Post: #1 Title: و فيك نظمت الدر نشيدى..!! Author: محمد عثمان Date: 05-15-2008, 10:46 PM
و هكذا تتارجح الايااام.. فهل نحتمل..هذا الغناء الذى يثير ترددات الوجدان فى دوااخلنا..؟؟
الرحمة و المغفرة للثلاثى الراحل الشاعر ود القرشى.. الفنان عثمان الشفيع و الفنان خوجلى عثمان..
تعال يا رب الفن يا سيدي وفيك نظمت الدر نشيدي تعال يا حبيب اه تعال بيك الامال جديده تعال اللحظه معاك سعيده اوريك فنوني يا وحيها وعوده اوريك شجوني المرسلة لعيوني تعال ان ليك في قلبي ريده معذبة تشتاق لي وحيده تعال يا حبيبي... حذاري تالمني حذاري وكتير يا اليك ما طاب مزاري بخليك لانك ما ارواني دنك واقول ليك هجرتك وتكفى الذكرى عنك انا الفي هواك عفيف وبائن يصح تعذيبي واحتقاري كتير ده كتير تعال يا رب الفن يا سيدي تعال يا حببى هب الحب حباني بي لطفو واحتواني قال لي كنت عنيف بتعرفوا ما قصدت اهوى براك شوفوه يا ظرفو تعال يا اخلاق الملائكة ودنيا الحب اسلاكه شائكه تعال يا حبيبى ترنم نغماتك واسبح في اهاتك وغني البلابل منتظره صيحاتك اعزف عودي يا رب الفن ذاتك انا وانت الاحلام نعيده روحي يا روحي الليله عيده تعال يا حبيبي ..
ـــــــــــــــــ
Post: #2 Title: Re: و فيك نظمت الدر نشيدى..!! Author: Osman Musa Date: 05-15-2008, 11:02 PM Parent: #1
نعم ايوه ... ده الكلام الكبار البصلح أفتح النوافذ يا محمد شتت الورود ... ابهل كب الفرح ... ياسلام
Post: #3 Title: Re: و فيك نظمت الدر نشيدى..!! Author: عصمت العالم Date: 05-15-2008, 11:29 PM Parent: #2
الفنان البديع ..محمد عثمان...
لعلك ارحت الشاعر العظيم محمد عوض الكريم ..فى موقعه هناك عند الجنان وحوله.. الحور..وهو يهوم بين الحورالعين....وعصافير الجنه توشوش له بكل ذلك الغناء الدفيق..ارضيت غروره..واكفيت مطامعه..والبسته ذلك الدثار المخملى...وسقيت ظما جموحه .لمرابيع الجمال..وسوسنة الفن..وتغريدالكنارى...واشفيت السقم الشجون..واجبرت اطراف الكون.كى تاتيه وهو فى سطوة سلطان ذلك الطرب..المباح... الفنان محمد عثمان.. انت ناديت رب الفن...ومكنت اللحظات من مرامى معانى كل ذلك الحضور...وابلغت رسالة ذلك المزيج وهو يختلط بالفكر..والعقل..والجمال...والابداع..والفن..وحس الدواخل..وتداخل اللحظات وهى تشراب فى جموح فاضح..تتطلع.وتسال.وتعيش.وتداوم..وتغرق.وتضجع.فى غياب غفوة سعادة..لن تكرر ..كثيرا..فهى منحة من تعطف القدر.حين يتيح.ويبيح..ويعطى بتدفق..وكرم..وهو يصفو .ويبتسم...!!
الفنان محمد عثمان...
لعل ابعاد التجسيد..فى ذرى تعاظمها..تبدو..فى شفق افقها..ذرى من عطاء..ثر..يشمل..ويغسل..ويهوم.ويقوم..ويعطن..ويسكن..خبايا الاحساس..وزمن المشاعر... اعدتنا ايها الفنان لذلك الزمن الندى الجميل المعطاء.بلا حدود..ولا مقاييس..ولا سؤال...زمن وردى..فى ستنيات القرن الماضى..والليل..والاحباب..والسهر..وود القرشى..وامسيات ذلك العطر .الحنين..... محمد عثمان.. دعنى اهمس لك..بحق صفاء الايام..وعطر الذكريات..انك..انت الساقى..والسقيا.وذلك الخندريس الذى اسكرنا بمدامه الرحيق... لا املك إلا ان اسال لك المولى ان يمنحك من دفء عطائه..وجميل فيوضه..ما يجعلك تواصل.فى شفاء جراح الانفس ومواجع الارواح..بتلك الالحان..الترياق..والشفاء.. كل الحب..ومزيج من اعزاز ومحبه..
Post: #8 Title: Re: و فيك نظمت الدر نشيدى..!! Author: محمد عثمان Date: 05-16-2008, 09:12 PM Parent: #3
Quote: الماضى..والليل..والاحباب..والسهر..وود القرشى..وامسيات ذلك العطر .الحنين.....
الشفيف صاحب القلم الانيق..عصمت
لك التحية و التقدير و شكرا للمداخلة الراقية و الكلمات الجميلة التى خطها قلمك الانيق... لا زال فى بالى و لا زلت احتفظ بكل محتويات ذلك البوست الرهيب فى الجهة الاخرى عن ثنائى الابداع الخرافى ود القرشى و عثمان الشفيع و الذى كان يشارك فيه الاخ المسافة مع شخصكم الكريم..بوست حكى عن تاريخ جميل و ذكرياات اغنيااات لن تتكرر ابدا شكلت وجدان ذلك الجيل فى ذلك الزمن الذى كان لا مجال فيه لانصاف الموهبيين و كان الذى يستطيع ان يفرض نفسه و اغنياته فهو فنان بحق و حقيقة... الان صدأت النفوس و تأكل الوجدان..و اصبحنا لا نعى الكثير بعد ان اختلط الحابل بالنابل...
