الى سيف مساعد : انى لازلت أنتظر التوضيح منك !

الى سيف مساعد : انى لازلت أنتظر التوضيح منك !


13-01-2005, 03:19 AM


  » http://sudaneseonline.com/cgi-bin/sdb/2bb.cgi?seq=msg&board=372&msg=1189932654&rn=0


Post: #1
Title: الى سيف مساعد : انى لازلت أنتظر التوضيح منك !
Author: ست البنات
Date: 13-01-2005, 03:19 AM

sanu muallma
تحياتى ،
وبعد ،
هذه الجملة وردت منك فى بوست كنت قد افتتحته أنا سابقا.




وقد كتبت لك مرارا فى نفس البوست طلبا لتوضيح ما ترمى اليه ، ولكنك أحجت عن التوضيح .
وها انا ذا أكرر النداء وطلب التوضيح مرة أخرى .

وشكرا .
ست البنات .

Post: #2
Title: Re: الى سيف مساعد : انى لازلت أنتظر التوضيح منك !
Author: saif massad ali
Date: 13-01-2005, 03:29 AM
Parent: #1

اختي العزيزة ست البنات صدقيني لم اري البوست مرة ثانية , لاني خارج المانيا في عطلتي السنوية في هولاندا,وحاليا لدي جهاز كمبيوتر يمكن الدخول به. مثلك يا ملكة لايتجاهله الانسان معذرة وسامحيني.
ولو دخلتي بوست المحس والفلاتة لوجدتي المعني قلت لك سلام يامعلمة ست البنات


ارجو منك المع\رة

Post: #3
Title: Re: الى سيف مساعد : انى لازلت أنتظر التوضيح منك !
Author: معتز تروتسكى
Date: 13-01-2005, 03:51 AM
Parent: #2

خالص التحايا00
ست البنات00
وسيف00


ولكما الحب 00

Post: #4
Title: Re: الى سيف مساعد : انى لازلت أنتظر التوضيح منك !
Author: saif massad ali
Date: 13-01-2005, 03:57 AM
Parent: #3

الاخ معتز شكرا ليك كتير

الاخت ست البنات
هاهو اميلي

[email protected]

Post: #5
Title: Re: الى سيف مساعد : انى لازلت أنتظر التوضيح منك !
Author: ست البنات
Date: 13-01-2005, 05:37 AM
Parent: #1

الى سيف مساعد ،
أولا لا أسمح لك أن تخاطبنى بلغة تفهمها أنت وأجهلها أنا !
ولا أقبل مناداتك لى ب معلمة ! لأن معلمة هذه تحتمل معانى كثيرة وليس لحسن النية مكان فى ما أوردت هنا !
أما اذا كنت تقصد بأنى من الهوسا حسب رأيك فى أصل قبيلة الشايقية ،
فأرجو منك أن تحترم نفسك ولو قليلا حين تخاطب من لا تعرفهم .
وأفتكر نحنا الشايقية عارفين أصلنا من وين ! ولم نطلب منك أن تبحث فيه !
فأرجو أن تبحث عن أصلك أنت !
بدلا من أن تلزق بنا معلومة عارية من الصحة وليس لك بها دليل !
لكأنى بك لم تر كتاب تأريخ قط !
وحسب صورتك التى أمامى فأنت أقرب للهوسا والفلاتة !( من ويشيك المدور دا وش فلاتة )!!!!
واذا مغبون من الشايقية لشىء فى نفس يعقوب ! هذه مشكلتك وحدك !!!
وهذا اخر الحكى !
ست البنات .

Post: #6
Title: Re: الى سيف مساعد : انى لازلت أنتظر التوضيح منك !
Author: saif massad ali
Date: 13-01-2005, 06:13 AM
Parent: #5

Quote: الى سيف مساعد ،
أولا لا أسمح لك أن تخاطبنى بلغة تفهمها أنت وأجهلها أنا !

