هنا نتحاور و نتعرف على صلاح اليون ... مرحبا بكم

Post: #1
Title: هنا نتحاور و نتعرف على صلاح اليون ... مرحبا بكم
Author: طارق الكوتش
Date: 06-06-2009, 08:25 PM

بكل التقدير و كامل الشوق وحلاوة اللقاء
نتعرف على واحد من بين اهم الشخصيات
التى درست بكلية الهندسه الخرطوم
انه المهندس / صلاح اليون

فالنبدأ بالسيره الذاتيه كمدخل لهذا التعارف و القاء

اذا القلم لك صديقى اليون ونتشرف بان نتعرف على الاشياء الخافيه علينا بكامل الاحترام
ومرحبا بالجميع فى دوحة العريس ... المهندس ... الانسان ... الاخ صلاح اليون

Post: #2
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 06-06-2009, 08:59 PM
Parent: #1

بالله موسيقى تصويرية صاخبة كده
وبعدها صمت مطبق .. ثم ضربات قلب..

الكوتش يوم بتكتل ليك زول ..
ياخي قاعد في أمان الله وبتصفح في الصور
حقت السعودية وبعمل لي في شوية مشاركات
في المنبر العام ألقاك راميها دل كده..

ياخي في ظل الغيابات للكثير من الأعضاء
وفي ظل الواحد بيجهز حالو للعرس ..
وكمان شوية مشغوليات زائدة كده عشان إجازة الصيف قربت
تجي تعمل عملية زي دي ..

لكن وفي ظل كل الظروف أعلاه..
انت اكيد عارف اخوك صنديد..
وما حنقصر .. وحنبدأ المشوار..
بس ننوه لإنو الصور ممكن تكون قليلة
او هي عبارة عن صور باسبورت صغيرة توضح
مراحل حياتية معنية..

طيب خلونا بكرة نمشي نجهز سيرة ذاتية
تكون مختلفة في الشكل والتراكيب والصياغة
عن كل السيرات الذاتية السابقة..

حياك يالكوتش وحباب البورداب ا لمهندسين والمشاهدين من بره كمان
و..

راجعين..

Post: #3
Title: Re: هنا نتحاور و نتعرف على صلاح اليون ... مرحبا بكم
Author: Hisham Magzoub
Date: 06-06-2009, 09:42 PM
Parent: #2

ايى دا الكلام

سنجلس القرفصاء (ياساره)

ونركز معك

اتحفنا وما تقصر

Post: #4
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 06-07-2009, 05:59 AM
Parent: #3

أأي ده الشغل ..
ده الشغل ..............

وواحد تاني جلس القرفصاء
ودخل الصف ..

ليون ،،
يلا منتظرين حكيك بكل شفافية ..
وأهم شي الشفافية والوضوح ...

الجماعة متابعين ؟
دعوة ليهم لجلوس القرفصاء معانا ....

والزرزرة ..
خلوها في الآخر ،،،

يعني ،،
ما في الآخر شديد ..

Post: #5
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 06-07-2009, 06:30 AM
Parent: #4

يا هشام وابراهيم
البوست واتفتح ورضينا..
القرفصة واتقرفصوها كويس
والانتظار وانتظروه كويس
والحكي وحنحكيهو..
لكن..
بكل شفافية ووضوح دي انا بعتبرها تعسف
فخليكم متقرفصين حلوين ومن غير هرجلة

Post: #6
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 06-07-2009, 06:55 AM
Parent: #5

ليون ،،
Quote: بكل شفافية ووضوح دي انا بعتبرها تعسف

الليلة وووووووب ،،

أمسك ،،
ده أول موضوع للزرزرة ،،

Post: #7
Title: Re: هنا نتحاور و نتعرف على صلاح اليون ... مرحبا بكم
Author: Hisham Magzoub
Date: 06-07-2009, 09:39 AM
Parent: #6

Quote: بكل شفافية ووضوح دي انا بعتبرها تعسف
فخليكم متقرفصين حلوين ومن غير هرجلة

اركز ياليون

Post: #8
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 06-07-2009, 10:02 AM
Parent: #7

هشام ،،
خوفي من ده :

وبعدين يعملونا نحن السبب ،،

Post: #9
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 06-07-2009, 11:23 AM
Parent: #8

Quote: خوفي من ده :

لا ماتخافو اخوكم مثبت أقدامه كويس والحمدلله
لكن الكاركتير معبر بالجد وما كضب ..
وإنشاء الله حنبدأ السيرة الذاتية قرريب (ما حقت الكوتش)
بس شايف المتقرفصين لسه شوية..

Post: #10
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 06-07-2009, 11:45 AM
Parent: #9

ليون ،،
Quote: لا ماتخافو اخوكم مثبت أقدامه كويس والحمدلله

هيييييييييييييييييييييييييع ،،

Quote: وإنشاء الله حنبدأ السيرة الذاتية قرريب (ما حقت الكوتش)
بس شايف المتقرفصين لسه شوية..

بالطريقة دي هشام مخروقتو حا تتعب ،،،

ولو منتظر المتقرفصين يزيدو ،،
أسكت أبدأ أحسن ،،

Post: #11
Title: Re: هنا نتحاور و نتعرف على صلاح اليون ... مرحبا بكم
Author: حمد محمد احمد
Date: 06-07-2009, 01:17 PM
Parent: #10

ناس القرفصاء

زادو عشرة

Post: #12
Title: Re: هنا نتحاور و نتعرف على صلاح اليون ... مرحبا بكم
Author: Amna Mohamed Arh
Date: 06-09-2009, 09:02 AM
Parent: #11

المشكلة الكهرباء رجعت لديدنها
وانا شايفة اخير الناس تقوم تشوف ليها شغلة لحدي الليون
ما يخلص مناتلة بهناك ويجي،،،

اها كان جاكم كلموني عشان اتقرفص معاكم،،،

Post: #13
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 06-09-2009, 09:17 AM
Parent: #12

آمنة ،،
Quote: المشكلة الكهرباء رجعت لديدنها
وانا شايفة اخير الناس تقوم تشوف ليها شغلة لحدي الليون
ما يخلص مناتلة بهناك ويجي،،،

ما تقولي لي قطعت تااني في شارع العرضة ،
والليون رجع لبوست السد ...

أتاريه ،،
وأنا أقول الليون حاتل وين ؟

تعرفي انا لي فترة من المنبر العام ..

Post: #14
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 06-09-2009, 11:40 AM
Parent: #13

السلام عليكم يا مهندسين ومقرفصين
واكيد جايين وبس مشغولين ..

سمعنا انو الكهرباء بدت تقطع تاني
وانتو بتقولو بوست الكهرباء رجع .. لكن لا والله
ولا شايفو في الصفحة الاولى .. والموضوع ده خليناهو

يا ابراهيم مع انو بالاول قالو عايزين تلفونك عشان
يوصوك بالنبش في الماضي السحيق ومراقبة الشفافية..
لكن رجعو قالو ليك ما كان العشم تشبهنا بي البياعين
يعني هم برضو ثابتين وماسكين على جمر القضية ..
قالو ما بيعاينو للكاش ولا الاغتراب .. الروح يا حبيبي الروح ..
لقيتنا كيف يا قلب..

Post: #15
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 06-09-2009, 12:07 PM
Parent: #14

ليون ،،
Quote: يا ابراهيم مع انو بالاول قالو عايزين تلفونك عشان
يوصوك بالنبش في الماضي السحيق ومراقبة الشفافية..

ما بيوصوا حريف يا مان ،،
وقول ليهم من غير توصوا ،،
حا ننبش الماضي نبش ،،
والكوشت في ،،
شاهد عيان ...

Quote: لكن رجعو قالو ليك ما كان العشم تشبهنا بي البياعين
يعني هم برضو ثابتين وماسكين على جمر القضية ..
قالو ما بيعاينو للكاش ولا الاغتراب ..

كده إطمئنينا على ولدنا ،،
بس تعرف يا ليون ،،
الظاهر ده عشان هم ذاااتهم شهادة عربية ..

Quote: الروح يا حبيبي الروح ..
لقيتنا كيف يا قلب..

لقيتكم كده
ركز على الروح دي ..

Post: #16
Title: Re: هنا نتحاور و نتعرف على صلاح اليون ... مرحبا بكم
Author: طارق الكوتش
Date: 06-15-2009, 10:04 AM
Parent: #15

منتظرين

Post: #17
Title: Re: هنا نتحاور و نتعرف على صلاح اليون ... مرحبا بكم
Author: khaleel
Date: 06-15-2009, 02:37 PM
Parent: #16

هلا بالدنجوان الليون

خالط البرلومات والسنيورات

Post: #18
Title: Re: هنا نتحاور و نتعرف على صلاح اليون ... مرحبا بكم
Author: Amna Mohamed Arh
Date: 06-15-2009, 09:52 PM
Parent: #17

Quote: هلا بالدنجوان الليون

خالط البرلومات والسنيورات

الليون احسن تجي سريع.. سريع

Post: #19
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 06-16-2009, 05:55 AM
Parent: #18

Quote: الليون احسن تجي سريع.. سريع

والله كلامك صاح .. مادام جابت ليه ابوالقوق
ما معروف تاني تجر منو..
خلينا نبدأ على سريع كده
___________________________________

السيرة الذاتية..

