(الخوار) اللفظي بين حزب الأمة والليبرالي

ابو الخلد كومبيوترى حالف ما يرد ليك بغير الاقتباس بتاعك وانا مستعجل على الشغل بمشى و اجى اهريك

ويا الانصار قولوا للفكى حقكم ده يفكها شويه

Quote: الليبرالي ده ايه؟

يا ود العبيد دي ديمقراطيتكم اريتها طايره كان كدي
الكبير يولد صغيرا ثم يكبر

Quote: العلاقة والمقارنة وين؟ حزب الامة حزب عريق وكبير الليبرالي ده ايه؟

أنصر دينك ودين دينك يا ابن عمي يا خالد العبيد
أنا جد مندهش من هذه المقارنة
حزب الأمة القومي بقاعدته العريضة وقيادته للنضال وتحرير السودان
يقارن مع حزب اعضاءه يعدون على اصابع اليد الواحدة
مالكم كيف تحكمون
هو اصلو في حزب اسمو الحزب الليبرالي في السودان
غايتو السودان بقت تظهر فيه جنس حاجات
الله قادر

Quote: العلاقة والمقارنة وين؟ حزب الامة حزب عريق وكبير الليبرالي ده ايه؟

عمار يا اخوي متعب نفسك ومقوم نفسك مالك

ود العبيد وعبد الرحمن ديل حاسدين ساي بس
هو الحزب الليبرالي ده تاني بنلحق ؟!!!!

شوف مفكر زمانه قال شنو

Quote: كل مؤسسات الحزب الليبرالي بما فيها قطاعاته الطلابية والمهنية والمناطقية والخارجية ملتزمة بهذه المواقف، ولا يحق لها الدخول في أي تحالفات تتناقض مع خط الحزب المجاز بالاغلبية ولا مع قرارات مؤتمراته الشرعية، وفي حالة قيام أي تجاوزات وخرق لقرارات مؤتمرات الحزب سيتم حل القطاع المعني ومحاسبة الاعضاء المسؤولين عن ذلك.

ويا دنيا مافيك الا أني

المرجع :

بيان هام من المكتب التنفيذي للحزب الليبرالي السوداني

إذا قالت ( حذام) فصدقوها فإن القول ما قالت (حذامِ )

ود العمدة
تحياتي
الناس ديل رافعين شعار بيقول .. شنو كده يتمدد
هسه وصلو المجلد !!!!!!
وفي الآخر جايني شبيه حمادة بت يهريني
والله مهازل

Quote: ود العمدة تحياتي الناس ديل رافعين شعار بيقول .. شنو كده يتمدد هسه وصلو المجلد !!!!!! وفي الآخر جايني شبيه حمادة بت يهريني والله مهازل

والله يا ود العبيد دا كان راي

لكن الابن عمار اكبر من سنه وهو صالح وحوله ثمود فنسال الله ان يخرجه منهم سالم غانم

حسع حيرتنى اقول ليك يا عم ولا يا خال ولا يا اخ وفى جميع الحالات لى الشرف بمعرفتك

و ربنا يديك الصحة و العافية والعمل الصالح .شفت كلمة الصالح دى جات كيف ؟عربى صح

الاخ خالد لك السلام والتحية

حمادة بت عديل كدة ؟ ربنا يسامحك

يا اخى حزب الامة حزب عريق ما فى شك والحزب الشيوعى كذالك. ولاكن

الحزب الليبرالى حزب ولد باسنانة ويكفى انه فى عامين عقد مؤتمرين انتخب فيه قيادات جديدة وعلى راسه امراة مناضله من اكثر المناطق تهميشا بالسودان وهذا ما فشل فيه الشيوعى.

الحزب اللبرالى لم ولن يساند الانقلابات العسكرية التي اطاحت بحكومات منتخبة كما فعل الشيوعى .

اللبرالى ليس هو حزب ديكتاتورى يعبد فيه الاشخاص والايدولوجيات كما فى الشيوعى و لم ولن يحاول فرض ايدولوجيته قسرا على الشعب السودانى .

