رحـــبــــــوا مــعــى بالمهــندس حــامــد الصــاوى عضوا جديدا بالمنبر واضافه نوعــيه

لازلت اتذكره فى الجامعه ببنطلونه الجينز امدرمانى عريق فيه عبق امدرمان وسحرها التاريخى انه الباشمهنس حامد الصاوى درس الميكانيكا فى جامعة الخرطوم وسرعان ما تلقفته المنافى من ضمن الدياسبورا التى اصابت بلعنتها الجميع منذ مجىء البوم البعجبو الخراب فى عام 89 ولكنه لم يستسلم لكسر الخاطر الذى دهم اصر على ان يستزيد من العلم حتى ولو فى كندا التى زاحم فرنجتها وسلموه شهاده فى هندسة البترول سلاحا علميا عله فى يوم من الايام ان يحل محل الجاز وهم يرونه بعيد ونحن نراه قريب .

حامد الصاوى شقيق زميلنا وعضو المنبرالاقتصادى الصاوى ولكى لا يزعل الصاوى القديم سوف نسلمه وزارة الماليه وانا على يقين انه سوف يجعل اصعب ميزانيه تدخل عقول الناس وقلوبهم لانه سوف يخلطها بالموسيقى التى يعشقها ويجيدها واخوه الجديد وزارة البترول وهاتان الوزاراتان التى قاتل من اجلهما ناس الجبهه وقالوا لناس الحركه دونكم خرط القتاد لن نسلمكم اى من الوزارتين وهذا ما حصل ونحن نعد الآن الاخوين لتسلم هاتين الوزارتين .

مـــــــرحبا بحـــــــامد الصـــــــاوى

حــللــــــت أهــــــــلا ونزلــت ٍسهــلا

اقول فيه كما قال المتنبى

فتى علمته نفسه وجدوده قراع الليالى وابتذال الرغائب

وشكرا لبكرى الذى جمع هذا النفر الكريم وجعلنا نلتقى فى هذا المنبر وهذا الفضاء الالكترونى حتى يقيض الله لنا لقاءا دما ولحما واعصابا .

الاخ العزيز ود الزين تحياتى
اسمح لى ان ارحب بابن اختى المهندس حامد الصاوى.
مع الامنيات له باقامة طيبة بين اهل هذا المنبر
العامر.

up

كل التحايا للاخ حامد الصاوي

ومرحبا به

مرحب بالباش مهندس/ حامد الصاوي
ويا ود الزين شكلك زمان كنت بتقدم الفنانين في الحفلات.. ومازال الليل طفل وكدا

يامحمد السر انا كنت بقوم البنات للرقيص .

Quote: يامحمد السر انا كنت بقوم البنات للرقيص .

يللا قومهم يرقصوا في بوست الصاوي..
أبشر يا باشمهندس

الاخ الجميل ودالزين

يقينى أن سنين الدراســة واصحابها لن تعود وإن عاد الزمن للوراء و ليته يفعل!!! تجمعنا فى دوحة الخير شلة من خريجى دفعة 87 من معهد الكليات التكنولوجية..منا من كان قد قدم من المنافى زائراً يبحث عن رزقه ومنا من اتىء من دارين وهو يحمل جوازين وجنسيتين...وهـــلم جــرا.....كما قالها السيد الصادق ...ولم يحافظ عليها فاضاعها....لم اشعر بهذه الحميمة والود و الالفة التى شعرتُ بها ذلك اليوم.....ونحن تستذكر ايامنا التى انقضت بطيبهــا ومرهــا....وكان اخرها انتقال القانونى الاخ و الصديق واستاذنا فى تلك الفترة الحبيب بشير حسين الخواض وزوجتهالى جوار الله سبحانه و تعالى وهم فى حفظ الله تعالى و الحمد لله..تبعثرت الافكار...ولكن...هى الحياة تسير لتجمعنى بك وأخوة بمعية أخونا مامون السبكى فى زيارته الاخيرة للدوحة فى منزل المضياف راشد خالد...وهانحن نتشارك الود اينما حل...وفوق كل ذلك الهم العام الذى يورقنا....ويهزنا شوقٌٌ المسافة الى اللقاء بين كل هذه الازمنة........

