الحكم بالجلد على مطربة بتهمة ارتداء زي فاضح

الخرطوم: مي علي آدم
أدانت محكمة بلدية النصر بالخرطوم جنوب برئاسة مولانا القاضي زهير بابكر عبد الرازق مطربة بتهمة إرتداء زي فاضح وأصدرت في مواجهتها حكماً بالجلد «20» جلدة وأسقطت عنها تُهمة الأعمال الفاضحة. وكانت الفنانة قد تم القبض عليها بواسطة الشرطة بحي الفتح بالخرطوم جنوب في ساعة متأخرة من الليل داخل عربة بصحبة فرقتها الغنائية وفتحت في مواجهتها بلاغاً تحت مواد جنائية متعلقة بالزي الفاضح والأعمال الفاضحة

نقلا عن صحيفة اخر لحظة

الأخ هجو تحياتي
ونادو أربعة من سادسة شدوها ولا كيف؟

Quote: بحي الفتح

أول مرة أسمع بالحي ده

Quote: حكماً بالجلد «20» جلدة وأسقطت عنها تُهمة الأعمال الفاضحة

هل كانت تدخن شيششة؟

هى يا كافى البلا جوه العربيه ناس الشرطه لا حقنها

هل استصدرت الشرطه امر بالتفتيش على هذه العربه ؟ لانه حسب معرفتى ان المنزل والعربه لهما حرمه خاصه اعطاها القانون لمن يكون فيها ولذلك لا يجوز تفتيش شخص داخل المنزل او العربه الا بأذن خاص من النيابه ولا زم امر التفتيش يصدر بعد تحريات جديه ومعنى تحريات جديه لا بد ان تكون هناك امارات تقنع وكيل النيابه مبدئيا ان هناك جريمه ارتكبت .
ثانيا كما جاء فى الخبر ان القبض تم بعد منتصف الليل اى انتفاء الفعل الفاضح اذ انه من شروط الفعل الفاضح العلانيه والعلانيه تعنى مثلا فى شارع عام واما جمع من الناس
ثم ما هى مقاييس الزى الفاضح الذى تستطيع المحكمه ان تلجأ اليه لتحدد هذا زى فاضح وذلك غير ذلك ومن الذى يحدد مواصفات الزى ، لقانون لم يحدد ولم يعرف ، هل الامر متروك لمزاج الشرطى ووكيل النيابه والقاضى ، وهل يمكن مثلا القاضى فى بور والقاضى فى الخرطوم والقاضى فى بورتسودان والقاضى فى نيالا ان يتفقا على تعريف الزى الفاضح لانه من شروط القانون المساواة والملاءمه ، ام ان الامر متروك للمزاج .

عجبى

أها وباقي العربات





المظللات




بتاعة








الكبارات









الفي السهلات











يعني مجموعهم كم جلداات









وبث

يعني رجعنا للمربع الأول تاني ، التعدي على حرمات الناس وجلد النساء دون وازع من ضمير أو أخلاق

فاشست

ودوها للقاضي ليه طالما البوليس بيعمل كل شي وعندو صلاحيات حسب المزاج..
الناس لو ما وقفت وقفة واحدة لإنتهاكات الشرطة المتكررة دي، ما حتقوم ليكم قائمة..
وين الدستور المجاز بعد نيفاشا؟؟؟
وكيف حيكون تطبيقو طالما الشرطة تجهل الدستور؟
كيف حيعرف الإنسان البسيط أبسط حقوقه الدستورية؟
______
والشعب زاتو يستاهل طالما رضيان بالبحصل ليهو ده ..

هسي القاضي ده بقول لناس بيتم شغال شنو?

الاخوة الكرام ، كلامكم كلو وجيه ومنطقى ،انا نقلت الخبر للعلم ولا املك اجابات لكم.

عارف يا هجو

و بعد التحية

الموضوع دة وراهو مؤامرة فمن أخبر الشرطة عن لبس الفنانة التى كانت داخل العربة.

ودى صورة بشعة لإستغلال قانون تسلطى مواده مطاطة تحتمل التأويل و يمكن تفسير موادها حسب هوى الشخص.

هذه قوانيين محطة للكرامة الإنسانية.