اللبرالى ليس حزبا دمويا قتل وشرد ملاين الانفس فى انحاء العالم والعشرات فى السودان ومن ضمنهم رجال حزب الامة لمجرد رفضهم الفكر الشيوعى.

اللبرالى لا يمارس اغتيال الشخصيات (معنويا ونفسيا وماديا) وهذا لمجرد نقدهم او اختلافهم او تركهم الحزب كما فعل و يفعل الشيوعى .

اللبرالى قياداته لا تهرب من الساحه فى اوج ساعات النضال وتختفى لسنين عددا وعندما يتم كشفهم يظهرون على شاشات التلفاز يتجاوبون اطراف الحديث و الضحكات الساخره و مع من؟مع رئيس اكبر جهاز دموى وتسلطى فى السودان ويذهبون ابعد من هذا ليشاركوهم فى السلطه و الحكم .

فى الختام لك كل الود والاحترام.

Quote: الحزب الليبرالى حزب ولد باسنانة ويكفى انه فى عامين عقد مؤتمرين انتخب فيه قيادات جديدة وعلى راسه امراة مناضله من اكثر المناطق تهميشا بالسودان وهذا ما فشل فيه الشيوعى. الحزب اللبرالى لم ولن يساند الانقلابات العسكرية التي اطاحت بحكومات منتخبة كما فعل الشيوعى . اللبرالى ليس هو حزب ديكتاتورى يعبد فيه الاشخاص والايدولوجيات كما فى الشيوعى و لم ولن يحاول فرض ايدولوجيته قسرا على الشعب السودانى . اللبرالى ليس حزبا دمويا قتل وشرد ملاين الانفس فى انحاء العالم والعشرات فى السودان ومن ضمنهم رجال حزب الامة لمجرد رفضهم الفكر الشيوعى. اللبرالى لا يمارس اغتيال الشخصيات (معنويا ونفسيا وماديا) وهذا لمجرد نقدهم او اختلافهم او تركهم الحزب كما فعل و يفعل الشيوعى . اللبرالى قياداته لا تهرب من الساحه فى اوج ساعات النضال وتختفى لسنين عددا وعندما يتم كشفهم يظهرون على شاشات التلفاز يتجاوبون اطراف الحديث و الضحكات الساخره و مع من؟مع رئيس اكبر جهاز دموى وتسلطى فى السودان ويذهبون ابعد من هذا ليشاركوهم فى السلطه و الحكم .

خطير يا ولد بالسرعة دي جودت لغتك العربية والا دي برضو من عبقريات الليبراليين.... نحن نطالب بعمار محمد حامد الذي عرفته قبل يومين وليس الذي صنع في تايوان .... هو ما احسن الاستاذ يجي بالدرب عديل بدل اللبدان وراء لواي القش والكتابة لك

ابدا والله ما زول مدسي وراى ولا فى زول كتب لى ولا كنت حسمح بحاجه زى دى

والشي التانى الكلام الكتبتو كلام عادى جدا يعنى ما يحتاج لزول يكتب لى

اخيرا الا تعلم بان النوبين هم من احسن من يخطون بالعربى ؟

لك الود والاحترام

Quote: ابدا والله ما زول مدسي وراى ولا فى زول كتب لى ولا كنت حسمح بحاجه زى دى والشي التانى الكلام الكتبتو كلام عادى جدا يعنى ما يحتاج لزول يكتب لى اخيرا الا تعلم بان النوبين هم من احسن من يخطون بالعربى ؟ لك الود والاحترام

مصدقك تب

لكن في قفزة ضفدعية في الاملاء

وهذا لا شك من فوائد هذه المدرسة فجزى الله بكري ابو بكر عنا كل خير فكلنا نتعلم

:D انت عارف اكره ما اكره الكتابة .والله يا عبدالرحمن انا اخرت رسالة الماجستير 6 شهور علشان ما اقعد واكتب

قلت لى فى قفزة ضفدعية فى الاملاء ؟يا اخى انت اى حاجة حتمسكها لى ده شنو ده

Quote: ود العمدة تحياتي الناس ديل رافعين شعار بيقول .. شنو كده يتمدد هسه وصلو المجلد !!!!!! وفي الآخر جايني شبيه حمادة بت يهريني والله مهازل

