Post: #1
Title: مراحب، تبارك شيخ الدين، زين العرسان
Author: ابوعسل السيد احمد
Date: 01-01-2007, 05:25 AM
يطيب لي في هذا العام الجديد و المقام الجميل أن
أرحب بالشاب الحبّوب.. متعدد المواهب سليل آل شيخ
الدين جبريل بكل ما جبلوا عليه من حبهم للآداب و
الفنون و الثقافة و الأصالة و الحداثةو عشق لا يفتر
للحرية و الجمال.
مرحبا تبارك، و كل سنة و أنت طيب
حقق الله الأماني و وفقك إلى تمام
عرسك زينة للشباب.
معذرة إن تأخر ترحيبي
إذ كنت أظن أن هناك من هو
أحق مني بالقيام بواجبه.
و لي قدام
|
Post: #2
Title: Re: مراحب، تبارك شيخ الدين، زين العرسان
Author: munswor almophtah
Date: 01-01-2007, 05:57 AM
Parent: #1
الف مراحب بك يا تبارك بمن بيده الملك والف مبروك الزيجه إن شاء الله سعدا وبخت وكل عام وانت وابوعسل فى أتم السعاده والهناء
منصور
|
Post: #3
Title: Re: مراحب، تبارك شيخ الدين، زين العرسان
Author: ابوعسل السيد احمد
Date: 01-01-2007, 02:49 PM
Parent: #2
الأديب الأريب
المنصور بن عبد الله آل المفتاح.
ها هي نوقك العصافير تأتي سابقة كما رياح، شمالية، كما الهوى الجنوبي، كما الأصالة.
و العيد عيدك.. عيدنا جميعا.. يتبارك.. و عاما نستبشر به دهرا قادما من المجد يهلل
هامة الوطن و إكليل أمن .. سلام.. محبة.. و إيابا ماجدا إلى ربوع المدن.. القرى..
الحلال..الفرقان.. البيادر.. البلدات..البوادي.. ثم المدى الأصيل.
هأنت تجيئ فاتحا إذ تملك أن تميط الحجب وقتما تشاء..
عشت، يا صديقي الماجد
|
Post: #4
Title: Re: مراحب، تبارك شيخ الدين، زين العرسان
Author: Tumadir
Date: 01-01-2007, 02:52 PM
Parent: #3
رحب بيه يابوعسل ما حنمنعك
لكن بس تكلمو ما يشاكل لى اصحابى 
|
Post: #5
Title: Re: مراحب، تبارك شيخ الدين، زين العرسان
Author: saif massad ali
Date: 01-01-2007, 02:55 PM
Parent: #4
مرحب حبابو
والله انا قايل هو وصل البلد وبقي مع العروس
لكن برضو مرحب
الزول ده مرحب بيهو زولا سمح وعديل
|
Post: #6
Title: Re: مراحب، تبارك شيخ الدين، زين العرسان
Author: عبدالله شمس الدين مصطفى
Date: 01-01-2007, 04:21 PM
Parent: #5
عام بلا منغّصات و لا خيبات أبو عسل العزيز ,
و مبروك تبارك شيخ الدين , لم ألتقى الرجل, لكن الحكاوى عنه و كتاباته الرصينة و الرزينة الجادة تخبر عنه, مبروك تبارك و بيت مال و عيال و خير مآل بإذن الله تبارك.
Quote: سليل آل شيخ
الدين جبريل بكل ما جبلوا عليه من حبهم للآداب و
الفنون و الثقافة و الأصالة و الحداثةو عشق لا يفتر
للحرية و الجمال.
|
.
و الخلق و الأخلاق و النبل , و يكفى تماضر خير مثال, و المقداد خير دليل , جعل الله أيامهم كلها أفراحاًو حبور.
و دمت أبو عسل.
أكيد محبتى لكم
|
Post: #7
Title: Re: مراحب، تبارك شيخ الدين، زين العرسان
Author: نادية عثمان
Date: 01-01-2007, 05:27 PM
Parent: #6
يا الف الف مرحب بالزين اخو الزينة ود الزينيين تبارك شيخ الدين .