الاسم يالكوتش: صلاح الدين محمد احمد

المولد والنشأة :
مدني في اجمل يوم .. يوم عيد الام 21/3
عشت فيها سنتين بس حيث كان عمل الوالد
في اقليم الجزيرة ومن بعدها انتقلنا إلى
مدينة أم درمان كمان سنتين في إشلاق البوليس (العباسية) الأربعين بانت
ومن بعدها انتقلنا إلى إشلاق البوليس الجنوبي (الاوسط حاليا) بالخرطوم

الدراسة:
روضة ماما صفية بإشلاق البوليس (سنتين)
روضة ماما زهرة بإشلاق البوليس الجنوبي (سنتين)
مدرسة السجانة 3 الابتدائية
مدرسة الاتحاد المتوسطة
مدرسة المقرن الثانوية بنين
وأخيراً الجامعة

وطبعا عندي صورة لي وعمري سنتين وأنا في مدني
بس هي في السودان وكنت منتظر زول يجيبا عشان
انزلها هنا لكن مادام جابت ليها أبو القوق
ونبش تقيل .. وحتى الصور في الموقع اليومين
ديل فيها خلل فخلاص نبدأ من غيرها .. و..

ونواصل..

Post: #20
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 06-16-2009, 05:57 AM
Parent: #18

الدنجوان ،،
قصدي الليون ..
Quote: هلا بالدنجوان الليون
خالط البرلومات والسنيورات

مش أحسن ليك الوضوح والشفافية بتاعت إبراهيم ،،
على الأقل بتجيب زرزرة ساكت ..

لكن جنس كلام أبو الخل ده ،،
الله يستر بس ،،

Post: #21
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 06-16-2009, 06:18 AM
Parent: #20

Quote: مش أحسن ليك الوضوح والشفافية بتاعت إبراهيم ،،

وإلى أين تؤدي بنا يا إبراهيم
غير أنها تخليك تشيل أصبعك وتبظ بيهو عينك
فأحسن خليها تجي من وليد..الله يجيب يوم تعريفو..
_________________________________________

مواصلة للنشأة والمراحل التعليمية والعملية:
بعد إشلاق البوليس ومباشرة بعد دخولي الجامعة إنتقلنا إلى أمبدة
حيث مكان السكن الحالي مع الأسرة الكريمة .. وبعد التخرج من الجامعة
عملت في المجالات التالية:
الخدمة الالزامية : معهد القوات الجوية (سنة واحدة)
مهندس اتصالات : شركة سوداتل ( 3 سنوات)
ومن ثم انتقلت إلى الدوحة في ثالث أيام عيد الأضحى يوم 16/4/1998
وبدأت حياة الغربة وغيرت نظام العمل إلى IT

ونواصل..

Post: #22
Title: Re: هنا نتحاور و نتعرف على صلاح اليون ... مرحبا بكم
Author: علاء الدين محمد بابكر
Date: 06-17-2009, 11:28 AM
Parent: #21

أها يا (ليون)..أنا حصلتا..
ومغترب من 98 ولحدي حسي مالك ما اتلميت؟
يا لا سريع الحصل شنو؟؟؟

Post: #23
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 06-20-2009, 07:52 AM
Parent: #22

علاء الدين ،،

في داعي للأسئلة التعسفية (بتاعت خليل) دي ؟!!

Post: #24
Title: Re: هنا نتحاور و نتعرف على صلاح اليون ... مرحبا بكم
Author: Hisham Magzoub
Date: 06-20-2009, 08:51 PM
Parent: #23

Quote: مدني في اجمل يوم .. يوم عيد الام 21/3

ياليون يوم 21 /3 سنة كم
ولا خائف البرالمه المعانا ديل يتعقدو

ويختو يدهم فى راسهم

وتبدا قصة ياعم ليون

Post: #25
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 06-21-2009, 06:19 AM
Parent: #24

أها يا ليون ،،

جاك أبو التعسف زاتوووو ..
ومن تورنتو ،،
يعني لو كان في السودان ،،
وفاااضي ،،
كان عمل شنو ؟

بس ،،
Quote: مدني في اجمل يوم .. يوم عيد الام 21/3

إنت مفروض تكون (الحمل) ،،
ليه سموك الليون ،،

صاح بالمناسبة ،،
عاوزين نعرف سبب تسمية الليون ،،

Post: #26
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 06-21-2009, 12:34 PM
Parent: #25

علاء الدين ..
Quote: ومغترب من 98 ولحدي حسي مالك ما اتلميت؟

للأسف اتلمينا وتاني اتفكينا وهسه حنعمل شبهينا واتلاقينا..

هشام مجذوب سؤال والله لكن ماعارف اقول ليك صعب وللا ساهل
لكن انا كتبتها بتلقائية كده .. وانت بي حكتك التورنتية دي
خليتني ارجع واشوف بوستات التعريف .. ولقيت ناس كتبو السنة
وآخرين لم يكتبو السنة .. فخليها مفتوحة كده يعني ..

إبراهيم..
Quote: صاح بالمناسبة ،،
عاوزين نعرف سبب تسمية الليون ،،

إنشاء الله الإجابة على البال وفي وقتها وبالتفصيل
والليون ده اللقب الجامعي .. في اللقب الحلاوي (من حلة)
وهو صلاح الدحيش (تيمنا باللاعب عز الدين الدحيش ) ودي
لما نجي للخلفية الرياضية حازكرها .. بس يا جماعة
شوية صبر عشان والله منتظر لي صور تجي من السودان
عشان اعمل اسكانن وتكون الصور مصاحبة للسرد..

Post: #27
Title: Re: هنا نتحاور و نتعرف على صلاح اليون ... مرحبا بكم
Author: Amna Mohamed Arh
Date: 06-21-2009, 03:56 PM
Parent: #26

متابعين والاسئلة قدااااام

Post: #28
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 06-22-2009, 06:20 AM
Parent: #27

Quote: والليون ده اللقب الجامعي .. في اللقب الحلاوي (من حلة)
وهو صلاح الدحيش

Quote: إنت مفروض تكون (الحمل) ،،

يا ليون ،،
أنا اتخيل لي سألتك سؤال زمااااان ،،
في بدايات دخولك المنبر ،،

فاكرو ؟

المذاكر كويس يقول السؤال ،،
(الجائزة عند الكوشت ،،)

Post: #29
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 06-26-2009, 02:22 PM
Parent: #28

مرحلة ماقبل الجامعة:
في هذه الفترة كلها كنت من سكان الخرطوم حيث كانت الاقامة باشلاق الخرطوم الاوسط
الجنوبي سابقا .. ودرست كل المراحل الدراسية في الخرطوم .. وكان اللقب صلاح الدحيش
حيث كنت لاعب وسط لا يشق له غبار .. لعبت في الدورة المدرسية المتوسطة في مدرسة الاتحاد
وفي الثانوي لما كنت في سنة اولى لعبت في مدرسة المقرن الثانوية وزاملت دحدوح بتاع
المريخ .. ورغم اني قصير القامة لو تصدقو في سنة تانية اتجهت لي كرة السلة .. وفي تالتة
طبعا بقينا قراية بس وفكت الكورة..

أما في الحلة فلعبت لنادي يُسمى الاهلي في رابطة السجانة وحينها كنت في الصف الاول ثانوي
ولعبت موسم واحد .. صلنا وجلنا خلاله انا واللاعب الكبير فيما بعد "حمد النيل" راس الحرب
الملتهب الذي لعب لفريق النيل والخرطوم .. وانا كنت من يموله بالكرات وهو بياكلها باردة

الصورة بالابيض والاسود في أواخر مرحلة الثانوي وبدايات دخولي للجامعة
طبعا كان خلاص الشعر الطويل الموضة انتهت وظهرت موضة القصة يعني الاسم بتاع
صلاح الدحيش كان اساسا بدا في الهبوط منذ رحيلنا إلى امبدة والدخول للجامعة

Post: #30
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 06-26-2009, 02:53 PM
Parent: #29

الدخول للجامعة:
بعد ظهور نتيجة الثانوي وطبعا الموضوع ما كان نسبة الزمن داك
الكلام ده للبرالمة .. ولما الواحد جمع مواد البوكسن (وهي حاصل
مجموع المواد الأساسية - رياضيات - تخصص - فيزياء - كيمياء - وانجليزي)
ظهرت مفارقة عجيبة في نتيجتي وهي إنو الواحد مفروض طبعا عشان يدخل
جامعة الخرطوم كان يجيب فوق التمانين في مادتين تلاتة وفوق التسعين
في الباقي .. لكن انا للأسف كنت جايب في الانجليزي 40 والنجاح كان من 40
يعني كان نص درجة واكون ساقط في إحدى مواد البكسن وبالتالي مافي جامعة
فتخيلو باقي المواد اكون جايب فيها كم ..