مبالغه وسقوط شنيع
اها النحكي ليك من الذاكره زمن الطفوله وهي ما زالت بخير
. بعد اعقاب ثوره اكتوبر ما بعرف بالضبط سنه كم لكين يكون 65 او 66
وعي السياسي الوقت داك نيل Nill يا خالد المهم معاي اختي الصغري وامي ما فيشه سمعنا صوت جلبه ماره بشارعنا الكلام دا في الخرطوم بحري حي الدناقله شمال مرقنا لقيناهم اظن خمسه ولا اربعه شباب بيقولوا حزب الامه لن يحكمنا ومعاهم جوقه شفع تابعنهم اي والله طبعا اختك طوالي في ضنبهم وشايلين ليهم لافته لا اذكر اني قريت الفيها لانهم شباب طوال ورافعنها فوق ونحن بس عاجبانا الكواريك وحزب الامه لن يحكمنا مع عدم معرفتي باي منهم .
المهم وصلنا الدناقله جنوب بالقرب من مستشفي بحري القديم وفجاه خرج انصاري فرزته من جلابيتو من ابناء الغرب راجل كبير في تقديري الوقت داك يكون في عمرك كدا من بيت قريب للشارع وبسرعه البرق كان وسط الجماعه الشايلين اللافته قلعها منهم رماها في الارض وسل سكينه من ضراعه اي والله سل سكينه وتعال شوف الجماعه فروا متل الطير
. وانا طبعا اولهم جري شديد اختي الصغيره ما سالت منها الا لقيتها نجيضه خلت سفنجاتها وجري شديد والرمض قطع قلبها وتبكي بكاء شديد دي كانت مسيره لافراد من حزب اسمه الحزب الشيوعي السوداني ببحري فرتقها زول انصاري واحد بسكينه . اولاد جيرانا كانوا بيقروا جريده اسمها الميدان وكان متل البنقو بيدسوها الوقت داك .
وعاش كفاح حزب الامه العريق

Quote: في العام 1965م قاد نواب الحزب الإسلامي المنتخبين من قبل الشعب التظاهرات لطرد نواب الحزب الشيوعي- المنتخبين أيضاً من قبل الشعب - من تحت قبة البرلمان لان طالبا منتميا للحزب الشيوعي تناول حادثة الافك في معرض حديث آخر.وتلقف الدعوة اشخصاً كانوا متربصين للشيوعيين وتم طرد نواب الحزب الشيوعي من البرلمان من ثم لجأ الحزب الشيوعي للقضاء وحكم القاضي صلاح حسن بعودة النواب ولكن الزعيم رفض حكم القضاء

بقلم معتصم كدكي

عفوا حأبدا بود العمدة
لاني شايفو عامل لي نقطة نظام

Quote: يعني التانين غير مهذبين ولا شنو يا شمس الدين ؟ الكلام ده مرفوض تماما يا شمس الدين

عندما شرعت في كتابة هذا البوست كان في بالي الاستعانة ببعض النماذج لكتابات بعض الاخوة بحزب الامة والليبرالي إلا أنني صرفت النظر بحكم أنني اريد التركيز علي الجميل و الايجابي حتي لا اساهم بدوري في أن يسود قبح الكلمة ومن هذا المدخل زكرت النماذج أعلاه .. لا يعني بالضروة ان تهذيب لنا يعني بالمقابل عدم تهذيب ود العمدة
وبعد الشرح أعلاه.. ولانه لا يستقيم عقلا ان أستنكر قبيح الحوار وفي نفس الوقت اتمسك بصواب رأي ان قرأني الاخرون بطريقة مختلفة فها أنا أعتذر لك وللاخرين ان رايت في الجملة غير الذي اردنا توصيله
ونحاول أعادة صياغة الجملة من جديد:
عندما يطرح موضوع للمناقشة ومهما كان مستفزا هناك نوعان من التفاعل مع هكذا موضوع
النوع الاول يأتي بأعصاب هادئة و يفند المطروح بطريقة ذكية يسحب بها البساط من الطرف الاخر ويكسب احترام الاشخاص العاديين وبالتالي يتمنى القارئ العادي أن يكون جزء من هذا النوع وهذا النوع هو الذي يدفع الاشخاص العاديين للبحث عن أرانيك العضوية
النوع الثاني بسرعة يستلف نفس منهج الاستفزاز واللاموضوعية معتقدا انه يفعل ذلك من باب رد الفعل او دفاعا عن نفسه فينحدر الطرفان لمرحلة البحث عن اكثر المواضع ايلاما فيجدون ضالتهم في الاسر والاعراض وهذا النوع هو الذي يدفع الاشخاص القريبين جدا من أبواب تلك التظيمات برمي أرانيك العضوية في أقرب سلة للمهملات
النوع الاول جاذب
النوع الثاني طارد
رغم ان النوع الاول والثاني يرضعون من نفس المبادئ