الاخت ست البنات
كلمة سانو معلم او سانو معلمة يفهمها كل سوداني ولاول مرة اسمع سوداني يقول ما بعرفها حسب علمي عند دراستي للغلتي الهوسا والفولاني ان غالبية اهل السودان يعرفون سانو
ثانيا
Quote:
أما اذا كنت تقصد بأنى من الهوسا حسب رأيك فى أصل قبيلة الشايقية
فأرجو منك أن تحترم نفسك ولو قليلا حين تخاطب من لا تعرفهم .
وأفتكر نحنا الشايقية عارفين أصلنا من وين ! ولم نطلب منك أن تبحث فيه !

هل الهوسا ليست من البشر الذي خلقة الله علي وجه الارض,وخاطبه بكل اياته,ويكون معلوم لديك لغة الهوسا لغة عربية دخلتها بعض الكلمات الاجنبية , وهم يستعملون كلمات عربية فصيحة لايستعملها احد غيرهم في اللغة العربية.الفلاتة اقاموا اكبر مملكة اسلامية في غرب افريقيا وهم ناس لهم عزتهم باصلهم وليس عيب اذا انتميت انا الي الهوسا او الفلاتة ,يقول معظم خلافاء الختمية ان السيد الحسن ابو جلابية كان يقول انا ابن العثمانيين, عثمان الاول هو الختم والثاني هو عثمان دان فوديو مؤسس دولة الفلاني وهو فلاتي وليس هنالك في تاريخ السودان من هو اعظم من السيد الحسن الذي ذكر الفلانيQUOTE]فأرجو أن تبحث عن أصلك أنت !
بدلا من أن تلزق بنا معلومة عارية من الصحة وليس لك بها دليل !
لكأنى بك لم تر كتاب تأريخ قط !

Post: #7
Title: Re: الى سيف مساعد : انى لازلت أنتظر التوضيح منك !
Author: saif massad ali
Date: 13-01-2005, 06:20 AM
Parent: #6

اما اصلي سوداني ولدت بالسودان لااكثر من ذالك,يقطن اهلي بين جبل اولياء والدومة جنوب الحوش ,

اما كتب التاريخ اسكتي ساكت كوم وردوم ,تعرفي وادي شقو او وادي شقوة او وادي شعير

احب الشايقية ليس لي معهم غبينة من هذه القبيلة امنة بت النور والدة اعظم سياسي في تاريخ السودان الحديث وهي من القرير.

الا عندي سعال واوكي نخليهو لي وقت تاني

Post: #8
Title: Re: الى سيف مساعد : انى لازلت أنتظر التوضيح منك !
Author: ست البنات
Date: 13-01-2005, 08:37 AM
Parent: #1

اما اصلي سوداني ولدت بالسودان لااكثر من ذالك,يقطن اهلي بين جبل اولياء والدومة جنوب الحوش ,

اما كتب التاريخ اسكتي ساكت كوم وردوم ,تعرفي وادي شقو او وادي شقوة او وادي شعير

??????????????????????????????????????????????????????????????????????
كان الحكى قد انتهى !
ولكن هذا الجزء لزمت اعادته للذكرى والتذكير والتذكر فقط !!!!

ست البنات .

Post: #9
Title: Re: الى سيف مساعد : انى لازلت أنتظر التوضيح منك !
Author: saif massad ali
Date: 13-01-2005, 09:03 AM
Parent: #8

ست البنات
الفلاتة جدهم عقبة بن نافع
الشاقية جدهم منو وياتو كتاب تريه مفيد يمكن اقرأ فيه تاريخ الشاقية

Post: #10
Title: Re: الى سيف مساعد : انى لازلت أنتظر التوضيح منك !
Author: Adil Osman
Date: 13-01-2005, 09:11 AM
Parent: #1

سيف مساعد
انت تتمتع بخبث لا تحسد عليه.
من شنو ده يا ربى؟

Post: #11
Title: Re: الى سيف مساعد : انى لازلت أنتظر التوضيح منك !
Author: saif massad ali
Date: 13-01-2005, 09:14 AM
Parent: #10