الشرطة التى تنفذ هذه القوانيين فاسدة تماما

الضحية دائما المرأة وخاصة الفتيات

Quote: الحكم بالجلد على مطربة بتهمة ارتداء زي فاضح

وما أحقرها دولة تلك تعامل مواطنها كما يعامل البعير!
جلد بالسوط فى أى قرن نحن!
أد
أدنى حقوق الحيوان فى العالم المتحضر هى عدم جلده وملاحقة من يجلده حتى يعلن افلاسه!
جنى

Quote: جلد بالسوط فى أى قرن نحن! أد أدنى حقوق الحيوان فى العالم المتحضر هى عدم جلده وملاحقة من يجلده حتى يعلن افلاسه! جنى

جني،،
كذا أسميت نفسك تهكماً ولكن على مايبدو قد غلب الإسم على المسمى،،

تحدث ياجني عن سوء تطبيق القانون ،،
تحدث عن المحاباة في تطبيق القانون،،
تحدث عن الظلم في تطبيق القانون،،
تحدث عن الترصد من قبل الشرطة لفئات دون فئات،،
نقف معك،،

أما وأن تنتقد عقوبةً أنزلها المولى عز وجل، فأنت فعلاً كما أسميت نفسك،
ثم أين هو هذا العالم المتحضر الذي تتحدث عنه؟؟
قل لي بربك مامعنى الحضارة التي فقلتنا بيها ؟؟

هل الحضارة تعني تعدي الحدود والتطاول على الذات الإلهية بهذا الشكل؟؟
أفيدونا : هل المعارضة لنظام الحكم تعني الكفر بالله ؟؟

أتمنى أن تكون فعلا غير مؤاخذ على ما تقول وأن يرفع عنك القلم
إلى أن تعود تنعم بالعقل من جديد يامن أسميت نفسك فاقده،،

Quote: أما وأن تنتقد عقوبةً أنزلها المولى عز وجل، فأنت فعلاً كما أسميت نفسك، ثم أين هو هذا العالم المتحضر الذي تتحدث عنه؟؟ قل لي بربك مامعنى الحضارة التي فقلتنا بيها ؟؟

العضو عبد اللطيف

نعم القران فيهو عقوبة جلد
و فيهو قطع من خلاف
و اعدام
كل هذه العقوبات ممتازة جدا في زمن نزول القران و خاصة اذا تمت مقارنتها مع عقوبات كانت سارية في ذلك الزمن عند اهل الحضارات الاخري غير حضارة جزيرة العرب التي ظهر فيها الاسلام كنا ربما نجدها منطقية
لكنها الان مرفوضة تماما جملة و تفصيلا و لا يمكن لاي انسان يقنعنا بانها عقوبات متمدنة متمدنة او منتمية الي حضارة الانسانية الان
هي عقوبات مهينةو طريقة تنفيذها مذلة

كما تنازل الفقه الاسلامي عن احكام الجزية الان مع وجود مفهوم الدولة المدنية متعددة الاعراق و الديانات التي يتمتع مواطنوها بالمساواة امام القانون كما تنازل الفقه الاسلامي عن الجزية عليه ان يتنازل عن هذه العقوبات المحطة لقدر الانسان ... الناس تركوا العقوبات البدنية في المدارس عليهم تركها في موسسات انفاذ القوانيين
تنازل الفقه الاسلامي عن احكام الرق لان الرق اصبح غير موجود و لا يستطيع اكبر و اسوأ كوز او سلفي ان يسترق احدا ستقع عليها السماوات و تنهد عليه الجبال اذا فعل ذلك و سيساق الي محاكم الجزاء الدولية اذا استدعي الامر
يجب علي الفقه الاسلامي ان يتنازل عن هذه العقوبات المهينة و ألا يدافع عنها

ثم ثانيا الاستاذة المغنية نعلن تضماننا معها جملة تفصيلا و سوف لا ندخر جهدا في مناصرتها ضد من نفذوا عليها هذه العقوبة المهينة و المحطة للقدر
و عليك ان تعلم ان امورا مثل تغطية الجسد او كشفه
شرب الخمر او معاقرة المخدرات
و الممارسات الجنسية البعيدة عن شهبة الاكراه كيفما اتفق الطرفان
كلها امور لا تقع في مقام الجرائم هي ممارسات شخصية تقع في محيط حرية الفرد الشخصية المصانة بالمواثيق الدولية
علي المشرعيين في الدول الاسلامية فهم ذلك و تدبير فقههم علي ما يتفق مع حقوق الانسان

و هذا للعلم ايها العضو المحترم عبد اللطيف بكري احمد


من
طه جعفر الخليفة طه

والساقية لسة مدورة..

