احب الباندوينث

Post: #1
Title: احب الباندوينث
Author: طارق الأمين
Date: 06-03-2007, 06:57 PM
Parent: #0

والله عجتني الكلمه

كسرتني عديل

ريحتني وسرت بالي

وداير استعملا

لكن ما فاهما

يعني الواحد مايغيب ليهو يومين

بجي يلقاكم

ضابحين ليكن كلمه جديده

وقاشرين بيها

وهو ماعارف

اعزمونا ياخ

واناطبعا بكسرني نوع الكلام

المافاهمو

اها

*الرجا عدم اغراق الباندوينث *

لا حولالالالالالالالالالالا

وكمان بغرق ؟؟؟؟؟؟؟

الباندوينث الضيف

غرقتنو كيف

واشقاوه امو

الاهلو في جنيف

شوف اللغه لمن تصارع لغه

وتهزما في عقر دارا

بدون عنف وضوضاء

شوف اللغه لمن تلبي مفرداتا

حوجه الانسان

وتطلعاتو

كيف بتبقي لغه شعبيه

وفي اي حته

راجعو معاي كيف

كيف بقت العبارات دي شعبيه

في مجتمعاتنا

وبكل هدوء

رغم اصلها الغريب علينا

في السياسه

كونفدراليه

ديمقراطيه

كوموندانيه

بوليس

في الرياضه

باك

قوون

وينق

اوف صايد

قيم

باكورد

في الاتصالات

مس كول

دايفرت

مسج

اسكراتش

وكتبر زيهم

في الفنون والتكنلوجياوغبرا

ورونا يا اهل الله

هل تحتضر اللغات والثقافات

الغير منتجه

وتسود العالم لغه جديده

ولي كبببببببببببببببف

الي ذلك الحين

احب الباندونث

Post: #2
Title: Re: احب الباندوينث
Author: عصام عبد الحفيظ
Date: 06-03-2007, 07:06 PM
Parent: #1

يا طارق
سريع الحق نفسك
وحاول تسحب
كلامك

بتحب (البتاع)
القلتو ده

طارق كلامك ده خطير
ويؤثر بلا شك على
الكيان الاسفيرى للمنبر

واكيد بوستك ماشى الخور

والظاهر عليك ما مركز وما ملاحظ
ما يحدث هذه
الايام فى المنبر

وانا كلمتك
ولن اتصل بك
فقد تصيبنى العدوى
وانتظر ثوانى

حانزل ليك صور
يمكن تخفف عليك شوية

بس خليك اون لاين
لانى خايف عليك
خوف شديد !!!!

Post: #3
Title: Re: احب الباندوينث
Author: طارق الأمين
Date: 06-03-2007, 07:16 PM
Parent: #2

وحات الله

ماتوروني ليهو

وتجاوبو سعالاتي دي

ما تتحلو من رقبتي

عشان ساكتين ليكم يعني

الباندوينث دا

شنووووووووووووووووووووو

Post: #4
Title: Re: احب الباندوينث
Author: طارق الأمين
Date: 06-03-2007, 07:29 PM
Parent: #3

طيب باعصام

ما بلقي لي عندك

صوره لي باندوينث صغبروني كده

اشوفو بس

وارجعو

اشوفوووووووووووو

Post: #5
Title: Re: احب الباندوينث
Author: عصام عبد الحفيظ
Date: 06-03-2007, 07:41 PM
Parent: #4

وطيب يا طارق

صور (البتاع) ده
ولا حظ انا ما بقدر
اكتبوا

موجودة عندى
لكن تقيلة

ويمكن يغرق
كمبيوترى فى
فى حالة الارسال

لكن برسل ليك
البشبهوا

وخليك جاهز

Post: #6
Title: Re: احب الباندوينث
Author: طارق الأمين
Date: 06-03-2007, 07:46 PM
Parent: #4

اسي كان ماشي في شارعي

لقيت لي زولين متشاكلين

واحد قال انو التاني

غرق ليهو باندوينثو

وقال ليهو تطلع لي باندوينثيني

اسع دا

واستعانو بي كاستاذ كبير

اقبل وين يعني؟

اودي باصويردي وين من الناس

كويس كده

كوسو بكري وين كوسو الجن الاحمر

حلوني من الموضوغ دا

ولي قسما عظمن اغرقو ليكم

وامشي ليبيا

Post: #7
Title: Re: احب الباندوينث
Author: اساسي
Date: 06-03-2007, 07:53 PM
Parent: #6

Quote: ماتوروني ليهو

وتجاوبو سعالاتي دي

ما تتحلو من رقبتي

عشان ساكتين ليكم يعني

الباندوينث دا

شنووووووووووووووووووووو

والله الباندويدث دا الحاجة الوحيدة البتجرس منها بكري كل شهر
يعني ممكن تقول كدا سيدى بي سيدو
الوحيد البيلوي دراع بكري وبيخلينا نتشفأ فيهو
من بكري دا يجيب سيرة الباندويدث طوالي انا بتخيله ليك عيونه مرقرقة ودميعاته قربن يجرن
شكلها دميعات بكري دي حتجري قبل موية ماسورته

Post: #9
Title: Re: احب الباندوينث
Author: طارق الأمين
Date: 06-03-2007, 08:12 PM
Parent: #7

الاخ الباندوينثي

اساسي

تحيه وربنا يستر علي بندوينثات اولادالناس

بكري اليومين دي مباري السباكين

وانا ما ح اصبر لحدي ماسورتم دي تنقط

لاني عارف المويه في الصيف

لكن هو مغترب متطلع نعمل شنو

اها عملتو لي شنو في موضوع البتاع دا

Post: #8
Title: Re: احب الباندوينث
Author: عصام دهب
Date: 06-03-2007, 07:56 PM
Parent: #6

هسع دا مش الإهدار في حد ذاتو ..

