الدبلماسي الامريكي قتله أبناء دارفور

او بعبارات اكثر دقة :
الدبلماسي الامريكي

Quote: قتله الهوس الجهوي

العنوان أعلاه هو عنوان بوست قادم لاخي في الوطن وصديقي الاسفيري محمد حامد جمعة ولانه مشغول هذه الايام فقلت أحمل عنه هذه المهمة والذي اعتقد جازما ان الامر قد تم مناقشته باستفاضة داخل اروقة المؤتمر اللاوطني و توصلوا الي ما وصلت اليه ولانشغال صديقي جمعة باعياد رأس السنة لم يقوموا بأعلانه علي الملا بعد.
و علي الذين يؤمنون بان هناك بوليس وشرطة ووزارة داخلية وعدل ان لا يتعبوا انفسهم كثيرا بانتظار التحريات وما تسفر عنه قادمات الايام فالعدالة في وطني لا تأتينا من كليات القانون وانما من مطبخ المؤتمر اللاوطني.
وما يجي واحد يقول حكومة الجبهة او المؤتمر الوطني فعلت وكلمات من شاكلة الانفراط الامني وان الحادث هو نتيجة منطقية لرعاية الهوس والتطرف. ففي زمن حكومة علي بابا والاربعين حرامي ما ان تسمع عن حوادث الاغتيالات فما عليك إلا البحث عن أقرب فوراوي وبالعدم ممكن تشيل قميص عامر وتتجه غربا او جنوبا


وبناء عليه

الدبلماسي قتله أبناء دارفور


كتبت هذا البوست بعجالة شديدة حتي لا يسبقني محمد حامد بهذا السبق الصحفي كما فعلها عند مقتل الصحفي محمد طه ومن زاوية اخري قلت أحمل عنه سهام الاعداء والحاقدين من أبناء دارفور

شمس الدين السنوسي

الأخ شمس الدين السنوسي ..
لك التحية و الإحترام

إنت سبقتني بس بلحظات عندما قررت أن أسبق محمد حامد جمعة ... ( لأنهم لسه راسهم مقطوع و إتعلموا من فضيحة الطبخة النية ديك ) ...

المهم ... عيال دارفور أعملوا حسابكم .... و مافي واحد يجيب أمو للعلاج للعاصمة اليومين ديل ..

العزيز محمد سليمان
تحياتي مع كثير احتراماتي

Quote: المهم ... عيال دارفور أعملوا حسابكم .... و مافي واحد يجيب أمو للعلاج للعاصمة اليومين ديل ..

غايتو يا ود سليمان كتلتني بالضحك ..
والطير قد يرقص مذبوحا من الألم...

شكرا علي المرور

يا ابو الشموس لكن تحت للراجل آتوهو في قبوله
المرة دي يا صاحبي فيها امريكان و زيما قال ود بادي ربنا يخلي الخواجة ما تقيف قدامه حاجة الا يرطن فيها حاجة,, ما ح يقدروا يجيبوا قرد و يدقوهوا عشان يعترف انه اسد.. لكن القحة و لا صمة الخشم, فشايف مركز ود جمعة الاعلام استبعد احتمال عمل ارهابي كدا لله في الله,, دي بدل فرية الدارفوريين و لك مجال دجال...

.

thank you Dr. Mustafa for passing by

العزيز نصار
happy new year

الجماعة ديل لعبهم مكشوف وما محتاج أي حرفنة او زميل تلعب معاه ون تو
ياخي شدة ما كيشه يسموا ليك الاتو في يدك..
المهم أنا قاعد هنا ومنتظر صحبي (فجاغ عيال إبليس) وأنا متأكد ما حيخزلني في تأكيد ما ذهبنا اليه.

حليلك يا محمد سليمان قبل الرصاص ما يخفت صداه مركز جمعة كافي البلا بالبليلة و جزم انه الشغلانة مافيها اي احتمال ارهاب.. و المرة دي فيها ابن العم سام علشان كدا اتشات الخبر من مركزهم الاعلامي علي طول علشان يكون مرجع للوكالات و اجهزة الاعلام العالمية.. و لمان تكون الشغلانة محلية بيجوا يفرشوا بضاعتهم هنا.. غايتو التلفونات تكون مدورة نهزرة بين واشنطن و الخرطوم و لو رخيتي اضانكم يمكن تلقطة منها شي دا لو ما قوش ختف طيارة اقصد ختف رجله لرئاسة ال سي اي اي و ال اف بي اي..