هناك سر لاتدريه...نحن نتشارك..الزمن فربما نحن من جيل ترافق...زمن الدكتاتوريات....فعانِ


مرحبيك ياحــامد.......الصاوى...اسم لمع كثيراً فى سماءنا فى السودان لعلك من اتبرة (كما احببناها)....اتمنى أن نتشرف باللقاء والترحاب بك....لك كل التوفيق فى هذأ الرحاب..........صديق

مرحبا بالاخ حامد
وفى انتظار مساهماتك

ابو الزفت غير صورتك دى لانها blocked by Qtel لعله الباشمهندس عمر بوب عملها...ربما ولا انت جبتها من ويـــن؟؟؟؟؟؟

والله يا صديق انا برئ من ذلك برءه الطريفي لي جملو

حامد الصاوي ..... ايها الغائب عنا سنينا عددا
يا لروعه هذا العالم الاسفيري الذي جمعنا بكم
عندما كنا في الجامعه يملأنا الفرح بنسمه الحريه
و كنا نلهث من ندوه لحفله(وحاجات تانيه حامياني)
كنا نفرق بين الصاويين بالصاوي المدردم للمهندس والصاوي المطاول للاقتصادي.
مرحبتين حبابك الصاوي المدردم.
ونورت بيتك و مطرحك ( هدا جزء من الدجل الدي تعلمناه بعد ان تقاذفتنا المنافي شرقا و غربا)

Quote: ونورت بيتك و مطرحك ( هذا جزء من الدجل الدي تعلمناه بعد ان تقاذفتنا المنافي شرقا و غربا)

دهــا دجلك الاتعلمتو ياعمــر بوب.......كويس دجل الجبهجية دهــا اسموهوا دجل شنو!!!!!!!!!!!!

اهلا بالمهندس حامد الصاوى

ندى

welcome hamid almadardam
that days canot be forgeten
i will come back soon

يا صديق دجل الجبهجيه ده شيتا اصلو ما شفنا لا في الناس ولا في الجن....
وعدرا للاستاد محمد ميرغني علي التحوير

صديق مرحبتين حبابك وشكرا لك دخولك مرحبا بصديقنا حامد الصاوى وهو بالمناسبه صديق مامون السبكى ابن آل السبكى وابن آل الفيل ذلك الفتى الانيق النجيب , ومعاصره فى الجامعه وفى الكليه وفى المدينه .

آخر مره التقيناك فيها فى مناسبة خدر تحمل كاميرتك موثقا بورداب الدوحه وتلك الليله الجميله التى صدح فيها خدر .

اضحك عشان الصوره تطلع حلوه

وبالمناسبة يا ود الزين حامد الصاوى ايضا قريب راشد خالد
الذى ورد اسمه فى مداخلة الاخ صديق عمر.

بيتنا نور

اهلا بالمهندس حامد الصاوى الذى

Quote: اصر على ان يستزيد من العلم حتى ولو فى كندا التى زاحم فرنجتها وسلموه شهاده فى هندسة البترول سلاحا علميا عله فى يوم من الايام ان يحل محل الجاز وهم يرونه بعيد ونحن نراه قريب .

على حد تعبير ود الزين البليغ.
اتمنى ان نكون من الحضور فى ذاكرتك رغم تباعد الازمان والمسافات.

فيصل حسن عثمان حبابك عشره بلا كشره

راشد خالد : - صديق عزيز جدا تزاملنا فى الجامعه وسكنا فى حجره واحده ومن ثم بعد التخرج عملنا مع بعض فى اقاصى الشمال وسكنا مع بعض وفى الغربه الآن نحن فى مدينه واحده وله افضال علينا كثيره نعدها ولا نعددها يكفى واحده منها انه كان حلاقنا المفضل فى الجامعه وكان يحلق كامهر حلاق وهو من الذين يؤثرون على انفسهم ولو كانت بهم خصاصه .

عادل عثمان : - او عادل محمد عثمان لكى يقرا حامد الصاوى الاسم صحيحا كاملا , لا اعتقد ان حامد الصاوى ينساك فأنت كنت فى الجامعه من يشار لهم بالبنان ناشط فى كل الاتجاهات السياسيه والثقافيه والادبيه والاجتماعيه وكم شغلت النشاط وملات الجامعه .

كدة ياود الزين يعنى حلاق الجامعة السمعنا بيهو
اياهو راشد.

ياخى يا فيصل الحلاقه موهبه لا تعطى لاى واحد

وهذه واحده من مواهب راشد فى الجامعه وله مواهب اخرى لا يسمح هذا الفضاء بان اذكرها .