يا جماعة الباندويث دا عايز ترشيد ..

أهة يلا شوفوا ليكم جمرة أسفيرية ..

عشان الجمرة بتحرق و الجمل ماشي ..

Post: #10
Title: Re: احب الباندوينث
Author: عصام عبد الحفيظ
Date: 06-03-2007, 08:40 PM
Parent: #8

Quote: يا جماعة الباندويث دا عايز ترشيد ..

اها شفت يا طارق دخل
اساسى وود دهب
والقصة
زى كبرت كده

Quote: عشان الجمرة بتحرق و الجمل ماشي ..

وشوف عصام
قال شنو

يعن برضو اغراق البتاع

غايتو يا طارق
حتدينا السهر مع البتاع
اقصد الما يتسمى

وسلام
وخارج روحك خارجا

ويا طارق ده
كلام راجل اسمعا

يعنى من زمان
كنا قلنا

الحزم الثقيلة يعنى شنو

اها وندخل فى المادة 130
وبعدها العجب حبيبى

Post: #11
Title: Re: احب الباندوينث
Author: عصام عبد الحفيظ
Date: 06-03-2007, 08:40 PM
Parent: #8

Post: #13
Title: Re: احب الباندوينث
Author: محمد البشرى الخضر
Date: 06-03-2007, 08:51 PM
Parent: #11

ما هو الباندودث
سؤال عميق
سهل و صعب في آن
مذكر قصة العميان و الفيل
الكلو واحد وصف الفيل على حسب وجهة(لمسه)
أها الباندودث دا نفس القصة , ياهو زاتو لكن كل واحد عندو تفسيره المختلف ليهو
وسع خيالك معاي و انا بوقعه ليك
ناس يقوليك الباندودث دا حق مكتسب لينا و كوتتنا ما بنخليها كان نقول اي حاجة في أي مكان
و ناس الباندودث دا دار ابوهم الخربت شايلين منها شيلة
وناس الباندودث دا جلدا ما جلدهم طوالي جارين في الشوك
و ناس الباندودث بالنسبة ليهم الواطـــة البتتلقاهم لما يقعوا من سما الفوراول
و طبعا في البيجضموه لمن يتكيف و يآمن
وعشان ديل عمك متحمل الفوق ديك
لكن مرة مرة بيحدر ليهم و يجيب قصة رفقا بالباندودث دي
إها يا بوي وقع ليك
ولا أجيب من الآخر

التعدبل حراق روح ساي

Post: #12
Title: Re: احب الباندوينث
Author: طارق الأمين
Date: 06-03-2007, 08:44 PM
Parent: #8

عصام دهب

سلام

نفول ليك باندوينث

تقول احلبوهو

اقول ليك عاوز اعرفو هو شنو

تقول لي ترشيد

ارشد لي حاجه ماعارفا

ذكرتني يوم

وانا بشاهد في محاكمه

لي بعض السكاري

القاضي قال لي واحد

انت ح تاخد جلد وكمان غرامه

السكران قاليهو ليه

قاليهو لانك مخمور

وعندك حيازه

السكران قاليو

هي لكن يامولانا

كان ما حزتو

ح اشربو كيف يعني؟؟

عصام دهب

مافهمتني خالص

اسعدني مرورك وكده

وسلم لي علي الباندوينث

سلامي

Post: #14
Title: Re: احب الباندوينث
Author: AmroKamal
Date: 06-03-2007, 08:51 PM
Parent: #12

Quote: نفول ليك باندوينث

تقول احلبوهو

اقول ليك عاوز اعرفو هو شنو

تقول لي ترشيد

ارشد لي حاجه ماعارفا

يقول عن العاربة ... باندوينث

وفعله باندو يبندو بندوة...فهو مبندو

واصله باندوينث

وفى لغة الفرنجة... لم نجد له مقابل

وتجده فى كثير من اللهجات المحلية، خاصة أرض الشايقية يسمونه الباندوينثى
ولم تشر غليه المعاجم والدوائر العامية فى السودان

شكرا

............................لقطة............................

أها عرفته ......؟؟؟؟؟؟؟؟

!!!!!!!!

