فيديوهات حول تصفح سودانييزانلاين

فيديوهات حول تصفح سودانييزانلاين


04-23-2010, 06:52 PM


  » http://sudaneseonline.com/cgi-bin/sdb/2bb.cgi?seq=msg&board=370&msg=1305912167&rn=44


Post: #1
Title: فيديوهات حول تصفح سودانييزانلاين
Author: النصرى أمين
Date: 04-23-2010, 06:52 PM
Parent: #0

للتسهيل ساقوم بوضع كل فيديو البوست فى المداخلة الاولى
الفيديو الاول

مشكلة عناوين البوستات

-----
الفيديو الثانى
تغيير كلمة السر


-------
الفيديو الثالث
نقل فيديو من اليوتوب

-------------
الفيديو الرابع
تحميل الصور

-----------

الفيديو الخامس
للتشكيل والتلوين والاقتباس

----------
الفيديو السادس
البحث فى المكتبات

---------------
الفيديو السابع
اليوتوب لا يظهر عندى

-----------
الفيديو الثامن
البحث والتنقيب فى المكتبات

------------
الفيديو التاسع
تحميل الاغانى والفيديو لموقع سودانيزانلاين

-------------
الفيديو العاشر
الماسنجر

-----------
الفيديو رقم 11
اضافة البوستات للمكتبات































الايام عندى جن بتاع تصوير

Post: #2
Title: Re: فيديوهات حول تصفح سودانييزانلاين
Author: اساسي
Date: 04-23-2010, 06:58 PM
Parent: #1

انت شاشة كمبيوترك دي قاعد تأكل فيها , ما تجي علي نفسك شوية وتنضفها , ستُذهب ما تبقي من نظرك بالطريقة دي


ـــــــ
مبروك الكاميرا الديجتال الجديدة
شكله البزنس بتاع الموكيت ماشي معاك حلاوة اشتريت منه كميرا جديدة
عقبال ما تعمل جوال ابو كميرتين

Post: #3
Title: Re: فيديوهات حول تصفح سودانييزانلاين
Author: saif massad ali
Date: 04-23-2010, 07:07 PM
Parent: #2

اسمع انا راجيك بي هناك


في بوست تعليم اللغة الانجليزية اولاد اختي متابعنك

انت وقفت مالك

Post: #4
Title: Re: فيديوهات حول تصفح سودانييزانلاين
Author: النصرى أمين
Date: 04-23-2010, 07:12 PM
Parent: #2

يا اساسى موكيت شنو؟؟


نحن بقينا نشتغل فوق فوق فوق

Post: #5
Title: Re: فيديوهات حول تصفح سودانييزانلاين
Author: النصرى أمين
Date: 04-23-2010, 07:31 PM
Parent: #4

تغيير كلمة السر

Post: #6
Title: Re: فيديوهات حول تصفح سودانييزانلاين
Author: Hadeer Alzain
Date: 04-23-2010, 08:51 PM
Parent: #5

.

تشكر يا معلم !

Post: #7
Title: Re: فيديوهات حول تصفح سودانييزانلاين
Author: بكرى ابوبكر
Date: 04-24-2010, 01:36 AM
Parent: #6

شكرا يا جميل
بعد اذنك اسمح لى باستعمال الفيديو فى صفحة خاصة مثل صفحة الاكواد تضاف الى صفحات الموقع......


Post: #8
Title: Re: فيديوهات حول تصفح سودانييزانلاين
Author: النصرى أمين
Date: 04-24-2010, 04:54 AM
Parent: #7

ياسيف الفيديو بتاع الانجليزى عملتو.. ولمن جيت ارفعو
لليوتوب طلع زمنو اطول من المدة المسموح بيها10 دقائق
والفيديو طلع 15 دقيقة ..(الظاهر كنت منسجم وانا بعمل فيهو ونسيت روحى)

الان حاضطر اعمل ليهو مونتاج واحزف بعض الاجزاء
او اعمل واحد جديد ......
اديها صنة ..

