سارة عيسى "تجضّم" هاني رسلان...

سارة عيسى "تجضّم" هاني رسلان...


09-07-2009, 07:32 PM


  » http://sudaneseonline.com/cgi-bin/sdb/2bb.cgi?seq=msg&board=368&msg=1274336103&rn=0


Post: #1
Title: سارة عيسى "تجضّم" هاني رسلان...
Author: AnwarKing
Date: 09-07-2009, 07:32 PM

Quote:

الدويلات السودانية الثلاثة في مخيلة هاني رسلان ... بقلم: سارة عيسى


لا أعرف من أين أستقى الناس المثل السائد ، القاهرة تكتب ، وبيروت تطبع ، والخرطوم تقرأ ، نحن كسودانيين نقرأ ونكتب ، ربما لم نكون موفقين في بيع بضاعتنا للخارج ، فملأ هذا الفراغ المتطوعين من أمثال هاني رسلان ، صاروا يكتبون ويطبعون لنا ونحن نصدقهم في كل ما يقولونه عنا، في مقاله عن الدويلات الثلاثة المرتقبة في السودان أستقى المستشار هاني رسلان كل معلوماته الجمة من موقع صحيفة إسرائيلية ،

ثم صدره لنا وأعتبر أن ما أتى به هو دراسة وتنبواءت تستحق الثناء ، ثلاثة دويلات ، واحدة مسيحية في الجنوب بقيادة سلفاكير ، وواحدة أفريقية في دارفور سوف يرأسها عبد الواحد محمد نور ، وواحدة عربية وإسلامية في الوسط والشمال ، من إيحاء كتابته للمقال ربما تكون هذه الدولة الأخيرة تحت تصرف حزب المؤتمر الوطني تحت زعامة الرئيس البشير، دولة دارفور الأفريقية ودولة الجنوب المسيحية تقف من ورائهما إسرائيل والتي بالفعل بدأت في دعم الحركة الشعبية بالمال والسلاح كما أنها فتحت أبوابها لعبد الواحد نور الذي أطعمها بأكثر من زيارة، ولا زال مصدر المستشار هاني رسلان هو كاتب blog في صحيفة إسرائيلية مغمورة ،

ولأن أظن أن المعلومات الإستخباراتية الخاصة بنشاط الموساد في العالم تُنشر في الصحف على طريقة الدعاية للحفلات الغنائية ويمكن الحصول عليها بمجرد ضغطة على الماوس ، والدليل على ذلك أن إسرائيل قصفت السودان أكثر من ثلاثة مرات ، لكن تفاصيل تلك العملية لم تخرج للعلن ولا زالت خاضعة للتكهنات ، وتساؤلي هو لماذا ينساق المستشار هاني رسلان وراء ما تنشره الصحف الإسرائيلية ؟؟ هل لأنها توافقت مع الخط السياسي الذي ينتهجه لأن إسرائيل قالت شيئاً لم يستطع قوله؟؟

أم أن السبب يعود لدافع شخصي غير مطروح حتى هذه اللحظة ؟؟ كدنيا يصيبهامثلاً كما ورد في ذكر مهاجر أم عاصم ،ويسرد هاني رسلان وجهة نظره وهو يقتله القلق أن مصر خرجت من الدويلات الوليدة في السودان بلا حمص ،كما يقول المثل السوداني : دار أبوك لو خربت شيل لك منها شلية )) فالسودان في نظر هاني رسلان هو رجل أفريقيا المريض ، فمصر المؤمنة لن تقف بالتأكيد مع دولة أفريقية في دارفور يرأسها عبد الواحد نور المُقرب لإسرائيل ، كما أنها لن تقف مع دولة الجنوب المسيحية التي تدعمها أيضاً إسرائيل ،