Post: #15
Title: Re: احب الباندوينث
Author: طارق الأمين
Date: 06-03-2007, 09:07 PM
Parent: #14

محمد البشري

شكرا للخيال

وفي انتظار المزيد

واتساءل مازلت

ماهو مصير اللغات

التي ينتمي اليها

قوم لا يساهمون في

صناعه المستقبل

تحياتي

Post: #16
Title: Re: احب الباندوينث
Author: طارق الأمين
Date: 06-03-2007, 09:34 PM
Parent: #15

عمرو كمال يا لذيذ

اجتهاداتك مقبوله

قت لي عند الشايقيه

اسنو الباندونثي

في الانتظار

مودتي

Post: #17
Title: Re: احب الباندوينث
Author: طارق الأمين
Date: 06-03-2007, 10:24 PM
Parent: #16

بالله هليكم

تصدقو

كل الناس القالو لينا

نرشد الباندونث

وما نفرقو

ماعارفين المعني

يعني انا كت خجلان ساي

من عدم العرفه

معقول تاااااااااني عندنا ناس:

داون داون يونس بيه

والله لكن

التعديل ساي والله

Post: #18
Title: Re: احب الباندوينث
Author: طارق الأمين
Date: 06-04-2007, 00:02 AM
Parent: #17

يعني عندك مثلا

نقول جمله شعبيه معاصره

مسكلو لي عمر يرسل الباسويرد في ايميلي بتاع الياهو

عشان كان فتحنا بوست ح نغرق الباتدوينث

اها كده كوبس؟؟؟؟

طيب اعربوها لي

Post: #28
Title: Re: احب الباندوينث
Author: محمد صباحى
Date: 06-04-2007, 08:45 AM
Parent: #4

طارق

الباندويث هي قيمة تستخدم لقياس كمية المعلومات
المرسلة أو المستقبلة خلال فترة زمنية معينة أو هي سرعة نقل البيانات أو سرعة جريان المعلومات

أنت من وين ؟

Post: #19
Title: Re: احب الباندوينث
Author: Moawia Mohammed
Date: 06-04-2007, 00:26 AM
Parent: #1

الباندودث

Post: #20
Title: Re: احب الباندوينث
Author: طارق الأمين
Date: 06-04-2007, 00:53 AM
Parent: #19

الاخ معاويه

ود الصحافه القيافه

تحياتي وبعد

اجتهدت والله

رغم انك

استعنت بي صدبق

اجابتك صبرتني شويه

لكن لسه مافشت غبينتي

تحباتي

وفي انتظار المزيد

محبتي

Post: #21
Title: Re: احب الباندوينث
Author: علاء الدين حيموره
Date: 06-04-2007, 01:26 AM
Parent: #20

أنا حا افش ليك غبينتك يا طارق

انت زول هين ؟

بس بعد ما اعرفو اول زول حا اكلمو هو انت ..

كدي اكلك حلاوة صقتيبة .. برد بيها جوفك في الحراية دي ..

Post: #22
Title: Re: احب الباندوينث
Author: طارق الأمين
Date: 06-04-2007, 02:04 AM

ايوه ياحيموره ياخي

بالله اجتهد لي في الموضوع

اناخلاص بقيت علي الكلمه دي

ولازم استخدما

في غضون المرحله الجايه

Post: #23
Title: Re: احب الباندوينث
Author: غادة عبدالعزيز خالد
Date: 06-04-2007, 06:45 AM
Parent: #22

يا طارق اليومين ديل

بيسحروك

سلامي لصالحين

غادة

Post: #24
Title: Re: احب الباندوينث
Author: nazar hussien
Date: 06-04-2007, 06:47 AM
Parent: #22

Quote: طيب اعربوها لي

ههههههههههههههههههههههههههههههههههههه

والله دي ابني ما جا زاتو ما يعربا

Post: #25
Title: Re: احب الباندوينث
Author: طارق الأمين
Date: 06-04-2007, 07:17 AM
Parent: #24

اهلا بالمبدعه

غاده عبد العزبز

تحباتي وصالحين

بلا حدود

رايح لبنا باتدونث

وسؤال حول اللغه

بدك معانا والله

معزتي واحتراماتي

Post: #26
Title: Re: احب الباندوينث
Author: طارق الأمين
Date: 06-04-2007, 08:22 AM
Parent: #25

الحبيب نزار

وهل انت نزار

الشايفو في الصوره دا

زميل الدراسه؟

جامعه القاهره الفرع

الفنان الوسيم

زميل الكورال

ياريت تكون انت

واشعر بانك هو

رغم طول السنين

يغني ما طويله خالص

كلها عشرين سنه

بالاحضان والله ياراقل

كان انت ولي ماا نت

الصفر كيف

Post: #27
Title: Re: احب الباندوينث
Author: nazar hussien
Date: 06-04-2007, 08:40 AM
Parent: #26

انت زمان قايلني منو يا طارق الامين...؟؟؟(وبعدين الصفر دي لقيتها وين...ما اظن زمان قلتها ليك...

تعرف كل ما اجي السودان وافتش عليك...ألقاك في التلفزيون...واخاف الاقيك تعتبرني الزول
القال لي محمد وردي ,,,ما عرفتني يا استاذ...انا ما الزول البشر فيك...زمن حفل الانتفاضة
في الساحة...الشعبية...

دحين ياني زاتي ...الزويل الزماااااان داك...القال معاك...برغم أدغال المسافة...

وهسي المسافات بقت أدغل من الأول بي كتير...

وتحياتي يا زول يا مبدع...