اذا كان القاتل سودانيا فمن الممكن ان يكون من اى مكان فى السودان!
الامريكان قطعا سيشتركون فى التحقيق ولن يقبلون باى كبش فداء واذا ما تم القاء القبض عليه قلن يستطيع احد ان ينكر!
جنى

بوست مكتوب بي حرفنة شديدة
كان ليك وللا عليك

رحم الله الرجلين السودانى السائق المسكين والامريكى ..

الشخص الذى قتل الرجل او الجماعه .. كانت تهدف لاخافت الامريكان وارسال رسالة للقوات الدولية عموما يعنى زول يستهدف زول فى شارعة ماشى جاى يضرب ناحية السواق المسكين (( كيزان العبو غيرا وخموا وصرو )) الرجل مات وتانى ما تلعبو بالنار بتحرقكم

العزيز شمس الدين..

المرة دي القاتل هو( القاعدة)

و القاعدة الأساسية هى الهوس الجهوي ..!!

و الجهوية دارفورية.. مية المية..

وأسمعوا نصيحة محمد سليمان ياأولاد دارفور

زول فيكم يجيب أمو لعلاج ولا ولادة للخرطوم اليومين دي مافي

فضل كرار
تحياتي

Quote: بوست مكتوب بي حرفنة شديدة كان ليك وللا عليك

البوست قصدوا واضح ومكشوف بس انت القاعد تقرأ بحرفنة

Quote: اذا كان القاتل سودانيا فمن الممكن ان يكون من اى مكان فى السودان! الامريكان قطعا سيشتركون فى التحقيق ولن يقبلون باى كبش فداء واذا ما تم القاء القبض عليه قلن يستطيع احد ان ينكر!

جنى
العزيز جني
كالعادة سطرين لكن فيهم المختصر المفيد
طبعا السطر الاول بتاعك ممكن يكون مقبول في ظل دولة القانون بس في ظل واقع العدالة العرجاء عليك تسمي المجرم اول بعد داك تفتش الجريمة

Quote: كتبت هذا البوست بعجالة شديدة حتي لا يسبقني محمد حامد بهذا السبق الصحفي كما فعلها عند مقتل الصحفي محمد طه ومن زاوية اخري قلت أحمل عنه سهام الاعداء والحاقدين من أبناء دارفور

اخي العزيز شمس الدين، تحياتي لك ولاسرتك وكل عام وانت بخير

ده بالفعل سبق صحفي خطير يا شمس....
انا خائف بعد ده الجماعة يلموك ليهم عشان يستفيدوا من قدراتك المهذلة دي ونفقدك بالمرة

موضوع ذو صلة بالبوست

Quote: American diplomat dies in Sudan shooting that killed local driver Tuesday 1 January 2008 14:36. Printer-Friendly version Comments... January 1 , 2008 (KHARTOUM) — A U.S. diplomat shot here while riding in a car early Tuesday died of injuries sustained in the attack, which also killed the official’s Sudanese driver, the U.S. Embassy said. The shooting came a day after a joint African Union-United Nations force took over peacekeeping duties in Sudan’s violence-torn Darfur region — but it was unclear if the attack was targeted, or a random crime. "This afternoon, the American officer succumbed to his injuries and passed away," said Walter Braunohler, the public affairs officer at the U.S. Embassy in Khartoum.

وبوست ذو صلة
إغتيال الديبلوماسي الأمريكي .. يفتح الباب واسعا للبلاك ...لخرطوم و كل السودان

عاجل: اطلاق النار على دبلوماسي امريكي في الخرطوم!!

الاخ شمس الدين سلام
انتبه للاتى
1-التوقيت
2- دقة التنظيم
3- اختيار الضحية
كلها تقود دلائل تفصح ان الجهة المنفذة هي الحكومة
طبعا نسوا تجربة السادات الذى استخدم نفس التكنيك ضد قوى اليسار
وكان هو ضحية اللعبة ذاتها, وكذلك الوهابية الذين فروخوا جماعات التكفير وكادت ان تؤدى بشيخهم
- السودان مفبل على مرحلة مفتوحة على كل الاحتمالات

الأخ شمس الدين السلام عليكم

Quote: الدبلماسي الامريكي قتله أبناء دارفور

البوست طبيعته إرهابية ...
طبعا قد تختلف معي
لأن صفة ((إرهابية )) قد أصبحت صفة عرقية
ترتبط بعرق من قام بالفعل لا بنوع الفعل ذاته
ولا أدل على ذلك من بيان أصدرته إحدى الحركات الدارفورية
تهدد فيه باستهداف المدنيين من مواطني دولة عربية بالسودان
البيان نشر على هذا المنبر فحذفه أمين الموقع
لكن الناشط الذي نشره تحدى أمين الموقع ونشره
فمضت سلطة الإرهاب رغم أنف الأمين...