وعمي الزين محكَّر في قطار الهم.. [يا ود الزين: والله إنت زول ظريف.. مواد وقانون!!! يا رااااجل!]

الشعب الخائف من انفلات القطر: يا عمر وقف القطر دا!!
عمر: شوفتو ليكم قطر بفرملو من القاطرة.. الفرملة عند حسن في عربية الفرملة ورا..

حسن: والله ما أفرملها إلا تقولوا الروووب..

الشعب المسكين: الرووووووووووب..
ــــ
مجلس الأمن والأمم المتحدة: لا بد من ترشيد الشرطة والقضاء في السودان..

Quote: يعني رجعنا للمربع الأول تاني ، التعدي على حرمات الناس وجلد النساء دون وازع من ضمير أو أخلاق

تعرف لما يكون مافي قانون بيحصل الكثير.. انا متأكدة بس تكون ما عندها قروش لرشوتهم..

ياخي لازم تتعمل حاجة الان في قصة جلد النساء دي..
دا حرام عديل كدا... بالله لازم تترفع مذكرة للقضائية الان قبل بكرة..
اتمنى زول يعمل بيتشن ويوم 8 مارس تسلم للسلطات..
بعداك الان عرفت انه اوقفت ما تسمى شرطة النظام العام
فعلى اي قانون قامت هذه المحاكمة؟
يا يكون في قانون سستمتك الناس تعرفوا وتتقيد بيه ولا مافي.

...
معركتكم يا شباب صارت مع الشرطة..
اعمال فاضحة شنو؟
يا جماعة الخير هل هناك افضح من سرقة المال العام والمحسوبية والرشوة
والمخادنة ؟
الله في..

قال (ص) (وإنما إذا سرق فيهم الشريف تركوه

وإذا سرق فيهم الضعيف أقاموا عليه الحد) أو كما قال ...

الأخ عبد اللطيف بكري
كتبت :

Quote: أما وأن تنتقد عقوبةً أنزلها المولى عز وجل،

ماهي السورة أو الآية التي نزلت بخصوص عقوية إرتداء اللبس القصير أو الفاضح ؟؟؟

خليكم من المطربة اللي قبض عليها بواسطة الشرطة ...وحوكمت من قبل مولانا
شوف عيني في الخرطوم وبالتحديد في السوق العربي في واحد العينو منو ماعارفة بس هو (القاضي والشاهد والمحامي )في الوقت نفسه .عمرو تقريبا في الخمسينيات .....عامل دورية في السوق العربي واحيانا جنب جامعة الخرطوم شايل ليهوخرطوش طولو على الاقل مترين عشان لو واحدة جرت يلحقها بيهو ونازل في بنات الناس جلد بس عينو ماتقع ليها في واحدة وياويلها لو ماعحبو لبسها تاخد ليها منو علقة نضيفة ولا ارجل راجل او اتخن تخين يقدر يقولو ليهو تلت التلاتة كم........... والامثلة كثر

وآآآآآآآآآآه يابلد

عبد اللطيف بكرى
وستتجاوز الحضارة الانسانية عقوبة الرجم والقطع من خلاف وقطع اليد وحتى عقوبة الاعدام بس صبرك شوية لحظة واحدة واى دولة ستتطبق هذه العقوبات سيكون مصيرها الكرنتينة يعنى الحجر!
زمان كان بجلدونا زى الحمير هسع خلى ارجل راجل يجلد ولدى عشان اوريهو نجوم الظهر!
جنى

انت رأيك شنو في الموضوع ؟
وبالله ورينا رايك في الموضوع دا كمان
كتائب أبو قتاده...تهدر دمائنا