Post: #29
Title: Re: احب الباندوينث
Author: مجاهد عبد الرحمن
Date: 06-04-2007, 08:49 AM
Parent: #26

أخي الجميل طارق
لك والإحترام
أما عن سؤالك عن الباندويث فهو

الباندويث
واحدكلس
مالي البلد هيصا وضجيج
مرات بكون زول بلطجي
ومرات بكون هو أونطجي
ومرات بكون
يا أب صلعة ليث
الباندويث
زي الخميره مع العنب
والإنجعاص
برم الشنب
وكتين تقرب تحتويك
تعطف عليك
تسقيك لهب
يهريك هري
ويا أب صلعة كيف
لمن تنعنش وتنتشي
أركز مصيرك
بردلب

تقديري لك أيها الفنان

Post: #30
Title: Re: احب الباندوينث
Author: AmroKamal
Date: 06-04-2007, 09:40 AM
Parent: #29

اها ورونا ......

العندو باندويث يرفع ايدو ؟

Post: #31
Title: Re: احب الباندوينث
Author: abuguta
Date: 06-04-2007, 09:58 AM
Parent: #29

انت بتحب االباندويث..
وحرفها بتعمل لى هلاويس..
ياود الامين بطل الاشاوس..
نحاول نشرح ليك الباندويث
لو عندك موقع فى النت بداوس..
ومشتريكين قاعدين فيه زى الهاوس..
مفرتنين عدة المطبخ زى الماوس
شاربين موية الزير واكلين كل القلاويس
فى النهاية البيت بقى فاضى
من دقيق القراوس
....

شرح ابتدائى..

الباندويث هو عباره عن مساحة افتراضية ,, عمل هذا الباندويث هو تنظيم نقل البيانات من والى السيرفر فاذا لم يكن هناك باندويث محدد لكل مساحه سوف يعاني السيرفر المضيف من مشاكل كثيره ومنها بطء في فتح المواقع وبطء في رفع البيانات ...
وعلى سبيل المثال عندما يقوم 5 اشخاص من المضيفين على السيرفر بنقل بيانات بمعدل 1 جيجا يومياً فهذا سوف يتعب السيرفر ويبداء يبط في عملية التصفح ونقل البيانات مع بقية المواقع المضافة في السيرفر ,, وهنا نفهم ان الباندويث الذي يتم تحديدة لك عندما تريد اخذ مساحه هو على الاساس لكي يحمي السيرفر من عمليات الخمول او البطء التي تسببها عمليات نقل ورفع البيانات ..
لذا كل ما ققلنا المواضيع الهايفة وفرنا مساحة لمواضيع جميلة..
وشكرا

Post: #32
Title: Re: احب الباندوينث
Author: طارق الأمين
Date: 06-04-2007, 10:02 AM
Parent: #29

الباندويث هي قيمة تستخدم لقياس كمية المعلومات
المرسلة أو المستقبلة خلال فترة زمنية معينة أو هي سرعة نقل البيانات أو سرعة جريان المعلومات

محمد صباحي

كلام عديل يازول

طيب اسي الغرق وبن هنا؟؟

أو هي سرعة نقل البيانات أو سرعة جريان المعلومات

اسي في ذمتك دي

سمعت ليك بي زول غرق ليهو سرعه؟؟؟

ولي سمعت قالوك ماشين نزور ناس حاجه السره

عشان قالو سرعتن الكبيره غرقت؟؟؟؟

الكلام دا ماااااااااااياهو

اسي كده انا بقيت اشك انو الكلمه دي

كلمه ما كويسه

وانتو ما قادرين تواجهو بيها الجمهور

اعترف ماهو الباندونث

Post: #33
Title: Re: احب الباندوينث
Author: عمر الفاروق
Date: 06-04-2007, 10:05 AM
Parent: #1

طارق يا ود اللمين :
Quote: الباندوينث

غايتو جنس لفحي عليك !!!!!
أسة في ذمتك إسمو الباندوينث ؟؟؟ أموووت وأعرف حرف النون ده لفحتو من وين ؟
غايتو ذكرتني لمن كنّا بنشاغل بنات المتوسطة وقاموا حوّلهن لي بنات الأساس ..
أها صاحبنا عايز يششاغل بت من بنات الأساس ديل قال ليها :
وييييييييييييييييين يا عسل..
البت قالت ليهو :
أمشي يا ما عندك سوء تفاهم !!!

شفت جنس اللفحي والختا واللخبتة !!!!

والإنترنت عزيزي طارق زيّ البني ادم يأكل ويشرب ويمشي في الأسواق ويقبل الهدايا وكما يقال للمرا السمينة (دفّار) وللمرأة الضعيفة (معصعصة) فكذلك الإنترنت فيها الدفّار وفيها المعصعص..
الباندويدث ده يا طراق اخوي عامل زي بصّات الحاج يوسف ..
مرات لمن تجي تركب فيهو والناس مشمّعة تتدافر بي جاي وتخش في نص ديل وتسمع ليك نبزة من بت هبشتها بالغلط بي سبب الزحمة والمشاققة جوة البص..
وأححححححححححححححي لمن تركب ليك حافلة روزا مكندشة ومقاعد النص ما فيها زول وتصل لي المقعد الورّاني بي هدوء ..
أها ده ياهو الباندويدث ومرور البيانات عبر الشبكة ..

