سلامات يا أهلنا...
الكثير من البوستات ينقصها بعض الصور والاكثر بوستات لم تنزل لعدم معرفة كيفية إدراج الصور..

أقترح ان يتوفر ذلك فى ملف مدرج تبع المنبر نفسه...
الى ذلك الحين فلتكرر البوستات ...

سابدا بالقليل...وعليكم إكمال البقية والرجاء ممن عنده سؤال ان يبادر به على طول...
مع تحياتي وشكري لكم مقدماً..

أنور

تسلم ياأنور
والفكرة جد رائعة خصوصاً مع تواجد عدد من المشتركات والمشتركين الجدد هذه الأيام ..

وبراك ياباشمهندس قدرها ، وعموماً انا مستعد للمساعدة أو الإضافة إن دعت الحاجة .

الحبيب لؤي...لك الشكر على سرعة الاستجابة ويمكنك كتابة إدراج الملفات الصوتية واحجام الخطوط..

ونسيب للنصري موضوع الفيديو ويكون بداية عمل مشترك لفرقة ثلاثي البورد (على وزن ثنائي العاصمة وكده ) تأخر الوقت هنا وانا ذاهب الآن...

لكم الودّ

أنور

لرفع صورة والحاقها بالبوست عليكم القيام بالخطوات التالية:
1- أذهب لموقع رفع الصور...وليكن
http://www.arab7.com/
مثلاً...

2- أختار الصورة من جهازك عبر أستكشاف مكان الصورة...


3- أضغط على تحميل الصورة


4- أنسخ عنوان الصورة


5- من مربع كتابة البوست أختار أيقونة الصورة


6- ألصق رابط الصورة هناك:


7- أضغط على OK

أنتهى...

مع التحية..
أنور

لتلوين النص:

لتلوين النص...
عليكم بهذا الكود:
[**color=red**]
النص المراد انزاله هنا
[**/color**]

مع أمكانية أستبدال لون الخط بأي لون آخر...
كل ما عليكم هو تغيير أسم لون الخط بعد علامة يساوي..مثلاً اللون الازرق
[**color=blue**]
النص المراد انزاله هنا
[**/color**]


مع ملاحظة حذف هذه النجوم (**) خارجاً...

.. خارطة الطريق للبرلوم الجديد ..

تمبو برضو بدأ حاجه هنا يا نويره

ويديكم العافيه انتو الجوز وكل البحب يساعد

حبيبنا انور
الفكره جيده و الناس فعلا محتاجه لخدمات زى دى ...
كنت اتمنى الاخ بكرى يفتتح بورد خاص للكمبيوتر كتجربه

و مناقشه كل الامور هناك لانو فى البورد ده اذا راح منك بوست الا تفتشو ب google و احيانا لا تتزكر كاتب البوست

المهم انا خلونا العب جناح شمال

ممكن اعرض هنا بعض المشاكل الشائعه البتواجه مستخدمى ويندوز اكسبى و برامج الحمايه
ومكافحة الاعلانات وال popups استعمال Outlook Express بدلا من الطريقه العاديه لقراءه
الهوتميل ,كذلك خطوات مهمه تجعل الكمبيوتر اكثر سرعه

لقدام

النصرى

يعنى لازم تحرجونا يعنى

نحن دفعة السناير البرالمة

كل الشكر ابوالنور, لؤى ونصرى

يا جماعة

شكراً ليكم كتير على البوست المهم ده
أعتقد أن جهازي ضاربه فايرس و ما عارفه أتخلص من الحكاية دي كيف.
بقى بطئ جداً و أحيانا "بتجمد زي الحطبة" و أضطر أنتظر مسافة لحدي ما يرجع أكتيف تاني و برضو كمان ما بتقفل نهائي لما أعمل ليه shut downو حتى لما أقفله من الهارد دريف ما بقفل و بتجيني الشاشة مضلمة و في النص فيها خط أصفر

أها أجدعو بعد عمايلو دي كلها و لا عندكم لي حل؟

الغالية ندي
جهازي كان ضربه virus فقمت فرمته وبقي زي الجن

كل الود
ودالعجب

الاخت ندى
تحيه طيبه
الاحتمالات كتيره ..ربما كان فيروس, او برنامج شغال و ماخد كل مقدرات ال CPU
او برنامج سئ البرمجه و ما بفك ال memory لمن يقيف