وفي نفس يوم ظهور النتيجة وحساب البوكسن ووجدت إنو انا داخل الجامعة
كانت صدفة عجيبة أن يأتي فوزي عبد الفتاح إلى الاشلاق .. وهو طبعا كان
رحل الصحافة وكان دخل الجامعة قبلي في 87 .. واتذكر مشيت معاهو اليوم
داك للداخلية واتذكر تماما .. داخلية النيل الازرق وكان بالغرفة ناس
صلاح مختار ومعاوية عابدين والمر .. وطبعا انا لسه ما كنت بعرف صلاح مختار
ولا معاوية عابدين لاني لسه ما كنت رحلته امبدة .

Post: #31
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 06-27-2009, 06:14 AM
Parent: #30

ليون ،،

إنت متأكد ده إنت ؟

ولا الصور إتأخرت عليك
قمت شديت صورة أخوك ونزلتها ؟

إعترف
سريع ،، سريع ..

Post: #32
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 06-27-2009, 07:56 AM
Parent: #31

والله يا ابراهيم الصور فعلاً اتاخرت
وفي صور كده لو جات الناس دي كان
حتتعقد شديد ..
لو متابع من اول مداخلة انا كتبته
إنو حتكون في صور لكن صغيرة باسبورت
ودي الانا محتفظ بيها معاي ولغاية هسه
تقريبا كل سنة باخد لي صورة .. ولسه
حتشوف الفرق الكبير بين الصور

لكن هي صورتي .. لقيتني كيف ..

Post: #33
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 06-29-2009, 10:20 AM
Parent: #32

اها يا ابراهيم جبنا ليكم صورة المتوسطة
وما كان في طريقة إلا اعمل ليها اسكانن من
الجنسيةعشان كده لسه فيها شوية اختام ودبابيس
اها لقيت لقب الدحيش كيف

Post: #34
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 06-29-2009, 10:25 AM
Parent: #33

ولقينا ليكم كمان صورة الثانوي العالي
وبي كده افتكر خلاص نكون خلصنا من مرحلة
ما قبل الجامعة ولو في اي أسئلة منتظرين
قبل ما ندخل على البرليم ....

Post: #35
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 06-29-2009, 01:06 PM
Parent: #34

الجــــامعــــة:
اسبوع تمام ونحنا بنراجع الجامعة في مرحلة التسجيل والسكن
ومعرفة المواد والقاعات وطبعا لم تخلو فترة التسجيل هذه
من إرساء اولى قواعد النشاط الاجتماعي لنا بالجامعة..

18/12/1988 تحركت نحو الجامعة في نفس يوم بدء الدراسة
وبحكم انو الزول كان ساكن قريب ما مشيت وبيتا في الداخلية
اتحركته مباشرة من البيت إلى الجامعة واتذكر كنت شايل شنطة
الملابس ودخلته بيها قاعة ال OLT "اولد ليكشر ثييتر" وجلست
ولسوء حظي جنب حنكوشين من النوع الشهادة لندن وبيكون جايبا
من لندن زاتها .. لوي ومعاذ .. تصدقو يا جماعة انا اول لكشر
جالس بجانب اتنين بيعرفو الانجليزي احسن من العربي واخوكم
طبعا زي ما شفنا اعلاه كان في الانجليزي يادوووب..

الواحد كان بمناسبة دخولو لجامعة الخرطوم مجهز دفاتر من النوع
البيكون بيلمع من بره وكبير ومميز كدفتر جامعي .. وبما انو مادة
الكيمياء كانت نظري تقيل ومن اكتر المواد فصولاً فصاحبكم حدد دفتر
كبير جدا للكيميا وكتب من بره بالانجليزي وبخط عريييض C H E M E C T A R Y
اها واللكشر كان جيمستري والدكتور النجومي ودّور ليك جيمكال
ايكويليبريم ولمدة ساعة ونص الزول ده بيرطن وقاعد يتكلم وهو
طالع إلى اعلى القاعة ويكون بيقول في المعادلة وهو نازل
بسرعة الصاروخ وما تحبسو ليك إلا السبورة وبيكون مادي يدو
الطويلة ديك بي طبشيرة وكف يروح مالي ليك نص السبورة كلام..
وانا شغال زي مروحة الطربيزة اعاين ليهو في صعودو ونزولو
ولما يقادل السبورة اكون بعاين ليك لي الجنبي يمينا ويسارا
طبعا لوي ومعاذ ديل في النهاية طلعو اصحاب وجايين من الامارات

اهاالحصل شنو ..

دي الصورة في اولى سنين الجامعة شلناها من فوق عشان السرد
يكون مرتب ومرتبط بالصور مع ملاحظة انو الوجاهة ماشة زايده

Post: #36
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 06-29-2009, 01:14 PM
Parent: #35

الصورة الثانية في اوسط سنين الجامعة شلناها من فوق عشان السرد
يكون مرتب ومرتبط بالصور مع ملاحظة انو الوجاهة ماشة زايده كمان

Post: #37
Title: Re: هنا نتحاور و نتعرف على صلاح اليون ... مرحبا بكم
Author: Amna Mohamed Arh
Date: 06-29-2009, 05:58 PM
Parent: #36

الليون،،،
مساك خير يا اخوي
صورك لكن من النوع الاول مرة اشوفه
كل مرحلة شكل مختلف

بس ما قلت لي شكلك الهسة دا ظهر متين..؟؟
هنا ولا بعد الاغتراب...؟؟؟

اما قصة الوجاهة الزايدة دي نخلي
ابراهيم يجي يرد ليك عليها

Post: #38
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 06-30-2009, 06:11 AM
Parent: #37

الليون ..(الوجيه) ،،
Quote: الصورة الثانية في اوسط سنين الجامعة شلناها من فوق عشان السرد
يكون مرتب ومرتبط بالصور مع ملاحظة انو الوجاهة ماشة زايده كمان

إنت كلامك ده موجه لينا نحن ،،،
ولا ....
لشارع العرضة ؟

__________________________

ناس شارع العرضة ،،
رأيكم يهمنا ،،

Post: #40
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 06-30-2009, 10:34 AM
Parent: #38

يا ابراهيم
الراي إنشاء الله يجيك بالليل
لكن باقي ليك ده كان ما رايهم من الاول
كان الامور تكون ماشة بسط كده ..

Post: #39
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 06-30-2009, 10:25 AM
Parent: #37

Quote: بس ما قلت لي شكلك الهسة دا ظهر متين..؟؟
هنا ولا بعد الاغتراب...؟؟؟

شفتي كيف ..
تغير الشكل ده حيرني انا زاتي ..
وطبعا الاغتراب ليهو دور .. بس الرك على الشماعة..

Post: #41
Title: Re: هنا نتحاور و نتعرف على صلاح اليون ... مرحبا بكم
Author: Tahani abdalla Attia
Date: 07-02-2009, 07:51 AM
Parent: #39

أووووووووووووه الليون العريس المرتقب

أول مرة أمر علي بوستيك

رائع و الله

بس المنافسة ساخنة شد حيلك شوية

الناس تموا خمسة و ستة صفحات

و نحن كمان جلسنا القرفصاء بتاعة كيكي مع الجماعة

Post: #42
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-02-2009, 11:31 AM
Parent: #41

الدكتورة تهاني .. سلام
Quote: و نحن كمان جلسنا القرفصاء بتاعة كيكي مع الجماعة
إنشاء الله عقبال ما نتقرفص ليكي في التعرف بتاعك ..
___________________________________________________
مواصلة لي زكريات اول لكشر:
فات علي أن أذكر إنو سنة 88 كان القبول الموحد * وهو مااقلق منامنا
واطاح باحلام وردية لسنة اولى روعة ننعم فيها بالبرلمة .. وبالتالي دلفنا
للجامعة مشمرين عن سواعدنا حتى ننجح في كل المواد ومن بعدها تتحول
للكلية العايزها ووعدنا انفسنا بالتعويض في سنة تانية..

طيب واقفين وين..
ايوه في دكتور النجومي وهو يصول ويجول في القاعة ويملا السبورة بمعادلات
ونظريات ويمسحها ويملاها تاني وانا بجانبي لوي ومعاذ(ده في الامارات ) ..
لكن لوي ده والله لي يوم الليلة ما عارف خبرو شنو .. اها وانا في يدي
القلم الباركر وامامي الدفتر الماخمج وتايه ما بين السبورة والدكتور ومابين
دفاتر لوي ومعاذ .. لغاية ما عدت الساعتين (مش ساعة ونص) لا محاضرتين

وبعدين..
اعاين في دفتري والله لقيت غير العنوان ما كاتب حاجة وحتى الاسبلن كان غلط
وعاينته لي لوي وإذا به يملاء 3 صفحات مقاس ورق الفلسكاب وبي خط جميل ..
طبعا كانت صدمة كبيرة ولفة راس لي درجة انو الواحد قنع عديل من انو مش
يباصي .. لا إنو فقط يقدر يعدي سنة اولى دي ..