_______________
محمد سليمان
أول مرة أعرف أن العاصمة خالية من أبناء دارفور
وأنهم فقط يأتون لعلاج أمهاتهم بالمهندسين....

أخي شمس الدين والأخوة الكرام
للأسف منذ زمن ليس بالقليل يعيش المواطن السوداني في فترة (اللا دولة) ، فقط سيطرة الموتمر اللا وطني على مصادر المال وبعض مراكز السلطة الحساسة... لا قضاء ولا عدالة ولا أمن ولا سياسة .. أصبح الإنسان أرخص سلعة .. ضاعت ملامح هيبة الدولة .. طفحت على السطح جرائم غريبة على المجتمع السوداني ذبح وسلخ واغتصاب أطفال ورمي بالرصاص تارة من الحكومة المزعومة وتعترف بذلك .. وتارة تنكره .. وستكون في جميع الأحوال هي المسئولة عن أمن وسلامة وحياة وأموال هؤلاء .. بالتأكيد الموتمر اللا وطني جاهز لفبركة اسباب وملابسات هذه الجريمة ، بل وتحديد اسماء المتهمين .. ولن تخلو القائمة من الإشارة لأبناء دارفور .. كما قال زميل هنا في هذا البوست .. عليهم الابتعاد عن الخرطوم وقطع الطريق عليهم.
وكان الله في عون الوطن والمواطن .. والآت أشد وأخطر .. فقط نساءل الله التخفيف .
الشفيع إبراهيم

يا شمس .. سلامات

هاك كمان افتراءات الإنتباهة .. عشان يجيك ضغط وسكري

لقي موظف أمريكي مصرعه أمس بالخرطوم متأثراً بجراحه بعد أن أطلق عليه مجهولون النار وأصابوه بخمسة مواضع في جسده قبل أن يلفظ أنفاسه الأخيرة بالمستشفى في حين لقي سائقه سوداني الجنسية حتفه في الحال. في الأثناء استبعدت وزارة الخارجية السودانية أي مؤشرات أو دلالات سياسية للحادث ووصفته بالمعزول، غير أن معلومات تواترت بأن أسباب اغتيال الأمريكي جون مايكل جرانفيل الذي يعمل بالمعونة الأمريكية »أخلاقية« بعد ان كان يقارع (الخمر) ويلعب (الميسر) مع مجموعة من الأجانب وحدثت بينهم مشادة كلامية (ليلة رأس السنة) امتدت إلى شوارع الخرطوم فكان إطلاق النار عليه.

وأكدت وزارة الخارجية السودانية في بيان تلقته (الانتباهة) أن إطلاق النار وقع بعد مشادة كلامية بين عدد من الأجانب من بينهم الموظف الأمريكي وأشخاص في عربة أخرى (غير معروفين) وتطور الشجار إلى إطلاق للنار مما أسفر عن مقتل سائق عربة الموظف الأمريكي، وأكدت الخارجية ان الحادث معزول ولا يؤثر على المواقف السياسية. وجاءت إفادات الشرطة بأن الحادثة وقعت الرابعة صباح أمس أثناء سير عربة لاندكروزر (استيشن) هيئة دبلوماسية يقودها السائق عبدالرحمن عباس (40) عاماً سوداني يرافقه المدعو جون مايكل جرانفيل (33) سنة موظف بالمعونة الامريكية امريكي الجنسية بشارع عبدالله الطيب بالخرطوم الرياض (شارع الستين) واعترض السيارة مجهولون واطلقوا اعيرة نارية من الناحية الجنوبية للعربة (جانب السائق) اسفرت عن مقتل السائق في الحال واصابة الامريكي بعدد (5) اصابات أُُسعف على اثرها لحوادث مستشفي الخرطوم لتلقي الأسعافات الأولية و من ثم نقل الى مركز فضيل الطبي.

وتم تشكيل لجنة مشتركة من الشرطة والأجهزة الأمنية لتتولى البحث والتحري في الحادث بعد ان تم تدوين بلاغ لدى شرطة قسم الرياض تحت القيد (3).

