الحقونا ووب علينا يا جماعة النجدة !!! واه سيجيماناه !!!!

الحقونا ووب علينا يا جماعة النجدة !!! واه سيجيماناه !!!!


24-12-2004, 01:00 PM


  » http://sudaneseonline.com/cgi-bin/sdb/2bb.cgi?seq=msg&board=372&msg=1189941153&rn=0


Post: #1
Title: الحقونا ووب علينا يا جماعة النجدة !!! واه سيجيماناه !!!!
Author: ست البنات
Date: 24-12-2004, 01:00 PM

يا جماعة الخير ما تشوفوا العكات العجاجها لاوى دى تهديئوها !!!

المنبر مولع نيران ومافى حجاز والناس تشيل وتترود فى الحطب !!دا كلام ? حليل السودان ???

يا أخوانا الناس أكلوا بعضهم والكلام دا عيب فى حقنا !

ونحنا الساس

ونحنا الراس !!


والله أفىء عليكم مافى زولا عاقل يوقف العوا دى أص

ست البنات .

Post: #2
Title: Re: الحقونا ووب علينا يا جماعة النجدة !!! واه سيجيماناه !!!!
Author: Muna Khugali
Date: 24-12-2004, 02:42 PM
Parent: #1

malik ya di, hajemteeni
one thing you have to know about this board, many people here cannot live without fighting others, and do not be cheated with the first two beautiful sentences in
the beginning of any post, soon they will turn to gross insults,

Muna

Post: #3
Title: Re: الحقونا ووب علينا يا جماعة النجدة !!! واه سيجيماناه !!!!
Author: benyya
Date: 24-12-2004, 02:49 PM
Parent: #2

ستنا

يا ستي ان شاء الله فتره و تعدي

ونصيحه ما تحاولي تدخلي لانه اذا فكرتي تدخلي حتلقي روحك جزء من المشكله

عامل زي الرمال المتحركه



لكن زي ما قلت ليك

ان شاء الله القلوب حتصافي قريب والمياه تعود لمجاريها

ما تقلقي

بس قولي

اميييييييين



اختك البنيه





لى قدام

Post: #4
Title: Re: الحقونا ووب علينا يا جماعة النجدة !!! واه سيجيماناه !!!!
Author: عماد عثمان
Date: 24-12-2004, 04:30 PM
Parent: #3

ست البنات أختى
من قراصتك السخنة ده
أدينا منها حرف وفى
باقى فحيماتك المولعة
ده شد لينا كباية شاى
صاموتى باقى أخيك
جعان بالحيل ومدقريف شديد

Post: #5
Title: Re: الحقونا ووب علينا يا جماعة النجدة !!! واه سيجيماناه !!!!
Author: خضر عطا المنان
Date: 24-12-2004, 04:52 PM
Parent: #4

Quote: الحقونا ووب علينا يا جماعة النجدة !!! واه سيجيماناه !!!!







غايتو الله يكضب الشينة آ.... ست البنات ..

والله أنا شفت عنوانك دا قلت قطع شك قشيران دا يكون ظهر
عندكم بى غادي !!! وقبال أقرأ تفاصيل انسانتيك الندية دي
في البوست .. كبرت وطوالي كارنتا عكازي المو خمج وأتحسست
سكيني ديك المن ضراعي ما بتمرق زي ماعارفة ياست البنات..
وبراحة اتدبيت زي مارق لابرا كدي ..وأفتحلك باب الشارع وأنا
أنضم براي بايديا وكرعيا .. يعني هرجي شديد !!! وأسوي الليلي
(( وقعت سودا يا قشيران .. كمان بقيت تزور الناس الامنة
في بيوتها بعدما لوعت أختنا المسكينة ام الخير يوم كنت تجيها
طاشم انصاف الليالي !!!.

لكن الحمد لله بعد ما لقيت أي زول هناك ولا حتى خيال قشيران
ذاتو .. تراني رجعت بكامل عدتي وعتادي سالماغانما!!
وحمدت الله انو لا اسع في ناس في الدنيا حلالين مشاكل بدل
سياسة المديدة الحارة الهنا دي !!!!.

سلام ليك ومعاك مجنون الشاي الصامودي دوما دا الولد
الاسمو عماد عثمان .

واحتياطي يا ست البنات ياختي والظروف ماها معروفة
عكازي ياهو دا تحت فرشي في أي لحظة انا جاهز !!!.


خضرعطا المنان

Post: #6
Title: Re: الحقونا ووب علينا يا جماعة النجدة !!! واه سيجيماناه !!!!
Author: عماد عثمان
Date: 24-12-2004, 05:06 PM
Parent: #5

خضر الزين ود عمى المنان
انا متلك الكلام من الأول
ما دخلى لكن وقت وصلتى
لقيت البلد فى أمن وأمان
شربت شاى الصاموتى ومرق

Post: #7
Title: Re: الحقونا ووب علينا يا جماعة النجدة !!! واه سيجيماناه !!!!
Author: سجيمان
Date: 24-12-2004, 08:30 PM
Parent: #1



ست البنات

العوا ان بقت في بوستاتك... قطع شك ندخل ونسكت الناس..... لكن ان بقت في بوستاتن اُخر... اعفيني.. اقوم ادخل ويبقى في زول لابد لي وكايس لي من زمااااان...ويسوي نفسو داير يضرب رفيقو يقوم يضربني انا.....وبعدينك انتي ما شفتي زمان سوو علي كيفن....علا بس انا بقيت شديد ولضيض في عمري دا

ما عدا ذلك:-

لبيك اختاه لا وبٌ عليكي و لا ُكرُ

انا الهزبر اذا احتدم الوغى

اتمنطق الدوكريُ...ولي عكازٌ اجرو

لا اتلبدُ كديسةً..اذا ما العكة وقعت

الاقط من الاقط... واخانق من اخانق

حشاي ما اعض طرف جلابيتي وافرُ

Post: #8
Title: Re: الحقونا ووب علينا يا جماعة النجدة !!! واه سيجيماناه !!!!
Author: ود الشيخ
Date: 24-12-2004, 08:38 PM
Parent: #1




ست البنات (الكباسين) لقاك وين
كما عرفتي الكباسين اسألي عادل

Post: #9
Title: Re: الحقونا ووب علينا يا جماعة النجدة !!! واه سيجيماناه !!!!
Author: ست البنات
Date: 24-12-2004, 08:49 PM
Parent: #1

الأخوات،
منى خوجلى
بينيا
الأخوان ،
عماد عثمان
خضر سيجيمان
ود الشيخ
شكرا لهبتكم لى نجدة البيكورك يا أبو مروة
ودياركم ان شاء الله ما تخرب !
وياكم ناس الحارة!
والمنبر الله يهدئ سرة ويطفئ نيرانه .
ست البنات .