ياخي ود العمدة بعد الصياغة الجديدة للجملة كان ما فهمتني عليك الله أعتبرني نوباوي ما بعرف عربي لكن قصدي شريف

............

بالمناسبة يا ود العمدة
ياخي انت عندي كوم لوحدك وزي المحتاج لي لبوست خاص معاك عشان تفهمني كيف شخص مثلك يملك كل أنواع الاسلحة الثقيلة والراجمات ويختار ان يحارب بالعصى و أعني هنا إمتلاكك نواصي بنت عدنان التي تطاوعك كيفما شئت مع صبر وطول بال في البحث والتقصي وقراءة ما خلف سطور المحاور















تعديل إملائي

Quote: وفي الآخر جايني شبيه حمادة بت يهريني

كلامك ده غلط يا خالد

و طالما بيننا الإحترام.. أرجو أن يظل كذلك

أنا عضو بالحزب الليبرالي .. و لم أسئ طوال حياتي للحزب الشيوعي الذي ربتني مؤسساته كالجبهة الديمقراطية

أحفظ لهم الجميل و أحترمهم.. و لن يدفعني مثل كلامك أعلاه لأن أسيئ

عاملني بالمثل

و أحترم خياري .. أرجوك

Quote: ربتني مؤسساته كالجبهة الديمقراطية

فاضلابى يا فنان

انت برضو زينا قريت فى المدرسة الفاشله دى

Quote: (الخوار)

قصدك "الخور"
ناس الهامش .. دايرين نفهم قبل ما نديكم جراب راينا...

Quote: (الخوار)

هاها... اهلنا المقطاع البحر ديلك ... الجاب بقرتهم و لا هم شنو هنا...

أي حوار يا شمس الدين في ظل مثل هذه الكتابة;

Quote: : اما الثنائي وثالثهم ربيبهم كمال عباس لو قطعتيهم وصبيتي عليهم طن ليمون وشوالة شطة فلن اتناول منهم قطعة واحدة لا اطيقهم...من الله خلقني وطلقني لا اطيق من يفرط في ارضه وعرضه ولا ابتغي الفضل منهوالتحية للاستاذة نور تاور وعمار محمد حامد وكل الشرفاء من عضوية الحزب الليبرالي

كاتب هذا المقتبس هو السيد عبد الرحمن العجيل والذي لم أمس شخصه ولم أجرحه وقد سبق أن كتب مثل هذا وأعرضت عنه أحتراما لنفسي وللقارئ
وأملا في أن يراجع نفسه ولكنه وللأسف وكما تري تمادي
اعتذار للاخوة عضوية( حزب الامة) بالمنبر...
يا (عادل عبد العاطي) في الليلة الظلماء يفتقد البدر!!