ونواصل ..
___________________________________________________________
* راجع بوست التعارف حق هشام مجذوب لمعلومات اكتر عن القبول الموحد

Post: #43
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-03-2009, 03:25 PM
Parent: #42

مواصلة (أولى جامعة):
ظهرت جلياً خيبة الامل بعد ما شفنا عزالدين بيسك
وبما انو الواحد قنع من خيراً في الجيمستري بعد
معضلة دكتور النجومي وحدثنا انفسنا باننا حنعوض
في الرياضيات وخصوصا نحنا جاين ومقفلين الاولية
والتخصص .. ولو ما اخاف الكضب قالو لينا البيسك
ده رياضيات .. لكن جا عز الدين بيسك وزاد الطين
بله .. لقينا احسن الكيمياء ..

بعد خيبة الامل الكبيرة في الجانب الاكاديمي
خلاص قلنا خربانة خربانة .. احسن نعيش برلمتنا
بالوضع الطبيعي .. وصلنا وجلنا ما بين جلسات
الاستقبال للكليات والروابط وغصنا في ما يسمى
بلجسات التعارف وهو الشي الذي اعطانا معرفة
تامة بكل النجايل والقاعات ..

ونواصل ..

Post: #44
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 07-04-2009, 06:54 AM
Parent: #43

الليون ،،
Quote: لكن جا عز الدين بيسك وزاد الطين بله ..

أسألني أنا ،،
(أبو قميص أصفر ،،)

Post: #45
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-04-2009, 09:33 AM
Parent: #44

فعلا يا ابراهيم
هذه الكارثة التي تدعى بيسك
ما عارف هي لغاية الان موجود هذا العلم
ياخي نحنا لغاية قبل الامتحان بنتناقش
في كيفية الامتحان .. هل السوال الاول
بس اجباري والباقي على كيفك .. يعني
لو حليت سوالين من الخمسة الباقين حيصحح ليك من سوالين
واذا حليت تلاتة حيكون الاختبار من تلاتة .. دي براها كانت مسألة بيسك..

Post: #46
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 07-04-2009, 10:17 AM
Parent: #45

ليون ،،
Quote: فعلا يا ابراهيم
هذه الكارثة التي تدعى بيسك

بصراحة ،،
ورغم (عضمنة) البيسك ،،
لكن الكارثة الفعلية كانت ......

ولا مافي داعي ،،،

Post: #47
Title: Re: هنا نتحاور و نتعرف على صلاح اليون ... مرحبا بكم
Author: صلاح مختار
Date: 07-05-2009, 08:17 AM
Parent: #46

ليون...
البيسك او البيزك من اجمل المواد
التي مرت علي.

بالجد

Post: #48
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 07-05-2009, 09:28 AM
Parent: #47

صلاح مختار
Quote: البيسك او البيزك من اجمل المواد
التي مرت علي.

جائز
(على لسان الليون ،،)

Post: #49
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-09-2009, 09:47 AM
Parent: #48

البيسك .. البيزك
والله فعلا علم ..
وانا بعتبرو خليط بين الأرقام والمنطق والدنيا دي
اتذكر كان في باب (فصل) واحد انا حبيتو شديد بس ما متذكرو
أها المهندسين الجدد (الثلاثي) والمهندسين الطازه (رغيم)
ورونا الشي ده لسه بدرس وزكرونا بي حاجات منو ..

__________________________________
المتبقي من التعارف ..
- شوية من آخر سنة اولى
- سنة تانية العسل
- سنة تالتة المقاطعة
- التخرج

انتظرونا ..

Post: #50
Title: Re: هنا نتحاور و نتعرف على صلاح اليون ... مرحبا بكم
Author: صلاح مختار
Date: 07-09-2009, 12:44 PM
Parent: #49

الليون
Quote: وزكرونا بي حاجات منو ..

طبعا انا من العجايز
لكن بأتذكر انو في نكات طلعت في سنه اولي
مبنيه علي قواعد مادة البيزك.

مثلا

"إذا إنتو ضربتو السما جير نحن ممكن نلعب
كوشتينه في ضل الجرجير"

Post: #51
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-09-2009, 05:17 PM
Parent: #50

ايوه يا صلاح مختار
عارفك كنت بتريد البيزك ده شديد
ومثلك ده كان تجيبا معادلة
السماء جير ===> ضل الجرجير
وكمّل المسألة ..

Post: #52
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-10-2009, 02:51 PM
Parent: #51

مداخلات أخيرة (سنة البرلم)
اخيراً عدت سنة البرلم.. بي خيرها بي شرها..
بي زكرياتها المؤلمة والجميلة .. والحمد لله
مرينا منها بي باص كبير .. يعني ما ضقنا الصب فيها
لكنها سنة تبقى منها الكثير في الذاكرة من أماكن وأناس

Post: #53
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-10-2009, 02:52 PM
Parent: #52

الاماكن ..
ال OLT قاعة المحاضرات .. الاندرلاب .. ولابات الفيزكس والكيمستري
المكتبة المين .. ونجيلة المكتبة المين .. وشارع المين روود ..
دهاليز علوم وبنشات علوم .. وحوض السباحة حق علوم..
الناس
ما كنت زي ابراهيم وجاي بي ناسي من العالي او ناس حلتي وكان
لازم اعمل لي شلة لاني جيت وحيد من المدرسة والحلة وفي نفس الوقت
رحلنا جديد لي امبدة وطبعا اول أصحاب كان ناس امبدة ..
محمد كرار ..
زهير آدم ..
صلاح مختار..
ومعاوية عابدين..
وآخرين،،
أما صداقات أخرى فكان لوي علي نمر ود كسلا .. وهو من أوائل من صادقت
ويمكن كان في اول اسبوع من سنة اولى الاقيهو ..

Post: #54
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-10-2009, 03:05 PM
Parent: #53

البركس
لاني جيت متأخر في التسجيل والسكن فلم اتمكن من السكن
مع ناس رياضيات في داخلية النيل الازرق فسكنت مع ناس
من اسكول وعلوم احياء وكلهم كانو جبهة ديمقراطية..
ازكر منهم محجوب حسن (عشكة) بتاع اركان النقاش ..
ولكن كنت معظم اوقاتي اقضيهو مع ناس داخلية النيل الازرق
مع ناس زهيرآدم وعاطف مرسي ..
من طرائف البركس
اتذكر إنو في مرة بعد رجعنا من المحاضرات وكالمعتاد
مشيت مع شلة النيل الازرق الداخلية وكنا منتظرين الغداء
وانا كنت جالس في السرير الفوق (دبل بِد) ومن مكاني
كنت شايف باب الصفرة وقاعدين نتونس في امانة الله ..
ومنتظرين السفرة تفتح عشان ننزل نتغداء .. وطبعا سفرة
النيل الازرق دي كانت احسن واحدة وزحمة شديد ولازم تكون
من اوائل الواصلين أو ما حتحصل اكل فيها .. وأثناء
الونسة لمحته ليك الباب فتح .. وجيت عايز انزل من فوق
واقول ليهم السفرة فتحت .. وكنت لابس جلابية .. قام طرف
الجلابية التحت شبك في الحديدة بتاعة السرير وطبعا بدل ما
اجي نازل بي رجلي .. جيت نازل بي بطني .. والناس دي ما سمعت
غير كلمة فتحت .. وما فهموا اي حاجة ولقوني واقع في نصهم
وطبعا قطعت النفس .. اها قعدوا يشتغلو تنفس صناعي ..
وجيب موية .. وتمضيد جروح خفيفة كده .. لغاية ما الغداء زاتو فاتنا..

_____________________________________________________
بي كده نكون عدينا سنة اولى ونفتح باب الاسئلة

Post: #55
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 07-11-2009, 11:22 AM
Parent: #54

ليون ،،
Quote: وجيت عايز انزل من فوق واقول ليهم السفرة فتحت .. وكنت لابس جلابية ..
قام طرف الجلابية التحت شبك في الحديدة بتاعة السرير وطبعا بدل مااجي نازل بي رجلي ..
جيت نازل بي بطني .. والناس دي ما سمعت غير كلمة فتحت .. وما فهموا اي حاجة ولقوني واقع في نصهم

غايتو جنس شفقة عليك ،،
هسع الجماعة يقولو عليك شنو ؟

Quote: بي كده نكون عدينا سنة اولى ونفتح باب الاسئلة

السؤال الأول:
عندك صداقات من الزميلات ؟
ومنو كانت أول زميلة اتعرفت عليها ؟

Post: #56
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-11-2009, 01:25 PM
Parent: #55

Quote: السؤال الأول:
1/ عندك صداقات من الزميلات ؟
2/ ومنو كانت أول زميلة اتعرفت عليها ؟

اخ .. بدينا ..
تكتب السؤال الاول وتجيبهم سؤالين .. بيزك ده ياعمك !!
صداقات طبعا في كتير .. لكن اول دي ياخي ما بتكون صعبتها
لانو المعرفة في اولى دي كانت شلليات .. ما كان في عزف انفرادي

Quote: غايتو جنس شفقة عليك ،،

والله يا ابراهيم الجماعة ديل ضحكو ضحك
لغاية هسه كل ما اتذكر الحكاية دي ..
ياخي زهير آدم ده كان عايز يموت من الضحك
بعدين هي ما شفقة ياخي .. ما شرحنا ليك الظروف
ووريناك الصفرة دي كان وضعها خاص..