أي وفقاً لنظرية إقتناص الخيارات (elimination of option ) لم يعد أمام مصر الشقيقة سوى خيار واحد وهو إحتواء دولة الوسط والشمال التي يسيطر عليها العرب والمسلمين ، لا أعلم كيف قبلنا بهذا الطرح الفج والرأي الفاسد ونحن بلاد عاش علماء من أمثال بروفيسور محمد عمر بشير ، بروفيسور عبد الغفار محمد أحمد ، بروفيسور محمد سعيد القدال ، بروفيسور محمد إبراهيم أبو سليم ، المفكر منصور خالد ، نترك كل هذه الكنوز الثمينة ونتهافت على ما يكتبه الأستاذ هاني رسلان والذي من ضيق ذات يدنا أصبح يصف نفسه بخبير شئون السودان ،

بل أن نظرية مثلث حمدي الشهيرة التي دعت إلي حلف دنقلا- الأبيض – بورتسودان أنا أعتبرها مساهمة سودانية أهتمت بموضوع تقسيم الثروة بين المركز والهامش وفقاً لمعادلة : أن المطلوب من أهل الهامش أن يصوتوا لحزب المؤتمر الوطني حتى ينالوا حظهم من السلطة والثروة ، هذه النظرية على الرغم من خبثها إلا أنها أفضل بكثير من نظرية خبير مركز الإهرام الذي قسم بلادنا إلى ثلاثة دويلات مبنية على أساس جهوي وديني ، لكن السؤال الذي أرقني كثيراً لماذا أختار الأستاذ هاني رسلان هذا التوقيت ليعلن أن الحركة الشعبية تتلقى دعماً من إسرائيل ؟؟

، وكلنا نعلم أن هذه الإتهامات قديمة ، فمثلا يزعم الفلسطينيون أن إسرائيل أعلنت حربها الأخيرة ضد حماس من مصر ، وهذا الزعم تسنده تصريحات وزيرة الخارجية تسيبي لفني والتي وعدت من خلال لقائها مع وزير الخارجية المصري في مؤتمر صحفي بالقاهرة بأن حكومتها سوف تقضى على نظام حماس في غزة ، لكن يبدو أن الشئون الفسلسطينية تقع خارج نطاق تخصص الأستاذ رسلان، وهو أشار إلى سفينة السلاح الأوكرانية التي أحتجزها قراصنة الصومال وأعتبرها دليل على وجود هذا الدعم لأن إسرائيل دفعت ثمن ذلك السلاح ، هذا ربط غير موفق ، فالحركة الشعبية كانت تملك الدبابات وصواريخ سام 7 قبل تكوينها لحكومة الجنوب ،

والسلاح كان يصلها بنفس الكيفية التي كان يصل بها صاروخ ستينجر الأمريكي المضاد للطائرات للمجاهدين الأفغان ، هذا الصاروخ المتطور لا تملكه حتى دولة مثل مصر ، سبب توقيت هذه الدعاية كما أسلفت سابقاً أن الأستاذ هاني رسلان هو جزء أصيل من دعاية حكومة الإنقاذ في مصر ، وهو حاضر في كل المناسبات الإعلامية التي تدعو إليها حكومة الإنقاذ بما فيها مؤتمر الإعلاميين السودانيين العاملين في الخارج ، وعندما زار دارفور كان في معية وزير الدفاع عبد الرحيم محمد حسين ووزير الدولة للداخلية أنذاك مولانا أحمد هارون ،

هذه ليست زيارة خبير إستراتيجي جاء لدارفور من أجل رصد الحقائق والتحقق من الأمور على الأرض ، بل هذه زيارة لا يقوم بها إلا مسؤول رسمي في الحكومة السودانية ،

ظاهرة هاني رسلان تسللت إلى وسائل إعلامنا لأننا تركنا الساحة لكن لمن هب ودب ليكتب في الشأن السوداني بلا رقيب أو حسيب ، وسببها غياب الحريات في السودان بسبب الرقابة القبلية ، وكما أصبحنا نستورد البيض والسكر من الخارج ونحن بلاد غنية بالموارد فعلينا الآن تحمل قراءة أقلام المتطوعين من أمثال هاني رسلان .

