أها يا ناس رقية وراق وعشة بت فاطنة , وكلكم انا يانى دى !!!!

أشتاق لكم جميعآ
وأمانة الغربة ما حارة
وتبكى العين
وينزف قلبى
يوم أذكركم آ السمحين
حنينى يزيد وكت أطرا
الحنان زينيين
ولمتنا وكسحنا
الكان فى شارع النيل
وأكل البوش
فى مطعم سونا
أتارى البوش يكون
زى العسل والتين
وكت تتمدى لى صحنو
أيدين سمحين
ويبقى النوم قرير
للعين
ونشوف العافية
بى عينينا
ونسرح فى
اتحاد كتاب
وصحفيين
ونتلاقى
وبشائر خيرنا
تضوى جبين
وما فكرنا فى الهجعة
وفى يوم نومنا مديونين
وراحة البال
فى شوفتك يمةتملأ العين
وقولة يابا
تطمنا وتملا الدنيا
حب وسرور
دحين اسع
اتفرقنا
لا قلناها كلمة يابا
لا أماتنا شبعن شوف
ولا فارق قلوبنا الخوف
وبطراكم وبتوجع
على أيامنا ديك
فجر صبانا ماب يرجع
حكاياتنا الملت لجوفنا
ماب تكمل
ملاقاتكم بقت آمال
أمانى عمرنا ما صحت
وما اتحقق عشمنا الكان
وما اتحقق عشمنا الكان
ست البنات .

يا مرحب بالأخت سكينة كمبال..
الصحفية القديرة..نورتي الدار..
ويا رجاء العباسي بقيتوا ما شاء الله كتار..

مرحبا بالزميلة سكينة كمبال..
انا قلت يا ربي البتعرفني وفيصل دي منو..؟
مرحبتين وسلام لناس بيتكم، خاصة هاشم وأم الخير وبشرى..

اي والله سكينة يا حليلك وين بلودك اي صقيع او هجير ، في اي طول وعرض تقاطعك ، فعلا وزي ما قت مافي احر من الغربة ، سكينة انا البوم لو تصدقى وكنت اتسكع في شوارع مسقط طفتي بخاطري لبرهة من الزمن ويا سبحان الله افتح البورد لتفاجاني صورتك البهية ، سكينة الساعة قريب الصباح ، تصبحي على خير نتلاقى بكرة في اليكترون بكري طبعا ماعايزة اسالك من ام الخير لانو ديدخلة عايزة ليها قعدة وفنجان جبينة بشمالكم اسوي الدنيا بحالة

اجى؟؟