في مرة كنت جايع .. وإشتهيتلي فول..
طلبت الجرسون ..قال ليّة أيوة قول..
وتاني يا حبيبنا أدينا ميسّي كول ..
وكووووووووووووووووووووووووووووول..

شفت البلولة مرة بيلعب إسكواتش..
والتاية بي الحيطة واقفة أدّونا إسكراتش ..
وهييييييييييييييييييييييييييييييييييه ..

أواصل ليك فيها ولّا كده كفاك ؟؟؟؟
والله ما بفكّك إلا تقول الروب يا عمر الفاروق والله ما بتعرف تكتب

Post: #34
Title: Re: احب الباندوينث
Author: AmroKamal
Date: 06-04-2007, 10:16 AM
Parent: #33

ما فى زول داير يرفع إيدو ؟؟؟؟؟؟؟؟

أيواااااااااااااااااااااااااااااا

Post: #35
Title: Re: احب الباندوينث
Author: طارق الأمين
Date: 06-04-2007, 10:20 AM
Parent: #33

عمر الفاروق كرهتنا البلي طارق الامين يعتزل الكتابه السودانيه

WWW.TARIG AMIN 7RDAN.COM

Post: #36
Title: Re: احب الباندوينث
Author: طارق الأمين
Date: 06-04-2007, 10:31 AM
Parent: #35

عمرو

مجاهد

ابقوته

جاييكم

اخارج بتاع الاعتزالات دا

وارجع ليكم

اششششششششششششششششش

براااااااااحه كده

ماهو الباندوث

Post: #37
Title: Re: احب الباندوينث
Author: عزيز
Date: 06-04-2007, 10:59 AM
Parent: #36

Quote: احب الباندونث

وباندوينثى غرقان من زمان بحبكم ياطارق وعصام..

مودتى كاملة والتحايا

عبدالعزيز خطاب

(معهد الموسيقى والمسرح)

Post: #38
Title: Re: احب الباندوينث
Author: محمد صباحى
Date: 06-04-2007, 11:14 AM
Parent: #36

طارق

الباندويث أو الترافيك أو تناقل البيانات
الثلاث مسميات تعنى معنى واحد
فهى تعطى معنى أوضح وتعنى كمية الداتا المتبادله بين موقع
وبين أعضاؤه وزواره

أنت من وين؟؟؟؟؟

Post: #39
Title: Re: احب الباندوينث
Author: شادية الطيب
Date: 06-04-2007, 11:16 AM
Parent: #1

طارق انت نسيت ولا شنو ؟ مش لغتنا الجميلة زماااااااااان سجنوها في سجن الواق واق بتهمة الارهاب ؟؟
هسع ست الشاي بقت تمسكل ليها من مكتبك رنة واحدة تجيب ليك شاي سادة رنتين تجيب ليك كركدي تلاتة رنات تجيب ليك قهوة وكان على ناس المطاعم ترسل إيميل أو انستانت مسج ويجيك الغدا الما خمج لحد البيت
اها رايك شنو ؟

Post: #40
Title: Re: احب الباندوينث
Author: بدرالدين شنا
Date: 06-04-2007, 11:18 AM
Parent: #1

Quote: ما هو الباندويدث??!!شرح!!

الباندويدث

عند حجز مساحة من ضمن البيانات
المتوفرة هو حجم الBandwidth
المسموح لك به.. في حقيقة الامر كلما زاد مالديك من Bandwidth كلمات زادت
قدرة موقعك على تحمل عدد زوار اكثر في نفس الوقت..هناك عدد من الشركات التي تدعيBandwidth
غير محدود و هي خدعة لجذب الزبائن و نصيحة لا تثق بشركة تدعي ذلك..!!

معرفة لحجم
Bandwidth مهم
جدا فالكثير عند حجزموقع يتجه لمعرفة المساحاة المعطاه فقط بينما العنصر الاهو هو
ما نتحدث عنه اليوم.

تقديرك لحجم ال
Bandwidthالذي تحتاجه يعتمد على طبيعة
الموقع الذي تريد انشائه..حجم كل صفحة و عدد زوارك المتوقعين. باختصار هناك معادلة
ظريفة

احسب حجم كل صفحة مع حجم
الصور في هذه الصفحة و اضربها في عدد المشاهدات المتوقع للصفحة شهريا..

مثلا لو كان لديك صفحة حجمها 4
كيلوبايت و بها صورتان حجم كل منهم 2 كيلوبايت سيكون الحجم 4+2+2 = 8 كيلوبايت. و
انت تتوقع مثلا 100,000 مشاهدة شهريا.. سيكون 800000 كيلوبايت تقريبا 0.8
جيجابايت..احسب هذا لك صفحة و اجمعة و ستحصل تقريبا على عدد الميجابايت المطلوبه
منك..تقريبا.

كيف تحمي الBandwidth
:

ابقي على حجم الصور و الصفحات
صغير قد الامكان..واستخدم صيغة jpg للصور الطبيعية و
gif للصور الصفحة و الصور المتحركة..

استخدام الستايل شيت
Stylesheet و هي طريقة فيمكنك تحديد في اول الصفحة
مثلا ان العناوين الرئيسية ستكون بهذا الحجم و اللون و بالتالي سيتم تطبيق هذه
البيانات على كل عنوان رئيسيى بدل من زيادة حجم الملف بتكرار
البيانات لكن عنوان..

