وينو حبيب قساى؟؟؟

وينو حبيب قساى؟؟؟


14-07-2003, 11:39 PM


  » http://sudaneseonline.com/cgi-bin/sdb/2bb.cgi?seq=msg&board=365&msg=1192716002&rn=0


Post: #1
Title: وينو حبيب قساى؟؟؟
Author: anwar abu gaidaa
Date: 14-07-2003, 11:39 PM

البورداب جميعا
من اول عضو الى اخر الركب
افتقد بكل الحميميه
صديقى وصاحبكم

بدر الدين شنا ليه كم يوم
ما طل
مالو ياربى بكون عيان ؟ بعد الشر
ياربى الحلاوى ده شاكل الخواجه وخلا المزرعه؟؟
اكون قطع رزق ناس غاده واواب؟؟
والله ياربى نقلوهو من الخلا
لى المدينه؟؟
وبكون قاعد اتفرج وسهى ونسى انو ده القرن ال 21؟؟
ونسى انو نحن منتظرنو هنا على الهواء مباشرة؟؟
اها العندو خبر معلومه
وخسوسا ناس قبيلته تماضر حمزه سمندلاوى استاذ يوسف
عشه بت فاطنه
واولاد كارو
هوبلس والرحمبابى
والملا عمر
واهل العوض وجميع ابناء الحلاوين
بمنطقة الخليجكما اهدى اغنية اجو عايدين الى الاهل بريفى المحيريبا؟؟؟؟؟؟
انور عبد الرحمن

Post: #2
Title: Re: وينو حبيب قساى؟؟؟
Author: anwar abu gaidaa
Date: 15-07-2003, 08:22 AM
Parent: #1

يا جماعه مافى خبر؟؟؟؟
ما تقول لى رسل ليه ايميل رسلته؟؟
انور

Post: #3
Title: Re: وينو حبيب قساى؟؟؟
Author: HOPELESS
Date: 15-07-2003, 08:26 AM
Parent: #2


الجميل وشفيف
أنور ودبتول
سلام واحترام

تسلم سا غالي علي السؤال عن زولاً عزيز علينا بالحيل
وطبعا حسب معلوماتي
بدرالدين حلا
يعاني معاناة شديده
من دخول البورد
بسبب تأخر التصفح

وهو ساعي لحل المشكله وربنا يعينو

وليك اجمل موده
يا ابوغيداء

Post: #4
Title: Re: وينو حبيب قساى؟؟؟
Author: Tumadir
Date: 15-07-2003, 08:33 AM
Parent: #2

حبيبى غاب
فى موضع الشناه بلاقيه


جنب الحفير بلاقيه
وشجر العوير بلاقيه


وكت الطعام بلاقيه
حواليوعضام بلاقيه

وسط الكيزان بلاقيه
شايل الميزان بلاقيه

"يعنى ميزان العداله ولا كدة"

فى سودانير بلاقيه
ريحتو طير ..طير بلاقيه

بيتهم قزاز بلاقيه
وناس الانقاذ بلاقيه

بدورى غاب
فى موضع الشناة بلاقيه


بجى بجى ما تخاف يا انور

وان شا الله خير

Post: #5
Title: Re: وينو حبيب قساى؟؟؟
Author: HOPELESS
Date: 15-07-2003, 08:35 AM
Parent: #4


هسع يجيكم ناطي
بعد اغنية طماطم دي
حضروا الدلوكه

Post: #6
Title: Re: وينو حبيب قساى؟؟؟
Author: الجندرية
Date: 15-07-2003, 09:42 AM
Parent: #1

لووووووووووووول على غنوة يا تماضر
عاد بعد لو ماجاء يكون بالغ
بدر الدين الحنين معقول ترضى شحتفة الناس دي كلها

Post: #7
Title: Re: وينو حبيب قساى؟؟؟
Author: Tumadir
Date: 15-07-2003, 01:09 PM
Parent: #6