وعيدكم مبارك كللللللللللللكم ..
|
Post: #13
Title: Re: مراحب، تبارك شيخ الدين، زين العرسان
Author: ابوعسل السيد احمد
Date: 01-01-2007, 08:55 PM
Parent: #7
نادية عثمان
كل عيد و أنت طيبة و أسعد الناس. هو ما قلت؛ تبارك زين الشباب، أخو الزينات، و سليل أسرة الزينين. لا يستغرب منك هذا الترحيب الحار. عيد مجيد و الوطن سالم، آمن، و يسع الجميع. دمت
|
Post: #11
Title: Re: مراحب، تبارك شيخ الدين، زين العرسان
Author: ابوعسل السيد احمد
Date: 01-01-2007, 08:18 PM
Parent: #6
عبدالله شمس الدين، يا صديقي، اسمح لي أن أناديك بأبي الشموس النبيلة.
أعوامك كلها أعياد للأمل و للحب و غياب للخيبات و الهزائم ، يا صديقي المجيد. و الوطن دائما في درب العلا و المجد يمضي. تبارك؛ هو ما قلت فيه و ما سمعت عنه و أكثر. شاب، كآل شيخ الدين جميعا، يأتي من المستقبل المشرق البعيد لوطننا. و لذا فحق علينا أن نرحب به إذ نرحب بالأمل السوداني القادم في كل الجميلين من بلادنا. إلتقيته للمرة الأولى ضمن إحدى فعاليات دارفور بحاضرة العم سام. لم يكن سوى تجسيد صادق لتلك الأسرة الذائعة الصيت.
تعرف يا أبا الشموس النبيلة، لكم وددت أن ألتقيك عيانا مثلما التقيك هنا. و لسوف أفعل بحول الله إن في أعمارنا بقية و في عزومنا بأس. كل عيد و يوم و أنت الأسعد ، أيها الصديق
عشت
|
Post: #10
Title: Re: مراحب، تبارك شيخ الدين، زين العرسان
Author: ابوعسل السيد احمد
Date: 01-01-2007, 07:39 PM
Parent: #5
سيف مساعد علي
السلام عليك يوم العيد. و السلام عليك في مطلع العام الجديد. و السلام عليك كل الأيام.
مثلك خليق أن يرحب بمثل تبارك، و إن تشابه عليك بقر الهوس اللاديني . ذلك أنك سيف للحب و الود و الأصالة و القيم الجميلة. الرجل أعلن إنهيار جميع دفاعاته و استسلم صاغرا لعضوية ناديكم أيها المتزوجين حديثا. فطوبى لكم به . فقط نسأل الله أن يرينا فيكم جميعا يوم الغلبة ، مغلوبين بالعيال غير غالبين إلا بالمال .
كل عام و أنت حرمك بخير
|
Post: #9
Title: Re: مراحب، تبارك شيخ الدين، زين العرسان
Author: ابوعسل السيد احمد
Date: 01-01-2007, 07:31 PM
Parent: #4
الجميلة أخت الجميلين
كل عام و عيد و أنت الأسعد. هأنتم، آل شيخ الدين، ترموننا بلفذة جديدة، قديمة ، من فلذات أكبادكم و أكبادنا أهل السودان. طوبى لنا بالشاب المهذب صاحب الذوق الرفيع، و ضفائر الراستا الطويلة ، تبارك. أما أصحابك، سيدتي، فإن غاضبوا تبارك فكلنا سنغضب له. و يا تبارك اليرشك بالكلام نرشوا ليك بالحروف . عشتم جميعا
|
Post: #8
Title: Re: مراحب، تبارك شيخ الدين، زين العرسان
Author: Elmosley
Date: 01-01-2007, 06:29 PM
Parent: #1
الف مبروك وبيت مال وعيال
|
Post: #12
Title: Re: مراحب، تبارك شيخ الدين، زين العرسان
Author: تبارك شيخ الدين جبريل
Date: 01-01-2007, 08:22 PM
Parent: #8
هسى ديل يشاكلوهم كيف؟
شكر كفاية زاتو مافى!
كل سنة وانتو طيبين
|
Post: #14
Title: Re: مراحب، تبارك شيخ الدين، زين العرسان
Author: ابوعسل السيد احمد
Date: 01-01-2007, 10:44 PM
Parent: #8
فناننا الكبير يوسف الموصلي
مرورك الباهي يشع في هذي الفضاءات ليرحب بتبارك.