Quote: خليكم من المطربة اللي قبض عليها بواسطة الشرطة ...وحوكمت من قبل مولانا شوف عيني في الخرطوم وبالتحديد في السوق العربي في واحد العينو منو ماعارفة بس هو (القاضي والشاهد والمحامي )في الوقت نفسه . تقريبا في الخمسينيات .....عامل دورية في السوق العربي واحيانا جنب جامعة الخرطوم شايل ليهوخرطوش طولو على الاقل مترين عشان لو واحدة جرت يلحقها بيهو ونازل في بنات الناس جلد بس عينو ماتقع ليها في واحدة وياويلها لو ماعحبو لبسها تاخد ليها منو علقة نضيفة ولا ارجل راجل او اتخن تخين يقدر يقولو ليهو تلت التلاتة كم........... والامثلة كثر وآآآآآآآآآآه يابلد

شوفتي الزول دا بس عايز ليه زول يديه عكاز يجيب خبرو..
انا كتبت مرة عنه في بوست شامة..
وهو قيل انه مجنون..مجنون يلموه اهلو
تعرفي انا بلوم الناس البناتهم ادقو وسابوه كدا..
وصاحبتي ضرب بتها في راسها عشان في سببيات ظاهرات من شعرها
والله مرقو انها كانت في عمان والا كان اسع اتقتل..
فقط حولت بنتها للدراسة خارج السودان..

Quote: يقال انه في حاجة اسمها الشرطة الشعبية يمارس هذه الممارسات على مرمى حجر من ناس بسط الامن الشامل... تم التبليغ عنه مرات و مرات ومرات بس ما لقى ليه زول راضع لبا امه يقتله الى الان.. وهو الى الان هناك.

Quote: بيان هذا الرجل زول ساهي سلوكو عريانة لا شغال في شرطة رسمية ولا شعبية تم القبض عليه مرار حسب علمي ومعاقبته والآن حسب علمي تم سجنه لتكراره التعدي على البنات (طبعا في ناس في السوق العربي مبسوطين منو .. ما يشوفو ليهم بت مشنطة ومجنصصة من النوع اياهو والا يقولو ليهو عووك وهو ما بقصر ... سوطو زي الورد) خايف يعد شوية يقولو ده برضو جابتو الانقاذ وبتديهو ماهية

يعني الناس ديل كان شافو ناس

روبي

اليسا

هيفاء

حسناء

ممكن اقيموا عليهم حد الرجم

والله انتى زولة عسل

عارفة في ناس بيتفاخروا بيهو وشايفين انو البيعمل فيهو ده الصاح وبيقولوا انو مرة اتقبض عليهو وانو لما اتكلم مع القاضي قدر يقنع القاضي (بعدالة قضيته ) والقاضي اداهو تصريح يجلد اي بت مالابسة كويس........

((القاضي منو ولا وين مامعروف ... حاجة كده زي الحجوه ))

وكأننا حللنا جميع قضايانا ومشاكلنا واصبح شغلنا الشاغل نلبس بناتنا كيف...!

Quote: القاضي منو ولا وين مامعروف ... حاجة كده زي الحجوه ))

يازول التمكين دا جاب ليه قضاة غريبين شديد..
في قصص مرات بتخلعني وما بصدقها..

قالو في قاضي قدام الناس كلها( محاميه) انتزع اعتراف بتهديد ووعيد من زول..
وطوالي حكم عليه بالجلد عشان عنده مشوار..

المحامي سكت اسع دابي عرفت ليه
لانهم مساكين خايفين على رويحتهم..
عشان كدا السودان نصلحو من وين ونبدا من وين دي مشكلة عويصة شديد..

ياجماعة الناس ديل عينهم في الفيل لكن بيحبوا يطعنوا في ضلوا...

عينكم للسرقة والفساد تتمحركوا بالنظر في لبس النسوان وبعدين ياخي المقاسات شنو للبس المافاضح....

الأخ هجو أسه الكلام وأنت راكب عربيتك يجيك بتاع شرطة ويقول ليك أنزل نشوف لبسك

بعده يعملوا في كل شارع طابور صباح للعربات بغرض تفتيش اللبس الغير فاضح..

خالص الود...

Quote: زمان كان بجلدونا زى الحمير هسع خلى ارجل راجل يجلد ولدى عشان اوريهو نجوم الظهر!