الف مرحب بيك يا باشمهندس.. ومحتاجين هنا (لطاقاتك) في
اثراء هذا المنبر.. والذي حتماً سيثريه امثالكم من العلماء
والمستنيرين..
مرحب تاني..

أعزائي
و أنا أتصفح هذه المداخلات مرهق جسدياًو ذهنياً بعد يوم شاق انتابتني أحاسيس و مشاعر لا أستصيع وصفها .... كأني كنت ابحث عن حامد الصاوي و قد تعبت خطاي من البحث و لكنني اليوم استطيع أن اقول انني وجدت الطريق ... التحيه لبكري و هو يجمعنا عبر هذه الشاشة المدهشة فهو بحق رجل يتحدي المستحيل سوف ..الشكر للصديق ود الزين علي التقديم و سوف اعود اليك لاحقا التحية و الشكر للخال فيصل و جميع المرحبين ولي عودةً

اخــــــــــــيرا ظهــــــــــــــــر حــــــامد الصــــــــــاوى


جيتــــا جيـــــــــــت

ادخل لا جــــــــوه

الضل والضرا

يا بت جيبى الشربات

الرائع/ حامد الصاوي
لا أجد الكلمات المناسبة للترحيب بك، فبناء الحروف دائما مايخون المعاني.
وجودك بيننا ملهم، ويكفينا أن ننظر إلى صورتك البهية لتتداعى الذكريات.
عرفناك ناضرا ودودا ورائعا بحق، صلبا ومبادرا حين نحتاج إجتراح المواقف لنصنع العزة. تنساب كما ينساب النسيم في هدوء وتترك خلفك مازرعته من حلو الحضور ورهافة لايدانيها في العمق إلا صدقك مع النفس ومواقفك المشرفة.
إلتقيناك وزاملناك في رحلة النضج والبحث عن بديل يقي شعبناالذل والمهانة والتخلف.
كنت راشدا وراكزا وواضحافي موقفك، وجميلا يحتفي به كل من يحب الجمال.
فدعنا نحتفي بقدومك مع أصدقاء نحبهم.
ألف مرحب، و"بركة اللنجمعنا فيك"
مع كثير ود وأشواق بلاحدود.

Quote: كنا نفرق بين الصاويين بالصاوي المدردم للمهندس والصاوي المطاول للاقتصادي

الواحد ما يفكر يكتب أو يقول حاجة، يلقى زول تاني قالها أو كتبها...

حامد الصاوي.. مرحبتين حبابك اليوم السعيد الليلة جابك.. (أوع تكون قايلني حا أواصل بقية الوصفة )

وتحية كمان لمن رحبوا بك


سيف بشير

أحبائي
...............
هيا نعيد السذاجات ننتزع الفرح المستحيل
و نطوي المسافات حتي يكون الرحيل
شراعاً نتوق اليه و يحلو لنـــــا
نسافر فيه اذا انتابت الذكريات الدموع
هيا نضيء علي الغائبين بقايا الشـموع
نرش البشاشات فوق الوجوه التي اثقلت بالضني
و نبقي كعود الشذا ينفح العطر بعد احتراق
لأن الذين يعيشون في حدقات العيون
علي ضـــــفة مـن فــــــراق
قد احترقوا من قديـــــــــم
أضـاءوا لنــــــــــــــــا
رفاقي صحابي هل تذكرون من الامس روعته الباقية
و كيف عرفنا بأن انفعالاتنا تستريح علي ضحكة ذاهيه
و كيف نذوب احزاننا في رؤي الاخرين
أين منا صدي الاخرين؟؟؟
و أين الحروف التي انطفأت في مهب الرياح
هنا ان نسيتم انتظرنا الصباح
نفضنا علي وجنتيه بقايا رماد
و كان الدجي يتثاءب ملء العيون التي اكتحلت بالسهاد
ملأنا سلاسل التفاكر ثرثرة واهيه....
و جئنا الي النور نغسل منه رؤي باكيه...
سرقنا النجوم التي قطرت في اكف الرفاق السنا
اقمنا جسوراً من القلب للقلب كي ما نعاني
علي شاطيء الاخرين هموم الزمان
هنــاك كتبنا خواطــــرنـــــــا
و احترقنا هنــــــــــــــــــا