Quote: كاتب هذا المقتبس هو السيد عبد الرحمن العجيل والذي لم أمس شخصه ولم أجرحه وقد سبق أن كتب مثل هذا وأعرضت عنه أحتراما لنفسي وللقارئ وأملا في أن يراجع نفسه ولكنه وللأسف وكما تري تمادي

اسمع يا استاذ كمال عباس

انا لست بالحبيب العمدة وما عندي القليل من صبره وانت ما عادل عبدالعاطي حتى تباريني في مختلف البوستات

انا ما اكلت خضارا ليك ولا دست على نعليك

ذكرت لك في البوست الاول انت دخلت علي متهكما ما هذا؟ وانا رديت عليك. ثم تراجي طلبت مني في بوست اخر بسحب مداخلاتي في البوست الاول.


احسن تلم باقي كلامك ولو في نفسك شيئ كمله في بوست واحد وانا سوف ارد عليك لكن اترك فعل المشاطات دا عيب يا معلم

جميل
متابع

الاخ العجيل - تحية
كتبت

Quote: لك في البوست الاول انت دخلت علي متهكما ما هذا؟ وانا رديت عليك. ثم تراجي طلبت مني في بوست اخر بسحب مداخلاتي في البوست الاول. احسن تلم باقي كلامك ولو في نفسك شيئ كمله في بوست واحد وانا سوف ارد عليك لكن اترك فعل المشاطات دا عيب يا معلم

ما كنت لأفعل لولا أن هذا البوست فتح لمعالجة مثل هذه الإشكالات وما كنت
لأفتح الموضوع لولا أنك عدت اليوم وكتبت الاتي :

Quote: اما الثنائي وثالثهم ربيبهم كمال عباس لو قطعتيهم وصبيتي عليهم طن ليمون وشوالة شطة فلن اتناول منهم قطعة واحدة لا اطيقهم...من الله خلقني وطلقني لا اطيق من يفرط في ارضه وعرضه ولا ابتغي الفضل منه والتحية للاستاذة نور تاور وعمار محمد حامد وكل الشرفاء من عضوية الحزب الليبرالي

كتبت ذلك في بوست الإعتذار الخاص بتراجي والذي لم أتداخل فيه مطلقا ....
نعم أني قد أستنكرت عبارة أوردتها أنت في حق أخريين ولكن هل تراني مسست بشخصك أو أساءت
لك? هيا دلني علي أي أساءة أو تجريح مارسه شخصي في حقك?
... وبصورة عامة أقول أن أسلوب الاسفاف والتجريح أسلوب لا أجيده ولا ريده
ولا أحتاجه....وأن سلوك وممارسة وأفعال وردود أفعال وأقوال الكادر - علي المستوي السياسي-تنعكس علي تنظيم الكادر السياسي وتخصم من رصيده
ونفس الشي بالنسبة لأي فرد له نشاط سياسي أو فكري تجد أن ملاسانته وحدته
تحسب عليه وتنقص من أحترامه
كمال

الاخ كمال سلام

هل ممكن نقف هنا ونترك ردود الافعال والا نفسد هذا البوست كسابقاته



ابو وضحة

...كتب السيد العجيل

Quote: الاخ كمال سلام هل ممكن نقف هنا ونترك ردود الافعال والا نفسد هذا البوست كسابقاته ابو وضحة

طيب وماله فلنقف هنا....ولنترك ما مضي.....
كمال

للمرة الثانية حأتخطي المتداخلين عشان اصفر فاول علي خالد العبيد
خالد العبيد
تحياتي مع كثير احتراماتي

Quote: وفي الآخر جايني شبيه حمادة بت يهريني والله مهازل

وكأن خالد يريد أن يوصل معلومة (والحزب الشيوعي كمان)
أترجاك بكل ما هو عزيز لديك ان لا تنقل قبح الكلمة الي هنا فيكفينا ما نحن فيه
ارجوك.