قبل اربعة سنين كنت فى السودان لظروف خارجة عن ارادتى لقيتليك الواحد كان عفصوهوا ساكت يسب الدين هسة ياربى بعملوا شنو!
جنى

سبق ان تابعنا هذه المهازل منذ وقت مبكر
ولكن يبدو ان السلطة سادره فى غيها
شوفوا الرابظ التحت دا
الجبهة ومشنقة الابداع... رصد وتحليل لبعض الإنتهاكات التي تقوم بها حكومة

manubia

والله موش لو أستاذ لو يبقى صحابى جليل الا تمرقوا رجليهوا!
زمان ابواتنا المساكين يقولوا ليهم ليكم اللحم ولينا العظم!
وديل ما يصدقوا!
وهاك يا كسر تقول الواحد فى اصلاحية موش مدرسة والله انا اولادى ما برضى امهم الوالداهم تدقهم خليك من زول تانى!
والله الخواجات ديل لو شافوا استاذ بجلد فى طالب يقولوا دى الكاميرا الخفية مستحيل يصدقوا!
جنى

جني قال كان دقوا أولاده بيوريهم النجوم في عز الظهر



أنا بقوليكم بنيتي هسي بهناك والزول ده كان هبشها

لا بشوف نجوم ولا بشوف ظهر بالله شوف الرمم ديل




لكن والله أي واحد يشوف الكلام ده يحصل في وسط السوق ويسكت

هو زاته داير ليهو كفين لأنه ده الجبن بعينه .




حسبي الله ونعم الوكيل






صلاح واسبه

Quote: كل هذه العقوبات ممتازة جدا في زمن نزول القران و خاصة اذا تمت مقارنتها مع عقوبات كانت سارية في ذلك الزمن عند اهل الحضارات الاخري غير حضارة جزيرة العرب التي ظهر فيها الاسلام كنا ربما نجدها منطقية، لكنها الان مرفوضة تماما جملة و تفصيلا و لا يمكن لاي انسان يقنعنا بانها عقوبات متمدنة متمدنة او منتمية الي حضارة الانسانية الان هي عقوبات مهينةو طريقة تنفيذها مذلة

الأخ العزيز طهإلهام ،،
لك التحية ،،
هذا الحوار يجب يقودنا إلى معرفة وإستفادة وإلا كان جدلا يضيع
وقتي ووقتك ووقت القاريء العزيز،،
فقلد ثبت أن عقوبة الجلد هي أكثر العقوبات فعالية بحيث أنها
تطبق على الكل وتحظى بنفس التأثير ، أما عقوبات أخرى كالسجن
مثلاً فهي تؤثر على
أشخاص آخرين غير السجين كأسرته،، وعقوبة الغرامة : لا تحد من تهور الأغنياء
وتكرارهم فعل الجرم مرات عديدة،،
أما عقوبة الجلد فهي عقوبة بدنية لمرتكب الجرم فقط وهي فعلا مهينة كأي عقوبة أخرى
كالسجن والغرامة وغيرها إذ لا توجد عقوبة تعز الإنسان ،،
عقوبة الجلد نص عليها القرآن والاحاديث النبوية فليس لي أن أجتهد في نص ،،

الخطأ في تطبيق قانون ما أخي العزيز لا يعني خطأ القانون نفسه،،
فإن أخطأت الجهات التي تنفذ هذه العقوبات في ترصد الناس لا يعني
هذا أن القرآن يجب أن يعدل ،، وأن الأحكام الشرعية تراجع كل حين ليأتينا
أحد أفذاذ التقنية يوما ما ويصلي رقميا بالفيدو (just one click)،
أو أن يحج بالأقمار الصناعية،،

أخي العزيز ،،
العقوبة مهينة أتفق معك :التطبيق سيء لأنه إنتقائي أتفق معك،،
أما أن يكون العقوبة قد عفا عليه الزمن فهذا أنا منه بريء،،
ولماذا دائماً نتعاطف مع المخالفين أكثر من تعاطفنا مع شرعنا
وقيمنا ،،(مصر تمنع إحدى الفنانات من الغناء بحجة إفساد المجتمع
بأدائها المتفسخ وإشاعة ثقافة الجنس والعري)الكثيرون ينتقدون
الشارع السوداني للظواهر الجديدة الدخيلة من حيث مظهر الطالبات
والإثارة الجنسية المتعمدة والتي أفرزت الكثير من الظواهر المصاحبة
إضافة لأمراض التمدن والحضارة الغربيةالإيدز وما شاكلها،،
==