ليش يا الحبيب عادل عثمان ياتو خبث ده؟

Post: #12
Title: Re: الى سيف مساعد : انى لازلت أنتظر التوضيح منك !
Author: اساسي
Date: 13-01-2005, 09:29 AM
Parent: #11

بالله يا اخوانا ما تقعدوا تتغالطوا في حاجة ما حتصلوا فيها لاخر..؟

ولو ما عارفين انا اوريكم من يوم الاحد الفات كلكم بقيتو عبيد دينكا


والما عجبو يدق راسه في نيفاشا

Post: #13
Title: Re: الى سيف مساعد : انى لازلت أنتظر التوضيح منك !
Author: saif massad ali
Date: 13-01-2005, 09:37 AM
Parent: #12

اساسي الشكية لي اب ايدا قوية الشي شنو

Post: #14
Title: Re: الى سيف مساعد : انى لازلت أنتظر التوضيح منك !
Author: ست البنات
Date: 13-01-2005, 10:38 AM
Parent: #1

سيف مساعد،
انت وكت ماك عارف جد الشايقية منفوخ فوقنا من الأول مالك ??????
يعنى كلامى مشى وجاء وبقى صح !!!
انت مغبون من الشايقية ساكت !
وكتب التأريخ القلت مردومة عندك دى ، لف فيها قدو قدو وقراصة النبق والمرارو اللات جدك نافع !
وانت وكت جبت سيرة الهوسا ولصقتها للشايقية ما كانت بحسن نية أو شكر !
كانت شتيمة وكسيير مقاديف !
لكن يبدو انو كل شئ اتضح !
وكمان وكت كاتل أصول الفلاتة بحثا ، ومتأكد من جدهم وأصلهم ، ما تعترف بى انتمائك ليهم !
لازم تجرجرنا معاك ???
خاصة وانك لى هسع ما قلت لينا أصلك من ويين !!!!
ولعلمك أنا درست الثانوى العام فى الحاج عبدالله ، والحوش !
وديل معقل الفلاتة !
____________________________________

أخوى عادل ود عتمان ،

يبقالى كلامك صوح !

ست البنات .

Post: #15
Title: Re: الى سيف مساعد : انى لازلت أنتظر التوضيح منك !
Author: A.Razek Althalib
Date: 13-01-2005, 11:18 AM
Parent: #14

الأخ/ saif massad ali

الأخت/ ست بالبنات
Sanoo
Yawa
لكم التحية...
أساسي قال. سياد البلد وصلوا
بس أنتو ما ناويين تجيبوها بر السلام...
يا أخونا هوي :
Quote: ولعلمك أنا درست الثانوى العام فى الحاج عبدالله ، والحوش !
وديل معقل الفلاتة !
الناس ديل سياد بلد... كما أكتر مننا أنحن مانا فايتنهم...
بالجد... كلامكم ده بودي الدرب الموية... ونبقي تاني من أول وجديد في مشاكوس وأبوجا...
الناس كافيين شرهم بخيرهم...
وباكلوا من ضراعهم...
أخلاق وأدب...
لا شفنا واحد منهم كتل ليهو زول ولا سرق...
ولا عمل ليهو حاجة ما كويسة...
بس أنتو بشغلكم ده بتخلوهم .... مهمشين...
يا ناس هوي أصحو البلد كلها مهمشة...
أمانة عليكم هسعي إنتو الأتنين كان واحد فوقكم مشى لبلدو الولدوها فوقها تاني عينو بتقع ليهو في عمارة ساكت...
الناس قاعدة في ضلها.... ولا طيارة ... غير النفاثة البتجي من مكة ماشية لجوه أفريقيا.... وبتخلي لينا دخانا الببقي لينا سحاب بجيب لينا المطر بالبركة ساكت...
يا ست اللقدابة........ الما خمج....
والمترسة... أطعمي الناس مما تحبي تاكلي ... يا الأصيلة .... يا بت القبايل....
الناس ديل الجوة والبره كلهم عندهم قبايل .... وشيوخ .... ونضار .... وعمد....
وإدارة أهلية ....
بس سيف مساعد حب يقيظك ساكت....
يا أختي هوي والله كان أبينا ولا ما أبينا
ترى يا هو آدم أبونا ... وحواء أمنا ..... ولا ليكم رأي تاني.....
في زول قام من التراب.....
خلاص الكلام خلص.....
ما في زول أحسن من زول...
ترى الروح واحدة.....
وكلكم باكر ... بتخشو ود اللحد...
وربنا بسألكم....