شكرا للمتابعة وحسن الاهتمام

Post: #9
Title: Re: فيديوهات حول تصفح سودانييزانلاين
Author: النصرى أمين
Date: 04-24-2010, 04:55 AM
Parent: #8

شكرا يا هدير على المرور والتشجيع

Post: #10
Title: Re: فيديوهات حول تصفح سودانييزانلاين
Author: النصرى أمين
Date: 04-24-2010, 04:56 AM
Parent: #9

سلام بكرى
خلينا اخلص الفيديوهات كلها(حوالى 10) وبعد داك ممكن تجمعها فى مكان واحد

Post: #11
Title: Re: فيديوهات حول تصفح سودانييزانلاين
Author: د.يوسف محمد طاهر
Date: 04-24-2010, 12:15 PM
Parent: #10

النصري أمين - السلام عليكم
بصراحة بوست مفيد جداً , نرجو المواصلة
يعطيك ألف عافية

Post: #12
Title: Re: فيديوهات حول تصفح سودانييزانلاين
Author: وليد شريف
Date: 04-24-2010, 12:28 PM
Parent: #11

معااااك لي النهاية الحمد لله في ناس مفيدين زيك
في ميزان حسناتك يا رجل ....

Post: #13
Title: Re: فيديوهات حول تصفح سودانييزانلاين
Author: محمد زكريا
Date: 04-24-2010, 12:46 PM
Parent: #12

خلاصه الدرس
ما تمطوكلمات عنوان البوست...........لكن مطوووووووووووووووووووووووووها زي ما دايرين في صندوق البوست
عشان ما تفتلوا البوست


تشكر يا امين النصري وبالله لو سمحت عنوان دروس الانجيلزي بتاعتك في اليوتوب

=======
عاجباني كلمه ما تمطوها دي

Post: #14
Title: Re: فيديوهات حول تصفح سودانييزانلاين
Author: rummana
Date: 04-24-2010, 02:51 PM
Parent: #13

جنك مفيد يا النصري شكرا ليك

أضف إلى قائمة فيديوهاتك القادمة يرحمك الله
1. لما تضيف عنوان دائم لتغيير كلمة السر، تأكد من أن كلمة "تغيير" قد كتبت بدون أخطاء املائية.
2. ما تكتب القصة كلها في العنوان بحيث تستغرق المساحة المخصصة وتزيد عليها .. فيتدفق الباقي برة السطر.
3. لما تجي تكتب موضوع ما تكتب في البوست الاول نقطة أو ستار أو نص كلمة وترسله قبل ما تبتدي تكتب أو تنزل صورة... أدخل في الموضوع طوالي عشان نفهم الحاصل شنو. بمعني لا تستعمل "الهوامش" أو "النحنحة" .. القصة ما بتحتاج..
4. لما تكون ما متأكد من شيء ما تكتبه... العجلة من الشيطان.. ممكن تتساءل لكن ما تغشنا ياخ وتضيع وكتنا.
5. أممم.. أكيد في أفكار فيديوهات زيادة .. نشوف

Post: #15
Title: Re: فيديوهات حول تصفح سودانييزانلاين
Author: طلعت الطيب
Date: 04-24-2010, 05:04 PM
Parent: #14

سلام يا النصرى
بتلقى الوقت ده كله وين؟
مناضل بمعنى الكلمة

Post: #16
Title: Re: فيديوهات حول تصفح سودانييزانلاين
Author: منتصرمحمد زكى
Date: 04-24-2010, 07:03 PM
Parent: #15

سلامات .. النصري

الفيديو لا يظهر على متصفحي
ويازول مشكور .. النية واصلة

Post: #17
Title: Re: فيديوهات حول تصفح سودانييزانلاين
Author: وجدان جمال
Date: 04-24-2010, 07:33 PM
Parent: #16

شكرا يا امين

Post: #18
Title: Re: فيديوهات حول تصفح سودانييزانلاين
Author: النصرى أمين
Date: 04-25-2010, 04:08 AM
Parent: #17

الاخ دكتور يوسف ووليد شريف
شكرا على المرور والتشجيع .

مع ان معظم اعضاء البورد يعرفون كيف ينقلون فيديوهات اليوتوب
للبورد الا ان هناك فئة قليلة غير ملمة بكيفية نقل اليوتوب
للبورد وتظن ان الامر معقد ومحتاج درس عصر ..
الفيديو ده موجه للشريحة دى ودعوة ليهم "لخج" البورد بمختاراتهم من اليوتوب

Post: #19
Title: Re: فيديوهات حول تصفح سودانييزانلاين
Author: النصرى أمين
Date: 04-25-2010, 04:30 AM
Parent: #18

سلام محمد زكريا
Quote: عنوان دروس الانجيلزي بتاعتك في اليوتوب

يا زول ما تعمل لى سمعة ..انجليزى شنو البدرسو انا !!!