الى ذلك رفضت ادارة مشرحة الخرطوم التي نقل لها جثمان القتيل تسليم الجثمان للسفارة الأمريكية الا بحضور مندوبين عن وزارة الخارجية السودانية.

ويعمل جون بالزمالة في التركيز على المشاركة المجتمعية عبر بناء القدرات للمنظمات الحكومية وغير الحكومية بجنوب السودان، يؤدى تلك المهام باستخدام آليات مثل تقييم احتياجات المجتمع والانماط التفاعلية لحلول المشاكل. وجون يعمل بهمة لتحقيق المشاركة والتعاون بين المواطنين والحكومة هناك ويعمل حالياً في توزيع اجهزة الراديو لمواطني الجنوب من اجل تعظيم وزيادة انطباع الجمهور عن المبادرات الاذاعية حول العون الامريكي في الاقليم.

وقد كان جون في مامضي متطوعاً في فيلق السلام كما عمل في السودان كمستشار لمنظمات المعونة الامريكية و»قول« الايرلندية. وقد صمم لمنظمة قول وطبق مشروع تقييم المشاركة في برنامج الايدز (نقص المناعة).

لقد درس ضمن برنامج (زمالة فولبرايت) وتحصل على ماجستير في التنمية الدولية والتغيير الاجتماعي من جامعة كلارك عام 203م.

الاخوة الافاضل
سأعود لاحقا للرد عليكم جميعا
أما لان فليبقي البوست عاليا من أجل محمد فرح
وصديقي (فجاغ عيال إبليس)

محمد E سليمان :

Quote: محمد سليمان أول مرة أعرف أن العاصمة خالية من أبناء دارفور وأنهم فقط يأتون لعلاج أمهاتهم بالمهندسين....

كما يقول فيصل القاسم صاحب برنامج الإتجاه المعاكس ( فاردا يديه ) :
يا جماعة .... يا جماعة ..... ما معقولة كدة !!!

في حد يعرف لي محمد E سليمان ده شايت علي وين ؟؟!!!

علي أي حال أنا أسمي كتاباته هنا في هذا المنبر : خربشات علي جدار سودانيزأونلاين !!

( غايتو شيل شيلنك يا شمس الدين .... الزول ده ماخد عنوانك جد و جاي مشمر عشان يناقشك في أصول الإرهاب و نقة كتيرة .... يحلك الحل فجاغ عيال إبليس ... الذي إختفي فجغة )

أمير جابر

لأمر هام ارجو ان ترسل لي عنوانك البريدي علي العنوان التالي:
shams13ATgmail.com

صديقي شمس الدين.. حبابك

كل سنة و انت طيب..و الأسرة..

العالم شكلو بقى اكذوبة..و صار اكثر اضحاكا للدرجة التي لا تحتملها نوايطنا..و الواحد قرب يلحق التوم هجو..

المهم.. لك أن تضحك يا صديقي..و انت تتأمل هذا الردحي.. الذي اوردته بعض الصحف السودانية.. و هي تعتمد على صحيفة الحياة اللندنية:

Quote: وذكرت صحيفة (الحياة اللندنية) في عدد امس ان غرانفيل كان يقامر مع اصدقائه، وجميعهم أجانب وبينهم ديبلوماسيون وموظفون في منظمات دولية وإنسانية، وإنه ربح اموالاً كثيرة ودخل في شجار مع رفقائه وخرج غاضباً ولاحقه بعضهم بسيارة تحمل لوحة ديبلوماسية. لكن الافتراضات تذهب الى ان الفاعلين أرادوا توجيه رسالة الى واشنطن، وأن هؤلاء قد يكونون من متمردي دارفور الذين يرددون دائماً ان الخرطوم غير آمنة ويستهدفون الوقيعة بين الحكومة السودانية والادارة الاميركية، أو من المعارضة التشادية التي لها وجود في السودان وترفض نشر قوة أوروبية في شرق بلادهم المتاخم لدارفور، أو من خلايا ارهابية في الخرطوم ارادت انذار الولايات المتحدة، في اليوم الذي تسلمت فيه قوة مشتركة من الأمم المتحدة والاتحاد الافريقي مهمة حفظ الأمن والسلام في دارفور من الاتحاد الافريقي، خصوصاً ان تنظيم القاعدة كان طلب مقاتلة القوات الغربية التي ستنشر في الاقليم المضطرب.

الخبر اوردته صحيفة السوداني..