لم أجد أصدق من هذه الخواطر لمهندس تخرج من جامعة الخرطوم(له التحية)
لاعبر بها عن سعادتي لوجودي بينكم ...
شكراً لهذا الترحيب و اتمني ان اكون عند حسن ظنكم

شقيقي وإبن بطني حامد
دخولك هنا اسعدني كثيرا ولكن ما اسعدني أكثر هو فرحة اصحابك بك وسعادتهم لولوجك الدائرة التي تتيح لهم ـ ولك ـ التواصل الذي إنقطع طويلا.
إبق بيننا يا شقيقي وأحذر الطرق التي تؤدي للإنزلاق وما أكثرها هنا.
منور يا أبو ريم
الصاوي (المطاول)

تخريمة
طبعا أول من إبتدع لقب الصاوي المدور والصاوي المطاول هو الأخ الصديق إبراهيم فتح الرحمن لقصر حامد أخي وبدانتة النسبية بينما كنت أنا نحيفا وطويلا بعض الشئ. وطبعا لقب إبراهيم ده طلع مضروب لأنه في بداية التسعينات الصاوي المدور(حامد الصاوي) أخد ليه ضعفة شديدة جدا بينما سمنت أنا الصاوي المطاول حتي ضافت جلاليبي وكنت حينها اعمل بالسعودية وإذا رجعت للجامعة في ذلك الوقت لإضطر أبراهيم لعكس اللقب.

مرحب بالصاوى المدور سابقا

وسلامى للصاوى المطاول سابقا.

الفاضل حامد الصاوى

الف مرحب بك ونورت البور

وكمان سمعته كندا فهل انت بها وفي اي ولايه؟؟؟؟؟؟؟؟

تقديري

تراجي.

أعزائي
دعوني أبدأ بتخريمة الصاوي و قصة المدردم و المطاول, لولا هذه اللمحه الذكية من ابراهيم فتح الرحمن (له و لاسرته أجمل التحايا) لاحدث الخلط بيني و بين شقيقي مشاكل كثيره و بالرغم من ذلك حصلت مشاكل كثيرة و احدي هذه القصص انني قمت بتلبية دعوة لحفلة و عندما ذهبت عرفت ان المقصود بالدعوة شقيقي و ليس أنا و كان الفنان بانتظاري لان اشارك الفرقة الموسيقية اعتزرت لهم بانني ليس الصاوي المقصود و حضرت الحفلة متطفلاً و كانت حفلة جميلة. و قصص الخلط في الاسم كثيرة و مضحكه خاصة عندما يكون طرف بها أحدي زميلاتناالمناضلات.
الرائع ود الزين مشاركاتك بحجم قلبك الكبير و حضورك متميز في المنبر فانت مسئول حديقة هذا التواصل الجميل الله يخليك لينا.
خالي العزيز فيصل توقع مني تلفون خلال اسبوع لك و للاسرة أجمل التحايا.
*** لو كانت الوداعة رجل لكانت أبوبكر عثمان *** لا أعتقد ان هناك احد يخالفني الرأي
سيف بشير مثال نادر للتضحية و نكران الذات مشتاقين كتير و الله
عادل عثمان كيف لي أن انسي شخص مثلك ... كل ذكريات الجامعة محفوره في الذاكرة لك الشوق.
أحمد عثمان ذلك العصفور الذي يغرد تحت الشجرة بقسمات صارمة و قلب لا يعرف الحقد لك الود.
معروف ,محمد السر,صديق,أبو الزفت,نشأت,مبيوع ,... لم تكتفي السلطة ببعثرة أحلامنا الرائعة بل بعثرت أجسادنا حول العالم و ما أجمل أن يجمعنا هذا الفضاء الاكتروني و حتما ستلتقي في وطن خير ديمقراطي و سوف تشكل أحلامنا حضوراً حقيقياً.
المهندس عمر بوب أشواق لا أستطيع وصفها لكن أعتقد اننا سوف نرتب لقاء قريب.
ندي تراجي شكرا للترحيب و البورد منور بيكم و بالمناسبة أنا في لندن أونتاريو و سوف اتصل بك تراجي

مرحب بالصاوى اضافة حقيقية للبورد انتظارا لحروفك الرشيقة

Dear Hamid
It was a long time, but your memories were always a live.You are very welcomed, Your news were always a concern.I hope to see you soon in the US. My best wishes to all dear colleages , Ahmed Osman, Abubakhir, Omer Bob and all