Post: #57
Title: Re: هنا نتحاور و نتعرف على صلاح اليون ... مرحبا بكم
Author: Hisham Magzoub
Date: 07-16-2009, 11:20 AM
Parent: #56

ليون

بوستك ممتع وجميل
وماشاء الله عليك ذاكره قويه

وادينتى فرصه اتفقه واجيك

ملحوظه:
ارجو ان تنتظم فى الكتابه وما تقطعلينا السرد

Post: #58
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 07-18-2009, 07:37 AM
Parent: #57

ليون ،،
Quote: لانو المعرفة في اولى دي كانت شلليات .. ما كان في عزف انفرادي

طيب بعد سنة أولى ،،
كان في عزف منفرد ؟
(وش يبحث عن الشفافية ،،)

Post: #59
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-18-2009, 09:57 AM
Parent: #58

هشام مجذوب
باذن الله حيكمل بس الله يبعد الهكر
إبراهيم
Quote: كان في عزف منفرد ؟

هي ما محتاجة شفافية غير أنها تحتاج إلى ذاكرة
فلو اتذكرنا كان بها .. وغير ذلك حيكون كلام عام

ونواصل سنة تانية..
________________________________________

..

Post: #60
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 07-18-2009, 10:20 AM
Parent: #59

ليون ،،
Quote: فلو اتذكرنا كان بها ..

في دي طبعا أكيد ما حا تتذكر ،،

_______________
هو العزف المنفرد بيتنسي ؟

Post: #61
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-18-2009, 10:40 AM
Parent: #60

الحمد لله يا ابراهيم إنو سؤالك ده
كان تحت في الحاشية يعني للجميع
وإجابتو ما علي أنا وحدي
Quote: _______________
هو العزف المنفرد بيتنسي ؟

____________________________________
سنة تانية
تم التوزيع في سنة تانية ويادووب ضقنا الهندسة وشقينا الميدان الغربي
عن جدارة .. وفي أوائل سنة الهندسة كان لا بد من الختم البارز ألا وهو
ال T سكوير واتذكر مشينا استلمناها من المخزن وكنا بنحاول نختار الاكبر
منها وما عارفين الجايينا من وراها شنو .. مادة الدروينج الكابوس الفظيع
لطلبة الهندسة .. ولكن كلو يهون في سبيل القشرة في شارع المين روود ولما
يجي الخميس كمان تقوم تشيل شنطتك وشوية هديماتك .. ولكن الاهم تاخد سلاحك
معاك عشان كمان تظهر بيهو في الشارع العام .. وطبعا بالنسبة لي انا بتاع
أمبدة ال T حتكون حايمة معاي في تلاتة مواصلات .. والعجب لما امشي بي بحري
الختم ده حيكون لفه معاي العاصمة المثلثة.

Post: #62
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 07-18-2009, 11:53 AM
Parent: #61

ليون ،،
Quote: الحمد لله يا ابراهيم إنو سؤالك ده كان تحت في الحاشية
يعني للجميع وإجابتو ما علي أنا وحدي

بس دي مراعاة مني للزرزرة وكدة ،،

لكن ،،
إنت وينها إجابتك ؟

سريع ،، سريع ..

Post: #63
Title: Re: هنا نتحاور و نتعرف على صلاح اليون ... مرحبا بكم
Author: Hisham Magzoub
Date: 07-18-2009, 07:59 PM
Parent: #62

ياليون
Quote: ولكن كلو يهون في سبيل القشرة في شارع المين روود

اووووو بس
اقتصاد ما كانت معاكم

بالمناسبه
ماهو مساحة الحريه المتاحه للمداخلات ؟

عادة بعد مرور 20 سنه يتم الافراج عن الوثائق

فهل ينطبق هذا القانون هاهنا

Post: #65
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-18-2009, 08:53 PM
Parent: #63

يا ود مجذوب
Quote: بالمناسبه
ماهو مساحة الحريه المتاحه للمداخلات ؟
عادة بعد مرور 20 سنه يتم الافراج عن الوثائق
فهل ينطبق هذا القانون هاهنا

ينطبق ولا ينطبق..
وشايفك جبته سيرة للاقتصاد
ما عليك .. بس تعال بسوال شفافيتو تكون بلون
ابيض مايل للبيج .. يعني ما تتعمق ..

Post: #64
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-18-2009, 08:46 PM
Parent: #62

يا إبراهيم لكن لقيتك بايسون بس كللللك اصرار
Quote: لكن ،،
إنت وينها إجابتك ؟

ونعم نقولها بي صراحة ..
لولا العزف الإنفرادي .. ما كانت للجامعة طعم
ياخي ديل كانو احسن تلاتة حاجات في الجامعة
الإنفرادي..
والاكستنشن..
والكورة..
ودائما كل انفرادي بيسبقو شلليات وفعاليات
جماعية تنبسق منها بعد مناوشات وكر وفر قد
يطول أحيانا وقد يقصر .. عــزف إنفــرادي
وبرضو تقول لي بتنسي .. وأفتكر دي إجابة
عامة يعني تخص الجميع هنا ...

Post: #66
Title: Re: هنا نتحاور و نتعرف على صلاح اليون ... مرحبا بكم
Author: Amna Mohamed Arh
Date: 07-18-2009, 09:15 PM
Parent: #64

الليون،،،
مساك خير

متابعين
وبدون اسئلة

كفاية عليك الشفافيين (هومي واستاذ هاشم)

Post: #67
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-18-2009, 10:07 PM
Parent: #66

Quote: متابعين
وبدون اسئلة

ايوه كده يا آمنة ..
اها انا دخلتك دي بعدها سؤال عن
اني باصيت الدروينج كيف .. والدكتور
الذي ترك أثر فيك في سنة تانية ..
وحارد ليكي بكرة الصباح في
تلاتة مداخلات متتالية ..
الله يجيب الزيك ديل ..

Post: #68
Title: Re: هنا نتحاور و نتعرف على صلاح اليون ... مرحبا بكم
Author: صلاح مختار
Date: 07-19-2009, 10:28 AM
Parent: #67

Quote: متابعين
وبدون اسئلة

Quote: الله يجيب الزيك ديل

ليون....
انا ما عندي سؤال

عشان عارف الإجابه.

Post: #69
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 07-19-2009, 11:29 AM
Parent: #68

ليون ،،
Quote: لولا العزف الإنفرادي .. ما كانت للجامعة طعم

طيب على رأي هشام مجذوب ،،
الأوراق كلها اتكشفت ،،
ولا في حاجات مدسوسة ؟

(وش مُصر يحكحك في موضوع العزف الإنفرادي )

Quote: ودائما كل انفرادي بيسبقو شلليات وفعاليات جماعية
تنبسق منها بعد مناوشات وكر وفر قد يطول أحيانا وقد يقصر ..
عــزف إنفــرادي ... وبرضو تقول لي بتنسي ..وأفتكر دي إجابة
عامة يعني تخص الجميع هنا ...

هسع في زول سألك من الجميع الهنا ؟

شكلك هرشت من زرزرة شارع العرضة ،،

Post: #71
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-24-2009, 08:43 AM
Parent: #69

Quote: الأوراق كلها اتكشفت ،،
ولا في حاجات مدسوسة ؟

منها ما انكشف وفي حاجات تانية
حامياني .. أو كما قال ...

وناس العرضة مرتاحين وبس يعاينو
قالو كفاية زرزرتك انت دي ...

Quote: هسع في زول سألك من الجميع الهنا ؟

ده لسان الحال .. مش كلنا قارين هندسة

ونواصل ..

Post: #70
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-19-2009, 11:38 AM
Parent: #68

كنت ماشي كويس يا صلاح مختار
في درب آمنة .. لكن صعبتها
في الآخر .. يعني تكون انت
عارف الإجابة وأكون أنا متحيّر..

طيب كدي اديني امارة يا زول !!