الاستاذ عبد اللطيف بكري

انا لا اتكلم عن ذل العقوبة عموما
من يسجن يسجن لجريمة ينتهك فيها حقوق الاخرين او يعتدي فيها علي ممتلكاتهم

ما يعتبره الاسلام جريمة تستحق العقوبة يقع عندنا في مقام الحريات الشخصية
و اؤوكد ان ان للمرء حرية في ان يلبس ما يريد من ثياب
و ان للمرء الحق في يمارس العلاقات الجنسية مع من يريد بشرط انتفاء شبهتي الاكراه و الاستغلال
و ان للمرء حرية ان يشرب ما يريد من مشروبات روحية او عصاير او غيره
و ان للمرء حرية

المغنية المعنية تم جلدها بسبب ملابسها و تم انزال عقوبة متخلفة عليها و نحن نرفض هذه العقوبة و خلفياتها الدينية لانها تنفذ في غير زمانها
اعني ان زمان انزال العقوبات الجسدية علي البشر قد ولي و انتهي
و انا قد طرحت امورا اهم
مثل فقدان مفهوم ( الجزية) لعلاقته بالدولة المدنية
و تنافي فكرة حد الردة مع مفهوم حرية المعتقد
و انتهاء صلاحية احكام الرق
و الخ اخره من افهام السلفيين الفاسدة للدين و الحياة

هذه هي الامور التي اريد ان اتناقش حولها

طه جعفر الخليفة

بمطالعتى للبوست قرأت كثيرا من التعليقات والردود ورأيت انها تثير الشكوك حول صحة ما تم من اجراء...
لكن لا هذا يعنى صحة النص القانونى وقدسيته(ولنا حوله ملحوظات كثيرة)، فالقانون الجنائى 1991 الحالى قصد منه وضع نصوصا تتوافق مع التوجه السياسى للدولة فيما يعرف بالمشروع الحضارى ولزم على هيئة تشريها أن تأتى بما يذهب وغرضها من ذلك فأتى هذا القانون المشوه والذى يرى البعض أنه من السؤ بما يقلل غلظة وفجاجة وسؤ قوانين سبتمبر 1983.
واذا ذهبنا لنص القانون الحالى نجده قد أعتبر كل مايخدش الحياء والذوق العام فعلا فاضحا!!
إن ذلك يقودنا للقول بأن ما يمس شخصا بعينه فى تقديره لمظهر شخصا بما يعد خدشا لحيائه ويلزم مواجهته جنائيا!!
ولنا أن نتصور تطور العصر والمفاهيم والأذواق والسبلوالوسائل والأدوات ويقابلها فى الجانب الاخر بعض المفاهيم التى يختلف حولها خاصة تلك المرتبطة بالخلق والإلتزام الاجتماعى.
وارى أن الواجب والإلزام الاجتماعى لا يعد مخالفة للقانون بالتالى لا يوجب العقاب ، بل يدخل فى باب الإستهجان الاجتماعى والاستنكار(مع الوضع فى الحسبان تقييد أشكال معينة من السلوك والمساءلة قانونا عنها مثل التعرى أو الممارسة الجنسية وذلك أنها تخدش الحياء حقيقة حتى فى عصرنا هذا وفى معتقداتنا الحالية دينيا وإجتماعيا).


القانون الجنائى فى المادة 152 إعتبر مثل ما أتت الفنانة المذكورة فعلا فاضحا لمجرد شكوك السلطات فيما ترتديه، واورت نص المادة152 وهى فى الباب الخامس عشر من القانون:-


*************************
الباب الخامس عشر
جرائم العرض والآداب العامة والسمعة

الأفعال الفاضحة والمخلة بالآداب العامة.
152- (1) من ياتي فى مكان عام فعلا او سلوكا فاضحا او مخلا بالآداب العامة او يتزيا بزي فاضح او مخل بالآداب العامة يسبب مضايقة للشعور العام يعاقب بالجلد بما لا يجاوز اربعين جلدة او بالغرامة او بالعقوبتين معاً .