العيد مبارك عليك و على عيالك و أسرتك الكريمة..
كن أبدا بخير
|
Post: #15
Title: Re: مراحب، تبارك شيخ الدين، زين العرسان
Author: تراث
Date: 01-02-2007, 01:38 AM
Parent: #14
احب جميع بنات وأبناء شيخ الدينً.. ورغم أن حبي لهم كان من نوع حب المعجبين بنجوم الفن، فقد اتخذ ذلك الحب بعداً رومانسياً بسبب الجيرة الطويلة التي جمعتهم في الحارة السابعة مع بيت ناس فلانة التي "كنت" احبها.
أما الأمر مع تبارك فيزيد عن ذلك، لقد كان صديقي وزميلي رغم فارق السن، فانا أسن منه، وهو اكبر مني بالتأكيد.
مبروك تبارك.. والف الف مرحب بيك.
|
Post: #16
Title: Re: مراحب، تبارك شيخ الدين، زين العرسان
Author: معتصم مصطفي الجبلابي
Date: 01-02-2007, 03:48 AM
Parent: #15
ياعسل تحياتنا
مبروك لي تبارك وعقبال كل الماضاق
والحنة علي ( بس زين العرسان فيها مبالغة كتيييير)
وربنا يسعده ويخليه
|
Post: #17
Title: Re: مراحب، تبارك شيخ الدين، زين العرسان
Author: تبارك شيخ الدين جبريل
Date: 01-02-2007, 04:04 AM
Parent: #16
جميلين لمّا ينزل منكم!
ووب منكم لمن يطير ليكم!
ولاّ شنو يا تراث!
|
Post: #23
Title: Re: مراحب، تبارك شيخ الدين، زين العرسان
Author: ابوعسل السيد احمد
Date: 01-03-2007, 06:42 AM
Parent: #16
معتصم الجبلابي
سلامات و احترامات يا عزيزنا و حبيب تبارك. طالما الحنة عليك يبقى الهز علينا و الشبالات على الحلوات. و عقبال الماضاق بما فيهم نحن و الزيّنا. أما من حيث تبارك زين العرسان فلن نتنازل عن هذا الوصف إلى أن يظهر لينا زين أزين من تبارك.
عشت
|
Post: #18
Title: Re: مراحب، تبارك شيخ الدين، زين العرسان
Author: ابوعسل السيد احمد
Date: 01-02-2007, 02:36 PM
Parent: #15
العزيز تراث
عيدك سعيد، و عامك عامر بالجمال و الحب و الأصالة.
آل شيخ الدين يجبرونك على أن تحبهم حب المعجب بأهل الفن، حب المعجب بالجمال و الثقافة، و قبلا حب المحب للأصالة السودانية.. أما انسانيتهم فتقتلك عشقا لهذه الأسرة بلا جدال. هذا التبارك أصيل و جميل حتى أقصى الجنون . طوبى لك صداقتك لتبارك. و طوبى لنا أنكما معا بهذا المكان الفضائي. الحمد الله أنكما أكبر و أسن منا
احترامي العميق، يا سيدي
تسلم
|
Post: #19
Title: Re: مراحب، تبارك شيخ الدين، زين العرسان
Author: انور الطيب
Date: 01-02-2007, 04:09 PM
Parent: #18
أبوعسل السيد ، كل سنة وأنت بألف خير ومرحب بيك وبصاحبك تبارك ، مع تمنياتنا له بعيش سعيد وعمر مديد ولك ولكل زوار سودانيز أون لاين التحايا العطرة
|
Post: #24
Title: Re: مراحب، تبارك شيخ الدين، زين العرسان
Author: ابوعسل السيد احمد
Date: 01-03-2007, 06:47 AM
Parent: #19
أنور الطيب أيها الرجل النبيل.
كل عيد و أنت الأسعد. و كل عام و أنت و الوطن و القراء و الأعضاء بألف خير و رخاء و منعة.
