رسالة من سكرتير الحزب الشيوعي السوداني الجديد

رسالة من سكرتير الحزب الشيوعي السوداني الجديد


03-28-2012, 12:41 PM


  » http://sudaneseonline.com/cgi-bin/sdb/2bb.cgi?seq=msg&board=380&msg=1332934870&rn=0


Post: #1
Title: رسالة من سكرتير الحزب الشيوعي السوداني الجديد
Author: خدر
Date: 03-28-2012, 12:41 PM

كثر السؤال من متنفذي و منسوبي المؤتمر الوطني في منابر الحوار و في اروقة صنع قراراتهم عن شخصية السكرتير العام الجديد للحزب الشيوعي السوداني . كثر هلعهم هذا بعد التنظيم الدقيق و العددية الضخمة التي خرجت لتشييع السكرتير السابق الاستاذ محمد ابراهيم نقد اول امس بعد ان ظنوا ان الشيوعيين قد تشتتوا و ذهبت ريحهم بفضل مطاردات و اعتقالات و قتل الامن لهم طوال العشرون عاما الماضية . كان خروج الشيوعيين و المواطنين السودانيين اول امس انصاف حقيقي من الشعب السوداني لنضالات الحزب الشيوعي من اجل الانسان السوداني . و عليه لقد حملني السكرتير الجديد للحزب الشيوعي هذه الرسالة لمنسوبي المؤتمر الوطني بمنابر الحوار

بدلا عن اهراق الاحبار في التوقعات عن من هو السكرتير الجديد اقترح عليكم ان تفهموا قبلا كيف تتم صناعة القرار في الحزب الشيوعي السوداني ، فذلك سيكفيكم عنت البحث . الحزب الشيوعي لا يحكم بعقلية القطيع او بقرار المرشد العام كما هو حالكم ايام مرشدكم العام حسن الترابي . لذا اقترح عليكم و كسبا لزمنكم و زمن القراء ان تسخروا كيبورداتكم لمصلحة الوطن و المواطن السوداني بعد ان تباريتم في خلال سنوات حكمكم و حتي الان في تزيين الباطل للناس في منابر الحوار. اقترح عليكم ان تشرحوا لقرآء منابر الحوار
- ما هي خطط اقتصادنا الحالي بعد انفصال الجنوب و ما هي مصادر تغذيته ؟
- ما هي خطتكم لحل اشكال الجهوية و القبلية التي غذيتموها في اهل السودان ؟
- ما هي خططكم لوقف الحرب المشتعله بالنيل الازرق الان ؟
- ماهي خططكم لخفض الاسعار الجنونية للمواد الاستهلاكية ؟
- ماهي خططكم لحل مشكل دارفور و البجة و ابيي و مهجرين الشمال و كل مناطق الصراعات ؟
- ما هي خططكم لتحسين علاقات السودان الخارجية ؟
- ما هي خططكم للخروج بالسودان من دائرة التبعية للقوي الكبري ؟

الاجدي يا متنفذي و منسوبي المؤتمر الوطني التعامل بشفافية مع الشعب السوداني و الاجابة علي الاسئله السابقة بدلا عن السؤال عن شخص السكرتير العام الجديد للحزب الشيوعي السوداني .

Post: #2
Title: Re: رسالة من سكرتير الحزب الشيوعي السوداني الجديد
Author: محمد إبراهيم علي
Date: 03-28-2012, 01:03 PM
Parent: #1

البركة فيك يا فنان في حكيم الامة
Quote:
- ما هي خطط اقتصادنا الحالي بعد انفصال الجنوب و ما هي مصادر تغذيته ؟
- ما هي خطتكم لحل اشكال الجهوية و القبلية التي غذيتموها في اهل السودان ؟
- ما هي خططكم لوقف الحرب المشتعله بالنيل الازرق الان ؟
- ماهي خططكم لخفض الاسعار الجنونية للمواد الاستهلاكية ؟
- ماهي خططكم لحل مشكل دارفور و البجة و ابيي و مهجرين الشمال و كل مناطق الصراعات ؟
- ما هي خططكم لتحسين علاقات السودان الخارجية ؟
- ما هي خططكم للخروج بالسودان من دائرة التبعية للقوي الكبري ؟


خدر اوعى تكون متخيل المؤتمر الوطني عندو اجابات لاسئلتك دي ؟
البلد دي ماشة بالبركة وتصاريف الاقدار

Post: #3
Title: Re: رسالة من سكرتير الحزب الشيوعي السوداني الجديد
Author: خدر
Date: 03-28-2012, 01:07 PM
Parent: #2


Post: #4
Title: Re: رسالة من سكرتير الحزب الشيوعي السوداني الجديد
Author: الصادق سلفاب
Date: 03-28-2012, 01:21 PM
Parent: #2

خدر
أحر التعازي في الراحلين

ياخ مالك عليهم ما تخليهم يتجدعوا شويه ويستعرضوا لينا عضلاتهم المعرفيه والتحليليه
الغتست حجر البلد.