الفيديو المقصود بتكلم عن خاصية فى التلفزيون تساعد فى تعلم
الانجليزى ...
انا بس بحاول انبه الناس انو تهتم بيها وتستفيد منها ...
الفيديو الاول تلقاهو هنا ..الفيديو التانى مصطكى بيهو لانو اطول من الزمن المسموح
بيهو فى اليوتوب
Closed Captioining خاصية تساعد فى تعلم اللغة الانجليزية(فيديو)



الفيديو التحت ده لكيفية تحميل الصور

Post: #20
Title: Re: فيديوهات حول تصفح سودانييزانلاين
Author: النصرى أمين
Date: 04-25-2010, 04:41 AM
Parent: #19

سلام يا رمانة
والله المواضيع كتيرة جدا
خليك قريبة وساحاول اعمل فيديوهات لمقترحاتك كلها

الفيديو التحت دة للتشكيل والتلوين والاقتباس

Post: #21
Title: Re: فيديوهات حول تصفح سودانييزانلاين
Author: وليد شريف
Date: 04-25-2010, 11:55 AM
Parent: #20

شكرا يا جميل بالاحمروالاخضر

Post: #22
Title: Re: فيديوهات حول تصفح سودانييزانلاين
Author: النصرى أمين
Date: 04-26-2010, 09:16 PM
Parent: #21

والله يا طلعت زهجت وفترت من الشغل
الايام دى عامل مجنون ....
هاك الفيديو ده للناس المستعجلة

Post: #23
Title: Re: فيديوهات حول تصفح سودانييزانلاين
Author: النصرى أمين
Date: 04-27-2010, 07:50 PM
Parent: #22

الاخ منتصر
الفيديو ده عن مشكلة عدم ظهور اليوتوب فى المتصفح
اذا المشكلة ما اتحلت ..نعمل واحد تانى
الفورة الف ..(الحمدلله الكاميرا ما بتاكل بنزين)

Post: #24
Title: Re: فيديوهات حول تصفح سودانييزانلاين
Author: النصرى أمين
Date: 04-27-2010, 08:26 PM
Parent: #23

الاخت وجدان جمال
شكرا ليك
الفيديو ده عن البحث والتنقيب فى المكتبات

Post: #25
Title: Re: فيديوهات حول تصفح سودانييزانلاين
Author: النصرى أمين
Date: 04-27-2010, 08:33 PM
Parent: #23

وده فيديو حول تحميل الاغانى والفيديو لموقع سودانيزانلاين





وده الفايل المعنى فى فيديو اليوتوب
اضغط للتشغيل


Post: #26
Title: Re: فيديوهات حول تصفح سودانييزانلاين
Author: مُحَمَّدٍ عِوَضٌ احْمَدُ
Date: 04-29-2010, 06:01 PM
Parent: #25

النصرى أمين
تحياتى لك
تشكرعلى المجهود الطيب
بالجد استفدتا كتير من الفيديوهات دى باعتبار انى جديد وحاليا براجع فيها
فى حاجة تانية ياريت توضحا لينا
كيف تلقى مشاركاتك وبوستاتك.. عشان الواحد يجى يرد بكل بساطة ؟
وهل هناك امكانية للدخول التلقائى للمنبر بدلا من تسجيل اليوزر والباسورد فى كل مرة؟

Post: #27
Title: Re: فيديوهات حول تصفح سودانييزانلاين
Author: النصرى أمين
Date: 04-30-2010, 06:55 PM
Parent: #26

الاخ مُحَمَّدٍ عِوَضٌ احْمَدُ(التشكيل عندك)
اول حاجة مرحب بيك فى البورد ونتمنى
ان يطيب لك المقام بيننا..



لو دايرين تفتش لبوستاتك ومداخلتك افضل طريقة
تضعها للمفضلة اليك (favourite or bookmark) ممكن تعمل
folder مخصوص تسميها سودانييزانلاين مثلا وتخزن فيها كل مداخلاتك
والبوستات العايز ترجع ليها فى المستقبل ..
الطريقة التانية انك تفتش بوست بوست (لمن عينك تورم) just kidding
واحد من الفيديوهات الفوق دى بسهل عملية البحث ويوفر شوية زمن ...

