Post: #1
Title: وأخيرا عادت دوما ..... أتذكرونها ؟؟؟؟
Author: محمد حسن العمدة
Date: 04-05-2006, 04:40 AM
Quote: doma
.
تاريخ التسجيل: 04-02-2002
مجموع المشاركات: 2051 |
وعادت لتناصر أخاها بكري وزملائها واحبابها في المنبر ضد المدعو كاشا
عودا حميدا دوماً دوما
فلنرحب بها جميعاً
|
Post: #2
Title: Re: وأخيرا عادت دوما ..... أتذكرونها ؟؟؟؟
Author: lana mahdi
Date: 04-05-2006, 06:24 AM
Parent: #1
وكتب جني في بوست آخر مرحباً بعودة دوما:
Quote: قلم سيال وسلس العبارةأنيق ورشيق وصادق متمكن من العربية والإنجليزية والمانية
سعادتى بعودتك لا توصف أيتها الرائعة!
كسب للمنبر لا يضاهيه كسب
جنى |
|
Post: #3
Title: Re: وأخيرا عادت دوما ..... أتذكرونها ؟؟؟؟
Author: ابو جهينة
Date: 04-05-2006, 06:27 AM
Parent: #2
مرحبا بالأخت دوما
و عودا حميدا
|
Post: #4
Title: Re: وأخيرا عادت دوما ..... أتذكرونها ؟؟؟؟
Author: shammashi
Date: 04-05-2006, 06:32 AM
Parent: #3
الخالة دوما
تحياتي
وليك وحشة والله
ومن فتي البورد اتملا بالجراد والباعوض
خليك هنا بالله
|
Post: #5
Title: Re: وأخيرا عادت دوما ..... أتذكرونها ؟؟؟؟
Author: adil amin
Date: 04-05-2006, 06:42 AM
Parent: #1
ود العمدة سلام وسامحني عل الكلام القاسي البقولو في حقك في حوارتنا
التحية للخالة دومة الصديقة لقديمة لبوستاتي
سمكرة
فكروني...وانا نسيتك!!
|
Post: #6
Title: Re: وأخيرا عادت دوما ..... أتذكرونها ؟؟؟؟
Author: nadus2000
Date: 04-05-2006, 07:12 AM
Parent: #5
الأخ ود العمدة
شكرا لهذه البشارة
فالحاجة دوما، والخالة دوما نموذج لإمرأة سودانية من الزمن الجميل، واعية صلبة ولا تخشى في الحق لومة لائم، في زمن كان مضى كان الجميع يسعى لتجاوز معرفتهم صفحات المنبر، بأريحية السوداني أو السودانية كان يحب الجميع الجميع، كانت دوما أمنا وكبيرتنا، ولا تترد في نهرنا أحياناً، ولا نتردد في الإنصياع.
"تلبت معرفتنا سور المنبر"، فتلفون وحديث طويل تتخلله عبارة (يا بتي للابنوسة) ويا ولدي لي، والرجل داخلي ينكر على مرأة في سنها أن تتعامل مع تكنلوجيا العصر، ومستجداته، ولهذا كنت أصر أن أناديها الأخت التي تدعي أنها خالة........وأرسلت للأبنوسة صورتها وأبنائها وزوجها، صور أدرجنا ضمن مجموعة أعز الناس..
فمرحبا بالخالة زينب صاحبة الحرف الرصين والموقف القوي.
تحياتي وتحيات الأبنوسة لكي وللحاج دوما وللأولاد....
ما زلنا ننتظر مرورك من هنا.