وللحديث بقية
سارة عيسى

sara issa [ [email protected] ]



Post: #2
Title: Re: سارة عيسى "تجضّم" هاني رسلان...
Author: AnwarKing
Date: 09-07-2009, 07:34 PM
Parent: #1

Quote: ظاهرة هاني رسلان تسللت إلى وسائل إعلامنا لأننا تركنا الساحة لكن لمن هب ودب ليكتب في الشأن السوداني بلا رقيب أو حسيب ، وسببها غياب الحريات في السودان بسبب الرقابة القبلية ، وكما أصبحنا نستورد البيض والسكر من الخارج ونحن بلاد غنية بالموارد فعلينا الآن تحمل قراءة أقلام المتطوعين من أمثال هاني رسلان .


العجب لو شفتي الحفاوة اللاقينها الدبلوماسيين المصريين في السودان، حاجة تمخوّل!!!

زريبة وما عندها بواب...!!!

Post: #3
Title: Re: سارة عيسى "تجضّم" هاني رسلان...
Author: AnwarKing
Date: 09-07-2009, 07:36 PM
Parent: #2


السفير المصري بيصرح: حلايب ملف مغلق...

EOF
!

و أنتي زولة الكمبيوتر وبتعرفي End of file تعني شنو!

ما خلى حاجة للسفير الأمريكي في العراق!

طبعاً مع الفارق الضئيل في أنو مصر تحتل أراضينا في حلايب...وأمريكا تحتل كل العراق!!!

المهم...

Post: #4
Title: Re: سارة عيسى "تجضّم" هاني رسلان...
Author: AnwarKing
Date: 09-07-2009, 07:40 PM
Parent: #3



كما أنني ومن هذا المنبر، أعلن نفسي خبيراً في الشئون الحدودية ما بين إسرائيل ومصر!!!

أو العكس...

أو قولي خبيراً في شئون المعابر المقفولة من حماس، بواسطة مصر...ويُعاقب عليها الفلسطينيين قاطبة!

أو قولي مراقباً للإتفاقيات الإسرائيلية المصرية...منذ كامب ديفيد...وحتى إتفاقية الغاز "المكسور"***




____________
**** المكسور دي يا هاني رسلان، مصطلح موغل في المحلية عندنا...بيستخدموه الجوكية، الذين أظنك أحدهم،
مع فارق "الكار" بس...ديك في اللهف على الخفيف، وأنتم أسياد الإحتراف...!

وتعني هنا...الغاز الذي يُباع بسعر أقل من سعره في السوق...إرضاء لماما إسرائيل!

شوفتا التدخل في شئون الآخرين بايخ كيفن؟

المهم...


Post: #5
Title: Re: سارة عيسى "تجضّم" هاني رسلان...
Author: محمد على طه الملك
Date: 09-07-2009, 11:26 PM
Parent: #4

الأخ انور..
رمضان كريم..
شكرا لأستاذه سارة على هذا التعقيب الضافي..
في بوست سابق أنزل السفير منان المقال المشارإليه كاملا

السودان : ثلاث دويلات ... بقلم: هانئ رسلان .... هل من تعليق؟؟؟؟

كان هذا تعليقي عليه

Quote: كلما توسعت فكرة أن بقاء السودان وعماره وقوته تكمن منذ القدم في النظام الفدرالى الذي يحفظ لتنوعه الحقوق..
وكلما مضت إرادة ووعي شعوبه نحو غايات التلاقي يدفعها ويجملها الإعتراف بمكونات كل شعب وحقوقه تحت مظلة وحدة المصير والهدف المشترك..
جن جنون المركزية السياسية المستحكمة على نظم الحكم في محيطنا الإقليمي..
ولا يفتر كيدهم ليدسوا لنا السم في الدسم..
يابن رسلان لقد تجاوز وعي المهمشين لا في السودان فحسب بل في سائر الإقليم..
احابيل دعاة المركزية القابضة سواء كانت مرجعيتها دينية ام علمانية ام عشائرية..
وإن قبلت إفتراضا أن وراء سعي وكفاح الشعوب والكيانات الهامشية في السودان ..
بغية إقتضاء حقوقها المغيبة واستحقاقاتها في الثروة والسلطة..
دسائس ومآمرات استخبارات أجنبية كما ينوه تحليلكم..
فمن منها يا ترى وراء أقباط مصر في سعيهم الدؤوب للحصول على حقوقهم السليبة?