كبدايه اعملى الخطوه دى :

Control+Alt+DEl
كلهم مع بعض

بفتح شباك اسمو
ًُWindows Task Manager

اعملى كليك على

Processes
حيديك قائمه بالبرامج الشغاله فى تلك اللحظه,,شوفى اى واحد شايل كتير من امكانيات
ال CPU
ممكن تعملى عليهو Right Click
و توقيفيهو ب ُEnd Process

اذا الكمبيوتر اشتغل احسن شويه , طوالى امشى و اشطبى البرنامج اللعين
ممكن تورينا النتيجه و نشوف الخطوه التانيه شنو

تحياتى
النصرى

النصري

شكراً لك كثيرا على سرعة الإستجابة

عملت كل الخطوات القلتها لي
بس لما وصلت حتة CPU هل أنت قاصد أشوف الأرقام التحت الCPU
و لا الأرقام التحت ال Memory usage

ايوه ياندى
الارقام تحت ال CPU
كل برنامج شغال بياخد نسبه من 100% من المقدره الكليه للبروسسر.

لو فى اى برنامج ماخد نسبه كبيره زى 60 او 70 او 80 اكتبيهو هنا...

لو عتدك teenager فى البيت معناتها اكيد عندك برنامج سئ السمعه اسمه

KAZAA و هو برنامج لتبادل المواد مثل الاغانى و الافلام بين ملايين المشتركين ... يمكن المستخدم الحصول على كلما يريد مجانى عن طريق Kazza,

بس مشكلته بنهك الكمبيوتر و يستنزف طاقاته و يجعله بطئ و تسيطر عليه الاعلانات و ال Adware and Popups

اذا ما عندك Kazaa و نسبة استغلال ال CPU عاديه و مافى برنامج مستحوز على امكانياتها
ممكن نمشى الاحتمال التانى

اخر حاجه هى الفورمات...

لاحظى ان الفورمات Format the Hard Drive تحل المشكله جزريا و لكن عيب الفورمات ضياع كل المستندات و البرامج اذا لم يتم عمل Backup

اذا رغبت ممكن اعمل Remote Assisstance و به استطيع التحكم فى كمبيوترك من البعد
عن طريق الماسنجر ,كاننى انا احرك الماوس و ليس انت

let me know

النصرى

Dear Elnasri
Thank you very much for your nice attention
It is getting too late here now and I have to go to bed
I will be in contact with you tomorrow
Many thanks

بالنسبة لإدراج الصوت..



الكود ياهون ده...

<***EMBED SRC="****رابط_الصوت_هنا***"VOLUME="85" HEIGHT="85" WIDTH="280"TYPE=Audio/x-pn-Realaudio-plugin EXTS=RA,RAM MASTERSOUND CONTROLS=SMALLCONSOLE AUTOSTART="TRUE"***>

شيلو النجوم بره... وضعوا رابط الصوت

وكمان يمكنك تغيير الTrue الى false متى ما أردتم للصوت ان يعمل بناء على طلب المستمعين...

القيمة التانية الممكن تغييرها أيضاً هى مستوى الصوت من 1- 100 وانا هنا عاملوا 85...


أنور

الاخوان الاعزاء

مشكورين كتير على الخدمات الجليلة

يا انور

الاكواد بتاعة الالوان دي ما اشتغلت معاي ، فما عارف الخلل وين

مع انى حزفته النجمتين [color=red] لكن بدون فايدة ، مع انى عملته

copy و paste لا غير للكود فهل فى مشكلة يعنى علامة = برضو نشيله ولا كيف ؟

ولا الاقواس []؟؟

تحياتى

الحبيب ود العباسية..
تحياتي..
الكود كالأتي:
[color=red***]
هنا الكلام الدايرو
[/color***]

القوس بيتفتح و معاهو / للقفل...
ان شاء الله كده واضح...
لك الودّ
أنور

الأخ انور
ما عدمناك
دقة ..فهم ..طولة بال ..قراءة افكار ..
يديك العافية ويكفيك شر خلقو ..