مع تقديري

Quote: ياخي ود العمدة بعد الصياغة الجديدة للجملة كان ما فهمتني عليك الله أعتبرني نوباوي ما بعرف عربي لكن قصدي شريف

هههههههههه

ياخ والله ما محتاج ولا بينا يا شمس الدين

بس عارف اخوك يا دوب طالع من الماطش مسخن وكده ؟؟

عرقنا ما نشف

شفت لامن المباراة تنتهي واللعيبة يقعدو في السنتر ورافعين فنايلم ؟

بس ده حالنا هنا

حسع الحمد لله شايف احبابنا العجيل وكمال الحمد لله الحمد لله انتهو على خير

والله نسال الله ان يقدرنا على انفسنا

بس حاسب وامسك الماطش ده كويس عندك لاعب جنو سرقة ( ود العبيد ) الزول ده لو ما انتبهت ليهو بجيب قون حسع والخرخرة تقع انا عارفو كويس لعبت معاهو كتير قبل كده

لكن شايف عمار ما شاء الله عليهو

اول مرة اشوف تيم مدربو بتاع مشاكل ولعيبتو هادييييين
بس الا مساعد المدرب الجديد ده شكلو خرخار برضو

سلام شمس الدين

الخوار ده مستواهو عالى جدا وانحنا ناس عجزنا و لياقتنا زيرو ... نتفرج بس, جابنى كلام خالد العبيداسمح لى اقول راى سريع كده.

سلام يا خالد

معليش للشلاقة لكن في بعض الحاجات العامة صعب او ما مفروض تتفوت ابدا.

في عكات و جضات المنبر و الانترنت ـ مستحيل و لو تجاوزا ان نسميها حوارات او نقاشات فكرية رغم انها تكشف جوانب مهمة من افكار المنخرطين فيها ـ تتبدل التحالفات و المواقع بشكل مدهش جدا, طريف احيانا و مفجع في الغالب.

من حقك و من حق اى زول ان ينحاز لهذا الطرف او ذاك في الجوطات دى، اذا شاء طبعا.

و من حقه ايضا اتخاذ معاييره التى يشاءها للوقوف مع او ضد.

كلامك ده

Quote: وفي الآخر جايني شبيه حمادة بت يهريني والله مهازل

مخجل و مسئ ليك انت في المقام الاول و لأى جهة او افكار انت بتنتمى ليها، تكون الحزب الشيوعى او حزب البهجة (اشك ان حزب البهجة حال وجوده سيكتب مثل هذا الغثاء).

عموما اذا كانت هذه هى معاييرك لكسب معاركك ضد الحزب الليبرالى او اى جهة، و لكسب حلفاء كانوا حزب الامة او اى جهة فمبروك عليك ... و ابشر بطول سلامة يا مربع

تحياتى

الخوار الغلب شيخو

دا غلط يا خالد العبيد:

Quote: وفي الآخر جايني شبيه حمادة بت يهريني والله مهازل

كمال

Quote: اخي شمس الدين كيف حالك والاهل اولا طبعا نحن هنا نكتب بصفتنا الشخصية وكافراد وكل واحد مسئول عن تصرفه اما حزب الامة فله اجهزته فاذا اراد الليبرالي حوار مع الحزب فدار الامة بامدرمان هي المكان للاتصال والحوار الرسمي اما ما يدور هنا فحوار افراد مع افراد في الاحزاب الاخرى او لا احزاب. مع شكري أبوهريرة

نعم اوافقك بأن كل فرد مسئول عن تصرفه ولكن في الختام الحزب هو المجموع الكلي لتصرفات أولئك الافراد.
بخصوص الحوار الرسمي .. أنا مع الحوارات التي تتجه من القاعدة للقمة ولهذا قد اختلف معك قليلا في مسألة أن الحوار الرسمي بين الحزبين هو المدخل الصحيح

مع ودي
وتحية خاصة للاسرة

شكرا يا بكري علي نقل البوست للربع الثاني

ويتواصل الخوار

والله نحنتا بنكتب باسمنا ونتحدث باسمنا
وليس باسم حزب الامة
وثم ثانيا شوف الخوار اللفظى بتاع الليبرالى ياحبيب كيف

حان الوقت لوقف هذه المهاترات

الاخ شمس الدين
لك شكري الوافر على هذه المحاوله التي تجد مني ومن اعضاء الحزب الليبرالي اكمل التقدير .. لوقف ماسيق اليه حزبينا واعني الليبرالي والامه من الخوض في صراعات شخصيه وفرديه لا تمت الى الموضوعيه بقيد انمله