كيف يمكنني حماية الباندودث الخاص
بموقعي..؟

اذا قام موقع اخر بادراج صورة من
موفعك..عن طريق وصلة مباشرة..و ليس تحميل الصورة لديه و ادراجها..سيكلفك هذا من الBandwidth
الخاص بك.. هناك عدد من البرامج الغير مجانية..مثل

[عفوا لا يمكنك مشاهدة الروابط والصور لأنك غير مسجل لدينا ..قم بالتسجيل أولا ليتسنى لك ذلك .] لديها عدد من البرامج التي من الممكن ان تحميك..

تحياتي

المصدر
http://www.me3ady.com/vb/showthread.php?t=2887

Post: #41
Title: يربى ممكن ينفع
Author: segtaweel
Date: 06-04-2007, 11:31 AM
Parent: #1

انت عاارف يا طاارق الامين انا فكرت اشيل معاى حبة بتااع من القلتو دا يوم الخميس لمن ارجع الجزيرة اهو قلت يمكن ينفعهم للملاريا او على اقل تقدير يمكن نستعملو سمااد لانو شركاات الجمااعة بقت تبيعو لاهلنا المزارعين بالشى الفلانى وعاارف مرات فكرى سرح بعييييييييييييييد وقلت ممكن برضو ينفع

اها وحاات الشخ حسن ود حسوونة انا لسة مافاهم البتاع دا شنو

Post: #42
Title: Re: احب الباندوينث
Author: أبو ساندرا
Date: 06-04-2007, 11:48 AM
Parent: #1

إنت زريف ياخ
وأنا برضو بحب إغراق الباندوث { ديو }
وبحب شيخك ال { كويتي } مامون ود شيخنا العجيمي
وبحب معلم جمرة { بكري هيمت }

مشتاقون
ليك
ولي عصام عبدالحفيظ

Post: #43
Title: Re: احب الباندوينث
Author: طارق الأمين
Date: 06-04-2007, 12:07 PM
Parent: #42

اها

حصل شنو؟؟

وجا منو بي وراي؟؟

وقال شنو؟؟

وليه يقول الكلام دا؟؟؟

قايل نفسو شنو؟؟

قصه عجيبه والله

Post: #44
Title: Re: احب الباندوينث
Author: معتز الامين
Date: 06-04-2007, 02:25 PM
Parent: #1

ياطارق

برااااااااااااك بتهبش اسى الباندوينث سألك
ولا جاجمبك
زول فى حالو مما عرفناهو
البيت الجامع الجامع البيت
لا شاغلو بت جيران
لا اشتكوهو فى نقطه
وبعدين انتا ماسمعتا بى الفنانه المتألقه دائما
( ماعارف اسما منو )

بتقول

اديك سيسى بالسيسى

من باندوينثى الرئيسى

Post: #45
Title: Re: احب الباندوينث
Author: almulaomar
Date: 06-04-2007, 04:02 PM
Parent: #1

الباندودث بالـتي إتش يعني تطلع لسانك لمن يفوت حصانك زاتو ويحاكي التكتوك لسان الطير وربما لسان الحرباء في الأنيمال بلانيت والأخيرة قناة في الدش والدش طبق دائري لاقط ، ولا هر ، ولا ماوس أها قالوا ليك في التفاسير للسير جيفري آرتشر مؤلف كتاب عندما يطير الغراب والأخيرة دي والله حقيقية والما مصدقني يفتش عن هذا الكتاب كان ما لقي المؤلف بنفس الإسم يرميني الله في بير سعد الله. ولمزيد من الإستنارة زوروا موقعنا على الإنترنت ، دبليو دبليو دبليو دوت أم قيردون دوت نت.
المهم يا رجل أنت تسأل ونحن نجيب الرياحاني زاتو فالكلمة هي من الكلمات المركبة شأنها في ذلك شأن تور الجر وكرش الفيل وأم ضبان وفضل الله وبيت المال وشيخ إدريس وست النفر وبنت المني وخير السيد لذلك والحديث للسير جيفري لابد أن يتم تشريح الكلمة تشريحاً دقيقاً فيكون الباند لوحده والودث براهو وحيث أن الباند فرقة أو شريط أو حتى موجة زي الإف إم وإم دبليو والموجه القصيرة بحسب ما جاء في إتفاقية الجات بي كلام الخواجات ، وأن الودث هو في الحقيقة يمثل المسافة من راية الكورنر للراية التانية بمحاذاة المرمي – يعني مش المسافة البجري فيها مساعد الحكم الأول أو مساعد الحكم التاني لذلك يهتف الهتفيه كلما جبنا قون أو ولج هدف في مرمنا الهتاف الشهير "بالطول بالعرض سودانا يهز الأرض" ويمكن إستبدال السودان بأحد فريقي القمة هلال مريخ في البطولات الشرق وسط أفريقية لدول سين صاد ضاد طاء ظاء. فالودث هنا العرض والتركيب بحسب الترجمة الحرفية يساوي عرض الموجه أو موجة العرض ولما كان الأمر يتعلق بالموج وتلاطمه كان لابد أن يتسبب هذا الشئ في الإغراق وهو جريمة يحاكم عليها القانون وتحاربها الأنظمة.
من الطرائف أن أحد فريقي القمة في بطولة من البطولات الإقليمية كما حدثني صديقي المغترب وهو من الرجال الثقات الحفاة ممثلنا أحرز هدفاً في دورة أبها بالسعودية كما حدثني صديقي فهلل الجمهور وقالوا بصوت واحد "بالطول بالعرض ..... يهز الأرض" ومكان النقط ربما الهلال أو المريخ لا فرق ، المهم المذيع وكان سعودياً إغتاظ أيما غيظ من هتافات المغتربين من سنة سبعين الفرحانين بالقون والقونين ، وحرقتو في حنانو فقال وعلى الهواء مباشرة الأرض لا يهزها إلا خالقها سبحانه وتعالى ، يعني الراجل أفلس وأشهر إفلاسه وعلى الهواء ونسي موضوع الكورة والهزيمة وعمل لينا خطبه يوم التلاتاء بعد صلاة العشاء بحسب كلام صاحبي المغترب.
أظنني لم أقدم أو أوخر في شأن هذا الشئ الذي يغرق في شبر مويه ولكنها محاولة مجرد محاولة ولما لم أصب كما يقول الجماعه فلي أجر المحاولة ويمكن أن تكون المحاولة بدون أجر برضو يعني ملح.
المهم أخيراً وليس آخراً حبك للباندوث خلاني أحبك تاني وبدون أى جوقه أو كمنجات