هكذا أنت تزر غِبا كعهدك. و نحن هنا نسعد بأن تحل علينا نسمات مرورك الشفيف. دم ماجدا و
عزيزا يا صديقي.
|
Post: #20
Title: Re: مراحب، تبارك شيخ الدين، زين العرسان
Author: صديق الموج
Date: 01-02-2007, 04:10 PM
Parent: #1
اهلا تبارك الذى بيده الباسورد...لكن انا ما عندى مانع ترفدوا تماضر وهشام والصادق وتبارك وانا زاتى وتستقطبوا
نوارة اولاد شيح الدين ابو الجراح ابوعبيدة وسوف ترون عجب من ذلك المسكون المشوطن..بلا تبارك بلا لمة،،،
ماهو رايكم اخونا تبارك دام فضلكم؟؟
|
Post: #21
Title: Re: مراحب، تبارك شيخ الدين، زين العرسان
Author: تراث
Date: 01-03-2007, 00:27 AM
Parent: #20
Quote: جميلين لمّا ينزل منكم!
ووب منكم لمن يطير ليكم!
ولاّ شنو يا تراث! |
واعمل حسابك ياتبارك فهذا واحد من اهم قوانين مؤسسة الزواج.. وهو يبدأ بـ : "جميلين وانتو عرسان جدد.. ثم تشرع الووب في الظهور شيئاً فشيئاً" ويستمر بعد ذلك القانون باشكال اخرى. وللتقليل من الووب الذي لا مفر منه تحاشى الجندريات واسمع الكلام.
ابو عسل
اسم على مسمى انك تقطر شهداً.
|
Post: #22
Title: Re: مراحب، تبارك شيخ الدين، زين العرسان
Author: ودرملية
Date: 01-03-2007, 01:33 AM
Parent: #21
سلامات
وعوافي
مرحبتين ياتبارك وبيت مال وعيال .. وبيتك ومنبرنا منورين بيك ...
بعدين انا عيال عم شيخ الدين ديل بحبهم ساي عشان لطافتم وسماحتم ..
هسي هشام الطيب الحنين و تماضر الشينة الكتابتا سمحة دي وقصي همرور الفريد في عصرو غير يحبوهم يعملو ليهم شنو.. ناس نقية زي نسام الصباح ..
بعدين شوف يا تبارك اوعك "تخرب نسام الصباح دا" سمح اي من هسي اوعك تسوي شيطنتك ومقالبك القدتنا بيها بيت قضيم دي بي هناك "عليك الله زول كبير ومتزوج زيك كدا يقول عاوز دكان موش عشان يعمل قروش وبيني بيت لا ما كدا عشان بس ياكل طحنية" هاهاهاها دي بالغتو فيها طبعا انت واولاد حلتكم..
الف مليون مليون مرحب .. ودارن تشيلك وناسا تجيلك ..
بعدين يا ابوعسل لو سمحتا تورينا عمر تبارك دا كم ...عشان انا هسي خاتيهو اكبر من قصي وسيرين بي كان سنة والا سنتين .. ورينا ليهو بدون مشاورتو ..
ماعجوز صاح ؟ ...
هاهاهاهاها
محبتي ومعزتي
|
Post: #29
Title: Re: مراحب، تبارك شيخ الدين، زين العرسان
Author: ابوعسل السيد احمد
Date: 01-03-2007, 10:03 PM
Parent: #22
ودرملية المرهف و الفنان( ما عشان صورتك البالعود و الصندل دي بس )
بس بصراحة أعتقد أنك راجل ذوق و كتّاب شديد من خلال إطلاعي على كثير من مداخلاتك.
المهم، يا صديق، أتفق معك جملة و تفصيلا بشأن آل شيخ الدين كبارهم و صغارهم إلاّ من أبى. ناس يختوهم في الجرح فينضح بالجمال و الشفاء المبين، و خصوصا الزول المالاقيتو عيانا حتى اليوم: هشام، و كمان العبقري الشاب قصي همرور. تماضر سمحة سماح خلّيه ساكت و كتابتها أسمح من نصف كتابة البورداب مجتمعين. شفت كيف!
أول مرة أقابل تبارك لاقيته مع سيرين الجميلة. أصلك ما ممكن تصدق إنهم خال و بت أخته. الراجل دا سارية أطول منه. بس برضو ضفايره هن الأطول من بين كل الضفاير الرجالية السودانية الشفتها في حياتي. آها بعد كدة، عرفت عمره كم؟
ترحيبك جميل و عيدك سعيد و الوطن يمضي في ركب الحب و الزهاء.