اصلا وكت جابت ليها تكهنات عايرة ساكت كده.. برضك نتكهن مع امة المتكهنين العظمى..و نسأل سؤال واضح و دغري:

المرحوم موظف اجنبي..و الأجانب ديل مسئولية منو؟.. مش مسئولية وزارة الخارجية؟..ووزارة الخارجية الحصل فيها شنو؟.. مش ادوها لوزير جديد هو دنيق ألور؟..ويبقى السؤال.. منو العندو مصلحة في احراج دينق ألور؟..منو العندو مصلحة في احراج وزارة الخارجية ووزيرها الجديد؟
زمان في نكتة بتقول اتنين سمعوا ليهم صوت عربية من بعيد..و قعدوا يتغالطوا..واحد يقول ترتكتور و التاني يقول اوستن.. اها ظهرت..و كانت تركتور.. فقام صاحبنا و قال .. هو فعلا تركتور لكين مركبين ليهو مكنة اوستن..

بنفس القدر .. مش ممكن جايز جدا .. ناس الجبهة الإسلامية دايرين يقولوا لناس الحركة الشعبية..وزارة الخارجية دي لحمها مر جدا؟

و اتخيل لو الحركة شالت وزارة الطاقة.. دي قطع شك بتجيب رأس بوش عديل .. خليك من صغار الموظفين..

طبعا دارفور و اهلها (من باب الكيد الرخيص).. ح تكون شماعة لكتير من البلاوي..مش قلت ليك العالم اصبحا اكتر اضحاكا؟..

و لك أن تتأمل هذا الإستهبال العجيب.. يعني تلاتة اتجاهات احتمال تكون وراء الحادث:
1. متمردي دارفور (ديل طبعا ما حكومة.. اذا استثنينا اخونا مني اركوي)
2. معارضة تشادية (و المعارضة التشادية صنيعة مخابرات سودانية.. يعني مؤتمر وطني باللفة)..
3. خلايا ارهابية (و دي طبعا اجود ما انتجته الجبهة الإسلامية.. من الخليفي و لغاية اليوم.. يعني برضك ناس حكومة)..
و زمان درسونا الحساب و قالوا لينا الإتنين اكتر من الواحد.. يبقى بمنطق الخبر .. الحكومة اتنين..و متمردي دارفور واحد.. يعني روح الزول ده يكون مسئولين منها ناس حكومة الجبهة الإسلامية ..يا ربي ناس الحياة اللندية و صحيفة السوداني قاصدين يقولوا لينا الزول ده مسئولة منو حكومة الخرطوم.. حتى لو كان ذلك القول باللفة؟

و مزيدا من الإضحاك..

و دمت


كبر

Quote: العزيز شمس الدين.. المرة دي القاتل هو( القاعدة) و القاعدة الأساسية هى الهوس الجهوي ..!! و الجهوية دارفورية.. مية المية.. وأسمعوا نصيحة محمد سليمان ياأولاد دارفور زول فيكم يجيب أمو لعلاج ولا ولادة للخرطوم اليومين دي مافي

العزيز ملامح
تحياتي مع كثير اشواقي

علي حسب تحليك الفوق دا القاتل فرنسي
قول لي كيف؟
القاتل هو (القاعدة)
والقاعدة جهوية
والجهوية دارفورية
ويزعم البعض دارفور تشادية
وتشاد تتحدث الفرنسية
اذن القاتل فرنسي

الدبلوماسى القتيل ( محاولة لفهم ما جرى )
by Mohamed Hmid Juma`a

العزيز تاج الدين
كل سنة وانت والاسرة بخير
مع عشم ان يكون هذا العام عام نهاية الاحزان لدارفور

Quote: انا خائف بعد ده الجماعة يلموك ليهم عشان يستفيدوا من قدراتك المهذلة دي ونفقدك بالمرة

بالعكس يا التاج الحاصل مني دا عدم قدرات .. وعدم القدرات وعدم التأهيل وكمان عدم الكفاءة تعتبر من الشروط الاساسية للانتماء لعصابة علي بابا والاربعين حرامي.

الاخ العزيز شمس الدين السنوسي ..كل عام وانت بخير ..