Quote: ما هي خطط اقتصادنا الحالي بعد انفصال الجنوب و ما هي مصادر تغذيته ؟
- ما هي خطتكم لحل اشكال الجهوية و القبلية التي غذيتموها في اهل السودان ؟
- ما هي خططكم لوقف الحرب المشتعله بالنيل الازرق الان ؟
- ماهي خططكم لخفض الاسعار الجنونية للمواد الاستهلاكية ؟
- ماهي خططكم لحل مشكل دارفور و البجة و ابيي و مهجرين الشمال و كل مناطق الصراعات ؟
- ما هي خططكم لتحسين علاقات السودان الخارجية ؟
- ما هي خططكم للخروج بالسودان من دائرة التبعية للقوي الكبري ؟


بعدين يا خدر
تسألك سؤال زي التقول ماك من هني
تسألك سؤال زي التقول تام لك سني

ياخ الاسئله دي ما اجابتا واااااضحه:
ج1: تاني مافي دغمسه ولا تنوع
ج2: دي حرب فارضاها علينا الامبرياليه والصهيونيه البغيضه وانا لهم
ج3: عندنا خطه خمسه وعشرينيه وبعدين وين الازمه ديزي ما قال الريس
ج4: الله ليكم من جوافة المناصير
ج5 و ج6: امريكيا روسيا قد دنا عذابها

فخليك مفتح يا فنان البلد مؤمنه خالص خالص..

Post: #9
Title: Re: رسالة من سكرتير الحزب الشيوعي السوداني الجديد
Author: خدر
Date: 03-28-2012, 01:51 PM
Parent: #4

ههههههههههههههههههههههههههههههههههههههههههههههههههه
بالغت يا ودسلفاب في الاجابة الرابعة غايتو
هههههههههههههههههههههه

Post: #6
Title: Re: رسالة من سكرتير الحزب الشيوعي السوداني الجديد
Author: خدر
Date: 03-28-2012, 01:30 PM
Parent: #2

محمد ابراهيم البركة فيكم يا زميل ..
انا لي في ابوعشرين ده عشره سنين ، عمري ما كتبت بوست للكيزان و رجيت منهم اجابة
انا بكتب للرآئ العام و المتابعين .. اخوك قنعان من خيرا فيهم من زماااان

Post: #5
Title: Re: رسالة من سكرتير الحزب الشيوعي السوداني الجديد
Author: طه جعفر
Date: 03-28-2012, 01:27 PM
Parent: #1

Quote: للناس في منابر الحوار. اقترح عليكم ان تشرحوا لقرآء منابر الحوار
- ما هي خطط اقتصادنا الحالي بعد انفصال الجنوب و ما هي مصادر تغذيته ؟
- ما هي خطتكم لحل اشكال الجهوية و القبلية التي غذيتموها في اهل السودان ؟
- ما هي خططكم لوقف الحرب المشتعله بالنيل الازرق الان ؟
- ماهي خططكم لخفض الاسعار الجنونية للمواد الاستهلاكية ؟
- ماهي خططكم لحل مشكل دارفور و البجة و ابيي و مهجرين الشمال و كل مناطق الصراعات ؟
- ما هي خططكم لتحسين علاقات السودان الخارجية ؟
- ما هي خططكم للخروج بالسودان من دائرة التبعية للقوي الكبري ؟