عشت
|
Post: #26
Title: Re: مراحب، تبارك شيخ الدين، زين العرسان
Author: ابوعسل السيد احمد
Date: 01-03-2007, 07:01 AM
Parent: #21
تراث، يا رجلا سمحا إذا تداخل، وإذا كتب، و إذا قرأ، و إذا مدح.
نصائحك القيمة واجدة مقاما رفيعا مباركا عند هذا التبارك العريس ، بلا جدال. أما بخصوص شهدنا المقطر فليس بمقدورنا سوى أن نقبل مدحا من رجل أكسبه الإطلاع أعمارا. شكرا جميلا على حسن الظن. عش ماجدا و سعيدا أي يمن حللت.
|
Post: #25
Title: Re: مراحب، تبارك شيخ الدين، زين العرسان
Author: ابوعسل السيد احمد
Date: 01-03-2007, 06:54 AM
Parent: #20
صديق الموج، يا جميل، كل سنة و أنت بخير و كل عيد و أنت الأسعد.
أذكر عندما كنا طلابا ، و دا زمان خلاص ، درسنا علم النبات. فيه عرفنا أنه من طرق الإزهار عند بعض النباتات النًّورة. و هي أن تكون هناك عدة أزهار متراصة بطُرُز مختلفة بحيث تكون ما يشبه أحيانا الزهرة الكبيرة. بإختصار، يا أيها الحبيب، آل شيخ الدين ديل نورة كبيرة، ما فيها زهرة أحلى من زهرة و إن إختلفت طرز التراص .
دم أبدا وسط الزهور متنوّر
|
Post: #27
Title: Re: مراحب، تبارك شيخ الدين، زين العرسان
Author: تماضر الخنساء حمزه
Date: 01-03-2007, 07:02 AM
Parent: #1
مرحبا تبارك
عيدك سعيد ..وكل سنة وإنتا بخير ..
|
Post: #28
Title: Re: مراحب، تبارك شيخ الدين، زين العرسان
Author: Abdulbagi Mohammed
Date: 01-03-2007, 08:50 AM
Parent: #27
Ya Rajul you did it again, congoratulation and bait mal ou Aial ou bait laham,
Mabrooooooooooooooooooooooooook
Buga
|
Post: #30
Title: Re: مراحب، تبارك شيخ الدين، زين العرسان
Author: تبارك شيخ الدين جبريل
Date: 01-04-2007, 03:45 AM
Parent: #28
بقتين شديدات جداً، جداً يا شحتو. والتانية أشد من الأولى (زى ما بقولوا: راجل المرة دة حلو حلا!).
وعندك صورة لى تبارك وسيرين:
|
Post: #34
Title: Re: مراحب، تبارك شيخ الدين، زين العرسان
Author: Siddig A. Omer
Date: 01-04-2007, 08:33 PM
Parent: #30
الاخ تبارك ...المبارك....
مرحبيك...فى هذأ الالق..الذى جمعنا..هاهنا...
و الف مبروك مقدماً و انشاء الله ربنا أوفقك...ياسيدالبركة...و يطرأ بالخير أخونا "سيد بركة"
أعرفك... و لا تعرفنى....هذه ميزة المبدعين فى بلادى..نحن أولاد دفعة فى معهد الكليات...بس انا كنت مجنون آخر....
اتابعك...أين ماذهبت
تحمل بوردك......و ترسم كل جميل
لكننى...اذكر لك قصة لا يعرفها الكثيرون......
قصة الكلب...وأنت تتابع رسمه من الصبح حتى المساء....
و تتفاجأ...بنات مصارين بُيض....بمجنون...يرسم كلباً
لم يهدأ له...حتى...تنشق حبه....فهدأ......
و تفرقن.....الى Al Shed الغربى
ربمأ أعيدك الى ذاكرة....لم تمحى...برغم السنون....
الف مبروك....و ربنا ارزقك بناس متلك.... و متل جيلنا الذى لن ينقرض...