الشفيف عصمت..
هذه الاغنياات الخالدة و الدرر المصونة هى دايما ما تكون الملاذ الامن لنا و الذى نهرب اليه لنغسل انفسنا من كدر و رهق هذا الزمن المتعب حتى نستطيع ترتيب الاشياء فى دواخلنا من جديد...
لك كل الود و التقدير...
Post: #7 Title: Re: و فيك نظمت الدر نشيدى..!! Author: محمد عثمان Date: 05-16-2008, 08:17 PM Parent: #2
الاخ عثمان موسى..
تسلم كتير..كما عهدناك دايما حضورا فى واحة الطرب و الغناء الرااقى الجميل..
يديك العاافية...
Post: #5 Title: Re: و فيك نظمت الدر نشيدى..!! Author: نهي محسن أبوراس Date: 05-16-2008, 03:33 AM Parent: #1
ياسلااااااااااااااااااام عليك يارائع...
بوست راييييييييق وراقي.. نستظل فيه من رمضاءالحياة اليومية.. وننتقل معه إلي دنيا البهجة والجمال....
ياخ ..الله يديك العافية ويوفقك محل ماتقبل... مودتي
Post: #6 Title: Re: و فيك نظمت الدر نشيدى..!! Author: نهال الطيب Date: 05-16-2008, 11:01 AM Parent: #5
Quote: حذاري تالمني حذاري
وكتير يا اليك ما طاب مزاري
بخليك لانك ما ارواني دنك
واقول ليك هجرتك
وتكفى الذكرى عنك
انا الفي هواك عفيف وبائن
يصح تعذيبي واحتقاري
كتير ده كتير
لاحولا كلام عجيب
أنه الشفيع آآآه منه آآآه
محمد عثمان
دوماً متألق
Post: #12 Title: Re: و فيك نظمت الدر نشيدى..!! Author: محمد عثمان Date: 05-16-2008, 10:41 PM Parent: #6
نهاال..
تكتمل الروعة بحضورك الجميل..
الشفيع و ود القرشى اثريا مكتبة الغناء السودانى بالكثير من الدرر الخالدة..
شكرا ليك كتير..
Post: #11 Title: Re: و فيك نظمت الدر نشيدى..!! Author: محمد عثمان Date: 05-16-2008, 09:54 PM Parent: #5
نها..جالبة الدرر
كلك ذوق شكرا ليك كتير و ربنا يحفظك من كل شر..
مودتى...
Post: #9 Title: Re: و فيك نظمت الدر نشيدى..!! Author: أحمد طراوه Date: 05-16-2008, 09:33 PM Parent: #1
.. ود عثمان في غزوة جديدة مقتحما جناين البان جديد !
ود القرشي تاجر البقر اب جلابية و عراقي ! عجيب امر السودان .. رقة مشاعر اهلو .. عميق مشاعرم .. و جزالة تعابيرم
يا ود الشفيع هل تُجدي العبرات و هل من وسيلة نجيب اميرنا الفات
ود القرشي انقضت ايامو .. و بحر الشعر الليلة مات عوامو
.. يا عصمت يا عالم ، لك مودتنا : ليه وقفت بوستك ذاك عن ود القرشي .. عن ملك غنائية السودان الفريدة
.. الزول القال :
للقاك نفرح .. نتبادل الاشواق لهوانا نطرح ..
Post: #15 Title: Re: و فيك نظمت الدر نشيدى..!! Author: محمد عثمان Date: 05-19-2008, 09:52 PM Parent: #9
Quote: .. ود عثمان في غزوة جديدة مقتحما جناين البان جديد !
د. طرااوة..
لك التحية و التقدير و لى ذكرياات مع البان جديد اذكر اول مرة ازور الابيض كان فى التسعيناات و كنت مصر جدا ان اسجل زيارة للبان جديد و فعلا لكن الظااهر كنا قد اخترنا التوقيت الخاطئ فلقد كانت الدنيا خريف و مطر شديد..المهم تهنا لفترة لكن فى النهااية وصلنا و شاهدنا البان الجديدة فكانت تلك هى المرة الاولى و الاخيرة...ة بالجد ليهو حق ود القرشى يكتب قصيدته الجميلة عن البان جديد..
يديك العاافية...
Post: #13 Title: Re: و فيك نظمت الدر نشيدى..!! Author: انعام عبد الحفيظ Date: 05-16-2008, 10:51 PM Parent: #1
Quote: و هكذا تتارجح الايااام.. فهل نحتمل..هذا الغناء الذى يثير ترددات الوجدان فى دوااخلنا..؟؟
محمد عثمان
تغسل هذه الأنغام الأرواح
وتعيد ترتيب الدواخل
وتجدد دماء الحياة فيها
شكراً لنثر الدرر هنا
Post: #16 Title: Re: و فيك نظمت الدر نشيدى..!! Author: محمد عثمان Date: 05-19-2008, 10:04 PM Parent: #13
انعاام..
غني البلابل منتظره صيحاتك الغناء الجميل يغسل الهم بالحنين و يرحل بنا بعيدا..