Post: #6
Title: Re: سارة عيسى "تجضّم" هاني رسلان...
Author: عبد الناصر الخطيب
Date: 09-07-2009, 11:58 PM
Parent: #5





العزيز / أنور دفع الله

رمضان كريم
-------------------------------------

حالنا بيدي الحق لهاني رسلان وغيرو ينظرو ويتوقعوا

ربنا يعين والحال يغني عن السؤال




تقديري

Post: #7
Title: Re: سارة عيسى "تجضّم" هاني رسلان...
Author: ذواليد سليمان مصطفى
Date: 09-08-2009, 01:36 AM
Parent: #6

انور شكر على السرد

اما بخصوص هاني رسلان

فان الرجل هذا لاخير فيه اتجاه السودان

ولو كنت متابع المنبر
كتبت بوست

ماذا يريد هاني رسلان من السودان

Post: #8
Title: Re: سارة عيسى "تجضّم" هاني رسلان...
Author: dardiri satti
Date: 09-08-2009, 07:35 AM
Parent: #7

شكراً أستاذ أنور ،

Quote:
وأعتبر أن ما أتى به هو دراسة وتنبواءت تستحق الثناء ، ثلاثة دويلات ، واحدة مسيحية في الجنوب بقيادة سلفاكير ، وواحدة أفريقية في دارفور سوف يرأسها عبد الواحد محمد نور ، وواحدة عربية وإسلامية في الوسط والشمال ،



إنها ليست بتنبؤات ،
إنها أمنيات ، بل هي عين ما تأمله وتخطط له
""الشقيقة"" مصر.
متى يتعلم الخدم في بلادنا ،
أن السودان الموحد ، المتحد ، القوي ،
كان ، تاريخياً ، أكثر ما يزعج العدو المصري،
وأن جميع النظم المصرية سوف تظل تدعم
كل الأنظمة الدكتاتورية
التي تعيق وحدة شعوب السودان ، وتحررها وانطلاقها
لآفاق الإنعتاق والتقدم والإزدهار.


Quote: العجب لو شفتي الحفاوة اللاقينها الدبلوماسيين المصريين في السودان، حاجة تمخوّل!!!

إنهم الخدم، ليس إلا.



Quote: فان الرجل هذا لاخير فيه اتجاه السودان



ليس الرجل ، إنما مصر .


تحياتي


زريبة وما عندها بواب...!!!

Post: #9
Title: Re: سارة عيسى "تجضّم" هاني رسلان...
Author: dardiri satti
Date: 09-08-2009, 07:42 AM
Parent: #8

شكراً أستاذ أنور ،


Quote: وأعتبر أن ما أتى به هو دراسة وتنبواءت تستحق الثناء ، ثلاثة دويلات ، واحدة مسيحية في الجنوب بقيادة سلفاكير ، وواحدة أفريقية في دارفور سوف يرأسها عبد الواحد محمد نور ، وواحدة عربية وإسلامية في الوسط والشمال ،



إنها ليست بتنبؤات ،
إنها أمنيات ، بل هي عين ما تأمله وتخطط له
""الشقيقة"" مصر.
متى يتعلم الخدم في بلادنا ،
أن السودان الموحد ، المتحد ، القوي ،
كان ، تاريخياً ، أكثر ما يزعج العدو المصري،
وأن جميع النظم المصرية سوف تظل تدعم
كل الأنظمة الدكتاتورية
التي تعيق وحدة شعوب السودان ، وتحررها وانطلاقها
لآفاق الإنعتاق والتقدم والإزدهار.