صديق-الدوحة
|
Post: #40
Title: Re: مراحب، تبارك شيخ الدين، زين العرسان
Author: ابوعسل السيد احمد
Date: 01-06-2007, 01:45 AM
Parent: #34
صدّيق
أعيادك نبيلة دائما،أيها الرجل الجميل! يعني لازم تحندكنا بـ"الدوحة" دي . المناسبة طبعا هي أني بحب هذه المدينة من كثرة ما أصحابي "الأميركان" و أهلي "السودانيين" بيزوروها و بيشتغلوا فيها و بيحكوا لي عنها. و كمان عندي فيها زول عزيز؛ ولد أخوي. و فوق دا كله عندنا فيها بورداب الدوحة المبدعين جملة و تفصيلا. المهم من شدة حبي للدوحة لحد ما كلمت ولد أخوي يفتش لي فيها شغل . و الحاضر يكلم الغائب.
جيلكم لن ينقرض أبدا، بحول واحد أحد. أما الراجل ود جيلكم الرسم الكلب فهو هذا الفنان المُضفّر ( المظفر في رواية أخرى ) الهسعة ( ها الساعة) إحنا محتفين بيه هنا. الراجل كل واحد من اصحابه أو زمايله القدامى يطلع سر من أسراره الجميلة و المكنونة كما الشيئ الحنون، لدرجة إنه طلع لينا من أنصار مثني و ثلاث و رباع، بالقطاعي. بس واثقين من إنه ما حيتعدى مثنى بالقطاعي.
كما الفنانين ترحيبك وسيم و مرورك بهي
عشت
|
Post: #35
Title: Re: مراحب، تبارك شيخ الدين، زين العرسان
Author: ابوعسل السيد احمد
Date: 01-05-2007, 02:07 AM
Parent: #28
عبد الباقي محمد
كل عام و أعيادك سعيدة.
قلت لي دي يعني المرّة ( المرة ما فارقة كتير ) التانية للزول أبو ضفاير دا؟! اللهم زدنا علما!! المهم بقول و شهد شاهد...
سعيد بمرورك
|
Post: #32
Title: Re: مراحب، تبارك شيخ الدين، زين العرسان
Author: ابوعسل السيد احمد
Date: 01-04-2007, 07:50 PM
Parent: #27
الشاعرة تماضر الخنساء حمزة
أعوامك كلها أعياد بحول الله. شكرا على ترحيبك بتبارك و مرورك الباهي
|
Post: #31
Title: Re: مراحب، تبارك شيخ الدين، زين العرسان
Author: عمر عبد الخالق سعيد
Date: 01-04-2007, 11:20 AM
Parent: #1
تباااااااااااارك
مشتاقين
|
Post: #33
Title: Re: مراحب، تبارك شيخ الدين، زين العرسان
Author: محمد عادل
Date: 01-04-2007, 08:24 PM
Parent: #31
الحبيب ابوالعسل
ارحب معاك بتبارك
بس ياحبيب ماتخليهو اشاكلنى واتكلم فى حزبى
|
Post: #36
Title: Re: مراحب، تبارك شيخ الدين، زين العرسان
Author: تبارك شيخ الدين جبريل
Date: 01-05-2007, 05:52 AM
Parent: #33
الصدّيق الميزة كانت فى الديموقراطية والحرّية (ومرّات بحس باننا بعناهم رخاس!).
ابو عسل انا ولدى عمرو 8 سنوات (لاكين الفى الصورة سيرين صلاح عوض الله، ابنة شقيقتى تماضر شيخ الدين!)
محمد عادل: حزبك بلبس ياتو فنايل؟
عمر: Proper بااااااالغت! (ياخى حبّيت التكنينك بتاعك مع بنات ماب «Bitmaps» كلّهن!)
|
Post: #37
Title: Re: مراحب، تبارك شيخ الدين، زين العرسان
Author: Abdulbagi Mohammed
Date: 01-05-2007, 01:10 PM
Parent: #36
Sorry Ya Tabarak am not Shahato, it is my Bugga from the Drama,and am Glad to hear that Rajil Almarah Hilo hala
|
Post: #39
Title: Re: مراحب، تبارك شيخ الدين، زين العرسان
Author: ابوعسل السيد احمد
Date: 01-05-2007, 08:03 PM
Parent: #33
الأخ و الابن
محمد عادل
تبارك دا بنحوشوا منك، تب! بس من حزبك ما بنقدر على شيئ. ما أظن حتى عمك هشام شيخ الدين نفسه يقدر يحوشوا من الحزب. الأحزاب سوف لن تمضي قدما في بلادنا إن لم تتعرض تجاربها للنقد و النقد المؤلم أحيانا. هنيئا لحزبك بنقد تبارك.