لسه التمساح العشارى دة ما قلع

يا جندرية؟؟؟ بعد غناى دة؟؟

وجعتك قولة شناة؟؟؟


نقلبها ليك جمال؟؟

الكلام دة بيتأتى؟؟؟
انت بينك وبين نفسك شايفو بيتأتى؟؟

يتأتى دى بعا من اتى

الاتى بتاع المرارة

Post: #8
Title: Re: وينو حبيب قساى؟؟؟
Author: AlRa7mabi
Date: 15-07-2003, 02:56 PM
Parent: #1

أنور ود شكيرة الغناي

نعلك طيب

أسك ساكت والله زولك مزنوق زنقة كلب في طاحونة


تماضر

والله انا قايل بعد جبتي كلام الكيزان والميزان والفجيخ دا
الزول دا هدي شوفتك ليهو

( سنة .. انتى كنتي في لندن ولا الشيشان )

ونشكر كل من سأل عن قريبنا

وتسلموا

الرحمابي

Post: #9
Title: Re: وينو حبيب قساى؟؟؟
Author: anwar abu gaidaa
Date: 15-07-2003, 06:41 PM
Parent: #8

الاحباب هوبلس
تماضر الجندريه
الرحمابى وشكورين طب؟
وكتر خيركمعلا ما جبتو لى اكيده؟؟
يعنى شنو صعوبات فى دخول النت؟؟هو الكمبيوتر بتاعو عاضى شمبر؟؟
لكن يا مناطر وهذا نطق حبوبتى لى اختى تماضر؟ظ
تتمك مبالغه
وين وين ده حبيب قساى
فات خلانى لالمى واساى
والله متشكر ليكم شكر شديد وان شاء الله بعد ده بدر الدين اقلع؟؟
غايتو اخر خبر قالو لى كان اون لاين
لكن كان وخرى من متاخر ؟؟
وافتكر البدرى لو بقراء البوست ده بالسر
حقو اطلع لينا ويورينا المزعلو شنو؟
لانه غنية تماضر دى حاره ما تحمل التاخير ؟
ويا هوبلس الدلوكه عليك؟؟
وما تخاف يا بيبو من كلام الرحمابى؟؟
ليكم وود شديد
انور ود بتول

Post: #10
Title: Re: وينو حبيب قساى؟؟؟
Author: بدرالدين شنا
Date: 15-07-2003, 07:51 PM
Parent: #1

بسم الله الرحمن الرحيم

حبان قساي إنتو والله
ودبتول الغناي
وجمال اللوم لس
وتماضر بت الشيخ
والجندرية المدرسة
والرحمابي ود أختي


Quote: الكلام دة بيتأتى؟؟؟
انت بينك وبين نفسك شايفو بيتأتى؟؟

شايفو بيتأتى ويتعشى .. من تأتى تمدى .. يتأتى من البرد

والله يا شباب أنا سعدت سعادة بالغة سن الرشد بسؤالكم عني والذي خفف علي كتير فأنا أعيش حصار أقوى من حصار الجندرية في المتواجدون في المنبر (متابع) مش؟؟؟
والقصة كالآتي
اليكم المعطيات أولاً
أنا ساكن في صحراء والسيرفر عندي أضعف من عشة حسين يا تماضر
ثانياً الجهاز بتاع الشركة والمكتب جبدة من السكن وفي حيوانات مفترسة زي الذئب وما شابه
المدير خواجة عجوز وكلامو كتير
طيب بعد هذه المعطيات أقول ليكم
زمان قبل سنة إلتحقت بهذا البيت العامر وكنت أعاني من ضعف السيرفر يعني إذا السرعة عندكم إنتو 40 أو 50 أنا عندي 2.4 يعني حاجة تسل الروح
أها ربنا أنعم على في مطلع هذه السنة بي بخط سيرفر من شركة تنمية نفط عمان وسرعته 28 وبقيت أشفط فيهو العندو بكا أعزيهو والبعرس أبارك ليهو والبتكلم في السياسة أزوغ منو والبهترش أشقلب ليهو الكلام وفي أمان الله أها خلي بالك الجماعة بي طريقة أو بأخرى لاحظوا في الشبكة الموقع دا كتر قاموا حظروهو بالنهار عشان أنا أشتغل مش أتحاوم في الشبكة يعني بقى ما بقدر أفتح موقع البورد إلا بالليل أو الدغش ودي صعبة جداً قياساً بالمعطيات السابقة ولكنني قاعد أحاول شوية شوية اقرأ ولو في حاجة حرقتني أو حركت فيني شئ برد عليها أما قصة أنزل بوست دي صعوبتها تكمن في أنك إذا ما بتزور الناس في بوستاتهم ما بجوك وكمان فيها نوع من الأنانية يعني إنت ما بترد وعايز الناس يردوا عليك
وعليه فأنا أشكر كل من سأل عني وسأتواصل معاكم بالمسنجر وبعض المشاركات الضعيفة والمحدودة
لكم الود كله بي ماعونه