|
Post: #7
Title: Re: وأخيرا عادت دوما ..... أتذكرونها ؟؟؟؟
Author: الطيب بشير
Date: 04-05-2006, 07:34 AM
Parent: #6
و الله يا العمدة عاوز أعمل بوست
لكن نحن بنصحى و انتو عندكم العصر
و برضو كنت عاوز اعمل البوست
لكن المنبر اليومين ديل في خندق الدفاع مع بكري
ضد أعداء الله..الإنسانية و.. الشعب
انصار الكاش .. الكاش.. و ...الكاش
على أيّـة حال
العزيزة دومة جاءت لمناصرة بكري
لكن هذا لا يمنعنا من الفرح بعودتها علها تبقى
و هي فعلآ (يلقوها للمناصرة) فقد نصرت زوجتي بقوّة، رغم أنها ليست عضوآ بالبورد، و رغم أن الرجال تضايروا من العدو الذي لا يميز ما يقول. العزيزة دومة في آخر اتصال قبل أسابيع رفضت رجاءات العودة للمنبر
لكنها رأت قلمها ينطق بالحق كعادته
فكسر عليها عنادها
و جاءنا بعنف منطقه اللطيف
فألف أهلآ
و تحية لك من أم بشير
و تاني مراحب يا دومة يا حبيبة
|
Post: #8
Title: Re: وأخيرا عادت دوما ..... أتذكرونها ؟؟؟؟
Author: الجندرية
Date: 04-05-2006, 09:47 AM
Parent: #1
| Quote: فكروني...وانا نسيتك!! |
على رأي الست واخونا عادل امين
تشكر يا عمدة
|
Post: #9
Title: Re: وأخيرا عادت دوما ..... أتذكرونها ؟؟؟؟
Author: Salwa Seyam
Date: 04-05-2006, 09:52 AM
Parent: #1
ياسلاااااااااام ..... كم كنا نتمنى عودتها
شكرا محمد
وعودا حميدا دوما
|
Post: #10
Title: Re: وأخيرا عادت دوما ..... أتذكرونها ؟؟؟؟
Author: Ishraga Mustafa
Date: 04-05-2006, 09:58 AM
Parent: #9
وهى اتنست مرة يا ود العمدة
اهلا بدومة
القلبها حار
وبتخوض النار
كم افتقدها
|
Post: #11
Title: Re: وأخيرا عادت دوما ..... أتذكرونها ؟؟؟؟
Author: معتصم دفع الله
Date: 04-05-2006, 10:03 AM
Parent: #10
محمد حسن
سلامات يا حبيب ..
وألف مرحب بالغالية دوما ..
|
Post: #12
Title: Re: وأخيرا عادت دوما ..... أتذكرونها ؟؟؟؟
Author: saif khalil
Date: 04-05-2006, 11:31 AM
Parent: #1
العمدة
سلام
دحين دي ما ست البص!!؟
حبابك الف..وعودا حميدا
وشكرا عمدة علي البشارة
|
Post: #13
Title: Re: وأخيرا عادت دوما ..... أتذكرونها ؟؟؟؟
Author: Shinteer
Date: 04-05-2006, 06:59 PM
Parent: #12
دومة؟ والله زمن وزمن. يا مراحب يا مراحب بالزولة السمحة المن الزمن السمح.
|
Post: #14
Title: Re: وأخيرا عادت دوما ..... أتذكرونها ؟؟؟؟
Author: doma
Date: 04-05-2006, 10:01 PM
Parent: #13
احبابي الحلوين والله اقول شنو عاد متلومه معاكم لوم الشوم الا امسحوها لي في وشي الشين دا اللوم بجي بالغفلات .
ود العمده ولدي الزين مبروك عجبني سمحك ان شاء الله بالبنات والبنيين شفتي التحيز الجندري دا كيف  .
مشكورين كلكم كتييييييييير مهر تنا حره وكنانيه لنا سيفك قاطع يا بت رجال ام در.
تماضر البنت الحديقه متابعه اشراقاتك ونجاحاتك وبفاخر بيك كتير .
الجندريه امانينا قريت كتاباتك وامتعتني كتير .
ام واصل ومرافئ بلسم الروح يا وريفه بجيك هناك قريب .
سلوي صيام الغاليه مرحب بيك ومبروك الف مبروك وموصول للمشاء مالو مسجل غياب لعله بخير ؟؟
الابنوسه تاج راسي فرحت بي نجاحك والوظيفه فانت اهل لها يا بختهم ناس الجزيره , بناغمك فوق للحيطه بس وريني زمنك كيفك ؟؟
ام بشير النسمه الفي عز الهجير حبي ليكم كتير اسم البنيه غلبني قالوا الموت كان خلاك الكبر ما بخليك مممممم.... الحقني يا الطيب بشير مممممممممم... موحي موحي شايله اسمها وتربي في عزكم .بعدين في ناس غايبيين شيري , بت قضيم , الشايننق استار, اوت كاست , ريم , ندي مصطفي ,وندي امين , بنات قوته, بنات العباسي وهميمه ليكم كلكم اشواقي وحبي اعتذر مقدما لمن سقط اسمها سهوا .
اها بعد الجنس اللطيف نجي للجنس الظريف ان شاء الله عامرين ودايما لامين وتامين.
العزيز ياسر الشريف الزول الحبوب ونقي تحياتي وحبي موصوله للحبيبه الهام , والاحباء بطرفكم ربنا يحفظكم لبعض .
ابو الجنون الذي كثيرا ما يكفيني تعليقه شر القرايه ام دق تحياتي ليك وللاسره الكريمه .
ابا جهينه يا ودود ليك القومه وتحياتي عبرك لود قاسم .
