أطباء عرضحالجية ؟؟؟؟؟ !!!!

أطباء عرضحالجية ؟؟؟؟؟ !!!!


12-19-2005, 03:48 AM


  » http://sudaneseonline.com/cgi-bin/sdb/2bb.cgi?seq=msg&board=383&msg=1197114786&rn=0


Post: #1
Title: أطباء عرضحالجية ؟؟؟؟؟ !!!!
Author: محمد حسن العمدة
Date: 12-19-2005, 03:48 AM

رن رن رن تواصل رنين الجرس حتى قارب الانقطاع واخيرا فتح الخط


- ازيك يا حبيب

- اووووووو المغتربين


- ازيك يا دكتور كيف حالك تمام ؟؟ سامع جوطة انت قاعد وين ؟؟


- انا في ( المواصلات ) وماشي علي المستشفى


- والله ماشاء الله اخيرا اشتغلت !!! اخير منكم الصيادلة يا الاطباء .. بقيتو زيكم زي التانيين عطلجية وما لاقين شغل !!!


- تقول شنو بس حسي انا ماشي اسد مكان واحد صاحبنا بس لمن يرجع برجع عاطل تاني

- وكيف دي يا حبيب ؟؟؟؟؟

- ما هو الشغل بقى مقطوعية

- ما فاهم انت موش معين رسمي ؟؟؟

- لا بس في نظام جديد على وزن السودان الجديد


- نظام شنو ؟؟؟ الانظمة زاتا كترت مرة نظام عام ومرة نظام جديد التقول فاقدين توازن

- المستشفى بتعين تعيين ذاتي

- كيف يعني ؟؟

- يعني بتشغل الطبيب وبتديهو راتب من دخل المستشفى حسب الشغل

- كيف حسب الشغل

- يعني بيدوك طربيزة وبتشتغل واخر الشهر يشوفو الفيها النصيب ويدوك


- يا زول ؟؟ مقاولة دي ولا مقطوعية ؟؟

- هههههههههه والله ياها زاتا بقينا مقاولين حسب الراس واليد والبطن انت وكشفك البتعالجو


- والله ده كلام يا عوض دكام بقيتو عرضحالجية كل واحد خاتي طربيزتو ومصنقر


- ههههههههه شر البلية ما يضحك بالجد




- كان كدي تاني مافي ام بتقول عاوزة ولده يبقى دكتور

- وييييييين ده كان زمان


وفجاة

الو الو الو
افففففففف ديل كمان ناس موباتل ياخدو قروش الناس وما يوفرو الشبكة وما تقدر تتكلم قال الشبكة عطلانة قال طيب بيخصمو الايام والدقائق دي من حاسبهم ولا من حساب الغلابة


وياهو ده السودان الجديد


بلد حتى الاطباء بقو مشردين فيها وومتبقي التجمع يقول ماشي يصلح هم ما قدرو يصلحو عدد مقاعدهم في السطلة عاوزين يصلحو بلد كامل ؟؟ظ

يعني القضية الكبييييييييرة دي كلها تختزل في جيب عبد الرحمن سعيد وكرسيهو البقعد فيهو بس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Post: #2
Title: Re: أطباء عرضحالجية ؟؟؟؟؟ !!!!
Author: طارق جبريل
Date: 12-20-2005, 06:08 AM
Parent: #1

محمد حسن العمدة
(الحبيب) ود العمدة
للاسف الشديد هذا ما كنت ارمي اليه من مداخلتي تلك عن الصادق لكن ناسكم (معظمهم) شتموني ودا شئ بعيد عن الحوار.
شفت نحن وصلنا وين وما تقول لي الصادق ما ليهو يد في الحصل قبل الانقلاب لانه تباشير الوضع الآن كانت باينة في سنة 1988 للاسف الشديد.
شفت الحوار ممكن يخلي الناس تبقى (احباب) كيف، للاسف طليت على البوست بتاع الصادق وواحد واصفني بالسفيه، هل دا حوار ونقد؟؟؟؟؟؟؟؟؟؟؟؟
عموما انا سعدت جدا بالنقاش معك واتمنى ان نلتقي وزي ما بيقولوا معرفة الرجل كنز.
انت يا اخوي صورتك دي عاملة نص كدي ليه اما لابدلك لي زول عايز تلحقوا امات طه ولا لابدلك من زول؟؟؟؟؟؟؟؟؟؟
ودمت