سمحة العافية الجابت لي كلام مع هشام مدني..
وقام واحد قالو ليهو هشام أمين ...
الراجل قام زعل.....

بس أنا قلت لخدر... كدر ... وما زعل مني.... والراجل تقبل المسألة بروح ديمقراطية حسدو عليها....
بس رأيو قوي .... وزول عنيد.... بنفع يمسكوه خزينة الدولة....

وبرضو سمحة العافية.... التبرانا...


---------------------
عبدالرازق عيسى الطالب

Post: #16
Title: Re: الى سيف مساعد : انى لازلت أنتظر التوضيح منك !
Author: عبداللطيف خليل محمد على
Date: 13-01-2005, 11:40 AM
Parent: #15

ست البنات :
سيف هذا - دائما - ما يلجأ لأسلوب ( الهمز و اللمز ) و يستخفف دمه فى بوستات الجنس اللطيف. غير مبدع ؛ فقط يعلق بسطر و سطرين و يحكى عن ( ألمانيا و هولندا و الواقواق ) .

Post: #17
Title: Re: الى سيف مساعد : انى لازلت أنتظر التوضيح منك !
Author: ست البنات
Date: 13-01-2005, 11:54 AM
Parent: #1

اخوانى الأعزاء ،
عبد الرازق،
عبد اللطيف ،

شكرا على الكلمات الطيبات .
وها أنا أغلق هذا البوست اللعين !
وأعتذر عن الأنسياق غير المجدى !
ست البنات .

Post: #18
Title: Re: الى سيف مساعد : انى لازلت أنتظر التوضيح منك !
Author: عبداللطيف خليل محمد على
Date: 13-01-2005, 12:01 PM
Parent: #17

تسلمي .. انتهى .

Post: #19
Title: Re: الى سيف مساعد : انى لازلت أنتظر التوضيح منك !
Author: A.Razek Althalib
Date: 13-01-2005, 12:08 PM
Parent: #18


ودي المحرية فيك

Post: #20
Title: Re: الى سيف مساعد : انى لازلت أنتظر التوضيح منك !
Author: saif massad ali
Date: 13-01-2005, 12:26 PM
Parent: #19

ست البنات
يا اختي انت بتقولوا نسبكم شريف واصليين للسيد الخلق عليه الصلاة والسلام بالحسن والحسين وفاطمة الزهراء والجعليين بقولوا سابقيين الشايقية بي جد لانهم ابناء العباس عم النبي ,والرواية بتقول انكم قادميين من المدينة المنورة وادي شقوة او وادي شقي,الا ان الاصح رواية الطيب الفلاني بان اصل الشايقية من غرب افريقيا والدليل الشلوخ التي تشبه شلوخ اهل نجيريا,اما حول الحاج عبدالله لاتوجد ممجوعة بعينها من الفلاتة. الفلاتة وتعدادهم عشرين مليون يتمركزون حول بحيرة تشاد ويقيمون في دول عدةمنها السنغال وغانا وغينيا والكميرون والسودان وهم علي فكرة رعاة لايهتمون بالزراعة كاهتمامهم بالرعي.

اما انا وشي المدور ده عليك الله شوفتي زول بشبهني كدي من شمال الخرطوم لي عند نهاية الشمال .علي فكرة اسعلي الناس التي تقرأ المولد العثماني عن لوح وصف المصطفي عليه الصلاة والسلام فيهو كيف.