Ibrahim Al-sameen

إبن بطني العزيز
لقد تعلمت منك يا شقيقي كيف أكتسي بلون ما .. فكل الألوان جميلة ولكن أقلها جمالاً هي تلك الألوان المحايدة التي لا لون لها ولا تأثير ولا إنحياز.. أهديتني عدسة جميلة أنظر عبرها للأشياء، عدسة التفاؤل و علمتني كيف أحلم الحلم الجميل منذ أن وضعت أقدامي علي درب الحياة و المعرفة ... و ساعدتني كي أكون عدواً للإستسلام و الإنهزام وعلمتني كيف أستشرق و أحلم و أعمل لما هو أجمل للإنسان و للإنسانية في السودان وفي كل مكان.
دعني أضيف بعض النغم في بوست الترحيب بك و بعض التفاؤل في درب المستحيل..

منك إنتي النغمة تكبر
و المعاني الحلوة تظهر
من سمح قولنا وكلامنا
ومن غنانا الفرحة تكتر
*********
العيون نادت علي
جيتا من آخر زماني
جيتا شايل روح مهاجر
حاني لي إلفة مكاني
كنت فاكر إنتي ناسية
و الصباح الفيك نساني
جيت لقيتك زي قصايدي
معايا في روحي و كياني
*********
منك إنتي النغمة تكبر
و المعاني الحلوة تظهر
من سمح قولنا وكلامنا
ومن غنانا الفرحة تكتر
*********
بالرقيص سوقي الليالي
طِوفي النغم الجميل
شيلي من عطر النداوة
رشي درب المستحيل
ريحي الخطوة المهاجرة
جمي مشواري الطويل
*********
منك إنتي النغمة تكبر
و المعاني الحلوة تظهر
من سمح قولنا وكلامنا
ومن غنانا الفرحة تكتر

أخوك الصاوي

معذرة يا ود الزين لإقتحامي البوست "توش كده" مرة تانية..

Quote: Ibrahim Al-sameen

معقولة بس؟ أبراهيم السمين شخصياً؟؟؟


أين أنت يا رجل؟... تماماً كالصاوي المدردم لم تجمعنا اللقياء لسنوات وسنوات (الفرق إنني كنت أتابع أخبار المدردم عبر المطاول)... طمنا علي صحتك يا إبراهيم، فقد سمعت منذ مدة طويلة بأنك تتعرض لمتاعب صحية ولم أتمكن من العثور على أية وسيلة للإتصال...

يا حامد ويا إبراهيم وحتى طه:
يمكنكم الكتابة إلي على

[email protected]

وإلى اللقاء

سيف بشير


تخريمة:

عزيزي الصاوي "المطاول": أرسلت لك رقم الهاتف المطلوب بعد طول عناء في محاولات العثور عليه

العزيز ود الزين
لك تحيات الورد
وللصاوي مليون مثلها
شكرا لك وانت تصافحنا بحامد الصاوي
التقيت به في جدة قبل سنوات لفترة قصيرة جدا
ورغم قصر الفترة التي جمعتني به شعرت باني امام شخص جميل ومهذب
مرحب بود الصاوي هنا

خالد العبيد
سيدني

ودالزين العزيز............ نرحب بالمهندس الامدرماني حامد الصاوي , وياخوي نحن عارفين ان المهندس اضافة نوعية للمنبر , لان تقديمك له يعني ذلك , فمرحبا به وشكرا لك

Dear Hamid, it's been a while, but its a pleasure to learn know your whereabouts , I pass by London now and then on my way to or fro Toronto. May be one time I'll stop to see you and talk about the good old days. stay well

يامراحب



بالمهندس حامد الصاوى

يامراحب


بالمهندس حامد الصاوى

علمي يا عيوني السفر
ما البسافر في عيونك
سكتو تبقي سلامه

قبل أيام كنا زملان دراسه في هندسة البترول في كالقري (البرتا)- كندا. تخرج الباش مهندس: حامد الصاوي و عاد الي أسرته ب- اونتاريو , كم تفتقدك هذه المدينه الجميله أيها الأنسان الجميل
حبابك عشره .. البورد نور, كلنا سعاده و أتمني أن تطيب لك الأقامه بيننا.

أمير مساعد
Calgary-alberta-canada

شكرا للمتداخلين والمرحبين يلا بالله وسعوا الديوان والصالون جيبو الكراسى والعناقريب والسراير خلو الناس تجى .