الحبيب أنور كنج

Quote: والرجاء ممن عنده سؤال ان يبادر به على طول...

إنت صورتك أخدتها وين
لك الود
عبدالرازق عيسى الطالب

يا انور والنصري ولؤي

غايتو
الالوان زاهية وجميلة
كده أحسن
من زمان
الله يديكم العافية

لكني جربتها هنا

بس ما اشتغلت

ممكن اعرف لــــــــيـــــه


جمال

ali test test i hope ii ok 100%

شكرا انور النصرى على المساعدة
ولوى ء كمان مع انو ا بتوصى
في الحاجات الخيرية دى

الفكرة وصلت

انور ما تشيل هم واللة اخلى ليك
البوست دة فوق لمن تحير لانو عندى
تجارب نجحت وانا اصلى ما عندى حاجة اعملا
اليلة اعملا غير القطيع والصيق

up up up

Quote: لؤي, النصري,والبقية العسلين: يسأل الناس عن كيفية إدراج صورة أو صوت؟ تلوين النص وبقية الفنون

كان كدة انا بقيت خطر عديل
طيب انحنا قرينا شنو كان
جنس دة كلو ماعارفنو
مش اديتونا طرف الحبل
تانى ما نروح

شكرا على الحاجات الذى دى

باقى حاجة مهمة لو دايرا
اعمل عملية مركبة تكون
نفس الفكرة ولا فى ا ضافة

شكرا

كدى نجرب التركيب



نجحت الفكرة
يا جماعة عليكم اللة
ماتزاحمو لينا اى زول
داير دروس اجى من بدري
وشايل قروشوا معااهو
ما فاضين كمان

بي لمناسبة فى تخفيض للجنس اللطيف

i was
but now i'm very

up

[**color=blue**]
شكرا على البوست الرائع ده
[/color**]
انا عندي مشكلة ظهرت مؤخرا وهي عدم القدرة على الكتابة بالعربي في البوست
قبل كده كان عادي اني اكتب ولكن من حوالى 3 اسابيع بقيت اكتب في ورد (Word) واقوم اقطع والصق هنا
ممكن تساعدوني ؟

سؤال تاني: كيفية تكبير وتصغير الخط

الاخ زول واحد
تحيه طيبه

يكمنك الاستعانه ب

هذا الموقع

تجد به معظم الطرق للكتابه فى المنتديات.

بالنسبه للكتابه بالعربى ...حقيقه لا اعرف اجابه للمشكله ولكن اذا اديتنا معلومه
ذياده ربنا نستطيع المساعده مثلا
هل لديك وندوس اكسبى ؟ عندما تحاول الكتابه بالعربى ماذا يحدث؟هل تظهر حروف انجليزيه؟
هل حاولت اضافه اللغه العربيه من جديد؟
فى انتظار ردك


الاخ على الحسن
شكرا للمشاركه و رفع البوست (نيابه عن سيد البيت)

[**/color=red**]
هل نجحت الفكرة
في المرة التالتة نجحت
[**/color**]
شكراً بالألوان

بالنسبة للصورة:
أنا قلت كده برضو
الصورة دي مستوردة

Quote: لتلوين النص...

تشكر يا كل ألوان الطيف يا منور البورد
ولك كل التقدير على الإهتمام بكل شاردة وواردة


عبدالرازق عيسى الطالب

انا بحاول اعرف اكتر وياريت لو كان الموضوع كله في بوست واحد يقدر الواحد يحفظو عندو في الكمبيوتر بدلا من ان يكون عبارة عن ردود واضافات مع خالص تقديرنا لكم لاسهاماتكم في نشر المعرفة والمعلومة للجميع و ابتسم تطلع الصورة حلوة جمال

سؤال إلى أنور عن طريقة قفل البوستات في وجه المشاركين


ملحوظة :

كان وريتني الطريقة أول حاجة حاعملها ... حأقفل البوست

النصري
كيف الاخبار والله الموقع جيد لكن فى حاجات دايرة ليها فهم شوية ، يعنى انا الكود دا