عادل امين يا سوداني انت قاعد جنب البحر وانا متفنه في الارض قدامك وبقراءك
انت كالبحر عمقا وسحرا وعنفوانا اكتب ما تحرمني من لآلي صدفاتك .
خالد العبيد يا ناس النصف الجنوبي من الدنيا الشمال يشتاقكم سلامي الحار للجميع .
استاذ الموصلي طلتنا الافراح شكرا ليك يا لطيف المعشر .
تحيه خاصه لعمر علي لووووووول الا الصينيه دي جاءت بعد ان اصابتني الشيخوخه بستعين بالابن تروتسكي فيما صعب امره وبعض الشباب الظريفين بالصين
ابننا شماسي عافيه منك ورضيانه عليك رابط ما تتزحزح اعصروا علي بعض عشان نرفع كتف البناء الميل .
معتصم دفع الله حبابك يا وريف
وسيف خليل والله ليك زمن بركه بي الطله وعودا حميدا.
شنتير يا شنحيب بلش جلدنه طالباك تلفون شحمان وتحياتي عبرك لي نزار حسين واهل العوض وين اراضيهم؟؟؟
شكرا يا نوبا عينك نجيضه مرحب بيك شرفت
كوستاوي وين باقات الورود و الرد واين  وين ميرفي وناس سودلان نت الظريفين تحياتنا ليهم ولي كوستاويه .
اها شوق كتير لي ناس كتار وبالتاكيد لينا ما ناسين شفتوا الثقه دي كيف ؟؟؟؟ شتات ولياب والاسره الكريمه ,بناديها, صلاح درار والاسره الكريمه .والود تمبس
تحيات وامنيات طيبه برضو لكل من
الشرير والبرتقاله العريس اساسي ومبروك بيت مال وعيال , ابن السودان البار د كتور الصاوي والدكتوره هاله . خالد الحاج واماني .قيسان سلم لي علي دبلاوي .خالد عويس ,حبيب نورا ,ود وراق ,عادل عثمان , كمال عباس الرجل المنضبط . خالد والريح كودي فتحي البحيري الرجل المثابر .
اها في ناس ولا بعرفوني لا شي لكين بريدهم بس كدي  مش الريد قسم وهم محســـــــــــــــن خالد وعموم ناس بحري بقياده هشــــــــــام المجمر . استميحكم عذرا ان سقط اسم احد الاحباء عفوا .
|
Post: #15
Title: Re: وأخيرا عادت دوما ..... أتذكرونها ؟؟؟؟
Author: خالد الأيوبي
Date: 04-05-2006, 10:36 PM
Parent: #1
| Quote: وأخيرا عادت دوما ..... أتذكرونها ؟؟؟؟ |
كيف ما نذكـرونهـــــا يا ود العمدة يا عريس !!!!!!
مرحب بيك يا دومـــا و أن شــاء قاعـــدة معانـــا دومـــا -
|
Post: #16
Title: Re: وأخيرا عادت دوما ..... أتذكرونها ؟؟؟؟
Author: تولوس
Date: 04-06-2006, 00:08 AM
Parent: #15
الف مرحب بعودة الزمن الجميل .....
تحياتي للحضور الكريم واجمل تحية للخالة دوما
|
Post: #17
Title: Re: وأخيرا عادت دوما ..... أتذكرونها ؟؟؟؟
Author: nadus2000
Date: 04-06-2006, 10:06 AM
Parent: #16
بوست يرحب بالحاجة دوما ما ينزل
|
Post: #22
Title: Re: وأخيرا عادت دوما ..... أتذكرونها ؟؟؟؟
Author: doma
Date: 04-07-2006, 10:29 AM
Parent: #17
نادوس يا زين انت تتعلي ما تتدلى
|
Post: #23
Title: Re: وأخيرا عادت دوما ..... أتذكرونها ؟؟؟؟
Author: doma
Date: 04-07-2006, 10:36 AM
Parent: #16
تولوس يا رزين وين انت ما ظاهر؟؟؟ بالله كتر لينا من جياتك . شكرا ليك كتير شرفتنا والله
|
Post: #25
Title: Re: وأخيرا عادت دوما ..... أتذكرونها ؟؟؟؟
Author: doma
Date: 04-07-2006, 10:54 AM
Parent: #15
شكرا خالد الايوبي علي الترحيب
|
Post: #18
Title: Re: وأخيرا عادت دوما ..... أتذكرونها ؟؟؟؟
Author: kamalabas
Date: 04-06-2006, 10:11 AM
Parent: #1
مرحبا بدومة وعودا حميدا
كمال
|
Post: #19
Title: Re: وأخيرا عادت دوما ..... أتذكرونها ؟؟؟؟
Author: jini
Date: 04-06-2006, 10:24 AM
Parent: #18
| Quote: احبابي الحلوين والله اقول شنو عاد متلومه معاكم لوم الشوم الا امسحوها لي في وشي الشين دا اللوم بجي بالغفلات |
دى كذبة إبريل!