Quote: العجب لو شفتي الحفاوة اللاقينها الدبلوماسيين المصريين في السودان، حاجة تمخوّل!!!




إنهم الخدم، ليس إلا.




Quote:
Quote: فان الرجل هذا لاخير فيه اتجاه السودان





ليس الرجل ، إنما مصر .


تحياتي



Post: #10
Title: Re: سارة عيسى "تجضّم" هاني رسلان...
Author: على عجب
Date: 09-08-2009, 01:00 PM
Parent: #9

يعني هسي الحفاوة بي كلام سارة عيسي ده في شنو ، يعني ردت عليه بي انه عميل لي اسرائيل

وانه يلفق في الواقع السوداني ،

انا شايف انه كلام هاني رسلان هو الحقيقة وهو الحايحصل في السودان ، بعدين الهجوم علي اي

زول يقول انه السودان دولة ايلة الي التفكك الي دويلات يعتبر مرجف وملفق ، دي الحا يخليكم

تشوفوا بي عين الجلابة العايزين البلد تستمر حيكورة والباقين يخطبوا ود اولاد الوسط الحاكمين

من حلفا لي نمولي.

بعدين حلايب دي يوم واحد شفتو ناس حلايب قالو نحنا سودانين والله قالوا ما عايزين نكون مصريين

يقدر واحد يقول حكومة السودان عملت شنو لي ناس الخرطوم عشان تعمل لي ناس حلايب ، ثم حلايب دي

عايشة مع المصرين في امان وسلام وماخدين تموين وخدمات في امان الله وما عملوا مظاهرات قالوا

عايزين يحكمونا الكيزان في الخرطوم ، انتو البتكوركوا دايرين حلايب يضموها ليه فيكم زول من حلايب؟

وحلايب دي عايزين تضموها بس من اجل الضم ما هي دي البلد صحراء من الخرطوم لي حلايب عملتو فيها شنو

زرعتوها واستثمرتوها كلها فضل ليكم المثلث دا ؟ يعني لا ترحموا لاتخلوا الله رحموا في حالوا.


اذا كان في دارفور حرق الماسكين السلطة القري واغتصبوا ونهبوا من قبل خمس سنوات لحد الان

لا في زول اتحاكم لا مظلوم اتعوض ، ولا في الخرطوم ما سمعنا زول بيقول نتقاسم مع ناس المعسكرات

انشاء الله هدومنا القديمة لانهم عرايا في العراء، لو قالوا ما عايزين معاكم ما من حقهم؟.

وجنوب السودان يعني ممكن يكون عاجبوا في الشمال شنو اذا كان الاتفاق ما اتنفذ فيه مثقال زرة

وكل الامور تشير الي انهم لو عاقلين يتخارجوا من بدري لانه الجلابة ما ممكن يخلوا زول يعيش معاهم

بحرية لو كان ما مسلم .عايزنهم يصوتوا للحدة معاكم عشان سواد عيونكم البتشوفوهم بين رزق ديل والله

عشان شنو؟

خلاس يعني هاني رسلان عميل وما عايز ليكم الخير ومتامر.

حاجة غريبية.

Post: #11
Title: Re: سارة عيسى "تجضّم" هاني رسلان...
Author: على عجب
Date: 09-08-2009, 01:13 PM
Parent: #10

Quote: ظاهرة هاني رسلان تسللت إلى وسائل إعلامنا لأننا تركنا الساحة لكن لمن هب ودب ليكتب في الشأن السوداني بلا رقيب أو حسيب ، وسببها غياب الحريات في السودان بسبب الرقابة القبلية ، وكما أصبحنا نستورد البيض والسكر من الخارج ونحن بلاد غنية بالموارد فعلينا الآن تحمل قراءة أقلام المتطوعين من أمثال هاني رسلان .

