #41
Title: Re: الليله لاقانى..ببسمه حياانى...
Author: انعام عبد الحفيظ
Date: 01-20-2009, 09:26 PM
Parent: #1

يا زوول انا قلبي حباك اموت انا مالي بنساك
اشعلت لي ناري جددتو تذكاري
انا ليك دوام صاين ساكن قريب جاري

Post: #42
Title: Re: الليله لاقانى..ببسمه حياانى...
Author: حامد محمد حامد
Date: 01-20-2009, 09:36 PM
Parent: #41

محمد عثمان يا رائع

بوست دسم مليان ابداع وبالمبدعين من ابناء بلدى

يعطيك العافية محمد

كن بخير

Post: #50
Title: Re: الليله لاقانى..ببسمه حياانى...
Author: محمد عثمان
Date: 01-21-2009, 10:00 PM
Parent: #42

Quote: محمد عثمان يا رائع

بوست دسم مليان ابداع وبالمبدعين من ابناء بلدى

يعطيك العافية محمد

كن بخير


الاخ حامد...

تسلم يا جميل

دكتور طراوة و الاستاذ احمد الامين ما قصروا تب
غايتو الزول لمن ينجح فى استدراجهم للكتابة عن تاريخ
و رحلة الغناء السودانى الممتده اكيد بتطلع منهم حاجات جميلة
فهم مرجعنا و ذخيرتنا فى البورد هنا..و لقد استفدنا منهم الكثير و الكثير..

يديك العاافيه...

Post: #49
Title: Re: الليله لاقانى..ببسمه حياانى...
Author: محمد عثمان
Date: 01-21-2009, 09:53 PM
Parent: #41

Quote: يا زوول انا قلبي حباك اموت انا مالي بنساك
اشعلت لي ناري جددتو تذكاري
انا ليك دوام صاين ساكن قريب جاري


انعااام...

و اشر الغيمة على النجم و ارتااح
و اصاادف معاكم اجمل الغااباات
و اصادف غصنكم الفوااح
ويتفتح من عيونكم مجرى الغنى المسدود
و بأسمكم اغنى لعاالم بسيط و جميل
و معا لاخر المشوااار نغنى على وتر مشدود.....

و الكسره:

بلال انا مالى بنساااك
اشعلت لى نارى
و قدمت تذكاارى
انا ليك دوام طارى
الساكن قريب جارى

يا ساحر النظرات
يا مغرى باللفتاات
وين اياامك الخالداات
خالدات هنا

زينة الدهر يحلو السمر
الحب امر
دمعى النزل
بخت الزهر...


شكرا انعااام...

Post: #43
Title: Re: الليله لاقانى..ببسمه حياانى...
Author: saadeldin abdelrahman
Date: 01-21-2009, 01:15 AM
Parent: #1

أنا ليك دوام طاري..

Post: #45
Title: Re: الليله لاقانى..ببسمه حياانى...
Author: Alsa7afa_30
Date: 01-21-2009, 09:25 PM
Parent: #1

زي الصباح مشرق ..


.
.


شكرا يا ابو حميد ..

Post: #51
Title: Re: الليله لاقانى..ببسمه حياانى...
Author: محمد عثمان
Date: 01-21-2009, 10:05 PM
Parent: #45

Quote: زي الصباح مشرق ..


.
.


شكرا يا ابو حميد ..


الجميل الصحاافة...

وينك يا زول..؟؟

ليك وحشة...

تسلم يا حبيب و يلا اظهر...

Post: #52
Title: Re: الليله لاقانى..ببسمه حياانى...
Author: Haitham Labib
Date: 01-22-2009, 06:25 AM
Parent: #1

Quote: حليل ايامك الخالدات .. خالدات هنا مالي بنساك ، يا زول انا قلبي حباك

" وكان ايوب فارس ، يضع ريشة العود مكان القلب / شمال الصدر ، عندما يصل
الي عبارة : خالدات هنا ! "

بعد إذن أخوي محمد عثمان وللدكتورأحمد طراوة ولمحمد والأخوة المتداخلين وتطريب بن بحري الرائع / أيوب فارس .. شغل بالكبريتة .. "" وبعواطفي بادلتو ... وبدموعي جاوبتو ""



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">


Post: #54
Title: Re: الليله لاقانى..ببسمه حياانى...
Author: محمد عثمان
Date: 01-22-2009, 09:22 PM
Parent: #52

Quote: بعد إذن أخوي محمد عثمان وللدكتورأحمد طراوة ولمحمد والأخوة المتداخلين وتطريب بن بحري الرائع / أيوب فارس .. شغل بالكبريتة .. "" وبعواطفي بادلتو ... وبدموعي جاوبتو ""


الاخ هيثم...

شكرا للاضاافة الجميلة

و فى انتظار دكتور طراوة و استاذ احمد للتعليق
على هذا العمل...

تسلم يا حبيب...

Post: #53
Title: Re: الليله لاقانى..ببسمه حياانى...
Author: haroon diyab
Date: 01-22-2009, 06:45 AM
Parent: #1

يازول انا قلبي حباكـ
والله انا صادق يامحمد عثمان
كتر لينا من الزي ده....!!!

Post: #55
Title: Re: الليله لاقانى..ببسمه حياانى...
Author: محمد عثمان
Date: 01-22-2009, 10:10 PM

Quote: يازول انا قلبي حباكـ
والله انا صادق يامحمد عثمان
كتر لينا من الزي ده....!!!


الجميل هارون..

تسلم يا حبيب..

شايفك متجدع مع جمااعتكم فى الصور بهناك
يا بختكم..