تسلم على المرور
|
Post: #38
Title: Re: مراحب، تبارك شيخ الدين، زين العرسان
Author: ابوعسل السيد احمد
Date: 01-05-2007, 07:43 PM
Parent: #31
عمر عبد الخالق سعيد
صاحبك تبارك بيقول مشتاقين أكثر.
تسلم على المرور الباهي. شكرا
|
Post: #41
Title: Re: مراحب، تبارك شيخ الدين، زين العرسان
Author: تبارك شيخ الدين جبريل
Date: 01-06-2007, 05:34 AM
Parent: #38
بقة!
يا مان إت وين هسة، طوّلنا!
كل سنة طيب، وتحاتنا للوليد وامه!
انشالله نشوفك قريب
عسل ياابوعسل بالمناسبة (ولا الصادق انا، ولا الوافر!).
|
Post: #42
Title: Re: مراحب، تبارك شيخ الدين، زين العرسان
Author: عصام عبد الحفيظ
Date: 01-06-2007, 09:02 AM
Parent: #41
تبارك يا زمنا بعييييد
والليلة عيييييد
ازيك ......
|
Post: #43
Title: Re: مراحب، تبارك شيخ الدين، زين العرسان
Author: يازولyazoalيازول
Date: 01-06-2007, 10:22 AM
Parent: #42
أبو عسل السيد
أشكرك على الترحاب الحار ببركتنا (تبارك)
وللماعارفين تبارك أقول ليهم:
تبارك زول شفاف ونضيف شديد وعندو عبقرية متفتقة وحب وفسلفة وجمال رائع
تحياتى لعروسه الدكتورة بت عمتى ولكل ناس السابعة وناس بره وناس المنبر الحلوين
|
Post: #45
Title: Re: مراحب، تبارك شيخ الدين، زين العرسان
Author: ابوعسل السيد احمد
Date: 01-07-2007, 06:43 PM
Parent: #43
الحاج هشام شيخ الدين
سلامات و احترامات. الحمد لله على سلامة العودة من رحلة الحج المبرور. و نسأل الله أن يعد الأخ تبارك حجا كحجك حتى نكتب له ذات يوم :"الحاج تبارك الذي..حج و ما بج ". الترحيب بتبارك الفنان الشفيف أقل ما يمكن أن نقوم به. كلامك عنه شهادة حق تنبع من قلب آل شيخ الدين. أحر التحايا أيضا للعروسة الدكتورة، و إن شاء الله بيت مال و عيال. دم جميلا يا صديقي!
|
Post: #44
Title: Re: مراحب، تبارك شيخ الدين، زين العرسان
Author: ابوعسل السيد احمد
Date: 01-06-2007, 09:44 PM
Parent: #42
عصام عبد الحفيظ يا فنانا من بلادي
أعيادك سعيدة. أحك، يا صديق، عن هذا الزمن البعيد! زمن تبارك.. زمن عصام.. زمن الزمن الجميل.
مرورك باهي
|
Post: #46
Title: Re: مراحب، تبارك شيخ الدين، زين العرسان
Author: Adel Khamis
Date: 01-08-2007, 09:38 PM
Parent: #44
اخي الظريف ابوعـسل ـ عيد سعيد
والف مـبروك لاخـونا تبارك ولاسـرة شـيخ الدين العريقة
ودمت اخـوك عـادل خميس
|
Post: #47
Title: Re: مراحب، تبارك شيخ الدين، زين العرسان
Author: عزان سعيد
Date: 01-08-2007, 10:16 PM
Parent: #46
تبارك شيخ الدين جبريل
صاحب أجمل إسم فى المنبر بلا منازع !
