Post: #1
Title: بروكسل تسعد وتحتفى بالروائى السودانى ( بركة ساكن) ضيفا عزيزا عليها..
Author: على محمد الخير
Date: 03-29-2012, 02:15 PM
Parent: #0
يشرف بروكسل هذه الايام الروائى السودانى ( عبد العزيز بركة ساكن) .. الكاتب الذى شغل الاوساط الثقافية والادبية فى الفترة الاخير...
خاصة بعد قرارات الحظر الكثيرة التى تعرضت لها اعماله، والتى اثارت جدلا واسعا مازال صداها ممتدا الى ان وصلنا فى بروكسل .. ويسعد السودانيون فى بروكسل، بل فى كل بلجيكا بتواجده بين ظهرانيناهذه الايام..
ويتسابق الجميع هنا للاحتفاء به والحديث اليه والاستماع منه بعكس ما هو يريد ان يستمع للاخرين ..
وخيرا فعلت اللجنة التنفيذية للجالية السودانية فى بروكسل، ان يكون لها قدم السبق والمبادرة فى استضافته فى منبرها الثقافى فى عطلة نهاية الاسبوع، فى مقرها فى بروكسل ليحكى لها عن تجربته القصصية الثرة ..
فمليون مرحبا بالكاتب والروائى السودانى عبد العزيز بركة ساكن فى مدينة بروكسل الوادعة ،،،
|
Post: #2
Title: Re: بروكسل تسعد وتحتفى بالروائى السودانى ( بركة ساكن) ضيفا عزيزا عليه
Author: على محمد الخير
Date: 03-30-2012, 08:13 AM
Parent: #1
Quote: دعوة عامة
تدعوكم الجالية السودانية ببروكسل لحضور الندوة الادبية المقامة على شرف زيارة الكاتب الروائى عبدالعزيز بركة ساكن، لبلجيكا.
الندوة بعنوان ( اوجه الغربة ) وذلك بدار الجالية السودانية ببروكسل.
Boondaalsesteenweg-325
1050 Ixelles
يوم الاحد الموافق 1 ابريل 2012 تمام الساعة الخامسة عصرا.
وهذه بعض من اعمال الروائى الاستاذ عبدالعزيز بركة.
رواية الطواحين نشرت في 2000
رواية رماد الماء نشرت في 2001
رواية زوج امرأة الرصاص و ابنته الجميلة نشرت في 2009
رواية الجنقو مسامير الأرض حازت على جائزة الطيب صالح للرواية في أكتوبر 2009
كتب في كثير من المجلات مثل العربي، و الناقد، و نزوى،ومجلة بانبال التي تصدر باللغة الإنجليزية في لندن، ومجلة الدراسات الفلسطينية التي تصدر بالفرنسية في باريس، وتقريبا كل الجرائد السودانية، وكثيرا من الملفات الثقافية العربية، وعشرات المواقع العربية ، السودانية و العالمية. |
|
Post: #3
Title: Re: بروكسل تسعد وتحتفى بالروائى السودانى ( بركة ساكن) ضيفا عزيزا عليه
Author: احلام وهبي
Date: 03-30-2012, 08:23 AM
Parent: #2
الاخ علي محمد خير
التحيات والسلام
تقبل تحيات الأستاذ محمد السني دفع الله
والذي يرسل لكم تحياته ويسال عن الاستاذ
عبد العزيز بركة ساكن
ويرسل له تحياته وويتمنى ان يحقق امجاده بينكم ويفرح بساعات اللفاء معكم
وتقبلوا تحياتي واحترامي
استاذ عبدالعزيز صاحبك وصديقك معاوية الزبير الايام دي في حالاة احباط بعد الاحزان الكتيرة التي افقدتنا التوازن
في انتظار تلفوناتكم للتواصل
والف تحية ندية
|
Post: #4
Title: Re: بروكسل تسعد وتحتفى بالروائى السودانى ( بركة ساكن) ضيفا عزيزا عليه
Author: على محمد الخير
Date: 03-30-2012, 08:53 AM
Parent: #3
الاخت المحترمة / احلام وهبى ،
تقبلى فائق التقدير والاحترام، والتحية مضاعفة للاستاذ الفاضل / محمد السنى دفع الله، ولكما الاثنان خالص الامنيات بدوام الصحة والعافية..