خالتكم دوما لم تعرف جامعة الخرطوم مثل ملاحتها فقد كانت بلقيس سبئهاسنواتئذ!
تحياتى لك ايتها العظيمة
جنى
|
Post: #27
Title: Re: وأخيرا عادت دوما ..... أتذكرونها ؟؟؟؟
Author: doma
Date: 04-07-2006, 11:11 AM
Parent: #19
Quote: دى كذبة إبريل!
خالتكم دوما لم تعرف جامعة الخرطوم مثل ملاحتها فقد كانت بلقيس سبئهاسنواتئذ!
تحياتى لك ايتها العظيمة
جنى |
ابو الفنون انت تكون مودرني اظنك قاصد سميتي (وش متحير في السماحه الجاتو من مافي دي )
|
Post: #20
Title: Re: وأخيرا عادت دوما ..... أتذكرونها ؟؟؟؟
Author: SalahDirar
Date: 04-06-2006, 10:27 AM
Parent: #18
مرحب بست الستات .. وأخت الأخوان والأخوات
لقد كان وظل مكانك شاغراً حتى لحظة حضورك البهية هذه ..
لك منا التحية وعاطر المودة
كما عودتينا دائماً .. شاهرة سيف النصر والنصرة ..
تعالوا نتغنى إلى ذاك القمر المضيء لنستشرف زمن الصبح الندي
|
Post: #21
Title: Re: وأخيرا عادت دوما ..... أتذكرونها ؟؟؟؟
Author: tasneem
Date: 04-07-2006, 05:57 AM
Parent: #20
مرحب بالاخت المبدعة الشجاعة اللطيفة دومة
والله زمن كان سمح
البورد نور بوجودك وفي اتنظار مساهماتك الشيقة
تحياتي لك ولصاحب البوست
|
Post: #24
Title: Re: وأخيرا عادت دوما ..... أتذكرونها ؟؟؟؟
Author: doma
Date: 04-07-2006, 10:51 AM
Parent: #21
تســـــــــــنيم ما معقول !!!!أي سعدهذا؟؟؟!! والله قلبي ينطط من الفرح بطلتك يا مفرحه مرحب بيك نورتينا يا زوله يا جميله
|
Post: #26
Title: Re: وأخيرا عادت دوما ..... أتذكرونها ؟؟؟؟
Author: محمد عبدالرحمن
Date: 04-07-2006, 10:54 AM
Parent: #21
الف مرحب بعودة دوما ..بعض من الق هذا
البورد رد اليه ..
عودا حميدا ...
|
Post: #28
Title: Re: وأخيرا عادت دوما ..... أتذكرونها ؟؟؟؟
Author: doma
Date: 04-07-2006, 11:22 AM
Parent: #26
Quote: الف مرحب بعودة دوما ..بعض من الق هذا
البورد رد اليه ..
عودا حميدا |
العزيز محمد عبد الرحمن دا من فيض لطفك والله فرحانه بيك كتير.
|
Post: #29
Title: Re: وأخيرا عادت دوما ..... أتذكرونها ؟؟؟؟
Author: Deng
Date: 04-07-2006, 05:48 PM
Parent: #1
الاخت العزيزة/ دوما.
مرحبا بعودتك للبورد.
دينق.
|
Post: #30
Title: Re: وأخيرا عادت دوما ..... أتذكرونها ؟؟؟؟
Author: saif massad ali
Date: 04-07-2006, 05:57 PM
Parent: #29
حبابك مرحب بيك والله
ونامل من قلمك الكثير
|
Post: #31
Title: Re: وأخيرا عادت دوما ..... أتذكرونها ؟؟؟؟
Author: محمد حسن العمدة
Date: 04-08-2006, 03:27 PM
Parent: #30
| Quote: بوست يرحب بالحاجة دوما ما ينزل |
سنعود بعد حين
|
Post: #32
Title: Re: وأخيرا عادت دوما ..... أتذكرونها ؟؟؟؟
Author: jini
Date: 04-09-2006, 00:15 AM
Parent: #31
| Quote: ابو الفنون انت تكون مودرني اظنك قاصد سميتي (وش متحير في السماحه الجاتو من مافي دي ) |
لووووول يا رونالدينو!
كمان جابت ليها مراوغة!