Post: #72
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-24-2009, 08:53 AM
Parent: #70

سنة تانية الداخلية
في تانية السكن كان في داخلية كردفان
وزملاء الغرفة كانو ..
علي الشيخ ..
عبد القادر احمد عباس ..
عصام البرلوم ..
وكانت من أجمل الايام .. قضيناها ما بين
جوطة وكوراك ايهاب فريد .. والسهر ولعب
الويست في غرفة ناس كرار وآدم باشتيل

Post: #73
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-24-2009, 09:01 AM
Parent: #72

أكاديمي تانية
بالرغم من الكوارث التي حلّت علينا
كان من أفضل لحظات سعادة دفعة 88
إنو التاج دروينج في السنة ديك
ما عارفو مشا وين .. وجانا الحاج
يس الدكتور الظريف السهل لينا
الموضوع .. وبي كده باصينا الدروينج
وما شكل لينا أي مشكلة .. والماس ده
انا كنت بشرحو في الاكستنشن عديل كده
لي مجموعة من الطلبة .. والذ ما في
الموضوع إنو أنا كنت بكون بذاكر وفي
نفس اللحظة بشرح ليهم يعني عصفورين
بي حجر ..

Post: #74
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-24-2009, 09:07 AM
Parent: #73

مادتنا الكهربية
ومادة الكهرباء كان ماسكه فايز لي
أول مرة .. وجاي جديد .. وكان بيكتب
لما يملا السبورة ويكمل في الحيطة
واتذكر لما مرة قام سألو علي عبد الرحيم
البروف بتاع دفعتنا وقال ليهو NO Load
يعني شنو .. وعلي كان قصدو طبعا انو
دكتور فايز يورينا الكونديشن حقت نولوود
قام دكتور فايز ده عاين ليك لي السبورة
وعاين لي علي وعاين في السقف بتاع القاعة
وحكه ليك صلعتو بايدو المليانة طباشير
واخد ليهو صنة كده وقال يعني No Load
والفصل الكان متنشن ده كلو قام فكاها
ليك ضحكة .. لامن دكتور فايز زاتو ضحك
ولي أول وآخر مرة نشوفو بيضحك..

Post: #75
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-24-2009, 09:14 AM
Parent: #74

الكهرباء (2)
بما إنو الزول كهرباء ودكتور فايز
مادتو كانت عضم بالنسبة لي ناس مدنية
وبقية الهندسات فطبعا الجماعة اتجهو
لي العبد لله عشان الشرح .. وكانت مجموعة
من المهندسين والمهندسات ويترأسهم البروف
علي عبد الرحيم نفسو صاحب اكبر مجموع في
دفعتنا .. وأنا شغال شرح طبعا على الطريقة
حقتي .. إنو اكون بذاكر فيهم .. وطبعا
شغال شرح بطريقة بلدي جدا .. اقول ليهم
في كرنت (Current) كابي بي هنا وبيحك
في المقاومة دي وبيعمل ما عارف شنو
وريلاكتنس واندكتانس .. وعلي عبد الرحيم
يشيل ويضحك في طريقة الشرح .. ولكنو كان
بيستفيد وقاعد زيو وزي أي طالب تاني ..
وفي النهاية
باص لجميع الشلة اذكر منهم متوكل بشير مكانيكا
وعلي خضر وأكتر من خمسة ستة كده .. ولكن ..

انا الشرحتها ليهم ده ما باصيت !!

Post: #76
Title: Re: هنا نتحاور و نتعرف على صلاح اليون ... مرحبا بكم
Author: طارق الكوتش
Date: 07-24-2009, 09:35 AM
Parent: #74

امتاع حتى الاشباع
رائع يا ليون

ياريت يا ليون تحدثنا فى الحدود الممكنه
عن اصدقائك فى الجامعه اكثر فاكثر
وده عشان نتعرف عليهم بزاويتك
وخصوصا
لؤى نمر
عاطف مرسى
زهير آدم
محمد كرار

ومتابعين و راجعين

Post: #77
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 07-25-2009, 06:35 AM
Parent: #76

Quote: باص لجميع الشلة اذكر منهم متوكل بشير مكانيكا
وعلي خضر وأكتر من خمسة ستة كده .. ولكن ..

انا الشرحتها ليهم ده ما باصيت !!

(ويؤثرون على أنفسهم ولو كان بهم خصاصة) ،،

Post: #78
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 07-25-2009, 06:44 AM
Parent: #77

Quote: كان من أفضل لحظات سعادة دفعة 88
إنو التاج دروينج في السنة ديك
ما عارفو مشا وين ..

نص عمركم ضاع ،،

أسأل خليل وكيكي ،،

Post: #79
Title: Re: هنا نتحاور و نتعرف على صلاح اليون ... مرحبا بكم
Author: Hisham Magzoub
Date: 07-25-2009, 11:46 AM
Parent: #78

Quote: باص لجميع الشلة اذكر منهم متوكل بشير مكانيكا
وعلي خضر وأكتر من خمسة ستة كده .. ولكن ..

انا الشرحتها ليهم ده ما باصيت !!

ياليون
الناس دى معترفه بالجميل العملتو فيها

Post: #81
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-26-2009, 03:42 PM
Parent: #79

Quote: ياليون
الناس دى معترفه بالجميل العملتو فيها

يازول ها اكلو وقشقشو خشومم ونزلو خم
في تسجيلات السنة الجديدة وانا قاعد
محكوك في التجهيز للصب ..

Post: #80
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-26-2009, 03:39 PM
Parent: #78

Quote: نص عمركم ضاع ،،
أسأل خليل وكيكي ،،

بالجد يا خليل وكيكي الزول ده لامن كنا نحنا في تانية
كان اختفى وين .. لانو في تالتة رحلة الدمازين وسنار
وهي مشتركة بين ميكانيكا وكهرباء اذكر تماما روعة
الدكتور الاسمو التاج .. ياخي طيلة الرحلة ونحنا بنأشر
عليهو من بعيد ونقول داك دكتور التاج .. وما كانو
بيتكلمو معاهو إلا ناس الفيرست وعباقرة ميكانيكا ..
لكن لما نزلنا هناك واخدنا وادينا معاهو وشفنا قفشاتو
لقيناهو دكتور من اروع ما يكون .. وتماها لينا في الاخر
إنو لعب معانا الكورة عديل وكان في القسمة بيقيف
في الصف وانا الكنت بعزلو في فريقي لانو كان لعااااب

Post: #82
Title: Re: هنا نتحاور و نتعرف على صلاح اليون ... مرحبا بكم
Author: Amna Mohamed Arh
Date: 07-26-2009, 06:39 PM
Parent: #80

مساك خير يا ليون

متابعين سردك الممتع

Post: #84
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-26-2009, 07:24 PM
Parent: #82

Quote: مساك خير يا ليون

متابعين سردك الممتع

ويمسيكي يا آمنة ..
بكره إنشاء الله ننتقل لي سنة تالتة
وهي سنة المقاطعة ..

Post: #83
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-26-2009, 07:23 PM
Parent: #76

Quote: ياريت يا ليون تحدثنا فى الحدود الممكنه
عن اصدقائك فى الجامعه اكثر فاكثر
وده عشان نتعرف عليهم بزاويتك
وخصوصا
لؤى نمر
عاطف مرسى
زهير آدم
محمد كرار

إنشاء الله يا كوتش
حاضرين .. أي سؤال

Post: #85
Title: Re: هنا نتحاور و نتعرف على صلاح اليون ... مرحبا بكم
Author: Hisham Magzoub
Date: 07-27-2009, 09:01 PM
Parent: #83

Quote: يازول ها اكلو وقشقشو خشومم ونزلو خم
في تسجيلات السنة الجديدة وانا قاعد
محكوك في التجهيز للصب ..

لا دى انا ممكن اشهد فيها
الناس ديل مشو سجلو لكن ما قصروا لحقو ودخلوك فى التسجيلات

Post: #86
Title: Re: هنا نتحاور و نتعرف على صلاح اليون ... مرحبا بكم
Author: Hisham Magzoub
Date: 07-27-2009, 09:04 PM
Parent: #85

بالله ياليون شوية نشاط

عشان قبل يوم 8/8 نكون وصلنا معاك محطتك الاخيره

Post: #87
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-28-2009, 12:00 PM
Parent: #86

Quote: بالله ياليون شوية نشاط

عشان قبل يوم 8/8 نكون وصلنا معاك محطتك الاخيره

غايتو حنحاول يا هشام
واليوم اتغير .. يعني بعد 13/8 وهو يوم سفري للسودان
بعد ما نجيب الأكيدة إنشاء الله بنزلها في اليوم الحار

Post: #88
Title: Re: هنا نتحاور و نتعرف على صلاح اليون ... مرحبا بكم
Author: صلاح مختار
Date: 07-29-2009, 01:33 PM
Parent: #87

ليون

افووووووووووووووو
الأكيده ماعندك؟؟؟؟؟!!!!

Post: #89
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 07-30-2009, 06:40 AM
Parent: #88

صلاح لماح ،،
Quote: افووووووووووووووو
الأكيده ماعندك؟؟؟؟؟!!!!

الأكيدة من شارع العرضة ،،

Post: #90
Title: Re: هنا نتحاور و نتعرف على صلاح اليون ... مرحبا بكم
Author: صلاح مختار
Date: 07-30-2009, 09:55 AM
Parent: #89

إبراهيم
Quote: الأكيدة من شارع العرضة ،،

قالوا مريخاب بالميلاد.