(2) يعد الفعل مخلا بالآداب العامة اذا كان ذلك فى معيار الدين الذي يعتنقه الفاعل او عرف البلد الذي يقع فيه الفعل .
**********************


السؤال التالى هل يجوز للشرطى القبض عليه؟؟؟
نعم، فقانون الإجراءات الجنائية 1991 (الذى يوضح كيفية تطبيق القانون الجنائي) يبيح القبض فى هذه الحالة ، حيث أنه أجاز القبض بدون أمر سابق فى جرائم محددة (المادة68 اجراءات جنائية) ومنها المادة152 وذلك فى الجدول الثانى من قانون الاجراءات الجنائية
وهذا هو النص:-

***************
حالات القبض الاخرى
68- (1) علي الشرطي أو أي شخص آخر صدر اليه امر قبض من وكيل النيابة أو القاضي أن يقبض علي الشخص المعني.


(2) يجوز للشرطي أو الاداري الشعبي أن يقبض بدون امر علي أي شخص:

أ/ مشتبه فيه أو متهم بإرتكاب أي جريمة يجوز فيها القبض بدون امر وفق الجدول الثاني الملحق بهذا القانون.

*******************

وهذا هو جدول الثانى المذكور :-

الجدول الثاني

الجرائم التي يجوز فيها القبض بدون أمر

( أنظر المادة 68(2) (أ) )

الجرائم المعاقب عليها بموجب القانون الجنائي لسنة 1991 والتي يجوز فيها القبض بدون أمر وكالة النيابة أو المحكمة هي كما يلي :
( ك) الباب الخامس عشر
المواد 145، 148، 149، 150، 151 ، 152، 153، 154، 155، 156.

****************************************************************8888



إذا بكل يسر يمكننا القول بصحة الإجراء وفق ما أورت عاليه، ولكن السؤال الأهم ، هل هذا هو المقصد من التشريع؟؟؟؟؟؟؟؟؟؟؟؟؟؟؟؟؟؟؟؟؟




للأسف الجابة لا


لكنها عقلية المشروع الحضارى

حبيبنا عمرو ..

أؤيدك فيما ذهبت إليه بخصوص عقلية المشروع الحضاري

اتفق معاك سلامة الإجراء لكن النية هي الغامضة في الموضوع ...

تخريمة :

مشتاقين .. واحشنا ..

وينك يا رجال ...

بالمناسبة عيد ميلاد المرحوم كان أمبارح ربنا يرحمه ويغفر ليهو ...

Quote: وة الكرام ، كلامكم كلو وجيه ومنطقى ،انا نقلت الخبر للعلم ولا املك اجابات لكم.

يا هجو رأيك مهم وكان سألت ليناهاشم ما قصرت .

دولة تتعرض فيها محامية للخنق ما غريبة تنجلد فيها رقاصة .

معزتى

اخى رافت سلام ، اخوك هاشم قال تستاهل الشقق المفروسة سوها لى منو ، وقال الوداها تهنجك فى الشارع منو ؟

اللهم أرحم ياسر الريشة وأغفر له وأرحمه يا رحيم يا كريم
(إننا نفتقدك كل يوم أكثر من سابقه)



وينك يا نادر
وأخبارك وشنو الحاصل وباقى الشباب؟؟
اهو بقينا قريبين

تحياتى لوصفى وكارورى وعلاء

تسلم يا حبيبنا ...

صاحبك وصفي كان قريب حسي يكون في نيو جيرسي ...

مشت معاو طهنييييييية ...

مكرر

من نشيد الإنشاد




خرجت أطلب في الليل من أحبته نفسي

وضعت وشمي علي جبهتي، وضَمَّخت رأسي

قابلني العسس الساري في هواء المدينة ْ
فشق صدري وأبقي قلبي لديه رهينة ْ

بالله يا من ستَلقي
في ذات يوم حبيبي
أخبرهُ أني انتظرتْ
إلي الصباحِ.. ومِتْ

تسميح لبوست صاحبي هجو بقصيدة عبدالمعطي حجازي..
بدون مناسبة كدا..
يا هجو البرقصو كتار ليه ما قبضوهم؟بس المسكينة دي
عشان ما عندها عكاز يعني ترقص بيه في ياهو ديل وفي حماك ربنا؟

Quote: تسميح لبوست صاحبي هجو بقصيدة عبدالمعطي حجازي.. بدون مناسبة كدا.. يا هجو البرقصو كتار ليه ما قبضوهم؟بس المسكينة دي عشان ما عندها عكاز يعني ترقص بيه في ياهو ديل وفي حماك ربنا؟

الاخت د. نجاة سلام لقد وقع عليها المثل والذى ما معناه المجانيين كتار لكن الشلقى يقع فى القيد، ياريت تجيبى لنا المثل .