Post: #21
Title: Re: الى سيف مساعد : انى لازلت أنتظر التوضيح منك !
Author: saif massad ali
Date: 13-01-2005, 12:36 PM
Parent: #20

عبد اللطيف هولندا والمانيا وعرقي البلح والتمباك الجاب خبروهم منو يا الحبيب

عبد الرزاق بركا داوني

Post: #22
Title: Re: الى سيف مساعد : انى لازلت أنتظر التوضيح منك !
Author: A.Razek Althalib
Date: 13-01-2005, 01:25 PM
Parent: #21

الأخ/ سيف مساعد
Quote: عبد الرزاق بركا داوني

إنت البرد عندكم اليومين ديل لون شنو.. وعاملين معاهو كيف....
إن شاء الله بس ما يكون النوع البجيب ليهو هواء أبو صفارة... داك
يا أخوي مساعد... أساسي الأساسي قال ليك
خلاص ناس البلد... وقعوا السلام في نفيشا..
فأحسن لينا نحترم نفسنا ولا يرمونا بره الحدود...
الجاي من جزيرة العرب يرجع لجزيرتو
والجاي من الأندلس يمشو يشوف أندلسو دي وين..
أنا غايتو ما عارف أمشي وين ....
لأنو زمان كان أبوي ورث ليهو كتاب كده زي مرجع من جدي الطالب...
وقامت الارضه أكلتوا...
بس فضل جلد ساكت... وباقي تراب...
آها...
بعدين الرأي شنو ولا لجنة حقوق الإنسان... ليها رأي تاني معانا...
يا يشتموك وتقعد صاغر... وما تتكلم.. واللوم يجيك بالتمايز...
وكان فتحت خشمك يقولو ليك هس... أسكت...
والله هسعي نديك خروج نهائي....
ولا تقعد ماسك أدبك...
فعشان كده حقو نحن من هسعي نتعلم ثقافة السلام....
وطولة البال...

عشان الناس ثقافة الحرب دي شوية مؤثرة فوقهم...

ولك كثير التحايا... ليك ولأهل برلين.. ولاهاي...

Post: #23
Title: Re: الى سيف مساعد : انى لازلت أنتظر التوضيح منك !
Author: saif massad ali
Date: 13-01-2005, 02:01 PM
Parent: #22

عبد الرزاق ليك تحية خاصة
اها يازول دي السكتة تاني ما فاتح خشمي

Post: #24
Title: Re: الى سيف مساعد : انى لازلت أنتظر التوضيح منك !
Author: مريم بنت الحسين
Date: 13-01-2005, 03:00 PM
Parent: #1

الأستاذ عبد الرازق.. تحية إليك وانت تتصدى لهذا المد بصورة لم ار اجمل منها..


النبي فوقك.. تقيف لأي ظاهره زي دي..


ست البنات... السلام السلام

استاذ سيف... لك التحية


بنت الحسين

Post: #25
Title: Re: الى سيف مساعد : انى لازلت أنتظر التوضيح منك !
Author: saif massad ali
Date: 14-01-2005, 07:35 AM
Parent: #24

بت الحسين ليك شوق ولي كل اهلي ناس رفاعة والجنيد والبويضة والشاوراب وقنب وعيييييييك, ودي السكته

Post: #26
Title: Re: الى سيف مساعد : انى لازلت أنتظر التوضيح منك !
Author: A.Razek Althalib
Date: 14-01-2005, 11:36 PM
Parent: #24

الغالية بت الغالي/ مريم بنت الحسين المحترمة


Quote: تحية إليك
وإليك أرد بأحسن منها...

ودمت يا أختي الغالية...

عبدالرازق عيسى الطالب

Post: #27
Title: Re: الى سيف مساعد : انى لازلت أنتظر التوضيح منك !
Author: ست البنات
Date: 14-01-2005, 11:43 PM
Parent: #1

هذا البوست تم اغلاقه ....
ألمرجو عدم الدخول ...
شكرا .
ست البنات .