Post: #91
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 07-30-2009, 10:07 AM
Parent: #90

صلاح ،،
Quote: قالوا مريخاب بالميلاد.

كان كدي إطمئنينا على مستقبل الليون تب ،،

الشافو رافع علم المريخ ما يستغرب ،،

أدوها صنة بس ،،

Post: #92
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-30-2009, 11:17 AM
Parent: #91

شنو يا صلاح مختار
اول حاجة انا مع البنيه حتة واحدة
يعني لما اقول بديكم الاكيدة بتكلم عننا
نحنا الاتنين والكلام ده زكرتو سابقاً..
لكن انا بتكلم عن ابوها .. وهو مبدئيا
كده قال يوم 17/8 .. وطبعا هو ليهو
ترتيباتو ..

Post: #93
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 07-30-2009, 11:22 AM
Parent: #91

Quote: الشافو رافع علم المريخ ما يستغرب ،،

ماااااأظن
هي ما كان عندها شغلة بي هلال او مريخ
لكن لما جات ولقت القلب حقي مايل للهلال
تاني خلاص الموضوع صار منتهي ..

Post: #94
Title: Re: هنا نتحاور و نتعرف على صلاح اليون ... مرحبا بكم
Author: Hisham Magzoub
Date: 07-30-2009, 11:51 AM
Parent: #93

Quote: لكن انا بتكلم عن ابوها .. وهو مبدئيا
كده قال يوم 17/8 .. وطبعا هو ليهو
ترتيباتو ..

ياليون كلامك دا ما بطمن

اركز يا ولد

Post: #95
Title: Re: هنا نتحاور و نتعرف على صلاح اليون ... مرحبا بكم
Author: فوزى عبد الفتاح
Date: 08-02-2009, 09:36 AM
Parent: #94

Post: #96
Title: Re: هنا نتحاور و نتعرف على صلاح اليون ... مرحبا بكم
Author: فوزى عبد الفتاح
Date: 08-02-2009, 09:42 AM
Parent: #95

Post: #97
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 08-02-2009, 10:40 AM
Parent: #96

لا لا يا فوزي
مبالغة لكن .. بركة الجيت بركة الجيت
يازول جيتك بالصورة دي كده تكفي ..
بس عشان نحكي ونقول قصتها شنو
حاول كبرها اكتر من كده يازول ..
وما عليك البوست يتفتل وللا يتعوج
انا بعدين بصلحها .. بس جيبا كبيرة

Post: #98
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 08-03-2009, 11:13 AM
Parent: #97

تعرف يا ليون ،،

أنا عندي صورة جماعية في الإبتدائي ،،
الخالق الناطق ذي صورتكم دي ،،

نفس الأشكال ،،
ونفس الرصة ،،
ونفس كتيف اليدين ،،

لما أنا ذاتي شكيت ،،
قلت الليون ده كان معانا في مدرسة الهجرة الإبتدائية ولا شنو ؟

غايتو ،،

حا أجيب ليكم الصورة ،،

Post: #99
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 08-03-2009, 12:15 PM
Parent: #98

تعرف يا ابراهيم انا زاتي حيرني فوزي ده
طبعا هو زميل دراسة الابتدائي 6 سنين ومن
بعدها رحل عن اشلاق البوليس إلى الصحافة
وما لاقيتو تاني إلا في الجامعة .. وهسه
الصورة دي انا شايفها طشاش طشاش كده
وكان ما اخاف الكضب اقول ده كانت في
سنة سادسة لما خلاص عايزين نودع الابتدائي

لكن بس هو صغرها شديد .. وصلاح مختار
رسل لي التلفون بتاعو لكن ما قاعد يرد
الظاهر مشغول .. غايتو بعدين بتفق معاهو
لو طلعت ياهو يعمل ليها اسكان بوضوع
ويرسلها لي بالايميل .. عشان بعد داك
نبحث عن فضولي !!

Post: #100
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 08-03-2009, 12:51 PM
Parent: #99

ليون ،،

ok

قررت أطويها ليك ،،

Post: #101
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 08-03-2009, 12:52 PM
Parent: #100

وفعلا ،،

Done

Post: #102
Title: Re: هنا نتحاور و نتعرف على صلاح اليون ... مرحبا بكم
Author: فوزى عبد الفتاح
Date: 08-03-2009, 02:17 PM
Parent: #101

والله يا ليون دى اكبر صورة ممكن ارسلها انشاء الله تكون واضحة
لكن يا اخوى المشكلة ما فى الصورة المشكلة انت نسيتها كلو كلو
غريبة انك تنساها وما فات عليها غير سنين معدودات

الصورة فى سنة اولى ابتدائى سنة...... تحديدا في الشهر التانى
من دخولنا المدرسة

طبعا انا كنت متخيل البحث عن فضولى ما حايكون صعب لانو فيهو حاجة مميزة
لكن بعد ما فضولى ذاتو ما عرف الصورة كلها حقو نرصد جائزة للبتعرف على
فضولى رغم انى انا تقريبا قلت 80% من الحل

المشكلة ما فى فضولي المشكلة فينى انا ما اظن زول يقدر يعرف صورتي
انا زاتى لو ما حافظ محلى من زمان ما كان عرفت

Post: #104
Title: Re: هنا نتحاور و نتعرف على صلاح اليون ... مرحبا بكم
Author: صلاح مختار
Date: 08-03-2009, 03:24 PM
Parent: #102

يا فوزي
انت في زمننا الشفع كان عندهم اربعه كرعين؟

بالله عليك الله شوف الناس القاعدين في الارض ديل.

فضولي ظاااااااااهر بالشعر.

Post: #107
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 08-03-2009, 05:56 PM
Parent: #104

Quote: انت في زمننا الشفع كان عندهم اربعه كرعين؟
لقيتك لمّاح لكن يا صلاح مختار واصلو ما بتفوت حاجة

ياخي ده مالزمن الرخي لما جوز الحمام كان تلاتة..

Post: #105
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 08-03-2009, 05:36 PM
Parent: #102

Quote: الصورة فى سنة اولى ابتدائى سنة

أولى ابتدائي يافوزي .. ياخي حرام عليك
لا انا في دي حاغالطك وحيفصل بينا عبدالله عبدالرحمن
لانو قال الصورة دي تقريبا عندو في البيت .. وهو
حيضرب ليك من الامارات ..
يافوزي الصورة دي اتذكر إنها في السنين الاخيرة
ياخامسة يا رابعة يا سادسة .. وكان ما اخاف
الكضب كمان اقول ليك إنو استاذ صلاح بشير هو
الكان مسئول عن تلقيط القروش مننا وكانت 40 قرش
وحتى الما كان بيجيب القروش ما بياخد نسخة من الصورة

غايتو نشوف عبدالله بيقول شنو .. لكن كده الصورة وضحت
وانا هسه قاعد افتش في نفسي زاتها خليها انت وللا عبدالله

Post: #103
Title: Re: هنا نتحاور و نتعرف على صلاح اليون ... مرحبا بكم
Author: إسماعيل حسن
Date: 08-03-2009, 03:22 PM
Parent: #100

ليون العريس سلامات.
زمان كان اي إطراء لناس هندسة نقابله فى إقتصاد بالنكران والاستهجان والرفض القاطع . لكن فى كل يوم احشر نفسي بيناتكم فى منبركم الحار ده ويومكم الحار بتاع زمان تلاقوني اقول هندسة عسل وزيادة كمان.
ليون اتمني ان اشاركك فى عرسك لاني نازل إجازة فى منتصف رمضان وإلي ما بعد العيد.ودعواتي مقدماً بعرس مبروك وميمون.
واحب أذكرك اني قاعد منتظر أشوفك حتفضفض عن جولاتك فى إقتصاد ولا حتتجاوزها ..
تحياتي ليكم كلكم يا ناس يارايعيين.

Post: #106
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 08-03-2009, 05:40 PM
Parent: #103

Quote: واحب أذكرك اني قاعد منتظر أشوفك حتفضفض عن جولاتك فى إقتصاد ولا حتتجاوزها

اخ اخ ..
فضفضة عديييل كده ..
يا سمعة والله ده باب لو اتفتح بيجيب لينا الكتاحات والاعاصير
لكن في ظل إنشغال الطرف الآخر ما في مانع حنلمح لمقتطفات..