Post: #4
Title: Re: أطباء عرضحالجية ؟؟؟؟؟ !!!!
Author: محمد حسن العمدة
Date: 12-21-2005, 06:28 PM
Parent: #2

الحبيب طارق جبريل

سلام

ياخوي والله انا عمري ما بزعل من زول حسي دي في اتنين كده اخوات واحده معرفة قديمة زلعانات ومحنبكات مني ونازلات نبز شديد بس برضو ما بزعل منهم هو الدنيا دي فيها شنو عشان الناس تتزاعل اي زول يقول الفيها النصيب ويعدي

اما علاقة السيد الصادق بالموضوع فهي بعيده كل البعد وانا قلت ليك قبل كده سنين الصادق رغما عن انكم شايلين حالو الا انها بسيطة ولا تتعدى الثلاثة اصابع ناهيك عن اليد كاملة ويمكن ان نحسب واحد زائد واحد يساوي اتنين ونشوف وقت الامام بثبت اقتصاد البلد من التدهور وبقدم خدمات العلاج والصحة والتعليم ووووالخ مجانيا مجانيا يا حبيب وفي نمو في الاقتصاد رغما عن عدم اكتمال الخطط الاقتصادية

رغما عن هذا كله كان الاخرون يعملون على هدم وتقويض النظام الديموقراطي ويعملون في الخفاء للانقضاض وقد كان , حزب الامة هو الحزب الاوحد الذي لم يفكر في تخطيط لانقلاب


لكل جواد كبوة وكل انسان بيخطي ولكن اخطاء الاخرين اكثر ومزايا الرجل ومحاسنه اكثر واخلاقه اعم وعاوزك تقعد قعدة كده مع نفسك وتحسب وبجيك صادي يا حبيب

الحبيب طارق جاييك بكرة انشاء الله فقد لاح الصباح

Post: #3
Title: Re: أطباء عرضحالجية ؟؟؟؟؟ !!!!
Author: Tariq Sharqawi
Date: 12-21-2005, 00:14 AM
Parent: #1

بسم الله الرحمن الرحيم
السلام عليكم ورحمة الله وبركاته
بدون خلط ياجبريل.. راجع لغة النعاج وما تلاها من افلاس "وسفه".
سامحك الله وهداك.
شرقاوي

Post: #5
Title: Re: أطباء عرضحالجية ؟؟؟؟؟ !!!!
Author: lana mahdi
Date: 12-22-2005, 04:12 AM
Parent: #3

up

Post: #6
Title: Re: أطباء عرضحالجية ؟؟؟؟؟ !!!!
Author: محمد حسن العمدة
Date: 12-22-2005, 06:17 AM
Parent: #5

الحبيب طارق شرقاوي


سلام


بسبب زحمة العمل ومشاكسات البعض لم انتبه للبوست الا امس

ولنقل للاخ طارق جبريل عفى الله عما سلف ولنفتح صفحة جديدة من الحوار الموضوعي

ولكم محبتي

Post: #7
Title: Re: أطباء عرضحالجية ؟؟؟؟؟ !!!!
Author: محمد حسن العمدة
Date: 12-22-2005, 06:53 AM
Parent: #6

الحبيبة الفاضلة لنا مهدي


تشكري على الآب وربنا يرفع الظلم عن المظلومين ويرد الحق لاهله وتنفرج هموم ابناء شعبنا