زمان كان فى طريقة للدخول التلقائئ ..لكن بسبب المشاكل الكتيرة دى بكرى
ابوبكر لغى الخاصية دى ويتحتم على الجميع كتابة اسم الدخول وكلمة السر ..

Post: #28
Title: Re: فيديوهات حول تصفح سودانييزانلاين
Author: النصرى أمين
Date: 04-30-2010, 06:57 PM
Parent: #27

وده فيديو عن الماسنجر وطريقة استخدامها ولوائحها









نقرض على كده

Post: #29
Title: Re: فيديوهات حول تصفح سودانييزانلاين
Author: مُحَمَّدٍ عِوَضٌ احْمَدُ
Date: 04-30-2010, 08:10 PM
Parent: #27

ما قصرتا تب والله يا النصرى
ربنا يديك العافية
ومشكور على الترحيب والشرح الوافى

Post: #30
Title: Re: فيديوهات حول تصفح سودانييزانلاين
Author: rummana
Date: 04-30-2010, 09:46 PM
Parent: #29

الكريم النصري
ذكرتني أيام زمان لما كان فرانكلي وأخوانه مكرسين وقتهم لفائدة أعضاء البورد وتعريفهم بكيفية استخدام البورد..
أنا..رغم أني قديمة ما زي ناس محمد تشكيل..برضو كانت الدروس مفيدة لي شديد بعد ما نسيت كل الاتعلمته زمان
لأنه ذاكرتي مبرمجاها تعمل delete كل ستة شهور
شكرا كتير ياخ

رمانة

Post: #31
Title: Re: فيديوهات حول تصفح سودانييزانلاين
Author: Magdi Ahmed Elsheikh
Date: 05-02-2010, 01:42 AM
Parent: #30

الاخ الفاضل النصري..

لك التحية وشكرنا لهذا العمل المفيد..

ونتمني منك المزيدفي انارة البورد بكل ابتكار جديد..

وندعو لك بالتوفيق ايها البوردابي الاصيل..!!

كن دوما بالف خير..

Post: #32
Title: Re: فيديوهات حول تصفح سودانييزانلاين
Author: النصرى أمين
Date: 05-02-2010, 05:15 AM
Parent: #31

الاعزاء محمد عوض تشكيل
رمانه ومجدى الشيخ
شكرا جزيلا على كلماتكم الطيبة
ده فيديو جديد عن اضافة البوستات للمكتبات(بكاميرا جديدة)

Post: #33
Title: Re: فيديوهات حول تصفح سودانييزانلاين
Author: عبد العزيز عبدالكريم نهار
Date: 05-03-2010, 11:04 PM
Parent: #32

والله يا جماعة النصري ده راجل هميم جدا من ما كنا طلبة ... كان برشد البرلومات وبشرح ليهم المحاسبة ووبشربهم البارد والله بجد مش البرلومات بس بل كل الناس اخو اخوان.. وينطبق عليه ( رجال اختصهم الله بقضاء حوائج الناس)

Post: #34
Title: Re: فيديوهات حول تصفح سودانييزانلاين
Author: MOHAMMED ELSHEIKH
Date: 05-11-2010, 05:36 PM
Parent: #18

و الله يا النصري موضوع الفديو دا معقدني من زمان
غايتو "عرض الموجة" الباند ودث جاهو بلاء
خارج النص
ياخي انت مالها كلمة السر بتاعتك طويلة كدى ؟ الشي قالو كلمة سر ما قالواجملة سر


Post: #35
Title: Re: فيديوهات حول تصفح سودانييزانلاين
Author: عبدالعزيز حسين عبدالرحيم
Date: 05-14-2010, 11:47 PM
Parent: #34

الأخ النصري

ليك التحية والأحترام

شكراً ليك على شرحك الجميل

ياريت لو تجرب برنامج SnagIt في عمل فيديو الشرح وهو برنامج جميل وسهل جداً يوفر عليك عناء التصوير بالكامير ويقدم ليك فيدو رائع واضح وصور جميلة وشروحات وافية ويستخدمة اغلب معلمي الكمبيوتر وشركات البرامج وغيرهم في تقديم الشروحات