ومن محاسن هذا البوست انه احضر لنا ابراهيم السمين فى ديوانا



مرحب بابراهيم السمين كيف حالك ياخى وكما قال اخى سيف بشير سمعنا بمتاعبك الصحيه وقرأنا الخبر بالصور فى جريدة الشرق الاوسط ومعك زميلك الاجنبى النبيل حمد الله على السلامه ياخى .

كيف حالك واخبار الضقاله معاك كنت اراسل هنداوى قبل فتره ولك انقطعت اخباره عنى وهو قد استعصم باستراليا .

أخي الكريم
الباشمهندس حامد الصاوي حامد

يا هــلا ويا مرحبا
يذداد المنبر القاً بحضورك البهي

يا مرحب بآل الصاوي وآل وداعة وآل موسي
هذه الأسماء الخالدة في أمدرمان التي أهدتنا
ابناءها لنسعد بهم.

طالت السنين
ولكـن هي أمدرمان بها
تبقي الروابط الاسـرية
والزمالة المباشرة
والغير مباشرة محفوظه في الذاكرة
تنم عنها وتصيح أنا باقية بداخلكم
واظل اجمعكم كلما تفرقت بكم السـبل

أعادني هذا البوسـت إلي مطلع الثمانينيات
حيث الطيب والنقاء والصفاء الذي جمعنا بكم.

اخي حامد ... نتواصل بإذنه تعالي.

شكراً أخي الكريم ود الزين للإهداء


إسماعيل حميم

حامد الصاوي

دجاااااااااااااااال ( على قول العرسان رشاد ميرغني وهشام سيدأحمد ) .
كيفك يا زول يا رائع . وكيف رحاب والبنيات ، نورت البورد وألف ألف مرحب .

وتحياتي لكل الحبايب في لندن أونتيريو .

أبو قصي

ود الملاى شخصيا
يا مراحب و سلامات
بعد ما لاقيت الصاوى قبل كم سنة فى لندن اتجهجهت فى راسي قصة مدردم و مطاول دى، الصاوى بقي عبارة عن بطيخة مدردقة و عندها فى وشها شمامتين
عساك تكون طيب و عافية
ود الزين الازيرق او على تسمية عثمان حامد TH انت بتلقي الناس دى وين؟

ابراهيم السمين سلام واشواق،اتمنى تكون الامور استعدلت والصحة ظبطت
نستغل البوست لاغراض اخرى:
سلام لعثمان مالك
و الفتى الازرق،بوب الوجيه،عمر فجراوى،الوسيم عادل عثمان، والوديع ابوبكر عثمان ، صاحبتنا الزمان قبل ما تعرس صاحبنا بتاع المشاكل ندى مصطفى، الولد مبيوع ، ود العبيد ، سيف بشكير طبشير، والجميع
يا حامد والصاوى قريبكم المعانا هنا ده جنابو انا لو فى محلكم بنكر القرابة دى
غايتو خوتو ما بناباها لكن......

( خوتو مابناباها لكن) لكن شنو يا عصام, عاوز تبوظ سمعتى
مع اولاد اختى ,ما كفاية لعنة ابو الحسن المباريانا لى يوم
الليلة.
.

عصام جبر الله التحيه ليك

ياخوى ركزت رمحك فى قلب جنيف وسويت لك نسب ومصاهره مع الجنافه بقيت تتجول فى كانتونات سويسرا وكميوناتها هلا هلا خليت الحله الجديده والدباغه وودازرق وام سويقو ودردق وام بارونه والنصر . الله قادر ..

حكى حسن عن ان لهم قريب ذهب للتعليم فى احدى دول شرق اوربا وهناك صادف احدى بنات الفرنجه وغلبه هواها فبنى بها وكتب كتابه عليها وحسن وقريبه هذا من قرية فطيس فى قلب الجزيره والقريه انذاك لا يوجد فيها من البنيه التحيه شىء يذكر ولقد اصرت هذه الخواجايه الشرق اوربيه على ان تزور اهله وترى بلدته من كثرة حديثه عنها ويبدو انه كان يذكر لها عن بلدته كما كان مصطفى سعيد يذكر لنساء غزواته تلك المهم يا أخى اخيرا رضخ هذا الشخص للامر الواقع رغم تحذيراته لها وقوله انك لن تطيقين صبرا اخيرا شدو الرحال وركبو الطائر الميمون وحط بهم فى مطار الخرطوم نظرت الخواجايه جهة اليمين واليسار واستقبلت واستدبرت ثم قالت : - له ياخى مالرى فطيس كويسه . ضحك اخونا فى سره ثم قال لها لسه التقيل ورا دى ما فطيس .
الحكمه من ذلك كله يا عصام انك عندما تأتى بحرمك المصون الى مضارب اهلك فى حى النصر مرورا بأم سويقو وقبل ذلك بحى ناس الجلكين( عصام الفاضل) والدباغه وسنكات وجبرونا وودازرق ان تكون عندها فكره مسبقه ولا تعتقد ان الخرطومهى ودمدنى لأن البنيه التحتيه فى ودمدنى متأخره شويه عن جنيف والسلام .