Post: #46
Title: Re: احب الباندوينث
Author: مصطفي سري
Date: 06-04-2007, 06:26 PM
Parent: #45

الباندوينث

يا

التمرجي

الباندوينث يا التمرجي اكمل ما تحته خط

Post: #47
Title: Re: احب الباندوينث
Author: AmroKamal
Date: 06-04-2007, 06:41 PM
Parent: #46

Quote:
-06-2007, 02:25 م

معتز الامين

.

تاريخ التسجيل: 04-06-2007
مجموع المشاركات: 1
Re: احب الباندوينث (Re: طارق الأمين)

ياطارق

برااااااااااااك بتهبش اسى الباندوينث سألك
ولا جاجمبك
زول فى حالو مما عرفناهو
البيت الجامع الجامع البيت
لا شاغلو بت جيران
لا اشتكوهو فى نقطه
وبعدين انتا ماسمعتا بى الفنانه المتألقه دائما
( ماعارف اسما منو )

بتقول

اديك سيسى بالسيسى

من باندوينثى الرئيسى

04-06-2007, 04:02 م

يا زول انت خشيت الليلة وكمان بتتكلم عن الباندوينث......

يا زول إستغفر

.....

Post: #48
Title: Re: احب الباندوينث
Author: طارق الأمين
Date: 06-05-2007, 08:44 AM
Parent: #47

عزيز

الملا عمر

ابوسانرا

مصطفي سري ابوصلعه

شاديه بدون صلعه

عمرو كمال

محمد صباحي

معتز الامين

صباح الخير

اخلص واجيكم

بس علي الله القي الباندونث

ماغرقان

تحياتي

Post: #49
Title: Re: احب الباندوينث
Author: شادية الطيب
Date: 06-05-2007, 09:15 AM
Parent: #1

قصدك ما تلقاه لحق السوق العربي

Post: #50
Title: Re: احب الباندوينث
Author: nile1
Date: 06-05-2007, 10:52 AM
Parent: #49

قريبي طارق الأمين العوض ودالت....
لك الحب والتحية والتقدير
Quote: لكن لسه مافشت غبينتي

طيب تعال لي جاي...أصلو ما في زول حيفش غبينتك إلا زول قريبك وداير مصلحتك أما الباقين ديل حيستعرضوا عضلاتهم المعرفية ويضحكوا عليك زي ما بتضحكهم...تعال جاي:
الباندويدث هو:

λ=v/f
الكلام دا وقعلك وفش غبينتك وللا ماوقع؟؟؟؟طيب...الباندويدث بالعربي هي ALBANDWIDTH فهمتها؟؟؟؟
وبعدين إنت مالك ومال وجع الراس والقرايي أم دق..خليك في فنك الجميل وأسعد الناس
في أغسطس الفات شربت شاي المغرب عندكم وعرفت إنك مشغول بابداعات رمضان..وبالمناسبه كلموني بحكاية المك نمر وضحكت لامن بكيت...تحياتي للأسرة

الزاكي

Post: #51
Title: Re: احب الباندوينث
Author: AmroKamal
Date: 06-05-2007, 06:41 PM
Parent: #50

الحقوا طارق

غرق
قى
الباندوينث

Post: #52
Title: Re: احب الباندوينث
Author: طارق الأمين
Date: 06-06-2007, 04:16 PM
Parent: #51