ووصلت تحايا الاستاذ السنى عبر الهاتف مباشرة للاستاذ بركة، والذى هو حاليا يتحرك مفردا فى طريقه لمبنى السفارة المصرية فى بروكسل ( فى اتجاه بوندال برقم الترام25) فى انتظار ان يصل وحده دون طلب مساعدة من صديق..خاصة وان التنقل فى بروكسل ولاول مره يحتاج لخبير طرق وتوصيف..
مشكوره على المرور،،
|
Post: #5
Title: Re: بروكسل تسعد وتحتفى بالروائى السودانى ( بركة ساكن) ضيفا عزيزا عليه
Author: حمزه بابكر الكوبي
Date: 03-30-2012, 09:12 AM
Parent: #4
ابوعلوه تحياتي لك ولكل البروكسلاويين
نحتفي معكم انشاءالله بالكاتب الكبير ولو لقينا فرقة بنكون معاكم الاحد انشاء الله
بالجنبة
كتابتك دي زكرتني ايام كنا طلبه في الابتدائي وعندنا واحد زميلنا خطه شين
وعندنا استاذ كان ممتعض من خطه الشين ده وكان كل ما يمسك كراسه يقول له
جعران طمسوه في محبره وفكوهو في كراسك ده 
|
Post: #6
Title: Re: بروكسل تسعد وتحتفى بالروائى السودانى ( بركة ساكن) ضيفا عزيزا عليه
Author: على محمد الخير
Date: 03-30-2012, 09:57 AM
Parent: #5
ابو الباشق ،،
تحياتى .. كيفك والاولاد..
Quote: كتابتك دي زكرتني ايام كنا طلبه في الابتدائي وعندنا واحد زميلنا خطه شين
وعندنا استاذ كان ممتعض من خطه الشين ده وكان كل ما يمسك كراسه يقول له
جعران طمسوه في محبره وفكوهو في كراسك ده |
ياحمزة يعنى هسى خطى شين ولا كتاباتى ( بتمعض ) .. بطل حركات الخيانة دى .. وجهز نفسك وتعال استفيد من تجربة ساكن .. وانا خايف زميلك ده يكون هو انت ذاتووو.. الكلام ده تكتبه لزول ما قرأ ابتدائى ولا بيعرف المحبره..
|
Post: #7
Title: Re: بروكسل تسعد وتحتفى بالروائى السودانى ( بركة ساكن) ضيفا عزيزا عليه
Author: محمد سنى دفع الله
Date: 03-30-2012, 10:44 AM
Parent: #6
علي الخير
التحيات الندية والاماني المزهرة
لكم جميعا سلامي
الزول ده شفت لكن ما للدرجة اليركب الترام 25
طمنا انو وصل بعدين ياخي الترام ومحطاتو الممكن ندقا فيها
ما تخلوهو يمشي بالدرب العديل مافي باصات ؟
تسلمو واتمنى لكم ان تستمتعوا بونسته وارسل له تحيات الفنان مصطفى احمد الخليفة
محبتي ومودتي
|
Post: #8
Title: Re: بروكسل تسعد وتحتفى بالروائى السودانى ( بركة ساكن) ضيفا عزيزا عليه
Author: على محمد الخير
Date: 03-30-2012, 02:33 PM
Parent: #7
الاستاذ / السنى ،،
تحية واحترام ،،
طبعا الاخ عبد العزيز متابع لهذا البوست عبر الهاتف . .. وكان قبل قليل برفقة العريس ابو الذيك فى طريقهم الى محطة القطار للانتقال لمدينة (جٍنت) حيث تنظم الجالية هناك ندوة ثقافية مساء اليوم مواصلة لبرنامج بركة فى بلجيكا .
وعلى لسانه امل ان تتقبل تحاياه الحارة وتحية خاصة للفنان مصطفى احمد الخليفة ..وبيقول ليك صاحبك ما بتقويه القواية .. وصحبك مفتح شديد وخبر دروب بروكسل ثم انتقل عبر قطاراتها لمدن اخرى ..وفعلا تمتعنا مساء امس بونسه شجية مع الانسان البسيط المتواضع بركة فى منزل الاخ مزمل وحقيقة بركة شخص لا تمل الحديث معه فقد امتعنا بحديثة الممتع وتناوله لبعض من تجاربه فى عالم الكتابة ..
التحية لك مجددا اخى السنى وانت ترسل تحاياك عبر هذا البوست للروائى بركة ساكن ..
|
|