لدي فقط وجهة نظر خاصه جدا وتحليليه لما هو داير ساحرص على ايصالها والعمل على اقناع عادل بها بصفه ما يربطنا من انتماء وصداقه واخوه وثيقه قبل اي شئ... لا اعتقد ابدا بان هذا الخوار كما اسميته غير مرتب له من قبل الاخوة في حزب الامه .. اعتقد ان بان الزوبعه و التي بدات بتصدير فكرة ان حزب الامه مستهدف وكان عادل طرف من الاطراف العديده فيها... مرورا بتبني طرح موضوعي في اوله الى متعنتر في اخره في نقد الحزب الليبرالي كخطوه ثانيه بتحويل الاضواء الى معركه مع الحزب الليبرالي .. ومن ثم اخيرا استفزاز عادل وتحويل المساله كلهابينه وبين كوادر حزب الامه المحميين بكرت الانفلات الى خوار حقيقي لا يرقى الى احترام الذات او الاخرين باي صوره من الصور ويؤلمني حقا حد التالم ان يكون اخي وصديقي عادل غارقا فيه حتى الثماله

وجهة نظري بان الهدف هو شغل البورد عن ما يرتب له من اتفاق بين النظام وحزب الامه .. وقد تعلم ترصد كتاب البورد لمثل هذه السقطات ونقدهابشكل اشتهر به المنبر العام لسودانيز اون لاين

داخل الحزب الليبرالي يشغل هذا الموضوع مساحه غير هينه وقد طالبنا كعضويه عادل بالناي عن ذلك متفهمين الضغط النفسي الذي وضع فيه وهو يتهم بكونه كادر امن وانتهاءا بتوجيه الاساءات الى ذويه.. وواعين ايضا لما ارتكبه عادل من اخطاء واسائات تمس في المقام الاول قراء هذا البورد .. واعتقد بان استمرار الامر بهذا المنوال يمس التنظيم لكون عادل مسئول عن الاعلام والناطق الرسمي باسم الحزب ويتوجب على قيادتنا اتخاذ تدابير صارمه تجاه ذلك وهذا مااطالبها به
اذا علينا التفرغ وتفريغ حواراتنا للعظيم والاتي من هذه المرحله الحرجه من تاريخ وطننا والتي تشهد تكرار لحلقات الدائره الجهنميه الموغله في السقوط السياسي
علينا تركيز جهودنا وطاقات كوادرنا كاحزاب ومواطنين حريصين على مصلحة الوطن وحالمين بغد افضل ..
علينا جميعا تركيز جهودنا لكسر هذه الحلقه والتصدي الى لكل محاولات تجميد حاضر ومستقبل الوطن في كهوف الكهنه

ولك مرتا اخرى مني كل التقدير و الشكر

Quote: وجهة نظري بان الهدف هو شغل البورد عن ما يرتب له من اتفاق بين النظام وحزب الامه .. وقد تعلم ترصد كتاب البورد لمثل هذه السقطات ونقدهابشكل اشتهر به المنبر العام لسودانيز اون لاين

معلومة جديدة يا زهرة..
ستي الكريمة.. حزب الأمة يعقد إتفاقاته في وضح النهار لا يحتاج لإخفاء مواقفه..

.
.
بس أقول ليك حاجة.. وأنا قديم في المنبر.. ما حصل شفت كادر من كوادر حزب الأمة بدأ بالتهجم على الأخرين.. سواء كانوا أفراد أو تنظيمات.. وكل الذي تشاهدينه يا ستي الكريمة هو دفاع عن النفس..
.
.
شكراً شمس الدين على إتاحتك لنا هذه المساحة.،

Quote: معلومة جديدة يا زهرة.. ستي الكريمة.. حزب الأمة يعقد إتفاقاته في وضح النهار لا يحتاج لإخفاء مواقفه..

تسلم يا وراق على التاكيد .. ما عدمناك

شوف ياشمس الدين..

يوم الاربع بتاعك يكون عنده أسبوعين ما 24 ساعة..

ما بحلك منى..

أتصل وورينى الحاصل شنو..

عشان تخلص منى..