قانون النظام العام
القانون الجنائي
وكل القوانين الترابية ممعنة في الانتهاك .
هل تعلمو ان اي شرطي في النظام العام يجيب قضية وفيها غرامة عندو نسبة والقاضي عندو نسبة؟
في ناس كتيرين ح يقولو ما ممكن- لكن دي الحقيقة
عمل فاضح دي متروكة لاي نفسية تفسرها بمزاجها- يعني انا في عبايات سوداء ناعمة بلبسوها الكوزات انا شايفهافاضحة رائكم شنو؟ لانها تظهر ما بداخلها تماما رغم قناعاتي بان يلبسن ما يحلو لهن .
اذا تفسيرات القانون متروك لتفسيرات ناس للاسف مريضين وعندهم مشاكل اتجاه النساء يا كافي البلا.
الفاننة دي كانت غنت نادو لي حسن ما كان جلدوها.
بتكون غنت راجل المرة " وعمر البشير عندو راي"
في شقق تعمل في الامر الفاضحة" الخرطوم مدينة لا تعرف الاسرار" وين النظام العام من دا؟
لو عايز تعرف فضائح النظام العام انا على استعداد بالاسماء والعربات الاشتروها من غرامات نساء العرقي .
سمعت بان نساء العرقي بشيلو منهم البراميل وبعدين ببيعوها ليهم - ح تقول لي كلام غريبدي حقيقة مرة على ناس البرنامج الحضاري .
جد انا خليت شغل المحاماة رغم نجاحي فيها على علمك -عشان جاتني قرحة من عمايل القضاة
القضاة غير مستقل وقلتها امام رئيس الجهاز القضائي
ولا قانون غير انساني -يعني ح ننتظر شنو غير الانتهاكات.

Quote: زمان ابواتنا المساكين يقولوا ليهم ليكم اللحم ولينا العظم! وديل ما يصدقوا

wallahi ya Jinni , i still remember how the morning assemply(taboor alsabah) at almaeeriah 1 secondary school could have easly changed my career choice and path, the morning wheeping and the weeping of students still nightmarishly disturb me

Quote: الاخت د. نجاة سلام لقد وقع عليها المثل والذى ما معناه المجانيين كتار لكن الشلقى يقع فى القيد، ياريت تجيبى لنا المثل .

يقولون من هذا وقد عرفونى!
ابن جلا وطلاع الثنايا حجاج أهل السودان الفريق عمر أقر الله عينه!
جنى

Quote: دولة تتعرض فيها محامية للخنق ما غريبة تنجلد فيها رقاصة .

رافت يا اخوي ما رقاصة مطربة واخد بالك؟

انا حضرت حفلة فنانة حشد ليها الناس
ولابسة لبس تختلف الناس في تقديرو
كل على مفاهيمو..
اها مافي زول قال حاجة ولا جلدها
وتاني

قناة النيل الازرق دي كم مرة جابت فنانة ما لابسة اللباس "الشرعي"
ما انتظروها البواليس ديل برة وجلدوها..
يعني يا اخوي
عري من عري بيفرق وخلاعة من خلاعة بتفرق..
ومطربة من مطربة بتفرق..
اذا تعرى فيهم الضعيف جلدوه..
ودي مشكلتي الانتقائية واستهداف النساء...

جنى الفنان ، اقر عينه يعنى تسكن عن الحركة يعنى يموت ، انت ما سمعت هاشم كرار قال شنو؟

Quote: جنى الفنان ، اقر عينه يعنى تسكن عن الحركة يعنى يموت ، انت ما سمعت هاشم كرار قال شنو؟

وهذا ما فصدت رعاك الله أترانى أدعو لحجاج أهل السودان أم أدعو عليه!
جنى