وللحديث بقية
سارة عيسى


لاننا تركنا كل من هب ودب يكتب في الشان السوداني؟

يعني مفروض نكتب نحنا بس والله شنو؟

ومنو ناس هب ودب ديل

بعدين شنو حكاية بلا رقيب ولا حسيب ؟ يعني مشكلتنا مع الرقيب الحسيب الهسي انه ما حاسب وراقب

هاني رسلان . لما نجي نحن نعمل محاسبتنا ورقابتنا؟

بالله ده منطق .

Post: #12
Title: Re: سارة عيسى "تجضّم" هاني رسلان...
Author: Adil Isaac
Date: 09-08-2009, 05:47 PM
Parent: #11

Quote: وحلايب دي عايزين تضموها بس من اجل الضم ما هي دي البلد صحراء من الخرطوم لي حلايب عملتو فيها شنو زرعتوها واستثمرتوها كلها فضل ليكم المثلث دا ؟ يعني لا ترحموا لاتخلوا الله رحموا في حالوا.


يا علي عجب و الله كتلتني من الضحك بي الكلام الفوق دة :)...

ولكن, و بجدية, حتى لو كان القانون الدولي معنا بشأن حلايب- أمر غير أكيد- هل يمكن للسودان اليوم حشد المجتمع والدولي لإجبار مصر للتنازل عن حلايب؟ هل لدينا قوة عسكرية توازي مصر و تجبرها على الخضوع؟ الإجابات واضحة جدا جدا...و سياسة الصهينة من حلايب هي سياسة الأمر الواقع و الممكن....

المطلوب بلد بالجد جد وجيش بي الجد و الباقي ساهل...بدل الهلوسة في بلد يهدد أمنه أي زول راكب ليهو لاندكروزر ولافي ليهو عمة....

بإختصار لو إتبنى باقي السودان ناس حلايب براهم بينضموا لينا........

Post: #13
Title: Re: سارة عيسى "تجضّم" هاني رسلان...
Author: كمال علي الزين
Date: 09-08-2009, 05:56 PM
Parent: #12

بين مثلث (حمدي) و(المثلث الفرنسي) البشير يكسب , الوطن يخسر ..!!

Post: #14
Title: Re: سارة عيسى "تجضّم" هاني رسلان...
Author: AnwarKing
Date: 09-08-2009, 07:57 PM
Parent: #12

Quote: ولكن, و بجدية, حتى لو كان القانون الدولي معنا بشأن حلايب- أمر غير أكيد- هل يمكن للسودان اليوم حشد المجتمع والدولي لإجبار مصر للتنازل عن حلايب؟ هل لدينا قوة عسكرية توازي مصر و تجبرها على الخضوع؟ الإجابات واضحة جدا جدا...و سياسة الصهينة من حلايب هي سياسة الأمر الواقع و الممكن....


يؤسفني جداً أن أقرأ هذا الكلام منك يا عادل!!!

Post: #15
Title: Re: سارة عيسى "تجضّم" هاني رسلان...
Author: AnwarKing
Date: 09-09-2009, 03:27 AM
Parent: #11

Quote: يعني هسي الحفاوة بي كلام سارة عيسي ده في شنو ، يعني ردت عليه بي انه عميل لي اسرائيل

وانه يلفق في الواقع السوداني ،

انا شايف انه كلام هاني رسلان هو الحقيقة وهو الحايحصل في السودان ، بعدين الهجوم علي اي

زول يقول انه السودان دولة ايلة الي التفكك الي دويلات يعتبر مرجف وملفق ، دي الحا يخليكم

تشوفوا بي عين الجلابة العايزين البلد تستمر حيكورة والباقين يخطبوا ود اولاد الوسط الحاكمين

من حلفا لي نمولي.