الحبيب خدر
شكرا علي الدبوس المهم الذي اتمني ان يجد مكانا مؤلما عند كلاب السلطة فيوجعهم.
لكني اريد ان اوجه نفس المطالب الي كل من يقش عينو من النوم و يقبل علي الحزب الشيوعي شتما و تجريحا و هم يزعمون حول انفسهم الاباطيل من ادعاء الوطنية.
كثيرا ما كنت اقول ان الحزب الشيوعي السوداني هو ليس مجموعة الشيوعيين هنا في المنبر و هو ليس مجموعة الشيوعيين الذين يعرفهم اخونا قيقراوي علي سبيل المثال او اخونا تبارك. الحزب الشيوعي في القضارف و في كسلا و الحواتة و القربة و حلفا الجديدة و الشواك و دوكة و كساب. و ان الشيوعيين هناك نساء و رجال و بنات و بنين يفكرون و يحاولون تغيير البؤس الماثل في حالة من الاستقلال عن مركز الحزب و بابداع يحسدون عليه لخطهم السياسي و اسس عملهم الجماهيري.
كثيرا ما كنت اقول لسياسي المنابر انكم لن تكونوا اعلم بمصالح حزب الامة او الاتحادي من الانصار او الاتحاديين لذلك يجب علي نقدكم لهذه الاحزاب ان يتحلي بالمنطق و الاعتراف بمقدرة الاخرين علي التفكير و معرفة مصالحهم اكثر منكم .
يا خدر يا اخوي مشكلتنا كبيرة و الدليل علي ذلك الحال المايل في البلد.
لكن منو البيقدر يقول البغلة في الابريق.



طه جعفر

Post: #7
Title: Re: رسالة من سكرتير الحزب الشيوعي السوداني الجديد
Author: عمر التاج
Date: 03-28-2012, 01:39 PM
Parent: #5

يا خوي المؤتمر الوطني
كان عندو فهم قدر البجيب على تساؤلاتك دي
ما كان بقى حال البلد كدة
كدي ورينا حلكم انتم كحزب
وإجابتكم النموذجية للأسئلة الفوق دي ..
في حالة كونكم معارضة
أو استلمتم الحكم..

مع التحية قبلها وبعدها ...

Post: #8
Title: Re: رسالة من سكرتير الحزب الشيوعي السوداني الجديد
Author: خدر
Date: 03-28-2012, 01:48 PM
Parent: #7

تعرف يا عمر التاج ،اهم مشاكل نقاشاتنا السياسية انو بعضنا ببداها بي نقاش ارتفاع حالات التعذيب في المعتقلات و ينهيها بي ختان البنات .

شيل اسئلتي دي و افتح بيها بوست منفصل ك اسئله للشيوعيين ، البوست ده غرضو و عنوانو واضح افتكر.

Post: #10
Title: Re: رسالة من سكرتير الحزب الشيوعي السوداني الجديد
Author: عمر التاج
Date: 03-28-2012, 02:46 PM
Parent: #8

ما تتحسس يا خدر من كلامي ساكت
عشان الأسئلة دي أنا ما نجرتها من رأسي ...
ياني جبتها من راس بوستيك بتاع الرسالة ده
ولو ما عندك الإجابة عليها ممكن نعفيك
ونقوم نسأل أصحاب الرسالة ..

Post: #11
Title: Re: رسالة من سكرتير الحزب الشيوعي السوداني الجديد
Author: خدر
Date: 03-28-2012, 03:15 PM
Parent: #10

مافي حسس يا عمر يا اخوي

كل من في الامر انو زي ما الاجتهاد في صياغة اسئلة جديدة خاصة بكل زول فينا مهم ، برضو النظام مهم
اسئلتي العجبتك و لفحتها دي " بدون ما تتبصر فيها " عفيتها ليك .. بس عليك الله شيلها امشي سوي بيها بوستك و مجهودك.










ــــــــ
ده اخر رد ليك يا ابوعمير مالم تكن مؤتمر وطني او مؤيد ليهو او متطوع للقيام بالاجابة نيابه عنهم

Post: #12
Title: Re: رسالة من سكرتير الحزب الشيوعي السوداني الجديد
Author: خدر
Date: 03-28-2012, 04:09 PM
Parent: #11

طه جعفر .. ليك التحايا و الاشواق يا زميل

Photo Upload

انا عارف يا نافع علي نافع انو التنظيم العالي القاموا بيهو الشيوعيين في الخرطوم للدرجة الخلت قوات الشرطه و الاحتياطي المركزي تقعد تتفرج ، تاعبك.
و مسخن بيك يا نافع لحدي اسه و لسان حالك بقول " القشيريين ديل عمرنا كلو نضرب و نعذب فيهم ، يا كافي البلا بدل ينقصوا يقوموا يذيدوا ؟ " :)

Post: #13
Title: Re: رسالة من سكرتير الحزب الشيوعي السوداني الجديد
Author: عمر صديق
Date: 03-28-2012, 04:52 PM
Parent: #12

سلام يا مولاهم خدر


وفعلا الحزب الشيوعي السوداني الجديد اتضح انو عندو جماهير كبيرة جدا في يوم تشييع الراحل نقد


وكان واضحا جدا الفرق بينهم وبين جماهير الحزب الشيوعي القديم الذين ضاعو وسط الزفة

Post: #14
Title: Re: رسالة من سكرتير الحزب الشيوعي السوداني الجديد
Author: خدر
Date: 03-29-2012, 12:39 PM
Parent: #13

