الجميل فى سودانيز اون لاين دوت كوم

الجميل فى سودانيز اون لاين دوت كوم


17-12-2010, 06:06 PM


  » http://sudaneseonline.com/cgi-bin/sdb/2bb.cgi?seq=msg&board=370&msg=1297218033&rn=0


Post: #1
Title: الجميل فى سودانيز اون لاين دوت كوم
Author: مُحَمَّدٍ عِوَضٌ احْمَدُ
Date: 17-12-2010, 06:06 PM

قبل ان يمنحنى الاخ بكرى ابوبكر العضوية كنت اتعجب من ان ذلك المكان مغلق..ولا يمكن التسجيل
فيه..ببساطة..كـ غالبية المنتديات السودانية..لاحقا عرفت ان للرجل الف حق..واتمنى ان يواصل
بنفس الفكرة..اغلاق باب التسجيل العشوائى امام همباتة الانترنت..والتحقق من كل عضو
بشكل كاف . قبل التمتع بالعضوية..

Post: #2
Title: Re: الجميل فى سودانيز اون لاين دوت كوم
Author: مُحَمَّدٍ عِوَضٌ احْمَدُ
Date: 17-12-2010, 06:10 PM
Parent: #1

يلا..
الجميل فى سودانيز اون لاين.......
انو حقيقى..كل الناس الفيهو بشر..بالجد..وانو سيدو..حريص عليهو..
لاعندو خيار ولا فقوس..بين الاعضاء..لا بتحشر..فى امورهم ولا عاوز يفرض رأى محدد عليهم..
الجزئية الاهم فى ذلك المكان..هى الحقيقة..لا يوجد اشباح هنا..ولم نسمع بعضو يمتلك اسمين تلاتة..
فى منتديات كتيرة غير سودانيز اون لاين بتلقى العجب..بكون فى بنى آدم عندو اسم..للأدب..
وتانى لى قلة الادب..واسم تالت كمان للرومانسية..ورابع لضرب الكيزان..واخر لمناصرة
المعارضة..اشياء غريبة يمكن ان تجعل سيجموند فرويد نفسه.. يفتح فمه من الدهشة,,على هذه النفسيات
المريبة ..على الككـ السودانى العجيب..شخصية راكبة فوق شخصية..وهم فى وهم..
زرائب الكترونية فاتحة..وممكن اى حمار انترنت يدخل.. ويسجل ..ويعمل فيها
مقطعا..وحافظ دورب الكتابة..والفاظ الشوراع.

Post: #3
Title: Re: الجميل فى سودانيز اون لاين دوت كوم
Author: مُحَمَّدٍ عِوَضٌ احْمَدُ
Date: 17-12-2010, 06:15 PM
Parent: #2

ولا ننسى بعض..الجنس اللطيف الحائر..الذى يكتب من رسائل الهاتف النصية
مباشرة على صفحات المنتدى..ويتم منحها ارفع..اوسمة الادب من بعض الخبل والحمقى..حتى تعتقد
بعد ثلاث بوستات غبية انها بنت الشاطئ او احلام مستغانمى..
يتحجج البعض انها الحرية..ويجب ان نترك لكل شخص فرصة للتعبير
لا مشكلة..ولكن يجب ان يعمل بعض اصحاب المنابر الالكترونية ومشرفيها
ضبط الأمور..ووضعها فى نصابها..ما يسكتون عنه..من تنابذ..ومن تلميحات جنسية فاضحة
..وفى التناول..القبيح لبعض المواضيع..
الانترنت طاقة جبارة..يمكن توظيفها بشكل افضل..لا يمكن ان تصبح منابر الحوار
كـ غرف للدردشة..او مواضيع ساذجة على شاكلة..امبارح حلمتا..وحفرة الدخان وفوائدها.
ولو الممثلة شرفانه كانت امك بتسوى شنو..!

Post: #4
Title: Re: الجميل فى سودانيز اون لاين دوت كوم
Author: مُحَمَّدٍ عِوَضٌ احْمَدُ
Date: 17-12-2010, 06:15 PM
Parent: #2

حذف للتكرار

Post: #5
Title: Re: الجميل فى سودانيز اون لاين دوت كوم
Author: خالد المحرب
Date: 17-12-2010, 06:15 PM
Parent: #2

Quote: الجميل فى سودانيز اون لاين.......
انو حقيقى..كل الناس الفيهو بشر..بالجد..وانو سيدو..حريص عليهو..
لاعندو خيار ولا فقوس..بين الاعضاء..لا بتحشر..فى امورهم ولا عاوز يفرض رأى محدد عليهم..
الجزئية الاهم فى ذلك المكان..هى الحقيقة..لا يوجد اشباح هنا..ولم نسمع بعضو يمتلك اسمين تلاتة..
فى منتديات كتيرة غير سودانيز اون لاين بتلقى العجب.



الاخ محمد سودانيز اون لاين برلمان بمعنى الكلمه لى سودان حقيقى

Post: #6
Title: Re: الجميل فى سودانيز اون لاين دوت كوم
Author: مُحَمَّدٍ عِوَضٌ احْمَدُ
Date: 17-12-2010, 06:26 PM
Parent: #5

مرحبا اخونا خالد
وشكرا على المرور
برلمان محترم.. بلا شك..ومكان يحفظ
كرامة اى عضو بلا تحيز..

Post: #7
Title: Re: الجميل فى سودانيز اون لاين دوت كوم
Author: مُحَمَّدٍ عِوَضٌ احْمَدُ
Date: 17-12-2010, 06:33 PM
Parent: #6


عموما ربما لا اعرف الكثير عن هذا المكان..بعد..
لكنى الى اللحظة لم اجد كلمة واحدة مسيئة توجه لى.. ..والحمدلله لم اعثر بعض على معتوه كى يلاحقنى من بوست لاخر
بالكلام الارعن..وبالتعليقات السخيفة..لم اجد مشرف لكى..يترصدنى ويمارس سلطاته الوهمية على ما اكتب..
مافى زولن بقص دربك..وداير يعرفك بتحب منو..والـ IP address بتاعك وين..بتكتب من ام نخيرة
ولا من امستردام..لا يوجد من يصنعون العداء والكراهية معك..مهما قلت ومهما اختلفت معهم
فـ لكم التحية جميعا..وشكرا جميلا لكم..واتمنى ان يتواصل معكم المشوار
حتى النهاية..

Post: #8
Title: Re: الجميل فى سودانيز اون لاين دوت كوم
Author: مُحَمَّدٍ عِوَضٌ احْمَدُ
Date: 18-12-2010, 03:34 PM
Parent: #7

اتمنى ان تصل هذه الرسالة..لمن كنت يوما بينهم..
بعضهم اعضاء هنا..وهناك..
وكثير من الاحترام لمن وقف بجانبى فى تلك الايام الكالحة السواد
لن اذكر اسمائهم..لديهم فقط مكان فى الذاكرة..وان ابتعدت عن المكان..مرغما
سدا لابواب المناقرات والكلام الفارغ ...
السندالة والعاملين شفوت وممسحين بالزفت ورجال المطاعنات النسائية وغيرهم
من تلك البيئة يارب يواصلو فى جهادهم..الغبى..
الاديب صاحب الـ9 احزمة قتالية .....والبارع فى لغة العلوج..اريتك تكون بى جاى برضو
عشان نشوف آخرتا معاكـ