لو ما لقيت مكتوب عليه فى النص (النص ) ما كنت عملته ،

فنرجوا الايضاح

الحبيب ياسر...
تحياتي..
مالك قافلنا يا خي...
لك الودّ
أنور

حبيبنا انو او نويره كما يحلو للبعض

اخبارك مقطوعة

طبعا اخوك قاعد يمشي للمشاركات الفيها خط جميل ويقتبس النص ويمسح النص فقط ويكتب النص الجديد وبذلك يكون اللون تغير
لكن الشئ الوقفت فيهو الصوت لانو عندي مدائح داير انزلها وما قادر

طيب كدا نجرب المدحة دي













طبعا حكاية النجوم البيحذفوها انا قلت وطيب انت جايبة هنا ليش اها فكرت شوية ولقيت انك لو ما جبي النجوم دي الكود ما بظهر وحا تظهر الحاجة المفروض تظر ولا كلامي دا غلط غايتو دى اكتشفتها براي


اخوك مكاشفي

Quote: غايتو دى اكتشفتها براي

بس ياها زاته يا المكاشفي يا حبيب...
أنور

كنغ
الحصه الجاية شنو
نحضر الكرسي


سلام ومشتاقين عديلللللللللللللللللل كدة

وتعال هنا الباب المكتف حارسو ده ما تعبتا منو

شعري لسه ما ليقت ليه مقص

مشتاقوووووووووووووووووووووووووووون يا الخواض...
أزيك يا راجل والله ليك وحشة شديدة يا حنين...
قلت لي ربنا ما فتح عليك بمقص لسع؟

أسمع يا خواض...
تعال أمسك البوست ده...انا عندي شكلة كده ومزنوق مع حاجات كتيرة...
ممكن؟

أنور

Quote: لا تجعلوا أي فراغ بين علامة يساوي ولون اللون

عنور كينق
كيفك
والله كل ما ادخل البوست ده
اقعد اعاين في كلمتك دي
واتذكر اللول اللول يا لوليه

ود الشيخ يا عنصري
سلامات...
يا زول ان شاء الله دايما مبسوط...
وربنا يقدرنا نرسم الابتسامة فوق شنبك ده
أنور

الأخ انور كنج والنصري والمشاركون
لكم التحية
أولاً هذه كتابة للتجربة وتتخللها أسئلة:
السؤال الأول :هل كود الصوت اعلاه لكل انواع التسجيل يعني "ارم" ، و"دبيلو ام ايه" وغيرها ام لنوع محدد؟ لانني قرأت ذات مرة أن الملفات الصوتية التي تنتهي بـ "دبيلو ام ايه" يجب انزالها مرتين في الكود ، السؤال الثاني بخصوص الملفات التي تنتهي بـ "دبليو ام ايه" ، وتحديداً المسجل في صفحتك يا انور عند انزالها هنا مستخدماً "طريقة انزال الرابط مرتين" تكون النتيجة امكانية السماع للملف الصوتي ، لكن الصفحة في البورد تكون "خلاص اتقفلت تماما" ولا توجد طريقة للكتابة فيها بعد ذلك لاي شخص يريد التداخل لاحقاً
لكم الشكر

yasiko الحبيب...
تحياتي..
يمكنك أستخدام هذا الكود:

<***embed src=http://www.Domain-Name.com/song_name.wma loop=true autoplay=true width=310 height=262***>

مع حذف النجوم برضو

وهو سيختار المشغّل المناسب لوحده...
لك الودّ

يا أهلنا الما رديت عليهم لكم العتبى حتى ترضو وبجيكم راجع مع الودّ

أنور

يا كنج

فلزي ساي يا أخ



السوكر مطلوب

الاحباء الاعزاء ابشركم بانى نجحت فى الامتحان

















ايويويويويويوييييييييي

الأخ انور
شكراً للاستجابة "يا ها المحريي فيك"

Quote: تعال أمسك البوست ده...انا عندي شكلة كده ومزنوق مع حاجات كتيرة... ممكن؟

يا زول "الشكل" دا ما بيشبهك ، خليك للعلوم والتكنلوجيا
تسلم

شديد إعتذارى لك أخى أنور وللجميع لعدم تمكّنى من المشاركة وذلك نسبة لظروف سفرى خلال الأسبوع الماضى .