Quote: ( خوتو مابناباها لكن) لكن شنو يا عصام, عاوز تبوظ سمعتى مع اولاد اختى ,ما كفاية لعنة ابو الحسن المباريانا لى يوم الليلة.

انت اللعنة تفوتك تمشي وين،كلما اتذكر قصصكم انت و ياسر سعيد بتاعة "عصر" الكلب و لا لستك التركتر الداهم الناس وقت الغداء اقول "ديل شفع ديل بالله "
يا فيصل سيبك من ابو الحسن وغيرو ، البقت بقت، اما اولاد اختك ديل خليهم ساكت، انا زولى كان الصاوى ده،حامد كان مركز او مسهى فى حتات تانية

لما نتلاقى المرة الجاية بفتو ليك

( يا فيصل سيبك من ابو الحسن وغيرو البقت بقت)
والله يا عصام انا ايضا كنت بعتقد, انو البقت بقت ونمشى ليقدام
لكن تكشفت لى بعض الامور,التى يستشف منها, التحدى والملاحقة
خصوصا بعد زيارة تعيس لندن الاخيرة لصنوه بواشنطن ,فى مثل ياعصام
بقول البتشمر ليك امرق ليهو عريان, وكيلك الله ابقى ليهو زى بشرى
وهبة.

الف مرحب بالمهندس حامد الصاوى ..اضافة ثرة لهذا المنبر

وشكرا ودالزين ..

محبتى

Dear Saif bashir, esam
jabrallah, wadakzain all friends
Thank you very much for your sincere concern about my health
.Iam doing great,the new Kidney is working perfectly
Iam back, working full time and enjoying life with family and friends


Thankd a gain
Ibrahim

Dear Ibrahim

Quote: Iam doing great,the new Kidney is working perfectly Iam back, working full time and enjoying life with family and friends

very pleasing news

i look forward to hearing from you

my best regards to you and your family


* ( سيف بشكير طبشير، )

شكراً يا عصام إننا لسع في البال...
""كتبت هذا التعليق قبل إطلاعي على مداخلتك في بوست عادل""


saif

الاعزاء المرحبين لكم كل الود و رمضان كريم
و انا اقراء هذه الترحيبات تذكرت قصة في كتاب الاستاذ شوقي بدري (حكاوي امدرمان) ولا باس بأن أحكي تلك القصة وهي ان احد ابناء امدرمان ذهب لكاتب عرض حالات لكي يكتب له قصة الظلم الذي وقع عليه و بعد ان سمع الكاتب القصة قام بكتابتها و بعد ان انتهي من الكتابة بدأ في قراءة القصة للرجل حتي يتأكد من انه لم ينسي شيء و في اثناء القرايه بدأ الرجل في البكاء و النحيب و عندما ابدي الكاتب دهشته قال له الرجل والله انا ما كنت قايل روحي مظلوم قدر ده.
و أنا بعد هذا الترحيب أقول ليكم انا ما كنت قايل روحي مهم كده ....
لكم أروع الامنيات صديق الموج,ابراهيم السمين,خالد العبيد,بهاء بكري ,عثمان مالك,عمر ادريس,سلوي صيام,أمير مساعد,اسماعيل حميم,أبوقصي ,عصام جبر الله و محمد عبدالرحمن.

ود الزين
التحايا والود
ومرحبا ود الصاوي
بت الفضل

فتي علمته نفسه والجدود قراع الليالي وإبتزال الرغائب


لا أعرف أولاد الصاوي لكني أثق في تقييمات طه


مرحبا بود الصاوي


وأمنياتي بالشفاء لأبراهيم السمين

أبوعبيدة
الحصاحيصا القديمة