أتمنى تجربه رفعت ليك نسخة كاملة وما اظنك تحتاج شرح واكرر ليك الشكر

الرابط

http://www.mediafire.com/?mznjzdzy3ji#2

Post: #36
Title: Re: فيديوهات حول تصفح سودانييزانلاين
Author: ASHRAF MUSTAFA
Date: 05-15-2010, 03:49 PM
Parent: #35

النصري ازيك
وشكرا علي هذا البوست الهادف

عندي مشكلة في تكبير الكلام فهو لا يعمل عندي
هل هنالك طريقة اخري للتكبير

كذلك تحرك النص او الصورة بالعرض هل تعرف مكانه؟
زي حقة فاوضني بلا زعل (للشايقي)
خالص الشكر

Post: #37
Title: Re: فيديوهات حول تصفح سودانييزانلاين
Author: سيف اليزل برعي البدوي
Date: 05-15-2010, 04:48 PM
Parent: #36

Closed Captioining خاصية تساعد فى تعلم اللغة الانجليزية(فيديو)

Post: #38
Title: Re: فيديوهات حول تصفح سودانييزانلاين
Author: النصرى أمين
Date: 05-15-2010, 04:49 PM
Parent: #36

عبدالعزيز يا دفعة
حليل المعهد....كنت بجى كل يوم ومعاى جنيهين (بالقديم)اكملهم فى شراء
الليمون وارجع بالباقى ..
مرة عبدالهادى اشترى ليمون للقاعدين كلهم قرابة9 او 10(90% منهم جكس)
ياخ لو عندك اى صور عليك الله نزلها فى بوست منجيييغه


----------------

يا محمد الشيخ
اوريك طريقة خطيرة لحفظ كلمة السر ..
اكتبها فى الحيطة بتاعت المطبخ وراء التلاجة ...
صدقنى مستحيل تروح منك تانى
الا ترحل
او تضرب البيت بوهية



-----------------
الاخ عبدالعزيز
مرحب بيك فى البورد
البرنامج بتاع snagit عندى فى الكمبيوتر(لكن برضو عملت تحميل للنسخة بتاعتك)
ولدى بستخدمه منذ فترة طويلة لكن انا من معجبينه...
هو print screen ( للناس الما عارفه اضغط على Alt و Prt Scr مع بعض لاخذ صورة
من الشاشة واذهب الى برنامج Paint او مايكروسوفت وورد واعمل paste)

اظن طريقة الفيديو اسهل واسرع خاصة للمتلقى لانو قد يكون ما عندو
خلفية نهائئ فى الموضوع .... والفيديو بوريهو خطوه بخطوة بدون تعقيد..




------------
الاخ اشرف
ممكن تجد كل الاكواد فى الموقع التحت ده
وممكن تدينا عينة هنا
http://www.qassimy.com/akwad.htm

Post: #39
Title: Re: فيديوهات حول تصفح سودانييزانلاين
Author: فاروق أبوحوه
Date: 05-15-2010, 05:07 PM
Parent: #38




مجهود مقدر
تسلم يالنصري..

ودا بيان بالعمل


Post: #40
Title: Re: فيديوهات حول تصفح سودانييزانلاين
Author: عبدالعزيز حسين عبدالرحيم
Date: 05-15-2010, 10:33 PM
Parent: #39

الأخ المحترم النصري

ليك التحية والأحترام


Quote: الاخ عبدالعزيز
مرحب بيك فى البورد
البرنامج بتاع snagit عندى فى الكمبيوتر(لكن برضو عملت تحميل للنسخة بتاعتك)
ولدى بستخدمه منذ فترة طويلة لكن انا من معجبينه...
هو print screen ( للناس الما عارفه اضغط على Alt و Prt Scr مع بعض لاخذ صورة
من الشاشة واذهب الى برنامج Paint او مايكروسوفت وورد واعمل paste)

اظن طريقة الفيديو اسهل واسرع خاصة للمتلقى لانو قد يكون ما عندو
خلفية نهائئ فى الموضوع .... والفيديو بوريهو خطوه بخطوة بدون تعقيد..