بعدين حلايب دي يوم واحد شفتو ناس حلايب قالو نحنا سودانين والله قالوا ما عايزين نكون مصريين

يقدر واحد يقول حكومة السودان عملت شنو لي ناس الخرطوم عشان تعمل لي ناس حلايب ، ثم حلايب دي

عايشة مع المصرين في امان وسلام وماخدين تموين وخدمات في امان الله وما عملوا مظاهرات قالوا

عايزين يحكمونا الكيزان في الخرطوم ، انتو البتكوركوا دايرين حلايب يضموها ليه فيكم زول من حلايب؟

وحلايب دي عايزين تضموها بس من اجل الضم ما هي دي البلد صحراء من الخرطوم لي حلايب عملتو فيها شنو

زرعتوها واستثمرتوها كلها فضل ليكم المثلث دا ؟ يعني لا ترحموا لاتخلوا الله رحموا في حالوا.


اذا كان في دارفور حرق الماسكين السلطة القري واغتصبوا ونهبوا من قبل خمس سنوات لحد الان

لا في زول اتحاكم لا مظلوم اتعوض ، ولا في الخرطوم ما سمعنا زول بيقول نتقاسم مع ناس المعسكرات

انشاء الله هدومنا القديمة لانهم عرايا في العراء، لو قالوا ما عايزين معاكم ما من حقهم؟.

وجنوب السودان يعني ممكن يكون عاجبوا في الشمال شنو اذا كان الاتفاق ما اتنفذ فيه مثقال زرة

وكل الامور تشير الي انهم لو عاقلين يتخارجوا من بدري لانه الجلابة ما ممكن يخلوا زول يعيش معاهم

بحرية لو كان ما مسلم .عايزنهم يصوتوا للحدة معاكم عشان سواد عيونكم البتشوفوهم بين رزق ديل والله

عشان شنو؟

خلاس يعني هاني رسلان عميل وما عايز ليكم الخير ومتامر.

حاجة غريبية.


طالما شايف كدة، يبقى ده ما كلام هاني رسلان...ده كلامك...بس أكتبو لينا عشان ما نفتكر أنو
المسألة مدوّرة من قصر الخديوي*** هناك.




_________
***من جانب تكرر كلمة الجلابة، التي أختفت منذ فترة في هذا المنبر، وعليه نعيد إستخدام الخديوي أيضاً
إستدعاء لبشاشة المفقود هذه الأيام!

Post: #16
Title: Re: سارة عيسى "تجضّم" هاني رسلان...
Author: AnwarKing
Date: 09-10-2009, 10:05 AM
Parent: #15

استاذنا شوقي بدري يلقم هانئ رسلان حجراً في فمه..مقال جدير بالقراءة

Post: #17
Title: Re: سارة عيسى "تجضّم" هاني رسلان...
Author: AnwarKing
Date: 09-14-2009, 00:28 AM
Parent: #16




يا أخوانا عيني ما شايفة كويس...المع الرئيس الإسرائيلي بنيامين نيتنياهو ده...سيلفاكير، ولا عبد الواحد
محمد نور؟

كدي أفتينا يا هاني رسلان بالله...

الصورة بتاريخ 13-9-2009 على موقع قناة الجزيرة

وبعنوان:

مساع بالقاهرة والقدس لإحياء السلام

وبعنوان إلكتروني:
http://www.aljazeera.net/NR/exeres/1523CB94-51DC-45DE-8C4F-63C9A262E04A.htm

المهم...

Post: #18
Title: شوقي بدري وسارة عيسي يخوزقان هاني رسلان!!
Author: حبيب نورة
Date: 09-14-2009, 01:38 AM
Parent: #17

ياخي يا أنو متكيّف جنس كيف

اول حاجة كل سنة وانت طيب وبخير
والأسرة كلها

ــــ

ياخي شوقي بدري دة خطر عديل كدة
قعّد ليك هاني سجمان دة في عِلبوا
ولو ما الدنيا رمضان كنت بقول ليك قعّدوا في الوسطاني
لكن ح أقول ليك خوزقوا جنس خازوق

عليك النبي رأيك شنو في الخازوق دة
والله ما فاضل ليه تاني إلا يحترم نفسوا يختانا عديل

لادايرين منو طبق كشري ولا محتاجين لي رأيوو

الزول دة عميل
عما يعميه ياخ!!