حته من دواخلي التعيسه !!؟#

زارتني أمي في المنام
وبكيت زي الجهال
أتجرست شديد خلاس
وحدتثتها عن حالي والبلد والناس
يمه وردي ما فات وأصبح
أحلي نغمة تصارع متاهات العدم
وحميد رحل ولسه بينادي نورة
وسلاحوهناك مجدوع
كان أصدق نمه ولسان الغلابه
منو بعدو برفع الصوت
بكلام أهلنا الحنان
ونقد كمان جاءكم هناك
لما الدار خلت من كريم خصال
و أمان أخ ياميمه
أوجعنا زادت وأحزاننا بقت
بحور

+++++++++++++++++++++

يمه ممكن أجيكم أنا
ما الزمن دا للنبيل حسرة
وندامة
ماهي دنيا الفاجر اللئيم
بجدارة
والله مشتاق ليك كتير
وبعدك غابت شموس
ونهاراتي هضلمان
والقمرة في سماها
بخلت علينا بالضي
والبت البريدا أنا
قلت ما عاد بيننا شيء
سألتك بألله تسوي بنيه
من الحلاوة
بالحيل بدور لي عروس
محتاجك منو غيرك بتفقد أحوالي
بالرحمة والحق بكمل نواقصي
بالنصيحة يهديني
يمه أتمنيت رفيقة عمر
وصغار يلعبوا يضجوا هناوهناك
ما البيت بعدك أصبح خلا
والبلد الزينه ديك أتبهدلت
ونهبوها التيوس
يمه بالجد داير أجيكم أنا بس
كيف الطريق والوسيله
بعد الحال أضحي عجب والدنيا ضنينه
أرقدي هناك مطمنئه ولدك بالجد نضيف
وأنشالله ربي يستجيب دعاي
و باكرأجيكم شهيد
عرفتي يمه حالنا أتبدل كيف
وعالمنا أصبح مر حنضل

*دي لمحة عابرة من حاجاتي
الدفينه.

يا زهير يا أخى ربنا يرحم الوالدة...وواصل الدعاء لها.

وبعدين خلى أحلامك وردية إنت زول نضيف ونبيل مافى داعى للتعاسة دى.

والسبب هو كله زولة جميلة تنسند عليها وتنسيك كل المرارات والتعاسة..بس مابت حلاوة.

Quote: يمه بالجد داير أجيكم أنا بس كيف الطريق والوسيله

بس الموضوع ده ماتفكر فيهو...لأن طريقته ساهلة ومادايرة سؤال وما تعمل فيها مغبى!!!!.

تقديرى وإحترامى يازهير.