سلام يانيلي

وعمرو كمال

والمتداخلين ازي الحال

اما بعد

سعدت وافدت بالكثير من الردود

والمداخلات

وكاد ان بنجلي الامر

رغم التناقض في بعض الافادات

لكن ةالحمد لله وقع لي بعض من امره

ومرات اسرح مع القانون المجاز

قانون الجرائم الالكترونيه الجديد

واشفق كثير علي الذين يتولون امره

فالسرعه التي يمضي بها التطور التكنلوجي

في العالم اجمع

تفترض ان بكون هؤلاء غرفه عمليات

لملاحقه ما يستجد من انواع الجريمه الالكترونيه

وهذا شأن اخر اتمني ان قرأ فيه من مختصبن

وقد اسعدني انضمام امثال نبيل اديب وغيرهم

ففي الاسافير متصع من البراحات للتثاقف القانوني

حوا امور متشابهات

ولكن الاعجب عندي الان هو امر اللغه

وما ادراك ما اللغه

ساعود الان ولكن

بعد الفاصل

Post: #53
Title: Re: احب الباندوينث
Author: طارق الأمين
Date: 06-06-2007, 04:38 PM
Parent: #52

في البدء

هنا وحول اللغه

ارجو ان اتقدم بالتحيه

للاخت الكريمه الفاضله

اللغه العربيه الفصحي

والله ماقصرت معانا كلو كلو

واتقدم اليها بسؤالي المشروع

التالي

اها ثم ماذا بعد ايتها الجمبله

ماذا بعد الباندويث

العجمي فالعب به

ماذا سيصير حالك

ان لم يرفدك انصارك ومحبوك ياسباب الحياه

ومعينات العصور الجديده

ماذا بعد ان غادرت محطات الحياه

الخيل والليل والبيداء تعرفني

والرمح والسيف والقرطاس والقلم

هل من صمود عزيزتي بلا علم جديد

ونهضه جديده

وثقافه حديثه ومعاصره

ماتقولي لي مالي ومال

البندويث انا

ام هل الباندويث

كنموزج للغه ابناء المستقبل

مفعول به

ام فاعل

مضاف ام مضاف اليه

شاركوني حيرتي

يرحمكم الله

Post: #54
Title: Re: احب الباندوينث
Author: طارق الأمين
Date: 06-06-2007, 07:41 PM
Parent: #53

اسف كنت جادي شويه

اها قتو شنو

Post: #55
Title: Re: احب الباندوينث
Author: AmroKamal
Date: 06-07-2007, 07:18 PM
Parent: #54

طارق قبل ما نخش فى التكنولوجيا

وتالاسافير

والثغرات القانونية............

خلونا نفرز الكيمان فى الاول .........

العندو باندوينث يرفع إيييييييييييييييييييييييييييييييييييييدو ؟؟؟؟؟؟؟

Post: #56
Title: Re: احب الباندوينث
Author: طارق الأمين
Date: 06-07-2007, 07:29 PM
Parent: #55

همهمهمهمهمهم

13 14 15 16

اها الورا ديل رافعين يدهم

ولي لابدين وممتنعين

Post: #57
Title: Re: احب الباندوينث
Author: طلال عفيفي
Date: 06-07-2007, 07:35 PM
Parent: #56

أها يا طارق ..

الليله باندويثكم كيف ؟

باندويثك لو تبيع قميصك !

Post: #58
Title: Re: احب الباندوينث
Author: AmroKamal
Date: 06-07-2007, 07:36 PM
Parent: #56

Post: #59
Title: Re: احب الباندوينث
Author: AmroKamal
Date: 06-07-2007, 07:37 PM
Parent: #56

انت الوراء ديييييييييييييييييييييك ما ياها طاقية عصام؟؟؟؟؟؟

شنو يعنى ماداير يرفع يده عديل عشان......
(البتاع)؟؟

Post: #60
Title: Re: احب الباندوينث
Author: عصام عبد الحفيظ
Date: 06-07-2007, 07:43 PM
Parent: #56

يا طارق عرفت لى الحاصل هسى
فى البتاع القلتو شنو

وشايف ناس تحت بتجدع
اعمل حسابك على الزنك

Post: #61
Title: Re: احب الباندوينث
Author: AmroKamal
Date: 06-07-2007, 07:48 PM
Parent: #60

Quote: انت الوراء ديييييييييييييييييييييك ما ياها طاقية عصام؟؟؟؟؟؟

شنو يعنى ماداير يرفع يده عديل عشان......
(البتاع)؟؟

Post: #62
Title: Re: احب الباندوينث
Author: طارق الأمين
Date: 06-07-2007, 08:14 PM
Parent: #60

طلال

تمام

اضرب لينا بس

عندنا طعميه

وشيشه

واي ار تي الرياضيه

وشوو تايم

واخر افلام السينما الامريكيه

جايبا بكري من امريكا

اها

لقيتنا كيف

تعال

وشعر

وجبته

وشريط جديد لتج

لي نانسي عجاج

اها

خميسنا كيف؟

Post: #63
Title: Re: احب الباندوينث
Author: AmroKamal
Date: 06-07-2007, 08:32 PM
Parent: #62

انا أول واحد حيرفع يده

وقررت عشان ما تقول قاعد اجدع من الخور........ أن أغرق الباندوينث

علىَّّ ًًَّوعلى اعدائى

Post: #64
Title: Re: احب الباندوينث
Author: شادية الطيب
Date: 06-10-2007, 08:06 AM
Parent: #1

تلميعة