خليني اشوف الصيغة المناسبة وإنشاء الله حنشوت في الاتجاه ده

طبعا التعديل حيكتر في الحتات دي

Post: #108
Title: Re: هنا نتحاور و نتعرف على صلاح اليون ... مرحبا بكم
Author: Hisham Magzoub
Date: 08-04-2009, 10:39 AM
Parent: #106

Quote: وكانت 40 قرش

ليون ما تحرجنامع الناس الصغار

Post: #109
Title: Re: هنا نتحاور و نتعرف على صلاح اليون ... مرحبا بكم
Author: Amna Mohamed Arh
Date: 08-04-2009, 11:17 AM
Parent: #108

الليون
لكن الصورة مبالغة
فضولي دا الا تفتشه بعدسة مكبرة
بعدين مالكم مكتفين يدينكم ورجلينكم

Quote: وكانت 40 قرش

يعني كانت غالية ولا معقولة

Post: #110
Title: Re: هنا نتحاور و نتعرف على صلاح اليون ... مرحبا بكم
Author: Hisham Magzoub
Date: 08-04-2009, 11:55 AM
Parent: #109

Quote: يعني كانت غالية ولا معقولة

ليون
دا ما الكنت خائف
حقو يكون عندك مرجعيه
يعنى تقول الاربعين قرش البتجبليها25 سندوتش طعميه

Post: #111
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 08-04-2009, 11:59 AM
Parent: #109

Quote: يعني كانت غالية ولا معقولة

والله حسب مكالمتي مع واحد من اصحابي وهو موجود
بالصورة المبلغ بيكون غالي جدا.. واحتمال يكون
الرقم بالقيمة دي ما صحيح .. لانو زكرني
بإنو الوقت داك كانت العملات كالتالي:
ريال = 10 قروش .. ودي كانت بتصرف البيت يوم يومين
شلن = 5 قروش .. ودي بتجيب كيلو لحمة
فريني = قرشين .. ودي مصاريف اليد كانت
تعريفة = نص قرش .. الحلاوة والايسكريم والذي منو
يا حليييلكم

Post: #112
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 08-04-2009, 12:13 PM
Parent: #111

ليون ،،
Quote: الحلاوة والآيسكريم

هو على زمنكم داك كان في آيسكريم ؟

قول الداندرمة ،،،

_____________

مافي زول يقول لي الداندرمة يعني شنو ،،،

Post: #113
Title: Re: هنا نتحاور و نتعرف على صلاح اليون ... مرحبا بكم
Author: Amna Mohamed Arh
Date: 08-04-2009, 04:02 PM
Parent: #112

Quote: مافي زول يقول لي الداندرمة يعني شنو ،،،

ابراهيم الداندرمة دي بنعرفها ياخي

اقول ليك كمان الناس بقت تاكلها في الجامعة

Post: #114
Title: Re: هنا نتحاور و نتعرف على صلاح اليون ... مرحبا بكم
Author: Hisham Magzoub
Date: 08-05-2009, 08:57 AM
Parent: #113

Quote: اقول ليك كمان الناس بقت تاكلها في الجامعة

امونه

اخسسسسسسسسسسسسس على دا زمن

Post: #115
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 08-13-2009, 05:51 AM
Parent: #114

السلام عليكم ،، صباح الخير
طبعا كنت مشغول بالتجهيز للسفر عشان كده
ما قدرته اواصل واجيب باقي الزكريات ..

لكن تبقى في الأجندة :
1/ سنة تالتة المقاطعة
2/ سنة رابعة وخامسة التخريج مع بعض
3/ الخدمة الالزامية
4/ الشغل في سوداتل 3 سنوات
5/ الإغــــــتراب
6/ سؤال الكوتش عن بعض من الاصحاب بالأسماء الواردة
وده كلو إنشاء الله بعد العودة ..

اليوم إنشاء الله سفري للسودان قيام الساعة 4 ووصول 8 مساء
إنشاء الله سيكون العقد بمسجد أبوبكر الصديق (بحري)
أو مسجد النيلين (الخرطوم) يوم الاثنين 17/8
حسب ظروف معينة كده إنشاء الله سأكد المكان بكره
بعدها الكل مدعو لتناول العشاء بدار الأطباء

Post: #116
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 08-13-2009, 06:21 AM
Parent: #115

العريس ،،

بطِّل كبكبة ،،

Quote: أو مسجد النيلين (الخرطوم)

مسجد النيلين في أمدرمان ،،

Post: #117
Title: Re: هنا نتحاور و نتعرف على صلاح اليون ... مرحبا بكم
Author: طارق عجبنا
Date: 08-13-2009, 07:10 AM
Parent: #116

ألف ألف مبروك مقدما لو كنت عارف كنت أخرت حضورى من السودان لانى رجعت من قبل اسبوع

Post: #118
Title: Re: هنا نتحاور و نتعرف على صلاح اليون ... مرحبا بكم
Author: علاء الدين محمد بابكر
Date: 08-13-2009, 12:10 PM
Parent: #117

Quote: عشان كده
ما قدرته اواصل واجيب باقي الزكريات

يا حليلك..انت قايل نفسك حا تقدر تواصل تاني؟؟
والله الا من مكان الشغل زي ناس كتار...

Post: #119
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 08-15-2009, 06:00 AM
Parent: #118

علاء الدين ،،
Quote: والله الا من مكان الشغل زي ناس كتار...

قصدك شنو ،،
قصدك منو ،،

سريع ،، سريع ،،

Post: #120
Title: Re: هنا نتحاور و نتعرف على صلاح اليون ... مرحبا بكم
Author: عثمان جلال الدين
Date: 08-20-2009, 06:28 AM
Parent: #119

ألف مبروووك للعريس الرائع
صلاح الليون وإن شاء الله بيت مال وعيال..
والتحية من الدوحاب والدروشاب والكوستاب..

وتحية جنباوية كده لتنقا الاقتصاد إسماعيل حسن ..

Post: #126
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 08-31-2009, 08:42 PM
Parent: #120

Quote: ألف مبروووك للعريس الرائع
صلاح الليون وإن شاء الله بيت مال وعيال..
والتحية من الدوحاب والدروشاب والكوستاب

ود النعيم الله يبارك فيك ياخي
وتنقا الاقتصاد ده هنا لاعب لينا راس حربة عديل كده
إسماعيل لو ماعرفته صاحب الكوت اعلاه قول لينا ..

Post: #121
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 08-31-2009, 07:53 AM
Parent: #118

Quote: يا حليلك..انت قايل نفسك حا تقدر تواصل تاني؟؟

عـــدنـــا !!
بس شوية خلو الواحد يتلمه على نفسو
وبعد داك إن شاء الله حنــواصــــل

Post: #122
Title: Re: هنا نتحاور و نتعرف على صلاح اليون ... مرحبا بكم
Author: طارق الكوتش
Date: 08-31-2009, 08:37 AM
Parent: #121

مبروووووووووووك يا ليون الزواج
وانشاء الله بيت مال و عيال

Post: #123
Title: Re: هنا نتحاور و نتعرف على صلاح اليون ... مرحبا بكم
Author: Hisham Magzoub
Date: 08-31-2009, 08:39 AM
Parent: #122

Quote: عـــدنـــا !!
بس شوية خلو الواحد يتلمه على نفسو

وانت المشتتك شنو

Post: #124
Title: Re: هنا نتحاور و نتعرف على صلاح اليون ... مرحبا بكم
Author: ابراهيم محمد الحسن
Date: 08-31-2009, 08:57 AM
Parent: #123

هشو ،،
Quote: وانت المشتتك شنو

مشتتاه الرد كاسل ،،
الكان حاتل جوارها ،،

Post: #125
Title: Re: هنا نتحاور و نتعرف على صلاح اليون ... مرحبا بكم
Author: Amna Mohamed Arh
Date: 08-31-2009, 09:14 AM
Parent: #124

الليون،،،

مبروووووووووووووووووك
وإن شاء الله بيت مال وعيال
وحمدلله على السلامة

ورمضان كريم

Post: #128
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 08-31-2009, 08:53 PM
Parent: #125

Quote: مبروووووووووووووووووك
وإن شاء الله بيت مال وعيال
وحمدلله على السلامة

ورمضان كريم

الله يبارك فيكي وعقبالك

الله يسلمك

وتصومو وتفطرو على خير يا ناس الخرطوم
غايتو رمضان جاملني اول اربعة ايام
كان بااااارد ومغيييم لكن هسه قالو
قاعد يعصر شوية شوية

Post: #130
Title: Re: هنا نتحاور و نتعرف على صلاح اليون ... مرحبا بكم
Author: sara Eltayeb suliman
Date: 08-31-2009, 09:18 PM
Parent: #125

الف مبروووووووووووك ياليون...

وربنا يوفقكم ويسعدكم...

Post: #129
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 08-31-2009, 08:57 PM
Parent: #124

Quote: مشتتاه الرد كاسل ،،
الكان حاتل جوارها ،،

غايتو يا ابراهيم ما كان فاضل إلا وادخل اتابع لي تمرين
الحمد لله ايامي الحمراء مرت .. عقبال ما تخضر ..

Post: #127
Title: Re: هنا نتحاور و نتعرف على صلاح اليون ... مرحبا بكم
Author: صلاح ليون
Date: 08-31-2009, 08:47 PM
Parent: #123

يا هشو
ما نحنا بقينا في الهوا سوا
يعني المشتتننا ما انت عارفهم