Post: #11
Title: Re: وينو حبيب قساى؟؟؟
Author: Tumadir
Date: 15-07-2003, 08:29 PM
Parent: #10

يعنى نقول السيرفر بتاعك من قبيلة السلحفاة عشان كدة اختفيت؟؟؟


ما مشكلة


المهم انت هنا

لازم نعزمكك تتأتى معانا

Post: #12
Title: Re: وينو حبيب قساى؟؟؟
Author: Tabaldina
Date: 15-07-2003, 08:45 PM
Parent: #1

..
.
حمدالله على السلامة يا شنا
بس اوعاك تتأتى
لانك لو تأتيت بفجخوك


شكرا يا تماضر
على الحلمنتيشية


تحياتى

Post: #13
Title: Re: وينو حبيب قساى؟؟؟
Author: بدرالدين شنا
Date: 16-07-2003, 07:04 AM
Parent: #1

بسم الله الرحمن الرحيم

الكريمة تماضر
سلام وإحترام
والله تصدقي يا تماضر عشان افتح البوست دا وأقرا الجديد من المداخلات المسألة أخدت مني 25 دقيقة رايك دي سلحفاة ولا سل عراه؟؟؟
شكراً على عزومة (الأتا) أنا الحمد لله إتأتيت وشربت الشاي

الغالي تبلدينا
سلام بقامة التبلدي وعشقنا له

يفجخوني؟؟؟
ما بتأتى منهم بالحيطة عشان ما يشوفوني
شكري وتقديري ليك يا ثمين

Post: #14
Title: Re: وينو حبيب قساى؟؟؟
Author: bayan
Date: 16-07-2003, 07:11 AM
Parent: #13

سلام يا بدرى
نديك شمار عشة حسين بقت
ما ضعيفة
عشان كدا شوف ليك مثل تانى
اشواقنا ليك

Post: #15
Title: Re: وينو حبيب قساى؟؟؟
Author: HAMZA SULIMAN
Date: 16-07-2003, 10:37 AM
Parent: #14

حبيب القسا
بدر الدين
والقسا زاتو
انور
وحبيبو
هاك القسا ده

حقوا تراعوا فارق السن لى بدر الين
والسيرفر خلى يجن ما هو اصلو الكمبيوتر بتاعوا
من الباباى
لوووووووول

Post: #16
Title: Re: وينو حبيب قساى؟؟؟
Author: anwar abu gaidaa
Date: 16-07-2003, 03:04 PM
Parent: #15

والله يا حمزه اكان عارف جنس القسى ده بجيبك؟؟
اكان ردحت ليك جنس ردحى؟؟
واكلم ليك تماضر تنجر ليك واحده من ابو كديس؟؟
على كل شكرا ليك على الطله؟ظ
ويوم السبت الجاى 26 انا فاطر باذن واحد احد عندكم اها شن قولك؟؟
وبدر الدين ده خليهو فى قساهو؟ظ
وتبريراته الزى تبرير الكوره؟؟
او تبرير المياه؟؟
من تبر هندى؟؟؟
ليك السحلب وريحة المحلب؟؟
انور

Post: #17
Title: Re: وينو حبيب قساى؟؟؟
Author: HAMZA SULIMAN
Date: 16-07-2003, 03:34 PM
Parent: #16

يا الحبيب انور
مراااااااااااااااحب
فطور وغدا وعشا وغنا
والله مشتاقين يا الحبيب
وحقيقى فرحتنى يا رائع
يا حلو
يا حبيب القسا