لمرة دي مشيت في الموضوع مباشرة ما خليت مجال للتحليلات ..
و بالاختصار المفيد من العنوان ..
كنت بقول ادغاث كوابيس لمت في ود السنوسي ..لكن لما اخونا
و استاذنا كبر جاب الخبر اليقين :

Quote: وأن هؤلاء قد يكونون من متمردي دارفور الذين يرددون دائماً ان الخرطوم غير آمنة ويستهدفون الوقيعة بين الحكومة السودانية والادارة الاميركية، أو من المعارضة التشادية التي لها وجود في السودان وترفض نشر قوة أوروبية في شرق بلادهم المتاخم لدارفور، أو من خلايا ارهابية في الخرطوم ارادت انذار الولايات المتحدة،

طارت النعسة و جينا نقول كدا لف البلورة شوية حدد لينا القبائل المشاركة
من هسع نشوف محامين و استخدام كل السواتير الممكنة ..

-------
دعاء اليوم :

اللهم لا نسألك رد القضاء ..لكن نسألك اللطف فيه ..

Quote: الاخ شمس الدين سلام انتبه للاتى 1-التوقيت 2- دقة التنظيم 3- اختيار الضحية كلها تقود دلائل تفصح ان الجهة المنفذة هي الحكومة طبعا نسوا تجربة السادات الذى استخدم نفس التكنيك ضد قوى اليسار وكان هو ضحية اللعبة ذاتها, وكذلك الوهابية الذين فروخوا جماعات التكفير وكادت ان تؤدى بشيخهم - السودان مفبل على مرحلة مفتوحة على كل الاحتمالات

محجوب علي
كل سنة وانت طيب
ياخي بالطريقة دي حتزعل ناس
يعني انت عايزهم يطلعونا ناس حاقدين علي حكومة السجم والرماد؟
ياخي الحكومة دي شدة ما بريئة:
لا حصل قتلت برئ
ولا حرقت قرية
ولا فبركت قصص خيالية وحاكمت بيهو اولاد دارفور في مقتل صحفي
ياخي شدة ما الحكومة بريئة:
ناس علي محمود حسنين بقدموا طلبات انو يدخلوا السجن من غير أي تهمة تجي تقول لي الحكومة فعلت والحكومة تركت!
هوي يا محجوب انقرع ترا

الاخ شمس الدين

كل عام وانت والاسرة الكريمة بخير

بالرغم من إختلاف العنوان عما تقصده فعنوان مثل هذا قد يؤخذ من سياقه حيث هنالك من يقرأون العنوان فقط
وبذا تكون قد ساهمت بصورة او اخرى فى إحتمالية صحة الخبر فالاعلام خطير يا اخى ولا يستحمل الدقسة وبالذات في هذه المرحلة
الحرجة
يعنى، كان ممكن عنوانك يكون (الحكومة تسعى لإلصاق جريمة قتل الدبلوماسى فى أبناء دارفور)

ولكم ودي

Quote: البوست طبيعته إرهابية ... طبعا قد تختلف معي لأن صفة ((إرهابية )) قد أصبحت صفة عرقية ترتبط بعرق من قام بالفعل لا بنوع الفعل ذاته ولا أدل على ذلك من بيان أصدرته إحدى الحركات الدارفورية تهدد فيه باستهداف المدنيين من مواطني دولة عربية بالسودان البيان نشر على هذا المنبر فحذفه أمين الموقع لكن الناشط الذي نشره تحدى أمين الموقع ونشره فمضت سلطة الإرهاب رغم أنف الأمين...

محمدE سليمان
كل سنة وانت طيب

ومنو القال انا حاختلف معاك في طبيعة البوست؟؟
نعم هو بوست لارهاب أبناء مناطق بعينها حتي لا يخطئوا ويفكروا مجرد تفكير ان الامر له علاقة بالمؤتمر اللاوطني..
هو بوست لارهاب الذين يؤمنون بسيادة القانون بأن يفيقوا من احلام اليقظة في دولة علي بابا والاربعين حرامي..
هو بوست لارهابك انت شخصيا حتي لا تأتيني بانموذج العدل في دولة الرسول والخلفاء الراشدين وتفضح به حكومتنا الرشيدة

الأخ شمس الدين
تحية وكل عام وأنت بخير

Quote: ومنو القال انا حاختلف معاك في طبيعة البوست؟؟

شكرا لاتفاقك معي وذلك لأن :

Quote: لأن صفة ((إرهابية )) قد أصبحت صفة عرقية ترتبط بعرق من قام بالفعل لا بنوع الفعل ذاته

وليس بالعرق فقط
ليس الإرهاب فقط بكل عمل إجرامي يتم (تبشيعه) أو تقديسه
حسب عقيدة من قام به أو عرقه !!