والله لو كان دكتور وفتح عيادة . . .
|
Post: #48
Title: Re: مراحب، تبارك شيخ الدين، زين العرسان
Author: تبارك شيخ الدين جبريل
Date: 01-09-2007, 01:55 AM
Parent: #47
يا سلااااااام
هشام، وعصام عبدالحفيظ، وناس مفرحة جداً
والله مشتاق لى لقاءكم خالص!
وبعدين يا ابو عسل انا حجّيت مرّتين!
وعمّرت خمس مرّات!
وتمّيت اربعين وكت فى الروضة، جم سيد الناس!
دا غير عمايلى فى "بنى مالك"!
|
Post: #55
Title: Re: مراحب، تبارك شيخ الدين، زين العرسان
Author: ابوعسل السيد احمد
Date: 01-12-2007, 10:51 PM
Parent: #48
تبارك!
وين الحي بيك يا حاج؟.
منتظرين تجي تكلمنا عن عمايلك في "بني مالك"
و مرحبا بالمرحبين بتبارك في هذا الفضاء
|
Post: #50
Title: Re: مراحب، تبارك شيخ الدين، زين العرسان
Author: ابوعسل السيد احمد
Date: 01-09-2007, 07:41 PM
Parent: #47
عزان سعيد
أولا: مرحبا بك أخي في هذا المكان الفضائي. أثق في أنك ستكون إضافة قيمة.
ترحيبك بتبارك جميل جدا و حميم. أما مرورك فبهي، و تبارك اسم جامع الاسماء.
|
Post: #54
Title: Re: مراحب، تبارك شيخ الدين، زين العرسان
Author: تبارك شيخ الدين جبريل
Date: 01-10-2007, 02:38 AM
Parent: #47
دكتور عزّان، بالغت:
Quote: تبارك شيخ الدين جبريل
صاحب أجمل إسم فى المنبر بلا منازع !
والله لو كان دكتور وفتح عيادة . . . |
|
Post: #49
Title: Re: مراحب، تبارك شيخ الدين، زين العرسان
Author: ابوعسل السيد احمد
Date: 01-09-2007, 03:38 AM
Parent: #46
الرجل الأصيل و الشجاع و الفاهم، عادل خميس
وين الحي بيك يا أخي؟ منذ أيام واشنطن و لما نلتقي، و إن ما زلت أبدا بالخاطر. و لعلها الصدفة الجميلة أن جاء في إحدى ليالي واشنطن هذا التبارك الذي حج و ما بج ( بعد ما أثبت لينا بي نفسو ) و كان لقاؤنا جميعا به. و هأنت هنا تنثر الترحاب عربونا لمودة خالدة. المهم يا سيدي بركة التبارك (الذي حج و ما بج) خلاك تجينا لحد عندنا و إن ما زلنا نثق في مودتك التي لا يمازجها ريب. عش ماجدا و دم بخير
|
Post: #51
Title: Re: مراحب، تبارك شيخ الدين، زين العرسان
Author: عشة بت فاطنة
Date: 01-09-2007, 08:00 PM
Parent: #49
تبارك مرحبتين حبابك
ومبروك البيت ليك
ولست الناس ..
ولال شيخ الدين .
وعيدكم مبارك
|
Post: #52
Title: Re: مراحب، تبارك شيخ الدين، زين العرسان
Author: عشة بت فاطنة
Date: 01-09-2007, 08:04 PM
Parent: #51
اها نسيت اسلم على صاحب العريس وراعي البوست
مبروك يا ابو عسل وعيدك مبارك واسفة على الشلاقة وعدم الاتكيت
|
Post: #53
Title: Re: مراحب، تبارك شيخ الدين، زين العرسان
Author: ابوعسل السيد احمد
Date: 01-10-2007, 02:28 AM
Parent: #52
الأخت عشة بت فاطنة
كل عام و أنت بخير.. كل عيد و انت الأسعد..كل لحظة و الوطن بخير و أهله في سلام و أمان.
يا سيدتي، أنت الذوق كله، و اللياقة يتعلمها الناس منك ( دي ما مجاملة ، دا حقك إكتسبتيه من خلال مداخلاتك و بوستاتك.)
شكرا على ترحيبك الحار بتبارك الجانا مسخن، و خلّى البوستات تتطاقش: تبارك.. تبارك.. تبارك.. تبارك .
عشت
|
|