معليش أنا قلت ليك البرنامج بتاع snagit بصور ليك فيديو جميل نفس طريقة الاسكرين شوت بعد عليك ضبط اعدادة على تصوير فيديو

وممكن تشوف النموذج دا




أو بصورة واضحة هنا بعد تحميلة من هنا

http://www.mediafire.com/?xz3z31ogway

أخي النصري مجهودك مقدر وشيء طيب وجميل و واصل وربنا يقدرك ويقدرنا لعمل كل شيء طيب وجميل

وليك الشكر وأطيب التحايا

Post: #41
Title: Re: فيديوهات حول تصفح سودانييزانلاين
Author: Emad Mohamed
Date: 05-16-2010, 09:05 PM
Parent: #40

ياالنصرى, الفيديوهات دى ماشغالة عندى, تكون المشكلة شنو؟

Post: #42
Title: Re: فيديوهات حول تصفح سودانييزانلاين
Author: ASHRAF MUSTAFA
Date: 05-16-2010, 10:25 PM
Parent: #41

شكرى النصري أخوي علي اللينك الجميل

وجدت فيه كيفية تحرك النص ولكن مع السف لم اجد طريقة تكبير النص

كما ان الايقونات المتوافرة في المنبر لا تعمل اي تكبير

هل هذه المشكلة يعاني منها الجميع ام انا فقط؟؟؟

خالص الشكر

Post: #43
Title: Re: فيديوهات حول تصفح سودانييزانلاين
Author: النصرى أمين
Date: 05-17-2010, 02:19 AM
Parent: #42

الاخ عبدالعزيز
شكرا جزيلا على الفيديو التوضيحى ..فعلا هو اوضح بكتير
من الكاميرا ..ساحاول استخدامه فى الفيديو الجاى ان شاء الله...

الاخ عماد محمد
غالبا انت بتستخدم انترنت اكسبلورة...
حاول استعمل mozilla firefox
هنا
http://www.mozilla.com/en-US/firefox/ie.html
الكثيرون يعتقدون انها افضل من انترنت اكسبلورة

اذا المشكلة ما اتحلت ..كلمنا ..وان شاء الله نلقى ليك صرفة

سلام اشرف
جرب الكود الموجود فى الصورة ادناه..
ممكن تغير الرقم لو شئت ..

<>fonthtmlcode.JPG Hosting at Sudaneseonline.com




من الافضل اعداد النص فى صفحة text document
or microsoft word....بعد ذلك كوبى اند بيست الى المداخلة
فى البوست ...لان البورد شغال بمكنه عربية فعظم
الحروف والارقام حتتشربك وتتلخبت

Post: #44
Title: Re: فيديوهات حول تصفح سودانييزانلاين
Author: Emad Mohamed
Date: 05-17-2010, 03:43 AM
Parent: #43

النصرى ياحبيب
عملت داون لود ل Firefox والفيديوهات كلها اشتغلت زى الورد. تشكر ياحبيب.

Post: #45
Title: Re: فيديوهات حول تصفح سودانييزانلاين
Author: النصرى أمين
Date: 05-17-2010, 04:22 AM

الاخ فاروق ابوحوة
الف مرحب بيك فى البوست( انتو ناس ابوحوة فى بيت المال سوق الشجرة؟)

شكرا يا سيف اليزل على المرور الكريم....


الاخ عماد محمد
حمدلله على سلامة اليوتوب..
لو لسه داير تستخدم انترنت اكسبلورة..امشى لموقع
مايكروسفت ونزل اخر نسخة منها ورقمها 8 internet explorer8

http://www.microsoft.com/downloads/details.aspx?FamilyI...8852b&displayLang=en

Post: #46
Title: Re: فيديوهات حول تصفح سودانييزانلاين
Author: باسط المكي
Date: 05-17-2010, 12:02 PM
Parent: #45

النصريتحياتي محيت عمانا الله يمحي عماك
تسلممن كل بلاء

Post: #47
Title: Re: فيديوهات حول تصفح سودانييزانلاين
Author: باسط المكي
Date: 06-07-2010, 09:50 PM
Parent: #1

فوق

Post: #48
Title: Re: فيديوهات حول تصفح سودانييزانلاين
Author: احمد محمد بشير
Date: 06-11-2010, 11:24 PM
Parent: #47

سلام يا النصري يا ملك ...... وينك يا رجل

تشغيل اليوتوب أوتماتيك بمجرد الدخول إلي البوست

ياريت تتكرم وتشرح بشوية تعليق كده وبنفهم .... ومافي داعي نتعبك بتسجيل فيدو جديد للشرح
تشغيل اليوتوب دي الحاجة الوحيدة الماقدرت ليها