قالب واحد عملوا بيهوو خالة دومة وطفقوا وجدعو
جنى
|
Post: #33
Title: Re: وأخيرا عادت دوما ..... أتذكرونها ؟؟؟؟
Author: doma
Date: 04-09-2006, 00:26 AM
Parent: #32
دينق وسيف مساعد حبابكم .تشكروا كتيرا
|
Post: #34
Title: Re: وأخيرا عادت دوما ..... أتذكرونها ؟؟؟؟
Author: walid taha
Date: 04-09-2006, 03:12 AM
Parent: #1
مرحباً دوما ..
نورتى المنبر مرة أُُخرى
|
Post: #35
Title: Re: وأخيرا عادت دوما ..... أتذكرونها ؟؟؟؟
Author: doma
Date: 04-09-2006, 07:31 AM
Parent: #34
وليد طه ينورن ايامك ويسعد زمانك . وين انت مختفي كدا؟؟؟ ولا انا العوينات طششن؟؟؟!!!
|
Post: #36
Title: Re: وأخيرا عادت دوما ..... أتذكرونها ؟؟؟؟
Author: Bakry Eljack
Date: 04-09-2006, 08:50 AM
Parent: #35
المرأ العظيمة الحميمة دوما ام الكل
سلامات و عودا حميدا ولك من الشوق الكثير
الرجاء مكاتبتي علي الايميل فعلي ما يبدو انني فقدت بريدك الالكتروني
بكري
|
Post: #37
Title: Re: وأخيرا عادت دوما ..... أتذكرونها ؟؟؟؟
Author: doma
Date: 04-09-2006, 09:37 AM
Parent: #36
بكوري
حبيب عيوني انت وين؟؟؟
والله مشتاقه ليك كتير رسل لي تلفونك في المسنجر الداخلي . طبعاايميلي تكون فقدته لانه مامتك كل اسبوعين عندها ايميل جديد
|
Post: #38
Title: Re: وأخيرا عادت دوما ..... أتذكرونها ؟؟؟؟
Author: gessan
Date: 04-09-2006, 10:07 AM
Parent: #1
"قيسان سلم لي علي دبلاوي"..
جدا يوصل سلامك ليهو وللمعاهو ..
دا طبعا بعد "حمدلة" السلامة بي عودتك ..
تحايا
|
Post: #41
Title: Re: وأخيرا عادت دوما ..... أتذكرونها ؟؟؟؟
Author: doma
Date: 04-10-2006, 01:24 AM
Parent: #38
قيسان وسلم لي علي المعاك انت كمان الا زعلانه منك بدور انشق ابقي حبوبتين ( وش زعلان ويد شايله مفراكه بدور اهبدك بيها فوق رويسك المقودس دا )
|
Post: #40
Title: Re: وأخيرا عادت دوما ..... أتذكرونها ؟؟؟؟
Author: nour tawir
Date: 04-10-2006, 01:12 AM
Parent: #39
ود العمدة
تلاتة بالله العظيم أتذكرت الليلة...
وقلت النقوم نفتش الزول دا مشا وين..
لقيتك قدامى..
كيف حال الاهل..
والسعية..
وعموم ناس دار غرب؟
|
Post: #42
Title: Re: وأخيرا عادت دوما ..... أتذكرونها ؟؟؟؟
Author: doma
Date: 04-10-2006, 01:26 AM
Parent: #39
مليون سلام يا لوئ شمت يا ظريف .مشتاقون كثير
|
Post: #43
Title: Re: وأخيرا عادت دوما ..... أتذكرونها ؟؟؟؟
Author: doma
Date: 04-10-2006, 01:29 AM
Parent: #42
نور تاور حبابك بت امي الناس ما بتعارفوا من بطون اماتهن وكتين الكريم لاقاني بيك قلت ابداءك بالسلام .
|
Post: #44
Title: Re: وأخيرا عادت دوما ..... أتذكرونها ؟؟؟؟
Author: اساسي
Date: 04-10-2006, 04:48 AM
Parent: #43
دومة دي حردت المنبر وانا بتشاكل
ورجعت ولقتني بتشاكل
الواحد ما عارف يرحب بيها ولا يعتذر ليها 
مرحب يا دوما وان شاء الله المقام يطيب ليك
وشكرا يا ود الطايف علي الترحيب
|
Post: #45
Title: Re: وأخيرا عادت دوما ..... أتذكرونها ؟؟؟؟
Author: مهاجر
Date: 04-10-2006, 05:12 AM
Parent: #44
يا سلام والله المنبر نور
بوجودك دوما
ايضا ارحب بالاخ بكري الجاك
نتمني عودة كل الغائبين
|
|