Quote: وتفضح به حكومتنا الرشيدة

جيد أنك نسبت الحكومة إليكم
ونعتها بالرشد !!
وكذلك كان يفعل محمد سليمان
في رواية أبي الريش التي لم ينكرها !!
أما إرهابي أنا شخصيا فليس لك إليه سبيل
ولقد حاولت قبل ذلك لإرهابي فكريا
فبان قبل النطاح وقبل يأني النعاج من الكباش!!
_____________________________

Quote: في حد يعرف لي محمد E سليمان ده شايت علي وين ؟؟!!!

أكا لا أصدق !!!
الثائر محمد E سليمان شخصيا بجلالة قدره يتواضع للرد والتعقيب
علي محمد E سليمان الضعيف المخربش !!

Quote: غايتو شيل شيلنك يا شمس الدين

خلاص رميتها في شمس الدين ؟
شمس الدين رد وما تهرب
وتذرع بالمزاح !!

Quote: أخي شمس الدين والأخوة الكرام للأسف منذ زمن ليس بالقليل يعيش المواطن السوداني في فترة (اللا دولة) ، فقط سيطرة الموتمر اللا وطني على مصادر المال وبعض مراكز السلطة الحساسة... لا قضاء ولا عدالة ولا أمن ولا سياسة .. أصبح الإنسان أرخص سلعة .. ضاعت ملامح هيبة الدولة .. طفحت على السطح جرائم غريبة على المجتمع السوداني ذبح وسلخ واغتصاب أطفال ورمي بالرصاص تارة من الحكومة المزعومة وتعترف بذلك .. وتارة تنكره .. وستكون في جميع الأحوال هي المسئولة عن أمن وسلامة وحياة وأموال هؤلاء .. بالتأكيد الموتمر اللا وطني جاهز لفبركة اسباب وملابسات هذه الجريمة ، بل وتحديد اسماء المتهمين .. ولن تخلو القائمة من الإشارة لأبناء دارفور .. كما قال زميل هنا في هذا البوست .. عليهم الابتعاد عن الخرطوم وقطع الطريق عليهم. وكان الله في عون الوطن والمواطن .. والآت أشد وأخطر .. فقط نساءل الله التخفيف . الشفيع إبراهيم

الشفيع ابراهيم
كل سنة وانت طيب

يا زول ما تعقل..
ده كلام شنو البتكتب فيه دا..
يعني دايرنا نشيل الفاتحة علي روحك والله شنو؟
المداخلة أعلاه يمكن ان يعرضك للمحاكمة تحت المادة 96 خيانة عظمي
لانك كتبت فاوفيت

احمد حنين
كل سنة وانت طيب

Quote: لقي موظف أمريكي مصرعه أمس بالخرطوم متأثراً بجراحه بعد أن أطلق عليه مجهولون النار وأصابوه بخمسة مواضع في جسده قبل أن يلفظ أنفاسه الأخيرة بالمستشفى في حين لقي سائقه سوداني الجنسية حتفه في الحال. في الأثناء استبعدت وزارة الخارجية السودانية أي مؤشرات أو دلالات سياسية للحادث ووصفته بالمعزول، غير أن معلومات تواترت بأن أسباب اغتيال الأمريكي جون مايكل جرانفيل الذي يعمل بالمعونة الأمريكية »أخلاقية« بعد ان كان يقارع (الخمر) ويلعب (الميسر) مع مجموعة من الأجانب وحدثت بينهم مشادة كلامية (ليلة رأس السنة) امتدت إلى شوارع الخرطوم فكان إطلاق النار عليه.

ياخي اكثر حاجة عاجباني في البيان بتاع الانتباهة كلمة يقارع دي
مع عارف ليه بديني صورة درامية انو الخواجة كان في حرب مع الخمر وخسر المعركة
شفت يقارع دي مختارة بدقة كيف لتوصيل المعني المراد ايصاله؟

وبالمناسبة يا محمد E سليمان
ما هي العلاقة بين المقارعة والمعاقرة
والله السؤال الفوق ده ما فيه أي تريقة

Quote: المهم.. لك أن تضحك يا صديقي..و انت تتأمل هذا الردحي.. الذي اوردته بعض الصحف السودانية.. و هي تعتمد على صحيفة الحياة اللندنية:

محمد ود النور حفيد كبر
كل سنة انت واسرتك بخير

كبر اخي .. هو ضحك كالبكاء
طبعا المثل بقول "كتلوك ولا جوك جوك" وانا قلت بدل ننتظرهم يجيبوا في الصحف احسن نعترف ونقر لانهم كان طاروا السما ولا لفوا ودوروا زي ما بعمل ود أبا ود حامد ففي النهاية حينتهوا في دارفور والله جبال النوبة وبالعدم ادروب.
استدعي من الذاكرة تلك الحادثة ايام فترة الديمقراطية بفندق الاكوروبول بالخرطوم
وكيف ان الكل وجم وتبلم عند سماع الخبر .. فالحدث وطريقة الاغتيال غريب علي السودان
الان الذي يدهش هو ان لا نسمع كل ما هو غريب وعجيب في عصر حكومة شيوخ الغفلة
وعندما تسمع ما هو غريب وعجيب فما علي مواطني دولة الخلافة سوي الركض السريع بحثا عن ساتر..
وطبعا التقرير الامني دائما جاهز (والله يا سعادتك قبضناعلي المجرمين واعترفوا بكل التهم)

شكرا يا صديقي علي المرور من هنا

حيدر حسن ميرغني
كل سنة وانت طيب
البوست الجبتو دا مقدمة ومشهيات ساكت لانو البوست الاساسي بتاع محمد حامد ياهو القدامك دا

محمدين محمد اسحق
كل سنة وانت طيب

Quote: طارت النعسة و جينا نقول كدا لف البلورة شوية حدد لينا القبائل المشاركة من هسع نشوف محامين و استخدام كل السواتير الممكنة .. ------- دعاء اليوم : اللهم لا نسألك رد القضاء ..لكن نسألك اللطف فيه ..

ياحفيد اسحق انا نعستي طارت مما سمعت الخبر وطبعا العضاه الدبيب بيخاف من جر الحبل
اهلنا في دارفور بيقولوا "شجراي كان هوززت ما وحيدا يا هبوباي يا أبلانج" وده معناه انو هناك احتمالين للحدث وده طبعا المدخل الصحيح للتحليل في كل اركان الدنيا الاربعة إلا السودان. نعم الناس ديل علمونا انو دائما في هكذا احداث الشجراي يهوززوا هم بسياساتهم الخرقاء والهبوب يوجهو علي دار غرب او دار صعيد.
واللهم لا نسألك رد القضاء ..لكن نسألك الطف فيه

ابن عمى دخلت ما باب السلام والتحية
والامنجية راح ليهم خلاص فى المضوع ده كلو تقرير بموضوع جديد مرة جماعة التكفير الشنو ماتعرف مرة ناس منوا مرة الموضوع جكس مرة كشتينه مرة قمار
طيب السوق مالوا ؟؟
_________________

تخرية التلفون وصلك احتمال اكون كتبتوا غلط طبعا انا عندى مشكلة ارقام

تحياتى للجميع

Quote: الاخ شمس الدين كل عام وانت والاسرة الكريمة بخير بالرغم من إختلاف العنوان عما تقصده فعنوان مثل هذا قد يؤخذ من سياقه حيث هنالك من يقرأون العنوان فقط وبذا تكون قد ساهمت بصورة او اخرى فى إحتمالية صحة الخبر فالاعلام خطير يا اخى ولا يستحمل الدقسة وبالذات في هذه المرحلة الحرجة يعنى، كان ممكن عنوانك يكون (الحكومة تسعى لإلصاق جريمة قتل الدبلوماسى فى أبناء دارفور) ولكم ودي

العزيز ترهاقا
كل سنة وانت طيب

طبعا يا ترهاقا لو رجعت لمداخلة كبر حتعرف انا كتبت كدا ليه
والحكومة علمتنا انها لا تسعي بل تدبر وتطبخ الامر بليل وتخرجه لنا
ولو المشكلة زي ما قلت اني حأساهم في (إحتمالية صحة الخبر) فتأكد انني أقصد أؤلئك الذين يقرأون العنوان فقط لانو البلد مشكلتها ما في البكتبوا الاخبار البلد مشكلتها في الناس البصدقوا أي حاجة من طرف.
وشكرا كثير علي زاوية النظر المغايرة لزاويتنا

مع خالص تقديري لك

أمير جابر ود عمي الرايح
ازيك
والله يا امير لي يومين اشيل واضرب بس رفض يجمع معاي
المهم حاراجع معاك التلفون تاني بالايميل
مع التحية لاسرتك الكريمة