و لسه يا عمر .. ياما في الجراب يا حاوي :)

Post: #15
Title: Re: رسالة من سكرتير الحزب الشيوعي السوداني الجديد
Author: أمير فتحي
Date: 03-29-2012, 03:05 PM
Parent: #14

خدر

عارف اللحنة المنظمة دي دقست في حاجة ...الناس الشايلين الأعلام الماحمرا دي أكان تضامناً في اليوم داك شالوها حمرا ناس المؤتمر الوطني كان إتضايقو بالجد من جماهيرية حزبكم

والبركة فيكم في عمنا نقد

Post: #16
Title: Re: رسالة من سكرتير الحزب الشيوعي السوداني الجديد
Author: معاوية عبيد الصائم
Date: 03-29-2012, 07:10 PM
Parent: #15

يالله يا خدر ...




Post: #17
Title: Re: رسالة من سكرتير الحزب الشيوعي السوداني الجديد
Author: Kabar
Date: 03-29-2012, 08:06 PM
Parent: #16

Quote:

- ما هي خطط اقتصادنا الحالي بعد انفصال الجنوب و ما هي مصادر تغذيته ؟
- ما هي خطتكم لحل اشكال الجهوية و القبلية التي غذيتموها في اهل السودان ؟
- ما هي خططكم لوقف الحرب المشتعله بالنيل الازرق الان ؟
- ماهي خططكم لخفض الاسعار الجنونية للمواد الاستهلاكية ؟
- ماهي خططكم لحل مشكل دارفور و البجة و ابيي و مهجرين الشمال و كل مناطق الصراعات ؟
- ما هي خططكم لتحسين علاقات السودان الخارجية ؟
- ما هي خططكم للخروج بالسودان من دائرة التبعية للقوي الكبري ؟



يعني نفهم من كده انو جنوب كردفان ليست فيها حرب مشتعلة الآن؟..و ليست فيها مأساة انسانية ووطنية حتى تخطر على بال الزميل السكرتير الجديد للحزب الشيوعي السوداني؟
ولا جنوب كردفان موضوعها اتحل عشان كده خرجت عن دائرة الأجندة الوطنية؟..ولا يكون الزميل السكرتير الجديد ما عارف انو في حرب دائرة الآن في جنوب كردفان؟..
سألنا الأسئلة دي لأنو الرسالة مفصلة بصورة لا لبس فيها..و فيها تفصيل لمناطق مشتعلة كتيرة:النيل الأزرق ، دارفور ، البجة ، مهجرين الشمال..طبعا وكل مناطق الصراع دي احتمال تشمل المناطق المذكورة و احتمال تشمل حي الديم محل عوضية اتكتلت..و احتمال برضك تشمل جنوب كردفان بصورة خجولة..!
اسئلة للفهم فقط..ما عندنا اي اجندة خفية..

كبر

Post: #18
Title: Re: رسالة من سكرتير الحزب الشيوعي السوداني الجديد
Author: اسماعيل كردولي
Date: 03-29-2012, 11:39 PM
Parent: #17

.
شكراّ كبر يا صديق . . دايماّ سابق

طارق يا حبيب لو المأسأة المدورة فى جنوب كردفان ليها قرابة العام لم تكن ضمن رسالة السيد السكرتير تبقي كارثة و لو سقطت منك انت سهواّ و انت الكنت حاضرلبعض فعاليات العالم يشأن هذه القضية تكون الكارثة أكبر . .

تانى شكراّ خدر
.

Post: #19
Title: Re: رسالة من سكرتير الحزب الشيوعي السوداني الجديد
Author: خدر
Date: 03-30-2012, 10:33 AM
Parent: #17

الاصدقاء كبر و اسماعيل ..
يا فنانيين ما اتخيلتكم تلتقطوا البوست خطاء و انتو العارفين ببواطن الامور
هدف البوست واضح و عيب اشرحوا ليكم
لكن ما اتخيلتك يا كبر ترفع راية " اهل جنوب كردفان لا بواكي عليهم"
و ما اتخيلت بفوت عليكم تصريحات السكرتير الجديد بتتم ثرو ياتو قنوات و بياتو الية
و برضو ما اتخيلتك يا كبر تحتاج لتبرير دوافعك في السؤال و انت عندي اكبر من شبهات الجهوية المريضة


اثروا البوست " ان شئتم بكل بلاوي الانقاذ و ابقوا عافية يا رفاقا