الطفل المعجزة والنائب تمامة عدد تعالوا نقرا قالوا شنو؟

اول حاجة نبدا بالنائب تمامة عدد ترضيات الحاج آدم المطلوب للعدالة سابقا والنائب بالقصر الجمهوري حالي في وظيفة نائب ترضيات قال فيما قال
بأنه زوال الانقاذ من المحال .. سبحان الله الواهب الذي يهب الملك لمن يشاء وينزعه ممن يشاء .. يعني يا حاج آدم زي ما ربنااداك منصب نائب رئيس بكرة ينزعه منك في طرفة عين وتصبح مطارد من جديد .. هذا من جانب ومن جانب تاني كمان بتهدد وبتتوعد ثوار يونيو بالويل والثبور والعقاب والعذاب بقولوا ليك نحن ما بنخاف الا من الخلقنا ولن يوقفنا ويوقف مسيرتنا كائن من كان .. من ما عينوك نائب للرئيس ده كله اللي قدرت عليه يعني ما شفناك وقفت مع المهمشين والمطوحنين في كل السودان وناضلت من احل حقوقهم .. بس معقول من مطلوب للعدالة بسبب جرائم ضد الدولة وضد الانقاذ تصبح بقدرة قادر المدافع الاول عنها ونقولها لك بملء الفي الإنقاذ إلي زوال وبقائكم في الحكم هو المحال.

أما اخونا الطفل المعجزة والذي وصفنا في يوم من الأيام بأننا كنا مجرد شحاتين ننتظر الكوتات ونحن واقفين صفوف ماذا قال سيادته:

نصح أخوان مصر بأن لايقعوا في أخطاء تجربة أخوان السودان بالسودان ؟؟ سبحان الله طيب ليه ما نصحت اخوانك الاخوانجية طيلة 23 عاما من عمر الزمان في حكم السودان بأن يصححوا اخطائهم ويقوموا تجربتهم عشان ما يحصل ليكم الحاصل الآن والشعب يزلزل الارض من تحتكم وكلها مسألة وقت وتكتب مذكراتك في المعتقل عن التجربة الإخوانية في السودان.

وقال الوزير المشهور بالطفل المعجزة بأنهم قد أضاعوا فرصة تاريخية بعدم الإستفادة من عائدات البترول طيلة الفترة التي كان البترول فيها يمثل عائدا مجزيا للخزينة الحكومية والله محن وشر البلية ما يضحك وعجبي!! كده نسألك في الأول انت عارف العائدات دي مشت وين بعد ما تقول لينا نجي نشوف كيف ضاعت هذه الفرصة التاريخية ضحكتوا فينا العالم وهي فقط عائدات البترول اللي أضعتوها أنتم أضعتم وطن كامل بتشرذمه وتقسيمه وتهميش اطرافه والدخول في حروب دون كيتوشيه مع غلابة الشعب السوداني يعني أسود علي بني وطنكم ونعامات عندما تقصف الطائرات الجابة بالليل والناس في صلاة العشا وطافية لمبة وتعتدي علي السيادة الوطنية .. ########توا المشاريع التي كانت تمثل عصب الإقتصاد السوداني وبعتوا ما بعتوا وقبضتوا التمن وضحكتم علي البسطاء باسم الدين وهي لله هي لله ولا للسلطة ولا للجاه كدة النسألك انت ورئيسك المجاهدين البتخوفونا بيهم ديل ليه ما مشوا يحرروا حلايب وشلاتين ويستردوا الفشقة يا سبحان الله يعني كل الزمن اللي صرف في تدريبهم والفلوس اللي صرفت في تجهيزهم كانت لمثل هذا اليوم .. قيامتكم حانت وحسابكم دنا والحكم بعد الله للشعب وإنها لثورة حتي النصر

قالوا ليكم كدي حاولوا شوفوا التنقيب عن الدهب يمكن يحل المشكلة

ساهم في جمعة شذاذ آفاق

شذاذ آفاق

أيها الحاكم السراق

شذاذ آفاق
وباكر صوتنابيملأ الأفاق

من كل حارة ومن كل زقاق
وانتوا مصيركم الأنفاق

آخر تصريحات الطفل المعجزة

الخرطوم: اتهم مستشار رئيس الجمهورية الدكتور مصطفى عثمان اسماعيل،قناة العربية بتضخيم الاحتجاجات الاخيرة، واعتبرها مسيرات ضعيفة وان الشعب السوداني غير متجاوب معها مشيرا الى انه يتحرك داخل العاصمة دون حراسة، وقال ان أحزاب المعارضة تريد أن تستخدم هذه الاحتجاجات لصالح أجنداتها.

ونفى اسماعيل في تصريح «لافريقيا اليوم»أن يكون حديث نافع بـ" لحس الكوع " موجهاً للشعب،مشيرا الى ان نافع قصد به المعارضة التي ليس لها قاعدة.

واقر اسماعيل بان البلاد تعيش اوضاعاً إقتصادية صعبة ،لكنه شدد على ان المواطن متفهم لها ولم يتجاوب مع أجندات الأحزاب
وتوقع اسماعيل اعلان حكومة جديدة تواكب المرحلة خلال الأيام القليلة القادمة، وعزا تاخر اعلانها الى ان الأحزاب المشاركة في الحكومة، طلبت من المؤتمر الوطني أن ترجع لمؤسساتها وتعود لنا بمساهمتها في الحكومة الجديدة.

الصحافة